رواية سراب الفصل الثاني بقلم جمانه السعيدي
سراب...امي ابد ماحزنت على ابوي
كانت تعيش حياته بكل حريه وخصوصا وهي زعلت كل الأقارب منه
حتى لا يكون أحد رقيب على تصرفاته
وتأخذ حريته
حتى عدة ماقبلت تكعد بعد وفاة بابا
بدت تطلع وتكون علاقات واني كل شغل البيت ركبته براسي
ومااكدر احجي لو افتح حلكي تنزل عليه غضب
كانت اجيب مسواك اشكال واللوان مااعرف منيين
الحد مافات ست اشهر على وفاة بابا
كنت بالرابع عام بهذا الوقت
تفاجئت بيه تكول اني راح ازوج
سراب...تزوجين
ماما..اي ازوج اكو واحد تقدمي تاجر وأموره الماديه زينه
سراب..بس بابا صارله ست اشهر الناس شتكول علينا
ماما...اي ناس الناس شنو دخلهم هاي حياتي واني حره بيه
بعدين اني شجنت محصله من ابوج
بس الفكر والعوز
اني زغيره ومن حقي ازوج واشوف نفسي
اني مو جاي اخذ رائيج اني بس انطيج خبر
لان ابو احمد مزوج وعندا بيت ثاني وهذا الزواج راح يكون سري
يجي كلما يكون عندا وقت
سراب...اذا انتي هيج حلوه ومرغوبه ليش ماتزوجين واحد بلعلن كدام الناس ليش تزوجين بلسر
ماما...اهو لا ادوخيني اني اعرف مصلحتي بس بلبداية بلسر اني راح اخلي يعترف بهذا الزواج غصبا علي
ويسجل شي من املاكه باسمي
جمانه السعيدي
سراب..بس اني مامقنعه وماموافقه
ماما...شنو شنو ماسمعت زين وانتي شكووو اذا وافقتي او ماوافقتي مايهمني
انتي باجر تزوجين وتروحين تعيشين حياتج
واني ابقه وحدي من حقي اشوف حياتي كافي ابوج جان دافني بلحياة
سراب..حيل ضجت شنو موقفنا كدام الناس وهم يشوفون واحد غريب داخل علينا
وحتى سنه ماصار من مات ابوي
امي استخفت فد مره
ثاني يوم من رحت للمدرسه طلعت من وكت ورحت بيت خالي اريد اوصله خبر حتى يمنع امي من هاي المصيبه
دكيت الباب فتحتلي بت خالي دخلت لكيتهم يتريكون
استغربو من جيتي من الصبح
سراب...صباح الخير
خالي وكل عائلته مستغربين من جيتي صباح الخير
خالي...شكوو صاير شي امج بيه شي
سراب..عندي موضوع اريد احجي وياك بي بس وحدنا
كام خالي ورحنا دخلنا بلاستقبال وسدينا الباب
سراب...خالو الحكلي امي تريد تزوج
خالي...تزوج
سراب..اي مااعرف منيين جايبه هاي الفكره تريد تزوج
ودخل رجال غريب علينا للبيت
خالي...منو هذا تعرفينه
سراب..لا مااعرفه
خالي...روحي للمدرسه واني اروح افتهم الشغله شنو
سراب...طلعت رحت للمدرسه
خالي من بعد ماطلعت منهم راح على بيتنا يريد يفتهم امي
شتريد بلضبط
خالي بس وصل البيتنا امي فهمت وصلله خبر عن زواجه
امي..اهلا وسهلا من ورا خشمه
خالي...صدك هذا الحجي الي سمعته من سراب
امي...وشسمعت بلا
خالي..تردين تزوجين
امي...اي وين الغلط بلموضوع
خالي...الموضوع كله غلط
اولا سنة ابو سراب ماكملت
ثانيا...منو هذا الي اتفقتي وياا من غير مااعرف
ثالثا ..عندج بنيه شابه راعي مشاعرها بعدها حزينه على ابوها
