رواية علي اليتيم الفصل الثالث بقلم جمانه السعيدي
علي...عفته كاعد ومشيت شكد ضجت من كلامه
من كل عقله اني اروح اجيبله رقمها
هو اني حتى شكلها مااعرفه
شنو علاقتي اني بيها واذا موجود بنفس القسم
حسيته جبان
اي جبان اذا يحبها صدك يروح ويصارحها ليش يدخل طرف ثالث بلموضوع
واذا رفضته ساعته يفكر بغير حل
المهم رجعت دخلنا بلقاعه
بس الفضول بداخلي يقرأ الف اريد اعرف هاي ريحانه منو
شلون شكله
ليش هذا يحاول يحجي وياها
اني الصراحه من بدا الدوام لسه ابد ما احجي وياا البنات
ولا اديرلهن بال
مو تكبر لو مستحى بس اني عندي مهدي معوضني
عن كل الناس اذا هو موجود
لو تحترك الدنيا مالي شغل بيها
قررت اشوف ريحانه
شلون اعرفها قابل اروح اسئلهن منو ريحانه
بس لازم اكو طريقه اني مااريد منها شي بس اريد اشوف شكلها وبس وبعد مالي علاقه بيها
بقيت ادور بلوجوه بس مو يعني اباوع بوجوه البنات
من بعيد ياترى من منهن ريحانه
شكد شاغلني اربد اشوف شكلها
جمانه السعيدي
فات اسبوع واني ماعرفت منو ريحانه
فاشل اني مو بلله يعني بنيه وياي بنفس القاعه
وفاشل بلتعرف عليه
ماعندي خبره وابد ماحجيت واي اي بنيه طول هاي السنين الي فاتت
اكيد ماعندي خبره شلون اتعرف عليه
تقريبا عفت الشغله وبطلت افكر شلون اشوف شكل ريحانه
المهم بعد اسبوع دخلت للقاعه وشفت البنات مجمعات على وحده وهي تبجي
اكو ولد كان واكف قريب عليهن اسمه عقيل
مهدي اشرله شكوووو
عقيل اجا وكف ويانه وكال
عقيل...هاي طالبه ويانه ابن اخوها مات طفل زغير
الضاهر مريض من الولاده
بس االطفل الاول وعزيز عليهم
مهدي...هاي الجمعه كلها والبجي علمود طفل زغير ولله البنات عدهن سوالف
علي...عيوني رقيقات وحسوسات وكمت اضحك
مهدي...لا ولله بطرانات
عقيل....لا ولله ريحانه خوش بنيه كلش مودبه خطيه اهلها
مو بغداد محافضات ايجوز باجر ترجع الاهلها
علي...اني حسيت كل حواسي فزت من كال ريحانه
....اسمها ريحانه
عقيل...اي
علي...هم اكو بعد وحده اسمها ريحانه لو بس هي
عقيل...لا بس هيه
علي بقيت عيني عليها واخيرا راح اعرفها
دخل الاستاذ وكل الطلبه كلمن رجع المكانه
اني كاعد كدامها بسطرين على جهة اليمين
اربد اشوف شكلها شلونه بقيت اباوع لمن البنات كلمن رجعت المكانه
باوعت حلوه وجها ابيض عريض وعدها غمازات واضحات لابسه حجاب بس مقدمة شعرها طالعه
فاركه شعرها وساحبته ولا بسه حجاب اسود
شكد لا يك عليها الحجاب
لابسه قميص ابيض وستره سوده قصيره
ردن القميص مصعدتها على الستره
بحيث طالع شويه من معصمها لابسه سوار فرفشه
