رواية كريات الدم السوداء الجزء الثاني الفصل الثالث بقلم زحل شريف
______بنين________
_ايام وليالي الولد مخبوصين
وابوي من خوفه عليهم
ضغطه مانزل . كلها بكوم وبيت جبار الي طاشين السالفه بالعشيرة وهنا اسعد واياد انجنو .
اياد؛؛يابه دز عليهم خل يسدون حلوكهم .
ثابت ::يابه بلغ عمامنا اليوم نكعد
بعد صلاة المغرب . لازم نوضع حد لعلاء
لان جبار ماله كلمه واذا نسكت نعرض الولد للخطر.
اسعد::خلوني اسحله .
ثابت::مانريد جرجرة . عوفه انه اعرف شسوي
بي هو وابو تحملناهم هواي بس الضاهر يردون
يشيخون علينا .
ابو اسعد::شوفولي خوال البنيه وين.
_وبدو بالبحث عن خوال قدر
وهيه بس دموعها تصب رغم اعتراض ابوي لوجودها
بس يوصيني عليها وامي هم ابد ماسمعتها كلمه موزينه حاولت تهون عليها مصيبتها الي تشيب الراس.
وفيه::الامتناع عن الاكل حرام .
خلي عينج بعين الله وحشى الكريم يتخلى عن عباده.
_تسمع بس ابد ماتجاوب
لليل احس رجليه ورمن . تعبت كلش ومصيبه العراقين
الي بكل مناسبه الجاي حاضر فرحانين يشربون جاي حزنانين يتعاركون مااعرف شنو الربط . جريت الكرسي وكعدت وامي لازمه الطارمه بخوف وعمامي اصواتهم عاليه وكل شويه مولي جايب صينيه الاستكاين
ويكول جددي جايج.
مولي::استعجلي .
_ترى تعبت شسالفه .دايرة وجهي للطباخ واحجي
وسمعنا صوت اسعد طفر مولي قبلي عفت القوري
وركضت طلع اياد يركض الي بالاستقبال
انخبصو خبص .اجت امي وهيه تملخ بخدودها
وفيه::يارب دخيلك وليداتي امروتك اللهي.
_يمه شصار ليش طلعو يركضون.
وفية::كله من ابوج كتله فكني من بت جبار.
_هسه الهوسه عله مريم .لو شنو.
وفيه::جاي يحجون ويا جبار يصيح عله علاء
ومدري شجا اسعد طلع يركض مافهمت السالفه.
_صدك لو كال ابوي دوم كولو يارب كفينا شر التايهات
ولا جنا محسبين لهاي المشكله .طلعو الزلم وجبار اتعذر من ابوي .
جبار::اكسر ضهرة وداعتك
بس خل يجي هو من امس بالدوام .
ابو اسعد::لاتخلي الزعاطيط تخرب خوتنا.
_طلع جبار وبقو امي وابوي بقلق
يخابرون عله ولد ماردو علينا .
مولي::اكيد داخل التحقيق ميردون.
ابو اسعد::اياد واسعد بالتحقيق ثابت وين.
مولي::جهازه مغلق .
_عفتهم كلت اخابر زميلتي
ابلغها ماادوام . دخلت للغرفه والكه قدر خاتله
بصف الباب بس شافتني كامت تسال بخوف.
قدر::ها شنو صار .
_كسرت خاطري طمنتها . مو يمج
مشكله عشائريه عدنا واليوم موعد الفصل وفضت .
قدر::الله يوفقج بلكي تصيحيلي ابو حيه.
لازم احجي ويا ضروري . حته لو الباشا.
_والله كلهم طلعو. بس اذا عندج شي
اوديج لابوي احجيله افضل .
قدر::يصير هو يجي هنا.
_تمام هسه ابلغه . عفتها وطلعت كلت لابوي
تبعني هو وامي . وعجيب هل قدر دوختني بتصرفاتها شلون جانت بهيج مكان . عدلت حجابها وكامت من دخل ابوي .
ابو اسعد::ها يابه محتاجه شي؟
قدر::بس ردت يرجعوني لبيتنا.
اذا ماتصير عليكم زحمه.
_اشرلها اكعدي وكعد كبالها .
ابو اسعد::بنتي ميصير نعوفج
انه كلفت الولد بس يندلون خوالج كلت اروح بنفسي احجي وياهم عسى ولعل نكدر نستعطفهم ويتقبلونج .
_ردت والعبرة خانكتها .
قدر::مااضن لان من ماتت امي
الشرطه طلبو تنازل خوالي وحسب ماعرفت جايين متنازلين ومحمود مبلغهم بوجودي ورافضيني .
ابو اسعد::منو يكول كلام الي اسمه محمود صدك
يجوز ماذكر وجودج لان راد يضيع حق امج .
قدر::قبل متموت توسلت بيها انو نلجئ الهم
كالت مستحيل يتقبلونا ومتاكده يقتلوها .
ابو اسعد::استغفر الله العظيم.
غلطها جبير وحقهم يابنتي ماتعرفين هيج شيء
شكد يأذي العائله سمعتهم وهم مانعرف الي جرى عليهم بعد فقدانها . بس نحاول والله كريم .
_ترخص ابوي وطلع حاولنا انه وامي
نزرع داخلها امل انو خوالها يتقبلوها.
وفيه:السنين كفيله تبرد نارهم عله غلطها
واكيد ماتهون عليهم .
_ضليت قدر تخلص يومها بجي
بالها كله يم اختها الي ذبحني الفضول اشوفها
سالتها قاصده اطلعها من الهي بي . اختج حلوة مثلج؟
غمضت عيونها وردت بعبرة .
قدر::احلى مني . سمرة بس مو سوده
شعرها ثخين وناعم معانيها حاده . والي مجملها اكثر دمها شلون اوصلج الفكرة يعني رغم الاحنه بي وتمر علينا ليالي مانغمض من الخوف وهيه تحشش وتضحك. مشتاقتلها حيييل .
_حجتها وبجت . حاولت اسكتها
سالت بطريقة ضحك
واختج حلكها مثل حلكج اقصد هيج منفوخ
ابتسمت وهيه تمسح دموعها بردن الصايه .
قدر::اي هاي وراثه
احنه السمر تصير شفايفنا هيج
جانت بيبي ام فاروق تسميني ام براطم .
