رواية سراب الفصل الثالث بقلم جمانه السعيدي
سراب...محاولات زوج امي يتحرش بيه تكررت اكثر من مره
اني ماخذه حذري منه
بس مرات ماعرف هو موجود واكون ماخذه راحتي
بلبيت وتفاجئئ كدامي
يحاول يطلب مني شي ويلزم ايدي
لو يفوت ويطخ جسمي
رغم هو يعرف اني اكرهه وماطايقته
وامي عمت عينه الفلوس
قررت اصارحه بموضوع التحرش بلكت توكفه عد حدا
سراب...ماما اكو موضوع اريد احجي وياج بي
ماما..احجي بسرعه اريد اطلع
سراب...زوجج
ماما...شبي
سراب...يتحرش بيه
ماما....ههههه صدك عقلج زغير يعني مالكيتي غير هاي الحجه
شنو يتحرش بيج صدك عقل طفله
سراب...انتي ليش ماتصدكيني اكلج يتحرش بيه
ويحاول يطخني بجسمه
ماما...روحي اكعدي بغرفتج اقري احسلج ولا تعيدين هذا الكلام خل الرجال يصرف علينا
وين جنا وين صرنا
صدك بطرانه يتحرش بيج
ليش يتحرش ببج قابل اني شنو ناقصني مثلا
جمانه السعيدي
سراب.رجعت الغرفتي كنت متوقعه مراح تصدكني
اني ماعندي ام حقيقه
لو امي ميته وباقي ابوي احسن الف مره من هذا الوضع السخيف الي اني عايشه بي
بعد مازادت محاولاته للتحرش بيه
صرت اكثر حذر بس يدخل للبيت كبل اقفل الباب عليه
وماانطي مجال
مرات اخاف اطلع للتواليت بليل اخاف ارجع الكا منتضرني بغرفتي
رحت الخالي وحجيتله كلشي بس شيسوي مابيده حيله
هددته بس يقرب عليه تشتكي علي
واني مااكدر اعيش بيت خالي
بيتهم زغير ويله مكفيهم وخالي حالته الماديه ضعيفه
مو مال يشيل مسوليتي
سراب...زوج امي من شافني ساكته وامي مطنشه
بدا يتمادى اكثر
مثلا اذا هم بلغرفه يعوف امي ويطلع بس يشوفني
يقرب عليه
مرات يطلب جاي لو ماي
لو اطلع من الحمام والكا كبالي
تعبت منه ومن امي الي ماتسمع كلامي وملتهيه بس بنفسه
الحد ماوصلت للخامس اعدادي
كنا تقريبا كل يوم نتعارك اني وامي بسبب زوجه
لاتكعد يمي ولا تسئلني شنو مشاكلي
ولا تصدك كلامي
جمانه السعيدي
امي قررت تخلص مني حتى تاخذ راحته
اي واحد راح بتقدملي توافق علي اي واحد
حتلو بي كل عيوب الدنيا
اهم شي ازوج واعوفله البيت تاخذ راحته
بدت توصي صديقاته والجوارين وكل واحد تعرفه
اني هي ماعدها اي طلبات اهم شي اني ازوج وبس
هذا كله واني مااعرف
ماكان ابالي شي غير دراستي وبس
الحد مايوم تفاجئت بيه دخلت عليه
ماما...يله حضري نفسج اجو عليج خطابه
سراب...خطابه شنو عليمن عليه
ماما...اش ولا كلمه خوش ولد وموضف اني اتفقت وياا اهله على كلشي
بس بقت يريد يشوفج
سراب...تحجين صدك لو تشاقين
ماما...اي مو تشوفيني اتشكك من الضحك
شنو اتشاقه ولد موضف وخوش ولد ويريد يتقدملج
واني موافقه
يله بدلي واطلعي بسرعه
سراب..مااريد ازوج
ماما...هو بكيفج ماتزوجين تزوجين وغصبا ماعليج
فهمتي لو لا
سراب ...امي بقت تلح عليه لمن بدلت وطلعت
واني مامقتنعه ابد
اجا الولد وياا امه واخته
اني كعدت كبالهم ماده البوز شبر
وامي تحاول تلطف الجوو
كل شويه واشرتلي ابتسمي افردي وجهج
وتحاول تخفف من التوتر الي صار من هذا الموقف
تكول سراب تستحي
سراب خجوله سراب مامتعوده على هيج مواقف
واني كاعده وساكته حتى ماباوعت على الولد زبن
طلعو وهمه متفقين وياا امي على كلشي
وكلما يسئلونه شنو طلباتج
تكول الي تكدرون علي احنا مانريد نكلفكم ابد
بس طلعو اني بقيت كاعده بمكاني
رجعت عليه وكالت مبروك خوش ولد وموضف
وحتى راح تسكنون وحدكم
