رواية كريات الدم السوداء الجزء الثاني الفصل الثانى بقلم زحل شريف
____بنين______
_ولا همني الهوسه نسيت روحي
اباوع الها كتله من الانوثه طول متوسط جسم تارس بترتيب اسال واجاوب نفسي . اي هن الراقصات هيج تصير اشكالهن جميلات لا والمصيبه يكولون عبده
غير بشرتها اصفى من نيتي
فززني من صفنتي صوتها الي ارتفع
تصرخ بدون وعي تضرب عله وجها طاح الشال من راسها ركض ثابت يريد يلزمها دفعته بقوة وكامت متوجهه للباب وبحركه سريعه طفر عمي محمد سد الطريق عليها وهو يحاول يحجي وياها بهدوء.
محمد :اهدي يابه لا تخافين
امشي وياي لبيتي لحد مانلكه اختج.
_كعدت مكرفصه نفسها
تباوعلنه بخوف.
محمد::بشرفي مايمسج الهوى والله العظيم
كومي بنيتي.
_دنك منطيها ايده كامت حسيت بيها راح تطيح
بس لزمها فقدت بأيده اشرله ابوي بمعنى دخلها .
ابو اسعد:خليها بغرفة بنين.
_شالها ركضت كدامه فتحت باب غرفتي
لميت الهوسه من الجربايه نزلها وعبالك جثه
كل روح مابيها . ابتعد مسوي مجال لثابت الي
دخل ورانا هو وامي استغربت تصرفه دنك
جر الغطه وغطها عدل الشال لشعرها.
ثابت:صيحيلي مولي .
_طلعنا انه وعمي لكينه مريم تصيح تريد تروح لاهله .
واريج ونغم ماخذاتلهن صفحه صاح بيهن اسعد .
اسعد:انكلعن للبيوتجن شكو واكفات.
اريج::مااتحرك لحد مااتفهمني.
_وقبل ما يوصلها جرها اياد طلعها وصاح
عله زوجته اخذهن وطلع .
بنين::اشرت لمولي يروح لثابت.
بقت مريم مصرة تروح لاهلها.
والضاهر ابوي فقد اخر ذرة للصبر .
ابو اسعد:وين مولي خلي يوصل مريم لابوها.
محمد::شوفي انصحج لا طلعين
ترى مايرجعج .وهيج تخلقين مشكله
بينه وبين ابوج انتي سمعتي السالفه
وعرفتي الموضوع البت مسؤليتهم .
مريم:لا يرجعني شنو ماعندي اهل.
محمد:خلص امشي انه اوديج.
_طلعت تركض التفت عمي موجهه كلامه لابوي.
محمد::رايح اعزل المحل واجي خابر جلال
بلكي يخلصنا من الورطه الدخل ولدنا بيها.
_طلع عمي .ضل ابوي يلوم بااسعد وهو يبرر الموضوع
متت قهر وانه اسمعه يسولف سالفة البنيه واختها
مسحت دموعي وكمت وانه احمد ربي شكد متعافين
احنه عله نعمة الاهل الي جاحديها قست ضغط ابوي وانطيته علاجه .طلع مولي مستعجل
صاح عليه عمي.
محمد :وين رايح .
مولي:اجيب مغدي .
_بعده يحجي واجو امي وثابت الي كعد بصف اسعد
طلع مولي تارك امي تجاوب عله تساؤلات ابوي .
ابواسعد:ها شنو وضعها البنيه.
وفية:اضن هبط ضغطها. تكسر الكلب .
_التفت ابوي لاسعد .
ابو اسعد:بشنو نكدر نساعدها هيه شسمها.
اسعد:: اسمها قدر
منتضرين نلكه اختها
حته نامن الهن مكان لان
رجعتهن لبيتهن خطرة .
ابو اسعد::ماعدهن عم خال كرايب.
اسعد:لا هنه كل وحده من ام
وثنينهن امهاتهن ماتن.
ابو اسعد:لا اله الا الله.
_ضلو يتناقشون اجه مولي كامت امي
تبعتها دخلنه لغرفتي لكينه قدر كاعده .
مولي::بس اشكلج هذا المغذي.
_ماجنها تسمعنا ضل مولي حاير . غمزتله امي وهيه تكعد بطرف الجربايه جرت ايد قدر رفعت ردن صايتها .
وفية:يله دكتور مولي . فضها .
_شدلها المغذي وعلكه بتاج الجربايه وطلع
ضلينه انه وامي . يربي شبيه هيج ماجاي اشبع
من شكلها حاولت امي تخلق حديث وياها .
وفيه:: رب العالمين ماياخذ شيء اله ضامن الك العوض الافضل منه وان شاء الله الصار سبب حته انتي واختج
تنجن من هذا المستنقع وتعيشن بأامان.
_نزلت دموعها . وحجت بصوت مبحوح
قدر:اريد اروح لبيتنا اكيد هيه هناك.
وفيه::لحد الان ماكو .الولد مراقبين المكان
انه ماجنت اعرف سالفتجن هسه ثابت حجالي
والي افتهمته اكو ناس بعدها ماملزومه ويجوز
اختج لابده يمهم اصبري وربج يحلها اكيد .
