رواية الشيخ سلطان الفصل السابع والعشرون بقلم زينب نور
سلطان
طبيت للبيت وعيوني معلكه بكصتي اول ماطبيت شِفـٍـت زينب صحت شمس وينها
زينب/شبيك شيخ خيرك
سلطان/كتلج شمس وينها
زينب/فوك بغرفتها
سلطان/صعدت اركض التليفون بيدي وصور لمحادثه وجسمي يرجف دفرت الباب وطبيت
شمس/داريد انزل لان بهالوقت يرجع سلطان شو محسيت اله الباب اندفر وطب سلطان بس مو سلطان زوجي وابن عمي شخص ثاني طب وقفل لباب
سلطان/تقربت عليها جريتها من زندها حيل ولج هاي الصفحه مالتج مو
شمس/ايي سلطان شبيك ايدي اي هاي صفحتي
سلطان/وهاي صورتج مو
شمس/اي صورتي
سلطان/ولج وتكولين اي تعترفين اي ولج شمس انه تخونيني وتعشكين ولد وتتغزلين بيه فقدت ركعت التليفون بالكاع ولفيت شعرها بيدي واعيط بوجها ولج تخونيني ولج ساقطه انه شلون امنت بيج وانتي جايتنه من اخر لدنيه ركعت راسها بالحايط حيل ولج قبلت بخرابيطج كلها وكلت ميخالف طفله وانضحك على عقلها وسويتيني متخلف وشبهتيني حالي حال الحيوان وكل هَََـٰـّذْٓا👈 وقبلت وحبيتج ولج حبيتج انطيتج كلبي دستي عليه برجليج ولج البوم اله اموتج ولج انه حته هدى الي جنت ميت بيها عفتها الخاطرج ولج فضلتج على ام جهالي وصبرت عليج وتحملتج وكلت ميخالف كلشي يهون لخاطها احبها تالي تطعنين بضهري يا خقيره ولج انه تخونيني ونسويتني لازك بيج كوه
شمس/انتهيت بيده بــَس اعيط والله مخاينتك بس سلطان فاقد شعري كله تملخ بيده وبقه يركع براسي حيل حسيت بغواش بعيوني صرت جثه بلا روح استسلمت مادافعت على نفسي لان سلطان مينطي مجال ابد
سمعت الباب يدك قوي زينب تصيح حته يفتح لباب
سلطان/زينب كسرت لباب وانه فاقد عليها اخر شي سحلتها من شعرها وركعتها بالكاع حيل ماحركت بعد لا ايد ولارجل فقدت الوعي ورغم هذا ماشفى غليلي دفرتها ابطنها حيل وتفلت عليها شكد احبها واعشقها بس مال توصل للخيانه لا مستحيل هالشي عندي اكتلها حلال شفتها فقدت لوعي اعصابي كلها ترجف دمعتي ماتنزل ابد وشكد قوي بس نزلت دمعتي بقيت احجي وياها بس عي ماتسمعني فاقده
لَيــِْش هيج شمس شسويتلج وتخونيني ولج بشنو قصرت وياج عاملتج حالج حال بتي ولج صبرت عليج شهور حته ماتهنيت بعرسي وياج كلها ليله وحده مسحت دمعتي وشفت خصل شعرها بيدي ذبيته وفتحت لباب زينب تريد تحجي وياي دفعتها وقفلت لباب على شمس واخذت لمفتاح ونزلت لكيت امي يم لدرج ماتكدر تصعد تصيح ولك يمه شبيكم شصارلكم شيطان دخل بينكم
باوعت عليها نزلت دمعتي
سلطان/يمه انه نخدعت بشمس يمه شمس اكتشفتها تخوني
امي/لطمت على صدرها ولك يمه شمس تخونك ولك يمه متاكد شمس لباب لحوش ماتطلع اله وياك
سلطان/بالتليفون يمه
عفتها وطلعت صعدت بسيارتي وين اريد اروح مادري افتر وافكر شلون شمس هـًُّـيًُْـچ سوت بيه بشنو قصرت وياها لنوب اعترفت الصفحه الها ولنوب صورتها يااربي صورتها هاي ولج شمس حبيتج حب مصاير انطيتج كلبي وحياتي وعقلي وكلشي ملكتي انتي تالي تغدرين بيه وتطعنيني بضهري بقيت لل10 بليل رجعت للبيت لكيت ابوي وامي وزينب كاعدين منتضريني تليفوني شمرته بالكاع وطفه يتصلون يطلعلهمم مغلق
اول ماطبيت ابوي صاح بيه وين لمفتاح طلع لبت بسرعه
سلطان/بويه رجاءاً لحد يتدخل انه وحرمتي
