رواية سراج السادة الفصل الثالث بقلم عسق ادريس
يا مُسخّر لحظات الجبر لعبادك اكرمنا.
- سُبحان الله .
- الحَمد لله .
- لا إله إلا الله .
- الله أكبر .
- لا حَول و لا قوة إلا بالله .
- سُبحان الله و بِحمده .
- سُبحان الله العَظيم .
- أستغفِرُ الله الْعَلِيُّ الْعَظِيم وَأَتُوبُ إِلَيْهِ.
-لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
-اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ.
-يا مقلِّبَ القلوبِ ثبت قلبي على دينك.
#غسق ادريس
#سراج الساده
تابعوني تلغرام نسولف
@
asd_wwe1
خلينا ويا الساده
_حميده: قال تعالى (ألم ترى الى الذين خرجوا من ديارهم وهم الوف حذر الموت فقال الله لهم موتوا ثم احياهم) سيد شنو معنى الايه؟
_سيد عبد الرؤف:مدينه من مدائن الشام كان بيها اهل مدينه وكانو سبعين الف بيت وكان الطاعون يقع فيهم بكل وقت اذا حسو به خرج من المدينه الاغنياء لقوتهم وبقي فيها الفقراء لضعفهم. ف كان الموت يكثر في الذين اقامو ويقل في الذين خرجو. فيقول الذين خرجو لو كنا اقمنا لكثر فينا الموت ويقول الذين اقامو لو كنا خرجنا لقل فينا الموت
_اتفقو جميعا انه اذا وقع الطاعون واحسو به خرجو كلهم من المدينه ف من حسو ب الطاعون خرجو كلهم وتنحو عن الطاعون حذر الموت
فسارو في البلاد ماشاء الله. مرو من مدينه خربه
_كوثر: سيد شنو يعني خربه
اابتسم وباسها من خدها ضحكت خجلانه وكمل كلامه
_السيد عبد الرؤف:: يعني هلكانه هجروها اهلها وفناهم الطاعون ف نزلو بيها فلما حطو رحالهم وطمأنو قال الله عز وجل موتو جميعا فماتو من ساعتها وصارو رميما عظاما تلوح ف نجمعو في مكان واحد مر بهم نبي من بني اسرائيل اسمه حزقيل من شاف العظام بكى واستعبر قال يارب لو شئت لاحييتهم الساعه كما امتهم؟
فالله اوحى اليه افتحب ذالك؟
قال نعم يارب فاحيهم فاوحى الله له قل هكذا وهكذا
فقال الي امره بي الي
_هدى: يعني شنو كال!
مسح عل رأسها وضمها لحضنه
_السيد عبد الرؤف:: ابو عبدالله (ع) يقول الاسم الاعظم فلما قال حزاقيل ذالك الكلام نظر الى العظام يطير بعضها الى بعض فعادوا احياء ينظر بعضهم الى بعظم يسبحون الله عز ذكره ويكبرونه ويهللونه
فقال حزقيل اشهد ان الله على كل شي قدير فنزلت بيهم هذه الايه
_حوراء:: سيد مره سمعت عباره انا بيت التراب انا بيت البلاء! شنو يعني
_السيد عبد الرؤف:: كل قبر ينطق كل يوم ثلاث مرات انا بيت التراب انا بيت البلاء انا بيت الدود فاذا دخله مؤمن قال القبر مرحبا واهلا والله انا كنت احبك وانت تمشي على ظهري فكيف اذا دخلت بطني؟ فيفسح له مد البصر ويفتح اله باب يرى مقعده في الجنه ويخرج رجل فيقول الميت لم تر عيناي شيئا احسن منك
__شاهيناز: منو هذه الرجل؟
_السيد:: رأيك الحسن وعملك الصالح ثم تاخذ الروح وتوضع في الجنه وين ماراى منزله ويقول له القبر نم قرير العين
_عاتكه: سيد والكافر؟
_السيد:: اذا دخل الكافر قالت لامرحبا بك ولاهلا اما والله لقد كنت ابغضك وانت تمشي على ضهري فكيف اذا دخلت بطني؟ فتضم عليه فتجعله رميما وتنعاد الاحداث وينفتح اله باب بس مو للجنه للنار ف يشوف مقعده ب النار ف يخرج رجل قبيح ف الميت يقول مارأيت شيئا اقبح منك ف يقول له انا عملك السيء ورئيك الخبيث ف ياخذ ويوضع ب النار وين مقعده ف تلوحه نفحه من النار يشوف المها وحرها الى يوم البعث فيقول القبر كل يوم
