رواية عوده مستحيله الفصل الثالث بقلم جمانه السعيدي
هذا بارت هديه لعيون المتابعين
نسرين اسود ايام حياتي الناس كله تحضر للعرس ومخبوصه واني ابجي وحايره بزماني
شنو الزواج غصب ماااريده
شكد حاولت اقنع امي تصير بصفي حتى اخلص من هاي الزواجه بس ابد قافله
ليش كلهم ضدي
حتى الإسلام والمسلمين يكولون الزواج الغصب حرام
مابقه غير يومين العرسي اتصلت بوليد
نسرين .. وليد فدوه شلون بقن يومين
وليد...اني الي لا ليلي ليل ولا نهاري نهار يعني اني مااحب اله وحده اهله مستعجلين يزوجوها
مااريد غير وكت ارتب اموري حتى اكدر ازوجج
نسرين .. اكتل نفسي اذا تم هذا الزواج
وليد... ماكو غير ننهزم اني وياج ونعقد عد أقرب شيخ
نسرين...ننهزم
وليد...اي ننهزم ماكو غير حل اهلج مجاي ينطونه فرصه ابد وهذا ابن عمج واكفلنا مثل العظم بلبلعوم
نسرين شلون انهزم
وليد اني راح أدبر سياره ونتفق على موعد واخذج البيتنا
ونعقد ونزوج وبعدين من تهدء النفوس نجي نصالحهم
نسرين اني خايفه انت ماتعرف اهلي اذا لزموني
كبل يذبحوني بدون تفاهم
وليد....شلون يلزمونج وشلون راح يعرفون مكانج
نسرين مجرد افكر بهاي الفكره بطني توجعني
جمانه السعيدي
اخذتني امي للصالون قبل العرس بيومين حفتلي وكصيت شعري كلوش على طوله النص ضهري ومشيت شعري طلع شكلي غير لان بعمري ماحافه ابد
وشعري لا صابغته ولا كاصته
عدنا عيب البنيه تحف قبل العرس لو تلعب بشكله
المهم رجعت ولكيت زوجت عمي بلبيت
زوجت عمي الله طالعه تخبلين ولو انتي حلوه من زغيره
كتله شكرا ودرت وجهي ودخلت للغرفه
بليل دزلي مسج وليد حضري نفسج لكيت سياره
الساعه ثنتين ونص انتضرج برأس الشارع
جيبي مستمسكاتج وياج علمود العقد
ماتتخيلون شكد خايفه من هاي الخطوه بس اهلي ماعافولي مجال اختار اصعب شي الزواج الغصب
دخلت سبحت وبديت ارتب ملابسي
اجت امي وهدى
امي هااا اخيرا اقتنعتي وكمتي تحضرين ملابسج
من الاول وصيري هيج مطيعه
نسرين راسا نزلن دموعي ماهاين عليه اعوف اهلي ابد
كمت حضنت امي وكمت ابجي
امي يااا شوف العياره عليمن تبجين عشر دقايق بيت عمج عنا واني راح اوصيهم يمته ماتضوجين يجيبونج ويجون
اسكتي لا تبجين
جمانه السعيدي
سكتت وحضرت جنطتي والشغلات المهمه
الساعه وحده اهلي كلهم نامو
واني عيني مايجيه النوم شلون راح افارك اهلي
وبعد مااشوفهم
ابوي وامي وهدي واخواني
ياترى راح يسامحوني لو لا
راح يقدرون موقفي
اكيد راح يكرهوني اني راح اجيبلهم العار
بس همه السبب ليش مايسمعوني ليش مايعوفوني
اختار حياتي بنفسي
بقيت اتكلب وعقلي يجيب ويودي
منا لمن اجاني مسج
وليد اني برأس الشارع اطلعي بسرعه
كمت من مكاني ومااكدر امشي من الحزن والخوف
لبست عباتي واخذت فوطة امي البسه بوشيه شلت جنطتي ونزلت اتسحب على كيف
وصلت الباب سمعت ابوي كح كمزت فتحت الباب على كيف وطلعت
التفت على الباب خاف هاي اخر مره اشوف ببتنا
اسفه يابه حقك عليه انت ماعفتلي اختيار ثاني
وليد من شافني واكفه نزل من السياره واجاني