رابعا ..فكري بسمعتنا كدام الناس
جمانه السعيدي
امي...كلي الي كلته مايعنيني بشي
اني ماكنت سعيده وياا ابو سراب وكنت عايشه العوز
والفكر وانت ماكنت تسئل او تصرف عليه
واني هسه عمري ٣٦ سنه اكدر اقرر ازوج منو واعوف منو واعرف مصلحتي زين
بعدين بنتي شعليه قابل مراح ينقص منه شي
بلعكس الإنسان الي راح ازوجه
راح يوفرله كلشي تحتاجه
وهاي اخر مره اسمحلك تدخل بحياتي فهمت لو لا
ولله اذا اجيت مره ثانيه وكمت تتشرط عليه
اشتكي عليك واخليهم يسجننونك
ابسط شي اكول اخوي يتحرش بيه وانت تعرف كلمه المره
مسموعه بلمحكمه
حتى اجيب شهود احسلك غمض عيونك وسد اذنك
وكانما ماسمعت شي عني
واذا تقاطعني بعد احسن
اعتبر ماعندك اخت حتى اذا اموت لا توكف بجنازتي
خالي...هاا صار هيج الحجي
امي...لا هذا مو حجي هذا تحذير اذا أدخلت بحياتي مره ثانيه اشوفك نجوم الضهر
كافي تنطون اوامر
كلمن عايش حياته بلطول والعرض ويريد بس يتحكم بيه
خالي...شوفي اذا ازوجتي صدك لا انتي اختي ولا اعرفج
امي...بعد احسن خفتا وراحه
سراب...خالي طلع زعلان من بيتنا
واني من رجعت من الدووام امي هجمت عليه
سراب...بس دخلت لزمتني من كصيبتي وسحبتني
انتي شلون رايحه الخالج تحجين عليه
شنو تهدديني بخالج
لا انتي ولا خالج ولا الف مثلكم يخوفوني
اني جبيره واعرف اقرر مصيري
سراب...دخلت غرفتي وكمت ابجي معقوله هاي ام
وين الحنيه وين الامان الي لازم تحسسني بي
ماطلعت من غرفتي لليل
وهي ولا اهتمت ولا سئلت عني
بدلت وطلعت العصر ومارجعت اله الدنيا ليل
كمت مااحجي وياها اخلص شغلي وادخل غرفتي حتى ماناكل سوا اني وياها بعد اسبوع من هاي الحادثه
رجعت من الدوام تغديت نضفت المطبخ ودخلت غرفتي
كان اكو حركه غريبه بيتنا مو مثل كل يوم امي طلبت اكل جاهز وكيك وعصير وكرزات كنت متوقعه تنتضر خطار بس تفاجئت سمعت صوت رجاجيل طلعت لكيته لابسه فستان احمر وصابغه شعرها
والمكياج مكياج عروس وخاله شال على راسه ابيض
دخلت الكيك والعصير
واسمع الشيخ عقدله
اني دخلت غرفتي وطبكت الباب حسره بكلبي شكبرها
على ابوي الي مات وعافني بهذا الوضع
كانت هاي ليلة عرسها هي وابو احمد
اسمعهم يسولفون ويضحكون بس ماطلعت من غرفتي ابد
الثاني يوم يله طلعت
بدلت اريد اطلع للدوام حتى مالي واهس اتريك
طلعت وهما بعدهم نايمين
بقيت طول النهار اغلي وماافتهمت اي شي من المدرسه
رجعت..لكيتهم كاعدين ياكلون
رجال اكبر من ابوي ايجوز عمرا ٥٨ سنه اسمر سمين
بياض عيونه احمر وشفافية زرك
ريحة الجكاير تارسه البيت
اني دخلت ساكته وكبل الغرفتي
ابو احمد...هاي بنتج
امي ....اي معليك بيه هاي معقده
ابو احمد...ليش ماتسلم مانعجب لو مانعجب
امي..... معليك بيه اعتبره ماموجوده
اني بعد ماطلعت من غرفتي
وامي ماهتمت اني من البارحه كلشي ماماكله ولا شاربه