_كامت واشرتلي اتبعها
عفنا قدر تمددت وطلعنا .
وفيه:دير بالج لحد الان مانعرف
شنو .
_قاطعت كلامها يمه تحجين صدك
دشوفي حالها .ولحد الان انه مامقتنعه
هاي راقصه لو ما شكلها .
وفية:استغفر الله العظيم
دمشي حضري العشه .
_ضل ابوي حاير واسعد وثابت ماناقشو بعد
لليل اجه عمي محمد وهم خذولهم مشوار
كل واحد ينطي رايه بالموضوع .
محمد:اذا انريد كلمة حق فأانتو
مسؤلين عن الصار للبنات لان بسبب
مساعدتهن الكم اكيد راح يتعرضن للخطر من قبل
ناسهن وهاي النماذج . ماعدها رحمه .
اسعد:همه متاكدين هاي البنيه الي علستهم
بس مايعرفون منو الضابط الي تتواصل ويا
يعني اذا طاحت بيدهم يجرمون بيها لحد
ماتعترف علينا وهيح انه واياد نصير الهدف
لهذا السبب احنه جبنا البنيه هنا .
محمد::زين وين ممكن تكون اختها.
اسعد::لحد الان مانعرف.. بس ذيج اذكى من هاي
والدليل ماتصلت بااختها ولا بينا .
محمد؛؛مافهمت يعني شنو .
اسعد::يعني هل شي ياكد هيه موجوده
بنفس المكان وعد شخص من هاي المجموعه.
محمد:يجوز قتلوها حته لاتفتن عليهم.
اسعد:لا يردون ايطيحون بهاي .
_همه يحجون وابوي نضراته مركزه عله ثابت.
وفاجئنا بكلامه الي وجهه الاسعد .
ابو اسعد ::وليش ماتكول يردون يلزموني
بيهن ويجوز يساومونك بغلق القضيه .
اسعد::شسالفه يابه قابل بناتي هنه .
_قاطع حديثهم اياد دخل ونغم ورا شايلن
بيدهم علاليك ومن الريحه عرفته اكل .
اياد::يابه جعنا يله بنون كومي ويه نغم
حضرولنا السفرة
_اخذت منها العلايلك وكتلها روحي كعدي
اشتغل واسولف ويه روحي . صدك لو كالو الدنيا بيها مصايب بس والله حرامات هاي البنات عد هيج ناس
التمينا عله السفرة. والولد يتشاقون بينهم.
اياد::قبل لاتاكلون.. كل واحد يدفع ١٥.
اسعد::انه اكول شعجب ابو فليس
طلع منه عشه..
اياد::بنونه جان سويتي لفه للبنيه خطيه.
_اي والله شلون نسيت . سويت الفه
وصبيت كلاص ببسي بعدني ماعبرة الصاله
والباب تفلش وصوت علاء الي يصيح
بكل قوته طاح الكلاص من ايدي .من خوفي
رجعت كعدت بصف ثابت .
علاء::ابو حيه ويننننك .
محمد::الي يتحرك منكم ارمي وحق الله.
_ضلو الولد عله كعدتهم كامو عمي
وابوي دخلو علاء يسحلون بي.كعدو يمنا . بسرعه عدلت شالي عله راسي .صاح بي عمي .
محمد::سد حلكك واحجي شتريد.
_ردنا نكوم انه ونغم .صاح بينا ثابت.
ثابت::كملو عشاكم يابه.
_يتصرف برود .. احس بطني مغصتني
وهمه ولا عبالك يشوفونه ياكولون .ويحمدون بالمطعم
اسعد::هذا منين جبته خوش اكل.
_اندفع الباب ودخل جبار وزوجته
صاح بيهم ابوي ..
يله اجيتو بوقتكم كعدو مادام الاكل حار..
جبار::يخوي مالنه نفس الله وكيلك حلكي يبس.
علاء::اطلع مريم وترخصها وتريد تزوج عليها.
ابو اسعد::وانته هاد علينا لاجل مريم
ولك اكوم اكسر راسك شفتني عاقدلهم
ثابت::لحظه حجي من رخصتك
بس اريد افهم يعني علاء يريد يحكمني..
علاء::لا مو احكمك وحقك تتزوج
وانه اول من يركص بعرسك بس مال تاخذ هاي .
_قاطعه ثابت.
ثابت::اها مشكور ابن عمي وانه حر اخذ الي اخذها
اختك عاجبها هلا ماعاجبها نبقه اهل و ولد عم
وياما ناس طلكت جدا عادي .
علاء::لا مو عادي ولا اقبل ادمر اسمنا
بهيج زواج الحجي مو بس الك هذا نسب
واحنه عدنا بنات وحته ولدنا احنه بعد محد
ينطينا نسوان . اذا مصر عله الموضوع
انه وابوي نطلع من العشيرة .
ابو اسعد::وانته منو حته تقرر بكيفك
شو سد حلكك.