وليد يله امشي ليش واكفه راح الوقت علينا
مشيت ودموعي نزلن صعدت بلسياره وخليت الفوطه على وجهي ودموعي مانشفن طول الطريق
حاسه بغصه بكلبي
ماهين عليه فراك اهلي ابد
ومااعرف شنو المصير المجهول الي منتضرني
طول الطريق ابجي صوتي مبين كاعده ابجي
وليد شبيج ليش تبجين
نسرين خايفه
وليد لا تخافين اكيد اهلج راح يقدرون موقفي ويعذرونج
صلات الصبح كانت بوقته بتلاثه وثلث
بس طلعنا من الديوانيه الاذان اذن
بقو يدورون مكان يصلون بي
عبر على وقت الصلا عشرين دقيقه يله لكو مكان يصلون بي كانت حسينيه على الطريق
نزلو واني نزلت وياهم صليت ودعيت ربي يهون على اهلي هاي المصيبه
جمانه السعيدي
صعدنا ومشت السياره
بعدين الساعه ٦ نزلو بمطعم يتريكون واني بقيت كاعده بلسياره احس اهلي يعرفون اني وين
كل شويه التفت عبالي اخواني وراي
هذا كله واني مخليه الفوطه على وجهي وكامشته بكل قوتي خاف واحد يشوفني ويعرفني
وليد توسل يجيبلي ريوك وماقبلت ابد
وصلنا البيتهم تقريبا الساعه ٨ الصبح
كانت السياره مو حديثه وتمشي على كيف
دك الباب شويه وفتحت الباب امه
تقريبا عمرها ٤٥ بيضه وتارسه لابسه نضاره كامشه شعرها ليوره بقراصه
دخل حضنه وباسه وهي بقت عينه عليه
وليد ادخلي نسرين خل اعرفج على امي
دخلت رفعت البوشيه وعيوني مورمه وحمره من البجي
هي باوعت عليه بستغراب وكالت اهلا من ورا خشمه
وليد ...ادخلي نسرين اخذني للمغسله وكال اغسلي وجهج
هاي الصحيات اذا تردين
غسلت وكعدت بلمطبخ بي كرويته
وليد هو وامه دخلو جوا
واني بقيت كاعده لابسه عباتي وكامشه فوطة امي بايدي
ومااسمع غير امه كلبت الدنيا بلعياط
ام وليد هاي ياشريفه عايفه بيت اهله وجايه وياك
منيين جبته من ياا ملهى
تضحك عليك وتكول بت ناس بت اوادم
وين اكو بت اوادم تعوف بيت اهله وتنهزم ويه واحد ماتعرفه
انت واخوانك وكوه دابره العيشه
هاي شلون راح تعيش ويانه
وليد....نصي صوتج اني احبه واني راح اتكفل بكلشي يخصه
ام وليد انت تضحك على نفسك تضحك عليه الكليه وكوه مدبره فلوسه النوب هاي شلون راح تصرف عليه
باوع هاي الي تعوف بيت اهله وتنهزم
اغسل ايدك منها
هاي لو شريفه ماتعوف ببت اهله
لو تبقى اخر بنيه على الكره الارضيه مستحيل اقبل تزوجه
وليد يمه هي عافتهم علمودي
جمانه السعيدي
ام وليد كلمه وحده ماتبقى بيتي دقيقه وحده
واذا عاجبتك وتريد تكسر كلامي اخذه واطلع
اريد اشوف وين راح تسكنه وشلون تعيشون انت وياها
وليد وين تروح يمه خطيه
ام وليد اني كلت كلمتي لو تطلع هي من بيتي
لو تطلع انت وياها
لو أبلغ عليه الشرطه واكول حراميه كمشته بيتي تبوكني
وليد ليش هيج يمه ليش ولله نسرين حبابه وخوش بنيه
نسرين اسمع كلام امه وعبالك سجاجين تطعن بكلبي
اني شسويت بروحي
شلون عفت بيت اهلي
وليد مو كد المسوليه ولا كد هذا القرار
ياربي وين اروح
هاي حوبت اهلي سوت بيه هيج
اذا تطردني ام وليد وين اروح كلشي مااندل ولا اعرف احد
ياربي شلون بيه
كلبي كام يدك على السريع
خايفه واني أواجه مصير مجهول
الله يستر