_قاطع حديثنا دخول اريج . وبدون سلام .
اريج::كومي ابنينه
امج تكول خل اتحضر التنور تريد تخبز .
_كمت وجريت اريج وياي
لان اعرف نواياها .
اريج::وشكو كاعده دكين سوالف
وياها وعبالك بت عمج .
_سوالفها حلوة .
اريج::عوعع
اصلا كاشه روحي من بيتكم كله
بسبب وجودها ..
_ماجادلتها لان اعرف تريد تفتحلها موضوع
كملنا غدة ولليل هيئت نفسي باجر عندي دوام
ابوي وثابت حيل انشغلو بموضوع الخال
الي حسب ماسمعت مسلم ابنه للحكومه
وهيج يوم بعد يوم.وهاي اعذار السايق الي ماتخلص
خابرت مولي وخلص الطريق توقعات .
مولي::شتكولين خوال البنيه يتقبلوها.
_مااعرف بس اتمنى لان خطيه.
مولي::ان شاء الله. صدك نسيت ابشرج
مريم رجعت .
_التفتت عليه متفاجئة . شوكت شلون؟
مولي::قبل لا اجيج جابها جبار . وطاح عله ابوي
يتعذر عن سوالف علاء المهم تصالحو .
_الله يهدي النفوس .
مولي::شو جنج ماقابله ست بنين.
_التفتت عليه ضحك
نزلت وانه اهز باايدي . تلكانه ابوي .
ابو اسعد::ها شبي المضمد وياج.
_حسيت بالانتصار وكفت
اباوع لمولي الي انزعج من القب .
مولي::ممرض يابه .ممرض.
_دخلنه واتفاجئ بمريم واكفه بالمطبخ
تحضر ويه امي سلمت وبوجهي للغرفه
لكيت قدر متمدده تمثل النوم بدلت وطلعت توضيت ورجعت كملت صلاه اريد الم السجاده مدت ايدها مانعتني باوعت الها متساله.
قدر::ولو ازاحمج بس اريد اتوضئ.
_طلعتها توضت ورجعت
وانه توجهت للمطبخ التهيت. بين غدة وجاي وماي
بس الي عجبني مريم تصرف وكأنو ماصاير شي ومتجاهله وجود قدر..تشتغل بدون عجز حضرت اكل لقدر لكيتها كاعده عله سجاده وتبجي احس دعائها فسر كلبي تحجي بصوت مسموع .
قدر::اللهي اختي عصتك . سامحها يارب احميها
اشملها برحمتك ومغفرتك ارحم ضعفها وقلت حيلتها
ويتمها اللهي نحن المسيئون وانت انت الغفار .
_ماردت اقطع دعائها خليت الصينيه وطلعت.
وشكد ماتحاول مريم اكيد فضولها او غيرتها تدفعها تسال بس فاجئتني بطريقة سؤالها وجانت قاصده تثير انتباه الكل.
مريم::ها شبيج تبجين يا منو وياج.
_التتفت امي بخوف .
وفية::اسم الله شبيج .
_وماانطيت مجال لمريم تفتح الها موضوع.غمزت لامي سكتت . وبعد كم يوم ..دخل ثابت وجان مبين عليه القلق شويه واجو اسعد واياد . تلكاهم ابوي .
ابو اسعد::هلا بيكم ها خو ماكو شي.
اسعد::طالبين البنيه للشهادة.
ابو اسعد::ليش يعني انتو غير مرتبين
الامر من قبل ومديركم عنده علم بكل شيء.
اياد::استجدت امور بالقضيه وهذا اجراء
قانوني لابد منه لازم تحضر امام القاضي
تشهد لاجل تبري اختها .
ابو اسعد؛؛مافهمت .
اسعد::يابه شغله يطول شرحها.
المهم بس نخلص تحقيق ناخذها للمحكمه.
بس لا تكلولها هسه خطيه تضل تفكر لو تخاف.
_وتكتمنا عله الموضوع
وبعد كم يوم هل علينا محرم وانشغلنا بين مجالس عزاء وطبخ بس هل مرة انه ماكدرت اروح لاي قرايه
بسبب وجود قدر خلصت العشرة الاولى
وبالعشرة الثانيه ابوي والولد عدهم مجلس ومثل كل سنه سيد صلاح يلقي الخطبه وينهيها بلطميه ونعي
كاعدين انه وامي بالمطبخ نستمع طلعت مريم لابسه صايتها التفتنا عليها سالتها امي.
وفيه::ها وين .
مريم::لاهلي لان باجر عدهم طبخ .
وفية::اي واصل ان شاء الله .
_بعدها تحجي ودخل ثابت اشرلها يله
طلعو وصار ثاني يوم والثالث ومريم ماكو واكيد
اريج ونغم لازم يسالن.
اريج::صدك خاله اشو مريم ماجتي.
وفية::اهلها عدهم طبخ تدرن يسوون للموكب
مال الولد .
نغم::بس شعجب بقت خو تجي باليل
وتروح الصبح خاف زعلانه ؟
وفيه::لا مازعلانه ترخصت من رجلها تبقه هاي الايام
تساعد امها شكو بيها انه لو مامجلس عمج جان رحت
اساعدهن عود مرن عليهن باجر انتي واريج .
_سكتن بس ماعاجبهن. وامي تعرف ابالهن شي
بس ماانطت مجال للكلام . واكيد هل شي مايفوت
ابوي وثابت وقررو انو ثابت ينتقل بيت اياد
لحد ماتنحل مشكله قدر .
ابو اسعد::هيج نكطع السان جبار.
مولي::عذرا يابه بس شمعنى ثابت يطلع
يعني انه مو محرم عله البنيه لو ماحاسبني رجال.
_حاول ابوي يخفي ابتسامته
رفع راسه اسعد باوعله بملل .
اسعد::لك وتالي وياك انته ماعندك شي جد .
مولي::ترى سؤالي طبيعي .
اياد:: هذا السؤال وجهه لجبار وعلاء
لان كل كلامهم شلون بت غريبه بنص بيتنا
وست مريم تكول انه وزوجي مقيدين بسبب وجود البنيه ثابت ينام بالاستقبال لو اكثر وقته برا.
_ضلو يتناقشون .
اياد::وهم البنيه خطيه تكسرت من كعدتها بالغرفه
انه اشوف الافضل لو ننقلها لغير مكان .
