رواية متلازمة الحب الفصل الثالث بقلم جمانه السعيدي
ياسمين...بلبدايه كمت اراجع حتى اتأكد ماكو فايروس او اي شي يعيق الحمل
الحمد لله طلع كلشي تمام
دخلت الشهر السابع بلحمل
وقررت اخذ سونار الكل متلهف حتى يعرف نوع الطفل
كل هاي الفتره امي ما تقبل اخذ سونار
تكول هذا اول حمل وموزين على الطفل بعده زغيره
هذا الجهاز احتمال يتاذي الطفل
وبعدها الناس تشكي من كورونا ليش تجيبين النفسج المرض
انتي ليش مستعجله خلي الطفل يكمل وبعدين شوفي
ماجد يريد ولد اما امي تكول كلشي الجان اهم شي تمام الخلقه
احنا شخالقين منه ايد رجل نعمه كلشي يجي من رب العالمين حلو عطايا الله حلوه
رحنا دكتوره اختصاص امي تعرفها
دخلنا اني وامي وماجد
خلت الجهاز على بطني تشتغل وهي ساكته
طولت بعدين نزلت الجهاز
ياسمين...هااا دكتوره بشري شنو نوع الطفل
امي...دكتوره اهم شي صحته معليج بياسمين صحته زينه
ماجد...دكتوره كولي ولد رحمه الاهلج
دكتوره....اولا بنيه مو ولد
امي...الحمد لله نعمه من ربةالعالمين
دكتوره ...بس اريد اكللكم شي هذا الطفل احتمال ٩٠ /١٠٠
يطلع متلازمة داون
ماجد...شنو شنو متلازمة داون شكاعد تحجين
دكتوره....اي احتمال جبير
ماجد...شلون يبين دكتوره رحمه الاهلج فدوه كولي غير هذا الحجي
دكتوره....الطفل العادي تكون رقبته من ورا مقوسه
يعني شكل الرقبه تحت الراس تكون مقوسه للداخل
اما الطفل الي يكون متلازمة داون
تكون رقبته عدله مابيه اي تقوس
وهنا مثل مابين عدنا الرقبه عدله ولله اعلم بعد
ماجد...وشكد راح تكون صحت هذا الكلام ممكن يطلع غلط
دكتوره...اتمنى يطلع غلط
خل يكمل الحمل ونتأكد اكثر
جمانه السعيدي
ياسمين...اني ماحجيت ولا كلمه انصدمت شنو الطفل الي بطني متلازمة داون وليش شنو السبب
اما امي وجها كام ينطي اللوان كعدت على الكرسي
بعد ماكانت واكفه وكلها حماس
كعدت ولزمت راسها باديها
ماجد عافنا وطلع
ياسمين...مسحت بطني ونزلت ملابسي ونزلت من مكان الفحص
...يمه سمعتي الدكتوره
امي...يله ماما الحمد لله
طلعنا اني وامي من العياده لكينا ماجد ماكوووو عافنا ورايح
أجرنا سياره
ياسمين....اروح وياج مادام ماجد عافني عود ليش يعوفني هذا شنو من تصرف سخيف منه
اني شنو علاقتي خلقت رب العالمين هاي
امي وجها اسود صار وبطلت تحجي صفنه تأخذها وصفنه اجيبها
وصلنا بيت اهلي اتصلت على ماجد
يدك ومايفتح الخط
زعلت منه وشلت بخاطري علي
على الاقل يبقى وياي يواسيني شنو جاي يعاقبني
اني شنو دخلي
تمددت بغرفة امي وكمت ابجي واحسب للجاي بنيه منغوليه
هاي شلون راح اكدر اعتني بيها
وليش هيج صار وياي
ياسمين..كعدت مسحت دموعي .ماما اريد اسئلج هم تعرفين ليش يطلع الطفل هيج شو السبب
امي...مااعرف اتصلي على زوجج خلي يجي ياخذج
ياسمين.. اتصلت ومايرد
اني زعلت علي يعني بس هو ضايج اني هم ضايجه
بس مابيدي شي
ياسمين ....صفنت شويه التفتت على امي انتي السبب
راسا امي رفعت عينه ونشغت طفرت دمعه من عينها
امي...يااا اني ليش
ياسمين...ليش ماعفتيني اخذ سونار من البدايه حان نزلتها