علاء::عمي ترى انته ماتعرف السالفه كلها
ومتاكد ماكلولك . هاي البت نغله ..
_وهل كلمه نكولها للشخص الي يكون ذكي جدا او مرواغ ما اهتم ابوي وانه هم عبالي يقصد تضحك علينا او مسويه نفسها فقيرة . بس صدمني لا والله صدم الكل بكلامه .
علاء::اصلا امها شارده من اهله
والي شردت ويا شمرها بهذا الشارع.
_علاء يحجي وابوي وعمي مصدومين
انتبهت لثابت ويحرك محبسه بعصبيه اخر شي شمر الجداحه عله اسعد رفع راسه يباوعله وعبالك انطى اشارة يربي شنو هل شفره الي بينهم . غمض وهز راسه
بمعنى تمام او اي تقرب لاياد وحجه بصوت ناصي .
اسعد::خابر الخال كله يسلم محابس لا يخلني
اروح اسحله بيدي.
اياد::معقوله .هو .
اسعد::محد غيرة لان بس هو يعرف سالفه قدر
واكيد عده اتفاق ويه علاء والا ليش حجاله.
_ضل اياد يتلفت واسعد كام موجه كلامه لابوي .
اسعد::من رخصتك يابه. خل نكعد بالاستقبال.
_بسرعه ابوي وعمي اخذو جبار وعلاء وطلعو من يمنا
كمنا انه ونغم لمينا السفرة . خليت القوري وهيه حضرت الاستكاين صاح عليه مولي .
مولي::خاب تدرين من اشوكت خلص المغذي .
_صدك ولك نسيت .
مولي::دروحي شوفيها خطيه.
_ركضت لنغم وصيتها تصب جاي وتوجهت لغرفتي
دفعت الباب ودخلت اباوع المغدي بمكانه الضاهر تعرف تشيل الكاينولا التفتت والكاها كاعده بصف الكنتور ملفلفه نفسها بالحاف دنكت راسها حجيت بهدوء
ليش نازله من الجربايه اعذريني انشلغت بالهوسه شلون صرتي. هزت راسها بتمام.
_خوش راح اصبلج عشه اكيد جعتي
ردت وهيه تلف بالغطه عله جسمها.
كعدت كبالها. انتي بردانه .
قدر::لالا بس .
_تناشغ ودموعها مثل المطر
هزيت راسي شنو..
قدر::بس الحمام .
_اي كومي .وصلت للباب والتفت عليها
يا المن لافه روحج بالحاف ترى
محد كلهم بالاستقبال. والحمام جوى الدرج.
دنكت بخجل وبسبب شهكتها الكمله كوى تنفهم.
قدر::بس انطيني ملابس الله يوفقج.
_استغربت من رجعت كعدت تبجي بصوت
اتقربت عليها احس كلبي انمرد من كالت
قدر::انه انه مريضه.
_قطع حديثنا دخول نغم .
نغم::اكلج انه راح اروح لبيتي
هاي الهوسه ماتخلص للصبح .
_تحجي وتباوع لقدر كمت وجريتها
اي روحي عله كولتج ماتفض للصبح
وصلتها لباب المطبخ ورجعت ركض
طلعت ملابس وكومت قدر وانه احجي وكأنو
ماصاير شي حته لاتنحرج مني غسلي ملابسج وانطينيهان اجففهن بين ماتكملين . ماصدكت طبكت الباب اخذت الحاف شمرته للغرفه ودموعي تصب رجعت عليها طلعت وهيه تدعيلي .
قدر::الله يخلي ابوج .
_سويتلها لفه وجبرتها تاكل
دشربي البن عندج هبوط .
قدر::بدون زحمه عليج صيحيلي الباشا
لو هذا الولد الضابط .
_باوعتلها . منو الباشا اذا قصدج الضابط
هذا اخوي اسمه اياد .
قدر::اي واحد بيهم .
_بس يطلعون الخطار ادللي.
بعدها ماراده صاح عليه مولي طلعت .
مولي::ها بشري.
_انته بشر شنو صار فضت بعدها
مولي::راحو جبار وعلاء
ومنتصرين الخال.
_راح بعد ما طمنته عله قدر
كفيت المطبخ ودخلت لكيتها متمدده
ماردت احرجها لو اسولف وياها نزلت مندر
فرشتلها وتمددت عله جربايتي اسمع شهكاتها
حقج تبجين شلون متحملات الضيم الهنه بي
داهم تفكيري صوت امي دخلت وعينها لقدر .
وفيه:تعشت البنيه .
_اي يمه . شنو راحو الولد .
وفيه::اي .
_حجتها وهيه تكعد عله طرف جربايتي
واعرف هل كعده .. والضاهر قدر
هم عرفت امي تريد تسمع منها . وبدون مقدمات
حجت كل حياتها لحد ماوصلت لموقف يشيب الراس.
قدر::جنت اعاتب امي
لان من اريد اشبكها تبعدني وهيه ترد
مااحب البوس ولا الشبك لحد مادخلت الصعده ..
_انهارت تحجي وتلطم عله وجهها .