ثابت::بعد المحكمه اكيد نرتبلهن مكان هيه واختها.
اياد::ليش ماتنتقل انته ومريم لبيتك
شمنتضر . شو الكل عرف البيت الركن الك.
ثابت::اريد ابيعه .
ابو اسعد::ليش يابه .
_وهنا ثارت امي .
وفيه::كتلك واعيدها اذا طلع ثابت اطلع ويا
انه من عزلو اسعد واياد مااهتميت
لان حاسبه حساب ثابت جبيري .
ابو اسعد::هاا واذا جبيرج تحكمينه العمر كله
يبقه وياج هم يريد ياسس حياته وزوجته
حقها يكون الها بيت حالها حال البقيه ..
وفية::خلي يعزل فوك حته تريد طبخها لوحدها هم ماامنعهم بس مو يطلع لغير مكان.
_وعبالك بيت جبار يشمون كلامنا شم
اندك الباب دخلو هو ومرته وبعد سلام وكلام.
سألهم ابوي ..
ابو اسعد::جا ليش ماجبتو مريم وياكم.
جبار::هو انه جاي بخصوصها.
شقررتو .
ثابت::خير عله شنو نقرر .
جبار::انه بلغت ابو اسعد
انو تنتقل لبيتك حالك حال .
_قاطعه ثابت.
ثابت::وانه مستحيل اطلع من الحجي
وتدري ام اسعد بالنسبه الي هيه امي .شلون تقبل اعوفهم وهم متأملين بيه الم كبرتهم . وشنو الي استجد ومريم تريد تعزل منين متضايقه اشو بيتنا الفوك عامر واذا حابه اكلنه وحدنا مو مشكله.
جبار::يابه هيه متقيده بسبب وجود هل بت
تحلف ماتنام اليل تكول اخاف منها يتراولي
تسويلها بينه مصيبه.
_ضل الولد واحد يباوع بوجه الثاني.
ثابت::خليها يمكم هاي الفترة
وطمنها البنيه ماباقيه كم يوم
وراح نوديها لخوالها ..
______قدر_______
_كل الصار بحياتي كوم وهاي الفترة كوم ثاني
احس فاقده جزء من روحي عبالك سونه التؤم
مالتي وافترقنا غيابها هد حيلي خوفي عليها دمرني
مرة اعتب ومرة ادعيلها . اتمنى الموت واتوسلت ربي
لان تعبت وجودي بيت ابو اسعد تعب نفسيتي اصفن وين راح يصفى بيه الوكت . فززني من صفنتي صوت بنين دخلت وهيه ترسم عله وجها ابتسامه .
بنين::قدر ابوي يريد يحجي وياج .
_هزيت راسي اي.. دخلو هو وابو حيه والضابط
وماعرف ليش من كعدو كبالي حسيت اكو شي
صاير وقبل ماأسال جاوبني ابوهم.
ابو اسعد::بنيتي طالبين شهادتج
ولازم ترحين للمحكمه.
_شلت راسي باوعت لاياد بعتب.
ليش هيج استغليتونا . شنو ذنبنا انه واختي
ننسجن ..وانتم تدرون مالنا احد .حجه وهو يلزم شاربه
اياد::لو اطير ركبتي ماانطيكم
بس هو اجراء قانوني.
اسعد::منه تبرين اختج ومحابس،
وهم نريد نضمن سلامتج لان هذول اذا عرفو انتي
الي خبرتي ماينسونها الج لو بعد الف سنه.
_اختي وين بس طمني
وانه مستعده اسوي التردونه.
اسعد::كل ماينفتح نقالها ونحدد موقعها
تضيع نفسها ..
_زين ليش ماتخلوني اكتبلها رساله اطمنها
اكيد هيه خايفه عاد من تعرف انه يمكم
ترد عليه ادليني مكانها.
اياد::احنه نريد نبريها قبل ماتضهر .
_زين انه شنو يردون مني عله شنو اشهد
يعني اخاف لان ماماره بهيج شي
اول مرة ادخل مركز بيوم الي استنجدنا بيك .
اياد:احنه نرتب كل شيء
واكيد ماتحجين غير الصدك.وهم نريد نبين الهم انج انلزمتي حالج حالهم هيج نضمن عدم تعرضهم الج .
_هم يحجون وانه . الخوف سيطر عليه
يتصورلي انسجن ويذبوني ويه سليمه
الف فكرة اجت ابالي . طلعو بعد مافهموني شنو الي راح يصير ورا ساعه دخلت بنين جايبه نقالي اخذته بلهفه ادور بلكي دازه رساله متصله نزلت دموعي .
بنين::الغايب عذرة ويا اكيد ماتهونين عليها
حسب سوالفج عنها مااتوقع تتخلى عنج ويمكن
بالها يمج خايفه عليج اكثر من خوفج عليها.
_تحملت لاجلي هواي وجازفت بنفسها
وجان كل همها اطلعني من الصعده وتامن عليه.
بنين::ان شاء الله بحق هاي الايام تنجمعن وربي
يعوض صبرجن تدرين احسدج عله هل صبر .
_مابيدي غير الصبر.
بنين::شنو رايج تكومين وياي
ترى بسبب هاي كعدتج تفكيرج يصير سلبي .
_لا وين اكوم استحي .
بنين::ترى ماعدنا احد الولد يخصلون نهارهم بالشغل
وباليل بالاستقبال وزوجات اخواني ببيوتهن يجن شويه ويرحن .هسه راح يبدي المجلس تعاي يمي للمطبخ نحضر الترامس مال النومي والدارسين واليوم مولي طابخ لبلبي .
_بعد الحاح منها كمت . لكينا امها بالمطبخ
من شافتني ابتسمت حاولت اشغل نفسي
من التفكير وكفت افرغ بالترامس نومي
وبنين مطلعه لطميه لباسم الكربلائي
يقارورة وتردد الكلمات ويا . ادموعي تصب .
بنين::ان شاء الله هاي الدموع
اجرها يم رب العالمين.
_فدوى خلي نفس الطميه . احب اسمعها.
بنين::خو نزليها بنقالج . شو جيبي اخليليج نت .
_ركضت جبت الها دخلت الرمز
بنين::اوكفي عندي سماعه .
شكليها بأذنج واسمعي هيج احسن .
