رواية ضلام قاتل الفصل الثاني بقلم جمانه السعيدي
جنه الايام تمر صعبه وكئيبه وحزينه وبلا طعم
الحد ماا فد يوم اجن نسوان
اندكت الباب واني رحت فتحته
جنه اهلا وسهلا تفضلو
...امج موجوده
طبعا اني عرفت قصدهم على ززجت بابا
جنه اي موجوده
دخلن واني رحت صحت عليه وقدمتلهن ماي
رحت خدرت جاي من دخلت سمعته كالن هي هاي
ام حمودي زوجة بابا اي هي هاي
ام العريس شكد عمره بلا زحمه
ام حمودي ٣٠ سنه
ام العريس هي مخلصه مدرسه
ام حمودي ابتدائيه وبطلت ماتحب المدرسه
جنه كلت بكلبي شكد جذابه الله ينتقم منج
ماأحب المدرسه لو انتي بطلتيني حتى اصير خدامه اللج
والجهالج
طلعت وعفتهن يحجن اني شبه يا ئسه حتلو عجبتهن
مستحيل أعجب العريس
وبن اكو واحد يقبل يزوج وحده
نص وجه اسود
طلعن واني حتى ماسئلته عليهن
وصلتهن للباب ورجعت جان تكووول اي اخيرا اجا عريس يلعانس
اني بين مصدكه ومامصدكه معقوله راح ازوج واخلص من هذا البيت
خفت اسئله خاف تهجم عليه هسه تكول كيفت بلعرس
بليل اجه بابا وكعدت تحجيله
واني الصراحه اريد اسمعه شتكول
بقيت اتسنط عليه
ام حمودي اليوم اجو ناس على جنه الولد خريج كليه عسكريه وعمره ٣٠ سنه
واهله بانيين مشتمل بيتهم اله يزوج بي
حالتهم الماديه كلش زينه ويكولون مستعدين الكل طلباتكم
ابوي اي بيه الخيررر خل تزوج صارت عجوز ومكابلتني
ام حمودي بس الولد بي عيب واحد
ابوي شنو بعد
ام حمودي الولد بحرب الموصل مفجوره عبوه قريبه علي
وفاقد عيونه ثنيبنهن يعني اعمى كلشي مايشوف
صار اكثرمن اتلث سنوات على هذا الوضع
ابوي ميخالف واذا اعمى هي بعد فاته الزواج ومستحيل اكو واحد بقبل ببه بهذا وجه الأسود
ام حمودي يعني اكلهم موافقين
ابوي اي موافقين
جنه اني راسا دخلت عليهم وكتلهم اني ماموافقه
ليش اخذ واحد اعمى اني شنو ناقصني مثلا
واخذ واحد اعمى
شني ابقه طول عمري ادلي بي ماازوج احسن
ام حمودي انجي وسكتي صحله رجل كالت اعمى
هو انتي منو الي مار بيج
صار عمرج ٣٠ ومكابلتني وكاعده بهذا وجههج الأسود
احمدي ربج قبل بيج
ابوي اي كلام ام حمودي صح هو لو يشوف جان اجا خطبج
صرتي عجوز وكاعده مكابلتني
انتي منو الي يريدج
جمانه السعيدي
جنه ولو مااقبل بي ابد لو اصير ٤٠ لو خمسين
مااريده ليش اخذ واحد مايشوف
انتضر بلكت تجيني قسمه احسن
ام حمودي شوف هاي ماخذه مقلب بنفسه انتي منومار عليج عمرج ٣٠ وهذا اول واحد يدك بابج
تردين تبقين طول عمرج مكابلتني وكاعده
ابوي تقبلين ورجلج فوك راسج فهمتي لو لا
ام حمودي باجر رجعليهم خبر موافقين
جنه راسا دموعي نزلن معقوله اني هلكد ثكيله عليهم ويردون بس يدفعوني ويخلصون مني
رحت بلغرفه الثانيه تغطيت ونمت
ليش ليش اخذ واحد اعمى
ابقه طول عمري ادلي
اني اسبحه واني اوصله للصحيات واني البسه
وواوكله واني شايله مسوليته طول العمر
هم اريد البس ويكول الله حلوه
اتمكيج ويكعد يتغزل بيه
احبل وياخذني للدكتوره اتمرض ويداريني
اني ليش ماعندي حظ يعني لا أهل بيهم خيررر
ولا زوج اكدر اعتمد علي
ياربي معقوله هاي قسمتي يعني صابره ٣٠ سنه
وبلاخير اخذ واحد اعمى
ماازوجه يعني ماازوجه ابقه خدامه هنا اهون مايصير عندي ٣ لو اربعه والمصيبه اصير مصيبتبن
ثاني بوم ام حمودي ماصدكت خبر دزت عليهم وكالت موافقبن
انتضرت ابوي اجا وكعدت يم رجلي وكمت اتوسل بي
جنه فدوه بابا اني مو بنيتك ليش هيج تسوي بيه
اذا انت مادفع عني منو يدافع عني
منو باخذلي حقي
شلون تقبل ازوجني واحد اعمى
زبن هي ام حمودي تقبل ازوج بته واحد اعمى
ليش اني هيج تعاملوني
لان ماعندي ام تدافع عني
