رواية سراج السادة الفصل الثاني بقلم عسق ادريس
خيالك اجاني
_اخذني الشاطي حبك
اريد اعطش واكتبك... خيالك اجاني
_ذكرتك من نسيت وبين اخيالك
اثاري انت العزيز الخالني ببالك
_حاولت استقر واسأل عن احاولك
لكيت النهر قطره بعين شلالك
_جمالك قصيده.. مينهز وريده
نهر اني اعلى ندربك اريد اعطش وكتبك
خيالك اجاني...........
تردد هذه الكلمات في ارجاء الغرفه مع هدوء المكان
وقطرات المطر المتساقطه عل نافذه الغرفه
بخار وحروره الاستكان بيدي شعور جميل ومريح
سديت البرده وكمت من مكاني اردد ويا قصيده
باسم الكربلائي
خليت استكان الشاي عل الميز واخذت العبايه من تعلاكه الحايط توجهت للمرايه ارتب بربطتي لبست العبايه سحبت نفس براحه مبتسمه اخذت الكتب من الميز وباوعت لنفسي ب المرايه اخر شي ابتسمت
_حضري نفسج جايتج
طلعت من الغرفه متحمسه لا اليوم اكيد راح اكدرلها اي اي اكدر طبعا شنو شيراد الها البارحه مانمت كله اقرا وابحث اكيد راح اكدر اجاوب اي اجاوب وصلت للدرج ووكفت افكر راح اكدر الها؟ ضليت واكفه عل نهايه الدرج وصافنه كل ماتذكر نضراتها ليله البارحه اغمض فشلانه اففف عود رحت شاده حيلي نضراتها ماتروح من بالي
شجعت نفسي ونزلت الدرج اجيت اطلع ورجعت وكفت صافنه اهووو شبيج مهجان خليج قويه وتوكلي عل الله طلعت من البيت مدنكه عل كتب واتذكر ب معلوماتي الي درستهن احس من التوتر نسيت كلشي لا لااا مهوج خليج هادئه.. اهووو ياهادئه هيه غير بس نضراتها تخرط عافيه الواحد
جان الجو بارد ايران ب الشتاء ماتنحمل من البرد وصلت المكان المقصود نزعت حذائي ودخلت للحسينيه وهيه مكان خاص ب المحاظرات للنساء فقط مختلط من النساء العراقيات والايرانيات تمشيت اركض لمكاني همست
_تأخرت؟
_لابعد توها بلشت
شفتها كاعده عل المنبر والسماعه يمها
_ مأساة فدك والعوالي
_اذا اجيت اليوم اتكلم عن هذه الموضوع ف احسن بدء في هذه الموضوع هو كلام الله تعالى منو اصدق من الله قيلا؟ ومن اصدق من الله حديثا؟ قال تعالى
(فأت ذا القربى حقه والمسكين وابن السبيل ذالك خير للذين يريدون وجه الله اولئك هم المفلحون) كلنا فتحنه القرأن عل الايه الذكرتها كملت كلامها
_هاي الايه خطاب من الله عز وجل الى حبيبه محمد (ص) يأمره ان يؤتي ذا القربى حقه زين منو ذو القربي؟ وشنو حقه؟
وهذه الموضوع ذكرنا في ايه القربى او ايه الموده انو المقصود من القربي هم اقرباء الرسول
ومنو هم اقرباء الرسول؟
الامام علي وفاطمه والحسن والحسين (عليهم السلام)
ف يكون المعنى اهنا اعط ذوي قرباك حقهم
ابي سعيد الخدري وغيره قالو انه من نزلت هذه الايه عل النبي
اعطى فاطمه فدكاً وسلمه اليها
والامام الصادق ايضا اكد هذه القول ومشهور بين جميع
علماء الشيعه وبنفس الوقت نذكر بكتب السنه بطرق عديده منها في كتاب (كنز العمال) (المسند) من كتاب (الخلاق) مذكوره ايضا ابي سعيد الخدري قال لما نزلت الايه النبي قال يا فاطمه لك فدك والعديد من الكتب ذكرو موضوع فدك واتفقو عل موضوع فدك لفاطمه
رفعت وحده من الجالسات ايدها واهنا بدت الاسئله عن فدك؟
_استاذه شنو فدك؟
_اختلفت الاجوبه عل فدك ف اللغويون وصفوها ب القاموس ب فدك قريه خيبر وب المصباح فدك بلده بينها وبين مدينه النبي يومان
كان موضوع فدك موضوع طويل جدا والعلويه تفصله ب بساطه وجزاله وتحاول توصل الفكره بطريقه مبسطه وترد عل اسأله النساء وتشرح الهم وتبين الهم وكان كل كلامها من القران والدلائل وهكذا رفعت وحده من النساء ايدها ووكفت وحجت ب العراقي
_علويه شلونج
ابتسمت العلويه وهزت راسها
_الحمدلله امي
_علويه اني اجيت ازور الامام الرضا (ع) وسمعت نسوان يكولون اكو علويه من اهل الله تدرس اهنا وعدها حوزره واجيتج وعندي استفسار اريدج تريحين كلبي بي
جانت تحجي وتبلع ريك الغصه بصوتها واضحه هزت العلويه راسها
_امريني شنو استفسارج؟
تمشت المره تجر بخطواتها وكفت بنص المجلس النضرات توجهت الها
_علويه اني قبل شهرين ابني راد يطلع واني مارضيت كتله لو تروح ازعل عليك بس هوا راح ويا واهس اصدقائه ماطول عليج علويه اجت تريله ودعمتهم صفتهم ويا الرصيف ابني من دفنته نص اعضائه ماكو هسه الله هم يحسابه لان كسر بكلمتي وراح وانا ماراضيه علي؟