الشيخ/سلطان البت اذا خاينه انه بيدي اكتلها انه عمها وبيدي اغسل عارها روح طلع البت
امي/حجي يمه سلطان استهدو بالرحمن وتاكدو والله كلبي يكول شمس ماتسويهابس اهدء وتفاهم وي البت
سلطان/بقيت اصيح يمه شتفاهم كالت اني عي اعترفت شتفاهم رحمه لاهلج ولحد يتدخل خليها تاخذ درس ماتنساه طول عمرها
الشيخ/خابرولي على غسان يجي يكسر لباب
امي/لا بروح ابوك اكعد لحد يخابر هو يم بيت خالته بايت وبس يعرفون نصير علج بحلوك الناس يمه سلطان اسمع ابوك واصعد طلع لبت والله رجليه مابيه اصعد ليفوك وتدري بابوك هم مايكدر يمه لاتيبس راسك وطلع لبت
سلطان/كلت لحد يتدخل انه وحرمتي عفتهم وصعدت
فتحت لباب شِفـٍـْت شمس بالكاع نايمه حاضنه نفسها وطابكه رجليها على بطنها ونايمه مااريد اباوعلها ماريد ينكسر خاطري عليها رحت شلت تليفوني فتحته بدلت ملابسي واخذت التليفون طبيت ع الرقم اتصلت مغلق
طبيت ع الماسنجر فتحت حضر هدى واتصلت بيها صوت
شمس/فقدت من الضرب محسيت اله فتحت عيوني هدوء يمي ردت اكوم ماكدرت الم ابطني من الدفره مالته والم براسي فضيع موتني مديت ايدي تلمست راسي معنجر وبطني تاذيني لميت نفسي وحضنت نفسي وبقيت احجي وي روحي اني يتيمه واكيد رب العالمين راح يوكف وياي كولشي ماريد بس الحقيقه تنكشف والكل يعرف اني نضيفه ومخاينه زوجي موقفي كولش صعب بقيت ابجي لحد ماغفيت مادري شكد نمت بس فتحت عيوني سمعت صوت سلطان يحجي بالتليفون وبصوت عالي
اييي حبيبتي وانه هم مشتاقلج ومشتاق الايامنه قبل انـ شـاء الـلّه عن قريب نعيد كلشي ونعوض هاي السنين الي راحت منه
هنا عرفت دا يحجي وي هدى رجعلها واسمع الغزل وسوالف الحب وكل شويه يكلها رويحتي هاي الكلمه الي يكولها بس اليه بقيت ابجي واون من الالم راساً عطت اااااااه بطني
سلطان/فتحت حضر هدى وخابرتها واريد شمس تسمع اريـٍـد انتقم منها بكل الطرق نار بكلبي مستعره تاكل بيه شلون اطفيها ماادري احجي وي هدى وسمعت شمس تون مهتميت بس من سمعتها عاطت ااااااه بطني راساً سديت لخط وكمت وكفت يمها وصحت شبيج
شمس/بابا بطني موتتني لك بابا تعالي وين عفتني
سلطان/رغم كلشي بس من شفتها تستنجد بابوها كلبي عصرني عليها وهي تصيح بابا تعالي راح أّمُِوت بابا مالي غيرك لَيــِْش عفتني دنكت رفعتها حته تطب للحمام وصلتها للحمام دكت هدى جاوبتها
حبيبتي دقايق واخابرج
شمس راساً دنكت ع المقعد مال حمام وبقت تتقيء تذكرت هي حته ممتعشيه لان حابسها تقيئت الغدى كله وسوائل مي اخر شي شحطت وذبت دم شويه بقت تكح عًـٍُُيُِِِِونها حمر دم صارن ووجها هم احمر مسدت على ضرها دفعت ايدي مخنوكه بس كوه تحجي كالت ابتعد عني انه هم عفتها وطلعت على شنو اساعدها فوك خيانتها يمكن هاي لوغير شمس راساًاخلي طلقه براسها واموتها
علتها وطلعت دكت هدى جاوبتها بقيت اسولف وياها واضحك
شمس/اني شبه ميته بيده وهو يفتح خط على هدى يكولها حبيبتي دقايق واخابرج وكل الي سواه بيه وبسببه لنوب عود يساعدني قرفت منه وكرهته بكد حًبي اله كرهته دفعت ايده ماريده يلزمني مهتم اصلاً طلع واسمعه يسولف ويتغزل بيها سحبت نفسي كوه وصلت للكاع ونمت نفس ماجنت نايمه ع الكاع بلافراش بلاغطه بلا مخده
