رواية نصف عذراء الفصل الثاني بقلم جمانه السعيدي
نزلت من السياره اشوف شنو الي دهسته وتفاجئة بنيه او مريه ماشفت ملامحها زين بس شني
كلها تراب وجها بي دم
الضوا موقوي بلشارع ما شفت وجها
ياربي شني هاي المصيبه
لزمت ايدها بيه نبض
خفت وما اعرف شنو اسوي خاف انقلها للمستشفى وياخذوني سين وجيم
وبتفكير مستعجل قررت اخذها البيتنا ما دام بيها نفس
واشوف ابوي شيكول
لفيتها بعبايتها وشلتها وخليتها بلسياره
شغلت السياره ومشيت
سمعتها تون
كلت الحمد لله يعني مابيها شي
وصلت للبيت وحركت الجو بلهورنات
فتحو الباب دخلت السياره للكراج
نزلت بسرعه شلتها
جمانه السعيدي
امي..شنو هاي هاي ميته
ابوي...شصار وليدي شصار
اني امشي سريع وهمه دخلو وراي
دخلتها الاستقبال ومددته على الكاع
مامبين شي منها وجها بي دم وكله تراب
بس تون كل شويه
ابوي...شني هاي شبيها
فهد...بابا ما ادري منيين طلعتلي ودعمتها
ابوي...وليش ما اخذتها للمستشفى
فهد...شفتها تتنفس وكلت بلبيت اداريها احسن من المستسفى خاف اهلها يشتكون عليه ويسجنوني
خل اعالج جرحها ومنا للصبح اذا ماصارت زينه اخذها للمستشفى
امي...وللك يمه خاف تموت
فهد...كولي يالله انشاء الله ماكو شي
جيبيلي ماي وخاولي خل انضف وجها واشوف جروحها وين
بديت انضف وجها بي جرح بكصتها
بعدين طلعت وعفت امي تشوف جسمها خاف بي جرح
شويه ورجعت
امي.... جرح بايدها وجرح برجلها وضهرها مزلغ من الوكعه على الشارع
ضمدت ايدها ورجلها وخليت امي تخلي لزكه على ضهرها
وطلعت جبت مغذي وشكلته الها
كل شويه تون وابد مافتحت عينها
بقينا بقلق وخاصتا اني خفت لايصير عليها شي
امي....تعالو تعشو
فهد...روحو انتو تعشو واني بعدين
ابوي...اني راح اتصل على خالك واشرحله الموضوع واشوف شيكول
خالي مدير مركز الشرطه
شويه واسمع ابوي يحجي ويا
ابو فهد....ابو عصام شلونك
ابو عصام...اهلا وسهلا انتم شلونكم ام فهد شلونها
ابو فهد...الحمد لله تمام
ابو عصام...عساكم دوم
ابو فهد رايدك بموضوع
ابو عصام...تفضل اني بلخدمه
ابو فهد...شكرا خادم ربك
اليوم فهد داعم بنيه وخايف ياخذها للمستسفى يخاف خاف اهلها يشتكون علي
ابو عصام...البنيه شنو وضعها
ابو...فهد...زينه بس بعدها ما كاعدا
ابو عصام...اذا وضعها زين عوفها خليها عدكم واني اذا احد قدم بلاغ على بنيه مختفيه اني اجيبه واجيكم ونحاول نحل الشغله وديه بينا
واذا البنيه تخربطت وحالته موزينه انقلوها للمستشفى واني اجي وياكم
واذا اهلها اشتكو على فهد اني موجود واحاول احل الشغله
ابو فهد...زين اشوف وارجع اخابرك لاتقفل تليفونك يجوز نحتاجك
ابو عصام...اني بلخدمه بس اتصل عليه
فهد...اهلي تعشو واني الف فكره اجت ابالي اخاف لايصير عليها شي وتوكع براسي
جمانه السعيدي
كل شويه اشوف النبض
بعدين انتبهت ملابسها مبهذله وعبايته شحالها
خوب شحاطتها بقت بمكان الحادث ماجبتها
فكرت انقلها للمستشفى وجماعتي كلهم بلمستشفى ويداروها
زين واهلها شلون
بس اني ماليه ذنب هي طلعت فجئه كدام السياره
جابتلي امي اكل كوه اكلت شويه وشربت جاي لان راسي راح ينفجر
خلص المغذي بس بعدها مافاتحه عيونها
بس كل شويه تون
