رواية معالج الروح الفصل الثالث بقلم جمانه السعيدي
معين مره طلعت الضهر اشمر الزباله برا جان اشوف أمير يدخن بلشارع بلركن باوعت علي راسا شمر الجكاره
اني مالي علاقه بي
دخلت للبيت اني مااريد احتك بي لان هو خبيث ويكلب المواضيع وعندا استعداد يحلف جذب
اني من دخلت خالي طلع يدور علي شاف الجكاره بلكاع
لزمه من من ايده
خالي ..هاي شنو الجكاره احجي
أمير....معين معين جان هنا يدخن ويكلي تعال دخن وياي
خالي...شو خل اشوف حلكك
قرب خالي وشم ريحة الجكاير بحلكه
الله ياخذ معين هذا لعنه ونزل علينا شلون مانخلص منه
معين اني كنت انضف بلبيت مااحس اله خالي دفع الباب ودخل
راسا لزمني وطاح عليه ضرب
معين...عوفني ليش تضربني اني شسويت
خالي...شسويت جاي تعلم أمير على التدخين وباجر تاخذه بدروب موزينه ولك انت حيوان بعد شكبرك تصير
معين...عوفني اني ماادخن ابنك من زمان يدخن توك يله شفته
طبعا هو بين كلمه والثانيه يضربني ومستمر يغلط عليه
على الصوت طلعت بيبي
سحبتني منه
بيبي...عوفه ليش اضربه
خالي..معلم أمير على الجكاير
بيبي...معين مايدخن روح شوف ابنك منو علمه على الجكاير
خالي...انتي ابقي ادافعين عنه جمانه السعيدي منا لمن يخرب أطفالنا كلهم
معين...هاك شم حلكي شنو مامبين الي يدخن تصير ريحة الجكاير حته بملابسه
راقب ابنك قبل لا تتهمني
طلع خالي من بيتنا واني كعدت ابجي على حضي
يعني فوك الحرمان الي عايش بي
لا ام ولا اب النوب المشاكل تركض وراي ركض
بيبي...لا تبجي يروحلك فدوه أمير وابو
معين...اني اعرفه يدخن من زمان بس مالي شغل بي
هذا أمير واحد خبيث وينكط سم
بيبي...على امه حيه ميخالف لا اضوج
شكد بجيت بيومه اي ليش هاي المذله مو قطعت علاقتي بيكم شتريدون
اني اكلكم ليش حاقدين عليه قبل بيبي شايله نص مصروف البيت وهمه عايشين مرتاحين
من فصلنا البيت بيبي كلشي ماتنطيهم
لان هم يله مسواك النا ومصاريف يله نوصل النهاية الشهر
متوقعين اني كوشت على الفلوس الي هي اصلا من حقهم
يردون بيبي تطردني وهمه يعيشون براسه
لا تتوقعون يهمهم وين اروح دائما خالي يردد من تصير مشكله
خلي يعيش بلشارع اني شلي شغل بي ليش اشغل تفكيري
وين يعيش
يعني مستعد يشمرني بلشارع ومايهتم
مع انو اني جنت اشتغل طول العطله واجمع مصرفي المدرسه
بلعطله اروح اشتغل ابقه ادور شغل اي شي اشتغل
عامل بمطعم بمخبز بكراج حتى وياا حداد اشتغلت فتره
ابقه اشتغل طول العطله واجمع مصرفي
حتى الراتب يكفي مااريد اصير حمل على بيبي
خلصت ثالث متوسط ونجحت لااعداديه وهنا حسيت نفسي كبرت وحسيت بلمسوليه اكثر
لازم ادرس واجتهد اكثر لان الاعداديه صعبه
اما أمير صار يشرب جكاير عادي كدام ابو وكل يوم متعاركين وصوتهم عالي
وكام يرسب
كل مشاكلهم داخل البيت نسمعه لان بس الحايط بينا
خالي...شبيك تخبلت ليش راسب
أمير...بكيفي ماأحب المدرسه
خالي..شنو ماتحب المدرسه معين احسن منك
يدرس ويشتغل وكل سنه ناجح
وانت كلشي متوفرلك وادخن وتعاند وفوكها راسب
أمير...اذا ماتعوفوني بحالي اعوفلكم البيت واهج
لان بس الحايط بينا يعني عايشين سوا كان الصوت واضح
وهاي المشكله كل يوم بين خالي وامير
مرات اكول يمكن خالي ماضايج علي لان يرسب كد ماضايج من نجاحي شلون اني انجح وابنه يرسب
المهم اني اقرا وانجح ومالي شغل بيهم
وصلت سادس اعدادي وامير ترك المدرسه