انا بيت الغربه انا بيت الوحشه انا بيت الدود انا القبر انا روضه من رياض الجنه او حفره من حفر النار
ختم السيد كلامه من سحب كوثر حفيده السيد عبد المقتدر الصغيره عمرها 5 سنوات باسها من راسها
_السيد عبد الرؤف: تعرفين شنو معنى اسمج؟
هزت راسها وضلت تضحك تربعت تسولف
_كوثر: النبي محمد (ص) ماكان عنده اولاد كل ماكان ينولد اله ولد يموت ف بيوم من الايام خرج النبي محمد ف شافه واحد من الكفار وكله يا ابتر يعني المقطوع نسله محد راح يشيل اسمك بعد موكت وراح ينقطع نسلك ف النبي محمد انقهر ورجع للبيت حزين ف الله سبحانه وتعال قال اله (انا اعطيناك الكوثر) الكوثر هي فاطمه الزهراء (ع) لان هيه الي كملت نسل النبي محمد (فصلي لربك وانحر) قوم صلي يا محمد وانحر الابل للفقراء (ان شأنك هو الابتر) الي قهرك هوا الابتر وهو المقطوع نسله يوم القيامه
جنت اضحك عل طريقه سردها ضحك السيد وباسها من راسها
_السيد:: احسنتي علويتنا الصغيره راح اسأل سؤال للساده والعلويات والي يجاوب منه الي هديه
_شاهيناز: شنوو الهدية سيد
ضحك السيد
_السيد: انتم تحددون الهديه
_فقار: يلا سيد اسأل
_السيد عبد الرؤف: النبي محمد (ص) ماكان عنده اولاد بس في روايه ذكرو خال الامام الحسن من هذه وشنو اسمه؟
كلنا رفعنا ايدينا وجاوبنه جواب واحد
_هند بن ابي هاله التميم
_عاتكه: كان رجل فصيح
_ايليا: قتل مع الامام علي (ع) في معركه الجمل
ضل السيد صافن علينا لان الكل جاوب حتى الساده والعلويات الاصغار واحفاد السيد مقتدر وكف غضيمر يحسب
_غضيمر: يلا سيد مو هواي لاتخاف كلنا 30 نفر بس
صفن السيد بوجهنا مبتسم تحسه تندم حجه دار عل السيد مقتدر الي سوه نفسه مايسمع ولا يشوف لان يدري راح تشمله التفليسه دار السيد مقتدر يباوع لسيد عبد الرؤف ويدور وجهه ويرجع يباوع بنص عين ويدور حصرتني الضحكه عل منظرهم والكل يباوع لسيد منتظر الهديه باوعلنا السيد مقتدر وهز راسه مبتسم ورجع لتفت لسيدنا يغمزله بنص عين
_السيد مقتدر: سيد انت شفت المكتبه الجديده مو؟
_السيد عبد الرؤف: لا ماشفتها التهيت
_السيد مقتدر:: كوم سيد كوم اشوفك
نسحبو الساده انسحاب تيتكي السيد يباوع النا ويبتسم ويرجع يدور وجه
_شاهيناز: سيد الهديه
ماكو ابد سووو نفسهم مايعرفونا وراحو يمشون لداخل البيت ضحكنه كلنا عل رد فعلهم صفنت عل جمال المكان جنا كاعدين ب البستان ونخلتين كبار شامرات سعفاتهن علينا المكان شكد ماكدر اوصفه الخضار وبروده الجو والبط يتراكضن حولينا والخيول ينشافن من بعيد مكان خاص للدجاج والغلم والبقر يتمشن مطشرات
_شاهيناز: العببب هاي شنوو
التفتت عل مكان التقصده شاهيناز شفت ابنيه وولد كبار يطلع عمرهم ب ٢٠ جايينن ب اتجاهنا الولد جان مدنك بس الابنيه تباوع ب اتجاهنا شد انتباهي شكلها لابسه غريبه واول مره المحها لابسه بشت مفتوح الساده كلهم وكفو للولد مدنكين تقدم الهم يسلم
والابنيه تقدمت النا كمنا البنات نسلم عليها سلمت عليها ابتسمت بوجهه وكعدنا دارت عل ساده وضحكت
_منورينا الساده
هزو راسهم وردو ب هدوء وهما مدنكين كعدنا كلنا وهيه كعدت بعيده عنه صافنه ويا الساده
_شاهيناز:: عود شنو اني دفرت وكذا؟
_اديان: حبيبتي هيه different مو دفرت تثقفي
_شاهيناز:: راح اطبق الدفرت مالتي وادفرج بنص ف نلصمي
_اديان: شوشو Relax Relax