_صدك شعور حلو اسمع واردد لحد ما كملو
مجلسهم ردت ادخل للغرفه صاحت عليه .
بنين::تعاي شبيج شردتي مايدخلون هسه يكملون جلستهم بالحديقه امشي انضف الاستقبال.
_تبعتها اباوع ماشاء الله بيتهم مساحته كلش جبيرة
ومرتب رغم طراز البناء قديم بس حلو كملنا تنضيف الاستقبال .
بنين::تدرين جنت كل سنه اخلصها هاي الايام
من بيت لبيت انحج بيت عمي محمد وشارعنا
كله مجالس لحد الاربعين.
_اكيد بسببي ماطلعتي.
بنين::ماجذب عليج واكول لا بس كسبت اجر
بخدمة مجلس ابوي . يله امشي انام نعست .
_تمددت بفراشي والحيرة ماخذه عقلي
من شوكي الها كمت اكتب رسائل وادز لرقمها
اكتب وكانو هيه جاي تسمعني . وينج ليش هيج
تخليتي عني . زين بس طمنيني عليج ماريد شي
ادري بحملي ثكيل واعرف ماتكدرين تحميني
بس انه مشتاقتلج . شهكت بعبرة
رفعت راسها بنين
بنين::بدال هل بجي ادعيلها ..
_كتبت الها رسائل .
بلكي يجي يوم تقراهن .
بنين::ان شاء الله.
_درت وجهي ودموعي تصب فزيت
عله نغمة نقالي يعلن عن وصول رساله
جريته بلهفه . باوعت الرساله من ابو حيه
فتحتها . وجان محتواها.
ابو حيه::حضري نفسج باجر محكمه.
_من خوفي راسا دكيت عليه جاوب.
ابو حيه::ها يابه لا تخافين الحجي ومولي
واخوي محمد يرحون وياج .
_والباشا والضابط اياد.
ابو حيه::الباشا والضابط عله كولتج
ينتضروكم داخل المحكمه لاتخافين همه مرتبين كلشي.
_ماكو خبر من سونه. .
ابو حيه::لحد الان ماكو بس مادام
لزمو البقيه ماعليها خطر .
_جا ليش مااتصلت بيه اذا هيج.
ابو حيه::مانعرف الغايه شنو بس اكيد الها سبب .
_نهيت مكالمتي ويا ولصبح مانمت
دخلت ام اسعد .
وفيه::يله خاله حضري نفسج حته ترحون
هاي بوشيه البسيها من توصلين .
_بسرعه غسلت ولبست وطلعت
لكيتهم ينتضروني بالباب .
ابو اسعد::نتوكل على الله.
_هزيت راسي اي والطريق كله اعصر بااديه
وصلنه رجليه وحده اطك بالثانيه امشي واتلفت
محمد::لا تخافين يابه .
_صاح الشرطي بأسمي باوعت عليهم
ابو اسعد:: روحي بنيتي الباشا جوى .
_دخلني الشرطي للقاضي
مهما كان الانسان واثق من نفسه بريء.
يحس بخوف هيبه القاضي تحسسك برهبه
_باوعت اياد واكف عله صفحه والباشا
مدنك يكلب باوراق ويشرح للقاضي تفاصيل
رفع راسه باوعلي . احس الكاع افترت بيه نزلت دموعي التفتت اريد الكلمه تطلع من حلكي عبالك راح يعدموني رجليه ماعانني اشرتله بس اكعد
القاضي::استريحي .
_بدء يسال وانه اجاوب حجيتله كل شيء .
القاضي::خلال تواجدج يمهم هم شفتي المدعو محابس
شارك بعمليه تسليم او نقل بضاعه او اي امر .
_لا ابد ودائما يتعارك ويه سليمه
بالاخص من عرف بتواصلها ويه الموس.
القاضي::اختج ماحجتلج عن اشخاص
غير الي شفتيهم.. او عن اي جريمه سابقه
يعني من باب سوالف...
_لا بس ذكرت مقتل جاسم بسبب
ام دعدوش وابنها الهم ايد بسرقه بضاعة غازي
اصلا انه تفاجئت من شفت صوله بيومها
وحته مديحه .
القاضي::زين اذا اختج ماتشتغل وياهم ليش
شارده ؟ وحسب معلوماتي جانت حريصه عليج
شنو السبب الي مخليها مختفيه.
_مااعرف هيه قبل لاتطلع وصتني
اذا صار شي اتصل بالضابط .
القاضي::اذن متاكد راح يصير شي او جانت تعرف بعملية التسليم لهذا السبب وصتج.
_لا لا بس جنا خايفين . انو تبيعني لفيلق
لو دخل عليه ناس تاخذني . .
القاضي::حابه تشتكين سليمه
او عله اي شخص . مثل الي ذكرتيهم .
_لا لا ماريد اشوفهم ولا يشوفوني
ابد لان اذا عرفو بيه اكيد يأذوني.
القاضي::همه مسجونين .
_اختي سولفتلي كالت اذا عرفو
بينا احنه خبرنه عليهم
لو بعد الف سنه راح ياخذون ثارهم منا .
القاضي::تمام . زين هل تم مساومتكم من قبل الضابط الي جنتو تتواصلون ويا .
_التفتت اباوع للباشا مدنك واياد ماباوعلي ابد
رديت بتوتر . لا لا ابد هو كم مرة ساعدنا .
هز راسه وكام متوجه عليه خفت عبالي يريد يطكني
اشرلي كومي تقدت يم الميز اباوع مخلين قران
القاضي::خلي ايدج وكولي
اقسم بالله .
_فهمني يمين الشهاده كملنا طلعت ارجف
تلكوني ابو اسعد واخو .
ابو اسعد::ها يابه كملتو .
_هزيت راسي اي.
محمد::يله خلونه نمشي .
_حاوطوني واحد منا واحد منا
ومولي يمشي كدامنا .من خوفي امشي واتعثر.
ابو اسعد::اسم الله يابه .
_وصلنه للبيت وبوجهي للغرفه احس كلي ارجف تغطيت اريد بس اهدء روحي.لحكتني بنين .
بنين::صلي بين مااصابلج غده تغدي ونامي .
_لا مااشتهي خلي انام شويه شو استبردت.
بنين ::خوش ساعه واكعدج ..
_بس طلعت دك نقالي باوعت للرقم
رديت وانه ادعي بلكي جايبلي خبر منها .
