رواية عوده مستحيله الفصل الثاني بقلم جمانه السعيدي
طلب مني وليد يشوفني
وليد .. اريد اشوفج حتى نحجي براحتنا
نسرين.. مااكدر اطلع
وليد شلون لا تليفون ولاتكدرين اطلعين نبقى على ذني الدقايق
نسرين...مااكدر اطلع من البيت ابد واذا اطلع لازم شغله ضروريه واحد من اهلي وياي
وليد .. مااعرف شوفيلج حجه
نسرين ..خل افكر وارجعلك خبر
شكد ردت حجه حتى اطلع وماكو
وليد .. اني احبج واريد اشرحلج ضروفي
نسرين باجر ماعندي امتحان اطلع الصبح من بيتنا بحجة المدرسه ونروح اي مكان نحجي
وليد تمام
جمانه السعيدي
ثاني يوم لبست ملابس المدرسه ولبست عباتي واخذت فوطة امي وياي حتى اغطي وجهي بيه مثل البوشيه
طلعت شويه متاخره حتى الشوارع فارغه من الطالبات والطلاب ومحد يشوفني
وصلت لكيته منتضرني
طلعت الفوطه وخليته على وجهي
وليد .. هاي شنو
نسرين .. بس يشوفني احد تكون نهايتي بعمري ماطالعه واي اي احد انت وبس
وهاي اخر مره لوتشوف كلبي شلون يدك سريع
احس نفسي غلطانه
وليد .. ليش غلطانه اني احبج وناوي ازوجج
نسرين... تحجي صدك انت تحبني ومتمسك بيه
وليد .. احبج واموت عليج خل نتمشى ونشوف مكان نحجي بي
نسرين باوع مو تصورني من ذني البنات اني لا اروح وياك مكان خاص ولا بيت ودير بالك تتقربلي
وليد .. هاي شبيج يمعوده اكله احبج
نسرين ...واني هم احبك بس لازم نفكر تفكير منطقي شنو نهاية هذا الحب
وليد المشكله اني هسه مامستعد للزواج
احنا عائله من ٣ ولد وامي وابوي شهيد
اني والثاني اعداديه والثالث متوسطه
نشتغل بلعطله حتى نكدر نجمع مصاريف المدرسه
ونمشي امورنا
اني هسه لا وضعي المادي والا الاجتماعي يساعدني على لارتباط
كنت متوقع تنتضريني الحد مااخلص كليه واخطبج
نسرين ...ولله لو عليه انتضرك العمر كله
بس اهلي مجرد ماارسب السنه راح يخلوني اترك المدرسه
ومو بعيد بيت عمي يجون يخطبوني
جمانه السعيدي
وليد...لا شنو بيت عمج يخطبونج لا لاتحجين هيج ابد
نسرين..ليش هو بكيفي
وليد ..ارفضي وتمسكي برائيج
نسرين اي ارفض السنه وسنة اللاخ شلون
وليد مااعرف
نسرين اني هم مااعرف
بقينا نمشي ونسولف ولا حسينا بلوقت منا لمن خلص الدوام
ورجعت للبيت
اعرف نفسي مراح انجح اصلا ماليه واهس اقرا ابد
يوميه الصبح نلتقي قبل الدوام اكثر المرات اروح متاخره للدوام بسببه الحد ما تعلقت بي كلش وحبيته من كل كلبي وخاصتا من اشوف لهفته عليه
كدرت اجمع فلوس من مصرفي واشتريت موبايل صرصور
عادي ومستعمل من صديقتي شسوي على كد فلوسي
ضميته محد يعرف بي ابد
من عرف وليد اشترالي خط باسمه وانطانيا
انتضر اهلي ينامون ونتراسل اني ويااا مااكدر اتصل ونحجي يسمعوني خصوصا هدى تنام وياي بنفس الغرفه
مرات اتصل بي اذا اهلي طلعو
لو هدى تدخل الحمام ونبقى نحجي اني وياااا
علنو اسماء الداخلين بكلوريا واني مادخلت
بلبدايه سكتت ماحجيت وبقيت اروح للمدرسه الصبح حتى اشوف وليد
