رواية غرام العيسي الفصل الثانى بقلم اسماء السيد
وكانت غرام بترجع بخوف وحسن بيقرب منها بحزن ووهيا بترجع خبطت في عيسي وكانت هتوقع بس هوا لحقها ولأول مره تتقابل عيونهم وعيسي سرح في عيونها الزرقاء
وفجأه غرام اغمي عليها بين ايده فشالها وحطها علي الكنبه
حسن بحزن:سامحيني يابنتي
حاولو يفوقو فيها مش بتصحي خالص
عيسي بضيق:مش وقته حد يطلب دكتوره
نور بخوف:حالا حالا.. وطلعت تجري علي التليفون
عامر بحزن:يارب سلم يارب سلم
كامل:خير يا ابويا ان شاء الله خير
مريم:تب طلعوها فوق عشان الدكتوره لما تيجي
سامي بخبث:عدو انا هشيلها اطلعها
عيسي بغضب وغيره مش عارف سببها:لاء انا الي هطلعها
وبالفعل عيسي شال غرام وطلع ومحدش عارضه لانهم عارفين عيسي وغضبه
وساره كانت بتشيط من الغيره والغضب
@@@@@@@@@@@@@@@@@@@@@@
عند عيسي في اوضه غرام
دخل وكان دي اول مره يدخل اوضتها وحطها علي السرير
وانبهر برقة الاوضه هاديه جدرانها من اللون الابيض والوردي والحيطان عليها صور كرتونيه وايات قرائنيه و الشاشه شغاله علي القرأن وفي ركن مخصص للصلاه شكله جميل ومنظم
والاوضه ريحتها غرام وريحتها جميله جدا والاوضه مريحه لأعصاب والعيله كلها دخلت الاوضه ولاقو عيسي واقف بيتفرج علي الاوضه
يوسف:الدكتوره وصلت
الدكتوره :لو سمحتو اخرجو كلكم برا عشان اكشف عليها
وبالفعل خرجو كلهم والدكتوره بتكشف علي غرام
بعد 15ساعه خرجت الدكتوره
الدكتوره:لأسف عندها صدمه عصبيه ومحتاجه راحه وتبعدعن اي حاجه بتزعلها ولازم تنتظم علي الادويه الي كتبتها دي
عامر:شكرا يادكتوره وصلها يايوسف
يوسف:حاضر يا جدي اتفضلي معايا..
نور بغيره:انا جايه معاكم
يوسف بضحك:تعالي.. ونزلو
كامل:وانتا هتعمل ايه مع غرام يا حسن
حسن:همشي تاني مفيش حل تاني
عيسي:لاء هتمشي وهتيجي ترجع تاني هيحصل اكتر من كدا انتا لازم تواجه المشكله متهربش عشان متكبرش ياعمي
عامر:انا شايف ان عيسي عنده حق يا ولدي
حسن بتنهيده :ان شاء الله هتعدي
روحيه:علي فكره يا حسن انتا غلطت متنكرش
حسن بحزن:عارف اني كنت غلطان بس اعذورني انا موقفي مكنش سهل بردو
عامر:عندك حق ياولدي معلش
حسن:عن اذنكم انا خارج
عامر:علي فين ياولدي
حسن:علي اي داهيه يا ابويا... وخرج وهوا زعلان
روحيه :ربنا يجمعكم علي خير ياولدي
الجميع:اللهم امين
عيسي :جدي عاوزك علي المكتب بعد اذنك
عامر:حاضر ياولدي روح وانا جاي وراك.. وراح عيسى
@@@@@@@@@@@@@@@@@@@@@@
عند غرام
كانت فاقت لقت جمبها مريم ونور ورحمه وتفيده وروحيه
روحيه:حمد لله علي السلامه يا حبيبتي
مريم :انا خوفت عليكي اوي
غرام طبطبت عليها
رحمه:انتي قويه يا غرام ولازم تواجهي يا حبيبتي
غرام شاورت بمعني. مش هقدر انا مجروحه..