هذا ابو الدناديش
لان باجيه وجها صاير وردي خشمها وردي
تمسح بدموعها وتحاول تركز
ماكدرت انزل عيني من عدها وكانما اول مره اشوف بنيه بحياتي
جمانه السعيدي
بدا الاستاذ يشرح
واني كل شويه التفت حتى ابوك نضره منها
كلش تعاطفت وياها حسيت نفسي اعرفها من زمان
قررت بس تخلص المحاضره اروح احجي وياها
ودي اشوف وجها من قريب
اريد احفظ ملامحها
بس شراح اكول هاي شبيك علي تبقى غبي
كول البقيه بحياتج
يمكن ماادبرها
خلصت المحاضره واني كلشي مافهمت منها
لان كاعد اخطط شلون اتعرف عليها
بس خلصت المحاضره ردت اطلع من هاي الجهه واروح عليها
علما طلعو الطلاب الي كدامي طلعت لكيت صديقاتها ماخذاتها وطالعت حتى تغسل وجها
ضجت ورجعت كعدت
مهدي...هاي شبيك ليش كعدت
علي.. تموت
مهدي....منو؟؟؟؟؟
علي....ريحانه
مهدي...ربحانه منو
علي...هاي شبيك البنيه الي تبجي
مهدي...اي بنيه
علي....اسكت لا تحجي
مهدي....بشرفك ياا بنيه هااا قصدك هاي الي تبجي على ابن اخوها
علي....صلاوات همزين
مهدي....شبيها
علي...حلوه
مهدي....لا صدك هذا علي الي يحجي لو واحد غيره
ولك انت من يمتى تحجي بلبنات
شو طالعه عينك
علي...مو اني ماحجيتلك اكو ولد معجب بيها وراد اساعده
حتى يحصل رقمها
مهدي....امداني مالكه غيرك يساعده على اساس انت
كزنوفا ماكو منك
علي....هههه صار اسبوع ادور عليه ماعرف شكلها
اريد اعرف منو من البنات
لو ماليوم عقيل كال هاي البنيه اسمها ريحانه مجان عرفتها
مهدي...هسه شنو عجبتك
علي...ولله حلوه
مهدي...باجر اريكك على حسابي اذا حجيت وياها كلمه وحده
علي...اتفقنا بس لا ترجع بكلامك
مهدي....ابد ماارجع بكلامي
علي...حتلو كلمه وحده
مهدي....حتلو كلمه وحده خل نشوف شطارتك
جمانه السعيدي
علي.تراهنت وياا بس اني الصراحه عمري ما حاجي وياا بنيه
شلون راح احجي وياها
شفتها كاعده برا صديقاتها كاعدات وياها
جمعت كل شجاعتي ورحت
قربت كلهن يباوعن عليه احراج احس جسمي اشتعل نار هلكد مامحرج
علي...صباح الخير
كلهن ردن عليه صباح الخير
علي....ريحانه
راسا رفعت راسه اتباوع عليه بستغراب لان ما تعرفني
معرفه شخصيه صح تعرف اني وياها نفس القاعه والقسم
بس اني مو من نوع احجي وياا البنات
واتفيك واحاول أبرز نفسي
اني شاب بحالي مالي شغل باي احد
ربحانه....نعم
علي.. البقيه بحياتج
ريحانه...حياتك الباقيه
علي...اذا تحتاجين مساعده اني موجود
ريحانه...شكرا
علي درت وجهي ومشيت ودي اركض فرحان لان حجيت وياها
ودي التفت واشوف الرئكشن والتعبير على وجها ووجه صديقاتها
وصلت يم مهدي.