قدر::وبيوم الي رادت تجويني سليمه ..وبسبب حركتها ولمساتها الي مديت الها لساني بطاعه في سبيل بس تبعد عني .من بعدها شفت العجب رغم جنت
نافيه الامر او مامصدكته وغالطت نفسي وخفت احجي حته لاختي . بس هيه جانت تحذرني اذا تطلع اقفل الباب عليه عرفت بلي عانته امي بهذا الشارع .
_احس بروحي اختنكت . طلعت من الغرفه
وانه اشهك ماحسيت اله ابوي جارني ماانتبهت
لوجوده الضاهر جان يسمع .
ابو اسعد::استغفر الله العظيم
شبيج بابا شو جري نفس ..
_جرني للصاله وهو يستغفر فزو الولد من شافو
حالتي
ثابت::ها شبيها .
ابو اسعد::ماكو شي . كوم اسعد لبيتك
_شال راسه اسعد متفاجئة .. ضحك اياد وكام .
اياد::هاي عليها حشم حجي تطردنا.
_طلعو يضحكون . التفت ابوي موجه كلامه لثابت
ابو اسعد::شوفلي خوال البنيه
من ياعمام واندلي بيوتهم .
______سلالسل ______
_بيوم الي طلعت للحفله جان كلبي كارصني
امشي وبالي يجيب ويودي ..وصلت للركن
واتفاجئ بي واكف نفس مكانه . بس مديحه شعدها يمه انتبهو لوجودي . صاحت وهيه تتقدم عليه .
مديحه::ها وين رايحه.
_رديت متغاضية عن وكفتها ولا سالتها شعدج هنا
طالعه ويه حملي . عود عينج عله قدر . هز ايده مستهزء وماتوقعت رده.
محابس::محميات انتن من الباشا وربعه.
_اي والدليل هاي انه طالعه ويه حملي
ولو نفرض كلامك صح . هم مجبورين
بس انته شنو الي مخليك لازم الركن
شنو عذرك قبل تكول ماعندك احد هسه ابوك
طلع اكبر من الباشا جا مارحت يمه.
محابس::الي تخله عن مرة حامل هذا مابي رجه.
_ليش ماتكول الساس نداس
والوارثه من الخوال. قويه الضاهر جينات حراير
واهلها . ماخلاني اكمل كفخني عله وجهي ابتعدت
وانه اسب بي .
محابس::قصدج مثلج
شلون ورثتي من امج وخالج العلاسه.
_عفيه بالضبط .عفته يغلط ويهدد.
كلماته هدت حيلي ماتوقعته بهاي النذاله اخ يالندم اكل روحي شلون امنت بي شلون حبيته بس شيفيد اللوم بعد الصار صار..مشيت لكيت حملي والفرقه منتضريني
وطول الطريق همه يسولفون .
حملي::كون هذا الاسبوع مانفوت يوم
لان راح يجينا محرم .
_وهذا حال الفرقه الي بمحرم يوكف شغلهم
خلصتها صفنات لحد ماوصلنه المزرعه راسلت قدر طمنتها وقبل ماتبدي الحفله سحبو نقالاتنا وهذا
نظام الحفلات الخاصه يخافون من التصوير
خلصت الساعات المتفق عليها وطلعنه بالطريق
حملي انطه كل واحد حسابه . كلت مااخابر قدر خطيه هسه نايمه عفت نقالي مغلق قريب مانوصل الصعده انخبصو كلها تصيح كبسه .
حملي::شصاير الحكومه مطوقه الشارع.
_ضلو خايرين السيايق طبك
وصاح بينا نزلو معود خل نشوف شصاير
السايق::يابه افلتو لا ينتبهون علينا
ترى مانخلص ارواحنا . انه راح اخذ الالات وياي .
_نزلو الولد يطافرون والبنات ركضن صوب السوك
التفتت عله حملي يابه اطينا مجال اكيد اخباريه
عله مجموعه اوكف خل اخابر اختي .
حملي::لا لا خاف نقلاتنا مراقبه اطيني مجال عندي رقم محد يعرفه راح اتصل بمحابس .
_هو يحجي وانه عيني للصعده
الجيش والشرطه تارسه الشارع. شنو الصاير
كل مرة يدخلون بس موهيج .
حملي::مارد عليه اكلج انه راح افلت
بسوك السماجه .
_اشرتله روح وتقدمت امشي وعيوني تصب
صرت بصف المحلات . ختلت يم الحاويه اباوع
يجرون بيهم جر ترسو السيارات ضليت حايرة
والوم بروحي شلون عفتها . شهكت من شفتهم
جارين سليمه يعتون بيها ايست وعيوني ضلت مشخصه عليهم كلت هاي هيه مادام وصلو سليمه
هسه يسحلون قدر وياها حاولت اتقرب اريد اركز
ماشوف بسبب دموعي ..وهمه نبشو الشارع نبش اسال واجاوب روحي جا وينها معقوله مطلعينها قبل سليمه لا هنه ثنينهن بالبيت كلت مابيها مجال اروح
حته لو كرفوني وياهم .باوعت اكو حاويه جبيرة
زحفت عله اركبي ختلت بصفها .. مزكزة عيوني
اباوع ماحس اله سواده تتحرك بصفي من هبطتي
ماصرخت ارد اكوم ولنها لازمتني.