بابا وانتي منو جاي داك الباب وطالب ايدج
بعدين خريج ومشتمل وحدج وراتبه زين
بعد شتريدين
جمانه السعيدي
جنه اعمى بابا تعرف شنو اعمى يعني راح يوكع براسي طول العمر
يعني اني ابدال ما استند علي هو يستند عليه
اني شنو ذنبي ابقه شايله مسوليته طول عمري
بعدين باجر اذا صار عندي اطفال شلون
اريد واحد يساعدني عليهم
ياخذهم للمدرسه يدرسهم
اذا واحد تمرض ياخذه للطبيب
اريده يطلعني نفتر نتونس كل هاي الاشياء اني راح انحرم منه
انت متعاجز من خبزتي
اني اريد ابقه يمك ماازوج
راسا دخلت ام حمودي وين تبقين عيوني
ترديني ابقه طول عمري مكابله هلوجه هذا
هم ياريت حلوه
بابا احمدي ربج واشكري اكو واحد قبل بيج
واذا اعمى
هو لو يشوف اجا دك الباب عليج
بشرفي مايباوع بوجهج ابد
ازوجي وحصليلج طفل طفلين يفيدونج من تكبرين
ابوي اي كلام خالتج صحيح وعين العقل
ام حمودي اني دزيتلهم خبر والجمعه المهر
جنه طلعت من يمهم كلامي بدون فائده ومحد يسمعني
يردون بس يبيعوني ويخلصون مني
اني رائي مو مهم ابد
زعلت حبست نفسي بلغرفه مااكلت كل محاولاتي اقنعهم فشلت
يحضرون للمهر ومكيفين
قبل المهر بيوم اخذتني ام حمودي للصالون
الكل ضل يباوع عليه ومستغرب شكلي
حفيت وعدلت كصت شعري
كاعده والبوز شبر كنت اتمنى اموت بهاي اللحضه واخلص
اشترتلي فستان سمائي فاتح وبنيه جوارينه مكيجتني
ام حمودي يمعوده شتمكيجين منه
وجه اسود كلشي مايبين بي والعريس اعمى ههههه
بس سمعته نزلن دموعي ثنيبن ثنيبن
البنيه مسحتهن ورجعت تخليلي مكياج
اجن النسوان كعدن شويه واجو الزلم
بدا الشيخ يعقدلي
بعدين عقد للعريس
جابو للغرفه بيده عكاز لابس قاط اسود وقميص ابيض
ورباط ماروني
طوله تقريبا ١٧٥ جسمه رشيق لابسه نضاره اسود
شعره حالقه ومرتبه عطره طيب
دخل وكعدو بصفي
امه كالت عروستك كاعده بصفك
علاء التفت عليه وكال مبروك الف مبروك
جنه سكتت لان كلش مامقتنعه احس هذا مو مكاني
ولا عرسي احس نفسي غريبه بين اهلي وناسي
ام حمودي انحرجت لان اني سكتت
ام حمودي تستحي جنه لا طالعه ولا شايفته بشر
وتستحي
جمانه السعيدي
امه طلعت الحلقه ولزمت ايدي هو لبسني الحلقه وباس ايدي اتفاجئت منه حيل
علاء باقي الذهب امي تلبسج اعذريني
امه طلعت الذهب وبدت تلبسني حلو الذهب الي جايبينه
كامن الحبايب يهلهلن كلبن الجووو
هو أكبر واحد بلعائله عنده اخت ازغر منه مزوجه وعدها طفل
واخ ازغر واحد عمره ٢٢ سنه يدرس كليه
بعدين طلعووو واني رحت نزعت الذهب والثوب
احس اكو غصه بكلبي
معقوله هو هذا شريك حياتي
بليلته انطو فلوس الام حمودي حتى اجهزني ملابس
ومكياج وشغلات عرس
بدت ام حمدي اجهز طبعا تشتري على ذوقه
ماتقبل تاخذني وياها
تكول اعرف قياسج المن ماخذتج تفترين ويااا
وكله تباوع الوجهج الأسود
اخذت قسم من الفلوس وضمته ومااشترتلي اله شغلات قليله
بس سيتان نوم ثنيبن
وثوبين وكم دشداشه ومنشفه وعطر ومكياج قليل
كانت تعتقد هاي الفلوس هواي عليه
على كولته اني موحلوه وزوجي اعمى
لمن مشتريه ملابس هواي ومكياج
هي اولى بهاي الفوس
جمانه السعيدي
شكد جنت ضايجه من حياتي وياهم
ضجت اكثر على الاقل يمهم بطرك عمري واكل واشرب براحتي
واذا على التنظيف اتعودت علي
حتى معاملتهم اليه رغم كله قسوه تعلمت عليه
حددو موعد العرس بعد اسبوعين
واني ماليه واهس ابد
ام علاء اجتنا مرتين تسئلني خاف محتاجه شي
والمره الثانيه كالت نحجز بدلة حنه
واني ماقبلت مااريد اسوي حنه
عليمن مسويه حنه
على العريس الاعمى
قرب يوم زواجي وكرهي الاهلي زاد قاطات
احسهم كاعد بدفعوني للنار باديهم
