رواية قصة زهراء الفصل الثامن والعشرون بقلم زينب نور
زهراء:شويه ودخلو امي ونسوان خواني وبيت عمي حاتم كلهن
كلها مخبوصه مانعرف شصاير كعدت خالتي مرت عمي حاتم سىلتها عمتي سعاد شصاير كالتلها
الفهمناه قاسم غير ضابط قبل يومين لزمين ولد ثنين من ذولي الهتليه الطايح حضهم
متحرشين ببنيه والبنيه مخطوبه كايم خطيبها فاسخ الخطوبه
لان كامت تطلع اشاعات عليها صايره هوسه وكعده مال عشاير كوم ياابو البنيه واشتكي عليهم
لان البت سمعتها توصخت
لزمهم قاسم صاله يومين
كالساع وجايين اهلهم يردوهم واهل البنيه ماسحبو الشكوه لان صار بيها سالفت عرض
اليوم الظهر لكي قاسم على سيارته
وصله وبيها ورقه وطلقه مهددينه
اهل الولد
فهو ماكايل لعمي ولا خوانه
لمن هسه متصل عليه رقم وطلع يخابر ادكول مرته سمعته يكلهم اذا انتم زلم ضلو انه جايكم
لحكينه عمار والولد كايللهم بس مامخلي واحد يروح وياه هل اجو علينه والولد طلعو كلهم
صارت الساعه ١١محد اجه ولا احد بين اتصل على ياسر يدك ومايشيله
للساعه ١كالنه كاعدين بالصاله بس حمزه يمنه والجهال نومت
شويه وسمعنه صوت سيارات
اجو دخلو كلهم للستقبال وكفنه وره الباب نصنت..
صالح:بويه ادري ماعندك عقل شلون اتروحلهم وحدك
قاسم:شنهي عمي خايف منهم والقران اسحلهم سحل بس هم مخانيث مااجو جا علمتهم المراجل اشلون
حاتم:بويه اكعد واذكر الله مالنه حيل مشاكل باجر لا اداوم
قاسم:شنهي جاهل كدامكم
الزلمه خل يطلع بوجهي ويشوف
زهراء:كلهم يصيحون وهو معند اله يروح
اشويه هده الجو اخذهم عمي حاتم وراحو واهلي هم راحو صعدت للغرفه لان قفلت كلش
تمددت وغفيت ماحسيت على ياسر من صعد ماادري بيه للساعه ٨ كعدت بدلت ونزلت اتريكو وخلصو طلعو للمضيف
اجوهم زلم كمنه ركبنه الغده
وللظهر رجعو اتغدو وطلعو هم
العصر ساعه ٥ كالنه كاعدين ودك تلفون عمتي سعاد ردت خالتي سميرة مرت عمي حاتم تسئل على عباس ابن قاسم عبالها عدنه كلتلها لا مو عدنه
للمغرب اجو بس كلهم اوجوهم مخطوفه خفت اسئل ياسر لا يزهك بيه
شويه ومانسمع بس شي انشمر من فوك باب الحوش طگ بشباك المطبخ طلعنه على صوت كسر الجامه مال الشباك شال ياسر الورقه وطابوكه بيها قراها
ياسر:اياااا مخانيث
الجد:كول شنهي شمكتوب
زهراء:مارد على جدي خل وطلع والورقه بيده
ياسر:رحت دكيت الباب على بيت عمي حاتم طلع قاسم فتح الباب وهو يكول عباله عباس ابنه
قاسم:ابن الک.... وين....هااا عبالي عباس عدكم
ياسر؛انطيته الورقه عيونه صارن بگصته طلعو الجلاب ماخذين عباس اطلع ابنه نطيكم ابنكم
دخل طلع عمي افتهم السالفه والولد وام عباس كامت ادك على روحها وتبجي
زهراء:ساعه ورجع ياسر ويه عمي حاتم وولده عرفنه شصار خطيه عمره ٦سنوات
الله ياخذكم...
