رواية معالج الروح الفصل الثاني بقلم جمانه السعيدي
معين خالي الجبير اشترا بيت وطلع بقه بس خالي الزغير بلبيت واني وبيبي وياهم
خالي الزغير عندا ولد ثنيين الجبير أمير بعمري
والثاني ازغر سنتين
والبنات ازغر
من خلصت ابتدائيه خلصت السادس ابتدائي
اني نجحت وابن خالي طلع إكمال بدرسين
ثنيينه نفس الصف ثنيبنه بلسادس
هو لان يشوفهم بلبيت يحجون عليه ومقللين قيمتي
ضاج لان اني نجحت وهو رسب
بلطريق اتعارك وياي
حتى من نوصل اهله يبقون يحجون عليه ويغلطون وينسون شغلة النجاح لان اكيد امه راح تحجي علي بس تعرف اني نجحت وهو طلع إكمال ضربني وغلط عليه حتى تصير مشكله
واني انكتل وماافرح بنجاحي
رغم اني كنت اعتمد على نفسي واقرا وهو امه تقري بي ليل نهار
وصلنا للبيت وهو يتهدد عليه بس اني خوش كتلته كتله
وشكيت قميصه
بس هو الي بدأ هو الي ضربني بلاول وغلط عليه
بس وصلنا للبيت وزوجت خالي شافت ابنه مضروب
والنوب منو معين الي ضاربه
يبوووو يوم اسود لمت الجوارين علينا
بيبي....ياا ليش يمه ليش ضربت ابن خالك
معين...هو الي بدا ضربني وغلط عليه ليش اسكتله مثلا
بيبي...غير ابن خالك
معين...ابن خالي يضربني واسكت لا ولله مااسكت ابد
هو بس شاف النتيجه وشافني نجحت ضاج
وتعارك وياي
اجا خالي بس دخل للبيت راسا زوجته كامت تعيط
معين هجم على ابنك وضربه
وين اروح من معين امي عايشه مرتاحه واني الضيم عليه
شلون اخلص منه
اني معين مكتوب عليه ليش اتحمله
عندا اهل يتحملونه
هو هذا الي كان يريده أمير ابن خالي يبقون يحجون عليه ومايركزون على درجاته فد خبيث
خالي اجا الغرفة بيبي
خالي...وووينه وووينه الدايح الحقير فوك ما ملفينا بيتنا
ياكل ويشرب النوب يضرب امير
اليوم مايبقى هنا دقيقه وحده
يروح ورا امه هي تتحمل مسوليته
بيبي...هو ماكاعد بيتك شنو يروح ورا امه هو كاعد يمي
ابنك الي ضاربه بلاول
خالي...هاا هو الي كالج وانتي صدكتي قليل التربيه
انتي الي كبرتي راسه
انتي يغلط ودافعين عنه
معين اني كاعد بصف بيبي حتى تحميني بس بوقته شكد حقدت على خالي
ماسئلني ولا استفسر على هذا الموضوع كبل هجم عليه
وكانما يطلبني ثار
وكان منتضر الفرصه
زوجت خالي اخذت جهاله وطلعت جمانه السعيدي وهي تصيح لو اني لو معين بلبيت
خالي يتهدد من جهه مايبقى بلبيت يروح الامه بعد مانريده بلبيت
بليل بيبي كامت تطبخ عشي كلت بيض وطماطه وخبز
خالي...خلي المحروس يطبخ حتى المره هجت من ورا
بيبي...اني اطبخ لا تحجي اسكت
خالي ثاني يوم راح يصالح زوجته بس ماقبلت ترجع
عدها شرط معين يطلع من البيت
خالي رجع ضايج حيل
كعد كبال بيبي
خالي....ليش ما يروح الامه اني عائلتي راح تتفلش بسببه
شلون يبقى وضعنا هيج
اني شنو ذنبي متحمله ابو عايش حياته ومايسئل عنه
وامه ازوجت وخلفت وعايشه حياته
اني ليش اتحمله شنو ذنبي
بيبي..شلون يروح الامه زوجها مايقبل يايمه اتهدا بلرحمن
هسه ترجع مرتك
خالي...لا اني اشوف بيت ااجر واطلع احسلي خل معين
يفرح طشرنا
بيبي...ياا تعوفني وحدي بلدار هاي جزات الربى
خالي..غير انتي تردين معين خل معين يفيدج
