رواية علي اليتيم الفصل الثاني بقلم جمانه السعيدي
علي...امي كانت دائما تتهرب من اسئلتي
وتغير الموضوع
مرات تصير عصبيه عليه من اسئلها عن اهلي
ومرات تاخذني بلسياسه
بس اني كلما اكبر
احس اكو لغز او شي امي ماتريدني اعرفه عن اهلي
هسه هي ماعدها اهل افتهمنا
لعد ابوي وين اهله
ما معقوله ثنيينهم ماعدهم اهل شنو مكطوعين من شجره
بالثالث متوسط ابو مهدي صديقي مات
كان يبجي علي بحركه
ماعرفت افسر شعوره شني
لان اني اصلا ماعندي اب
بس كنت حزين علي وبجيت ويااا
وصلني احساس الحزن بس ما وصلني شعوره اتجاه ابو
لان اني ماعايش هذا الشعور
كل يوم كنت اروح واكعد وياا بيتهم
حتى اخفف عنه حزنه
بيوم السابع سوو عزيمه واني كنت اساعدهم
وكاني فرد منهم
اكبر واحد مهدي بلعائله وبعد عندا خوآت ثنيين ازغر منه
وأخ ازغر واحد
بعدها بيوم اجاني للبيت
مهدي...تعال وياي اريد اروح اكبر صورة ابوي حتى نعلكه بلبيت
علي...اي بس ابدل واجي
أخذنا الصوره ودخلنا على واحد مصور
واتفقنا وياا يكبر الصوره على القياس الي احنا اختارينا
والدفع بعد مانستلم الصوره
طول الطريق من رجعنا واني افكر ليش اني ماعندي صوره الابوي ليش بيتنا كله مابي صوره
جان هسه مكبره وخاله بلبيت
بس ارجع اريد اسئل آمي اذا عدنا صوره حتلو زغيره
اخذها واكبرها
جمانه السعيدي
وصلت للبيت لكيت امي بلمطبخ
علي....هلو امي
امي.. هلو حبيبي شلونه مهدي
علي....زين
امي...لا تعوفه خطيه مهدي خوش ولد
علي...لا اني مراح اعوفه ابد هذا صديقي واخوي
امي.. عفيه وليدي
علي...اريد اسئلج سؤال
امي...انت كثرانه أسئلتك هليام كول
علي...هم عدنا صوره الابوي
امي ارتعبت من سؤالي ونست لزمت الجدر وهو حار
امي...اي اخ احتركت
علي...سلامتج الف سلامه ليش ما تنتبهتي خل اشوف ايدج
امي...لا عوفني هسه اخليلها عصاره اخ توجعني
علي...ماوجاوبتي على سؤالي اريد صوره الابوي
امي...شسوي بيها
علي...اريد اكبرها تعرفين اني ماعرف شكل ابوي
ولا حتى شايفله صوره
امي...ماعندي صوره الابوك
علي...ليش
امي...ماعندي
علي...ليش ما معقوله ماعندج صوره الابوي
امي...احتركن الصور
علي...شلون احتركن
امي...جنا عايشين بيت وحترك علينا والصور كلهن احتركن
حتى صور عرسي
علي...يمته احنا ماعشنا بيت واحترك
احنا جنا عايشين بلمستسفى وبعدين بهذا البيت
يمتى بيتنا احترك
امي...اهووو شكد تلح
علي...اي اججيلي اريد افهم يمتى بيتنا احترك
امي...قبل لا تنولد انت بيتنا احترك
علي...وابوي مات بهذا الحريق
امي...اي اي ابوك مات من احترك بيتنا واني اخذتك ونهزمت بيك
وكل اوراقنا ومستمسكاتنا والصور احتركت بلبيت
كلشي ما بقى منهن
خلفله على دكتوره سميره
توسطتلنا هي وزوجها وطلعنا أوراق جدد
جمانه السعيدي
علي....ليش اهل ابوي مايسئلون عني
امي...كلهم ميتين منو يسئل عنك مثلا
علي...اريد اعرف كانو عايشين باي منطقه اني من وين
تعرفين أصدقائي يعرفون اصلهم وعشيرتهم
واني مثل الأطرش بلزفه
كلشي ماعرف
امي....يمه ليش تطلع كلبي هاي سالفه قديمه وانت كل يوم تنبشها من جديد
علي....اي غير افهم ترا اني الوحيد كلشي مااعرف عن اهلي
امي....اي ايدي توجعني شلون صارت حمره
علي...خل اشوف ايدج توجعج خل ابوسها وطيب
لزمت ايدها بستها
امي....هههه الله يحفظك اليه كلشي مااريد من هاي الدنيا
لا قصور ولا املاك بس اريد رب العالمين يحفظك اليه
