رواية إبن دار الايتام الفصل الثاني بقلم جمانه السعيدي
قصي ودعت الدار بنضره اخيره ومشيت
امشي واباوع كلشي عليه جديد
عالم جديد بلنسبه اليه
كلشي ما اعرف عنه
امشي واباوع للناس الي تشتغل
شفت ناس تدفع عربانه وناس تبيع ماي وعصير
وناس شايله ملابس بيده وتبيع
وناس تبيع عطور
وبسطات مكياج
وعرباين تبيع اكل
بقيت النهار كله افتر
اكو شغل بس اني ما عندي راس مال
الشغل يريد راس مال
واني مااملك اي شي ابدي بي
لليل واني افتر طول النهار اكلت لفه وحده
اني عندي مبلغ كلش بسيط
الدار انطتنيا
بس ما اريد اصرفه كله بيوم واحد لان ما اعرف باجر شنو راح يصير
جمانه السعيدي
بليل تعبت فرشت كارتونه وخليت جنطتي جوه راسي ونمت
كعدت الصبح على صوت عركه
فزيت لكيت ولد ثنيين يتعاركون على المكان
ثنيينهم يبيعون مي وعصير
ويتعاركون على المكان
حسب ما افتهمت هذا المكان كان واحد منهم يبسط بي
وراح يشوف اهله
اجا هذا الثاني استغل الفرصه وكعد بي يبيع
اول واحد صاحب المكان كدر يسترجع مكانه والثاني اخذ
غراضه وبتعد عنه
كعدت شويه بعدين قربت منه وكتله
السلام عليكم
...عليكم السلام
...مديت ايدي اسلم علي وكتله قصي
...سلم عليه وكال اهلا وسهلا محمد
...اريد اسئلك سوال
...تفضل
....اذا واحد ماعنده راس مال يفتح مشروع شنو ممكن يشتغل
...انت منيين
...مو مهم اني منيين اريد اعرف من خبرتك
...لا لازم اعرف انت من بغداد لو محافصات
...لا من بغداد
...يعني ماعندك فلوس ابد
...اي ماعندي اي فلوس
... اني شفتك نايم بلشارع
...اي ولله لا عندي فلوس ولا مكان انام بي
...زين اني راح اساعدك
انطيك هذا سيت المي تروح تبيع بلتقاطع
على أصحاب السيارت
واذا بعته بسرعه ترجع تاخذ واحد ثاني
اني راح اخذ منك بس فلوس المي والربح الك
...اي ولله اكون ممنون منك
...بعدك ما متريك
...مو مهم الريوك خل اروح ابيع
...لا مهم نتريك حتى الدماغ يشتغل
...هاك روح جيبلنا لفتين فلافل
...
انطاني فلوس اخذتهن امشي واكول الله اذا احب عبدا سخر له عباده
اللهم انت اعلم بحالي يالله
جمانه السعيدي
جبت لفتين وكعدنا ناكل اني وياااا
بعدين شربنا جاي
اخذت السيت مال المي ورحت
اكو ولد يببعون اني ما حاولت احتك بيهم ابد خاف تصير مشكله مثل مشكلة محمد الصبح
وكفت بعيد واني شايل السيت بايدي
جان توكف كيه ناس رايحين للزياره
واكو مره صاحت عليه خاله بيش البطل
محمد اي خوش فكره
قصي اريد استأجر عربانه بلبدايه وبعدين بس الله يفتحه بوجهي ا
اشتري عربانه خاصه بيه شنو رائيك
محمد ممتاز واني راح اساعدك على كد ما اكدر
وفعلا راح وياي محمد واستاجرنا عربانه واشترينا جدوره للطبخ والمواد الي احتاجهن
فلوس مكفن
محمد ساعدني هواي بس طبعا قرضه
مقرر بس اشتغل ارجعهن اله
حضرت كلشي ووكفت بنفس المكان الي بي محمد
حتى يكون اكل ومي وعصير
بنفس المكان
بلبدابه كنت مامعروف هواي كان الشغل ضعيف
بعدين كمت الساعه ١٢ يخلص كلشي
قررت الصبح تطبخ تمن ومرك والعصر اكلات سريعه
الحمد لله الله كرمني
وشغلي خير من الله
( وان تعدو نعمت الله لا تحصوها )