وخلصت منها
نزلن دموع من عيون امي مسحتهن بسرعه
امي.. لا تكولين هيج حرام تردين تموتين بنتج
ترا بيها روح حالها حال الجبير
استغفري ربج كولي استغفر الله
ياسمين...اني اذا ولدت بلسلامه مااريد هاي الطفله
امي...أعوذ بلله من غضب الله يمه ليش هيج تحجين
طفله زغيره شنو ذنبها
ياسمين...اخذيها انتي اني مااريدها من هسه اكلج
امي...اي اني اخذها اربيها بس هسه اهم شي عندي تكومين بلسلامه جمانه السعيدي
ياسمين...بليل اجا ماجد من شفته درت وجهي
ماجد. .يله نرجع البيتنا
ياسمين...مااروح وياك ليش تعوفني بلعياده شنو جاي تعاقبني مثلا
اني شبيدي لو عليه اجيب بكيفي الي يعجبني
ماجد.. انفعلت هسه تجين وياي لو لا
ياسمين...لا
ماجد. بكيفج
امي...لا خاله تروح وياك استغفرو ربكم ثنيينكم هذا رزق
ايجوز يطلع هذا السونار غلط ايجوز تنزل رحمه من رب العالمين عليكم وتطلع بتكم ماببها شي
كومي ياسمين كومي روحي ويا رجلج
ياسمين...رجعت ويا ماجد بس زعلانه علي
لكيت عمي وخالتي ثنيبنهم ضايجين
من هذا اليوم ماجد تغيرت معاملته وياي
رغم عمي وخالتي يحجون علي بس ابد مايريدني
نزل ينام جوه بلصاله وعافني وحدي فوك
اني نفسي عزيزه كلش ضجت لان مااشوف اي مبرر الزعله عليه قابل هو مشتره واني اشتريته
قررت اروح بيت اهلي
ياسمين...ماما اني اريد اجي يمج ماجد ينام جوه ومن يرجع ما يحجي وياي
امي...ميخالف اتحملي لا تعوفين بيتج وزوجج
حقه يضوج بس صدكي كم يوم ويتعود ويرجع مثل قبل
ياسمين....لا مااريد اني الحمل متعبني
وصعدت الدرج عليه صعبه وفوكاها هو مايريدني
هاي اول ازمه تمر علينه طلع على حقيقته
شلون لو طلع بيه مرض موزين لو صار وياي حادث
اكيد يتخلى عني
اني مااريد اكمل ويااا تعبت نفسيتي تعبت بسبب
التفكير بهذا الموضوع صار عندي كئابه
ليليه اشبع بجي يله انام
امي...اصبري شنو تردين الولد بكيفج ضاج شنو مايضوج
انتي اضوجين تحجين وياي
هو هم محتاج احد يحجي ويااا ويصبره
انزلي جوه عوفي هاي شغلت الكرامه على صفحه الرجال والمره مابينهم كرامه وهاي السوالف
وانزلي اكعدي ويا زوجج لا اضيعين الولد من ايدج
ياسمين...راح احاول بس اذا ضوجني ارجع يمج
ولله اني التعبانه اني اريد احد يداريني
مو اني اداري
ياسمين...انتضرته من رجع من الصيدليه
لكاني واكفه بلباب
ماجد...هااا عندج وجع
ياسمين....لا ماعندي وجع بجسمي عندي وجع بكلبي منك
ماجد.....اني اريد اعرف ليش هاي الطفله طلعت هيج
ياسمين...خلقة رب العالمبن
ماجد...لازم اكو سبب لازم اعرف شنو السبب
شنو اني ابقى اخلف مناغيل
ياسمين....ليش تكول هيج
ماجد...اذا مااعرف السبب واحاول اعالجه راح يصيرون جهالنا كلهم هيح
صار كم يوم اسئل عن هذا الموضوع
هاي الحاله ٩٧ منها طفره جينيه
و٣ منها عامل وراثي
المشكله مالها حل وماكو علاج يمنع وجودها
اني خايف يكونون جهالي كلهم مناغيل ساعته وين اروح
ياسمين .... وبعدين اني نفسيتي تعبت انت جاي تعاقبني شنو
ماجد..... لا مجاي اعاقبج
بس نفسيتي ادمرت من يوم عرفت لليوم
احاول ابتعد عنج حتى لااضوجين اكثر.