بس اخوي سمع الاسماء طالعه
واجا سئلني
كتله احنا مدرستنا بعدها ماعالنه الاسامي
حتى اكدر اطلع واشوف وليد
نسرين .. اني مادخلت بكلوريا وبعد مااشوفك ابد
وليد .. شني ماتشوفيني اجيكم للبيت
نسرين ..حتى يذبحوني
وليد...مااتخيل يعبر يوم ومااشوفج
نسرين اني غبيه لو شاده حيلي جان هسه خلصت من السادس
وليد .. حاولي تقنعين اهلج اداومين بعد سنه وشدي حيلج حتى نكسب وقت
نسرين .. وين اقنعهم اهلي واعرفهم مستحيل يقتنعون
وليد بس تلكين فرصه خليني اشوفج
نسرين انشاء الله
جمانه السعيدي
اهلي من عرفو اني مادخلت بكلوريا كلهم يحجون عليه
واني بس ابجي واكلهم اقرا وماافتهم
السادس صعب وانتم ما دخلوتني دورات حالي حال البنات
شبعت رزايل غسل ولبس
وامي قررت اطيح حضي
طلعت كل فراشات البيت وكالت اغسليهن
والكاونتر سحبته من مكانه وكالت اغسلي هو والمواعين الي داخله
ومن تخلصين اصعدي نضفي السطح
لا اكللكم ولا تكللولي اسبوع كامل واني اكرب وماكووو
وبليل انام على وجهي من التعب
كلما الكه فرصه ادز رساله الوليد اطمن علي
بس مااكدر اطلع اشوفه ابد
الحد ماخلصت الامتحانات وعطلة المدارس وبيت عمي اجو تقدمولي
نسرين ..ماازوج ابد
امي... شني متزوجين ابن عمج من زمان منتضرج
بابا... تردين تفشليني وياهم المنطقه كله وكل اقاربنا يعرفون انتي اله وهو اللج
نسرين...لا هو ولا غيره مااريده
بابا لا اني دللتج هواي وكمتي ماتسمعين الكلام تزوجينه وغصبا ماعليج
لاتكعدين تدللين وتتشرطين الناس وضعهم تعبان
مااريد هوسه هو مهر هو عرس حتى حفله وحده
شوفي شكد يدزون فلوس واني اكمل عليهن
نسرين كمت الطم واملخ بشعري مااريده وماازوج
حبست نفسي بلغرفه وكمت ابجي
دزيت رساله الوليد اهلي راح يزوجوني
وليد شنو يزوجونج ارفضي
بقيت يومين بلا اكل وبس ابجي وهمه ولا يهمه ماشين باجرائات العرس ويحضرون
جمانه السعيدي
امي اي زعلانه عليمن زعلانه باجر بس يخليج بحضنه
تنسين امج وابوج
نسرين اكتل نفسي اذا غصبتوني مااريده
امي بنات آخر وكت شتردين يمه ابن رئيس الوزاء
نسرين لا ابن رئيس الوزاء ولا غيره ماازوج
اريد ادرس
امي...شدرسين سنتين وانتي نايمه بلسادس بعد شدرسين
لو بيج خير جان نجحتي هو انتي مو مال مدرسه
مال شغل وطبخ
قررت احجي ويه بابا
نسرين بابا اريد احجي وياك
بابا....احجي
...مااريد ازوج هو غصب
...لا مو غصب بس اني ابوج واعرف اكثر منج ابن عمج
اكثر واحد يوالمج بعدين بيت عمج انطونا ناديه الاخوج علي ورا زواجكم راح نزوج اخوج
نسرين...هي صفقه شنو علي يريد ناديه بلعافيه علي
اني مااريد ازوج ابد
....اني كلت كلمه تزوجين وغصبا ماعليج واني كلمتي ماتوكع للكاع ابد
نسرين ياربي شنو من حكم هذا مااريد ازوج
الكل يحضر ويجهز واني اباوع بعيوني ذوله شلون افهمهم
اني مااريد ازوج
الحد ماحددو موعد العرس راح يكون عقد الشيخ والعرس
بنفس اليوم
