رواية متلازمة الحب الفصل الثاني بقلم جمانه السعيدي
ثاني بوم امي قررت تسئل دكتور اسعد
على ماجد
امي...دكتور من رخصتك
دكتور اسعد...اي تفضلي ام ياسمين
امي...انت تعرف اني ماعندي غير ياسمين هي الي طلعت بيها من هاي الدنيا وجبت عمري كله واني احاول احافظ عليها ولو هو الحافظ الله
انت ماتعرف اني شكد تعبانه عليها وعلى تربيتها
ولله حتى حرمتها تختلط بلناس هلكد مااخاف عليها لا احد يغدر بيها لو يااذيها
.دكتور اسعد....والنعم منج ومن تربيتج مايحتاج تحجين هيج انتي وبنتج غنيات عن التعريف
بس ليش هيج تحجين شبيها ياسمين احد اذاها
امي...لا محد يكدر يقرب عليها مادام خشمي يشتم الهوى
بس اخوك ماجد الله يحفظه طلب ايدها
هو لان يعرفها زين من ايام المعهد
البارحه مفاتحها بموضوع الخطبه
اني ماعندي مانع انتم احسن ناس بس اريدك تحجي الحقيقه امانه الله ورسوله
لان بنتي ماعندي غيرها اذا اخوك ما يلائم بنتي لو راح يتعبها كول لان اخوك يكدر يزوج غيرها
بس بنتي اذا ازوجت ونصدمت بي مراح ترجع الطبيعتها ابد
ياسمين حساسه ورقيقه
دكتور اسعد...اولا اني ماعرف بموضوع الخطبه هذا
ثانيا اذا على اخوي اني اتكفله
ماجد حباب ومحترم وماعنده سوالف موزينه
اني راح اتأكد من هذا الموضوع واذا طلع عنده رغبه بلزواج من ياسمين راح تلكيني اول واحد حاضر بهذا الزواج
واني الي اطلب ايدها منكم
امي...شكرا دكتور ما تقصر اني من سمعت كلام ياسمين
كتلها اني اثق بدكتور اسعد اذا هو كال الموضوع يمي خلاص شكرا دكتور لان سمعتني ولأن حسيت
بمشاعري كاام
دكتور اسعد...بلعكس انتي ام مثاليه هو هذا الصحيح
المفروض الواحد يتاكد ويسئل يله يزوج بنته
الزواج عشره حياة مو لعبه
امي...شكرا دكتور الله يحفظك
دكتور اسعد...العفو
جمانه السعيدي
ياسمين...امي رجعت وحجت كلشي صار وياها
العصر من رحت للصيدليه بس شافني ماجد ضحك
ماجد....هلو ياسمين شلونج
ياسمين....زينه ليش تضحك
ماجد.....كولي اني معجبه بيك من زمان جان سهلة عليج المهمه
ياسمين...نزلت حواجبي شلون خاف ما ترضا
ماجد...غير امج الصبح رايحه الأخوي تطلب ايدي منه
هههههه
ياسمين...موخوش نكته ماضحك
ماجد .... تدرين انتي وامج شكد.كبرتن بعيني
فعلا هايةامج تستاهل وسام الام المثاليه
فوك هاي التربيه الحلوه وخوفها عليج تريد تأمنج
للمستقبل
ياسمين....امي فعلا الام المثاليه
ماجد... دكتور اسعد شجعني على هاي الخطوه
وتكفل بلمهر والذهب
بس خلي اكلج شي مهم
اني ماازوج هسه لان بعدني مامكون نفسي
وما متعين دكتور اسعد يحسبلي ٥٠٠ بلشهر
احتاج سنه او اكثر من سنه حتى اجهز نفسي للعرس
ياسمين...اني ما مستعجله اصلا بعدني زغيره على الزواج
توني واحد وعشرين ونص
ماجد...هو انتي بس نص قزمه يله ميخالف اني قابل بيج
ياسمين....هااا بدينا من هسه التنمر من هسه اكلك
دير باللك تتنمر عليه اذا ماعاجبك بعدنا على البر
ماجد...على كيفج تردين بس تزعلين اشقى وياج
انشاء الله بهل ايام نعقد حتى نطلع ندخل براحتنا
نشيل هاي الحواجز بينا