تفيده بحب:ولو يا حبيبتي بردو في الاول والاخر دا ابوكي يابتي
غرام شاورت بمعني هفكر يامرات عمي
تفيده:ربنا يكملك بعقلك يابنتي
نور:قوم يالا ياوحش عشان نعمل كيكه
غرام ضحكت
نور بمرح:ضحكت يعني قلبها مال
غرام ضحكت اكتر
@@@@@@@@@@@@@@@@@@@@@@
عند عيسي
كان قاعد علي الكنبه الي في المكتب بيدخن وفجأه دخل عامر فعلطول عيسي طفي السيجارة
عامر قعد:عاوز ايه يا عيسي
عيسي:انا عاوز اسألك علي حاجه
عامر:ايه هيا ياولدي
عيسي:هوا ايه الي حصل لغرام عشان تخاف كدا
عامر بتنهيده:انا هحكيلك ياولدي
عيسي:اتفضل ياجدي انا سامعك
عامر بحزن :
Flash back.
كان حسن راجع من الشغل وغرام لسا مرجعتش من المدرسه
وكانت مونيكا في البيت لوحدها
دخل حسن اوضه النوم لاقا مونيكا مع صاحب عمره منصور وبيفعلو ماحرمه الله
حسن بصدمه وغضب:انتو بتعملو ايه
منصور برعب :انا انا معملتش حاجه يا حسن
حسن بصدمه:انتا يامنصور انتا تعمل فيا كدا دا انا كنت بقول عنك اكتر من اخوي
وفجأه طلع تليفونه وصورهم بشكل دا من غير ملابس
حسن:انا صورتكم عشان لما اقتلكم يبقا معايا دليل
منصور برعب شديد:سامحني يا حسن والله اخر مره
حسن بغضب:هيا دي فيها سماح يا واطي يا خسيس
مونيكا ببجاحه:ها هل خلصتو هذه المسرحيه
حسن:انتي جايلك عين تتكلمي يابنت الكلب
مونيكا:تباً لك نحن نفعل علاقه مع من نحب ايها الاحمق
حسن بغضب:دا انا هقتلكو واشرب من دمكو... وفجأه طلع سلاحه ووجه عليهم
منصور بخوف:لاء ونبي يا حسن مش عاوز اموت لاء
حسن:انتي طالق انا برئ منك ليوم الدين يا فاجره
مونيكا:انتا فعلت ما كنت اريد دعني ارحل
حسن بشر :لا انتي مش هتمشي من هنا الي جثه
مونيكا برعب: ماذا تقصد يا حسن هل ستقتلني لا انا لما افعل اي شئ انه هوا من اغراني
منصور:كدابه يا حسن كدابه
حسن:انا هبعتكم تونسو بعض يا ولا ال$$
مونيكا :سامحني يا حسن ودعانا نربي ابنتنا غرام في استقرار
حسن بجنون :اسامحك علي ايه يارخي*صه
منصور:تب سيبني امشي يا حسن واعمل الي انتا عاوزه
حسن:لاء انا هقتلكم يا ولاد الكل*ب
مونيكا:انني قولت لك ان هذا شيءٍ عادي عندنا في روسيا
وفجأه غرام دخلت
غرام بخوف:بابا انتا بتعمل ايه
حسن بغضب:ابعدي انتي يا غرام ابعدي
غرام:انتا عاوز تموت ماما ليه
حسن :عشان .. قولت ابعدي اطلعي برا
مونيكا:غرام يا حبيبتي انقذني انه يريد التخلص من امك يا ابنتي العزيزه
غرام بدموع:متقلقيش يا ماما انا بحبك وبابا مش هيعملك حاجه
منصور:قوليلو يا غرام يا حبيبتي
غرام:انتا كمان هنا يا عمو منصور
حسن بصراخ:اطلعي برا انتي غبيه اطلعي
غرام :لاء مش هطلع انا عاوزه ماما يابابا
فجأه حسن مسكها وخبي وشها في حضنه وضربهم بنار
وغرام صرخت برعب :لااا ماما يابابا
حسن:يالا... وشالها ومشيو وهيا بتصرخ
فخبطها بسلاحه فإغمي عليها