الالم ياكل بيه ومعدتي موتتني فارغه وهو يسولف ويضحك كلمه بعد كلمه يكولها الها اكره بلازيد غفيت
سلطان/نمت كعدت ع صوت المنبه كمت بدلت تقربت ع شمس حاضنه نفسها ونايمه بالكاع والجو بي بروده شويه وانه عايف السبلت للصبح مفتوح كاشه من البرد سحبت الغطى غطيتها انتبهت الكصتها معنجره وصايره زركه اخذت تليفونها غلقته وضميته وطلعت وقفلت الباب اخذت لمفتاح وياي رحت للدوام بس بقت روحي يمها بقت عيني على الوقت شوكت يخلص لدوام غلقت فوني حته اهلي ميخبصوني ويتصلون بقت روحي تلوب خلص لدوام رجعت للبيت اول ماطبيت تلكتني امي تدك على وجهه ولك لبت راح تموت المن حابسها وابوك من لبارحه بليل متخربط ضغطه صعد ولك شسويت للبت لاحس ولانفس زينب تدك لباب عليها متجاوبها لبت ماتت ولك
سلطان /بلعت ريكي من كالت تدك لباب عليها ومتجاوبها كلت شمس ماتت ﺸنـٌٍـٍوﯛ كبل صعدت اركض فتحت لغرفه وصحت شمس رحت عليها اركض علو نومتها بالكاع اكلب بيها فتحت عًـٍُُيُِِِِونها صايرات حمر دم وتحجي بصوت ناصي كوه طلعت الحجايه وخر من يمي حقير
سلطان/جريتها من شعرها حيل ولج منو الحقير انه حقير شو هواي تماديتي هيج ابوج رباج وعلمج اذا ممربيج انه الي اربيج مره متخلف مره حقير فوك يواد وجهج وعمايلج لنوب انتي ام الراهي وتغلطين ركعت راسها بالكاع ودفرتها على ضهرها حيل راساً عاطت عيطه حسيت لصون زرف اذني بقيت كاعد يمها ومخلي ايدي على راسي واحجي ولج ليش بشنو قصرت وياج حته تدورين غيري حب وانطيتج گـِْـِْلِْ الحب العندي دلال ودللتج مثل مادللت بنتي ولج عاملتج حالج حال هيا هـًُّـيًُْـچ انطاج كلبج تكسرين بيه ولج لَيــِْش هيج سويتي بيه وسويتي بروحج هم ولج وعلي حبيتك لدرجه مابدي افاركج لحضه وحده ولج ماتهنيت بيج ليله وحده وبقيت الوم بنفسي شلون اذيتها وليش هيج سويت بيها ومتحمس حته آٍجُـٍـٍيِ انام يمج منتضر لدوام شوكت يخلص تالي تجيني فضايحج
شمس/اسمع حجيه بس اني شبه ميته انتهيت لااكدر احرك ايد ولارجل بلاضافه الى صارلي يومين لكمه ممخليه بحلكي وتقيئت بىبطني ومعدتي وراسي وضهري كولهن ياذني هو كاعد يمي ويحجي ويعتب واني اتكطع من الوجع احتاجيت بابا اريد بابا بقيت اصيح بابا اريد بابا ودوني لبابا تًٓعْال شوف حالي شصار بيه اهلك الي كولتلي روحي يمهم اجيت وهذا حالي بسببهم
سلطان/اسمع حجيها واختنكت كمت طلعت وقفلت لباب نزلت لكيت غسان وايه مخابرتهم امي وجاين وكاعده تسولفلهم ابوي نايم ضغطه صاعد فدنوب
غسان/شبيك خويه تشك بشمس جا غير بتنه هي
سلطان/موشك اكيد السالفه اكيد ٱڱڵــك حسابها هو وصوره عرسها شتريدني اسوي اصفكلها واكلها عفيه عليج مريتي
غسان/انطيني الرقم
سلطان/مغلق الرقم
غسان/خويه انطنيه صاحبي ضابط بلامن الوطني وهو يكدر يجيب معلومات كامله عليه
سلطان/انطيته الرفم
ايه/اكللكم يمكن عرفت الي ورا السالفه لان شمس تحبك ومستحيل تخونك
سلطان/منوو احجي
ايه/مهند ابن عمكم
سلطان/شنووووو
ايه/خويه بس اهدء بداعت وليدك وخلي افهمك كلشي