_وديان: شو شاهيناز دفريها من يمج
_شاهيناز: هوا راح ادفرها
انتبهت للبنيه هواي مركزه ويا فقار بحيث تباوع لحكه من يحجي ضليت عاكده حواجبي انتبهت شاهيناز خازرتها دارت البنيه علينه مبتسمه من شافتنا وشافت شاهيناز كلبت عيونها ورجعت تباوع للساده فتحنا حلكنه عل در فعلها
_شاهيناز: راح تخليني اكوم اكلبها عل نخله هسه
_حميده: بنات منو هاي؟
_دعاء: بت عمي حمزه
_شاهيناز: الي من مرته الثانيه؟؟؟
_وديان: ايييي هاي بنته ملاك
_حوراء: ملاك؟
هااااا اي هسه عرفتها اتذكر مره وحده التقينه قبل ست سنوات او اكثر؟ ماتذكر لان ماجانت عايشه اهنا جانت ببغداد امها من بغداد عمي حمزه ابن سيد مقتدر الصغير اتزوج امها ومحد جان راضي تمام هوا محد اعترض وماكو اشكال ب الموضوع السيد كال انتم تعرفون مصلحتكمم وامها مو علويه السيد حمزه جان اكثر وقته يكضي ب كربلاء ونجف يعني لا هنا ولا بغداد اخوها جان يحجي ويا الساده والساده مرحبين بي
_حميده: اخوها هذه؟
_دعاء:: اي اخوها ميزان
_ششاهيناز:: ميزان قدوري
ضحكنا كلنا وشاهيناز جانت متقصده تضحك وتباوع الها خزرتنا ندستها بكتفها خازرتها وهيه ماهتمه باوعت الها شاهيناز وكلبت عيونها مثل حركت ملاك الها يارب دخيلك بدينه ب الثارت
_عاتكه:: شاهيناز كفينه شرج
_شاهيناز:: شسويت؟ خو ماجاي اضحك عليها اني
_اديان: شوشو كرصيها وكعدي
_شاهيناز: العين ب العين حبيبي
_ملاك:: فقار انت قسم فيزياء؟
هز فقار راسه ب اي
_فقار:: صح
ملاك: حلووو اني هماتي
هز فقار راسه وابتسم مدنك حسيت شاهيناز بدت تحوس كرصتها حميده من ايدها
_حميده:: سمم استقري
_شاهيناز: ملوك شعجب كاعده مناك تعاي يمنا سولفي ويانا
همست خاله ايدي عل عيني
_عاتكه:: الله اكبر
ابتسمت ملاك وكامت كعدت يمنه تباوع لشاهيناز وشاهيناز تباوع الها كامو الساده يتمشون ب البتسان وصار المكان النا بس
_شاهيناز:: كلتي فيزياء انت؟
_ملاك:: اينعم
شاهيناز:: ماشاءالله مامبينن عليج علميه انتِ
_ملاك:: وليش مامبين؟
_حميده:: شكد عمرج
_ملاك: 22
_شاهيناز: اويي بعدج صغيره يعني
_ملاك:: ليش انتِ شكد؟
_شاهيناز:: 23
حصرتني الضحكه وكوا ساكته شاهيناز نصبت عل ابنيه والبنات يطمطمن الها كل مره تحجي شاهيناز نطفر اني والبنات نغير الموضوع
_اديان::بناتتت نروح للسطبل
طفرت من مكاني اول وحده والبنات كامن يجرجن ب شاهيناز بعد نفتحت شيسد حلكها وحتى روحتنا حتى نسد حلكهن عل كد ماضلن يشمرن ب الحجي تمشينه للسطبل واني اوزع انضاري عل مكان واحمد الله انطاني نعمه النضر الي خلاني اشوف بيها جمال المكان
وصلنا للسطبل وضحكت جان حضيره خاصه وجبيره انواع الخيول والحصون ابيض جوزي رصاصي الوننن تجنن وتسر النظر جنت ادور بعيوني بس عل خيل واحد وهو " السراج "
جان يركض ويصهل لونه اسود فحم وعيونه سود بقت عيوني علي مبتسمه ومذهوله بجماليته التفتت كاسره صفنتي مصدومه من شفت شاهيناز راكبه عل واحد من الخيول
_اديان: شاهيناز نزلييي ولجج لايشمرج من ضهره
_شاهيناز:: بابا شبيج خافي عل نفسج
_عاتكه: شاهيناز نزلييي لا الساده يجوننن
_شاهيناز:: اهووو ترا ضوجتني عوفني ب حالي
عفتهن ومشيت ورا السراج بعد شاهيناز يعني شنو؟ يعني لو نحجي منا الباجر ماكو فايده جان انتباهي كله عل سراج اتذكر بس جان يسمع بصوتها يركض الها بفرح ويطفر درت من سمعت صوت الصريخ