علي...هااا شلوني حضر ريوكك
مهدي....ولك بقن كلهن يباوعن وراك انت شحجيت وياهن
علي...سر مراح اكوله
امشي ريكني ولا ترجع بكلامك
مهدي...أمري لله امشي
ثاني يوم كان الأربعاء مادامت ربحانه وبعدها الخميس والجمعه والسبت
للاحد يله رجعت داومت
كنت كاعد بلقاعه ودخلت
لابسه بنطرون قماش اسود وحذاء عالي اسود
وبدي اسود بي وركه رصاصي على الصدر
حجاب اسود وطالع شويه من شعرها
خدودها ورديات
بقيت اباوع عليها منا لمن كعدت بمكانها
كمت من مكاني ورحت عليها
اني مااعرف منيين اجتني هاي الجرئه
علي...صباح الخير
رفعت راسها مستغربه
ريحانه...صباح الخير
علي...الحمدلله على السلامه افتقدناج
ردت عليه ووجها علي الف علامة استفهام
ريحانه...الله يسلمك
علي...انشاء الله الاهل زينيبن
ريحانه...تمام
سكتت ضاع الكلام مااعرف بعد شنو احجي
هي ساكته واني ساكت
بعدين اذكرت
علي...اذا تحتاجين المحاضرات الي فاتتج اني موجود
ريحانه...لا شكرا اخذهن من البنات
علي سكتت بعد ماعندي موضوع ارتبكت
...من رخصتج
ريحانه تفضل
مشيت لا كني صديقاتها جايات جانن يباوعن علينا
التفتت شفتهن مدنكات عليه وياشرن عليه ويضحكن
وهي مبتسمه
مهدي منتضرني
مهدي...هاا خير وين جنت
علي...زميلتي واجبي اعازيها
مهدي....اي وانت ابو الواجب كلك فهم
ليش ماتعازي الشباب بس ريحانه
علي....رفعت حواجبي اني حر
من بعدها كنت اتعمد من تدخل للقاعه الاكيها ابتسم
واكول صباح الخير
هي تبادلني الابتسامه وترد علي للسلام
صار بينا نوع من التجاذب
ابتسامه من بعيد وسلام وبس
جمانه السعيدي
مره الاستاذ كان ضايج حيل وجاينا شايل الدنيا على راسه
هي المسكينه كانت ما منتبها
راسا الاستاذ صاح عليها وكال يله اشرحي
هو بعدا ماشراح اي شي
ريحانه...شنو
الاستاذ...شنو طبعا لو منتبه جان عرفتي شنو
ريحانه...بعدك ماشرحت
الاستاذ....وشلون اشرح وحضرتج ملتهيه تحجين وضحكين
ريحانه...اسفه استاذ
علي. اباوع عليها انحرجت حيل
الاستاذ...اطلعي برا
علي....وكفت استاذ ماكانت منتبه ليش اطلعها
الاستاذ...وانت محامي ادافع عنها
علي...لا مو محامي بس كلمة الحق تنكال
الاستاذ.. اطلع انت وياها
راسا هي دنكت اخذت جنطتها وطلعت واني طلعت وراها
لكيتها منتضرتني بلممر
ريحانه....ليش حجيت شوف طلعت بسببي
علي...ولا بهمج اني هم هيج استاذ ما يعجبني احضرله محاضره
تعاي نشرب جاي
راسا الضوجه راحت منها ابتسمت ابتسامه تخبل
كعدناونشرب جاي
ربحانه...ممكن اسئل كم سؤال للفضول وبس
علي...حاس نفسي بمتحان كولي
ريحانه....اني تفاجئت من شفتك اجيت تعازيني انت تعرفني قبل
علي....تعرفين اني اسبوع ادور عليج اريد اشوف ربحانه شلونها
ريحانه...شلون يعني
علي...يعني باعزيزتي اجا ولد وطلب اتوسطله حتى يتعرف عليج
ريحانه....ولد اي ولد
علي...مااعرفه من حجا عنج اخذني الفضول اشوف شكلج
بقيت اسبوع ادور بلبنات عليج
بعدين بيوم مات ابن اخوج شفت البنات مجمعات
سئلت كالو ريحانه تبجي
بقيت اباوع اربد اشوف ريحانه
علي....خليت ايدي على صدري علي اتشرف بمعرفتج
ريحانه....خليت ايدي على صدري اليه الشرف فرصه سعيده
ضحكنا ثنيبنه كان هذا اول لقاء الارواحنا سوا
شكرا لزيارتكم عالم روايات سكيرهوم
