رواية رماد انثي الفصل الثاني بقلم جمانه السعيدي
مرام....كنت انسانه اقل من عاديه بين زميلاتي
يعني يلبسن احلى من البسي ويكشخن واهتمام بنفسهن
هذا الاهتمام يريد فلوس وواهس
واني لا عندي فلوس ولا عندي واهس
حتى الشباب الي بلمستشفى يرحون وورا الي تلبس ملابس ضيقه ومكيجه وتسولف وتضحك
اما الي صاينه نفسه محد يكلبه
هم الأخلاق تبدلت اني اكثر وحده ماعندي سوالف حب وعشك وخربطه
الحد مايوم اجت حاله للمستشفى
مره مريضه ضربته جلطه
البنات الي بلطوارء دورن النبض وماكدرن يحصلنه
واني معروفه بشطارتي بهيج شغلات
الدكتور..كاللهم خلي تجي مرام
جمانه السعيدي
اني كاعده بلغرفه وياا البنات مشتريات مكياج وطلعنه
ويحجن بلمراكات
واني وصديقتي احلام كاعدين على صفحه
هاي احلام صديقتي العمر من الابتدائيه اني وياها سوا
احسه اختي وحيل تفهمني حتى اقربلي من هيام
احجيله كلشي ومااستحي منه
المهم احلام حفلتي وجهي وكاعده تمكيجني ونسولف ونضحك
راسا دخل علينا ولد شاب ضعيف لابس مناضر شعرا خفيف من كدام
...مرام ووين مرام اريد مرام يحجي بسرعه
اني وكفت مستغربه اني مرام شكووو
....امي امي مجاي يعرفون يخلون الكانونه وكالو مرام تعرف
فدوه تعاي وياي
مرام...يله اجيت
رحت وياا يمشي بسرعه ويلتفت عليه يتأكد جاي امشي ورا
لو لا وكل شويه وكال بسرعه
رغم هذا الشغل مو بقسمي
بس من شفت الهفه والخوف بعيونه رحت ويااا
وصلت راسا الدكتور كال مرام بسرعه شوفي الشريان
وخلي كانونه
دورت بايدها اليسرا مالكيت شريان واضح
رجعت الايدها اليمنى بقيت ادور لكيت شريان ورا الإبهام
كوه لكيته ربطت ايدها حتى يبين اكثر
وخليت الكانونه
شكلت المغذي وضربت بي ابره براستيول حتى ترخي الضغط على الشريان
خلصت فتحت عيونه
مرام...عندج العافيه حجيه
عادل....شكرا رحمله والديج
مرام...العفو هذا واجبي تدلل
رجعت للقسم
لاكتني احلام هااا رجعتي عبالي هذا المستعجل خطفج
مرام...شفتي مكياجج جابلي قلق
احلام...اي ولله شوفي الحظ احنا نريد صيده زينه اجانا هذا ابو مناضر الله يسامحه خرب الخطه
مرام....خطيه شكد خايف على امه
احلام....ايجوز بسببه انجلطت
مرام...حرام عليج خايف عليه
جمانه السعيدي
هيام....بديت ادخل كروبات واعلق وادخل نفسي بلزغيره والجبيره
بعدين شفت ينشرون اكو شغل على النت من البيت
وماتخسرين شي تجيج الفلوس
مجرد تروجين الشغلات
لوتفتحين بث
دخلت وكتلهم شلون علموني
دخلتلي وحده كانت صفحته باسم فتاة مارس وكالت افتحي بث
وشوفي اي موضوع احجي بي
كلما تزيد المشاهدات تحصلين فلوس اكثر
بدت تعلمني وكنت انتضر امي ومرام ينامن وافتح بث
واضل احجي على اي شغله تصير كدامي
اني هم ماعندي خبره ولا عندي معلومات كافيه
ولا قاريه هواي ولا مثقفه
كان البث مايحقق المشاهدات الي اريدها
اني لا بلوكر ولا اعلاميه ولا ممثله حتى ااثر على المجتمع
كانت شغله ممله ومابيه ارباح عاليه بلنسبه اليه
اريد هواي فلوس وبسرعه
مرام....من ارجع للبيت مرات الكه هيام بعدها نايمه للعصر
الساعه ٣ وبعدها نايمه
مرام...هيام بعدها نايمه
امي...اي كلما اكعد بليل الكاها كاعده على الموبايل اكله نامي اي هسه هسه اي شويه
مرام...هاي شلون مشكله
دخلت للغرفه هيام هيام اكعدي
هيام....شكووو عوفيني نايمه
مرام....شنو نايمه الساعه ٣ العصر وين اكو واحد نايم الهسه
هيام...شتريدين مني
مرام...اكعدي
هيام...اكعد وين اروح مثلا اكابل الحياطين واكعد خليني نايمه احسن
مرام....اكعدي نضفي البيت اغسلي الملابس الفراشات
حضري الاكل
هيام...لا ولله اشتغل عدكم خدامه
مرام...بس اني اشتغل خدامه اجي تعبانه من الشغل
وارجع انضف البيت واحضر العشى
حسي بيه شويه اني تعبانه مااكدر