ياسمين.. بس انت هيج دمرتني موبس ضجت منك
اني تعبانه الحمل والدوام وصعدت الدرج وانت داير وجهك عني حس بيه شويه
ماجد.. اني ضايج اكثر منح
ياسمين.... خلاص اخذني الامي على الاقل تهتم بيه منا لمن اجيب
ماجد...ميخالف
ياسمين...جنك ماصدكت
ماجد.. اهووو لا ازعجيني تردين يم امج اخذج
تردين تبقين هنا ابقي
ياسمين...كمت ابجي ما متخيله هذا الموقف منه شلون هجي يكول
يريد يتخلص مني ومن الطفل هاي شلون حاله
كمت جمعت ملابسي نزلت خالتي من شافتني تخبلت
شلون اطلعين من البيت شصار
ياسمين...ارتاح كم يوم تعبانه خاله وماجد مايريدني
لا اني ولا بنته
انعل ابو الطب الي خلا العالم تعرف كلشي قبل الولاده
جنا ما نتفارك
وهسه ينام جوه وحتى مايقبل يباوع بوجهي
اريد اعرف اني شنو دخلي هذا وهو دارس طب ويعرف كلشي
لعد شبقه للناس العاديه
جمانه السعيدي
من سمعني ماجد احجي هيج طلع من البيت
خالتي...اكعدي خاله الله يهديج
ياسمين....لا اروح ارتاح وهو هم خلي يفكر زين
اذاحس نفسه غلطان خل يجي ياخذني من بيت اهلي
واذا مايريدني اني هم مااريده
ياسمين..طلعت الجنط اجرت تكسي وطلعت البيت اهلي
محد راح بهتم بيه ويفهمني غير امي
وصلت البيت اهلي كمت ابجي ابجي واعيط بشكل هستري
امي اجت حضنتني وكامت تبجي وياي
ياسمين....بعد ماارجع هذا مو ادمي اكو واحد يعرف زوجته وهي هيج وضعه زين اصبر للولاده ايجوز يطلع السونار غلط بعدين شكو بيها
قابل الوضع هسه مثل قبل
هسه هاي النوعيه جاي يدرسون ويشتغلون حتى يمثلون
منهم رسامين ونحاتين ومزارعين
هذا واقع لازم نتعايش ويااا خلاص مابيدنا نغير شي
ياسمين...اخذت اجازه اسبوع مااريد اشوفه بلمستشفى
وامي هم اخذت اجازه ٣ ايام حتى تخفف عني شويه
كنت امر باصعب مرحله بحياتي
حامل وطفل منغولي وزوجي تخلى عني
كل السعاده راحت تبخرت راحت ايام الفرح
امي...لازم تصيرين قويه الشي الي مانكدر نغيره نتعلم علي نعيش ويااا
شنو تموتين نفسح ارجعي للدوام تشوفين صديقاتج
وتغيرين جووو
تردين اخذج سفره تغيرين نفسيتج
ياسمين..كلشي مااريد اريد اموت واخلص
امي...اسم الله لا تكولين هيج مااريدج ضعيفه
انتي قويه وراح تبقين قويه
ياسمين...منيين اجيب القوه اذا كلها ضدي
اني ما مخبلني غير موقف ماجد صدك ماتعرف المعدن الحقيقي للناس اله تعاشرهم
اني كمت اكرها احس ماعرفت اختار صح
ناس تلكه طفل بلشارع تتعب علي وتربي وهو مايريد بته
امي....ميخالف حبيبتي مراح يبقى الوضع هيج اكيد
راح نلكه حل
اهم شي انتي اطلعين لا تبقين حابسه نفسج بلبيت
موزين عليج الحزن
شكرا لزيارتكم عالم روايات سكيرهوم
