رواية المتمرد والصغيره الفصل الثاني بقلم رسل
_____
لشوكت الگصص من خوفهم تعرگ ؟
و لشوكت النوايا أرضاض
مكاتيب احتلال الحُرمة حگ تنشگ ؟
هلي شماتنة تصفگ
كتاب أحلامنا مطبگ
______
أديـان: بعـد وفاة اختي ما شفت حزن ؏ عيونهم ابد حتى ابوية ما شفت بعيونة تأنيب الضميـر قابل هي ليشش شردت غير من ضيمهم وقهرهم
أديـان: بعـد وفاة اختي ما شفت حزن ؏ عيونهم ابد حتى ابوية ما شفت بعيونة تأنيب الضميـر قابل هي ليشش شردت غير من ضيمهم وقهرهم
ابوية خلاني ابطل المدرسة مرات الواحد يدعي من الله علمود يموت بس من تصير صدگ ويهددو بالقتل تصيـر النفس عزيزة ويسوي كلشي علمود يصارع الموت
ابقة النهار كلة اتصفن وانتضر الليل يجي علمود اگعد اعاتب امي واختي ليش عافني وحدي هنانـة اذا يشوفوني
عمامي لو بابا
ابجي على اختي لو على ماما يضربوني حتى البچي ميقبلون
بيبتي على اقل شي تكفخ وتسب بأمي وين راح تروح من عقاب رب العالمين مادري هي وولدها وبيوم من الايام نايمة بالگاع بالاستقبال لان ماعندي مكان انام بي
غير الاستقبال والصالة و جهال عمي الصغار ينامون يمي لان متعلقين بية جان عمي جعفر وبيبي وجدو گاعدين يباوعون تلفزيون
عمي اشر علية وباوع لبيبي هاي شنو جارتهة لو تزوجوهة لو شوفولها شغلة خو ما تضلل گاعدة
أديـان: لٱ والله عمو ششتغل اني شمعرفني وزواج محد يجيني غير و انتو تعرفون ليش
أديـان: لٱ والله عمو ششتغل اني شمعرفني وزواج محد يجيني غير و انتو تعرفون ليش
- شقصدج كلبة
اجاني بابا يركض لزمني من شعري
- لج لٱ عبالج گاعدة ومرتاحة بس تاكلين من باجر تطلعين تدورين شغل فهمتي لو لا
أديـان: بس بابا ماعرف شنو اشتغل
- هاي ضلت يمج تفوتني للبيت بيدج عشرين الف
أديـان: لٱ بابا عليك الله اني منين اجيب ومنو يقبل يشغلني ..
- هسـة خلي كلامي بالج اذا ماجبتي الفلوس لتطبين للبيت نامي بالشارع
أديـان: دفعني وطلع عود هذااا اب
شون يرضاها بنتة بالشارع تبات زين ميگوز منين اجيب اني ميخاف علية من الشباب الي بالشارع
ميگول وين تولي اذا طردتها العشرين منين اجيبهم يربي والله مو گد هالامتحـان دخيلك ياا اللهي مانمت ضليت حسبة تجيبني وحسبة توديني
اني وين اروح يربي ويين اندل الاماكن زين شنو اشتغل قابل اجدي بالشوارع وتضل السيطرات تطرد بية واني بنية يعني
الناس مترحم هسة اذا شافوني اكيد يگولون علية اشكال الحچي ويطلعوني من فطر الحايط اخخخ يا يمة
زين اذا اريد اشتغل شنو اشتغل دخيلك يا محمد اوگف وياي گد التفكير ماعرف شوكت نمت قعدت الصبح على دفرات عمي
- گومي لجج ابوج گال تطلع تشتغل خلي اذبج بمكان بلكت يقبلون بيج مطعم شي
لو نيتج نگعد نصرف عليج
أديـان: گمت بدلت وشمرت الشال ؏ راسي لان اني ابد ما الفة احبة هيج ويلوگلي لبست بنطرون ابيض وقميص سمائي وشال سمائي
حذاء لون ابيض طلعت ويا گلي بالليل توگفيلي هنا
گلت بگلبي غير مگرنين ذولي بلا شحجي ويا ولا عندة ذرة غيرة لاهو ولا ابوية تهي بهي ضليت امشي بالشارع صادف بوقتها يوم احد ساعة 10 الصبح احس روحي غريبة
وين اولي ضليت امشي وارجع لنفس المكان خاف اتيه وبعد ما ارجع للبيت شافني رجال هيج عمرة بالـ 40.