_شاهيناز:: يبوييييي
شفت الخيل يركض ب شاهيناز وهيه لازمته من راسها وتصرخ وكدامها حميده واديان يركضن والخيل وراهن ودعاء ووديان وحوراء يركضن ورا الخيل وملاك متمدده ب الكاع تضحك ماعرف اضحك انهبط عل منضرهن صايره واحد يركض ورا الثاني ثنين كدام الخيل وراهن وثنين ورا يركضن ورا الخيل وكف صعد الخيل نفسه لسمه وشمر شاهيناز من عل ضهره للكاع طاحت تصرخ
عاف حميده واديان وضل يركض ورا حوراء ودعاء ووديان وهسه صار العكس هوا يركض وراهن مو هنا ورا ملاك من شافت الخيل جاي ب اتجاها كامت تركض تصرخ عافهن الخيل وركض بغير اتجاه اجو الساده كلهم يركضون عل صوت الصريخ
رحت اركض لشاهيناز شفتها تصرخ مفرفحه وتبجي لازمه ضهرها كلها ركضت عليها نزع السيد عبايته وغطاها وهيه تصرخ
_شاهيناز:: راح اموتتتت سيددد ضهري راح اموتتت
صرخ السيد ب والولد يجيبون سياره ياخذوها بس خله ايده من جوا راسها يشيلها ضلت تصرخ متوجعه ضليت ابجي من شفتها متوجعه وتبجي اني والبنات ركض السيد هادي ابو شاهيناز يشيلها ويا السيد لان شاهيناز ضخمه وطويله مايكدر السيد يشيلها وحده
_شاهيناز:: سيدد ضهري سيدددد يمههه
تحجي وتشهك ضلينه اني والبنات نبجي عل بجيها وامها مفرفحه عليها شالوها السيد وعمي هادي وابوي يركضون بيها صعدها بسياره فقار وطلعو بيها
كعدنا كلنا مقهورين مودنا تغير والعلويه ترزلنا لان رحنا وحدنا اجت مره مدندله ذهب تمشي وتعلج بيدها كلاص ماي نطته للعلويه
_ياعيني يعني شلون ترحن وحدجن للسطبل وفوكها تركبن الخيل هم عيب وهم ميصير تجيبين لروحجن الاذيه
نبت العلويه مرت السيد مقتدر
_علويه شريفه: هههوو هههو مو بتج 24 ساعه ب السطبل ماكلنا عيب بس كولي قضاء وقدر اي البنيه وين تدرين هيج راح يصير بيها
كلبت وجهه ماعاجبها انتبهت البنات يخزرن ب ملاك وهيه تخزر بيهن والله حتى مالي واهس لاحد كمت من مكاني دخلت ب الغرفه امسح بدموعي كل ماتذكر شلون شمرها بقوه من ضهره وهيه مفرفحه انقهر ب الزايد
مر الوقت وسمعت صوت الولد طلعت اركض شفتهم دخلو والسيد مقتدر وعبد الرؤف وراهم كل واحد لازم شاهيناز من ايد ويمشون بيها شفتها ودمعت عيوني شكد تعبانه بحيث كوا تمشي وحانيه ضهرها عيونها حمر ووجهه اصفر حتى ماباوعت بوجهنا كبل دخلوها للغرفه ينومها ماخلونه ندخل الها طلع السيد خال ايده عل حلكه
_السيد مقتدر: خلوها ترتاح لحد يدخل عليها
_علويه شريفه: شبيها سيد شكالو
_سيد رؤوف: الحمدلله مابيها شي الطيحه لان جانت ببدايتها اذتها
حتى ماشروحو النا حالتها وشنو بيها اكتفو ب الحمدلله وطلعو يرتاحون صارت عيني عل ملاك جانت تباوع ل اخوها وتكلب بعيونها وهوا خازرها طلعو الساده وضلينه بس احنا
اجه اليل وبدو يصبون عشه دخلت للغرفه البيها شاهيناز لكينها كاعده وعيونها مدمعات رحت الها
_عاتكه: شبيج شاهيناز بيج شي اصيح السيد
_شاهيناز:: لاا بس شوي ضهري يوجعني
_عاتكه:: افركلج شوي؟
هزت راسها ب اي ودارت عل ضهرها ب الكوا طلعت جهه ضهرها وجبت شوي زيت
_عاتكه: النبي يقول من لم يستشف ب القران فلا شفاه الله
بديت امسح عل ضهرها واقرا ايات وهيه متوجعه من خلصت كلبت روحها
_عاتكه: شاهيناز شلون هيج تسوين انت مايوم ركبتي خيل شلون تاذين نفسج هيج
_شاهيناز:: عبالج وحده الخيل تسودن هيج؟
_عاتكه:: شنو
_شاهيناز:: اذا ماربيها عل ايدي فلا اطلع شاهيناز
