رواية ضلام قاتل الفصل الثالث بقلم جمانه السعيدي
جنه قرب موعد العرس واني كارهه نفسي
وشايله هم الحياتي الجايه
اجت ام العريس واخذتني للصالون
رتبت شعري وسوتلي تسربحه اني شعري اسود واصل النص ضهري حلووو سرح وبي لمعه
طبعا هو مااجه بلزفه اجت امه واخته
طلعت من بيت اهلي ودموعي تجري
وصلنا ودخلوني بلمشتمل كبل هو جان منتضرني برا
لابس قاط رصاصي وكاشخ واخو واكف بصفه
امه سحبت ايده وخلته لزم ايدي وكال مبروك الف مبروك
دخلنا جوا مااعرف اني كايدته لو هو كايدني
امه لازمته من الجهه الثانيه
دخلنا واشتغلت الهلال بعدين الكل طلع بقت بس امه موجوده ويانه
ام علاء تبدلين اساعدج
دخلت جوه بلغرفه كلش حلوه الغرفه
فتحتلي سحاب البدله وطلعت
نزعت البدله ولبست سيت ابيض
شويه واجا هو للغرفه
دخل
علاء كملتي غيرتي ملابسج
جنه اي
راسا مشه ويه الحايط وفتح اول خانه بلكنتور وطلع دشداشه بيضه
نزع سترته وعلكه بلتعلاكه بعدين فتح دكم القميص
ونزعه ولبس الدشداشه ونزع البنطرون
وخلاهن بلتعلاكه ورجع فتح الكنتور وخلاهن داخل الكنتور
وسد الباب
اجا يمشي عبالك يشوف وكعد على الجربايه
وكال مبروك الف مبروك اتمنى رب العالمين يقدرني واسعدج
شويه ورجعت امه جايبه عشى
ام علاء هذا عشاكم الف عافيه وهذا مفتاح المشتمل
بعد ام البيت اجت
ام علاء هذا بيتج حبيبتي واي شي تحتاجين بس
كولي تدللين
واوصيج على علاء ديري بالج علي
علاء ماكو مثل كلبه ابد بهاي الدنيا
جمانه السعيدي
طلعت وطبكت الباب
طبعا المشتمل اله باب خارجي وباب داخلي على بيت اهل علاء
علاء يله نتعشى
جنه مااريد
علاء ليش ماتردين انتي بس جربي اكل امي وشوفي شكد طيب
جنه مااريد
علاء اني هم مااريد خل ناكل اني وياج واعتبري عشى تعارف
جنه سكتت
علاء ليش سكتي احجي اريد اسمع صوتج
جنه راسا كمت ابجي
علاء ليش ليش تبجين شصاير
جنه استمريت بلبجي
هو كاعد على الجربايه قريب الباب واني من الجهه الثانيه
رجع بضهره على الجربايه وهو يحاول يلزمني حتى اسكت
بس خله ايده عليه
اني طفرت وكمت ابجي بلزايد
علاء ليش تبجين خايفه مني
جنه خايفه من حياتي الجايه
علاء انتي ماموافقه على هذا الزواج يعني غصبوج
جنه اي اهي اهي
علاء ليش غصبوج الله يسامحهم ترا اني مااعرف انتي مغصوبه ابد
الكلام الي وصلني انتي موافقه بهذا الزواج
واني أكدت على امج مااعرف زوجت ابوج
وكالت موافقه
اني مااقبل بلزواج الغصب ابد
وخاصتا الزواج لازم يكون بي توافق
جنه هي تكرهني ورادت بس تخلص مني طبعا احجي وابجي
علاء خلاص لا تبجين ولا تضوجين ولايكون خاطرج اله طيب
اني مراح اقربلج ولا راح ااذيج ابد
تعاي اكلي وأخذي راحتج واني اكيد راح الكه حل الهاي المشكله
جمانه السعيدي
بس لا تبجين مااريدج تبجين ابد
ممكن اطلعين الاكل برا من رخصتج
واني راح انام بلغرفه الثانيه وانتي اخذي راحتج
طلع راح بلغرفه الثانيه واني بقيت كاعده
بمكاني
شويه طلعت الاكل خليته بلثلاجه
ورجعت سديت الباب وتمددت
مااعرف يمته نمت
غافيه وشميت ريحة كهوة بس ريحته كلش طيبه
كعدت نزلت من الجربايه
فتحت الباب
طبعا هو بس سمع الباب
علاء صباح الخير ازعجتج اني متعلم الصبح اشرب كهوة
جنه صباح الخيرررر
بقيت واكفه واباوع علي شلون يسوي كهوه وهو اعمى
بس طلعت ريحته طفاها
وفتح الكاونتر الخانه الفوك وكأنه يندل الفنجاين طلع واحد
وصب الكهوه
وكعد على ميز الطعام يشرب
