رواية انا والغريب الفصل الثامن والعشرون 28 بقلم هبه حمزة

منار"....ايدد لو شنو متكلي اكو واحد يضرب هيج وخلي مفاجآت الك ما اريد شي منك

                                

ياسر".....اوكفي خل اخابر بيبيتج واكللهة

                                

منار"....لا لا لتخابر عوف 

                                

ردت اخذ الموبايل بس دك عليهة

                                

سلم عليهة وكال

                                

....تدرين منو وياية بالسيارة

                                

كالت

                                

....منو!؟

                                

ياسر"....منار وياي 

                                

....شسوي!؟

                                

ياسر".... مو تصالحنةة اني ومنار

                                

كالت

                                

.....اها الحمدلله الله يهديكم 

                                

ياسر"....شكرا حجيةة وصدك منار تتاخر اليوم بلرجعة لان راح افرهة بغداد كلهةة

                                

....هههه ميخالف اكيدد هية غير زوجتك وانتو احرار

                                

منار"....سدة منهة ويضحك ويبتسم ابتسامه انتصار 

                                

....ليس حرجتني كدام بيبي

                                

ياسر ".. ههه.نشالله ماكو احراجات..

                                

فتح السيارة ونزلنة ثنينة والهوى جان عالي بحيث احس روحي راح اطير  

                                

شفتة ضل يباوع ويدخن مبين ضايج بس؟!

                                

وكفت يمة وكلت

                                

.....الهوى حلوو

                                

ياسر"....هه يا حلو هوة غير راح نطير

                                

...اي بس حلو 

                                

ياسر"...ايي عاجبج نروح المكان 

                                

منار...صفنت علية وكلت 

                                

......ياسر اذا نرجع ابيتنة كل اسبوع نروح لمكان مو بس انتة مكضيهة طالع

                                

او بدال متروح وية أصدقاءك اني اروح وياك...

                                

ياسر"....اييي منار اكيد والله هواي شغلاات ناوي اسويهة بس نرجع وحلفت هم 

                                

منار"....شنو هنةة الشغلاات!؟

                                

ياسر"...من نرجع اكلج

                                

منار"....زين ليش متبيع بيتك الي هناك ونكعد ابيت قريب علة بيبي 

                                

شفتة هز راسة وكال

                                

...الله كريم..

                                

ورة شوية كال.

                                

ياسر"... مكلتيلي مناوية ترحين لمكان! ؟

                                

منار"....بكيفك 

                                

ياسر"...يلة تعاي صعدي

                                            

                                              

                                                    

منار...صعدنة سوة وضل يسوق ياسر ويسولف وياية لحد ما كال

                                

.....منار ليش نازعة الحجاب

                                

من كال هيج خجلت منة هوة كال لبسي واني عاندتة 

                                

.....شسمةة ياسر ورة ما ارجع البسةة

                                

ياسر".... ايي نشوف عود

                                

منار"....والله شبيك من نرجع سوة البسةة 

                                

ياسر"....الله كريم ولو اني ممقتنع

                                

ورة فترة وصلنة يم مطعم كلش حلو فخم 

                                

كعدنة سوة وطلبنة اكل وياسر يأكل ما شاء الله بربع ساعة خلص الماعون كلةة 

                                

....ياسر انتة تاكل هواي بس ميصير عدك كرش شعجب!؟

                                

ياسر"....قل اعوذ برب الفلق شنيي يمعودة لتحسديني ماكل من فلوسج واذا عل كرش فمن التمارين

                                

ميصير عندي....

                                

منار"....ما احسد اني اشو ولا مرة شفتك اسوي تمارين! ؟

                                

ياسر"...شهل معلومة الخطيرة اسوي تمارين بالبيت قابل بالنادي هناك اسوي

                                

منار"....هااا 

                                

ياسر"....اي بلة وانتي ليش هيج ضعفانة صايرة المومياء

                                

منار"....خزرتةة وكلتت مو مومياء اني بس من القهر ضعفت 

                                

ياسر ".....ايباخخ لعد شو اني من انقهر اسمن 

                                

منار"....هيةة حضوض

                                

ياسر ".....صدك والله حضوض

                                

منار....كملنة اكل ورحنة غسلنة وطلعنة من المطعم احنة ونمشي كال ياسر

                                

....اشتهيت كنافةة تردين نجيب

                                

.....لا ما اريد جيب الك 

                                

منار.....نزل يم محل ورة نص ساعة يالة اجة تاخر هواي

                                

.....متكلي وين جنت شدعوة هلكت تاخرت؟

                                

ياسر".....هههه ولج شفت صديقي هناك ونسيتج وكضيتهة سوالف بعدين اذكرتج ترخصت منة 

                                

 واجيتج وراهة ...