بقيت صافنه مافاهمه قصدها ضليت كاعده يمها واجن البنات تغير مودها بس هيه كل شوي تصفن وتهز راسها متحلفه اندك الباب
_عاتكه: منو
اجانا صوت السيد يستأذنا يدخل كمت فتحت الباب دخل مبتسم شايل صينيه اكل
_سيد:: شلونهن الحلوات
كلنا ردينا ب الحمدلله الى شاهيناز اخذت كنيسه وادرت وجهه راح السيد ب اتجاها كامن البنات خلنه يكعد خله الصينيه وباوع لشاهيناز
_السيد عبد الرؤف:: زعلانه قره عيني؟
هزت راسها بلا واخذت الكنيسه تمسح بعيونها خلت ايدها عل وجهه ونهارت تبجي فتحنه حلكنا اني والبنات عل رد فعلها سحبها السيد من راسها يبوس بيها ويحاول يهديها وهيه تبجي
_السيد:: لالا قاهرين علويتي
_شاهيناز:: قهرني سيد
_السيد:: رد فعله نابعه من خوف علويه كلنا خفنه عليج اني لوجنت صاحي وقتها جان رزلتج بداله شلون ترحين تركبين خيل؟ مافكرتي ب الاخطار التصير
_شاهيناز:: سيد والله العظيم هاي ملاك هيه الي خلت الخيل يسوي رد فعل جان هادء اسأل البنات بس تقربت منه هيج صار
_السيد:: يعني شنو سوت؟
تقدمت اديان مدنكه
اديان:: سيد ماريد تصير علي نميمه بس الساكت عل الحق شيطان اخرس هيه صح بت عمي بس الحق ينحجي اني شفتها اخذت الدنبوس من راسها وبزت الخيل من ورا لهذه صار شرس لان تاذى
بقيت صافنه مقعوله؟ ليش هيج سوت شنو تستفاد هز السيد راسه ساكت
_السيد:: وحقج ماينسكت عنه علويه كومي اكلي هسه حتى تشربين علاج ويصير خير
هزت راسها وبدت تاكل والسيد يمسح بدموعها ضليت صافنه كل ماتذكر موضوع ملاك هيه شنو استفادت هسه؟ جان ممكن عاتكه تتاذى لو ماالله سترها زين السيد شنو راح يسوي انتبهت عاتكه تتكلب موجوعه من ضهرها بس تستحي تحجي خله السيد عل راسها
_سيد عبد الرؤف: انين المؤمن المريض تسبيح وصياحه تهليل ونومه عل الفراش عباده وتقلبه من جنب الى جنب جهاد في سبيل الله فان عوفي يمشي ف الناس كأن لاذنب له
هزت راسها مبتسمه كام السيد من مكانه وشيال الصينيه ويا
_دعاء:: لا سيدد لا اني اشيلها
دار عليها السيد مبتسم
_السيد عبد الرؤف:: كعدي بمكانج علويه عندي ايدين واعرف اشيل بيهن
ابتسمت دعاء ودنكت طلع السيد بعد ماودعنا انتبهتت الكل يخجل من السيد كلامه يخجل ويخلينه نحس بقيمتنه انو احنا نساء فعلا
_وديان:: شاهيناز منو قهرج؟
_شاهيناز:: فقار رزلني كدام الكل تخيلي يكلي لو صاير ب العلويات البقيه؟ ماهتم اني متوجعه يمه مهتم ب العلويات البقيه
_عاتكه:: الله اكبر الله اكبر
ضحكنا كلنا عرفنا راح تبدي تقسم للفقار لهذه صحيت حتى تسكت حجينه شوي وتمددنا كلنا بمكانه انام..... فزيت اني ودعاء عل صوت دك الباب
_دعاء:: منووووو
_السيد عبد الرؤف:: يلا علويات ساعه الله
تمددت عل فراش استعد للكعده كمت من مكاني نكعد ب البنات كلنا كمنا نتوضى طلعن البنات كلهن ضليت اني البس بعباتي انتبهت شاهيناز تباوع النا تريد تبجي توني اكلها راح اجيبلج ماي تتوضين اهنا ودخل السيد بيده طاسه ماي وطشت جبير باوع ل شاهيناز وابتسم ضحكت شاهيناز فرحانه تقدم السيد يحجي
_سيد: يلا علويه شاهيناز مو يعني مريضين مانصلي لقاء الله يستاهل نكسر عل وجعنه لخاطره
فعلا السيد يصب الها ماي وهيه تتوضى سمعت صوت العلويه رقيه من برا طلعت اشوفها
_عاتكه:: ها علويه
_علويه رقيه:: عويتك جيبي ترب وتعاي