هيام....اطلعي واسدي الباب اني ماكتلج اشتغلي
مرام..ومنيبن نصرف
هيام...هسه شلون ماانام
مرام...ولله انتي حرام الخبزه الي تاكليه
طلعت وطبكت الباب الحجي وياها ماينفع ابد
جمانه السعيدي
مرام...ثاني يوم رحت للدوام ولكيت هذا الولد ابو مناضر واكف برا اني ماانتبهت امشي اريد ادخل للقسم
عادل...صباح الخير
مرام...صباح النور خير الولده بيه شي
عادل....لا طلعته من الطوارء ونقلته للطابق الثاني
حبيت اقدملج الشكر لان تعاونتي وياي امس رغم مو شغلج ولا قسمج
مرام....لا عادي ماسويت شي هذا واجبي
عادل....ممكن تجين تشوفين امي الممرضه الي بلردهه
بس لازمه التليفون وتحجي ماتقبل تجي تشوفه
ولو اسوي عليج زحمه
مرام...شويه واجي وراك
عادل...شكرا انتضرج
دخلت سجلت حضور وخليت جنطتي وطلعت صعدت للطابق الثاني
اول غرفه دخلت ولكيت عادل واكف
اباوع المغذي خلصان واكو علاج لازم تاخذه الساعه ٨ الصبح
الممرضه خلص دوامه والي تجي بعدها مامستلمه الدوام مكانه
مرام...تريكت
عادل...لا بعدها اروح اجيب ريوك واجي
مرام...ماكو احد يساعدك عليه
عادل...لا بس اني ماعدها غيري والبارحة كل شويه يطلعوني وارجع يكولون هاي ردها نسائيه
مرام...يله روح جيب شوربه وتعال لازم هاي الفتره اكثر شي سوائل
منا لمن تستقر حالته الصحيه
عادل...بس شلون اعوفه وحدها
مرام...اني ابقه يمه بس لا تتاخر لان اني عندي دوام
واذا حسو بيه ماموجوده راح يجني خصم وعقوبه
عادل...الله يوفقج هسه ارجع بسرعه
مرام.اتصلت على احلام
مرام...الووو هلو حلوم
احلام...وينج شو بس الجنطه ادور عليج ماكوو
مرام...سدي مكاني شويه واجي واحجيلج الصار
احلام....لا ولله تحجين هسه شيصبرني
مرام....شكد تلحين اصبري واجي واحجيلج
احلام...ابد اله اعرف هسه
مرام....هذا الولد ابو مناضر البارحه اجا للغرفه يدور عليه
احلام...شبي انجلط فوك امه
مرام...لا لكيته منتضرني ويريدني اشوف امه
احلام...شبيه امه
مرام..مابيه شي شكد تلحين
احلام...المستشفى بي ٢٠٠ ممرضه شمعنا انتي
مرام...عمل انساني شببج
احلام...ياعيني على الانسانيه لو حلووو اني جان قمت بالواجب وياا وزياده
بس مو حلو ولابس مناضر وضعيف عبالك بباي
طبعا انتي ترهمين ويااا جنج زيتونه
مرام... عاد شيخلصنا من السان احلام
احلام...يله اروح عندي شغل صار يومين اركض ورا رئيس قسم الممرضين ومايقبل يعبرني
مرام...اكعدي وهو يعبرج اذا انتي بس للبيت ماترحين ويااا
لازكتله طول النهار
احلام...هو وينه حاس بيه راح اروح الغرفته وواكع نفسي على اساس اغمى عليه
بلكت اكعد والكي نفسي بحضنه وين ذاك البخت
مرام...خلي عندج كرامه واكعدي واسكتي
احلام...يله اروح اشوفه وين صار
جمانه السعيدي
مرام...انتضرت شويه ورجع عادل
عادل...هاي شوربه جبته من المطعم وهاي ملابس
مرام..اخذت الشوربه شفته مدري شلونه ضكته .بس هاي الشوربه مالحه وبيها بهارات موزبنه عليه
روح جيب حليب وعصير من جوا
خل نشربه
نزل واني بدلتله جيس الادار
تستحي تغطي بنفسه وكل شويه وكالت الله يرضا عليج
مرام.... ماسويت شي
رجع عادل لكاني مغيره الجيس
وجاي ابدل ملابسه
رجع تلبرده وطلع ومن كملت رجع
عادل...مااعرف شلون اشكرج
مرام طلع محفظته بيه فلوس قليله عشره وخمسه وكم الف
سحب خمسه وانطاني
مرام....رجع فلوسك هاي خدمه انسانيه
عادل...لازم تاخذين تعبتي ويانه
مرام...لا ماأخذ الله يشافيه ويعافيه انشاء الله
طلعت من الغرفه طلع وراي
عادل...اريد اطلب طلب بس خاف تفهميني غلط
مرام...كووول
عادل...اريد رقم تليفونج خاف احتاجج بس لا تفهميني غلط
لان انتي اكثر وحده متعاونه وياي بهذا المستشفى
مرام...جيب تليفونك
اخذته وسجلت رقمي تفضل
عادل...شكرا تسلمين