من جنت بالمستشفى شفته صعد بسكوت صعدت وراه وشفته طب لغرفتك شمس جانت تصلي تدعيلك تكوم بالسلامه وسمعته يكلها كل عقلج سلطان يعيش هسه يكوت واخذج غصباً ماعليج وشمس بقت تصيح عليه وتطرد بي وهو كلها بسيطه متحلفلها وهي ماحجتلك تخاف عليك لاتكتبه تطب للسجن وعلي خويه وداعت وليداتي هذا الصار كله وهو مسوي هيج
سلطان/كعدت بالكاع على حيلي وخليت ايدي على راسي جا والحساب مال شمس
غسان/يكدر يسوي نفس الاسم ويخلي نفس الصوره يسحبها ويخلي
سلطان/وهو منين يعرف اسم حسابها
ايه/شمس وياي صديقه وانه صديقه وي غسان دائماً اعلقله وهو وي غسان اْكّـيد طاب على صفحتي وماخذ صفحتها مني وهي الصفحه باسمها يعني راساً يعرفها
سلطان/بقيت اعصر براسي والصوره مال العرس
ايه/خويه نسران عمك كدامي صورنها وحته ام محمد اخذتلها صورة تكلها لبنات ماكدرن يجني ورادن يشوفنج يمكن ماخذها من تليفون امه
غسان خابر صديقه وكله اريد معلومات مستعجل مسأله حياة وموت
كله هسه ادكه بالحاسبه بقينه ننتضر
سلطان/بقيت اعصر براسي واتخايل يطلع مهند ورا لسالفه شراح اسوي بي وانه كضيت لبت موتتها هــًـًســًه يطلع مالها ذنب وانه ضلمتها وعلي بـٍْْـٍْ؏ـٍْْد ماتبقه يمي وعلي خسرتها الشمس هاي هيه ورا ساعه خابر صاحب غسان كله حددنه موقعه من بغداد وتحديداً فلان منطقه ولهط بدون مستميكات لمنطقه نفسها منطقه بيت عمي من سمعت جسمي كام يرجف صعدت اركض للغرفه طبيت باوعــت لشمس ميته بالكاع ماتتحرك اخذت سلاحي ونزلت اركض عفت لباب مفتوح مال غرفه طلعت للسياره اركض وغسان وراي ماكدر يلحك بيه وامي تعيط شغلت سياتي وكبل بوجهي لبغداد
بكل سرعتي بقيت ادك على الستيرن واضرب بكصتي شسويت انه موتت البت شلون ماصدكتها شلون ماانطيتها مجال تحجي ماادري شكد سويت الطريق بس سرعه خارقه اسوق بلاوعي وصلت لبيت عمي دنيه ليل سحبت سلاحي ودكيت لباب حيل طلع محمد تفاجئ سلطان شجابك كتله اخوك الساقط العار وينه
محمد/شكوو سلطان شصاير
سلطان/عطت بوجهه اخوك وينه
محمد/تفضل حوه تفضل تفضل
طبيت للهول ولكيته متمدد ع القنفه وعمي اجه عليه ومرته يصيحون شّــْْكو سلطان وشجابك
سلطان/وجهت سلاحي عليه ولك ساقط ليش طعنت بشرف مرتي ولك عار كوهلي بت عمك شلون تراسني من رقم وتسوي محادثه ترتكب عليها ولك جا. كتلت مرتي حلال ياساقط
مهند/ظل يرجف شمدريك اني وشلون عرفت
سلطان/كدام اهله ضربته طلقتني برجله وبقت امه تصرخ درت وجهي وطلعت صعدت سيارتي وشخطتها ماادري وين بس اتجهت للبصره وانه بالي كله يم شمس جسمي يرجف وتاكدت هاي هيه خسرت شمس وصلت لبصره الفجر طبيت لبيت كلها نايمه صعدت لغرفتها ماموجوده رحت لغرفه هيا بس هيا نايمه رحت لغرفه زينب ماموجوده نزلت امي ماكو بــَس ابوي نايم صعدت دكيت باب غرفه غسان طلعت ايه كلتلها شمس وينها
ايه/شمس بايته بالمستشفى وخالتي ووزينب وياها بقت
سلطان/ليش شبيها دموعي بقت تصب
ايه/شمس وضعها فد نوب تعبان وعدتها وكلياتها ميبسات ورا مارحت انت صعدتلها لابنيه لاتحرك ايد ولا رجل خاولت اوكلها تقيئت لنوب اخذوها غسان وخالتي وزينب للمستشفى غسان رجع بليل كال فاقده الوعي وعلى المغذي بقت
سلطان بيا مستشفى