صوله::سدي حلكج بت الجلب.
_من حركت كلبي دفرتها
وكفتي كلبي ام الذبان . احجي شصاير
ولج خذو سليمه اختي وياها.
صوله::اي بس اختج ماشفتها..
_ضلينه نباوع بده الوكت يكشف
وهمه كامو ينسحبون شويه شويه.
اي همزين راح يرحون . احجي واندعي كون ماماخذينها بس شلون هيه وسليمه نفس المكان.
التفتت عله صولة . الي مامبين منها شي منا سوادها
ونوب لافه وجها بشال اسود .خرب معوده دوخري الثامج مو راح يجيبلنا الشبهه .
صوله::كومي امشينا..
_تحجي وتبحوش بجنطتها رديت اوكفي
خل ينسحبون كلشي يله ندخل الشارع.
صولة:بت الصخل ياشارع كل عقلج
نرجع هسه اكيد يردون بعد ساعه.
_لا مامعقوله بس هو شنو الصار .ترى اول مرة تدخل هيج قوة . صدك مديحه وامها ماشفتهن ويه الطلعوهم اي انروح الها.
صولة::ام اعطوب اسكتي خل افتهم.
_صفنت انتي شتبحوشين.
صوله::بلكي احد يرد عليه.
_قربت راسي عليها يا جاي تخابرين.
خوش جا خل اخابر قدر .
صوله::حته مانلحك نعبر لسوك السمج
ولج اكيد مراقبينا نقالاتنا .
_جا مو هل تخابرين.
صوله::محد يعرف هذا الرقم.
صولة::محابس .
_اشرتلي سكتي .عرفت جاوبها .
صولة:ها شني وينك .وين جا شلون
خوش خوش فهمت .
_جريت منها النقال خاب شو جيبي خل نفتهم
رادت تلزمني دفعتها . ورديت عليه اختي اختي
وينها ماشفتها . انخمش كلبي هذا صوت ام طيبه
التفت عله صوله ضلت تتلفت . رديت استمع لام طيبه
ام طيبه::اختج يمي طلعتها قبل لا يدخلون.
_صفنت ثواني شنو شلون
جا ليش،ماطلعتي سلوم؟
ام طيبه::من تجين افهمج .
_وين اجي وين انتي..
ام طيبه ::صولة تندل . شمري نقالج
بنفس المكان الانتي بي ترى مراقبين.
_كمت وانه احجي خوش
بس اطيني قدر خل اطمنها.
ام طيبه :مو يمهم انه بعيده. استعجلي
قبل لا يردون يمشطون السوك ديربالجن
لا يشوفوجن دخلي عله علوة السمج.
_شمرت النقال مال صوله وكمت
رادت تلزمني دفرتها . شوفي اصرخ واسويها عليه وعله اعدائي ترى سيارة الشرطه بعدها بالركن .وتدرين اول وتالي انه اطلع لان يعرفون مالي ايد وياكم .
صوله::ولج اوكفي خل افهمج .
_علستن سلوم اختي وين وديتنها.
صولة::مو بالصعده اختج طلعت قبل لاتدخل الحكومه
_يعني مو عد ام طيبه.
صولة::لا قبل لاتدخل الحكومه بشويه
شفت ثنين ملثمين طلب لبيتكم اخذوها ومشة.
_جا ليش،ام طيبه تريدني اروحلها.
صوله::مادري بس يمكن محابس
وصاها لو الباشا .
_رديت دنكت اخذت النقال ومشيت
لحكتني تحجي بصوت ناصي ..
صولة::ولج اطيني نقالي
وامشي عساج لا رديتي.
_التفتت عليها . شوفي ترى الم عليج السماجه.
اخليهم يشبعونج دك .
صوله::خايبه ماريد اروح لام طيبه
علوا نخلص منهن .
_عبرنه السوك نتختل بصف المحلات وهيه بعدها
تحجي . وكفت اريد اركز شسوي المن التجئ
التلفون ماسكت صفنت ثواني اشرت لصوله اسكتي
خل ارد عليها .
صوله::خوش.
_رديت وعيني لصوله خفت تحجي
لو تنبها اجاني صوتها .
أم طيبه::وين صرتن.
_ويمكن ساعتها رب العالمين رحم بحالي
وشغل عقلي، كلت اكسب وقت . بلعت ريكي
ورديت ..صوله ماقبلت تجي وانه عفتها لان
الحكومه بعدها بالركن .
ام طيبه::جيبيها وياج معوده ليش عفتيها.
_ماارجع انه عبرت السوك .
ام طيبه::خوش خوش .
_غلقت النقال ،،ومشيت وانه ابجي.
صوله::خلي نعبر يم ابو الكبه
بحجت نتريك لحد مانشوف شيصير.
_هزيت راسي اي . مشينا نتلفت وهمزين ازدحام
الناس الي تتريك ضيع وجودنا كعدنه عله صفحه
كامت جابت جاي وصينية بيها سفريات كبه.