بعد ماحسن مشي كانت الطلقتين واحد جت في بطن منصور والتانيه جت في كتف مونيكا والجيران جت وطلبتلهم الاسعاف
بعد ساعات صحيت غرام وكانت هيا وهوا في شقه تانيه
غرام بدموع:بابا انا عاوزه ماما
حسن بغضب وجنون:امشي من ادامي انا بكرهك انتي وشك
شبه امك امشي
غرام ببكاء:لاء انا عاوزه ماما هاتلي ماما
حسن والغضب عاميه:مفيش ماما سامعه مفيش ماما
انتي غبيه مبتفهميش انا مش طايق ولا صوتك ولا خلقتك ابعدي انتي شبه امك غوري
غرام ببكاء وشهقات :انا عاوزه ماما انا بكرهك عشان ماما ماتت منك يا وحش
حسن قام وقف وهوا معمي من الغضب وقرب من غرام ونزل علي وشها بلأقلام: انا بكره وشك وصوتك بكرهك يا خاينه
وفضل يضرب فيهاوهيا بتصرخ وهوا بيزيد لحد ما اغمي عليها و هوا استوعب
حسن بخوف:غرام يا حبيبتي غراام فوقي ياغرراام
وفجأة شالها ونزل تحت اتجه للمستشفي وهوا مرعوب
حسن برعب:بسرعه بنتي بتروح مني
بسرعه جابو ترولي واخد غرام غرفه الطواريء
وبعد ساعه طلع الدكتور
الدكتور بغضب:مين المتخلف الي عمل فيها كدا
حسن بحزن:انا الي ضربتها
الدكتور:انتا راجل غبي بنتك خسرت صوتها وعندها صدمه عصبيه شديده افقدتها صوتها ودخلت في غيبوبه
حسن بصدمه:يعني ايه
الدكتور بقرف:يعني بسببك الطفله دي مش هتتكلم
حسن بحزن:تب ممكن ادخلها
الدكتور: لاء هيا في غيبوبه ويا عالم هتصحي منها امتي
وبيعدي 6شهور وحسن كل يوم عند غرام وعرف ان منصور ومونيكا عايشن وهيا هربت علي روسيا ومنصور هرب برا مصر ولما الشرطه استدعتو ورالهم الصور وطلع براءه
غرام بتفوق بتلاقي حسن قاعد جمبها وماسك ايدها فأتخضت وحسن اخد باله
حسن بلهفه:انتي كويسه يا حبيبتي غرام ردي عليا
غرام حاولت تتكلم معرفتش فعيطت وبدأت تغطي في وشها
حسن بدموع:سامحيني يا غرام يا نور عيني تب ردي عليا
غرام فضلت تعيط حسن جري بلغ الدكتور
ودخل الدكتور عطاها حقنه مهدائه فنامت
الدكتور:تقدر تاخدها يا استاذ حسن دلوقتي لو حابب بس تخلي بالك منها
حسن:تمام... وبالفعل اخد غرام واتجه للصعيد
عامر: هيا دي غرام
حسن:ايوا هيا بس نايمه
عامر:اطلع دخلها اوضتها
حسن بحزن:حاضر يا أبوي
وطلع حسن ودي غرام الاوضه ونزل لعامر
عامر :هتعمل ايه دلوقتي يا حسن
حسن:هسافر مصر لأن لو غرام شافتني دلوقتي هتنهار
عامر:لازم تيجي تشوفها ياولدي
حسن:اكيد يا ابوي... ومشي حسن
ولما غرام صحيت انصدمت من المكان والناس دول
روحيه:متاخفيش
(ايامها كان عيسي بيدرس برا مصر وراجع من خمس سنين)
غرام حاولت تتكلم ماعرفتش وكانت بتبكي
لحدمابيعدي شهور وغرام بتتأقلم ولما بيفكر حسن يرجع يشوفها كان بتترعب منه وتعيط وتستخبي لحد مابيقرر انه يسافر برا مصر
ومن خمس سنين.مونيكا تواصلت مع غرام وغرام متعرفش ان امها كانت خاينه وهيا بتلعب بمشاعر غرام ومونيكا اصلا بتعايرها كل شويه عشان مبتتكلمش وغرام ساكته مبتقولش حاجه وبتكتم في نفسها
End back.