عرفت اسم لمستشفى ورحت وانه اعض باصابيعي شسويت بحالي وحال مرتي هيج الغيره عمت عيوني حته مانطيتها مجال اسمعها وصلت لمستشفى طبيت للاستعلامات يالت عليه وانطيت اسمها موديها مستشفى خاص كال شتصير من المريضه كتله زوجها انطته الهويه مالتي كال بفلان غرفه رحت للغرفه فتحتها شِفـٍـْت امي وزينب كاعدات امي راساً شهكت من شافتني
بس بالي كله يم شمس طبيت شفتها نايمه وشعرها منا ومنا نازل هذا الي كطعته بيدي وجهه اصفر وشاحب وجوه عيونها زراك كصتها زركه مشكليلها مغذي ونايم صفنت بوجهه وخليت ايدي على حلكي وبجيت بقوه بقيت اشهك يمكن صار اسنين ماباجي هيج
امي بقت تهدي بيه كلتلها يمه انه خسرتها هاي هيه شمس اعرف طبعها مستحيل تبقه عندي بـٍعد راح تعوفني وتروح ورا ساعتين شمس فتحت عًـٍُُيُِِِِونها وصايرات حمر دم بس شافتني بقت تعيط بهستريا اطلع اطلع خلي يطلع امي راساً دفعتني وطلعتني يريدون بس يهدوها حته الدكتوره على عياطها اجتي تركض
طلعت بحديقه المستشفى وانه احس روحي انتهيت هاي هيه حته للدوام مارحت ولاخابرت وانطيتهم عذر رجعت للبيت لكيت ابوي منتضرني
كال شلون ضارب ابن عمك
سلطان/ظليت اصيح لاتكول ابن عمك هذا العار الي بسببه ردت اكتل مرتي حلال هذا الساقط يتبلى عليها والصار كله بسببه
ابوي/مهند انشمر من العشيره وحته ابوه تبره منه وهسه هو بالمستشفى بس يطيب يطرده من لبيت مانسكت على عملته وراح ابلغ بي هذا عار مو من عشيرتنه ولااله ضهر خاف يسوي مصيبه بعد محد يجي يحكنه اول وتالي هاي هم بتنه
سلطان/بويه رحت اشوف شمس ومارادتني بقت تصيح حته اطلع بويه شمس راح تروح مني
ابوي/بويه خلي البت تكوم بـﺨـيـﺮ وسلامه والكل مشكله حل
عفته وصعدت لغرفتها لكيت تيسيرتها ع آلُـجربايه اخته اشم بي واتذكر شلون ضربتها واذيتها وحبستها بقيت الوم بنفسي والنار تاكل بكلبي
طبت هيا
بابا ﯙين عمه شمس
سلطان/بابا مريضه عمه بالمستشفى
هيا/راح يضربوها ابره خطيه توجع هي الابره مو بابا
سلطان/اخذتها بحضني وجريت حسره ايي بويه حيل تاذي وشمس متاذايه كلها بقيت اتصل على امي تجاوبني زينب بسكوت حته شمس/متسوعها تحجي وياي كالت شويه احسن بس البت خبصتنه تون وتصيح اريد بابا البت كلش متاذايه ليش هيج شيخ وعلي حالتها تكسر الكلب
سلطان/عرفت مهند ورا لسالفه
زينب/اي كالتلها عمتي
سلطان/وشكالت شمس
زينب/والله ياشيخ ماادري شكلك بس البت تصيح العمتي اذا عدكم رحمه وتخافون الله باليتيم خلي ابنج يطلكني
سلطان/وكفت على حيلي شنييي اطلكها
سديت الخط واحس رجليها ماتحملني كعدت للكاع شمس تريديني اطلكج ولج شلون بقت روحي تلوب
لليل خابرو على غسان كالتله امي طلعوها تًٓعْــّاٰلٍْ اخذنه وتعال وحدك لايجي سلطان وياك
ردت اروح وماخلاني بقيت بالكراج افتر وبالباب انتضرها لحد مااجتي سياره غسان طوبها للكراج كبل واكف اباوع شمس نزلت وزينب اتجيلها مشت شويه ورادت توكع فز كلبي عليها اٍُِجٌِيت اركض اريد اشيلها وامي اشرتلي وخر غسان شالها وطوبها جوه ضربت الحايط حيل بقت روحي تحترك حرك عليها طوبوها للغرفه الي جنت نايم بيها من تصوبت واكف بالباب بس اشوفها ماتشوفني
الشيخ/هابويه شموسه شلون صرتي
شمس/عمو موزينه اني الله يخليك بتراب بابا وغلاته عندك اذا تحب بابا وتعزه وتخاف الله بيه طلكني من ابنك
سلطان/عيوني صارت بكصتي طبيت كلتلها طلاك مااطلك اعترف انه غلطت وياج وتسرعت بس مااكدر اطلكج