وامي من تجينا حايره بس بااختي عبالك ماعدها غيره
هي فعلا ماصار عدها غيرها من هاي الزواجه
يمكن تعتبر زواجه من ابوي غلطه واني اذكرها بهاي الغلطه
اما زواجه الثاني كان أعظم انجاز بلنسبه اله
من تجينا بس تسولف بيه جمانه السعيدي هيج حجت هيج كالت هيج ابوها يحبه هيج طلعت درجات عاليه
يمكن تكولون انت جبير وتغار من اختك
اي اغار شنو يعني جبير وماعندي مشاعر امي ماانطتني نفس حب اختي
ولا شفت ابوي ولا حن عليه
الوحيده الي جاي تدعمني بلمشاعر بيبي
بيوم كعدت لكيت ببيتي متخربطه تخبلت عليه
ماتكدر تحجي حتى ماانتضرت خوالي لو انطيتهم خبر كبل
اجرت تكسي واخذته للمستشفى
والصدمه بعد فحصه طلعت عدها جلطه
مكابله وابجي اذا يصير ببه شي شلون بيه منو اليه
منو يرحمني
اتصلت بخوالي اجوو
عافو مرض بيبي وبس يحجون عليه
انت السبب اكيد انت ضوجته شلون توكع هيج
وليش تتصرف من كيفك
اني كاعد وابجي من القهر عليه وهمه حايربن
شلون تتصرف من كيفك يعني اعوفه علما اتصل وتجون شكد تبقى
المفروض تشكروني لان نقلته للمستشفى بسرعه
يومين واني مكابله وكاعد حتى للدوام مارحت
تعرفون اذا خسرته شيصير بيه اضيع
اضيع ويضيع مستقبلي كله
خوالي يجون ويرحون بس اني وخالتي مكابلينه وكاعدين
امي اجت ساعه وراحت لان المحروس مايقبل
طلعت بيبي بس الدكتور أكد على العلاج طبيعي
لازم جلسات علاج طبيعي جمانه السعيدي
لان ايدها اليمنى ماتحركه هي ورجله
طلعنا واجت وياي خاله للبيت حتى تعتني بيه وتطبخله اكل خاص الحالته
واني مابطلت ابجي عليه وادعي رب العالمين تكوم بلسلامه
بعد مااتفقنا وياا وحده تشتغل بلمستشفى تسووي علاج طبيعي تجينا للبيت حتى تنطيه هاي الجلسات
من تجي اني اكعد كباله واشوفه شلون تسوي البيبي
واحفظ الحركات صح اني ماعندي مثل اجهزته
بس احفظ شكاعد تسووي واحاول اسوي نفس التمام بن البيبي بس الفرق بيني وبين هاي ااممرضه
الممرضه عبالك جايه من ورا خشمه وعينه على الساعه
تحسب للوقت دقيقه دقيقه
اني من اسوي التمارين أضل اسولف علبه واضحكه وابوس بيه واسولفله قصص
بيبي...تدري من تسويلي التمارين احس نفسي هواي احسن
هاي البنيه توجعني وماله خلكي
هنا عرفت العامل النفسي اهم من التماربن بلنسبه الكل المرضى
رغم اني اسويه نفس التمارين بس الفرق اني اشغل عقله بغير شغله يعني اقص عليه قصه عقله يركز على القصه
مو على الالم الي تحس بي
او نكته اذا العقل قلل تركيزه على الالم
الالم يخف وحده
من هاي اللحظات قررت اني ادرس علاج طبيعي واحاول
اساعد الناس بس بطريقتي الخاصه
يعني اخلي العقل بمكان ثاني مو بمكان الالم
حتى التمارين تاخذ مفعوله بلجسم والمريض مايحس
بلوجع
ملاحظين اغلب الي يرحون للعلاج الطبيعي جلستين
ويبطل يروح
لان يحس بالم ومنا هو حالته النفسيه تعبانه مايتحمل
جلستين اتلاثه ويبطل
الحمد لله بيبي تحسنت حالته وعدها فرق هواي
تكدر تحرك ايدها بس رجله لا ماتكدر تحركه مثل قبل
تستخدم مشايه او عكاز
الشهاده لله خالتي ابد ماعافتنا كل يوم تجي تشوف طلبات بيبي
الصبح من اطلع للدوام هي تجي تريك بيبي وتغير ملابسه
وتنضف البيت وتطبخ غده
من ارجع اني من الدوام خالتي ترجع البيته
اما خوالي كل يوم يجون بليل بطمنون عليه ويرحون
ويشتروله علاج وفواكه
خلصت السادس ونجحت قدمت معهد صحة قسم علاج