عامر:وهيا دي حكايه غرام
عيسي بصدمه: يا ابوي كل دا حصل معاها
عامر بحزن:عرفت انها مش كئيبه زي مابيقولو لإنها زعلانه علي نفسها بس
عيسي:من حقها يا جدي بس بردو عمي معذور الموقف صعب
عامر:ربنا يستر ياولدي
عيسي:يارب يا جدي
@@@@@@@@@@@@@@@@@@@@@@
عند غرام
كانت بتعمل هيا ونور ومريم كيكه بشوكولاته
وكانت غرام مبسوطه وعملو الكيكه وغرام بقت تزوق فيها
وحطتها علي الترابيزه في المطبخ
وفجأه دخلت ساره
ساره:الله الله ما انتي فايقه وسليمه اهو
نور بغضب:وانتي عاوزها تكون عامله ازاي يعني
ساره:مش قصدي بس قصدي انها متقعدش تمثل انها زعلانه عشان الكل يهتم بيها
مريم:بقولك ايه ياساره اطلعي برا
ساره:مش طالعه انا واقفه في المطبخ براحتي
نور:انتي انسانه مستفزه
ساره بخبث:ما تخلوها تروح مع ابوها وتريحنا منها الخرسه دي انا عارفه هيا قاعده لسا ليه
نور كانت لسا هتتكلم قاطعها صوت من وراها
عيسي بغضب :والله هيا مش قاعده في مال الي جابك دا بيتها وقصر الهواري وهيا بنت الهواري انتي مين وكمان علي الاقل مش قاعده هيا وامها بقالها 4سنين علي انهم ضيوف دي اطول فتره ضيافه ولا ايه
ساره بكره وغل :انتا بتقولي كدا عشان دي ياعيسي
عيسي بحده وغضب جحيمي :اسمي الكبير فاهمه يابت انتي وقسماً عظماً لو اتعرضتي لغرام تاني لهرميكي برا فاههمه
ساره برعب: فاهمه فاهمه
نور بسعاده:ايوا كدا ناس متجيش الا بالعين الحمره الله عليك يا اخوي
ساره بخبث:تمام عن اذنكم..
ووهيا طالعه من المطبخ خبطت التربيزه جامد فتورته وقعت واتبهدلت ومريم ونور شهقو بصدمه وعيسي اتعصب جامد
وغرام قعدت وحاولت تلمها معرفتش فعيطت وطلعت تجري علي فوق لانها تعبت فيها جدا
عيسي بعصبيه :ايه الي عملتيه ده يا غبيه
ساره بحزن مزيف:اوبس اسفه مخدتش بالي انا اسفه
نور بغضب:انتي متخلفه اطللعي براا
ساره:انتي بتزعقي ليه حصل خير
مريم بغضب:حرام عليكي دي بقالها تلت ساعات بتعمل فيها
حراام انتي واحده قلبك اسود
وطلعت هيا ونور
عيسي بغضب جحيمي:انتي بنت سوده وواحده غلويه بس صدقيني ياساره مش هعديها وهعلمك الادب يابنت العميري
ساره برعب:انا مكنش قص..
قاطعها عيسى بعصبيه:اخرسي انتي قاصده عشانك سمويه وسوده جتك الهم
وخرج برا المطبخ وبرا القصر كله
@@@@@@@@@@@@@@@@@@@@@@
عند غرام
كانت دخلت قلعت النقاب والخمار وقعدت تعيط
فدخل عليها مريم ونور
مريم:متزعليش يا حبيبتي هنشتري غيرها
غرام شاورت بمعني هيا مش عارفه ساره بتكرها ليه
نور:عشان هيا قلبها اسود انما انت قلبك زي الملبن ياعمري
غرام شاورت بمعني بس انا كان نفسي في الكيك
نور بمرح:حالا يا صاحبي نبعت نجيب غيرها
غرام فرحت زي الاطفال وحضنتهم
مريم:يا خلثي عليكي لما بتضحكي غمازتك دول بيبهروني يا روما بجد يابخت الي هيتجوزك
نور:هتكون امه دعياله والله انه هياخد السكرره دي
غرام شاورتلها بمعني انها بتحبهم اوي
@@@@@@@@@@@@@@@@@@@@@@
بليل علي العشا
كان الكل متجمعين علي السفره ويرأسهم عيسي بكل هيبه
وحسن مكانش موجود وغرام كانت بتاكل ونور طلبت الكيكه من عمها انه يجيبها
عامر:انتي كويسه يا غرام يا حبيبتي
غرام شاورت بمعني انها كويسه
عامر:غرام عاوز اطلب منك طلب يا حبيبت جدك
غرام بحب شاورت. اتفضل من عيوني.
عامر:سامحي ابوكي بيحبك وانتي متعرفيش الحقيقه كامله
غرام فجأه دموعها نزلت لما افتكرت وعيسي كان باصص عليها وحاسس انه عاوز يا خدها في حضنه ومستغرب نفسه
روحيه:متبكيش يابتي اعطيله فرصه واحده بس هوا بيحبك
غرام شاورت . هفكر.