ندخلت لمكتبه سيد مقتدر واخذت الترب الي نحتاجهن طلعت ورا العلويه للبستان شفت الكل موجود فروشه جوته جبير عل حشيش والكل ماخذ مكان يصلي والسااده كدام والعلويات ورا ضليت مبتسمه لمنضرهم
_علويه رقيه:: ولج وين صافنه يلا
رحت للعويه ونطيتها تربه وضليت اوزع الماعنده جاي ارجع اجيب ترب مره ثانيه ونتبهت السيد طلع بيده شاهيناز يميشها صح مابيها تمشي بس يحاول وياها جان اكو كرسي جبير مال مصلين كعدها علي يحجي وياها ࢪجعت دخلت مره ثانيه للبيت اجيب ترب اخذت الترق ورجعت طلعت وهم رجعت صفنت المضر يجنن ضوه لا قوي ولاضعيف متوزع عل مكان وكلها شايله قران وناس تصلي وناس تدعي سمعت السيد من وراي
_سيد عبد الرؤف:: كأنهم بنيانن مرصوص
باوعتله وضحكت تمشينه الهم نطيتهم الترب وبديت اصلي صلاه اليل راح اشرح صلاه اليل عل لسان السيد
_سيد عبد الرؤف:: صلاه اليل تركها مكروه
_حميده:: ليش سيد تركها مكروه؟
_سيد عبد الرؤف:: واحد من طلابي يكول سيد جنت اصلي صلاه اليل وعفتها بس من عفتها حياتي نكلبت صرت اطيح بمشكله وارجع ادخل بمشكله ثانيه
_حوراء:: ليش سيد؟؟
_سيد عبد الرؤف:: لان الله تعود علينه تعود عل كعدتنا ويا وتعود عل مناجتنا اله هيه بس هاي الساعه نلتقي ب الله براحتنا وماكو شي يشغلنه عنه من نعوفها ونهجر صلاه اليل يعني هجرنا كعدتنا ويا الله ف الله يزعل عنه شلون عفنا! من جنه نصلي اليل جان يبعد عنه المصائب لان يحبنه
_عاتكه:: يعني الله يحبنه من نصلي اليل بس؟
_سيد عبد الرؤف:: الله يحبنه بكل وقت بس بهل ساعه احنا نكون استثناء نكون مميزين تخيلي حديقة جبيره كلها خضار بس اكو بهاي الحديقه ورده طالعه بنص الحديقه لونها احمر اهنا الورده هاي استثناء عن البقيه الحديقه كلها حلوه واعمالها زينه بس هاي الورده ب الضبط تميزت عن بقيه الوردات والله ميزها بقيه الحديقه تصلي وتصوم وتقره قران بس هاي الورده من تنام الحديقه كلها هيه تكعد ويا الله وحدها تصلي اليل تدعي وتناجي اهنا هاي استثناء ف الله يبعد عنها كل مكروه ليش؟ لان وردته هاي مميزه ويحبها
_شاهيناز؛: سيدد احجيلنه بعد عن صلاه اليل
_سيد عبد الرؤف:: صلاه اليل بيها فضل عظيم وشرف المؤمن صلاته ب اليل ابى عبدالله يقول انها مطرده الداء عن اجسادكم وفيه تبيض للوجه وتطيب الروح وتجلب الرزق قال تعالى
(فلا تعلم نفس ما اخفى لهم من قره عين جزاء بما كانو يعلمون)
_حوراء: سيد صدك اليصلي صلاه اليل مايجوع؟
_سيد رؤف:: صح النبي وصى الامام علي ب صلاه اليل ثلاث مرات ف النبي محمد (ص) يقول صلاه ركعتين في الجوف اليل احب الي من الدنيا ومافيها
سألو الامام زين العابدين (ع) مابال المجتهدين بليل من احسن الناس وجها؟ قال لانهم خلو بربهم فكساهم الله نوره
_حميده:: شفت بمفاتيح الجنان روايه ان لليل شيطانا يقال له "الرها" ااذا استيقظ العبد واراد قيام الى الصلاه قال له ليست ساعتك ثم يستقيظ مره اخرى ف يقول له لم يان لك ف يضل يلهي حتى يطلع الفجر وتروح علي صلاه اليل مو صح سيدد
_السيد عبد الرؤف:: صح علويه هسه بعدجن تردن اعلمجن صلاه اليل؟
هزينا راسنا ب اي متحمسات نريد نصليها
_السيد عبد الرؤف:: اول صلاه نافله اليل ثمان ركع كل ركعتين سوا يعني؟ نويت ان اصلي نافله اليل الركعه الاولى والثانيه قربه لله وهكذا... عل ماتخلصن الثمان
_شاهيناز:: سيد عادي نصلي اربعه؟