علي...ويحفظج اليه خل اجيب العصاره اخلي الايدج
امي....تبوس ايدي تضحك عليه
علي...ادهن بايدها لا مو اضحك عليج
اني قبل من تبوسيني من مكان الوجع احس نفسي احسن
امي...انت وجودك بحياتي
يخليني احسن طول الوقت بس فدوه بطل تسئلني
هاي الاسئله
اضوج منها مادام انت ما ناقصك شي
عوف هاي الاسئله لا تسئلها
علي...اذا اضوجين خلاص مراح اسئل مره ثانيه
امي...فدوه العيونك
كنت اراضي امي بهذا الكلام بس اني الصدك اريد اعرف
اهلي
ليش اني ماعندي اهل حالي حال هاي الناس
ايجوز اكو خلاف بين امي واهلها ومقاطعينها
زين ابوي هم اكو خلاف بينها وبين اهل ابوي
شكد ما يطول الوقت لازم اعرف اكيد لازم اعرف الحقيقه بيوم من الايام
كلما انجح من مرحله المرحله
امي ما تقبل اشتغل بلعطله تكول لا أخاف عليك
اذا صار عليك شي اقتل نفسي
أخاف تتعب لو يوكع عليك شي احنا الله ساترنا
ولله الحمد صح الراتب قليل بس مكفينا
كانت اجيبلي كتب المرحله الي بعدها
واكعد اقرا ساعتين بليوم
ومسموح اطلع ساعه وياا مهدي نروح مكان عام
نتونس نغير جو
بالاضافه اني كنت اساعد امي بشغل البيت
خطيه كبرت مو معقول تجي من المستشفى الشغل البيت
كنت اغسل ملابسي واكويهن
واحضر الاكل
يعني العشى عليه اكلي اي شي عدنا واساعدها بغسل المواعين
اني هم احب امي ومتعلق بيها أغلى شي عندي بهاي الدنيا امي
وصلت السادس وهنا كانت داخل تحدي وياا نفسي
لازم انجح واطلع معدل
اريد ارفع راس امي واعوضها كل التعب الي تعبته علمودي
كل الوقت اقرا واني ومهدي واحد يشجع الثاني على
المثابره والصبر
الحمد لله خلصت امتحانات وطلع معدلي زين
رغم اني ابد مادخلت دورات صممت اقرا وحدي
حالتنا الماديه ماتسمح ادخل دوره
لان احنا عايشين على الراتب ويله مكفينا
انقبلت معهد تحليلات
هم زين اني من زمان طموحي ادرس بلصحه
مهدي معدله اقل مني درجتين هم انقبل معهد
راح انداوم سوا اني ويااا
فرحت امي ما تنوصف من سمعت اني نجحت
كامت تبجي
علي...ليش تبجين
امي....مامصدكه ابني راح يدرس تحليلات ويتخرج
ويشتغل بلمستشفى
اريد امشي واصيح هذا ابني رفع راسي
هذا ابني ما ضيع تعبي
علي....وراء كل رجل عظيم امرأه واني بدونج كلشي مااسوه حبيبتي انتي
امي...الله يحفظك ويبارك بيك
بدا الدوام والأجواء بلنسبه اليه كلش حلوه
كنت احس نفسي كبرت ١٠٠ سنه مو سنه وحده
هلكد ما سعيد وفرحان وصلت الاخر مرحله
بعد دوام لمدت اربع اشهر
بيوم كاعد برا بلحديقه اجا يمي ولد مااعرفه بس مو من قسمي ومبين جبير مو من عمر دفعتنا
...السلام عليكم
علي...عليكم السلام
....انت من القسم الفلاني
علي....اي تفضل بيش اخدمك
....اريد اسئلك على بنيه بقسمكم
علي... نعم
... اي بنيه وياكم اسمها ريحانه مصطفى
علي...مااعرفها
...اني اعرفك عليها
علي....ليش لازم افهم
....أريدك تشوف منو القريبه منها منو صديقتها
اريد اتعرف عليها حيل عاجبتني واذا تكدر بحكم وجودك
وياها بنفس القسم ونفس المكان
اجيبلي رقم تليفونها اكون ممنون منك
اكيد تكدر بحجة امتحان او تطلب منها ملزمه
علي... وكفت على حيلي ورديت علي بعصبيه
انت اشايفني كدامك مرسال الاحبه صدك ما تستحي
عيب هاي السوالف
احترم نفسك
...انت ليش عصبي هي أقاربك
علي...حتلو مو اقاربي هذا الحجي عيب
مادام البنيه محترمه نفسها ابتعد عنها
لو صير رجال وروح اعترف الها انت تحبه وتقبل ردها
مهما يكون