عامر:براحتك يا غرام
وغرام كملت اكل
........... بعد مده
دخل حسن وهوا معاه علبتين واحده تورته والتانيه هديه وكيسه كبيره
حسن:سلام عليكم
الجميع :عليكم السلام
وغرام عطياله ضهرها وعاوزه تلف بس خايفه والكل مستني يشوف رد فعلها
حسن بحزن:غرام.ياروما
فجأه غرام لفتله وهيا بتعيط
حسن بفرحه:شوفي جبتلك ايه معايا
غرام بعفويه شاورت. ايه. والكل فرحه معادا بسمه وبنتها
حسن بفرحه شديده :جبتلك حاجات حلوه وشوكلاتات
غرام جريت عليه بفرحه وكانها نسيت العالم وحسن فرح اوي
وغرام اخدت الحاجه وبداءت تشوفهم وفرحت اوي
حسن بدموع وفرحه:ايه رايك بقا
غرام بعفويه حطت الحاجات علي الارض وحضنته وهوا حضنها بقوه والكل فرح
حسن بدموع:وحشني حضنك يا عمري وحشتيني اوي
وعيسي حس بغيره ميعرفش سببها
وفجأه غرام استوعبت وبعدت عن حسن والكل اتصدم
حسن:في ايه
غرام شاورت بمعني. انا بكرههك. وعيطت جامد . وطلعت تجري علي فوق والكل مصدوم
وفجأه غرام نزلت تاني وشالت الحلويات والكيكه والهديه وطلعت
يوسف بضحك:والله العظيم البت دي عندها انفصام ههه
نور بمرح:ماشيه بمبدأ اهم حاجه الكرش ياني منك ياغرام
حسن بحزن:تب وانا اعمل ايه دلوقتي
عيسي:اصبر يا عمي وهيا إنشاء الله هتسامحك
كامل:انا شايف ان عيسي عنده حق
عيسي بصله بطرف عينه وطلع فوق وكامل بص علي اثره بحزن ورحمه طبطبت عليه
@@@@@@@@@@@@@@@@@@@@@@
في روسيا
كانت قاعده مونيكا وبتشرب وفي ادها كاس وجمبها واحد
مونيكا:انا كتير اشتقت لك يا چون ههيهي
(هنعتبرها ضحكه رقاصه روسيه 🥴)
چون:وانا اشتقت لكي يا مونيكا ولكن اخبرني عن خطتك
مونيكا بخبث:سأتي بها الي هنا وابيعها الي شهاب انها يريدها
چون بصدمه:انها ابنتك يامونيكا كيف تبيعنها لشهاب
مونيكا:لا انها ليس بإبنتي انا اكرهها لأنها خرساء
چون:هل سيدفع لكي شهاب يامونيكا
مونيكا:بالطبع سيدفع انه معه نقود كثيره وهوا ثري ويريد غرام مع انها خرساء
چون بستغراب:ولكن ماذا يحب فيها طالما خرساء
مونيكابقرف:لا اعرف مع اني اقرف منها كثيرا لانها تشبه
ابيها
چون بخبث:كم سيدفع ذاك الشهاب يا حبيبتي
مونيكا بطمع:سيدفع 5ملايين دولار من اجل غرام
چون بصدمه:كم سيدفع 5ملاييين انتي تمزحيين
مونيكا :لا لا امزح انه سيدفع خمسة ملايين دولار
چون بطمع :يا الهي متي ستأتي بإبنتك
مونيكا:سأسافر غداً لعندها وااتي بها
چون:في اسرع وقت مونيكا انها صفقه جيده
مونيكا:اعلم يا حبيبي انا غرام غبيه وستأتي معي بكل سهوله
چون:ماذا ستفعلين مع حسن انه هناك
مونيكا:سأتصرف ولو اطريت لقتله
چون بشهوه:تب هيا بنا يا مونيكا
مونيكا بضحكه سافله :هيا بنا يا قلب وعقل مونيكا
چون اخدها واتجهو للسرير وفعلو ماحرمه الله
@@@@@@@@@@@@@@@@@@@@@@
عند غرام
كانت دخلت واخدت شاور ولبست بيجامه عباره عن شورت وتيشرت بحملات وعملت شعرها كعكتين وكانت شبه الأطفال اوي وكانت جميله جدا لدرجه كبيره
وقعدت علي السرير وفتحت العلبه لقت جواها تورته بشكولاته
والكيسه فيها حلويات كتير وشيبسي وكارتيه وبيبسي وعصاير بشكولاته وكيكات وبسكوتات ومصاصات وحاجات حلوه كتير ففرحت وقعدت تتنطط علي السرير بفرحه
ففتحت العلبه التانيه لقت جواها موبايل ايفون جديد
(اوعدنا يارب 🤲😂)
