رواية ناديه الفصل الثامن والعشرون بقلم انين الليل
يصير عدها جهال
ابتهاج //اي بعدهي ليش لا
افراح //والله شگلج ما اتصور چبيره
- - لا افراح شنو وين كبرها بس شفتيها شگد حلوه ونازكه
افراح بونه //بخوت شفتي هو شكد مرتب وشلون يلبسها الحلقه لو الطخم الي يخبل
ابتهاج //اي والله يخبل وشفتي امها شلون فرحانه
افراح //وج يا فرحانه هاي مخرفه مره تبچي ومره تضحك
وصارن يضحكن من كملت المطبخ اجيت
...عمه كملنه كل شي هم بعد رايده شي قبل لا نصعد
افراح بنتر وهي تهز برجلها //اگلج شبيج تحچين من وره خشمج
......لا عمه سالتج
افراح //ياالله روحي كافي اتمسلت
رحت صعدت فووك انا وحنين وفتحت الها الحافظه وشفت قطعتين كيك وشويه چكليت انا ما اكلت بس اخذت چكليته
واعرف مو بس هاي الحافظه دازتها النه عمتي زهراء
حنين چانت ما تحب الدراسه هلگد لكن چانت تحب ترسم ساعات اشياء تشوفها ترسمها وساعات من خيالها
احس بيها تنقهر وتضوج لكن بسرعه تنسى نمنا واحنا نسمع حركه فوك وبيبان تنفتح وسوالف وصوت عمار
وهو يشاقي بالبنات ويضحكون بقيت بالليل ادرس لان ما انام وهاي انا ادرس بالليل الى ان اياذن الفجر انام يمكن
ساعتين او تلاثه واگعد لكن الظهر من ارجع من المدرسه اكمل شغلي بسرعه واروح انام ومرات بس اغسل المواعين
وارتب المطبخ واصعد فوك انام واگعد ابدي شغلي
السبت گعدت الساعه بالثمانيه الصبح لان عطله وبقت حنين نايمه انا قفلت عليها الغرفه بصراحه چان اكو
خوف بداخلي من بيت عمي گعدت خدرت الچاي وطلعت الصمون حميته بالاوفن طلعت جبنه من الثلاجه وسويتلي لفه
وصبيت چاي واتريگت وبعدها غسلت الاستكان وطلعت للحديقه صرت انظف بيها واخذت الصونده وغسلت
الحمامات الخارجيه بعدها دخلت شفت افراح واختها گاعدات وياهن عمي هادي انا فتت گلت
صباح الخير
اتفاجأوا بوجودي گالو //صباح النور
افراح عكفت حواجبها //وين چنتي ؟
...عمه نظفت الحديقه والحمامات الخارجيه
رحت للصاله وصرت انظف بيها وارتب وهمه بقو يسولفون هادي گال لابتهاج
- - ابقي اليوم عدنا وباجر روحي
ابتهاج //لا ابوياسر مشكور ما اگدر ابقى
- - زين اتغدو والعصر روحي
ابتهاج //ما بيناتنا ابو ياسر ابو انور كل ساع يخابرني
افراح// اي صدك البارحه عبالك صار شهر ما شايفج كل ساع وخابر دا ابقي ابقي والعصر روحي
ابتهاج //ههههه الخاطر ابو ياسر وره الغدا اروح
هادي گال //افراح شوفي ام انور شنو يعجبها وسويلها وانا راح ادز مسواك
افراح //هادي مشتهيين فخذ غنم مشوي
-قوزي
-اي
-تدللين بعد
-فواكه وطرشي وانا اطبخ التمن
-صار ياالله حبي اروح ومن تحتاجون شي خابريني
الشي الي اتعجبت منه انو عمي هادي كل شي يجيبه البيته وشتگله افراح وبناته يجيب الهن وبيته قصر واحلى اثاث