جانت تحجي ودموعها عل خدها والغصه بصدرها صفنت العلويه عليها
_علويه مايهون علي اني وكفت يم كبره كتله ربي اني راضيه علي لاتحسابه لان كسر ب كلمتي حجيتها مو من كلب مادري راح يموت ساعتها اجه يراضيني ويقنعني حتى قبل لايروح باسني من راسي بس اني تدلعت علي ابني هوا مو حقي ادلع علي حتى يراضيني
شهكت وطاحت عل اركبها تشهك وتلطم نزلت العلويه من المنبر الها كعدت يمها وشبكتها والمره تحسها منتضره هل فرصه حتى تبجي وتطلع الي بكلبها جانت تحجي والعلويه تسمع الها
_علويه عزيز شالو من كلبي اكلهم بس ابوس عيونه يكلولي ماعدنا عيون تبوسيهن علويه ابني روحي من الدنيا هذه عنده ثنين غيره بس هذه عزيزي علويه يجي قبل لايروح للدوام يبوسني براسي من يرجع يبجب الي ويا نبك يكلي يمه ادري بيج تحبين النبك
علويه روحي محروكه علي ماكدر اتخيل عافني وراح اصيح ب اسمه ب البيت اندهه مايجيني علويه
شهكت تجر النفس ورجعت كملت
_علويه كتلني الشوك اله حتى ب الحلم مايجيني اني امه شلون يرضى يشوفني ابجي ومايجيني ربي يرضيها بس يجي اشوفه وابوسه خل يروح
كلها تبجي ويا بجيها كل شوي امسح دموعي وترجع تدمع جانت العلويه تسمع الها وتهز براسها
_علويه البجي هم ياذي خاف زعلان مني لان ابجي هواي هوا مايحب دموعي
هزت العلويه راسها ومسحت دموعها ابتسمت بحزن
_يعقوب بكى عل يوسف حتى ذهب بصره ويوسف بكى عل يعقوب حتى تاذي منه اها السجن وفاطمه الزهراء بكت عل رسول حتى تاذى منها اهل المدينه واما علي ابن الحسين فبكى عل حسين اما عشيرين او اربعين سنه يعني بكأئج مو حرام علي ولا راح ياذي
_لعد شبي مايجيني
اخذت العلويه راسها وباستها من كصتها
_انتِ مراة مؤمنه وماشيه عل درب اهل البيت كلنا اهنا فاكدين عزيز عدنا وكلنا اهنا مشتاقين لعزيز اخذه الموت وضمه التراب اله قبل من جنت ب العراق ب 2014 جانت اكو مره يمنه جانو يسموها ام الشهداء بيوم جابو تابوت ابنها الجبير كلها جانت خايفه عليها لان عزيزها هذه بس هيه لا جانت اقوة بيوم الفاتحه جانت كاعده عل كرسي كدام صوره ابنها ومبتسمه صح جانت حزينه بس جانت قويه بنفس الشهر جابو ابنها الثاني هم انكتل غدر وهم كلها خافت عليها ورا شهرين ندعم ابن ابنها ورجلها كتلو هم واولاد ابنها وحتى بتها ماتت وصارو اهلها واحد ورا الثاني يموت بسنه وحده فقدت كل ضناها ورجلها وهذه كله وجانت هيه شامخه وقويه بيوم سألوها عل قوه كلبها خافو لامصدومه كالت اني مابيه شي بس هذه دربهم الله انطاهم الله خذاهم اذا ماماتو اليوم يموتون باجر ماماتو كتل يموتون حرك يموتون غرك شنو اريد عندي 14 شهيد من اموت يتلكوني وفعلا جانت قويه ماتت بعد خمس سنوات الله راد يختبرها راد يختبر صبرها اخذ الاول شافها صبرت اخذ الثاني وهم شافها صبرت الله راد يشوف راح يجي يوم اتأيس تكول ربي مارحمت بيه ربي ليش اخذتهم؟ لاا جانت تستقبل توابيت اهلها بفخر ف يا امي انت جرحج بعده اخضر وحزنج بعده مامجبور ان ادعي من الله يجبر بخاطرج ويصب عليج الصبر
بدت العلويه تحجي وياها وتقرالها ايات قرانيه والمره تهز براسها مر الوقت واجو النسوان ويا المره ودعت العلويه وبوستها بس وكفت العلويه كلها لتمت عليها جانت تجاوبهم وتحجي بس اكو حزن بعيونها وكسره دنكت عل كتابي ارجع ب المعلومات كل مارفع راسي اشوفها بعدها هوسه عليها
رفعت راسي لكيتها ماموجوده لملمت كتبي وطلعت شفتها من بعيد محاوطاتها النساء تمشيت لنحايتها جانت مركزه ويا المراءة كانت عراقيه من طالباتنا الي تدرسهم العلويه
جانت تسأل وهيه تجاوبها وكل ماتخلص وحده تجي الثانيه وهيه حتى ماتحركت من مكانها جانت مركزه وياهن بشده حتى ويا الاصغار
ندستها ب كتفها التفت علي ورجعت لافت عل مره تسمع بسؤالها وهيه ترد عليها ب ايات قرأنيه واحاديث
تقربت يمها وهمست
_يلا عمه تعبت من الوكفه
ماهتمت ولادارت الي حتى وهذن مايخفن يرحن عشره يجن عشرين ايرانيات وعراقيات كبار وصغار صايره حرب
شوي شوي بدن ينسحبن تمشت وتمشيت وياها
_شسالفه عمه فوك الساعتين واكفه
باوعتلي صفح صارت نضراتها عل كتب البيدي ضحكت
وكفت صافنه وهيه كملت مشي رجعت اركض وراها
_عمه شبيج ليش تضحكينن ترا هل مره صدك ماطلع منا اذا ما..