_السيد:: عادي علويه تكدرين تصلين هم ركعتين بس لاكن احنا نحجي عل فضل ب النافله تقرن ب الركعه الاولى الحمد واخلاص والركعه الثانيه الحمد والسوره الي ابالج مثل الكافرون وتكدرين تقرين الخلاص هم وماكو قنوت ب النافله
_حوراء: سيد شنو يعني قنوت
_السيد:: الدعاء يعني ترفعين ايدج وتدعين مايصير نجي لشفع ركعتين الاولى الحمد وسوره الناس والثانيه الحمد والفلق وهم ماكو قنوت الصلاه الثالثه هيه الثواب الاكبر الوتر ركعه وحده الحمد ولخلاص ثلاث مرات والمعوذتين يعني الناس والفلق و7 مرات هذه مقام العائذ بك من النار وتستغفرين ل 40 مؤمن
_شاهيناز: سيددد هواي ماذكرهم
_السيد: ااستغفري لنفسج لعد والعفو ٣٠٠ مره وبعدها القنوت والي هوا الدعاء وتركعن وتقرن دعاء الحزين
ومن ذاك اليوم لهذه اليوم مافاتتنه صلاه اليل لو ماتعاركنا عليها فعلا جانت شي جبير يكولون الانسان من يصلي اليل يبدن المشاكل يتجمعن علي والحزن؟ صصح لاان الله راح يرجع يرتب حياته ويبعد عنه الاشخاص الغلط ويختبر صبره حتى يزيده اجر خلصت صلاه وبديت اقرا دعاء الحزين فتحت مفاتيح الجنان وتذكرت السيد من سألنا؟
_عاتكه:: سيد يكولون دعاء الجوشن الكبير والصغير بي فضل هواي بس سيد الدعاء طويل
_سيد رؤف:: امير المؤمنين شاف رجل يدعو بدعاء طويل فقال له يا هذا ان الله الذي يسمع الكثير يجيب عن القليل
_شاهيناز:: لعد زين شنو نقره
_االسيد:: اول شي تبدون يومكم ب دعاء اليوم مثلا دعاء الجمعه السبت الاثنين وهكذا.. ثانيا تقرون المناجات المناجات بيها فضل كبير بعدين دعاء يستشير بعدين زياره عاشوراء و دعاء الفرج وحديث الكساء سوره يس والواقعه وتختمون كعدتكم من تصلون الفجر تقرون زياره الامام المهدي (ع) ودعاء العهد
خلصت قراءة ووصلنا لسوره يس وكف السيد وكلنا رفعنا ايدينا من وصل للايه 81
(انمآ أمره اذا اراد شيئا ان يقول له كن فيكون)
كلنا دعينا بقلوبنا والسيد كال كن فيكون بدينه نصلي الفجر انتبهت لاملاك ولا امها موجوده بس اخوها ميزان وعمي حمزه خلصنه وكلنا رجعنا لنومتنا كعدنا الصبح عل ريوك كمنا نساعدهم ب تحضير الاكل وفرشنا ب البستان امكن احلى شي هيه كعده البستان كلها راحه وجمال كعدنا شاهيناز عل كرسي وطوله وامها يمها كعدت ملاك كدامنا تاكل ولايمها بدينه ناكل والكل هادء انتبهت سيد مقتدر وحمزه يخزرون بيها وهيه ولايمه
_السيد عبد الرؤف:: ملاك شلونها
رفعت راسها تباوع للسيد هزت راسها وجاوبت
_ملاك:: زينه
اجه السيد يحجي وياها مانحس غير السيد مقتدر حجه
_االسيد مقتدر::شلون البارحه تاذين الخيل وانت تدرين شاهيناز راكبه علي؟؟؟؟
الكل وجهه انضاره لسيد مقتدر حتى سيدنا يباوعله مبتسم جنه يكول مو هيجج مو هيججج لان السيد مامتعود عل رزايل كله ب الهدوء طفرت امها من مكانها
_شهل حجي هذه سيد وشنو دافعها تروح تاذي حصان علمود يشمر شاهيناز؟ خو كولو شاهيناز ماتكعد ورايحه تركب الخيول عليمن بعد
كلها صفنت عل اسلوبها صاح بيها سيد حمزه
_ملاك:: هاي شنو انوب جديده؟ ادري بيكم تكرهوني بس مو مال تشمرون عليه تهايم وانت جدي شلون هيج ترزلني كدامهم تكدر تكعد وياي وحدنا ونحجي لو لازم تهيني كدامهم لان امي مو علويه نفسهم
حجتها وكامت من مكانها لحكتها امها واحنا صافنين
_علويه رقيه:: يااا سليمه كون شجاب العلويات بنص
_علويه شريفه:: شفتي ي ركيه نحجي نطلع مو زينين
_علويه رقيه:: ياعع خيه حقج تبجين بخلقتي