وفرحت بيه جدا ولقت علبه فيها سلسله دهب مكتوب عليها غرام وكمان ساعه دهب ومرصعه با الالماس وعليها صورتها وكانت جميله جدا وكمان لاقت شوكلاتات جميع الانواع مصري وايطالي وانواع كتير
وكمان لقت دبدوب كان عندها زيه وهيا صغيره وكانت بتحبه جدا ومن اللون الابيض وكان جميل جدا وغرام فرحت جدا
وبتدور كمان لقت علبيتين بلاستيك واحده مليانه كتب روايات الي هيابتحبها والعلبه التانيه مليانه اسطونات كلها الكرتون الي غرام بتحبه وفي الاخر لقت ورقه ففتحتها
وكان مكتوب
(سامحيني ياغرام يا بنتي انتي وحشتيني اوي انا عارف اني غلطت زمان بس والله انتي فهمتي غلط انا هحكيلك لانك كبرتي ولازم تعرفي انا دخلت لقيت مونيكا ومنصور بيفعلو ماحرمه الله يابنتي وانا زي اي راجل صعيدي دمي حامي كان المفروض اشرب من دمها بس انتي دخلتي وهيا حاولت تستعطفك والله يابنتي انا الي اتظلمت كتير وعشان وانتي صغيره كنتي شبها ف انا جن جنوني سامحيني ياغرام انتي وحشتيني اوي ووحشتني كلمه . بابا. ابوكي الي بيحبك حسن)
غرام قرأتها ودموعها نزلت وقالت في نفسها
.. يعني انا كنت ظلماه انا ظلمته كل الي فات ده بس انا لازم اصلح غلطي بس مش عارفه افكر تب اعمل ايه دلوقتي يارب ساعدني انا هقوم اصلي استخاره ولو ارتاحت هسامحه غير كدا مش هسامحه...
وبالفعل قامت غرام اتوضت وصلت استخاره وهيا بتعيط وبتقول في نفسها... يمكن انا مش عارفه اتكلم بس يارب انتا الي حاسس بيا وعارف انا جوايا ايه يا ررب..
.... بعد مده
بتخلص غرام صلاه وبتدعي بقلبها وارتاحت جدا وبعد كدا شغلت فيلم كرتون وبقت بتاكل من التورته والسناكات وكانت فرحانه جدا
.... بعد مده دامت 3ساعات
غرام اتفرجت علي تلت افلام وتعبت فاقمت نضفت السرير وغسلت ايدها وسنانها وراحت نامت من غير ما تطفي النور لانها بتخاف من الضلمه جدا
@@@@@@@@@@@@@@@@@@@@@@
في الصباح
كان الجميع قاعد علي السفره معادا غرام
حسن:هيا غرام لسا نايمه
روحيه:لاء اكيد فاتها صحيت
وفجأه نزلت غرام وهيا ماسكه التليفون الجديد ولابسه الساعه والسلسله الي لفتو نظر الجميع وحسن الي فرح لما شافها
عامر:صباح الخير يا حبيبتي
ميلت عليه غرام وراحت باست ايده وخده
روحيه :هوا مفيش غير عامر الي علي الحجر ولا ايه
فجأه قربت منها غرام وباستها من خدها
عامر:اقعدي يا حبيبتي افطري
واتجهت غرام الناحيه التانيه في الكرسي الي جمب حسن وقعدت عليه والكل اتصدم لان مكانها الناحيه التانيه
وحسن اتصدم
غرام باسته من خده وقعدت وحسن مصدوم هوا والعيله
حسن بصدمه:غرام انتي
غرام هزت راسها ب ااه
حسن فرح وحضنها جامد والكل فرح جدا معادا بسمه وساره
غرام شاورتله بمعني ان الهديه عجبتها
حسن بفرحه:بجد عجبتك
غرام هزت راسها ب ااه
عامر:والله كويس ياغرام انك عاقله يابتي
غرام عملت حركه قلب لجدها
حسن بفرحه وعدم تصديق:انتي بجد سامحتيني يا غرام
غرام شاورت بمعني. انابحبك يابابا..
حسن بيحاول يفهم بس مش عارف
وعيسي فهمها :بتقولك انا بحبك يابابا
والجميع اتصدم من عيسي لانه نادرا لما يركز
حسن:انتي بجد قولتي كدا
غرام هزت راسها ب ااه
حسن بفرحه :وانا كمان بحبك يا قلب بابا
صوت من وراهم
مونيكا:وانا أيضا احبكم
حسن بصدمه.. مونيكا
