رواية الشيخ سلطان الفصل الثامن والعشرون بقلم زينب نور
سلطان
اشم بثوبها الي بي عطرها ومغمض عيوني اتذكر سوالفها ضحكاتها شقاها زعلها بجيها حضناتها بوساتها خوفها عليه حنانها صدك يعني بعد هاي هي شمس رحتي وماموجوده بحياتي سمعت لباب انفتح طبت زينب جابت صينيه الغده
كالت شيخ كوم اكل لكمه تغده باعوت عليها اذكر شكثر شمس تحبها وتوصيني بيها دۈم كعدت على حيلي وضميت ثوبها جواي كلتلها تعالي ام حمزه
كعدت بصفي بستها من راسها والله انتي اصيله وبنت اصول
زينب/نزلت دموعها شيخ انه كلش مقهوره على روحة شمس تعلمت عليها وعلي حسيتها اختي شكثر اهتمت بيه وعلمتني على شغلات وخلتني شلون اتعلم اهتم بنفسي وبشكلي شمس كلش طيبه ومامنها قصور ابد
سلطان/جريت حسره اييي يازينب فدووه الكلبج اخذي الاكل منا مالي نفس اكل ودزيلي هيا
اخذت الاكل زينب وطلعت شويه واجتني هيا تركض لحضني
تعالي بابا تعالي حّْــبّْہيبتي اخذتها بحضني واشم بريحتها عبالك ادور شمس بيها لان اقرب شخص لشمس بالبيت من بعدي هي هيا
هيا/بابا راحت عمه شمس
سلطان/خنكتني لعبره كوه طلع صوتي ايي بويه راحت عمتج شمس
هيا/راحت بعيد بالطياره
سلطان/اي راحت بالطياره وعافتني وعافتج شلون انطاج كلبج يا شمس تعوفيني وتعوفين هيا صاحبتج
هيا نزلت من حضني وراحت تركض طلعت خليت ايدي على وجهي يااربي لَيــِْش هيج اختبارك صعب ليش كل الي احبها واتعلق بيها تروح من ايدي سمعت صوت هيا صاحت هاي شمس
وخرت ايدي ولكيتها مخليه لعابتها بوجهي اسمها شمس اخذت اللعابه اي بويه تشبهه هم عًـٍُُيُونها زرك وشعرها اشكر وبيضه تشبه عمه شمس انطيتها اللعابه بستها براسها كلتلها يله بنيتي روحي لعبي بغرفتج
نزلت اشوف ابوي تضايق حيل بعد روحة شمس شسويتي بينه شمس البيت كله كأبه ومحد اله خلك لشي اخذتي كلوبنه كلنه وياج مْْـٍ❌ـْْو بس كلب سلطان
طبيت لابوي متمدده جبت قياس الضغط قست ضغطه صاعد حيل
سلطان/بويه كوم اخذك للطبيب ضغطك صاعد حيل
الشيخ/بويه عوفني بس اطب للطبيب ينيمني مستشفى وانه اضوج من المستشفيات
سلطان/يابويه لعَـدْ تبقه هيج مو زين شربت حبايه الضغط
الشيخ/اي بويه شربتها
سلطان /طبت امي
هايمه سلطان ليش ماماكل يمه ٱڱڵـك لكمه
سلطان/فركت وجهي بيدي يمه مالي نفس
امي/يمه سلطان شجتك وهيج انكسرت انت الجبل هيج تنهار
سلطان/يمه ياجبل كلكم تشوفوني جبل وشلون الجبل ينهار جا يمه انه هم انسان لحم ودم شتحمل يايمه مريتي ماتهنيت بيها شفت ابوي غفه
كلتها يمه مااكدر اضمن عليج وانتي كلشي تعرفين الي بكلبي خليت راسي بحضنها يمه انه شمس ماتقربتلها ولاخذيتها اله من رحنه الكربله هناك خذيتها
امي/دكت صدرها ولك يمه شلون جا وبليله عرسك مو جبتلي النيشان وكلت يمه باركيلي
سلطان/جريت حسره يمه هاي انه جرحت ايدي لان شمس خافت وهي صغيره كلت خليها على راحتها مامستعجل عليها لحد مارحنه الكربله وهي بس هاليله هاي وبس صارت بيها مرتي وبعدها تمرضت ولنوب راحت من ايدي
امي/يايمه ياسلطان ياحضك يايمه ماتهنيت بمريتك يمه وانت بين الحياة والموت والوادم فاتحه عينها عليك ياهو اليشوفها ويكول مرت الشيخ شحلاتها جنها اجنبيه جنها لعابه العيون انفتحت عليكم يايمه عين الماصلت على النبي شحلاتكم سوه جنتو
سلطان/اي يمه بعد هاي هيه راحت هسه بالاربعه ونص صار نص ساعه من طارت طيارتها راحت وخذت كلبي وياها يمه وعلي احبها عشكتها وحبيتها بس الحظ دومه عاكس وياي مامكتوبلي الفرح والسعاده حالي حال الشباب هاي
امي/يمه كافي مردت كلبي اااه على حضك يوليدي
كمت منها احس روحي تلوب تدور على شي وماتلكاه طبيت للمطبخ طلعت للكراج افتريت بالحديقه
اريد اسوي شي يريحني ماادري رجعت صعدت لغرفتها سريت لباب ادور بغراضها شِفـٍـت علبه الذهب فتحتها ذهبها كله عايفته كلشي ماماخذه حته حقوقها عافتهن لكيت صور العرس طلعتهن اتفرج بيهن صافن عليها على جمالها ونزاكتها كمت ابوس بالصوره
دكت هدى انطيتها رفض وغلقت التليفون تذكرت شلون شمس روحها لايبه وانه اتغزل بهدى كدامها عصرت راسي حيل شجتني الغيره عمت عيوني عمي