شمس/تهسترت بقت تعيط وتبجي وتضرب بروحها وخر من يمي اطلع ماريد اشوفك
الشيخ/سلطان اطلع هدي بويه هدي الي تريدينه يجرالج بس هدي رحمه لروح ابوج باسني براسي وطلع
سلطان/كاعد بالصاله واجه ابوي كمت كتله بويه شنو الي تريده يجرالها
ابوي/سلطان انه بحياني ما ماد ايدي عليك بيوم لاتخليني هــًـًســًه امدها وكدام جهالك
ولك انه الشيخ حمزه ابن الشيخ سلمان. اظلم بت يتيمه ومنو بت منو بت اخوي ابن امي وابوي الوحيد ولك شمس تحلفني بتراب ابوها حته تطلك منك بويه البت اجتي يمنه جنها ؤردهـ وهسه حالتها تكسر الكلب البت ماتريدك ومو انه الي اضلم اليتيم تطلكها مثل مااخذتها تطلكها
سلطان/وعلي مااطلكها بويه شبيك جا غير انه احبها شطلكها
الشيخ/دومہگ متهور وعصبي وماتتفاهم هذاك ليوم ردت تموت من ورا تهورك وهسه ردت تموت لبيت كافي بويه انت هم عندك مره وجهال لاتضلم البت وتطلكها
طلاك مااطلك
عفته وطلعت
شمس/بقيت اصيح اريـ☝🏻ـٍـد بابا
اجه عمو كال بويه انه ابوج
شمس/لا ماكو احد بحنيه بابا ابد مستحيل اشتاقيتله اني بعد ماابقه هنا اٍُِجيت علمود الورث عفت ذكرياتي وبيتي وبلدي ودراستي اجيت علمود حق بابا اخذه وارجع وغصبتني ابقه هنا ودوجتني الابنك وكسرتوني وكسرتو كلبي هسه كولشي مااريد حته الورث مااريده بعد بس اريد ارجع البلدي اريد اروح ازوربابا اشتاقيتله
الشيخ/بويه شلون تردين وسلطان مايقبل يطلكج
شمس/طلك واله ما طلك اني راجعه ومحد اله حق يمنعني بعد وكوتله حته الورث مااريده بس خلصوني اذا ابقه هنا بعد اموت والله أّمُِوت نفسي وانتم تشيلون خطيتي
الشيخ/هاي هيه بويه ردي الديرتج ولابوج
شمس/اريد تليفوني عد ابنك حته اسمه ميهلي الفضه على الساني اذاني وكسرني شك بيه بدون ميسمعني
شويه وجابولي الفون طبيت ع صفحه الحجوزات راسلتهم دزيتلهم صوره للجواز كالو بعد يومين اكو رحله البريطانيه بس من مطار بغداد اني من اجيت جنت حاجزه ذهاب واياب بس الوقت مفتوح مسويته هسه ثبتت العوده
كولت العمو الرحله بعد يومين من مطار بغداد ساعه 4 لازم اني بالمطار مال بغداد
الشيخ/هاي هيه بويه راح لغرفته واجه جايب وياه مبلغ جبير كوتله ماريد كال هذا حكج من شغل المعمل. مجمعهن يمي وكل شهرين اهلي غسان يحولج الفلوس لهناك بويه ادرسي وصرفي على روحج مااريدج تعتازين احد ولاتشتغلين
شمس/انشالله
هسه اريد اصعد لغرفتي احضر نفسي عكب باجر طيارتي
صعدت كوه اسحل بروحي طبيت للغرفه معلكه صوره عرسنه اني وسلطان باوعت عليها ودموعي تصب وين جنت ووين صرت شلون جنت قبل وشكد تغيرت
فتحت منتوري طلعت جنطي اخذت الملابس الي جبتهم وياي فقط والي اني اشتريتهم من هنا من حسابي الخاص كلشي جابه اليه سلطان وكلشي اخذته بالنيشان عفته حته الذهب وصور العرس كولهن عفتهن لميت غراضي كولهن خليت الجنط على صفحه طبت هيا يمي حضنتها وابجي هالطفله صارت روحي بيها
انفتح لباب وطب سلطان
سلطان/اول ماطبيت ابوي كال لاتطلكها بس البت راح ترجع الديرتها وخابرت وحجزت انه هنا بقه جسمي يرجف شنو ترد الديرتها بكيفكم
ابوي/اول مره يصيح بوجهي واشوفه يرجف وهو عنده ضغط وسكر وقلب خفت عليه