واحدث سياره لكن من چان يجينه للبيت بيبي الله يرحمها اذا طالبته بشي يظل يرجف وحتى من اجينه عنده
ولا يوم سالنه شنو محتاجات او خلانه مصرف للمدرسه
كله عمه زهراء تجيب النه وحتى تمر علينه بالمدرسه وتنطينه مصرف
افراح گالت //طلعي الچراچف ووجوه المخاد وغسليهن
...صار عمه بس الكل نايمين من يگعدون اغسلهن (باوعتلها )رايده شي عمه لو اروح اغسل ملابسي انا واختي
افراح //لا مارايده روحي
صعدت ع الدرج اسمع ابتهاج تگلها //شنو افراح يغسلن ملابسهن بالغساله الفوك
افراح //شحدهن تغسلهن بايدها وتشرهن فوك
ابتهاج //عبالي
انا صعدت ودخلت لكيت حنين نايمه طلعت ملابسنا ورحت اغسلهن فووك چانت اكو حنفيه ويمها طشت
كملت غسل ملابسنا و شريتهن ع الحبل الي بالسطح رجعت اتمددت وبعدين اذن انا توضيت وصليت وحنين ما تصلي
ودائما احچي عليها كملت صلاة ونزلت شفتها مخليه جدر التمن ع النار سالتها
...عمه محتاجه مساعده
هي ردت //لا اصعدي نظفي الصاله الفوك
هزيت راسي وصعدت حنين طلعت گالت //هاا اشو رجعتي
...اي لان افراح ما تريد تشوفنا بالمطبخ تخاف ناكل غداها
حنين //اي مو بت فگر وين شايفه
ضحكنا ودخلنه للغرفه اتمددت وغفيت يمكن الساعه بالثنتيين اجت اسيل جايبه ماعون تمن وفوكه شويه لحم
وكاسة روب
وگالت //امي تگول من تتغدن انزلن اغسلن المواعين ورتبن المطبخ
اخذنا منها الصينيه وهي نزلت واتغدينا انا وحنين ونزلنا لگيت ابتهاج رايحه هي گالت
- - بعد وكت چان بقيتن لليل
ما جاوبناها وصرت اجلف بالمواعين وحنين تشطف وبعدين نشفناهن ورتبناهن بمكانهن
افراح گالت //روحي اغسلي الطارمه وانتي روحي للترك الوره نظفي
رحنا واحنا ساكتات كملنه وصعدنا العصر گعدنا بالغرفه انا اتمددت وحنين ترسم انفتح الباب شفت عمه زهراء
جايه وهي تباوع ومتفاجئه
باوعنالها وانا حضنتها وگتلها ...مبرووك عمه
هي ما ردت عليه بس تباوع باستغراب بعدين گالت //انتن هاي الشهرين گاعدات اهنا
ابتسمت بمراره وهزيت راسي
زهراء //يعني من اول ما اجيتن
...اي عمه اهنا وهذا ميزنا مال الملابس شوفي وهنا نفرش ونام مو سراج گال اتحملن سنتين تلاثه احنا جاي نتحمل
حنين// قصدج نتحلم
خزرت حنين وگتلها ...انجبي حنين
حنين //ليش انچب انتي تكولين نتحمل وانا اگلج نتحلم
...كافي حنين اسكتي
زهراء //مو چنچ زعلانه والمفروض انا ازعل
جاوبتها بدون ما اباوع الها ...ليش تزعلين
- - لان ما اجيتن
......هاا مو
زهراء//مو شنو
......لابسات اسود وهاي فرحه صعبه نجي
زهراء// وج شنو هالكلام حتى ما باركتيلي برساله
......نسيت عمه اعذريني
زهراء //من هاي افراح ما تخلينه نصعد الچلبه بس انا الها
جاوبتها بخوف ...عمه زهراء فدوه لا تحچيين اهنا احسن النه
زهراء //يا احسن ها احسنيش ابين الفراشات ضوه ما يدخل للغرفه بس العتب مو عليها على عمچن ما صعد
ما شاف وين گاعدات