لافت علي منتضرتني اكمل رمشت بوجهه وابتسمت
_اذا ما استفاد من معلوماتج اكثر لان يعني مثلا اني اناظرج انت؟ لا طبعا اني تلميذه عندج بس
ضحكت وكملنا طريقنه بقيت احاول اقنعها نتحاور ب المعلومات الي راجعتهن البارحه وهيه تهز براسها ب لاا اجانه صوت من ورانا لفنه ثنينه مراءة ايرانيه جبيره ب العمر تركض عل جهه العلويه تمشت العلويه الها تسرع الوصول
*الكلام ب الايراني لاكن النقل عراقي*
_علويه
_عيون العلويه امريني امي
خلت ايدها عل وجهه وضلت تبجي لزمت العلويه ايدها تفهم منها والمره تشهك وتبجي
_مريضه علويه جسمي ماصار يتحمل الدواء بعد
لزمتها العلويه ومشتها عل رصيف تكعدها وتمسح بعيونها مره تبوس براسها ومره تبعد ايدها عن عيونها حتى تهدئها
_مسحي دموعج حتى افتهم
فعلا بدت المره تهدء وتشرح مرضها للعلويه والعلويه تهز براسها ابتسمت العلويه وخلت ايدها اليمنى عل راس المراءه والمراءه غمضت
_(باسم الله اعوذ بعزه الله وقدرته من شر ما أجد)
(اللهم اشف عبدك ينكي لك عدوا ويمشي لك الى الصلاه)
(اذهب البأس رب الناس بيدك الشفاء لا كاشف للبلاء الى انت)
(اذهب البأس رب الناس واشف انت الشافي لاشفاء الا شفؤك ولايغادر سقماً اللهم اصلح القلب والجسم واكشف السقم واجب الدعوه)
(باسم الله ارقيك. باسم الله اشفيك من كل ارب يؤذيك)(ومن شر النفاثات في العقد ومن شر حاسد اذا حسد)
اتذكر مره سألتها عل هاي الرقيه كالت زمان دخل اارسول (ص) عل احد اصحابه وفوجده متشك فعلمه هذه الرقيه الي علمها اله جبرائيل(ع) وسألتها عل معنى ارب كالت معناها_العضو_
_حطي ايدج عل حكلج وردي وراي ثلاث مرات
_(باسم الله بجلال الله بعظمه الله بكلمات الله التامات باسماء الله الحسنى)
وفعلا بدت المره تكرر ورا العلويه وعيونها يصبن دموع
_هسه خلي ايدج عل وجع وكولي(باسم الله باسم الله باسم الله) وكولي سبع مرات (اللهم امسح ما بي)
بدت العلويه تعلمها عل ادعيه وسور تقراهن ضحكت المره وباست راس العلويه مرتاحه ودعتها العلويه والمره كل شوي تبوس ب العلويه وتسحبها تمشينه اني والعلويه مره ثانيه
_مهجان: قهرتني مبين متاذيه شلون ارتاحت من قريتي عليها
_الله يشافيها مرات الانسان يحتاج يداوي نفسه ب دواء الله احسن من دواء بنادم
حجتها وكملنه مشي راجعه بجهه البيت
_عمه لعد اني عليمن البارحه كله سهرانه ابحث عن الخطبه غير اريد احاورج بيها
_هجان اني مايعجبني تقرين حتى تحاوريني لا اريدج تقرين لنفسج وتزيدين معلموماتج الج انتِ مو الي وبعدين عبالج هاي الكتب جواب حتى سؤالي البارحه؟
_اي قريتهن كلهن لكيت نبذه بيهن عن سؤالج
باوعتلي وضحكت
_وقت حاورت السيد بنفس السؤال ضليت اشهر اقره وموو كتاب وكتابين لاا كتب واجزاء كبيره ومن اجيت لسيد طلع جوابي قطره ببحبر السؤال
_عود ليش اكو اسأله مالها جواب؟
_احنا جهله
كملنه طريق للبيت سمعت صوت من ورانا
_علويه
درنا اني ووعمه الساده شفناه ولد صغير لازم بيده جكليت ويركض ب اتجاهنا
_روحها للعلويه
وصلت يمها يضحك فتح ايده ينطينا من الجكليت اخذت جكليته وباسته من خده اشر ب ايده يودعنا وراح يركض وصلنه للبيت صعدت عمه الساده لغرفتها واني خليت كتبي انزع توني افتح الربطه ونفتح الباب بقوه
_هجان: خرعتيني عمه
_ويننن عمههه الساده؟؟
_فوك ليش
_عمه الساده وينججج
جانت تصيح ووجه احمر مفرفحه اجت عمه الساده وكفت عل درج كتفت ايدها مبتسمه من شافتها عمتي راحت الها واكفه عل درج ايدها ترجف
_شنو تردين تسوينننن؟؟؟
نزلت اول بايه من الدرج
_شنو اسوي؟
_تعرفين كلش زين شنو تردين تسوين شوفي علويه رجعه للعراق شيليها من راسججج نهائي رجعه للعراق ماكوووو
ضحكت عمه الساده وكملت تنزل الدرج ببطء
_شنو السيد انطاج علم؟
_لا مو السيد اني دريتتت
_شلون دريتي؟ سولفيلي
_عوفي ال شلون دريتي والغي سالفه الروحه
_ششنو السيد عبد الرؤف نبذني كانو مو؟
بدت عمتي تهدء وتنصي من صوتها من شافت عمه الساده عيونها صارن حمر و بدت تعصب
_لا يعمه شنو نبذج غير ابوج هوا بس لمصلحتج هوا يريد مصلحتج شنو رايده من روحه العراق والنجف؟