بيبي...خاف ربك شنو واذا ضرب ابنك ابنك الي بدا العركه
لان راسب ومعين ناجح
خاف تحجون علي تعارك وياا معين
بعدين ابنك مكسور لا شاكين بطنه وطالعه مصارينه
ايدا مكطوعه
الحمد لله مابي شي
يوميه ولدك يتعاركون شو مرتك ماتزعل
لو اليوم استنكفت من معين
واذا ضربه عادي
خالي...انتي السبب ضاله اطمطمين له
بيبي...اذا انت غيرتك على امك تخليك تعوفه وتطلع اطلع
اني ماالزمك ابد
اني اليه رب العالمين
خالي...اي شلون شنو الحل راح نبقى هيج صوتنا عالي كدام الناس
بعدين معين كبر واني اخاف على بناتي منه
معين كلت بكلبي عاد بناتك ماكو منهن وحدته جنه خنسفانه
بيبي...اكطع البيت اني اليه غرفتي ونص الهول
ونبني مطبخ وصحيات برا حتلو بلوك
ورجع مرتك اني مااعوف معين ابد
اني ربيته ومااعوفه
خلي مرتك تاخذ البيت بلعافيه عليه
طبعا نسيت اكللكم بيبي عدها راتب تقاعد ونص مصرف البيت عليه
المقترح عجب خالي لان مراح يدفع ايجار
اذا يطلع راح يدفع ايجار وهو راتبه مايتحمل ايجار ومصرف
البيت جبير ٣٠٠ متر وبي حديقه جبيره
بليل راح الزوجته
خالي...باجر اجيب واحد يقسم البيت
زوجته...اوي شنو يقسم البيت يصير يخنك
خالي..لا احنا ناخذ الحصه الجبيره جمانه السعيدي وامي اله غرفته ونص من الهول نفتح باب على الترك ونص الحديقه
نبي بيه مطبخ وصحيات الهم
زوجت خالي...بس مالي شغل بيهم لا انضف ولا اطبخ
كافي عليه جهالي
خالي...ابد مالج علاقه بيهم عسى مايحتركون
مدام امي اختارت معين وفضلته عليه خليه تتحمل
خل معين يفيده
معين ثاني يوم خالي حاب واحد قسم البيت
وجاب مواد بناء وقطع البيت
طبعا نقص من العمال واحد وطلعني بمكانك ليش يدفع اجور عامل ومعين موجود
والكرده مالت الطابوك والوصاخه اني طلعته للشارع
اسبوعين كمل الشغل رجعت زوجت خالي للبيت
هنا اني صارت عليه مسوليه جدبده
انضف البيت واطبخ
بيبي علمتني على الطبخ
بيتنا مايتوصخ يعني انضف مره وحده بليوم
بس احضر الريوك والغدا وعشى واغسل ألمواعين
صح صار عليه شغل بلبيت قبل ماجنت اشتغله
بس ارتاحيت نفسيا
قبل خالي وزوجته يكوموني بغلط ويكعدون بغلط
من غير جهالهم الي شادين وياي
يضربوني وينهزمون
اجت المدرسه الصبح بيبي تحضر الريوك
واجي الكاها طابخه ياربي طبخه شكد طيب التمن ماينشبع منه والمركه تخبل
اتغدى واغسل المواعين جمانه السعيدي واحضر الجاي واطلع كتبي اقرا
بليل انضف البيت
بيوم لعطله اغسل ملابس والبطانبات والجراجف
اما امي كل اسبوعين تجينا مره
بس مااحسه مشتاقتلي ابد
سلام عادي وتسألني شلونك بلمدرسه وهاي هي
مرات تشتريلي تشريت لو تراك
يعني بالصدفه
بس بيبي ابد مامقصره وياي
حتى خوالي يغارون من معالمته اليه
خالتي كانت تهتم بيه اكثر من امي من تجي تسألني خاف محتاج شي وتطبخ اكل ودزلنا
على العموم اني امي الحقيقه ببيتي حتى عافت ابنه علمودي الله يمكني واجازيه
ابن خالي أمير بنفس مدرستي بس اني مااحجي وياا ابد
شكد يتحرش بيه
ويحاول يتعارك بس اني ماانطي مجال
مااريد مشاكل
ومااريد واحد يحجي على بيبي لان هي ماتستاهل
اريد انجح واحقق احلامي
اريده تفتخر بيه
اريد اركز على دراستي حيل