لثاني يوم العصر كلشي ماببن عن عباس وامه خطيه اتخبلت بس تبجي وكالساع طايحه وشايليها للمستشفى
اهل البت معندين مايسحبون الشكوه وذلي يصيحون اطلع ابنه ننطيكم بتكم
راحو العصر جدي عمامي وزلم هواي لهل البنيه بالفاو
للمغرب ياله رجعو
ياسر:رحنه لهل البنيه حتى يسحبون شكوتهم بده جدي وياهم بالحجي كال ابوها
جبار:شيخ جيتك على يني وعلى راسي بس بعد الحجي والسوالف الطلعوها على بنتي عگالي صار بالطين
والبت بطل منها خطيبها وحق الله النيه من الجامعه للبيت مايوم طلعت عليها كلمه بس ماادري ذولي منين طلعولي ووصخو سمعتها
ومثل مااشوف احنه عشاير والكلمه تلزگ بالبنيه
الجد:خويه حگك بس ابنه عدهم مالنه ذنب احنه بمشاكل الطرفين
اذا اتريد بنتك ناخذها ونستر عليها
قاسم:عمي بنت انه اعقد عليها
جبار:شيخ انتم هم حكم انه ادري ابنتي شريفه والزله ماتطلع منها بس حشاك طاحت بحلك ناس مو اوادم
كامو يصفطون بالحجي عليها وعلى شرفها
قاسم:عمي البت نستر عليها ونزوجها بس اسحب الشكوه رحمه لهلك انه لو راح ابني محد يفيدني
ياسر:اتفقو باجر يسحب الشكو ويكعدون عشائريا ويفصلون اهل الولد اذا طلعت البنيه شريفه
اتفق جدي يزوجها لواحد
بس ماندري ياهو للمغرب وصلنه
زهراء:دخلو تلكتهم ام عباس كلبها مفرفح خطيه كلولها نحلت وانشاءالله ابنج باجر يرجع لحضنج
خطيه فرحت ياسر صعد وصاح عليه صعدت وراه
ياسر:خليلي ملابس بالحمام
زهراء:حضرتلها الحمام واجيت اطلع دخل وسد الباب خفت اول مره من زواجنه ليهسه ماداخلين حمام سوه كتله بس خل اطلع
ياسر:لا تعبان اريدج اسبحيني
زهراء:لا فدوووه بس اطلع
ياسر:شبيج وجهج انخطف ههههه
اطلعي بويه اطلعي لا تنجلطيني عليه وابتلي بيج
زهراء:طلعت وهوه يضحك باوعت وجهي بالمريه عركان
نزلت حضرنه العشه راح احمد يجيب كباب ساعه ورجع جايب ٥صواني كباب جهزنه السفره وشالو الاكل نزل ياسر لابس تراك اسود نص ردن والتشيرت لازك على جسمه مفصله تفصل ضليت اباوع وراه ماادري بدعاء اتحاجيني
دعاء:خااايبه هااااي هسه هووه ياهو مهند نازل
زهراء:هاا شنو شبيج
دعاء: خايبه دكومي خابصتنه برجلها كومي اخذ السفره للصاله
زهراء:فرشتها للنسوان ماعدنه احد غريب اهلي وبيت عمي حاتم
تعشينه وبده الجاي طاحن رجليه كالساعه كايمه
اكلك انته ماتجي بس على جاي ماتملون شنو وين يطيح بصفكم
حمزه:دصبي هسه هوه جاي شصابه قوزي
زهراء:اسمعله ابو القوزي
كاعد نحجي ودخلت ملاك بنت اخوي عمرها١٥ سنه
اشوف حمزه عينه عليها بس هي مامنتبهتله انطيته الصينيه وهمستله
عينك شيلها عن بت اخوي لا اعميها الك
حمزه:هاا وحمس حتى شبيج
زهراء:ولك مني حمس مرت عمك احترمني
حمزه:هههه مرت عمي اكبر مني بسنه ههههه والله مرت عم
زهراء:ليش ماعاجبتك ولك
ههههه خله وطلع رجعت كعدت يمهن صحت ملاك ماردتها تطلع اخبث عليه لليل كلش طشو كلمن لبيته
لثاني يوم جدي ذبح فده وعزم الكرايب كالها على الغده راح قاسم منطينه عبوسي
تغدو كالهم والمه اتخبل لان كلهم ملتمين بس
وره الغده قاسم اخذ ياسر وراحو للعصر دخلو وياهم بنيه تطلع هيج بعمري تقريبن
ضلينه صافنين ماعرفناها منو لمن كال جدي قاسم راح يعقد عليها
الصراحه اتفاجئنه وعرفناها البنيه المتحرشين بيها
نور مرت قاسم زعلت وكامت تحجي حگها الشريجه تموت
وهاي بنيه صغيره اخذوها جدي وقاسم بغرفه بيبي
قنعوها انو مايتقرب لها بس يثبت برائتها طلعت نور هم بعدها ضايجه اجه السيد وعقدو للمغرب راحو للبيت كالها طشت
مر اسبوع ياسر راح للدوام
بيومها محد بالبيت منال عند امها وعمتي سعاد مسيره عد سهى ودعاء رايحه لختها جايبه
ضلينه انه وفاطمه وعمتي ام ياسر جدي والولد وعمي بالمضيف فاطمه سوت الغده كلتلها راح اصعد اعزل الغرفه واغس الملابس
صدك صعدت خليت الملابس بالغساله
ودخلت كنست الغرفه ومسحتها
لمعتها
صارت نضيفه ياسر صاله يومين من راح
كملتها طلعت المبخره وخليتها على المكتب مال ياسر عنده طاوله وكرسي جوه الشباك عليه اوراق اله وهاي السوالف
شغلت المبخره النقطه اصير يم الشباك
شغلتها بخور فحم المهم خليت البخور
صفطت الملابس بالكنتور
سمعت صوت الغساله خلصت التفتت الشباك مفتوح والبرده مرفوعه سحبتها بسرعه وطلعت طلعت
شطفت الملابس وجففتهن وشريتهن كملت نزلت يم فاطمه خلصنه الغده توضيت ودخلت بغرفه بيبي اصلي صليت وسمعت صوتهم اجو
طلعت صبينه انه وفاطمه
وكعدنه كالنه بالصاله
خلصنه شلت الماعين ماادري شلون ذكرت البخور شلون اجه على بالي صعدت متئكده مامطفيته
دخلت واشوف.....