نزلت عمه الساده الدرج ووكفت كدام عمتي
_عندي ثار ناره مابردت ب ارض النجف
_عاتكه_
دخلنا لصحن الامام علي (ع) واني داير مدايري العلويات والساده الساده من كدامي والعلويات وراي واني بنصهم وكف ساجد يباوع لورانا
_ساجد: اجه مفرقد
التفتت شفت مفرقد مدنك وجاي يمشي ب اتجاهنا وصل يمنه ورفع راسه ابتسم بوجهي
_مفرقد: هاج عتوكه
_عاتكه: شكرا حبيبي
_مفرقد: تدلل محروستي
_ايليا: شكرا حبيبي؟
_فقار: تدلل محروستي؟
_غضيمر: لعبان نفس
جرني مفرقد
_مفرقد: اي محروستي وعزيزتي هم
اجو يتناكرون وجرني السيد من بينهم خال ايده عل راسي
_السيد عبد الرؤف: مو عزيزه احد هاي علويتي وعزيزتي انا
دنكت اضحك خجلانه
_شاهيناز: اي اي اي سيد عزيزتك وعلويتك واحنأ اهنا يده مال باب
_حميده: سيد شو غرت مايصير هيج
_حوراء: ومشاعرنا سيد هاي تفرقه
ضحك السيد وجرهن كلهن اله
_السيد عبد الرؤف: كلجن عزيزات عندي ونفس المعزه وانتن وردات العائله شلون افرق بينجن وانتن من نفس حديقه الساده
باوعت العلويه للسيد وتحسرت تمشي
_علويه زهراء: والله وكت جانت العلويه زهراء هيه العزيزه هسه بزر بزر بطني صارن اعزاز
حجتها ومشت كلنا صفنه عليها عافانا السيد وراح يتمشه وراها وهيه تدور عنه
_ايليا: اكلج يمه انت هم تغارين عل ابوي؟
دار ابوي عل ايليا رافع حاجبه
_علويه رقيه: يمه كبرنا بعد مو مالت غيره
_غضيمر: لعد شبيج من اجت ام مازن تسأله عل قضاء ضجتي؟
خزر ابوي غضيمر وادر عل امي باوعتله ومشت ضايجه لحكها ابوي يحجي وياها وهيه تهز براسها
_مفرقد: صدك تحجون؟
عفنه الولد يتناكرون ومشينه عل جهه الصحيات لبست العبايه جانت طويله
_عاتكه: العبايه طويله
_شاهيناز: شيليها لاتتنكس
فعلا شلتها وطلعت من الصحيات اني والبنات كل شوي اتعثر ب العبايه وارجع ارفعها
_حوراء: عاتك كنستني الصحن
_شاهيناز: من يوم يومج نظيفه عتوك
_عاتكه: كله من مفرقد لو خاله ايليا يجيبها
_حوراء: هسه كلش ايليا يعرف طولج
_عاتكه: لايعرف طولي قبل يومين قاس طولي ب الفتيله
_حيمده: عود فيته
تمشينه وكل شوي واحد دايس عل طرف العبايه والربطه ترجع وارجع اعدلها شفنه الولد منتضرينه من بعيد مفرقد من شاف العبايه تسح وراي دار وجهه يسوي روحه مايشوف
_اايليا:ابوو عزيزتيييي شوف العبايه شطولها ماضل واحد ماعثر بيها
_مفرقد: عاتكه زاعجتج العبايه؟
_عاتكه: اييي
_مفرقد: شوف تكول لا
_ايليا: محروستيييي
_غضيمر: عزيزتي
_فقار:كافي ولد عاتكه دخلي زوري من نطلع اشتريلج غيرها
هزيت راسي ب اي ودخلنا نزور اني والبنات جانت هوسه عل مرقد
_شاهيناز؛ الكفو بيجن تلزم المرقد
_حميده: بنات تذكرن بولاده الامام علي (ع) من طكن راس شاهيناز ب المرقد
_شاهيناز؛ تذكرين من شبخنج الايرانيات؟
_عاتكه: هوب هوب شاهيناز كولي يالله
_حوراء:كافي يمعودات التخلص زياره تنتضرنا اهنا
فعلا دخلنا نزور وكلها تجرجر جاي الزم المرقد وماحس غير انسحبت من ورا واني جاي ارجع دست عل عبايتي ورجعت طايحه عل ضهري اهنا كلت متت من شفت رجلين وحده صارت بوجهي ضليت اصرخ وماكو استجابه ابد تروح موجه تجي موجه كرفصت عل نفسي ابجي الايراينات مايفهمن يم الزياره وقويات سمعت صوت البنات يجرجن بيه
_شاهيناز: خانمممم الابنيههه ماتت خانم ولج خانممم راح اطككجج البنيه اختنكتتت
_حوراء: جرنها من راسها ولججن
_حميده: شنووو خروف تجريها عاتكهههه كومي شيلي روحج ولجج
_شاهيناز: خاففف ماتت ولجج عاتكه
رفعت راسي اباوع البنات فوكي يردن يجرني مايكدرن عل كد الهوسه جاي ادنك شاهيناز تكومني وماتحس غير اجتها سطره من ايرانيه مدتتها يمي حصرتني الضحكه من قوه الضربه النقاب صار عل عيونها وهيه تصرخ
_شاهيناز:يبويييي ولجننن طكتني
رجعن البنات يحاولون يكومنا اني وشاهيناز اجو الي ب العتبه يحاولن يشيلنه التمن نسوان عراقيات محاوطتنا حتى نكوم وفعلا جرجونا طلعت عبايتي مو عل كتفي ملفوفه عل رجلي تمشي وياي طلعنه من هوسه النسوان كوا اجر النفس ابجي وشهيناز ادور عل طكتها لزمتني ام العتبه تمسح بدموعي