ياسمين...الله كريم
اول مره حددنا موعد تعارف بين العائلتين اجت ام امجد واخته وزوجت دكتور اسعد دكتوره هناء
تعرفنا عليهم وحجينا بتفاصبل الخطوبه
بعدها حددنا يوم المهر
الصراحه كان يوم مميز بحياتي اشتريت بدله قصيره بنفسجي طوخ قصيره بدون ردن حلوه تخبل
اجنن عليه لان جسمي ابيض
شعري عفته مفتوح لبست طول ليلو كلش نازك
مكياج حلو يخبل
طلعت عبالك لعبابه
اما ماجد اجا لابس قاط اسود وقميص وردي فاتح
حالق وطالع يخبل
دكتور اسعد تكفل بكل مصاريف المهر حتى الصالون
وجابلي سيت ذهب كامل
حلو بشكل ونازك دكتوره هناء هي الي مختارته
اما ام ماجد انطتني ورقه هديه
اخته انطتني ورقه ودكتور هناء انطتني ورقه
كانت حفله نازك وحلوه
ماعزمنا هواي ناس الناس الي مقربه علينا وبس
امي تقريبا ماعدها اهل عدها بنات خاله وولد عم بس موقرببين علينا
يعني كل خمس سنوات او سته نلتقي بمناسبه عائليه
ويكون بينا سلام وبس
جمانه السعيدي
يعني ماكو تواصل حقيقي بينا وبينهم
من نلتقي عبالك نمثل واحد على الثاني
امي ماعزمت اي احد كم وحده من الشارع وبس
من هذا اليوم بدت علاقة الحب الحقيقيه بيني وبين ماجد
حلوه العلاقه لمن تكون بلحلال
اول شي امي ارتاحت بعد ماتاخذني وترجعني للبيت
ماجد ياخذني ويرجعني
مرات نتعشى برا ونرجع
المهم ماجد.شال جزء من هاي المسؤليه عن امي
بس اني من يوم المهر واني افكر باامي شلون راح ازوج واعوفها
اصلا مااتخيل بيوم اكعد ومااشوفها
شلون راح اعيش بعيد عنها
بلكت ورا الزواج اقنع ماجد ونجي نكعد وياها بنفس البيت
فات سنه على عقد المهر وماجد جاي يجمع علمود زواجنا
المفروض احنا نزوج بيت اهله
الطابق الثاني مجهز وكامل كان قبل دكتور اسعد وزوجته كاعدين بي
الله رزقهم وطلعو بيت وحدهم
وهسه احنا راح نسكن بمكانهم
اما اخت ماجد مخطوبه وعاقده على وجه زواج
يعني قريبا البيت راح نكون بي اني وماجد وعمي وخالتي
بس ماكو لحد غيرنا
ماجد كل فتره يشتري شغله
لمن نكمل اثاث نزوج
اشترينا غرفه وستائر وفراشات
بعد نشتري طخم وشغلا بسيطه ونزوج
امي عدها صندوق تخلي بي مبلغ كلةفتره وتشتريلي قطعه ذهب
تكول الفلوس تنصرف بس الذهب هو الضمان
لان سعره يصعد ماينزل
اني عندي ذهب كميه زينه
وياا ذهب عرسي صار عندي هواي ذهب
جمانه السعيدي
بعد سنه من الخطوبه كملنا كلشي
وحددنا موعد العرس
دكتور اسعد حجزنا قاعه للعرس وحجز الصالون على حسابه
اما عمتي وعمي تبرعوا بفلوس شهر العسل
نروح الاربيل نتونس على حسابهم
كل تفصيله حتلو جانت زغيره جانت حلوه
ومميزه والها طعم كلشي كان مثل مااريد واحلى
بس شي واحد مضوجني
شلون راح افارك امي شلون راح اعيش بعيد عنها
بيوم زوجي طكيت من البجي
امي تبجي واني ابجي
امي ابد مو ام عاديه امي كلشي بلنسبه اليه
المكياج خرب شصار بيه
ماجد...ليش هيج تبجين اني كل يوم راح اجيبج تشوفين امج
طول الوقت بلقاعه وامي ما بطلت بجي
كلما اشوفها ينمرد كلبي عليها
الحد ماوصلنا للفندق وهي توصي ماجد عليه
هي تبجي واني ابجي