ابو حيه::ها يابه حمد لله على السلامة.
_ها مالكيتوها ؟
ابو حيه::ترى هيه ماضايعه .
_حسيت بي يكلي عافتج . اختنكت بعبرتي .
ابو حيه::الها عذرها مانعرف منين خايفه .
بس اكيد ترجع والباشا . مراقب تلفونها والشارع.
_انه دزيت الها رسائل بلكي من تشوفهن ترد.
ابو حيه::ان شاء الله. المهم انه طالع للزيارة
خاف يصير شي تتصلين بيه .
_امانه تدعيلها.
ابو حيه::ان شاء الله. انه وصيت الحجي والولد
وشنو تحتاجين كولي لبنين يله ابرينه الذمه .
_لحظه بس اريد اسألك شنو صار من موضوع خوالي.
ابو حيه::من ارجع اروحلهم .
_نهيت مكالمتي ويا . وكمت صليت استحي اطلع بقيت كاعده عيني للساعه ومااعرف شنتضر
وكل عقلي هيه مسالة وقت لو الشدة الانه بيها
محدده بيوم وتنتهي وكل ساعه تمر اعد للبعدها وينتهي اليوم وابدي بيوم جديد عبالك عندي موعد وشكد صعب الانتظار موت بطيئ انام واكعد عله امل خبر جديد رغم تعاملهم المحترم بس احس بغربه وصرت اتحسر عله اليالي الي نختل بيها انه وسونه جوى البطانيه ونكتم صوت ضحكاتنا وشهكاتنا . داهمت تفكيري بنين .
بنين::يله عيني شو مغلسه
ترى مانضفت الاستقبال.
_ادري تريد اطلعني من العزله. كمت هيه التهت ويه امها بالمطبخ وانه دخلت الاستقبال ومثل كل مرة
اخلي السماعه واردد ويا القارء وكأنو القصيده تشرح حالتي يقارورة واخاف اني تجرحين بخبر ثاني مندمجه وارتب بالمساند لفت انتباهي ورقه عله
الطبله شلتها كلت انطيها لبنين بس الفضول اخذني اقرء الي مكتوب بيها شلت السماعه من اذني وكعدت
حيرتني الكلمات وبفطره حاولت اقراها
وحجينا عله اجفوف الكمر قصة عذابج
واجينا ندك يأام البنين الليلة بابج
ندري انتي كريمة وماتقصرين
تسجلينا بسجل خدام الحسين .
_وماعرف شلون قريتها عله شكل لطميه اقرء واضرب عله صدري وكأنو ارتب الوزن . مندمجه اصفن وارد اكرر الكلمات واتمعن بيها . نبهني صوت الباب رفعت راسي دخل ابو اسعد كمت اريد اطلع استوقفني .من كد ماخجلت ومرتبكه رسأ مديت ايدي انطيته الورقه .
ابواسعد::هاي شنو .
_لكيتها عله الطبله مو بقصدي اخذها بس شدتني الكلمات .و عجبني المعنى رددتها ..
ابو اسعد::انه كتبتها .. حته انتي تقريها.
/_______سلاسل______/
_ نهى مكالمته والتفت عليه
كمت وانه اعدل بشالي .
ابو بشاير::عله هونك .
_باوعتله بقلة صبر . اخي ماله داعي الي تسوي
انطيني نقالي اريد اروح . جنك ماشفتني ..
ابو بشاير::استريحي اكلمك انا مابنيتي اذيتك
لكن مااكدر اخلج تمشين . عطيت كلمه للشخص
الي اتصل عله جوالك .
_ياشخص ماعندي احد لا اهل ولا قرايب
ابو بشاير::لاه اله عندك هواي من الصبح وجوالك
يرن ناسك خايفه عليك وتحاتي امرك مسجاتهم
ادل عله محبتهم وخوفهم .
_حاولت استعطفه وكلت بلكي يعوفي
حجيت برجاء . انت ساعدتني كمل معروفك
وخليني اطلع قبل لا يجون عليه ترى هل شخص كذاب ويريد يسلمني للشرطه وانه والله مامسويه ذنب .
ابو بشاير::يبنت الاجواد اسمعي مني
لا تخافين الرجل باين عليه قلق عليج
وكال انه صار فترة يدورج والج اخيه باكيه عنده.
_احس كلبي انعصر من كال اختج
بس الحيرة شتت عقلي اريد اعرف قدر عد منو
ابو حيه لو الضابط . كعدت بقله حيله كعد كبالي يحاول يطمني.نزلت دموعي بقهر
ابو بشاير::خل دموعك لربك وهذا المصاب
وكولي ياالله واحجيلي ماعندج .
_ماعندي شي ولا عندي اهل.
ضايعه بدنيا مااعرف شلون اعيش بيها.
ابو بشاير::انتي بارض الحسين تدبير الخالق انتي وصلتي هني لسفينة النجاة وهذا دليلي ان ربك
رايد انك نتجين من المشكله الي انتي بيها .
_تمام اطيني نقالي الله يخليك
عاد خل اعرف منو الي اتصل بيك.
ابو بشاير::كال انه ضابط .
_كمت وانه احجي خوش انه اروح يم الموكب
ماخلاني اكمل كام متوجه عليه رجعت بخوف اباوع لباب الخيمه اريد اشرد وعبالك عرف تفكيري بسرعه تقدم ساد الطريق ..
ابو بشاير::يبنت الاجواد اسمعيني
مااكدر اتركج . لان الضابط يحملني مسؤليه .
سمي بااسم الرحمن وخل اكمل خدمتي ترى يسحبون الاقامه مني ومايرضيج اتعرض للخطر انا وعائلتي.
_احس صفحتي . تملخت تملخ دنكت اضغط عليها
الالم استحوذ عليه وهو واكف ينضرلي بحيرة رد .
ابو بشاير ::تريحي خل اشوف الطبابه
بلكي عندهم شيء بس كوليلي وش وجعج .
_كليتي تأذيني .هز راسه تمام ومشه
رفع الطرف الساتر مال الخيمه وصاح..
ابو بشاير::بشاير يابشاير .
_اجت بشاير تركض.اباعلها تتحرك بنشاط مفتخرة بتواجدها بين هل جموع من الناس، طولها منطي جماليه للصايه اللابستها سمرة ملامح خليجيه .