_بنيتي اذنج بيج شي
هزيت راسي بلا وامسح بدموعي
_حميده: شاهيناز شبيج عيب نصي صوتج
_شاهيناز: اكلهااا طكتنييي جانت متقصده اطكني
_حميده: يمعوده شهريتنه اتعوذي من الشيطان شوفي عاتكه هاي شصار بيجج
_عاتكه: دخت والله وحده رفستني ابطني وفوك ماجنت مختنكه اجت شاهيناز نامت فوكي
_شاهيناز: بس خل الكف هاي الطكتني اذا ماطكها بوكس عل عينها اطفيها الها
_حوراء: ولججج علويه انتت علويه هاي موو اخلاقنا
_عاتكه: عمه الساده تكول كبري كلبج وكبري صدرج وكبري جف ايدج من اطكين
حجيتها ومشيت اعدل بربطبتي كلها جانت تباوعلنا حقهم صرنا مضحكه نسحلنه سحل لبست العبايه شايلتها من جوا
_حوراء: علويااات
دخلن العلويات الاكبار وياهن العلويات الاصغار اجن ب اتجاهنا عكدت حجوابها العلويه الجبيره
_علويه رقيه: ولجن شصاير بيجن؟
_شاهيناز: علويه كتلنااا
راحت تركض للعلويه وتسولف الها كعدت منتجيه من كد مانسحلت حتى واهسي راح اخذت كتاب الزيارت وبديت اقره وشاهيناز تسولف للعلويه مر الوقت وكلنا خلصنه قراءة والعلويات الكبار صافنات عل مرقد يدعن جرت شاهيناز هدى اختها الصغيره عمرها 5 سنوات
_شاهيناز: هدهد ذكريلي الائمه المعصومين
هزت رأسها هدى وتربعت
_:1_ محمد بن عبدالله (ص) ولد يوم 17 ربيع الاول وتوفاه يوم 28 صفر
_2_ علي ابن ابي طالب (ع) ولد 13 رجب سنه 30 بعد مولد النبي قتل في 21 رمضان بضربه عبظ الرحمن ابن ملجم
_3_فاطمه الزهراء (ع) ولدت 20 جماد الاخر توفت في نص من جماد الاول
_ 4_الحسن بن علي الزكي (ع) ولد في نص من شهر رمضان مات مسموم بامر معاويه 7 صفر
_5_الحسين الشهيد ولد 3 شعبان وقتل في العاشر من محرم
6_علي بن الحسين السجاد(ع) ولد في الخامس من شعبان مات مسموم يوم 25 محرم
7_محمد بن علي الباقر(ع) ولد عشرين رجب مات مسموم 7 ذي الحجه
8_جعفر بن محمد الصادق(ع) ولد 17 ربيع الاول مات مسموم 25 شوال
9_موسى بن جعفر الكاظم(ع) ولد في السابع من صفر مات مسموم 25 رجب
10_علي بن موسى الرضا(ع) ولد 11 من ذي القعده مات مسموم 17 صفر
11_محمد بن علي التقي الجواد(ع) ولد عشره رجب مات مسموم في اخر ذي القعده
12_علي بن محمد النقي الهادي(ع) ولد 15 شهر ذي الحجه مات مسموم ثالث شهر رجب
13_الحسن بن علي العسكري (ع) ولد في الربيع الثاني نات مسموم 8 ربيع الاول
14_لحجه القائم المنتظر عجل الله فرجه ولد في النص من شعبان خاف من اعدائه فغاب عن العيون
_شاهيناز:( عليهم السلام) عفيههه هدهدد عفيهه
جانن اكو نسوان كاعدات كدامنا صافنات عل هدى وهيه تقره من خلصت وحده دارت عليهن مصدومه درت وجهي عنهن صافنه عل مرقد حسيت بوحده كعدت يمي درت عليها جانتت وحده من البنات الكاعدات كدامنا ضحكت
_خرعتج
_لا حبيبتي شسالفه عدلي كعدج خاف تتضايقين
كسرت رجلي حتى تكعد براحتها لان جان المكانن ضيك بيني وبين شاهيناز باوعتلي وبتسمت
_انتم علويات مو
هزيت راسي ب اي
_اي علويات
ضحكت فرحانه تباوع لجماعتها
_عرفت والله شكلجن مريح
ابتسمت بوجهه اهز براسي عدلت شالها وبتسمت متررده تحجي
_اكلج علويه عندي مشكله اني واستحي احجيها
_ لا حبيبتي لاتستحين حسبيني اختج صديقتج وتحجيلها
_ببعد روحي والله علويه اني عمري 23 ومشكلتي ماصلي والله علويه شكد حاولت اصلي ماكدر اصلي يومين واكطع بعد اني والله متاذيه من هاي السالفه يعني شكد انقهر واختنك من اشوف غيري يصلي واني لا
جنت اسمعلها واهز براسي من خلصت كلامها حجيت
_عاتكه: سألو ابو عبدالله (ع) ما بال الزاني لاتسميه كافر وتارك الصلاه تسميه كافر؟ قال لان الزاني والي يشبهه يفعل ذالك لمكان الشهوه لانها تغلبه وتارك الصلاه لايتركها الى استخفافا بها وتشوف الزاني يأتي المراءة مستلذ لاتيانه اياها قاصدا لها وكل من يترك الصلاه قاصداً لتركها فليس يكون قصده لتركه اللذه ف اذا نفيت اللذه وقع الاستخفاف واذا وقع الاستخفاف وقع الكفر
الرسول (ص) قال من حرق مصحفا سبعين مره وازنى سبعين مره وقتل سبعين ملكا مقربا اقرب الى النجاه من تارم الصلاه.