اهم شي ترضي ابو احمد
سمعته انطاها فلوس وطلع
هي دخلت الغرفته نامت واني طلعت حضرت اكل واكلت
بهاي الفتره ليله يجينا وامي تحتار شتطبخ وستحضر ولبس
عبالك مراهقة
كله قصير ودلع تريد تخبل الرجال
وهو ينطيه فلوس ويصرف عليه
واني بس اسمع صوته داخل الببت ادخل غرفتي وبعد مااطلع
الحد مافات شهر كامل على زواجهم
جمانه السعيدي
بعدها ماكان يجي ليليه يجي بين يوم ويوم مرات يجي بليل من وقت ويروح الساعه ١٢
وامي تغير حاله كليا كامت ماتشوفني بعيونه
اهم شي ابو احمد والفلوس الي يصرفهن عليه
بيوم طلعت امي راحت للصالون اذن اذان المغرب وهي ماراجعه للبيت
اندكت الباب توقعته امي فتحت الباب بدون مااكول منو لكيته ابو احمد
اني جنت لابسه تراك صيفي ربع ردن
اجيت اطبك الباب
راسا دفعه بايده
سراب...امي ماموجوده
ابو احمد... اعرف هسه على جيه هي كالت انتضرني بلبيت
دفع الباب قوي ودخل اني راسا رجعت ليورا اجيت ادير وجهي حتى ادخل قبله الغرفتي
راسا لزمني من ايدي
سحبته منه بقوه
سراب...انت شتريد بلضبط
ابو احمد...اكو وحده هيج تعامل ابوها
سراب..انت مو ابوي وبعد لا تعيد هاي الحركه
ابو احمد... مااريد منج شي بس خاف محتاجه شي
سراب..شكرا مامحتاجه منك شي
ابو احمد ...ههه ضحكتيني منيبن اصرفين انتي وامج اذا مامحتاجه شي
ترا اني الي جاي اصرف على هذا البيت
سراب...اعتقد هذا كان اتفاق بينك وبين امي واني مالي دخل بي
ابو احمد...انتي ليش مو مودبه
سراب...اني مودبه غصبا ماعليك فهمت لولا
قرب عليه ودفعني على الحايط ولزمني بقوه من اديه
قرب راسه على راسي
ابو احمد...اسمعي الكلام وصيري مودبه لا اربيج من جديد
سراب..عوفني واحترم نفسك
راسا سمعنا امي فتحت الباب بالمفتاح الي عدها
عافني وابتعد عني
ابو احمد...انتي مامربايه واني راح اربيج
سراب..ربي نفسك بلاول حاط عقلج وياا وحدا بكد ولدك
امي راسا دخلت مفزوعه وهي تسمعنا واحد يحجي على الاخ
جمانه السعيدي
امي...شكوووو
ابو احمد...اني طالع لمن تادبين بتج ساعته ارجع للببت
امي...لا فدوه لا تروح اني ماعرف شنو المشكله بس هسه اخليه تعتذر منك
اني اعرف سراب حيوانه وماتعرف تتصرف ابد
سراب...انتي ليش تحجين عليه ترا هو الي اجاوز عليه
امي...ابو احمد مايجاوز على احد يله تعاي اعتذري منه
سراب..مااعتذر فهمتي لو لا
امي..تعتذرين وانتي الممنونه
سراب..مشيت من كدامهم هي سحبتني من كصيبتي
ورجعتني اعتذري احسلج
باوعت علي بعيونه شماته
سراب..عوفيني وجعتني مااعتذر اني ماغلطانه
راسا هو تقدم عليه على اساس يخلصني من امي
وهو يقرب جسمه عليه
المشكله هي لازمتني من كصيبتي وهو حاضني علىاساس
يخلصني منه
سراب... صرت عصبيه عوفيني عوفيني الله ينتقم منكم ثنيبنكم
عافتني امي دفعتا حتى ابعدا عني ودخلت غرفتي
وامي بقت تتوسل بي حتى لا يزعل
ويطلع من البيت