...عمه الحمد لله هذا هو
زهراء باوعت الحنين الي طلعت دفتر الرسم گلتلها باالله خلي اشوف
وظلت تگلب برسوماتها راسمه بنات ومناظر طبيعيه وراسمه سندريلا مره وهي تبچي ومره وهي تشتغل وبعدين
لمن شافت الامير وزهراء تگول //حلو رسمج باوعت الورقه گالتلها //شنو هاي حنين
حنين //هاي رسمه
زهراء//اي بس شنو معناها بعدين ليش القاعده هيج راسمتها بالغلط
انا ما شفتها لان ما اباوع الرسم حنين ولان دائما اتصايح وياها حتى تقرا اخذتها من عمه زهراء شفت راسمه هرم
من جوه عباره عن مستطيلين زغار والثاني مستطيل اكبر ماسك المستطيلات الثنين وفوگه مستطيل وفوگهن مثلث
الرسمه الثانيه المثلث واگع وبالگاع مره كانما نايمه
والمستطيل الثاني واگع وبنيه هي ورجال يمشون وفوگهم ورد منثور عليهم
عمه زهراء //شنو ذني حنونه
حنين //مو ضروري تعرفين
زهراء //اي وليش القاعده فوك گليلي منو هذول الي عليهم الورد وهاي المره ليش نايمه
حنين //عمه هاي الجوه انا وناديه والمثلث بيبي اتوفت هاي هي المره الي ماتت
وهذا المستطيل انتي
زهراء //انا !
حنين //اي عمه هم ما لزمتينه شوفي هاي انتي وزوجج بقت بس هاي القاعده واكيد هم راح توگع
زهراء باستغراب //منو هاي القاعده
حنين //عمو سراج بس هو بقى لازمنا لكن اكيد راح يجي اليوم ويهدنا ويخلينه نواجه مصيرنا
زهراء ما اتحملت بچت وهي تكول // سوده عليه وينج خاله تعاي وشوفي عباس اطلع شوف بناتك
بس انا الها الهاي الحقيره
نزلت واحنا نزلنا وراها زهراء بعصبيه
- - اگلج افراح ليش هيج بنات عباس شنو شدعوه عليج
افراح بنتر//شبيج زهراء خيير شكو
زهراء//شنو شكو الله يقبل مكعدتهن بالمخزن شصار عليج بيت شگده شكبره تگعديهن بالمخزن
افراح وتهز برجليها //والله هذا الموجود وين ترديني اگعدهن بالله
- - ليش شكم غرفه فووك واگعدهن بوحده شيصير هسه مو الخاطر بيبيتهن الخاطر ابوهن الي ما سمعج
بيوم كلمه
افراح //والله زهراء هذا الموجود والما عاجبه ذاك عمهن
زهراء//ها يعني هادي يعرف
افراح //اي يدري بكل شي شنو حبوبه ترديني اكعد بنات مياده ويه بناتي لو يم ولدي حبيبتي
(حچتها بنتر )العرق دساس
زهراء//حرام عليج بنات ما مسوياتلج شي
افراح //واتاني لمن ما يسوون عوزي
زهراء//بس مو هيج اقلها طلعي الفراشات خليلهن چربايه كنتور مو هيج يبقن
افراح بعصبيه //انا هذا العدي والي يريد يتكيرم يتكيرم من جيبه مو يجي يحچي ويروح
لا زهراء//ام ياسر من تجيبون الجربايه والكنتور من حلالهن راتب ابوهن واجار بيوتهن والمحل
مال ابوهن اكبر ابو راتب ما يحصل بگدهن
افراح تهز بايدها //والله ثبرتونا راتب ابوهن وما اعرف شنو جاي ياكلن ويشربن ويدرسن
زهراء//والله حرام عليج
افراح //شنو زهراء خاتون جايه تعلميني الحلال من الحرام