البت ترد واذا فتحت حلكك لو عارضت مثل ماشمرت مهند من العشيره اشمرك واتبرى منك وروح ابويه وانت تعرفني من احلف بابويه دير بالك تسمع البت حجايه لو تعارض خلها تروح تكمل دراستها هناك هي اجتي على حك ابوها والبت تعذبت وانكسرت يمنه وهله هله باليتيم
سلطان/كلت اييي انه ضلمتها هواي وماسمعت منها خلها ترد المهم مااطلكها
بس صعدت اريد اشوفها
طبيت لغرفه ولكيتها حاضنها هيا وتبجي والجنط محضرات
بكلبي بنياتي راح تروح وحده وتبقه بس وحده يمي
اباوع الشمس نضرات توسل اتمنه اكلها لاتروحين بس تذكرت حجي ابوي وحالته الصحيه وانعكد لساني
شمس/شِفـٍـْْــٰٰتْ سلطان ونضراته اليه عليه وعلى الجنط كولت اكيد راح يمنعني ويعارض وميخليني اروح بس سلطان ابد ماحجه وياي بس نضرات عليه وعلى الجنط طلعت هيا وسدت لباب درت وجهي اكمل غراضي
حجيت وياه واني دايره ضهري
شمس/سمعت بيك متريد تطلك عادي مو مهم المهم اخلص وهناك بكل سهوله اقدم طلب للخارجيه وللسفاره واطلب الطلاق
سلطان/ورثت جكارتي وكعدت بالكاع منتجي على الحايط جريت نفس
راح ترجعين لحياتج القديمه واللبسج وبين الاجانب وحدج
شمس/هذاك بلدي الي نولدت وتربيت بي مو غربه هنا اني بالغربه وشي طبيعي ارجع الحياتي لان حٍيآتـَّي هناك تختلف عن حياتي هنا
سلطان/اباوع عليها واتذكر كلشي صار بينه حلو من اول مااجتي لحد يوم صارت مرتي بي
انه علمتها على الصلاه وانه حجبتها وانه غيرت لبسها حبيتها وخفت عليها حته من نفسي اتقبلتني وسلمتلي نفسها كلت هاي هيه كلشي انحل وراح اعيش احلى حياة بس بعدني ماتهنيت بيها وصار الصار والسويته بيها كله من غيرتي عليها شلون بكلبي احسه يوجعني عليها تعبت يااا رَبّـ❤ـيٌ وحقك تعبت ليش مامكتوبلي اعيش حالي حال الشباب مرتي بعدني كلشي مامفتهم منها ليله وحده بس وحده حته بهاليله ما تهنيت بيها مرضتها
مااتحمل اشوفها تتحضر كدامي حته تبتعد عني خليت ونزلت الجكاره مافاركتني امشي بسيارتي بس وين رايح ماادري
شمس/طلع سلطان بعدما دخن كومه جكاير والغرفه صارت فد نوب ريحتها فتحت الشبابيك وقفلت لباب ونمت تعبانه حيل
سلطان/رديت بليل رادو يصبرلي عشه ماردت صعدت فوك شِفـٍـْت لباب مقفول رحت لغرفه هيا حضنتها ونمت يمها ثاني يوم شمس ماتنزل من لغرفه اريد بس اشبع عيوني بيها شلون راح افاركها صرت جسد بلا روح لكمه ممخلي بحلكي بس جكاير وجاي كضيتها نزلت شمس وعيوني عليها بس ماباوعتلي ابد اجترلغسان كالتله منين اكدر احجز رحله طيران لمطار بغداد باجر ضروري ب4 الضهر بالمطار هناك لازم
غسان/عندي صاحبي هناك يشتغل خلي اخابره
شمس/اي فدوه الكلبك تعبتك وياي خابره
غسان خابر الولد وكله باجر اكو رحله ساعه 1 الضهر دزلي صوره للجنسيه حته احجزلها
راحت شمس جابت الجنسيه ودزله صوره تشكرت منه وصعدت بعد ماتزلت حته لاكل فوك تاكل بليل ردت بس اودعها هاي اخر ليله يمي الباب مقفول انتجيت على الباب وبقيت كاعد انه هنا كاعد بس جسد وروحي جوه يمها حبيتها وعلي حبيتها مااتخايل بعد مااشوفها ماكدرت اكابر بعد دموعي صبت وجكارتي بيدي بقيت لليل كلش وانه كاعد بالباب اجاني غسان
شني خويه ابوحمزه شجتك اول تالي هيج يصير بيك انت جنك جبل هيج تنهار