صوله::اشربي جاي حته تصحصحين .
واسمعيني حته تعرفين انه مالي نيه ااذيج
راح احجيلج الصدك بس بشرط.
_هزيت راسي اي .
صولة::اذا رجعنه للصعده
واجت الحكومه خذتنا تبريني .
_وهمه اذا دكوني اجيب امي من كبرها
مو ابريج ولج راح اكفخج بالكبه .
صولة::ام اعطوب .الحكومه مو غشمه
ويدرون بكل خطوة ويعرفون الي يشتغل
بالمخدرات ..والضابط التتواصلين اكيد يبريج .
_لو عندي ضابط جا رحتله يدورلي اختي
جا ماكابلتج خو ارجع لبيتنا.
صوله::كتلج اختج طلعوها. وانصحج
لا ترجعين هسه للبيت خل يلزمون الباقي .
_اي منو الطلعها احجي ولج بس ريحي كلبي.
صوله::ماعرفته بس شفت
سيارة حديثه دخلت وبيها اثنين همه اخذوها.
_هيه تحجي وانه اربط الاحداث معقوله هو
رديت سالتها بس فهميني شسوو وهيج دخلت الحكومه .
صولة:جانو متفقين يسلمون البضاعه
مال الموس . وهاي جانت اكبر عملية تسليم
تاجر من اربيل طلب كميه جبيرة .
_خوش اكيد الماله ايد يطلع
بس لا تكليلي سلوم وياهم .
صولة::البضاعه بيتكم .
_شهكت . بصوت خزرتني تنبهني لا احد يسمعنا.
حجيت راصه عله اسنوني . وهم ماكتيلي ام طيبه
ليش رادتني . وانتي والبقيه شلون فلتو .
صوله::انه جنت طالعه اجيبلي صمونات
ويه رجعتي دخلت الحكومه الشارع .
_اجذبين كولي وصلج باص ومالحكتي
تنطينهم خبر . وخابروج تنتضريني .بس شتردن .
صولة::صار فترة من عرفو منو ابو محابس.
_خوش. مبروك .
صولة::من الاخير يردونج لان
_ماخليتها تكمل رديت لان كشفو الباشا ضابط مدسوس بينهم ويردوني يساومون بيه حته لا يضغط عليهم بالتحقيق .صوله الدخل الشارع واخذ اختي ابو حيه .
صوله::لا لا .
_اشرتلها يله كمت وانه احجي بكلبي
وين اطي وجهي وين ادورها زين منو الطلعها.
معقوله الباشا طلعها لو الضابط اي ماكو غيرهم
اباوع وين انه عابرة المنطقه مسحت ادموعي
وعدلت شالي حالوت اكون طبيعيه .
صوله::خايبه طاحت رجليه وين ماشين.
_مادري كليلي وين نكعد لحد ما يهدء الوضع.
صوله::خلي يصير اليل ونروح
للمحكمه القديمه.بلكي نكدر نختل بيها.
_ومالي خيار ثاني رغم خوفي منها
بس مشيت وياها لان هيه تندل الزواغير .
خلص النهار وضلم الوكت وصلنه المحكمه
مقفوله كعدنا بصفها .عيوني كامن ينسد من وحدهن
واخاف اغفه وتعلسني وهيج يوم بعد يوم نخلص النهار بالسوك بين السماجه واهل المخضر ومرات نعبر للكراج
مال ساحة سعد نجدي اشترينا من الباله بوشيات .
صولة:: اكلج ليش مانروح لغير منطقه انجدي .
_امشي واباوع للناس واتحسر اكيد مرتاحين
تلكاهم عوائل امهات اباء اخوان اله انه مثل الزرع مالي قريب ولا اهل . رجليه ورمن من المشي تعبت ونعست وين انام .اخاف ارجع وتاخذني الحكومه افتح التلفون لو مراقب .وهيج التفكير ينسيني الوقت لحد مااليل
يجلجل علينا .
صوله:: لازم انغير مكانه
لان هذول الشباب من امس لاحظو وجودنا.
_وين نروح ؟
صوله ::امشي اكو ختله بصف الجامع القديم
لو يم بيت . ام طيبه القديم . محد بي ومااضن احد منتبهله .
_سكتت ماكتلها ابو حيه اشترى من زمان
كمت وانه انكت بصايتي . رديت عليها
بصف الجامع احسن .
صوله::صدك ولج ليش مانروح يم بيت النوري .
_دمشي عود باجر انشوف .
صولة::ماتخابرين الباشا .
_التفتت عليها . وانه اهز بيدي .
صولة::لو تخابرين محابس .
_تمشين لو سحلج .
صوله؛:بت الصخل جا انضل نفتر.
_لحد ماوصلنه الجامع هيه تحجي
خلصت اليل افكر لازم اعوفها صوله مو ثقه
واكيد اذا صحتلها فرصه تعلسني . للصبح ماغمضت عيني كعدت تفرك بعيونها كتلها كومي انشوف الصعده
صوله::واذا لكفونه .
