رواية الضابط واليتيمة الفصل الثلاثون 30 بقلم بقلم مجهول

(مستقبل 2)

رحنا للجزيرة لعبنا طوبة وبعدين شووا الولد اكل واتعشينا ورجعنا ب١٢ للبيت كلمن راح لغرفتة بالفراش اتذكرت الي همسة وليد باذني - انتي مو خدامة احد انتي مرتي زوجتي حبيبتي ام جهاالي احبج 

- مينا مينا 

فتحت عيني جان وليد مقابيلي يلعب بشعري 

- صباح الخير 

- صباح النور ساعة ابيش 

-٩ بس محاضرتج ب١٠

- محاضرتي يا محاضرة عزة وليد 

- هههههههه بدينا الخوف يلى كومي بسرعة دا انلحك 

طلع وليد واني بدلت لبست قميص فتحتة لابسة بدي ابيض ستريج وبنطرون وبوتين سويت شعري كبة صغيرة وباوعت على وجهي بالمراية 

- حلوة 

طلعت من الغرفة رحت للمطبخ اتريكت وليد جان على التلفون يخابر 

- شنو راح تطلع اليوم 

- اي 

- ويامن

- جماعتي 

- اي وليد شبيك اجر الحجاية دكمل وين 

- مينا وية جماعتي وخلص شمدريني وين 

- ها شو عصبت متريدني اسال 

- مينا 

- اوووه 

كمت وطلعت من المطبخ للحديقة 

طلع كبالي راح للسيارة فتحها وكعد صعدت وكعدتهو شكلة عصبي معقولة اني غلطت بس كل الي ردت اعرفة انو وين وويامن ميصير اسال يعني

- اني مراعي توترج بس بعد مترفعين صوتج وهاي الوه والكومة لو تعيديها مرة لخ بس الله يستر عليج مني تمام؟

- بس وليد 

- بدون بس صوتج ميعلة علية ومال احجي وياج اتهديني وتروحين متسويها مرة لخ وهاي نبهتج 

جان يحجي وميباوعلي عينة على الطريق كلش ضجت وحسيت اترزلت وضجت لان متوترة وخايفة وما اكدر احجي ويا كمت ابجي راسا مكدرت اسكت وكف السيارة 

- هاي راح اتضلين اتحلين مشاكلج يالبجي 

- ولييييد ( كلتها بتقطع وببجي داابينلة انو ليزيد علية) 

- اسفة ما ادري ليش هيج سويت 

حضني وخرني من حضنة ومسح دموعي 

- كافي كافي يلى يلى ( يحجي عبالك طفلة) 

- مو طفلة اني 

- الي تبجي على كلشي طفلة 

- شنو كلشي انت قبل اشوية هددتني تضربني 

- شحدي اني اضربج 

حرك السيارة 

- محاضرة رياضيات استاذ ايمن هسة راح اطبيلها اليوم عدج بس هي مو اطبين غير شي لا عدج جدول 

- ايمن ههههههه مثل اسم اخوك شكد حلو 

- مو اكلج طفلة يلى وصلنا 

التفت علية باوع علية 

- سدي قميصج 

- لييش حلو بلون الحذاء 

- سدي (جان صوتة امر وماكو مجال مناقشة ) 

سديتة 

- مثل ما وصيتج تشترين ملزمة تسالين على خط متختلطين باحد عدة البنات الزينات 

جان يحجي ويعد على ايدة 

- هاي مية استري بيهن الملازم الي فايتج ومال هسة اذا كفت واذا مكفت بعدين وهاي ٢٥ مصرف الج مال اليوم عدج رصيد مو 

- هاي هواية اي عدي رصيد 

- مو هواية يلى حبيبي انزلي اني جان نزلت بس اريدج تعتمدين على نفسج 

- اوك بيباي 

- مينا قبل ماخلص المحاضرة دزيلي مسج 

- اوكي 

عفتها وكلبي يمها اول مرة تفارقني احسها بنتي الصغيرة حتى ريهام ما اخاف عليها من المجتمع هلكد هي نضيفة كلش ومتاذية بحياتها ما اريدها تتاذة اكثر اتذكر شلون بجت قبل شوية اوف مينا  