تارك الصلاه ملعون في التوراه والانجيل وملعون في الزبور والقران وملعون عل لسان جبرائيل معلون عل لسان ميكائيل ملعون في لسان اسرافيل ملعون في لسان محمد
_ييمهه لا علويه والله اخاف اخاف اموت والله مارضي عني
_شوفي حبيبتي انتِ الندم وتفكيرج بتركج لصلاه هاي علامه انو رب العالمين يردج ترجعيله
_شلون ارجع؟
_انت ادرسين؟
_اي قانون مرحله اولى
_ماشاءالله اللهم صلِّ على محمد وآل محمد
_شكرا علويه
_خلصتي 12 سنه تجبرين نفسج عل دراسه ماكو واحد بينه مايوم اجه يدرس ومل وماتعب؟ كلنا جبرنا نفسنه بيوم نضل سهرانين حتى نخلص فصل وفصلين؟ وندرس لماده الامتحان ونروح للمدرسه منايمين؟ حتى بهذه التعب كله والسهر والبجي تجي نتيجه الامتحان نكون راضين بيها. مثل ماتعبتي هاي السنوات كلها وجبرتي نفسج عل تعبها حتى تفرحين ب نجاحها جبري نفسج عل صلاتج حتى تفرحين ب عطايه الله وتفرحين ب رضى الله عنج
سوي مثل التحدي؟ تحدي نفسج اسبوع كامل كل ماتسمعين الاذان توضي وفرشي مصلايتج اسبوع كامل اقري مناجات التأبين اسبوع كامل اقري سوره الواقعه؟ اقري ادعيه؟ تعمقي ب الدين بس ب اسبوع واحد وخلي من قلب ناوي التوبه بعد هذه الاسبوع راح تشوفين رجعتج لربج صحيحه ادعي لنفسج ب الهدايه وعدي نفسج ماترجعين لدرب الخطء
الدين حلاوه بس تتقربين لله راح تكرهين هواي اشياء بحياتج
بدت تسالني واني اجاوبها وانصحها ب الي تقره مر هواي وقت واني احجي وياها التمن النسوان علينه يسمعن من خلصت اسألتهن ترخصت منهن وكمنا اني وشاهيناز وحميده وحوراء طلعنه من الحرم صار كدامنا الساده مدنكين وكل واحد بيدع سبحته
تمشينه الهم من شافنو احنا رفعو عيونهم بعيونه لاف فقار السبحه بيده وخلاها بجيبه وكفنه يمهم ننتضر السيد ماطول اقل العشر دقايق وجه مدنك من بعيد وصل يمنه ابتسم ومشه كدامنا مشينه ورا
السيد يمشي ب النص وفقار ومفرقد عل يمنته ويسرته واني والعلويات نمشي وراهم وايليا وغضيمر وساجد وسجاد ورانا احمد ومحمد عل يمنتنه المنظر جان مريح من تشوفين نفسج محاطه ب الامان من كل الجهات رفعت راسي اشوف نص الكاعدين يباوعون النا ومبتسمين
دخلنه للحوزه مكان جلستنه كعد السيد ب النص وحاوطناه مثل الدائره
_سيد عبد الرؤف: يلا سيد مفرقد بلش
هز مفرقد راسه وبده يتلو ويجودد القران غمضت عيوني مرتاحه ومطمأنه واني اسمع صوته جان مريح كلش مفرقد من افضل قراءنا ب العائله صوته يقشعر الابدان ب القراءة بدو الساده كل واحد ياخذ صفحتين من سوره البقره واني والبنات نسمع الهم
رفعت راسي عل جهه الباب جانت اكو ابنيه واكفه ب الباب صافنه عل مفرقد باوعتلها مستغربه شفت شاهيناز تباوعلها رفعت حميده راسها من القران وشافتها وهم صفنت عليها
_حميده: شنو الموضوع منو هاي؟
_عاتكه: خاف تريد تستفسر؟
_شاهيناز: يا تستفسر غير صالها ساعه صافنه ب مفرقد
_حوراء: خلي وحده تروح الها تشوفها
توها شاهيناز تكوم والبنيه دخلت وكفت يم العتبه ودكت الباب الانضار كلها توجهت الها دنكو الساده وكسرو عيونهم جانت صافنه عل مفرقد اني والبنات نباوع الها ومره لمفرقد الي مارفع عينه من القران تصدق السيد ووجهت نضراته الها ورجع يباوع لمفرقد باوعت للسيد
_سيد عادي ادخل؟
ابتسم السيد وهز راسه ب اي دخلت شايله بيدها فلوس رفعتهن بوجه السيد استغرب السيد
_السيد عبد الرؤف: شنو هاي بنتي
_هاي فلوس العبايه
عكد السيد حاجبه مافهم اشرت عل مفرقد تباوع للسيد
_هذه السيد الفلوس اله
_شاهيناز: فلوس مال شنو؟
دارت عل شاهيناز