_مارديت عليها وصلنه السوك وكفنه نباوع
سيارات ثنين مال شرطه واكفات بالركن
نزلت ادموعي وانه اباوعله اي هذا طوله ومشيته
رغم ملثم وملابسه عسكريه . دخل للشارع وهمه ورا
شويه وطلع اشرلهم عله الكراج يتلفت مخبوص
اشرت لصوله صرنه بصف المحلات فتحت نقالي
وكتبت عينك عله قدر ادري بيها يمك اكتب وعبالك
هو كاعد يسمعني شرحتله اتفاق ام طيبه وصوله دزيت الرساله وقفلت النقال جريتها ومشيت .
صولة::خاب وين موليه.
_امشي لسوك الباله نضيع ارواحنه لحد مايرحون.
صوله::غير صايرة لحم . ولج ازدحام اختنك.
_اباوع النسوان الهن ضجه هاي كل سنه هيج
من تقرب ايام محرم السوك يزدحم .
صوله:: اي خوش فرصه.
_باعتلها شنو الفرصه تبوكين..
صوله::لا المشايه .
_صفنت وعبالك نبهتني
بس مابينت الها شي . لحد ما كف السوك
رجعنا للجامع وبعدها ايام وبدء محرم وخلصت العشرة وبدت المشايه . كتلها امشينا للسوك بلكي نحصل مكان نسبح بي احس حمضت .
صوله::امش اعرف مطعم بي حمام .
_خذتني والضاهر تعرف صاحب المطعم بس شافها
ضحك حجت ويا كلها اسبحو . خليتها تدخل قبلي
وبس سدت الباب طلعت اركض . عبرت السوك
وكفتلي سيارة كتله للكراج ..
السايق:: ازدحام اخذ ٥ لان المواكب ساده الشوراع .
_هزيت راسي اي وصعدت .
وصلني كبال الكراج .
السايق::مااكدر اعبر لذاك الصوب تصير
عليه فرة اعبري انتي منا .
_ نزلت وبوجهي لسايرات النجف
لكيت السايق يصيح
السايق ::نفر طالع نجف
_صعدت وطول الطريق دموعي اتصب واحجي بكلبي
اذا النه نصيب ياقدر ننجمع واذا لا اعذريني . نبهني صوت المرة الي بصفي .
!!حبييبه بس شويه اريد انزل للحمام انتي ماتنزلين.
اباوع السيارة واكفه والناس كلها نازله
هزيت راسي اي ونزلت . والمرة نزلت وياي تبعتها تمشي وتحجي .
!!اشعجب وحدج .
_احتاريت بالجواب وبسرعه الفت جذبه.
ناذرة اجي لوحدي .
المرة:وان شاء الله حصلتي مرادج.
_هزيت راسي اي دخلنا حمامات طلعنا
ناس تصيح تعالن تعشن وناس تصيح جاي
اباوع حسينيه جبيرة دخلت المرة وانه وراها
حطولنه اكل .
المرة::انه كل سنه اجي للنجف ونوب امشي مشي لكربلاء .
_سالتها احنه وين بعد شكد ونوصل للنجف.
المرة:بعد هواي احنه هسه ......
جا انتي ماتندلين .
_لا مااندل وهاي اول مرة اجي
المهم مدام هيج انه امشي منا احسن .
المرة::والله عليج بالعافيه انه لو رجليه يعينني
جان مافوتت خطوى ..بس انتي ديري بالج لاتامنين
بكل بشر وحاولي تصفين ويه النسوان وان شاء الله زيارتج مقبوله .
_كمت وانه اتشكر منها
طلعت اجرة السايق انطيتها الها.. فدوى انطيهن اله.
المرة::ان شاء الله وادعيلنا وياج .
_مشيت بسرعه وكل عقلي يصيحون عليه
لو يمنعوني . ضيعت روحي بين المشايه
اول مرة بحياتي اشوف هيج اجواء عمرنا ماشفنا امي لو ابوي حجو بزيارة ..محرم بالنسبه الهم اكل مجاني لا اكثر امشي ودموعي تصب اباوع المواكب الها رهبه
احس رجلي ورمن ودخت . اذن المغرب واكثر المشايه
توجهو للمواكب يصلون . حسيت كلاتي تبزني بس ماوكفت كملت مشي لحد ما هلكت بعد ماكدرت اتحرك
الالم زاد التفت اريدلي زويه اكعد بيها اكو موكب عله جهه صرت بصفه اباوع البي اشكالهم مبينه من اصحاب البشرة السمرة بس لهجتهم خليجيه . لازمه صفحتي
ومدنكه حسيت بخطوات قريبه عليه رفعت راسي.
!!فيج شي زايرة.
_لا بس تعبت حجيتها وكمت اريد امشي.
!!اجر في كل خطوة ان شاء الله
دشي لخيمه مع الحريم ريحي والصبح كملي مسيرج.