بشاير::نعم يبوي.
ابو بشاير::خذي الزايرة للحسينيه .
لانها تعبانه اهلها بالطريج .
بشاير::ان شاء الله عطيني ايدج .
_دنكت تكومني . وصلنه باب الخيمه صاح عليها
مدري شنو حجى وياها هزت راسها اي ودارت عليه
لزمتني تمشي بيه مسافه وصلنه بيت زغير مابي احد
دخلتني اباوع جنط كابر مشمرة بالصاله ملابس مشرورة عله شبابيك .نبهني صوتها.
بشاير::كربي يخيه الحمام من هني
تسبحي والحين اعطيج من ثيابي.
_مابيه اتحرك كوى دخلت شطفت جسمي
اريد ارجع عله ملابسي دكت الباب وناوشتني ملابس
بدون مااجادل لبست وطلعت لكيتها حضرتلي فراش
بوحده من الغرف .
بشاير::ريحي حالج .وانا كل ساعه اطل عليج .
_سألتها شو البيت فارغ .
بشاير::اي الكل بالموكب من الصبح
واحنه بخدمة الزوار .خذي هل حبوب
عسى ربي يشفيج وتجين يمنا.
_اطتني الحبوب وبطل ماي شربتهن .
بشاير::بالشفى ان شاء الله.
_طلعت وسدت الباب عليه
عرفت ماكو مفر ولا راح اكدر اطلع . نمت وجن اول مرة انام بهيج عمق . مدري شحلمت اسمع اصوات فكيت عيني ركزت المرة الي جانت بالخيمه متمدده كبالي من شافتني كعدت عدلت نفسها مستنده عله الحايط .وكل ضني هيه ام الرجال . ابو بشاير حجيت بخجل ها خاله بيش الساعه.
!!تو اذن المغرب انجانج تسألين عن اليوم .
_ها مافهمت.
!!من يومين وانتي نايمه كومي يبنتي
كليلج شي .وصلي مافاتج من الواجبه
قضى .
_صفنت بوجها اريد افهم شتكول .
دخلت بشاير علينا . سلمت ودنكت تساعد
المرة كومتها .
بشاير::انتي متوضيه
تحبي اجيب الكرسي هني تصلين.
_ردت عليها المرة ..لا طلعيني
طلعتها بعدني بصفنتي ودخل ابو بشاير سلم
وبدون استاذان كعد كبالي عرفت عنده حجي
ابو بشاير::عكب ساعه يخف الازدحام
شرايج اخذك انتي والاهل تزورون وارمي
حمولك عند الكفيل .
_بلعت ريجي خجلانه .
ابو بشاير::صلي واكليلج شي .
_بحياتي ماواكفه عله مصلايه ولااعرف
التفت عليه. دنكت بقهر.
ابو بشاير::وشكثر رب العالمين يحبك.
_تفاجئة من كلامه باوعتله.
ابو بشاير::كل الابواب تغلق اله باب التوبه
والرزق والرحمه. لحد اخر رمق بالانسان
لحد اخر نفس ويوم بعمرة يكدر يتوب ويطلب المغفرة
وشكبر حظج الي . جابج تعلنين توبتج باب الحسين .
_مااكدر افوت بحضرته مستحيل .
ابو بشاير::وش الي مستحيل وانتي بأرض كربلاء.
_ رديت وانه ابجي ذنوبي انه مو مثل هاي الناس
انه جنت راقصه اغني ابوي طبال.
ابو بشاير::اششش يهونج لا تحجين شي
خل كلامج باب الرحمه وباب المغفرة
هناك كولي الي بخاطرج احجيهن لربج.
_انفجرت ابجي بصوت عالي وهو مستمر يحجي.
ابو بشاير::حنا من ابناء السنه
وكنت استهزء بهاذي الاجواء والزيارة
نعم اصلي واصوم لكن ماعندي اعتقاد .
_حجاها وغص بكلمته.
ابو بشاير::الى ان تمرضت الوالده
وربج راد يروايني بركة اهل البيت وجعل علاجها بزيارتي لكربلاء وكتها عرفت انو كان تنبيه لي واثبات.
_هواي سولف لحد ماوصل لبشاير .
ابو بشاير::وهاي بشاير الها ١٠ سنين متزوجه
وماصار عدها ضنا وجت معي تزور طالبه راحه البال
والرضى بقسمتها وزوجها معاها .
_قطع حديثه صوت نقاله مد ايده لجيبه
طلعه باوع للرقم عكد حاجبه ورد .
ابو بشاير::حياك الله اهلا نعم نعم
اها وصلت تمام الحين اطلعلك .
_سده والتفت عليه .احس كلبي انخمش.
ابو بشاير::هذا الولد الي اتصل بي
يكول اسمه ابو حيه . مدري وش هل الاسم.
_هزيت راسي بيأس.
ابو بشاير::ترى انا ابن حمولة ومو ناكص غيرة واعطي دخيلي خلج مطمأنه الرجل ماباين من كلامه اله خير.
_طلع وعافني بحيرتي .مر اكثر من ساعه وسمعته يصيح يالله . احس بطني مغصتني رفعت راسي اباوع
دخل ابو حيه والضابط ويا . سلمو .رديت بصوت مامسموع .
ابو بشاير::استريحو هي ارضكم وحنه ضيوف.
ابو حيه::والنعم منك .
_كعدو وبلهفه ودموع سالتهم اختي وين.
ابو حيه::بالحفظ والصون .بيت اهلي بنص بناتنا .
اياد::لاتتوقعين نتخلى عنجن .
_بعد حديث طويل . عن الصار وسولفتلهم الي صار وياي فاجئوني بااعتراف سليمه ومااستغربت تصرفها
وهيج اتاكدت هيه شاكه بينا احنه الي خبرنه وهنا المصيبه .
اياد::من انلزمت صوله مدخليها بنفس الغرفه البيها
سليمه الي عرفنا هيه موصلتلهن خبر حسب ماسامعه منج انو قدر عدها نقال فتأكدو من تواصلها بينا.
_والحل شنو هسه شنو المطلوب مني.
اياد::انريد انامن عليج وعله اختج
وماكو غير طريقه وحده .
_شلت راسي اباوع الهم.