اليوم مر عليه عبالك سنه حضنت ثوبها اشتم بعطرها وغفيت كعدت رحت للدوام رجعت
هايمه اتصلتي بشمس شفتها وصلت انه حاضرتني من البرامج
امي/لايمه شلون اخابر على الانترنيت خابر من تليفوني خلي احجي وياها
اخذت تليفون امي وخابرتها على الواتساب
فتحت مايك
دك وعبالك كلبي بده يدك
انفتح الخط وسمعت صوتها كالت الوو
امي/الوو هايمه شمس شلونج
شمس/هلوو عمه حبيبتي تمام اني بخير الحمدالله وصلت وجنت تعبانه نمت نسيت اطمنكم شلونج وعمو شلونه
امي/الحمدالله على ســَلامتج يمه احته زينين دامج انتي زينه يمه بالنه يمج ظل
شمس/لاعمه لتخافون عليه اني مرتاحه الحمدالله هيا شلونها وحمزه وزينب وايه وجهالها وغسان كولهم زينين
امي/يمه كلهم زيني البيت وحشه بدونج وهيا بس تسال عليج
شمس/سوده عليه حبيبتي هسه شويه شويه تتعود على عدم وجودي وتنساني امانه عمه بوسيلياها كومه حيل اشتاقيتلها وبوسيلي حمزه وعلاوي وكروري وسلميلي على زينب وايه وغسان وعلى عمو هواي سلميلي
امي/انـ شـاء الـلّه يمه يوصل ديري بالج على نفسج ولاتكطعين ويانه لاتخليت بالنه عليج
شمس/لا انشالله اخابرج واحجي وي عمو والبنات ديري بالج على نفسج وعلى عمو مع السلامه
امي/الله وياج يمه
سدت الخط
سلطان سمعت صوتها وحجيها اختنكت العبره خنكتني دنكت راسي سمعتيها يمه سالت على الكل ودزتلهم سلام بس انه ماجابت طاري ابد هلكد كرهتني حته سوال تستحسف تسال عليه
ومبين عليها مرتاحه هناك خلصت من سلطان
طلعت بره ورثت جكاره عبالك احرك بروحي مو بالجكاره
فراك شمس هد حيلي فد نوب مرن 5 ايام على روحتها وانه يوميه اخلي امي تحجي وياها حته اسمع صوتها وبكل مره تسال على الكل وتدزلهم سلام اله انه ماتجيب طاريي ابد وانه هنا روحي لايبه عليها
ابويه فد نوب تعبت حالته كوه خذيته للمستشفى فحصو وقاسو ضغطه وسكره كالو عنده جلطه شلون ماجبتو من وقت نوموه مستشفى لنوب حالته سائت بلازيد خلوله اوكسجين ومغذيات الدنيه نكلبت بالمستشفى بساع بساع كلها اجتي لدكتور كال حالته ماتبشر بـﺨـيـﺮ وكلبه حيل تعبان
يااربي كلشي ولاابوي انه منا منهار على مرتي لنوب راساً وكعت ابوي. شبقه بيه اجوي عمامي بليل وخوالي والشيوخ كلها المستشفى انكلبت على الشيخ حمزه
الصبح ساعه ب7 ابوي وكف كلبه سوله صدمات كهربائيه ماكو الدكتور كال البقيه بحياتكم
وهنا اسودت الدنيه بوجهي حسيت ضهري انكسر وحيلي انهد ابوي هذا وصديقي وحزام ضهري وعزوتي وخيمتي بساع راح من ادينه جبت ابوي يمشي على طوله ورجعته للبيت بتابوت ايي خذينه ابوي بتابوت الشيخ حمزه الكل تحلف براسه الدنيه نكلبت ابيتنه مانعرف الوادم منين كامت تجينه طوبنه ابوي للبيت والتمن عليه امي وخواتي ملخن روحهن كعدت يم جهه راسه واحجي وياه وابجي
بويه ليش رحت وعفتني عفت الحمل كله عليه بويه ياصاحبي يا بويه يا صديقتي يا بويه يا رفعت راسي ياخيمتي وعامود بيتنه وعزنه وفخرنه. شيخ حمزه بويه ابو سلطان شلون رحت. وعفتنه اشوف خواتي واني يملخن بشعرهن وشككن ثيابهن بسرعه بسرعه ابوي راح. من ادينه شلناه علو جتافنه انه وغسان وعمامي وولد كرابتنه وشيعنه الشيخ حمزه وديناه من يم يمضيفه شيعناه ورمي والدنيه انخبصت خذيناه للنجف غسلت ابوي بيدي ونزلت للحد بيدي دفنته بصف كدي الشيخ سلمان كتله جدي اجاك ابوي اليوم خطارك ابوي وليدك. خطار اليوم يمك تلكاه كملنه الدفن
وردينه وانه لاف راسي ووجهي بغتره ابوي الكل راح للديوان بس انه ماهلي اروح للديوان وشيخ الديوان ماموجود طبيت يم امي كاعده بنص النساوين تمددت بحضن امي واخواتي التمن عليه
ابجي ولج يمه. دقنت ابوي واجيت يمه دفنته بيدي الشيخ حمزه دفنته بيدي واجيت وكمغطي وجهي بغتره ابوي ومتمدد بالكاع بنص النساوين وراسي بحضن امي
ابجي انتهيت كسرتي على ابوي ماتنوصف وحسيت ايد شالت راسي من حضن امي وخلتني غير حضن فتحت عيوني مغوشت من البواجي كوه اركز
كلت هاي انتي شجابج لبيتنه
………