زهراء//لا ليش اعلمج انتي تعرفينه بس طوول عمرج تغارين حتى من الموته
افراح باستهزاء//ياا هيج طلع السانج لان اتنفگتي
زهراء//شوفي الفاظج
افراح اتقربت من زهراء//اكلج نسيتي روحج گلج خلك عانس مو عبالج راح تتزوجين تره كلها سنه سنتين
وتترملين وترجعين
زهراء رفعت ايدها //اي ان شالله وبوكتها اخذ هادي لو نسيتي اذكرج (حچتها بتحدي )
افراح صارت ترجف //امشي ولج امشي اطلعي بره ياساقطه انا موجوده واخلي يكلبج اطلعي وبعد ما تدخلين بيتي
زهراء باستهزاء //بيتج ام بيت الله يرحم الصريفه الجابوج منها
افراح دفعت زهراء//امشي اطلعي بره
زهراء//طالعه بس لو مو تكعدين بهذا القصر لا لو تملكين البصره وما بيها تظل عينج فارغه وتتحسدين بالناس
انتي حسوده مو بيدج لان تحسين بالنقص الي كل هذا العندچ ما تارس عينچ تغارين من بنات زغار ما الهن اي ذنب
بس العتب على عمهن الي ما يدري شنو كلن اشربن انا صوجي لو من اول ما توفى عباس واجه هادي خطبني امداني
لو ماخذته چان البنات هسه عدي ولا انتي اكلتي الاكو والماكو
افراح //ههههههه ياخذج هادي لا حبيبتي هيج حجاها كدام الناس حتى ما يكولون عاف امه وذني النغلات الي
متسميات باسم اخو وهنه ما اعرف منين ما منين جايبتهن
زهراء//لا تطغيين تره الله يمهل ولا يهمل
افراح //اكلج كافي واطلعي بره ياالله بره
زهراء //. طالعه من حور الشكوول الكاعده بالبيت
طلعت عمه زهراء وانا وحنين واگفات نباوع والدمعه بعينه گعدت وگالت
شكو عدچن بنات الك...تتصنتن انا الچن بسيطه
اجيت اريد احچي وياها دفعتني وگعت بالصاله وحنين گومتني صعدنا للغرفه واحنا ساكتات وعرفنا بعد ما راح
نشوف زهراء صليت وما نزلت لان هي كل مره تنطي تعليماتها طلعت كتبي وجاي اريد اقرا لمن ما اندفر
علينه الباب وما نشوف اله هادي داخل علينه ولزم كل وحده من شعرها وظل يعت بينا ويسحل بلدرج لمن
ما نزلنه ليجوه وصار يضرب بينه ويرفس وهي گاعده وتبچي وهو يصيح ويگول
- - بنات الكلب بنات الك...جايات تخربن بيتي الساقطات
واحنه بس نصرخ ونگله ...والله عمو ما سوينه شي
هادي //مو صوچن صوچي ماخذچن وكاتلچن واگول تاهن شردن خليتلي گح...يذبن تهايم على مرتي
...والله عمو ما النه غرض هي عمه زهراء
هادي //عمه العماج ياچلبه بس انتي صلفه من هلگدوتج تشوفين زلمه يم امج وساكته وتالي سراج لقنج
باوعتله ودنكت ابچي وهو يگول
- - مدرسه ماكو وطلعه من هذا البيت ماكو وانتي افراح لا تصيرين رعنه شغليهن طيحي حظهن ذني مو مال احترام
اتقرب من عدنا وگال
- - اذا تردن اثاث لو غرفه روحن اسألن خالاتچن منين امچن جابتجن من يا گو...لو روحن الاهل سلدار مو ربو
اخوجن النغل روحن عدهم اهناك راح تشبعن
لزمت حنين وصعدت وانا الم الكلام اكثر من الم الكتل الف مره وصلنه للغرفه واحنا كاتلنه الهضم والقهر