_مو هوا انطاني فلوس العبايه واجيت ارجعله اله
هز مفرقد راسه وحجه بدون مايرفع راسه
_مفرقد: خويه انا ماطلبت منج ترجعيلي الفلوس
_اي سيد بس هذه حقك
_مفرقد: ماكو حق بويه الج هنا
_لا والله سيد اخذهن الله عليك
_لايرد الكريم الى البخيل اخذيهن واعتبريهن من اخوج
صفنت تباوعله وهوا بعده مدنك هزت راسها ب اي ورجعت تكمل تطلع رجعت دارت علي
_شكرا سيد
هز راسه ب اي وابتسم باوعت للسيد عبد الرؤف وابتسمت
_اسفه سيد اخذت من وقتكم
حجتها وطلعت حسيتها غريبه نضراتها كلامها حركاتها استغفرالله لايارب ماريد اغتابها رجعنا نكمل قراءة القران مر ساعه ونص واحنا نقره سديت القران ودرت عل شاهيناز بهمس
_عاتكه: حروح للصحيات
_شاهيناز: اجي وياج؟
_عاتكه: لا مايحتاج
ترخصت من السيد وطلعت متوجهه لصحيات صارت كدامي امي شايله فاطمه
_علويه رقيه: ها عاتكه
_عاتكه؛ ها ماما
_علويه رقيه: فدوه ماما عتوك ماتاخذين فاطمه تشربيها ماي من البرادات
_عاتكه: جيبيها ماما
اخذت فاطمه من امي وراحت تمشيت اوديها للترامز مال الصحن الامام بستها بخدها وهيه تضحك وصلت للترمز فتحت شوي اشوف الماي جان بارد وفاطمه اصلا مريضه ماكدر اضحي واشربها
_عته نايي نيدد
_تردين ماي؟ بارد هذه حبيبتي تتمرضين
برطمت تريد تبجي
_لا فاطمه اذا بجيتي ماجيبلج ماي لاتبجين
_عتانههه
_هسه اجيبلج تعاي نروح نشتري من برا
اخذتها وطلعت من جهه المطاعم الي تودي للمقابر وتطلع برا الصحن لازمتها بيدي وهيه تململ وكفت يم ابو مطعم
_السلام عليكم خويه عدك ماي ابطاله دافي؟
_موجود خويه
_نطيني ثنين
مانتبهت عل فاطمه ونسيتها ضليت صافنه عل ابو المطعم شلون ثرم بصل وطك فوكه بيض يحطه فوك ثريب الباجله كسر صفنتي ابو الماي
_هاج خويه
_مشكور
نطيته الفلوس ودرت افتح ببطل الماي لفاطمه
درت مشفتها موجوده اتلفتت اشوفها وين راحت ضليت اصيح باسمها وين راحت؟ توها اهنا يارب وين راحت بعدها صغيره ماتفتهم وين تروح
تقدمت كدام ورجعت لصفحه الوراي ماكو
سديت بطل الماي شايلته مشيت كدام وارجع اتلفت ورا ماهي اختي ماهي؟؟؟ مسحت عيوني الي بدن يدمعن
_فاطمه وينجج حبيبتي تعاي يلا نروح
اصيحها ماترد اختي وين راحت نزعت النقاب من حسيت نفسي اختنكت تمشيت عل جهه الشارع رجلي يرجفن خاف تعبر وتندعم بدت دموعي تطيح عل خدي اخاف ارجع اصيح الساده وترجع تجي اهنا وماتلكاني وخاف اضل ومالكاها طلعت شهكتي بقوه بنص الشارع السيارت الماره كلها ادك هورن والناس تباوع واني اروح وارد بمكاني عثرت بعباتي وطحت عل اركبي شهكت ابجي مختنكه اخاف اني مو كد اضيع واحد من اخواني كمت امسح بدموعي واصيح ب اسمها سمعت صوتها
_عتهه
غمضت عيوني اشهك بقوه درت عل جهه الصوت وشفتها جانت تضحك وتباوعلي من شافتني ابجي اختفت ضحكتها و سكتت
_احاا يم دميعه ماصالها عشر دقايق من اختفت وبجيتي
باوعتله جان شايل فاطمه شكله غريب يجيب الشبهه اصلع وضخم بشكل مخيف طبره حاجبه وعيونه خلتني اكوم من مكاني وتوجهت اله نزل فاطمه من ايديه جريتها
_وينن جنتيي ويننن
من شافت ردت فعلي ضلت تبجي واني ابجي وياها
_ماكلتي خطيه اختي شلون اعوفها واروح؟؟ شكول للسيد من يكلي وين وديتي اختج شكول الامي من تكلي امنت اختج عدج مارجعتيها وياج
حجيتها وخليت ايدي عل وجهي ابجي اجت يمي تبجي وتمسح بوجهي
_عتهه اتفهه (اسفه)
_روح عتهه
شبكتها ابوس بيها وهيه تمسح بدموعي درت عل جهته جان شابك ايده ومقدم حلكه يهز براسه درت عيني منه
_لاشكرا لا عفوا؟ هيه هيج اخلاق الساده