هز السيد راسه ودنك ياكل
_السيد عبد الرؤف:: ان كان الشؤم في شيء ففي لسان المرأة
دنكنا كلنا ناكل ساكتين سمعت صوت الديك كلت بكلبي
_سبوح قدوس رب الملائكه والروح سبقت رحمتك غضبك الا اله الى انت سبحانك وبحمدك عملت سوءا وظلمت نفسي فاغفر لي فانه لايغفر الذنوب الا انت
ااتذكر مره السيد كال
_السيد:: الديك عنده خمس خصال محافظته عل اوقات الصلاه الغيره السخاء الشجاعه وكثره الطرق
خلصنه اكل وكمنا عزلنا الكعده وبدينا نجهز لروحه كربلاء حيل متحمسه كلنا جهزنا جنطنا واغراضنا نصدمت من شفت ملاك هم تجهز شنو راح تروح ويانا؟ لااا ربحنا شيل اعمامتك ي السيد وافتر ورا شاهيناز لان مستحيل تسكت اعرفها كلش زين امكن عل اكل سكتت احترما للكاعدين بس بس اعرفها ماراح تعديها
جهزنا الجنط وتوجهنه للسيارت كعدت شاهيناز يمي منتجيه عل ايدي اعرف بيها متاذيه بس ماتحب تحجي توجهت السيارت بينه لكربلاء باوعت للبساتين مبتسه ماجنت متوقعه راح يجي يوم وارجع اهنا وتتغير حياتي وحياه الكل ماجنت راسمه للمستقبل ولا واحد ب الميه...؟؟؟؟؟
البنات غفن ضليت بس اني اباوع للطريق اشبع عيوني منه
_مفرقد:: شبي السيد؟
_ايليا:: ماعرف مساع وصله اتصال وتغيرت احاوله
فعلا انتبهت السيد مساع نكلب جوه حتى ماحجه ويانا بعد وخله ابوي يسوق بمكانه تذكرت من سمعت سيدر مقتدر يهمس ويا
_سيد مقتدر:: انت عبالك راح تستكت لو هاي السنوات راح تطفي نارها
مافهمت قصده وماركزت.... وصلنا للكربلاء وتوجهنا لبيت الثالث بيت _سيد معز _ اخو السادع الكبار تحسونه هواي؟ والله اني هم احس يعني السيد عنده ثنين اخوان وثنين خوات وكل من اخوانه وخواته مخلفين وخلفتهم مخلفه وهكذا...
كعدت البنات من وصلنا لفرعهم شفتهم من بعيد الساده واكفين ب الباب والسيد معز بهيبته وكشخته واكف مبتسم يرحب بينه نزل الكل من السياره نزلت اني وحميده كل وحده لازمه شاهيناز من صفحه شافها السيد وفتح ايده يرحب بيها
_سيد معز:: هلا ب خيالتنا
_شاهيناز:: سيد يا خياله غير اول ركبه كعدني ب المستشفى
ضحك السيد واخذها منه حاضنها
_سيد معز:: وعد ساده الج مني خيل وشرط انا الادربج عليه
_شاهيناز:: ليش سيد بيك حيل بعد
_سيد معز:: تعال رؤف كلشي مابيها هاي بس تددلعع
سلمنه عليهم ودخلنه للبيت وبدى الترحيب كعدنا وياهم شوي ونسحبنا صلينه وكلنا شمرناها جفت نوم من التعب حتى ملاك نامت يمنه نمت قريبه عل شاهيناز خاف كلشي يصير تكوم تخنك البنيه عل اقل اخذ احتياط
فزيت عل صوت هوسه برا شفت البنات محد موجوده المكان فارغ لبست شالي وطلعت برا لكيتها كلها ملتمه والسيد عبد الرؤف كاعد عل القنفه صافن رحت يم البنات
_عاتكه:: شكو شصار؟
_حميده:: ماعرف السيد تخربط قبل شوي
_عاتكه:: يمهه شبي؟؟؟
_حوراء:: عمه لباب اتصلت علي ماعرف شكلتله
عمه لباب؟ عمه لباب ب ايران شنو صاير يعني بيها شي لو العلويات بيهن شي
_علويه رقيه:: يعبد الرؤف ماتحجي مو والله كلوبتنا طاحت
_علويه شريفه:: هوا منو راح يجي وهيج نهبطتو شصار
عمت المكان بالضجه وكلها تسال شنو الصار؟ منو راح يجي؟ ليش الكل هيج مخبوص رفع السيد راسه وبده يوكف وكفو الساده الكبار يوكفو ويعينو هز راسه وحجه
_عمه الساده جايه لكربلاء
الكل ضل صافن بوجهه الثاني عمه الساده جايه؟ بعد هاي السنوات كلها!!!!!!!
شكرا لزيارتكم عالم روايات سكيرهوم