اتمددنا لان ما نگدر نگعد قفلت الغرفه علينه وبقيت اتگلب بالفراش بليلتها انا وحنين متمددات وابد ما نمنا لكن وحده
تمثل ع الثانيه انها نايمه حتى لا نحچي بالصار والي سمعنا
الفجر گعدت نزلت للطابق الثاني اريد اتوضه بالمغسله وانا اشوف وجهي شلون مورم من الضرب وشلون خشمي
مورم وجوه عيني زراك غسلت وجهي واتوضيت ورحت اصلي
كملت صلاة ورجعت نمت غفيت لمن ما اندك الباب اجت افراح وهي تگول
- - شنو عيني برنسيسة ناديه ما تگعدين انتي واختج تنظفن البيت
وگعدنا انا وحنين الي من شافت وجهي وشافت وجهها ظلت تدعي على افراح وهادي
نزلنه ولگيناها بالصاله وهي تگول
- - انا طالعه للسوك اجي الكه البيت مرايه وفراشات الديوانيه البرانيه طلعنهن وشرنهن واغسلنها
- - اريد البيت مرتب افتهمتي امس ما طلعتي الچراجف التهيتي تشمرين سمج منا ومنا عبالج اعبرها الج لو
العمتج الما مصدگه راح تلگى واحد ينام وياها
رغم انا اكره افراح بس هالمره احتقرتها اكثر واكثر لان ملافظها مال وحده تربية شارع وحرامات وحده مثلها تاخذ
مهندس لا وصار رئيس مهندسين وصار يتصرف بهمجيه اكثر منها بس طلعت انا گلت الحنين انتي اغسلي المواعين
ورحت راسلت زهراء ردت اراسل سراج لكن گلت هو ابغداد شيجيبه وحتى لو اجه سراج من يشوفنا ما راح يسكت
وبعدين راح اجني على نفسي واختي لذلك خابرت عمه زهراء
وگتلها شنو سووا بينه وشلون جوه عيني زراك وبعد ما يقبل نداوم ومن سمعت صارت تدك على خدها انا ما كان
شي يهمني بگد انو بطلنه من المدرسه
هي گالت // لا تخافين انا راح اتصرف انتن هاليومين لا ترحن للمدرسه انا اطلب الچن اجازه وانتي كل ما تصيرلج
فرصه اقري لا تخلين شي يفوتح وحاولن لا تحتكن بافراح وبناتها وعمچن
غلقت النقال وضميته واجيت يم حنين نظفنا البيت وطلعنا للديوان البره بيومها نظفنا شلون ما كان لان هي چبيره
وهو خالها بس منظر محد يجي بيها بس المدرسين الخصوصيين مال عمار
كملنه وگلت الحنين بسرعه اصعدي اسبحي بالحمام الفوك وانا راح اسبح بهذا الحمام وصدك بيومها سبحنه اثنينه
اول مره ما نحمي ماي ونسبح بطشت وهمه عدهم ست حمامات يم كل غرفه حمام نشفت شعري بالخاولي
وخليته بالغساله اخاف تجي وتشوفه مبلل ورحت نزلت الچراچف وغسلتهن جوه گلت من تسالني اگللها
لان البيت خالي خفت اخاف يندك الباب وما نسمعه
صرت لازم اعيش بالحيله مثلها ومثل مياده الي مثلت الحب العباس وهي مصاحبه براسه
شريت الچراچف وصعدت فووك اريد اغير وجوه المخاد وجراجف الدواشك ودخلت الغرفة ياسر الي هي دووم مرتبه
اما غرفة عمار فهوسه وكلها صور بنات ولاعبين ونارگيله وجگاير رغم ياسر هم يدخن لكن ابد ما شفته يدخن گدام ابو
اما غرفة هديل فهي عباره عن مجمع مال ملابس ومكياج واحذيه ونفسها غرفة اسيل
