رواية الشيعي وبنت الانبار الفصل الثاني بقلم بنين البصراوي
عباس بعده مامستوعب الي صار ولحد الآن بعده بصدمه
بعد ما صار الحادث خلف صارت بيه صدمه مايگدر يحجي ولا نطق اي حرف
اما صديق كرار ف گال انو عباس ضرب كرار سجينه بضهره واكتفى ب الكلام
العشيره حسبت ضربة الضهر غدر ما واجه وضربه ف ذبو عباس من العشيره ويدورون عليه حتى يقتلوه بسبب ماكو شهود ع الحادث
الثلاثاء ابو الخصيب الساعه 2ضهر
سجاد عبااااس لازم تطلع منا
عباس ليش
سجاد عرفو مكانك
عباس خوش راح اطلع من البصره اروح لل
سجاد لا تگلي وين راح تروح
عباس ليش
سجاد يا اخوي خاف يحلفوني ما اگدر بعدها ع الاقل اگلهم ما ادري وين رحت
عباس كفو منك اخذ اغراضه وطلع متجه ل محافضة الانبار
صارت الساعه ب 10 وعباس يقره آيات الطريق
چول (صحراء ،ضلمه) ما ينمشي تالي الليل ومتروس سلابه(حراميه) الساعه ب 12 وصل للانبار دخل بيها منطقه ال.... لكه جامع دخل صله ونام ب الجامع كعد ع صوت رجال جبير
شيخ عثمان السلام عليكم شتسوي هين يا ابني
عباس انا نايم
شيخ عثمان انت مو من هين
عباس انا عباس من البصره
شيخ عثمان كوم اتوضه وصلي يا ابني وهلا بيك اني شيخ عثمان
عباس والنعم شيخ ع راسي
وگف عباس يصلي بس لاحض احد المصلين يمتمت عليه ومبرطم ويباوع بنص عين
شيخ عثمان يلا عباس حدر وياي
عباس وين شيخ
عثمان انا رجال وحداني الله رزقني ولد وتوفه وعايش الحالي والحجيه توفت كوم ب البيت ارتاح
عباس گام وي حجي عثمان راحو ل بيته
جان عباره عن بستان جبير بيه بيت حلو
عباس كعد
حجي عثمان هذا فراش نام وارتاح والصباح نسولف
عباس ما ادوي شلون اشكرك شيخ
حجي عثمان هههه لا شكر على واجب ابني
عباس الله يخليك ويطول بعمرك يابه
عباس نمت مرتاح وماحسيت ب الدنيا
بيت حجي ستار
خلف نام ورجع عليه نفس الحلم فزيت مرعوب منه واصرخ
ستار اسم الله اعوذ ب الله شبيك بويه
خلف عباس بريئ عباس دافع عني
ستار بويه رجع صوتك
خلف عباس وييين
ستار ااخ فات الحجي عمامك رايحين ل بستان سجاد يكتلوه
كوثر وره الباب سمعت انغمى عليهه
خلف لازم نروح عباس مضلوم
ستار الصبح انشاءالله نروح
خلف ليش مو هسه هسه مشينه
ستار يابويه تالي الليل وين تروح مشي عليك الله ضل والصبح نطلع
خلف رجع نام بس مانمت
ستار طلع وتفاجئ كوثر مغمي عليهه
ستار كوثر كوثر
خلف طفرت ع صوت ابوي
خلف جبت ماي وگعدناها
ستار شبيج بويه خوفتينه
كوثر لا يابه ماكو شي بس دخت
خلف روحي لغرفتج ارتاحي
كوثر دخلت للغرفه وانفجرت ب البجي معقوله عباس يكتلونه ع مود كرار الجلب
~~~
الساعه 12ضهر
عباس گعدت مرتاح شميت ريحة طبخ
عباس شيخ شيخ
شيخ عثمان هلا صباح الخير
عباس صباح النور
شيخ عثمان انشالله نمت مرتاح
عباس اي الحمد لله مشكور شيخ
عثمان تعال نتريك وبعدين احجيلي قصتك
عباس بسم الله
گعد تريگ وحجى القصه كووووولها
عثمان هيج قصتك يا ابني
عباس انا مضلوم
عثمان لا تنزل راسك انت السويته غيره وشهامه منك ودفاع على ابن عمك وانا صدگتك لأن من عيونك مبين مضلوم
عباس انا لازم تطلع خاف اسببلك مشاكل
عثمان لا يا ابني ماحبيتها منك انت بمثابة ابني هسه هذا مثل بيتك
عباس رحم الله والديك شيخ وربي يطول بعمرك