اياد::حسب علمنا قانون بشارعكم
اذا عرفو بيجن . انتن الي خبرتن اكيد يصفوجن
واحنه مامتأكدين اذا ينحكمون مؤبد وبيهم حكمه سنتين ٣ واكو اهلهم راح ياخذون ثارهم .
_تدري كم علاس انقتل بالصعده
يعني لو نطير لابد يوم يندلون مكانا.
اياد::لهذا السبب انه جيتج .
انحضرج محكمه حالج حالهم ونبين انو انتي انلزمتي
ومتهمه وتم التحقيق وياج وهيج راح نبعد الشك وبعدها نحاول نامنلكم مكان انتي واختج.وهم نامن عله الباشا لان كل شكهم بي والدليل من رادت تاخذج صوله لام طيبه .
_كلشي اتحمل وشتردون اسوي
بس اختي كون تبقه باامان .
ابو حيه::اريد اسالج واتمنى الصدك منج.
_اكيد .
ابو حيه::اختج جان بينها وبين طارق شي.
_لا حسب ماكالت .حته من طلب منها الزواج رفضت.
لان تحسبه مثل اخوها . وحته هو كايللها بس لاجل يحميها .
ابو حيه::واذا طلع وطلبها مرة ثانيه توافق.
_اي لان ماعدها غير حل.
اياد::ممكن تقبل اذا ابو حيه طلبها للزواج.
_طارق ماعنده اهل بس امه ممكن تتحملها قدر اذا عيرتها بااصلها . بس انتم شلون ترهم اكيد تريدها مثل زواج الباشا الي .
ابو حيه::عله طاري الباشا. لازم ابري ذمتي ترى هو
يدورج ليل نهار صدكيني . والي شفته بعيونه مايكذب
_ماخليته يكمل . رديت بغصه
نبقه احنه العبيد وانتم احرار حته لو يحبني يجي يوم يتخلى عني يتعير بهواي امور اولها ماخذلك عبده
راقصه جانت تغني بالمزارع ..
اياد::ومنو الي يعرف ويعيرة .
_قصدك يريدني مثل ماجنت بالصعده
يجيني وقت الي يريد يسهر اغنيله والصبح
يطلع ويطلعني من حياته .
اياد::اكو امور انتي متعرفيها عملنا مايتيح النا الزواج من العفو بس هو نضام وان اكتشفو امرة يخسر منصبه وهو هسه ترقى وترى تعبان عله مكانه ورتبته.
_وانه مايرضيني يخسر
واعرف بيوم يعوفني .
ابو حيه::يعني اذا التقيتي بي وضغط عليج
انو لازم ترجعين ويا شتسوين.
_عرفت من كلامهم خايفين عله الباشا
وكل ضنهم استغله واخلي يتزوجني.
اياد::ترى احنه مانفرض عليه ولا نكدر نمنعه .
_نهيت الحديث . مانرهم وانه اصلا مالي
عيشه بالبصرة بعد صدكني الصعده راح ترجع
مثل قبل وازيد . لان هاي مو اول مرة تكبسنا الحكومه فترة وهم يطلعون لو البقيه يجددون الشغل.
اياد::واقع حال مانكدر نغيرة
وجاي نحاول نسيطر عله المنطقه بس الضاهر
انتم تتكاثرون وكانو تورثون العمل لاجيالكم .
_خزرة ابو حيه منبهه لكلامه . ابتسمت بكسرة
ورديت وانته كلتها احنه وكلامك صح اذا لزمتو صوله مو معناها ماكو غيرها ترى زواغير الصعده مثل ازروف الدود الف ام دعدوش بالخرايب والاف من سليمه.
اياد::ان شاء الله نكدر نقضي عليهم.
_يجوز . رفع راسه باوعلي ماقابل .
بس ابو حيه . ماانطا مجال يحجي غير الموضوع .
ابو حيه::اهم شي نضمن سلامتكم انتي واختج.
_اختي امانه عندك . وادري ماتعوفها
رفع حاجبه مستنكر كلامي . رديت اي اعرف بيك انته راح تحافظ عليها وياريت لو تحاول توصلها لطارق.
ابو حيه::طلعت الها جنسيه
ومنتضر شغلتج تخلص حته اتقيمون
دعوى عله بيت فاروق تاخذ حصتها منهم
_بس هيج معناها تخرب وياهم.
ابو،حيه:: اذا يحبها مايزعل اذا خذت حقها.
_واذا زعل .
ابو حيه::الله ويا ابقيها تحت حمايتي
لحد ماتوصل للي تريده .
_وشنو المقابل؟ تفاجئ بكلامي.
ابو حيه::بدون مقابل.
_تمام جا خليها تحت حمايتك
لحد مايطلع . طارق .
اياد::ليش تحجين وكانو
انتي مراح تلتقين بيها.
_اي لان مااكدر اضمن محد يتعرضلنا
رجعه للصعده بعد مانكدر نرجع.
اياد::وين ترحين.
_اضيع نفسي فترة . وبعدها نشوف.
اياد::واذا لزمج الباشا .
_ولهذا السبب انه اكلك خلو اختي يمكم
حته اكدر اضم نفسي . لحد ماينساني .
ابو حيه::تمام عندي حل .
ليش مانكلها انتي انسجنتي. لان هيه رافضه
اي فكرة .وكل املها انتي ترجعين،وتكعدن سوى .
_قطع حديثنا ابو بشاير.
ابو بشاير::ان شاء الله توصلتو لحل.
اياد::اي ان شاء الله .ممنونين
منك فد ساعه ناخذ سونه و نطلع .زاحمناك
ابو بشاير::وين تاخذها .
_رفع راسه اياد بعصبيه.
ابو بشاير::صح اني ضيف بديرتكم
بس البنت امنت بي ومايصير انطيها
اله واهي راضيه واطمن شراح يكون مصيرها .
_حاول ابو حيه . يفهمه الموضوع
كام مترخص منهم واشرلي اتبعه طلعت ورا.
ابو بشاير::وش رايج بالهرج ذا
انا مابفهم كلامهم ان كان صج.
_اي صح وهذا لازم يصير حته احمي اختي ونفسي.
ابو بشاير::ومن بعدها وين ترحين .
_صفنت ثواني .
ابو بشاير::هاي الحسينيه هي النا
تعالي اكلمك لايسمعون.
_اشرلي تبعته لطارمه.
