رواية انا والغريب الفصل التاسع والعشرون 29 بقلم هبه حمزة

والسيف في الغمد لا تخشى مظاربه...

وسيف عينيك بالحالتين بتارُ...!.

البارت ما قبل الأخير.........

●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●

منار....كمنة سوة وصعدني بالسيارة وساق ياسر اجة ابالي سؤال ...

....ياسر ليش منروح بذاك البيت بعد!؟

ياسر".....ذاك البيت صارت بي ذكريات موجعة موو 

منار"....اي مشوفني ما أحبه 

ياسر".....اي هوة لذالك بعد منطبله 

منار"....حباب ياسر اشتري بيت يم بيبي 

ياسر"...الله كريم

منار......ورة ساعة تقريبا وصلنة للبيت ونزلنة ثنينة نضحك دكينة الباب وطلعت بيبي

من شافتنة نضحك هية هم ضحكت وكالت بابتسامة

...الله يهديكم 

دخلنة جوة وعفت بيبي وياسر وصعدت فوك ابدل 

بدلت ونزلت بسرعة بس من طبيت جانو يحجون بموضوع من فتت سكتوو

كال ياسر

....يلةة اني اترخص بعد 

بيبي".... الله وياك ابني 

منار"....ها ياسر راح تروح؟!

ياسر"...ايي وتعاي وراي عندي شغلةة وياج....

منار..... رحت وراى وصلنة يم باب وكال

ياسر"....تذكرين من كتلج عندي مفاجاة بالليل الج...؟

منار".....اي صح تذكرت شنوو المفاجأة !؟

تقرب مني وباسني وكال .....

.....ههههه هاي المفاجأة 

منار".... ياسر صدك شنو يا مفاجاة! ؟

شفتةة عافني وطلع وسد الباب وراى

طبيت جوة لكيت بيبي نايمةة !

واني عبالي اسءلهة شسولف هية وياسر....

خليت وصعدت فوك مدتت وردت انام بس مكدرت ضليت افكر هوايي بشغلات الصارن اليوم

ورة تقريبا ساعتين توني بديت انعس وسمعت الباب يندك خفت بالاول

ونزلت يمي بيبي 

شفت موبايلهة يدك رقم ياسر

جاوبت

وسمعت صوت يكول 

........فتحي الباب اني برة واكف

نصدمت! !!

.....ششنو ياسر شتكول انتة!؟

....تفتحين الباب لو شلون؟

...ايي هسة راح افتحةة

سديتة وراحت ركض فتحت الباب لكيت ياسر واكف وشايل ويا جنطة!

...هااا ياسر خير؟!

ياسر"....ماكو سلامتج 

منار...حجة هيج وفات جوة عبالك بيتة!

خلة الجنطة وكعد وكال

....كلاص مي منار بدون زحمة عليج

رحت جبت مي واطيتة 

ياسر "....شكرا 

منار"....العفو ، بس ليش جايب جنطة وياك! ؟

ياسر "....لأن راح استقر يمكم هنا

منار....نصدمت وكلت 

.......ششنووو؟!

ياسر"....شبيج نصدمتي راح اعيش وياكم ليش عندج اعتراض!

منار"....لا تشاقة مو...!

ياسر".....خاب دروحي اكللهة راح اكعد وياكم تكلي تشاقة بيج شي بابة

منار"....لا بس اعذرني مصدومةة متوقعت راح تعيش ويانة ...!

ياسر".....لا لازم اوكف وياج بفترة الامتحانات وعلة فكرة ترة اني راح ادرسج 

باعتبري هسةة مدرس دليفري هههه..

منار".... صدمتين تالي الليل عود صدك تحجي انتة...!

ياسر".....والله شبيج وحتة الحجيةة تدري ترة

منار"......واني آخر الناس اعرف

ياسر "......اني مو كتلج عندي مفاجأة بالليل جنت اقصد هايةة 

مكلتي شلونهة مفاجأة...؟

منار".....زينةة 

ياسر"....اي هسةة وين انام ..؟

منار"...بكيفك فوك لو جوة

ياسر"....فوك عيني

حتة اخذ راحتي...

منار.....صعدنةة فوك سوة وهوة شمر جنطتة ونام 

ضليت واكفةة راح يصير الصبح واني بعدني منايمة رحت نمت بصفةة وتغطيت توني بديت انعس 

وحسيتةة حضني فززني وحاولت ابتعد بس هوة حضني اكثر 

نمت.....