علاء تكدرين تاخذين راحتج اذا جوعانه اكو ريوك
هسه امي جابته
جنه شكرا
علاء اني متعود اشرب كهوة وبعدين اتريك
جنه خل اغسل واجي
اخذت دشداشه ودخلت للحمام سبحت وطلعت جففت شعري وخليت معطر وطلعت
جنه تتريك احضر الريوك
علاء نتريك اني وياج اذا تحبين ناكل سوا
جنه اي
شلت الصينيه الي جابته خالتي وخليته على ميز الطعام
حولت المواعين على الميز
كيمر وكاهي ودبس وراشي وجبن وبيض سلك وخبز
علاء اني اسوي الجاي
جنه لا اني اسوي
علاء اليوم شوفي الجاي مالتي وبعدين انتي سويلنا جاي
جنه تفاجئت ياربي هذا خاف مو اعمى شلون يسوي جاي
كام وصل الكاونتر اكو غلايه مد ايده واخذ كلاص
واكو بطل مي جبير على الكاونتر
ترس الكلاص مرتين وخلا بلغلايه وخله الجاي
وشغل الغلايه
بعدين مد ايده فتح الكاونتر الفوك وطلع كوابه ثنيبن
لزمهن بايد وأيده الثانيه يتلمس بيه كدامه
خلاهن على الميز ورجع وكف يم الغلايه بس سمع
الصوت طفت
شاله ورجع المكانه خلاها على الميز وجاب الشكر
كعد كبالي واني مذهوله من تصرفاته
ياربي شلون اعمى وبعرف يخدر جاي ويحضر الكهوه
مد ايده اخذ خبزه وبدا يتلمس المواعين الي كدامه
عرف كل ماعون شبي وبدا ياكل
اني كاعده ومصدومه
علاء ممكن نتعرف ولو هذا التعارف اجه متاخر
جنه اني اسمي جنه
علاء عاشت الاسامي
جنه شكرا عمري ٣٠ امي متوفيه وعايشه ويه ابوي
وزوجته عندي اخوان اتلاثه
مخلصه ابتدائيه كلش احب المدرسه بس الضروف منعتني اكمل
علاء من صوتج مبينه كلش حلوه
جنه لا اني مو حلوه
علاء لا حلوه وحلوه جدا اني جاي اشوف روحج مو وجهج واحساسي يكول انتي حلوه
جنه اني عندي وحمه بوجهي جبيره ولونه اسود هي الي
مخربه وجهي
علاء وليش ماتكولين هي الي ميزتني عن باقي البنات
جنه يمعود ياتميز الكل يصيحلي ام وجه الأسود
علاء اي واحد يحاول يتنمر عليج اكيد اكو نقص داخله
ويحاول يعوضه ينتقص من الناس
جمانه السعيدي
جنه انت تكول هيج غيرك يشوفني معيوبه ومااستحق اعيش مثل الناس العاديبن
علاء ومنو انطاهم هذا الحق
جنه اوووف اوووف حتى ابوي واحد منهم
علاء لا تضوجين ابد وخلي عندج ثقه بنفسج فهمتي
انتي جاي تاكلين
جنه اي اكل
علاء ماجاي اسمع صوت الاكل
جنه مو جاي احجي اخاف اغص
علاء يله اكلي لان البارحه بقيتي بدون عشى
جنه انت هم بقيت بدون عشى بسببي
علاء لا ولله انقهرت عليج
ماكنت اعرف انتي رافضه هذا الزواج ابد
لانسان من حقه يختار شربك حياته اذا انفرض علي فرض
مستحيل يكدر يكمل وياااا
لان هاي عشرت عمر مو يوم ولا يومين
جنه اني كلشي بحياتي انفرض عليه فرض
اولا انفرض عليه اترك المدرسه
وثاني اتخلى عن كل حقوقي بيت اهلي
واخيرا هذا الزواج
علاء ولا يهمج اني راح اخلصج من هذا الزواج وترجعين بيت اهلج معززه مكرمه
جنه صحيح بس شلون اهلي راح يتعاركون وياي
ويكولون ليش رجعتي
علاء بس اصبريلي شويه واني راح الكه عذر مقنع
واخلصج من هذا الزواج
بس اريد اسئلج انتي ليش كارهه هذا الزواج
لان اني مااشوف
جنه سكتت ماحجيت
علاء احجيلي الصراحه انتي مامعاشرتني ولا تعرفيني
هو من حقج طبعا ترفضين
بس ليش ماناخذ وقت نتعرف واحد على الثاني
ايجوز تغيرين رائيج
خل نبدي اصدقاء وناخذ وقتنا اذا غيرتي رائيج
نستمر وراح احاول كد مااكدر اسعدج
واذا ماقتنعتي كلمن يروح بطريقه
هااا اتفقنا
جنه اي اتفقنا
علاء اوكي بس مااريد اي احد يعرف احنا مجرد اصدقاء اريد نبين كدام الناس كلشي تمام بينا
جنه ماشي اتفقنا