حوالي الساعه بلعشره بليل لزمته صخونا خليت امي تسويلها كمادات واني رحت جبت ابره مال صخونه
هاي الابره لازم تنضرب بلعضله خليت امي ضربتها
امي...يمه انت تعبان روح نام واني باقيه يمها
فهد....خاف تتخربط بليل لو تصعد حرارتها
امي...لا انشاء الله مابيها شي واذا صار شي اني اكعدك روح نام
فهد...زين رايح فدوه يمه لا تغفلين عنها انتبهيله
امي...لايمه لاتخاف اني يمها
رحت بقيت ساعه كامله اتكلب بلفراش ما اكدر انام من القلق والتفكير
غفيت وحلمت حلم مزعج وكاني اركض واكو جلاب يركضن وراي واريد اخلص نفسي ماكو فزيت مرعوب لكيتها الساعه بلاربعه اله ربع
رحت اشوف هاي المصيبه الي طلعتلي
رحت لكيت امي غافيه يمها
لزمته حرارتها عاديه
كعدت امي كتلها روحي نامي اني بمكانج
امي كعدت وراحت الغرفتها كعدت عمتي واجت كالت انت روح نام عندك دوام الصبح اني ماعندي شي ابقه يمها
رجعت بس ماكدرت انام تندمت لان مانقلتها للمستشفى
البيت كله دخل انذار بسببي
وقررت الصبح اخذها للمستشفى واجيكها
خاف مكسور ضلعها لو حوضها من الضربه
صارت الساعه بلسته كمت رحت لكيت عمتي كاعدا يمها
كتله عمه تكدرين تغيرين ملابسها لان اريد اخذها للمستشفى
كالت اي صار خل اروح اكعد امك تساعدني واجيبلها من ملابس ندى لان تلابسها
رجعت الغرفتي بدلت ومشطت شعري
اجت وراي عمتي
نجيه....عمه البنيه فتحت عيونها
فهد...يالله خل اجي اشوفها
فهد رحت يمها فتحت عيونها شويه وسدتهن عيونها خضر
فهد...تسمعيني
رجعت فتحت عيونها وسدتهن
فهد...يوجعج شي فتحت عيونها شويه حركت ايدها صاحت اخ اخ
فهد تكدرين تكعدين
غمضت عيونها وماحاجتني
بعدين فتحت عيونها وكالت
انتم منو...اني وين
فهد...البارحه صرتي كدام السياره ودعمتج
سكتت وماردت عليه
فهد...اريد اخذج للمستشفى اشوف وضعج شنو
جمانه السعيدي
حاولت عمتي تكعدها ماكدرت
امي ساعدتها طبعا لكيتهن مغيرات ملابسها
بس شعرها نازل على المخده سرح ولونه اشقر متوسط لايك على ملامحها
كعدت شويه وكالت اخ راسي يوجعني
فهد....يمه خلي شي ورا ضهرها خل تكعد
عمه روحي جيبيلها ريوك
جيبيلها حليب خل تشرب اول
طبعا تفتح عيونها شويه وترجع تغمض
جابت عمتي الحليب وشربت شويه
واكلت شويه صمون
تاكل على كيف كوه تحرك حلكها
جابتلها امي حجاب وعبايه وشالنها امي وعمتي لمن وصلت السياره
واجت وياي امي للمستسفى
وابوي كال اتريك واخابر خالك ونجي وراك للمستسفى
وصلنا للمستشفى
جبت كرسي متحرك وخليتها واخذتها للطوارء
دخلتها الدكتور الي مداوم صديقي والممرضين جماعتي
اجا الدكتور يشوفها فتحت عيونها
الدكتور... هاي اختك
فهد...لادكتور جيرانه
الدكتور...شبيها
فهد....وكعت من الدرج ونريد نسوي تحاليل كامله نجيك حالتها
الدكتور...صار تدلل بس اسمها بلا زحمه
فهد....هاااا
اسمها ....نرجس.....نرجس علي
اخذو الاسم والدكتور سجل ورقه للاشعه
اخذته الغرفة الاشعه دخلت هي وامي واني بقيت برا
بعدين امي طلعت لان مايصير تبقى بغرفه الاشعه
شويه وطلعوها بقينا ننتضر
طلعت الاشعه واخذتها للدكتور
الدكتور الحمد لله مابيها شي ابد
وجسمها سليم ما متتضرر ابد
راح اسجل مسكن وعصاره للخدش
وتكدر تأخذها وتروح اطمن مابيها شي