استغربت هذه منين يعرف احنا ساده درت مدنكه راسي ماريد عيني تجي بعينه
_شكرا خويه اعذرني من هبطتي ماركزت
_يدللون الساده
شنو الموضوع هذه منين دره بقيت واكفه انتظر ثبات نفسي حتى اكمل دربي طبكت سياره ونزل منها شخص توجه يضحك لنفس الشخص الاصلع
_هلا ب الدلهب هلا ب دفان النجف
ضحك الي اسمه دلهب وتسالمو صارت عيني بعينه كسرت عيني منه ودرت منه اخذت ايد فاطمه ومشيت راجعه رغم الطريق صار بعيد عنه بس هل هبطه ضيعه فاطمه
شفت الساده والعلويات كلها وأكفه تفتر شال فرقد تلفونه يريد يتصل وصارت عينه بعيني نزل التلفون من ايده واجه يركض علينا كلها من شافتنا اجت تركض واني بس شفتهم ضليت ابجي
_مفرقد: شبيجج عاتكهه بيج شي فاطمه بيها شي
يحجي ويجر بيه واني ابجي لازمه فاطمه بيدي واسولف الهم شلون ضاعت مني سمعت صوت السيد من شافني جرني لحضنه واني ابجي
_سيد فاطمه رادت تضيع مني
حضني يهدء بيه وكلها لتمت يهدون بيه واني ماكدر اسكت روحي اتخيلت لو صدك ضايعه فعلا اتيه اني
بعد محاولت وكلام سكتت بس الهبطه بعدها بيه
_حميده: يلا عاتك ينتضرونا الساده
_عاتكه: يا ساده؟
_حوراء: السيد عبد المقتدر اتصل ب السيد وكله تعال للحله مناك نطلع لكربلاء سوا
_عاتكه: يعني هسه راجعين للحه؟
_شاهيناز: يلا بنات السيد يكول صعدن
ركبنا كلنا ب السيارت ونفس ترتيب الجيه خليت راسي عل جامه الهبطه بعدها بيه غمضت واخذتني الغفوه عل كتف شاهيناز
دخلنه للحله اعشق شي اسمه حله اعشق هل محافظة طفولتي نصها عشتها اهنا
هذه المكان من الحله هوا طريق مشايه الامام الحسين الي يجي يمشي ويروح للكربلاء من هذه الطريق منا يجون الزوار يمشون ويصير كدامهم مرقد شريفه بت الحسن مكان جميل عل جانبيه البساتين الخضر مكان روعه ماعرف اوصفه كله خضار نخل واشجار وشطوط بدت سياره السيد تقلل سرعه والسيارات كذالك
تونا نزلنه من السياره واجاني صوتها
_هلا ب النور الحله
درت عليها اضحك فتحت ايدي احضنها بشوق وحب وهيه تعبر عن شوقها ب البوس وكلمات التهليه
_هلا ب اهل الساده هل بريحه اهلنا
بوستها من خدودها اضحك نزلن البنات من السياره واجن يركضن عليها وهيه تهلي بيهن ضحكت من شافت السيد فتح السيد ايديه وهيه راحت تركض لحضنه حضنته تبوسه من صدره والسيد يضحك يبوسها من راسها رفعت راسها من صدر السيد خاله ايدها عل وجهه تبجي ضلينه نضحك والسيد دنك يمسح بدموعها ويبوس براسها
_والله سيد مشتاقه لريحتك وصوتك
ضحك السيد وحضنها يطبطب عل راسها
_السيد عبد الرؤف: اتى بي الشوق اليك ياعزيزه قلبي ف والله الشوق للمحب عذابُ
ضحكنه كلنه والسيد يمسح عل راسها وهيه تضحك دخلنا للبيت
_هلا هلا ب علوياتنا
ركضنا نحضن ب السيد عبد المقتدر اخو سيد رؤوف الي مايقل حنيه عن حنيه سيدنا دخلو الساده يبوسون ب السيد مقتدر دخل السيد عبد الرؤف والعلويات الكبار يسلمون سويت انسحاب من يمهم ودخلت اركض للبيت دخلت للمطبخ فتحت باب المطبخ الخارجي صار كدامي البستان البيت ركضت شايله عباتي متوجه للسطبل وصلت للسطبل فحطانه اضحك واجر نفس من شفته اي شفته
صهل بصوتهُ ورفع نفسهُ الى السماء
ركض من بين جميع الحظور بخفتهُ العاليه
كان اسرع الخيول الموجوده لونهُ الاسود
يسر النضر يجعلك تفكر كم هو مؤذي وقاسي القرب
من هذه الخيل والفرس
الذي لم يستطيع احد ركبهِ بعد تلك المراءة
نعم انا الان امام
"السراج "
احتمال احذف البارت وارجع اكتبه مره ثانيه ماعجبني سرده واحس بي نقصصص ومدري شلون
لان كتبته واني تعبانه ف ماعرف
++++ تتوقعن هذه الخيل المن! منوو صاحبه