ابو بشاير::العمل لله والحسين مو بس شيش كباب
وجاي وضيافه. انقاذ مسلم من مشكله ستر حرمه
ايواء يتيم اجرهم افضل وارفع عند الله .
_مشكور الله يوفقك . همه كل همهم ابعد عن ابنهم
خايفين عله منصبه . وانه شرطي يحمون اختي
بس اكمل اتفاقي وياهم ارجع لبيتنا .
ابو بشاير::امسكي جوالك سيفي رقمي
وهاي نسخه من مفتاح الحسينيه
حنه تنتهي اقامتنا بعد الزيارة لكن لو لزم الامر واحتاجيتني اجي العراك مو مشكله.
_تشكرت منه واخذت نقالي
فتحته واخ يل رسائل الي واصلتني .
قدر::مشتاقتلج ليش عفتيني انه بدونج ضايعه
اكلج ابو حيه عرض عليه يعقدني حته اكدر اطالب بورثي . بس اهله ماقبلو ولج طلع مزوج وزوجته بت عمه ولو هو احله منها .
_اقرء ودموعي اتصب .يتراولي شكلها وهيه تحجي
قدر::اكلج سونه جابوني لبيتهم يم اهله
صح ماسمعوني كلمه موزينه. بس احس بنضراتهم
الي وهواي صارت مشاكل بسبب وجودي .
_امسح بدموعي واقرء بتركيز
قدر::بتهم بعمرنا بس احسها مثلج
اكلج صدك الباشا ليل نهار يدورج بس تدرين
طلع خوش ولد ولو تشوفين شخصيته هنا تختلف.
_كاتبتلي كل يوم مرت بي وكل حدث
روحتها للمحكمه استوقفني امر .
قدر::متت قهر من حجه علاء عن ماضي امي
شكد خجلت يكلهم نغله . بس همه ولا اهتمو .
_صفنت علاء منين عرف وهمه كلهم انسجنو
يعني عنده تواصل بس بيمن معقوله بسليمه
لو محابس . اذن ماراح يسكت ولا يعوفني
وميه بالميه علس قدر وكالهم هيه الخبرت.
قدر::اذا تقرين رسائلي ردي عليه كليلي شسوي
انه حايرة . وخايفه طارق مايتقبلني .
_حجيت بكلبي اتحملي ياقدر .
طلعت من محادثت قدر ودخلت لصفحة الباشا
احس كلبي انمرد. ليش هيج اذا انته تحبني ليش
مانقذتني ولو واضح خوفك عله منصبك.
الباشا::سمرة بس طمنيني عليج
ولج وين انتي ليش شارده ماعليج شي تعاي
حركت الصعده بناسها لعيونج ماخليت الهم اثر.
_اقرء واشهك.
الباشا::بس ردي عليه خلي عيوني تغمض
سمرة طيرتي النوم من عيني تعاي اضمج بروحي.
_كمت وانه احجي شيفيد كلامك بعد
دخلت عليهم . كالو راح نزور حضري روحج.
ابو حيه::لا تخافين بشاربي انتي .
_للفجر وابو بشاير يوصي بيه
حفظت الرقم والعنوان وطلعنا بعد ماسلمت عليهم
الطريق كله عيوني تدمع وصلنه بوجهنا للمركز دخلوني
اياد::بس خليهم يشوفوج ونطلعج قبل مايجي الباشا
_خلو ابأيدي كلبشات .
اياد::سوي روحج منتهيه من التعذيب.
_سحلني الشرطي يجر بيه ويغلط
وكفني باب الموقف صاح عله وحده من السجانات
الشرطي::هاي من الصعده خليها هنا ماريد هوسه.
_ردت بصوت عالي.
السجانه::اي غير وي ربعها هذن هنا.
_صارت ضجه اباوع اتقدمت سليمه تباوع
وام دعدوش وجها ازرك مابين منه شي
الشرطي::لا بعدها مامخلصه تحقيق.
_ضلن سليمه وام دعدوش يباوعن
وانه مسويه روحي مواته جرني يسحل بيه
بممر ثاني ونفس الشي هم وكفني باب غرفه
ونوب رجعني لغرفة اياد . لكيته مخبوص.
اياد::بسرعه طلعها من الباب الخلفي.
_طلعوني اجه اياد اشرلي عله سيارة
صعدت اخذني لبيت محد بي ضليت اليل
كله كاعده الصبح اجه .
اياد::ندخلج للمحكمه حته ولد الصعده يشوفوج
لان اليوم يصعدون لقاضي التحقيق.
_مسيرة بدون اختيار انفذ .
كملنه كل اتفاقنا دخلوني للقاضي وكان عنده علم بكلشي وسال عن محابس وفاجئني سؤاله عن الباشا.
القاضي::هل تم مساومتك
من قبل الضباط الي تعاونتي. الضابط الملقب بالباشا.
_لا ابدا وكان كل تواصلي ويه هذا الضابط.
القاضي::اذا حابه تقدمين دعوى عله المدعوى سليمه.
_لا .كملنا واديت قسم الشهادة وطلعت
تبعني اياد .
اياد::اطلعين منا تلكين سيارة سايبه منتضرتج
اباب المحكمه بيها رجال لابس دشداشه زركه
اركبي ويا يرجعج لنفس المكان وانه اكمل شغلي واجيج .
_هزيت راسي اي اريد بس اطلع الخوف والرهبه من المكان احس كلبي يدك بكل قوته درت وجهي بعدني ماخطيت خطوى صاح عليه.
اياد::سلاسل .
_التفتت عليه.
اياد::اتمنى ماتردين عله الباشا ولا تراسلينه.
_غمضت عيوني بمعنى اي .
وانه احلف لنفسي ولقدر بس خل اوكف عله رجليه
لراويكم الويل .ومشيت بسرعه دموعي حاجبه الرؤياطلعت باب المحكمه اباوع لمحت السيارة
توني اريد اعبر وا شوف الباشا صف سيارته
ضليت حايرة نزل وعبالك متاكد انه هنا
كبل عبر عله للسايق .الي متفقين اصعد ويا مدري شحجه ويا رفع راسه يباوع درت وجهي ومشيت بكل سرعتي . بين الناس حاولت اضيع روحي صوته اخترق مسامعي .
الباشا::سونه .
ملاحظه.
سلاسل اتكول الحب وحده مو كافي لاجل نستمر
انتو شتكولون ؟