- عمو شتسوين هناا
أديـان: هاااا مو عمو ادور شغل
- بابا وين تلگين شغل هناا انتي بنية ارجعي لبيتج وانتضريها تفرج ان شاء الله
أديـان: هزيت راسي وبقيت علة نفس المنوال اروح واجي اجة الرجال نفسة
- بابا انتي ماعندج اخوان .. اب
أديـان: لٱ عمو بس اب وهو گلي رﯛحـي اشتغلي
- تعالي بوية احجيلي سالفتج اذا تضلين هنا محد يرحمج والشباب ميتأمنون
أديـان: دخلني بمطعم مبين الة هو عندا ميز يصير ببداية المطعم ومقابيلة كرسي گلي اگعدي گعدت وهو هم گعد گدامي
- احجيلي بابا
أديـان: عمو اني امي متوفية وماعندي اخوان عايشة وي اهل بابا بس هم عائلة كلش مو زينين و جبروني اشتغل واني ما بيدي شي گالو لآزم يومية تجيبين عشرين الف
- استغفر الله هاي شنو من عائلة الله يساعدج يابة بس شلون أتأكد من كلامج منو يكول تحجين صدك
اديان : و روح امي ما اجذب عمو اذا متصدك اكلك وين بيتنا و اسئل العالم
- الله كريم يابة هسة راح اخليج يمي بين ما أتأكد من سالفتج عليج بس تنظيف الماعين ومعليج بأي عامل واني هم راح اوصيهم محد يتقرب صوبج وانطيج تلاثين الف ورگبتي سدادة
أديـان: شكراً عمو والله ماعرف شلون اشكرك
- واجبنا هذا بوية
أديـان: رجال غريب شالتة الغيرة علية وذولاك العارات يطلعوني بأيدهم دخلت جوة غرفة المواعين خاصة محد يدخل بيها وبي غسالة مال مواعين بس افرغهن واخليهم بيها
الله شكد حلو
صارت الساعة بالعشرة رحت استرخصت من الرجال ووگفت بالمكان ضليت واگفة ربع ساعة اجة عمو جعفر
- ها بشري
أديـان: شغلني رجال بالمطعم
- شكد انطاج
أديـان: عشرين
- يلا زين يوكلن خبز
أديـان: ضليت مخلية راسي ؏ الجامة كلت العشرة الي تبقة اضمها الي خو ما اشتغل من الصبح لليل وكلهن الهم
دخلت للبيت صار بوجهي ابوية وهم كاعدين حطيت العشرين بأيدة وطبيت سبحت ورفعت شعري وفرشت فراشي وكعدت افكر الحمد لله اليوم عدة على خير بدون مشاكل
وين جنت ووين صرت كمت اشتغل هي هاهية كملت السبحة اخخخ يا ضيمي الشايلتة والله يهد جبال عمري بعدة مصاير 17 وكل هالبلاوي وگعت ؏ راسي
اني طبعي هادئة مو من نوع البنات اليصيحون وياخذون حقهم وما احب اختلط بالبشر هواي علمود ما اتعلق بشخص وهم ينوخذ مني
اكثر من مرة افكر انتحر بس بعدين اتراجع اكول اني شبقالي لٱ ام لٱ اخت لٱ دراسة بس ارجع واكول الحمدلله
عسى ولعلى يجي اليومم الي تصير هاي همومي سوالف نمت وثاني يوم هم رحت للمطعم و ؏ نفس الروتين مدة شهر شفت المبلغ الجامعتة 300 يمكن اول مرة بحياتي اشوف هلكد فلوس وبيوم كعدت الصبح على عياط بالبيت
رحت اركض شفت الكل يبجي تقربت طلع جدو مات ما اكلكم ما بجيت رغم كلشي يبقة جدي ولو ماشفت منة شي حلوو بس بعد راح لدار حقة مارحت للمطعم لان سوو فاتحة هو مجان عندا شي بالعكس يصلي ويصوم بس ضالم
هواي جان يضربني ويضرب اختي ضحى ويسب بابا ويلعن روحها لكن بالمنطقة صيتة حلو يكولون هذا خوش رجال بس ولدة سكارا هو الرجال الزين ينطي خلفة مو اوادم
خلصت الفاتحة 3 ايام رجعت للشغل
- هاا بابا والله خفت عليج عبالي بيج شي
أديـان: لٱ عمو بس جدو اتوفة
- الله يرحمة بنتي انشالله
أديـان: تسلم عمو ودخلت جوة ما اخفي انو عيون بعض العمال تلاحقني بكل مكان وبس يردون فرصة احجي وياهم لكم اني مو من هالنوع جنت اكره هاي السوالف
وولا انطيهم مجال البيت رجع الروتين عادي لٱ بعينهم ولا بحاجبهم حتى بيبتي وعمامي وبابا رجعو يسكرون بس بيبتي مجانت تقبل يسكرون وبعد وفاة جدو
كالتلهم يمة كافي عوفو هذاا الطريق وخلو الله يهديكم على اساس هية العفيفة وكالو اي وانشالله واسبوع ماراحو وبعدين رجعو هم يسكرون
وبيبي اسمعها تكللهم اني كلتها
((لٱ الكحـ... توب ولا الماي يروب))
جنت ااضحك على امثالها رغم اني ما اطيقها ابدد مرت ؏ ايام شغلي 3 اشهر صح اتعب لان مواعين المطعم كومة بس تهون ان شاء الله