طبيت للمعهد بنات اشكال الوان وولد هم واكو بنات وولد وكلهم صغار ومرتبين طبيت دورت على قاعة الرياضيات لكيتها طبيت جان بس الاستاذ 

- السلام عليكم العفو استاذ ايمن مو ؟ 

- اي نعم منو ؟ 

- اني مينا طالبة جديدة 

- ها ها انتي الي اجيتي متاخرة هلة بيج عيني اتفضلي طبي فد ربع ساعة وتبدي المحاضرة سولفيلي درستي بالبيت شي لا ؟ 

- لا استاذ مدارسة صالي سنتين 

- اها شلونها درجاتج بالخامس 

- بالرياضيات جانت درجتي النهائية ٩٣ 

- ما شاء الله خوش سباعية لعد شوفي الفصلين الي فايتج مالها اي علاقة بالفصول الجاية فركزي بيهن وكانوا اول فصل واي سوال تعاليلي بالخدمة 

- تسلم استاذ 

- مشترية الملزمة ؟ 

- لا 

- روحي اطلعي للمكتبة كليلهم ملزمة استاذ ايمن رياضيات 

- اوكي 

رحت اشتريتها طبيت للمحاضرة صار وقت الاستراحة 

شفت الي بصفي سالتها 

- اكلج حبيبتي متعرفين خط لل***** 

- هلو حبيبتي اي روحي ذولام الولد هو خط وويا بنيتين وولد 

- بس هذا 

- اي اي بس هذا اكو 

- تسلمين بالمناسبة اني مينا 

- حبيبتي اني نور اتشرفت بيج مينا 

- حبيبي الي شرف 

اخذت تلفوني وجنطتي وطلعت برة 

- حبيبي وليد 

- ها يعمري شصار مصار 

- والله المحاضرة اتجنن صعبة شوية بس الاستاذ كلش حباب عادلي سوالين ومتفاعل وياية 

- الحمدلله الحمدلله 

- بس اريد اسالك اني لكيت خط بس هو سايق طالب ويانة ويا ولد وبنيتين هم طلاب عادي لو متقبل

- ماكو غيرة 

- لا 

- اوك هاهية سجلي ويا 

- والفلوس 

- شكد ميكلج كليلة اوكي

- يلى حبيبي راح اطب باي 

طبيت كملت المحاضرة رحت حجيت وية الولد ونزلت من السعر شوية 

-اتريدين تجين من اليوم 

- لا لا على باجر 

- اوك انطيني رقمج 

انطيتة وطلعت شفت وليد منتجي على باب السيارة ومتجتف 

رحت اركض علي كرصني من خدي 

- شلونها طالبتنة الشاطرة الحلوة 

- ههههههه تخبل شكككككككررا ولليد احبك 

- يلى خلي انروح 

رحنا وكفنا يم محل جبير 

- يلى انزلي نختار كيكة 

- كيكة الله بس ليش 

- احتفالا برجوعج للدراسة 

باوعتلة صفنت بي هذا شنو ملاك شنو اني معقولة حضي هلكد حلو لزمت ايدة ابوس بيها

🌹- شبيج ولج 

حطيتها على خدي

- انت اماني اخاف احسد روحي عليك والله  

ابتسم بوجهي ونزلنا اختاريت وحدة كلها كاكاو وبيها فرولة رجعنا للبيت سولفت كلشي لخالة وريهام وزين وياهو الي اكمشة اسولفلة على الدراسة سويت غدة رهومة وياية تساعدني واتغدينا ومطيت الكيكة والعصير والمواعين وحطينا شمعة شعلناها ونفختها كعدت كعد وليد بصفي 

- افتحي هاي العلبة 

- هاي شنو عزززززة وحطيت ايدي على حلكي 

العلبة بيها حلقتين وحدة فضة ووحدة ذهب 

- هاي هاي حلقاتنا 💍.....

شكرا لزيارتكم عالم روايات سكيرهوم