ورة فترة كعدت علة صوت الباب يندك

كما فتحتة لكيت بيبي واكفة وتضحك خجلت منهة رغم تدري بي راح يبات 

كالت

.....صباح الخير 

باحراج كلت.

.....صباح النور

بيبي"....يلاا كعدو حتة تتريكون 

منار "....اي ثواني وانزل

راحت وطبيت جوة للغرفة وصحت ياسر حتة يكعد

بس ميجاوب

.....ياسر اكعد 

....يمعود تكعد لو اعوفك واروح...

شفتةة فتح نص عينة ورجع نام.....

كلت هذة مو مال عيني واغاتي رحت بسرعة جبت كلاص مي وحطيت بيدي مي 

ورشيت علة وجهة فز وباوعلي بخزرة

جنت اريد انهزم بس لزمني وشمرني عليةة 

وكال

ياسر".....انتي متوووبين يعنننيي

منار...من صاح خفت وكتلةة

.....شبيك مو والله ردت اكعدك ومتكعد ..

شفتة سكت وحضني وحط راسة بركبتي ابتعدت عنةة وكلت 

....يلاا ياسر بيبي تنتضرك

ياسر".....اوكفي شويةة

شفتة كام وطب للحمام ورة فترة طلع سابح...

وكال

ياسر".....صباح الخير

منار"......ههههه بعد وكت 

ياسر"....اسكتي ولج فوك ما اصبح عليج

منار"....اذا انتة من تكعد متنجرع مزعج حييل حتة ما الحك اصبح عليك

ياسر"....يا بويةة شكد اتجفصين انتي ما انجرع ومزعج صرت بعد طلكيني احسن...

منار".....شكد حلو لو طلاك بيدنةة جان كل شوية اكول راح اطلكك

ياسر ".....هه امشي ننزل لا اعلمج شلون نطللك 

منار...نزلنة سوة وكعدنة نتريك سوة وبيبي ويانة 

كال

ياسر "....حجيةة انتو راح تستقرون هناا

.....لا راح نرجع لبيتنة ذاك من تخلص ورة امتحانات منار

ياسر"....اهاا خوش مو قررت اشتري بيت 

باستغراب.....شعجب وبيتكم الي هناك!؟

ياسر"....لا احسن وهم قريبين عليج ....شتكولين منار...

منار"....اي ياسر زين تسوي خاف كلشي يصير احنة قريبين عليهة 

بيبي".....الله يكتبلكم البي الخير..

منار....اليوم جمعة ما عندي دوام ولا ياسر 

ياسر طلع وبيبي هم طلعت للسوك بقيت وحدي 

صعدت احضر جدول جديد للامتحانات لأن مضل أسبوع واحد ...........

ورة فترة طويلةة نزلت اكل وندك الباب طلعو بيبي وياسر بالباب 

....هلااا شعجب سوة اجيتو!....

ياسر".....لاكيت الحجية بالطريق وجينةة سوة 

منار......طب ياسر وكال

ياسر"....منار مشتهي دولمةة تذكرين مرة من سويتهةة من اجيتكم سويلي مثلهةة اليوم...

منار".....هههه والله اني هم مشتهيتهة من البارحة بس ماكو وكت اسويهة..

وهسة تدلل راح اسويهة الك....

ياسر. ....اي عفيةة استعجلي بيهة .

منار.....بديت احضر بالغراض الدولمةة اتعب بتحضيراتهة ورة ساعة كاملة كملت 

وخليتهة بماعون ورحت بالصالة لكيتهم كاعدين سوة 

قدمتهة الةة ووهوة ما شاء الله مقصر بخمس دقايق ختم الماعون وكال

.....هااج صبيلي بعد شو هاي طيبةة...

منار"....ههههه الف عافية 

صبيت واطيتة كمل وراح غسل وكال

....اشتريت بيت و بالليل نروح نشوفةة 

منار"....اي نشالله نروح

ورة شويةة بيبي راحت تنام بيهة طبيعة الضهر دائما تنام وياسر صعد 

نضفت البيت وصعدت فوك ...

شفت ياسر يلعب بموبايلةة عفتة

ورحت ادرس واحدد بالمواضيع المهمةة ...