كملت ورحت مشطت شعري واجت افراح وسمعتها تصيح باسمي انا نزلت
هاا عمه
اشوف المطبخ مليان علاليك گلتلي //اريدج اثرمين هذا اللحم وهذا البرغل وطلعي تمن ولفي كبه اريد كبة برغل
مرك وتگلا واريد كبة تمن وسوي عجينة كباب
اريده كون هذا يكفينه شهر وهذا الدجاج نظفي وكل دجاجه ونص خليها بچيس
جاوبتها ...اي عمه
- - ياالله بلشي وانتي حنين تعاي رتبي المخضر والفواكه
هي طلعت دجاج من الثلاجه متبتله وخلته بالاوفن وطبخت تمن وانا اثرم باللحم ونگعت البرغل وخليت التمن على
النار واتذكر شلون لمن انا بالحادث وهي تطبخ تمن وعدس وتگول الجهال ما يحبون الدجاج لو اللحم ولمن
بيبي تدز ياسر للمطعم يجيبولنه اكل تهجم هي وجهالها وياكلون
من كملت وغسلت المكينه مالت الثرم باوعتلي وگالت
- - وره الغدا اخذي هذني وتاشر على البرغل واللحم والتمن واصعدي فووك لفيهن
...عمه وين فووك
رفعت حاجب وگالت //بالسطح مو اكو سقيفه اگعدي ولفيهن
......بالسطح ؟
- - اي بالسطح وديري بالج من التراب لو اكلج اصعدي انتي واختج اكنسنه وغسلنه هسه
......بس عمه الماي راح يوگع بالطارمه وتوني غاسلتها
هي باستهزاء//اي ورجعي غسليها گامت الدنيا
باوعت الها باحتقار //صار عمه هسه
وصعدت انا وحنين وعرفت هاي بوادر الحرب الي تقودها افراح هتلر
صدك ضحكت على وصفي
نظفت السطح وغسلته ونزلت اغسل الطارمه وحنين نزلت وراي من كملنه اجيت للمطبخ افراح باوعتلي وگالت
- - غداچن بالجدر مو تفوتن على الاكل الي بالاوفن
عمار گال// شنو بزونه
هديل گالت //ميو
انا باوعت الهم وهمه يضحكون ما هانت عليه نفسي ما گدرت احچي لان تعبت وما احس بعد بيه طاقه لزمت حنين
وصعدنا ما صبرت صرت انحب حييل وبعبره رحنه للغرفه انا اتمددت وحنيين گالت
- - اسكتي ناديه مو تگولين انا وياج سندريلا هالمره اي لازم نصير سندريلا وسالي
ما جاوبتها التعب والجوع خلاني انام نمت وانا اشاهك من البچي لمن ما سمعت صوت افراح وهي تگول
- - شنو خواتين ما شبعتن نووم فتحت عيوني وفتحت حنين الباب شفناها واكفه متخوصره وهي تگول
- - ما تگومين خاتون تلفين الكبه لو تردينها تخيس حتى اوكلج اياها كلها
باوعت الها وحنين گالت //هسه اصعدها
- - اي صعديها للخاتون المتنگه شنو عبالج جايه اعتذر والله الياكل بضرسه ينفع نفسه والما ياكل يوفر
نزلت افراح وحنين نزلت تجيب الحشو والبرغل والتمن من صعدت گلتلي
- - ناديه ما اعرف منو خابر افراح وهي تگله انا شعليه ومنو گلك لا ما كو هيج شي
- - اي ادري كله من زهراء شحنت شمس
انا بقيت ما فاهمه صعدنا فوك وصرت الف بالكبه وحنين يمي تاكل بالحشو والتمن وهي تگلي
- - والله خوش تلفين لو افراح تشوفج شلون تلفين جان تشغلج وتصيرين تبيعيلها و چان من باچر تگلج اي
قاطعتها ......اي هو عوزي بعد ابيع كبه