دخلنا الغرفه وماجد.شكد حاول يهدني
بس مااكدر مو بيدي
المسكين تحملني وسكت وحتى ماقرب عليه
عافني على راحتي
جابلي حبابيه مهدء اخذتها ونمت
بس شنو عيوني مورمه وخشمي صار شكبره من البجي
ثاني يوم بس فتحت عيوني اتصلت على امي
ولمن سئلتني شلون كان الوضع بيني وبين ماجد
كتله كلشي ماكو خلصت الوقت بس ابجي
كامت تحجي عليه
تخبلت شلون اضوجين زوجج بااحلى ليله بلعمر
يله روحي صالحي لاازعل عليج
اليوم الثاني يله ازوجنا اني ويااا
ثالث يوم سافرنا الاربيل فعلا احلى ايام مرن عليه
بس بليوم الواحد
اتصل على امي يمكن عشر مرات
مااكدر مااطمن عليها
بقينا هناك اسبوعين طلعنا على دهوك ورحنا مناطق شماليه وياا ايران
كانت الأجواء تخبل
رجعنا البغداد اول شي رحت البيتنا
لكيت امي محضره غده عالمي ماكو شي ماطابخته
تغدينا وطلعنا البيت عمي
لكيناهم مسويلنا حفله وعازمين كل اقاربهم ينتظرونا
كلشي كان حلو ومثل مااريد
الصبح اكعد بلعشره انزل اطبخ وانظف ويا خالتي
واغسل ملابسنا اني وماجد
والعصر نروح للصيدليه نبقى ١٢ بليل ونرجع للبيت
نتعشى بلصيدليه نجيب اكل جاهز وناكل
امي كل يوم اتصل عليها ومن اطلع للصيدلبه العصر أمر عليها اشوفها قبل لا اطلع
شويه تعودت على بيت عمي صح اشتاق الامي
بس لازم اتعود على الوضع الجديد
اجت أزمة كورونا وهنا طلعت التعيينات
طلع تعييني اني وماجد
بسبب هاي الازمه كانو محتاجين كوادر طبيه تشتغل ٢٤ ساعه
لذلك طلعت التعيينات
ست اشهر انداوم بدون رواتب
لان الوضع كان متعب بلنسبه اليه تركت العمل بلصيدليه
وهم الوضع يخوف الفايروس انتشر والناس كلها خايفه
كافي عليه دوام المستشفى
المهم بعد ماخلصت أزمة كورونا يعني بعد زواجنا بسنه وشهرين طلعت حامل
وهنا الفرحه كانت ماوتنوصف
وخاصه امي وماجد امي الي كانت تنتضر هذا الحفيد بفارغ الصبر
تخبلت لان اتاخرت سنه وشهرين يله حملت
كل يوم تكول تعاي اخذج فلان دكتوره تعاي نسوي تحاليل
بس ماكان لازمها غير أزمة كورونا تخاف عليه اراجع يم الدكاتره وواكع بكورنا
تريدني اعالج بس تخاف عليه من هذا الفايروس
لمن طلعت حامل حارت شسوي بليوم الواحد تتصل عشر مرات
تسئلني خاف اتوحم على شي
رغم ماجد وأهله ابد ما مقصرين وياي
تطبخ الأكلات الي احبها وتجيبها اليه
من الشهر الثالث بدت اجهز ملابس البيبي
رغم ما تعرف شنو نوع الطفل
كانت اجهزلي من النوعيتين
بعني مابقت شي ماجابته اليه
ماجد يضحك يكول كل طفل يصير عدنا امج اجهزه اني مالي شغل
مو احفاده هي تريد أحفاد خل تحير بيهم
بله كلليله ابو الطفل ماله حصه
عاد كلبيه عطر ترا لو مااني مايصير عدها حفيد
لو اكطع الانتاج لو اجهزني ويا حفيدها
ياسمين...انت بيش تعبان سهران حمل ولاده تعب والنوب يسجل باسمك كبل
ماجد...غير ابني لازم يسجل باسمي
ياسمين....الطفل كون يسجل باسم الام بس هلكد ما تتعب علي
ماجد....اي روحي خلفي وحدج وسجلي باسمج
ياسمين....ولله انتم الزلم على روسكم ريشه التعب كله على النسوان
وبعدين يكولون ابو فلان