عثمان الشكر لله يا ابني
عباس بس انا راح اثگل عليك اريد اشوفلي شغله
عثمان لا تثگل ولا شي واذا ع الشغل انا كبرت ف لذالك اريدك تساعدني ب الجامع تقراء قرآن لأن صوتك ماشاء الله حلو
عباس ربي يوفقك شيخ انشالله من اليوم اذا تريد
عثمان عجل اليوم تقرأء ب الجامع بمكاني
عباس انشالله
خلف گعدت الصبح ع صوت كوثر
كوثر خلفف خلففف
خلف هاااا
كوثر عباس ماقتلوه لكوه شارد
خلف طفرت من فراشي احلفيي
كوثر والله
خلف الحمد لله والشكر اليوم اربي عمامج
كوثر ابوي دزني عليك يگول اذا طلع من البيت اتبره منه
خلف شلوون يابه يابه
ستار هاا
خلف عباس مضلوم ولازم تطلع برائته
ستار خلففف عمامك اذا كضوك يكتلوك بمجانه مااريد افقد ولد ثاني من ولدي كافي عليه عباس كسر ضهري
خلف بسس
ستار لا تكمل بويه يمكن الله رايدله الزينه ادعوله بس
عباس صليت وطلعت المغرب افتر وي شيخ عثمان
عثمان يلا امشينه للجامع
عباس يا الله
ركبله السماعات او{ما اعرف شيسموها قبل}
گعد يقرا قرآن وصوته كان جمييل جداً
ك العاده بهيج وقت طلعت للحديقه تسمع القرآن بس هلمره صوت مختلف صوت حلوو وخشن شوي
عمر عائشه عائشه
عائشه نعم بابا
عمر بنتي اليوم اوديج ل امج شوفيها و ب الليل اجيبج
عائشه الله لايحرمني منك
عمر يلا جهزي على ما اروح اصلي وارجع
{ابو عائشه وامها منفصلين }
عائشه بابا منو هذا الي يقره ب الجامع
عمر ماادري ماشاء الله صوته جميل
عائشه رحت حضرت عشه وبعدين حضرت نفسي دخل بابا معصب وكوه لازم نفسه
عمر خلصتي
عائشه اي بس نتعشى
عمر مااريد سم يلا امشي
عائشه خفت ومشيت بسرعه وراه
الي صاار ،،،،،،،،
عمر دخلت للجامع وشفت هذا البصراوي مامرتاحله
عمر السلام عليكم
الجميع وعليكم السلام
عثمان سوف هل شاب ماشاء الله اخلاق وطيبه
عمر شبسرعه عرفته
عثمان ههههه والله انت دائما معصب ع الفاضي
عمر صارت الصلاة وكف يمي خلصة الصلاة وبعد صلاة الجماعه گمت اريد اطلع
عباس حجي عمر
عمر تفضل
عباس نسيت مسبحتك
عمر شكرا
عباس العفو
عمر انت شسمك
عباس انا اسمي عباس
عمر هااا ليش اجيت هنا
عثمان انا راح احجيلك
عباس نضف الجامع
عثمان حاضر
عثمان هذا الشاب ووووو حجه القصه كولهه
عمر هذا مجرم قاتل شعنده يمك لايقتلك
عثمان هذا شاب بريئ
عمر بريئ شنو اسمع عمران انت صديقي وابن عمي هذا الشاب اذا ماطلع من الجامع انا اطلع
عثمان الله وياك
عمر هيج صارت مووو
عثمان روح منا
عمر طلع ماشايف گدامه
نرجع ،،،،،،
عائشه وصلت ل امي وگعدت يمها وضليت ل 10 وابوي گال ب 10 اطلع طلعت لگيته واگف بعيد ع لشارع ع دكان فلافل ياكل ابتسمت ومشيت متجهه اله گابلتني سياره بيها ثنين نزل واحد وركضت حيل صرت بعيده عن البيت وهوا يركض وراي والثاني نزل وراه لأن دخلت ب افرع ضيگه ضليت ابجي واركض لزمهم واحد گطعهم تگطع وگعت ب الگاع
،،،،،
عباس طلعت من الجامع وتمشيت شوي وصلت ل افرع ضيگه شفت بنيه تركض رحت فزعتلها
وضربتهم انهزمو مثل الفيران وشفتها گاعده ب الگاع وتبجي
عباس منطيها ضهره انتي بخير
عائشه مشكور
عمر شفت عائشه تركض واحد يركض وراهز لحگتها وشفت هذا الكلب
عمر هذا انت يا سافل ضربه بوكس وطيحه ب الگاع