                                

منار"....الحمدلله بداية موفقة اذا من هسةة نسيتني بعد سنتين اذبني بالشارع! ؟

                                

شفت فتح علبة الكنافة وياكل وكاال

                                

...لا غلطانة اشمرج بدار العجزة افضل من شارع

                                

منار....سكتت مجاوبتة نوب ضل لازك بس ياكل حتة ممشة السيارة 

                                

منار"....بلة ياسر اطيني شو شهيتني عليهة

                                

ياسر"......هههههه هاج يمعودة كمتي تبلعمين 

                                

منار"....اطانياهة وكمت اكل وهوة مشة السيارة وضل يفتر

                                

سديت العلبة وحطيتهة ورة. كال

                                

.....هسةة وين نروح بعد !؟

                                            

                                              

                                                    

منار"....نروح نكعد يم شط شتكول 

                                

ياسر ".....اي والله خوش فكرة

                                

منار....وصلنة بعد ساعة يم الشط كعدنة وكلت

                                

....بلةة متجيبلي جبس....خل ناكل ونسولف

                                

ياسر ".....مو تدللين خمس دقايق واجي

                                

منار......راح ياسر ورجع ورة شوية جايب كرزات وجبس 

                                

ياسر "....هااج ست منار اخذيهن واكلي براحتج 

                                

منار....اخذت جبس وفتحتة واكل واباوع عل شط ضليت هوايي ساكت واباوع عليةة 

                                

وممنتبهة علة ياسر ورة شوية 

                                

الفتت عليةة لكيتةة صافن عليةة ويباوع بنصرات غريبة حب و عشق وهيام نظرات متنوصف 

                                

من نضرتة هاي تاكدت ياسر يحبني ....

                                

هوة غير الموضوع وجر الكرزات مني وكاال

                                

......ادري عزميني كليلي اكل وياية لو خبيثةة مو بيدج

                                

منار".....ههههه شعليةة اني متاكل انتةة لازمتك قابل!؟

                                

ياسر".....منار خل اسولف الج هاي سالفة بس هيةة قديمةة لكن حلوة 

                                

منار "....ايي ياسر سولف

                                

ياسر".....جان اكو ثنين أصدقاء مسافرين بالصحراء وبل الطريق تعاركو وواحد ضرب الثاني

                                

فواحد من عدهم ضرب صديقة علة ووجهة فسكت صديقة الي ضرب وكتب علة رمال الصحراء

                                

صديقي قام بضربي على وجهي

                                

كملو طريقهم وكاموا يمشون فهمةة ودا يمشون عثر ووكع صديقة الي ضرب علة الارض

                                

اجة صديقة وساعدة حتة يوكف فوكف بسرعة وراح كتب علة الحجر 

                                

لقد ساعدني صديق علة الوقوف

                                

فاستغرب الصديق من افعال صديقةة وكال

                                

لماذا عندما ضربتك كتبت علة الرمال وعندما ساعدتك. علة الوقوف كتبت علة الحجر

                                

فقال الصديق لصديقه عندما ضربتني كتبت علة الرمال لكي تاتي رياح المحبة والتسامح وتمحو اي أثر للأذى

                                

وكتبت علة الحجر عندما انقذتني حتى يبقى فضلك علي منقوشا في قلبي وعقلي ولا أنسى ابد فضلك الكريم....

                                

منار".....شكد حلوة هاي القصةة ....

                                

ياسر"....اي هاي القصة احس بيهة جزء من مشكلتنة راح تجي رياح وتمحو الاذى الي صار 

                                

منار"...نشالله ياسر ترة والله اني مو من نوع الحقود رغم اذيتني بس ابد ما كرهتك

                                

ياسر"....اعرفج منار ادري بيج ليش اني حبيتج لان انتي مميزة بكلشي 

                                

منار"....هههه خجلتني

                                

ياسر".....دكومي كومي خل نروح للبيت 

                                

منار"....يا بيت بالضبط

                                

ياسر"....يووو بيت بيبيتج ارتاحي ذاك البيت بعد متفوتيلةة ارتاحي

                                

منار....فد فرحت من كال هيج من الفرحة حضنتةة 

                                

هوة هم حضني وهمس باذني...

                                

.....ترة ذولةة هسة عبالهم جايب صاحبتي وجاي نتحاضن

                                

منار....ابتعدت وحكيت ركبتي باحراج

                                

..... ههه اسفةة نسيت

                                

ياسر".....عادي حبي يلاا نروح

                                

منار....كمنة سوة وصعدني بالسيارة وساق ياسر اجة ابالي سؤال 

                                

....ياسر ليش منروح بذاك البيت بعد!؟

الفصل التاسع والعشرون من هنا 

شكرا لزيارتكم عالم روايات سكيرهوم