حنين بضحك //والله يمكن لو تگليلها تروح تتقاول ويه ابو المحل وتگلج سوي
...اسويلها سم
اجانه الصوت الي فززنه // منو هاي الي تسويلها سم
انا جمدت وحنين غصت چان صوت عمار باوع النه وگال
- - شكو ليش خايفات منو هاي الي تسوولها سم
جاوبته بسرعه ...البزون
عمار //هاا
باوعتله وگلت ...عمار شكو ليش جاي اهنا
عمار //شنو ست ناسيه هذا بيتنا وسطحنا
...لا ما ناسيه بس انت تدري احنه جاي نلف كبه
عمار هز راسه //لا جاي تسولفن وتسبن وتدعن
انا عفت العجينه الي بايدي وكتله ...اي نسولف وندعي ونسب وبعد شنووعدك تروح تحچي الامك وتگطع عنه الاكل
لو تگل الابوك ويكتلنه ويزورك وجهنا تره عادي بعد ما يهمنا وهسه شتريد
عمار //انا الج اله اگص السانج
باوعتله وخزرته حنين گلتله //عماررشتريد
هو باوع الحنين //انطيني هاي الصينيه خلي اگليلي شكم كبايه گبل لا يجي المدرس
واخذ الصينيه وهو يخزر بيه ويباوع الحنين
الي گلتلي //ناديه ليش هيج حچيتي تدرين هاي الحيه شتسوي
...انتي گلتيها حيه يعني تگرصنا حنين اذا سالوج انتي اسكتي خليني انا احچي
حنين //ان شالله ما يگللهم
انا باستحقار ......جبان بس عينه نگسه ديري بالج منه
وكملنه لف الكبه ونزلناها احس بظهري انكسر وهي حتى مشكوره ما گالت
غسلت اديه بالسنك واريد اصعد گالت
- - وين صاعده ابقي گلي كبه وسوي زلاطه
جريت نفس وباوعت الها وكلت ......صار عمه بس اصلي وارجع
افراح //روحي عيني اية الله وخلي حنين تگلي
...عمه حنين ما تعرف بسرعه اصلي وارجع
زين روحي صلي وانزلي وانتي ابقي اغسلي مواعين الحشو
...لا عمه انا اغسلهن حنين مو هلگد بالجلف
درت شفت ياسر واگف ويمكن سمع الاوامر انا صعدت وياسر گال //يمه خطيه ليش هالقساوه
- - ما عليك لا تغرك هاي النسوان انا ادرى بيهن
ياسر //يمه يا نسوان بگد بناتج موهالگاعدات بعدين خلي ام ساره تجي وتساعدج مو دووم چنتي تودين عليها
افراح //لا باالله وليش اودي على ام ساره وذني موجودات
ياسر //يمه تره مو خدامات
افراح //شنو رايك احنه نخدمهن مالك شغل مو تريد تطلع رووح
هو گلها //اي رايح بس على كيفج
- - ما بقى عليه اله اخدم العرجه واختها بنات ميوده
صعدت والعبره بگلبي طلعت صورتها وتفلت عليها وگتلها ...اشكد اكرهج ولو عدله چان بايدي كتلتج لان انتي
ذبحتينه بالحياة
جريت نفس واجت يمي حنين انا ضميت الصوره وحنين گالت //لاتضمينها تره عادي انا وعيت على بيبي منيره
عبالي امي
گمت اتوضيت وصليت ونزلت اسوي عشا وحنين صارت تسوي زلاطه
صبيت الهم وانا واختي انتظرنه باجي افراح تنطينه عشانه هي خلت النه اربع كبايات وكوبين چاي وخبزتين
وصعدنا انا وحنين وانا متعجبه يعني افراح هالمره متكيرمه وهاي موعوايدها اتعشينا وكملنه ونزلنه الصينيه
للمطبخ اتفاجات ابيبي جميله ونصره وشمس
//////////