سلطان/خويه احبها وعلي احبها شلون راح اكدر افاركها ولنوب رايحه لاخر الدنيه شلون بيه هي كدامي واغار عليها شلون بيه وانه ادري مريتي وحبيبتي بين الغرب والاجانب ولك غسان نار مشتعله بكلبي محد يحس بيه جاي اتكطع واموت على البطيىئ كوه كومني من يم
لباب كمت غسلت ونمت بغرفه هيا فزيت راساً كمزت من لفراش كلت راحت وماودعتها طلعت للغرفه فتحتها لكيت لا شمس ولا الجنط الساعه ب11 ونص كلت هاي هيه راحت وماودعتها نزلت جوه ولكيتهم كلهم ملتمين عليها وهي مجلبه بركبتها ماتقبل تعوفها وامي وزينب وايه يبجن باوعت هاي هيه يعني ياشمس راح تروحين مني تقدمت صرت كدامها كلتلها بروح ابوج بس خليني اودعج كلشي مااريد منج بس اودعنج
امي/يمه لخاطري لانكسرين بكلبه خلي يودعج
شمس هزيت راسي مْـإأڜْـي لخاطرج عمه كلهم طلعو من الصاله وعافونه وحدنه زينب اخذت هيا وطلعت وكفت كدامها دموعي نزلن
سلطان/شمس سامحيني يابت عمي ضلمتج انتي انضف واشرف ابنيه عرفتها بحياتي انه تهورت وضلمتج مودعه بالله بس بروح ابوج لاتذبين الحجاب ولاتلبسين شي يبين جسمج وعلي كدامي ونار الغيره تاكل بيه شلون بيه وانتي هناك
مسحهت وجهي حيل كلتلها ماريدن شي بس اخر مره احضنج واشمج بيها
شمس/ماحجيت بس هزيت راسي بمعنى موافقه
سلطان/تقدمت عليها وحضنتها حيل بدي اطوبها بين ضلوعي واشم بريحتها دمعتي وكعت على ملابسها بستها براسها ديري بالج على روحج وروحي الي صارت بيج وديري بالج على كلبي الاخذتي وياج موتنسيني
شمس/سحبت نفسي خليت عيوني بعيونه واشوفه كدامي شكد مكسور ودموعه بعينه
اتمنه ربي يسعدك ويهنيك وي حبيبتك هدى
درت وجهي وطلعت كبل ودعتهم كلهم وحضنت عمو بقيت ابجي باسني ووصاني من اوصل اخابره طلعت صعدت بسياره. حته يوصلني للمطار
دنكت راسي ماريد اباوع عليهم ماريد اشوف سلطان بعد
سلطان/بس تحركت السياره ورحت كبل شغلت سيارتي ووراهم للمطار بقيت واكف اباب المطار ساعه 1 وربع شِفـٍـــٰٰتْ الطياره صعدت باتجاه بغداد رايحه ايييي راحت شمس راحت حبيبتي ومريتي وبنيتي ماكدرت احتويها وماكدرت احافض عليها بقيت واكف اباوع لحد مااختفت الطياره
رجعت للبيت مكسور الخاطر كوه امشي صعدت لغرفتها فتحت كنتورها ملابسها كلهن هنا الي انه اشتريتهن الها باوعت على الميز لكيت الحلقه مالتها والعطر مالتها وشعرها الي انه كطعته بيدي لامته ومخليته بكلوه على الميز ضربت المرايه حيل كسرتها بقي اصيح اريد اطلع الي بكلبي ولك مهند كون اموتك موبس امسكط رجليك ولك هجمت بيتي شسويت بيه راحت حبيبتي بسببك راحت مريتي راحت رويحتي وفرحتي كلها راحت سحبت ثوبها لابيض مال عرسها ورشيت العطر عليه وحضنته ونمت ع القنفه دموعي تصب اول مره اصير بهالحاله هاي مكسور كلش مكسور هي رديتها مكسوره وانه بقيت هنا مكسور اتذكرت كلشي حلو وياها كل ذكرياتنه سوه اتذكرتهن وانه حاضن ثوبها واشم عطرها وابجي مثل لطفل لفاكد امه
شمس/وصلت للمطار كعدت بصاله المغادره انتضر وقت طيارتي باوعت على الساعه بعد ربع ساعه لطيارتي. سحبت جنطي ورحت قريب على باب المغادره.
كولها سـَـــاعْـات واصير ابلدي ارجع الحياتي القديمه وافتح صفحه جديده صفحه مابيها سلطان ابد
بيها شمس وبس
…………