سراب...انتي ليش هيج تسوين بيه
امي..شسويت كل بنيه بنهاية راح تزوج خوش فرصه
ازوجي وعيشي حياتج
سراب...اني اريد اكمل مااريد ازوج
امي...اي عادي هواي ازوجن وكملن دراستهن وحتى أخذن ماجستير ودكتورا
انتي اذا شاطره راح يكون زوجج محبس بايدج
وتكدرين تعيشين وتخليني اعيش
ماما انتي مسببلتي مشكله بحياتي اني مجاي اخذ راحتي بسببج
عيشي وعوفيني اعيش
سراب...شكد ضجت من كلامه تريد بس تخلص مني
علمود تاخذ راحته
ياربي اني ماشايفه هيج ام ابد
جمانه السعيدي
مااعرف اني ليش سكتت يمكن اني هم اريد اخلص منه
تعبت واني امشي بلبيت واتلفت خايفه يطلع عليه زوج امي
تعبت وهي تعيرني بلكمه الي اكله
والمصرف الي تاخذه من زوجه وتصرف عليه
اني هم اريد اخلص بلكت يطلع ابن حلال
واعيش حياتي بسلام ويااا
واعوف امي تشوف حياته
مرات امي تتوقع اني اغار منه لان تلبس وتتمكيج
بس اني ابد مااغار منه بلعكس
خايفه عليه مااحس هذا الرجال هو الزوج المناسب اله
سكتت وامي كانت تمشي بالإجراءات سريع
عبالك حمل على كلبه
بهاي الفتره زوج امي كطع مايجينا لان طلع التركيا
عدهم بضاعه راحو يجيبوها هو ابنه
واني عبالك مسحوره كلشي مااحجي
عايفه كلشي الامي هي بكيفه تتصرف
تحدد موعد الزواج
وامي اختصرت كلشي بحفله وحده هي مهر هي خطبه
هي حنا هي عرس
واخذتني للصالون يوم واحد
تريد تستعجل بكلشي قبل لايرجع ابو احمد حتى البيت بكون بس الهم
واني مومهم اكون سعيده او تعيسه مو مهم
جمانه السعيدي
حتى الملابس هي راحت وختارتهن على ذوقه
والذهب كان عباره عن محبس وتراجي وحلقه كلش خفيفات
يعني بس بلاسم ذهب
المهم امي وصلتني للصالون ورجعت بقيت وحدي
اباوع كل العرايس وياهن ثنيبن وتلاثه
بس اني وحدي واي شي تسئلني ام الصالون اكله بكيفج
فعلا حسيت نفسي يتيمه بهذا اليوم
بعدين اجت وحدا من الجوارين رجعتني البيتنا
من وصلت للبيت
كان العريس موجود هو واهله
راسا عقدنا واخذني وطلع
هو ماخذ جزء من بيت اهله وباني مشتمل يعني مستقل عن اهله
بس دخلت نزلن دموعي
خلاص هذا الزواج صار واقع حال اني عفت المدرسه وتزوجت ومااعرف لو صايبه لو خايبه
دخلنا واجن خواته وامه وخالاته وكامن يهلهلن
دخلت غرفتي زينه حلوه بس مو أحدث موديل
كعدت وجابو العشى
تمن ودجاج وزلاطه وخبز وفواكه
رشيد...تعاي تعشي
سراب..خل انزع البدله
طبعا كلهن واكفات مايقبلن يطلعن
اخذت ثوب نوم طويل وروب وطلعت للحمام بدلت ورجعت
لكيتهن كاعدات يأكلن وياا رشيد
رشيد..بله تعاي اكلي
سراب..مااشتهي
رشيد...ليش خاف اكلتي بيتكم
سراب...اي
رشيد..خوش دجاج يفوتج
سراب..شكرا
خلصن اكل وجابن الجاي وكعدن يسولفن ويضحكن
واني احس راسي صار مثل الطبل
يعني ماكو اي احساس هاي ليله عرسنا
للساعه ١٢ يله طلعن
هو بدل لبس دشداشه بيضه
واجا تمدد وطفا الضوه وسحبني مثل الذبيحه علي
بدون كلام اواي تمهيدات
كنت خايفه وارجف من راسي الرجليه
بس هو عادي كمل شغلته ونزل راح غسل
ورجع تغطى ونام
واني احس بطني تتكطع اريد امي اريد احد يلمني
يطمني
اريد احد يوخر هذا الخوف مني
جسمي كام يرجف بلزايد
مع ان الجو كان حلو ولا بارده ولا شي
تغطيت وماكدرت اهدء كنت خايفه على مرعوبه على مصدومه مجموعة انفعالات مريت بيه
هزت كياني
للحكايه بقيه بنات وين التفاعل
اذا ماعاجبتكم القصه اكتبولي حتى اوقفه
هذا بارت الصبح لان عندي طلعه