_لا رحم الله والديك . احجي واضغط عله صفحتي
ماكدرت امشي رجعت كعدت بمكاني هزه راسه وابتعد
كلت همزين راح ضليت افرك مكان الالم مديت ايدي لجنطتي طلعت نقالي ترددت افتحه لميت رجليه لصدري وخليت راسي بينهن وبجيت بعبرة حايرة شسوي .
!!خيرج يخيتي . انتي مرضانه .
_بسرعه عدلت روحي ورديت لالا.
باوعلي بشك والتفت للخيمه صاح.
!!!بشاير تعاي يبوج.
_اجت بنيه عمرها ب ال٣٠ .
!!امر يباا.
!!خذي الزايرة يمج .
_حالتي ماتسمح بالجدال كمت والبنيه
سندتني اتفاجئت مادخلنه الخيمه سالتها
وين ماخذتني ؟
!!لخيمتنا ترتاحين هناك مافي غير امي .
_اباوع خيمه عله جهه
رفعت البرده بيدها ودخلنه مرة جبيرة متمدده
وقبل ماتسال ردت عليها بشاير.
بشاير::الزايرة تعبانه وابوي كال اخليها يمك.
!!اجر وعافيه هلا هلا حيج .
_سندتني بشاير . وطلعت .
ضليت اتلفت وخوفي من السوال شريد اجاوب
شويه واجت بيدها لفات وماي .
بشاير::اكلي خاطر اعطيج مسكن .
_ارحميني بالمسكن صفحتي موتتني
حجيتها وبجيت .
بشاير:: الحين اجيبهم ذكري الله ولا تبجين
_ركضت يم المرة تبحوش بالغراض
جابتلي حبايه . شربتها .
بشاير::نامي الحين يسكن المج .
_مددت روحي شمرت عليه بطانيه ومخده
وطلعت وماكدرت اقاوم النعاس نمت ومدري شكد مر وقت فزيت اباوع محد بالخيمه الالم خاف اتذكرت جنطتي جانت بجتفي وينها كمت انكت بالفراش
واحجي خرب وين راحت فززني صوته
التفت دخل نفسه الرجال الي امس شفته سلم .
!!!كيف حالج .
_الحمد الله بس جنطتي . ماخلاني اكمل رد ونضراته عليه بشك .
!!اي موجوده عند الوالده اعذرينا بس الحذر واجب .
_غثتني حجايته . ترى ماجبرتكم ادخلوني
وبعدين وين اعرف شعدكم حته ابوك منكم.
!!لا مو بوك محشومه بس حنه غرب من عن البلد
وتعرفين ياما مواكب تفجرت تدخل الارهابيه
بحجت زوار .
_فهمت قصده . رديت تمام تمام هسه بيها مجال تنطيني جنطتي ومشكورين عله مساعدتكم الي.
!!هل زاد هو للحسين عليه السلام والارض ارضكم
حنه نشكر منكم . بس انه اسالج لو فيني اساعدج بشي.
_غمضت عيوني بس لا فاتحين نقالي
لا اكيد مبين من كلامه خرب انه
مامسحت الرساله الدزيتها للباشا .
!!انتي بحماية الحسين عليه السلام
لا تخافين لكن ابيج تحجيلي مشكلتج . انجان ربي كاتبلي نصيب .اكون سبب بنقاذج مااكذب عليج ترا فتحت جوالج.
_عضيت شفتي بقهر . شحجي بعد حاولت اتملص
ردته بس يعوفني اطلع.. مل مني اخر شي كال.
!!خلص انا بريت ذمتي لكن مااكدر اطلعج
اله اخبر الدوريه الخاصه بالمكان.
_ركضت عليه اتوسل عله بختك ليش هيج
مو سويت زين لا تخربه صدكني ماعندي شي .
!!اسمعي يابنت الاجواد انا مو ساذج ولا انا مهبول
لكن المساجات الوصلت لجوالج عرفتني مشكلتج
_تمام يعني عرفت ماعدي اذيه عليك
خليني اروح لحالي .كعد واشرلي كعدي.
!! قبل مدة امي تمرضت
وعجزنا عن شفاها وبيوم زارتنا حرمه جارتنا
وطرحت علينا نزورها الحسين جينا وحنه بشك من امرنا نذرت لو عطانا مرادنا انصب موكب ومن يومها امي شفت وهاي سنتين كل محرم انا اجي العراك .
_رديت بملل،، خوش الله استجاب دعاكم
!!والنعم باالله . المهم شرايج تحجيلي ..
_احس الصبر نفذ ومن قهرتي الالم هاج
مالكيت روحي اله وانه احجي وابجي
سكتني صوت نقاله . رد وعينه عليه .
!!عليكم السلام حياك الله اي نعم .
اها تمام لكن عطيني مجال لحين ماتخلص الزيارة
ونلتكي ونتكلم ويصير خير . اكيد اكيد لا توصي حريص . في امان الله.
بارت لعيونكم الحلوى
يله انتضر تعليقاتكم
شتكولون سونه راح ترجع
منو هل الشخص الي اتصل بالخليجي
وشلون راح يساعدها
وهل قدر تتقبل ابو حيه.
شكرا لزيارتكم عالم روايات سكيرهوم