جنت مندمجةة وما احس باحد فززني صوت ياسر

ياسر".....منار شنو حلمج انتي...؟

منار".....ههه خرب فززتني من شوكت كاعد كبالي

ياسر ".....قبل نص ساعة وانتي فاصلة عن العالم بس تدرين هاية الدراسة الصحيحة ...

منار"....اي هوة اني من ادرس افصل ..

ياسر "....اي مكلتي شنو حلمج

منار"....حلمي هوة الطب اتمنى اصير دكتورة بس نسائية 

ياسر"....ههه شعجب نسائية بالذات....!

منار"....ما اعرف بس هوة حلمي من طفولة ...

منار"....ما اعرف بس هوة حلمي من طفولة ...

ياسر"....نشالله بقوة الله تحققي واني وياج واساندج 

منار"....نشالله ادعيلي

شفتة جر الكتاب وكام يقرة بي 

...وسألني هواية اسءلة يفيد يصير مدرس هههه علة كولتةة مدرس دليفري....

وجان كل سؤال يسألني واجاوبة صح يكول

.....عفيةة بزوجتي الدكتورة..

جان يطيني حماس حتة اجاوب وامل حلو ...

بعد مرور اسبوع..........

منار اليوم اول امتحان الي التوتر والخوف مينوصف ابد 

ياسر كال اني اوديج واجيبج حتة لو اخذ اجازة من دوام 

وفعلاا هوة وصلني باول يوم وطب وياي بالادارة وكعد يوصي المدرسات عليةة متوقعتة هيج

بحيث كلهةة تحترمة وطلع حتة الحارس صديقة...!

خلصت من الامتحان وطلعت لكيتة واكف بالباب ويضحك ...

ويكول

......ولج هاا حمامةة غراب

منار"....تقربت منة وزفرت نفسي وكلت 

....حمااااامةةة 

ياسر "....ههههه عفيةة تربيتي انتي

منار"...لعد شعبالك أبو امير تربيتك اني 

ضحك ورحنة سوة. ...

وهيج مشة الحال لمدة 10 ايام تعبت ووهواي عانيت لو ما ياسر يمكن ما اكدر أكمل بس هوة هواي

ساعدني ...

وضل الوكت المناسب للنتائج اجذب اذا اكول ما خايفة بالعكس ميتة خوف 

بوكتهة قررو يذيعون نتائج وياسر كال ما اروح للدوام ...

لأن شاف حالتي ادمرت خايفةة وتوتر شسوة بية...

جنت بالحمام وطلعن علة صوت ياسر يصيح هرج البيت بالعياط خفت وضليت واكفةة اخاف اروح

شفت ياسر طلع يصيح من صالة ولج 98 ولج منااارر

وحضني قوي مدري ابجي مدري اضحك بس حضنتةة حيلل ....

فرحتة الياسر متنوصف تكول هوة جايب المعدل هذة مو اني.....

بوكتهة لليل اني ابجي وبيبي وياي ممصدكة هذة معدلي الفرحة متنوصف 

كال ياسر

......ترة ميصير هيج بالقران مكضيهة بس بجي اسكتوو عممي المفروض هسة تمشون وتهلهلون 

بيبي كالت

.....ولك ياسر هاي دموع الفرح

.....ولك ياسر هاي دموع الفرح

ياسر".....ادري شنو انتن من يا طينة حزنتن كمتن تبجن فرحتن كمتن تبجن شنو السالفة؟

....ههه يلاا كافي منار سكتي البجي مو زين

ياسر".....يلاااا بسررعةة كومو بدلوو

منار"..... وين ..؟

ياسر"..... بمناسبةة هاي الفرحةة اني عازمكم كومو يلااا

منار..... بدلنة وطلعنة سوة والطريق كلة ياسر مشغل اغانيي ويركص

هههه والله ليشوفة يكول هوة النجح مو اني حتة اني مفرحت مثل فرحتةة...!

وصلنة يم مطعم وعزمنة ونزل كيكة الي جانت كلش حلوة...

مكتوب بيهة الف مبروك النجاح...

منار"....ههههه شكراا ياسر

حضني وجان يوم مفرح....

 هواي فرحنة وتونسنة اني وياسر وبيبي 

الفصل الثلاثون من هنا 

شكرا لزيارتكم عالم روايات سكيرهوم