رواية الضابط واليتيمة الفصل التاسع والعشرون بقلم بقلم مجهول
اتمددت على الفراش وضليت صافنة بالسكف وكلما اتذكر حجية اتكلب وابتسم وحدي مثل الخبلة
ها هو هذا شعور الحب حسب مسمعت اتكون سعيد بدون سبب لمجرد انو سمعت صوتة او حجيت ويا هذا كافي بالنسبة الك وكلما تذكر مواقفك ويا تبستم اكثر وتسعد اكثر الحب شي حلو اذا جان من الكلب وصافي بدون مصالح
نمت واني افكر بي وافكر بمستقبلنا شلون راح اتكون حياتنا سوة
كعدت على صوت الجهال بالبيت اتكلبت بالفراش بعدين كعدت اتوضح صوتهم اكثر اكو خطار هواية
كمت من الفراش شفت الدشداشة اذكرت حجي البارحة وابتسمت بدلت ولميت شعري وطلعت من الغرفة رحت للحمام قريب على غرفتي غسلت وطلعت شفت الجهال بالهول واعتقد الكبار بالاستقبال الساعة ١٠ رحت لهناك شفت عمو ويا رياجيل وخالة و ياها خواتهة
- صباح الخير
- ها العروس هسة كاعدة انتو امسويها ام البيت خدامتيش
- صباح الخير يمة روحي كعدي الولد وبنات
هزيت راسي وطلعت هاي شبيها ولا اتجوز مني حتى حجي وليد مفاد وياها رحت كعدتهم كلهم وبقى وليد رحت لغرفتة طبيت على كيفي نايم على بطنة وملابس يمة فدوة للعضلات اني
رحت قريبة وبنفس الوقت صحت وليد وكمزت على الجرباية
فز خطية راسا باوعلي
- بلة اكو وحدة اتكعد حبيبها هيج غير المفروض بوس احضان وسوالف
- وليييد
- انطرشت
-يلى حب كوم حتى نتريك سوووة واذا اتريد ابوسك جوة عادي
- ها اظاهر خالتي جوة
- ههههههههههه كوم يلى
- روحي واني اكوم وراج الة اذا اتريدين اتشوفيني بدون ملابس
كمت وطلعت سديت الباب بسرعة ونزلت ليجوة بديت اسوي الريوك اشكال انواع صحتهم التموا على الاكل واجة وليد لابس تراك اسود وشعرة امبعثر وشواربة اتجنن فدوة جر كرسي
- يلى حبيبتي تعاي اكعدي
- منو حبيبتك ( خالتة الثانية )
- ليش خالة متعرفين (وحط ايدة على جتفي ) مينا حبيبتي وخطيبتي وحفلة الخطوبة قريبة
-مبروك
لف ايدة داير مدايري وجرني كعدني على الكرسي الي بصفة جاب صحن وحط بي من كلشي شوية وحطة كبالي وجاب صمونة هم وصبلي جاي
- بعد وكلها (خالتة ام ريام) والله حظ الخدم
- (حط اصابعة بين اصابعي وباس ايدي) اوكلها وين الغلط تستاهل مينا حبيبتي ومرتي
اني جنت كلش مستحية بحيث ما اكدر اسوي اي حركة
- عوف الابنية راح اطك اخدودها
- اي والله يمة انوبة اخدودها حمر بدون خجل عاد خجل ابدي الفهن بصمونة واكلهن
بالكوة انسد الحجي وبدينا ناكل ووليد يوكلني كلساع كملنا الريوك دا الم المواعين
- يلى ريهام ريام لمو المواعين
باوعت على وليد اجة اتقرب يمي وهمس باذني
ورة الي همسة ابتسمت لزمت ايدة وبستها ابتسم بوجهي وراح رحت دا تعزل ووياية ريهام
- خوش محركتة
اني سكتت محجيت شي
- ريهام انتي خوش راح اتصيرين خدامة الها اهنيج من هسة
ريهام هم جانت ساكتة طلعت ريام وبقينا اني وريهام
- لتصدكيها ما كلتلة شي والله عليج ولا راح اكلة في يوم شي انتي اكثر من اختي
- لا حبيبتي شصدكها هاي الحية
- ما اريد اخسرج انتي تعرفيني ما عندي لا صديقة ولا اهل ما اريد اخسر اختي الصغيرة
حضنتني وبعدين كملنا شغلنا ورحنا كعدنا وياهم جنت العب الجهال وليد وية الولد بالجامع وبعدين بدينا نطبخ الغدة وهلمرة ام وليد وياية اتسوي الاكل خلصنا التمينا على الاكل وليد يهمسلي
- تعبتي ؟
- تعبكم راحة يعمري
- ورة الغدة اصعديلي للغرفة عندي سالفة وياج
كملنا الغدة وصعدت فوك للغرفة دكيت الباب
- طبي
طبيت كعدت على الجرباية - ها
- مشتاقلج ردت اشوفج
- ههههههههه وليد دكول شبيك
- اريد احجي وياج على المدرسة
- ها اي اي اي كول
- ههههههههه يمة يمة الي يشوف حماسج هسة بس تبدي الدراسة كلة يروح وتبقين تتندمين ليش رجعتي
- لا وليددد لا ما اتندم
- اوك اوك المهم ردت اسالج اطبين وية مدرسة ريهام صباحي لو اتحبين ادخلج مسائي
- مسائي ؟
- اي انتي لتنسين راح تزوجين ومراعاة المتزوجة اكثر بالمسائي
- ها ليش شوكت نتزوج
- خطبتنا الاسبوع الجاي والزواج قريب
- ها
- ههههههههه خوش مفاجئة مو
- ( جان كلبي يدك كلش بين الفرحانة وبين الخايفة مردت ابين انو فرحانة هواية ) صباحي حتى من ترجع من الدوام اشوفك لان اذا مسائي راح ما اكدر اشوفك ابد
- هم صحيح لعد خلصنا من شغلة باجر راح تبدين دروس مال سادس
- ها !!!
- سجلتج بمعهد مال دروس تقوية فايتج شهر وشوية تبدين وياهم والمادة الي فاتتج ادرسيها بالمدرسة واتفقت وياهم يعيدوها الج
- والله وليد ( كمت ابجي)
- يعمري شبيج (حضني ويطبطب على ظهري ) لتبجين ما احب اشوف ادموعج ادموعج غالية علية
- مراح انسة كرمك ابد
- لج انتي مرتي لتحجين هيج لا اكص خشمج
- هههههههه وتبقى مرتك بدون خشم واتكول وليد ( وقلدت الصوت واني سادة خشمي بايدي )
- اذا صوتج هيج يصير بطلت
حضنتة وضليت بحضنة هواية وهو يلعب بشعري
- وليد منو راح يوديني
- باجر سبت اني اوديج وبعدين شوفي خط
- مينا المعهد بي ولد
- اي
- يعني تنتبهين على نفسج ما اريد اي نوع من العلاقات بحجة الزمالة ولا ضحك ولا اي شي اذا صار مجرد سلام بينكم
- يعني اذا سالوا ما ارد قابل
- ردي على كد السؤال بس غيرها ما اريد تمام ؟ حتى البنات اختاري بحذر مو اي وحدة راسا ها واساليهم على الملازم اخذيها اخذي احسن شي اريدج اتصيرين شاطرة
- حاضر بابا
- ههههههههههه
اندكت الباب كمت من حضنة وعدلت نفسي
- ادخل
- وليد مينا بدلوا دنطلع
- وين
- للجزيرة
- اوك...
