رواية نصف عذراء الفصل الثالث بقلم جمانه السعيدي
وصلنا للبيت ولكينا البنات ناقلات فراشها بغرفتهن طبعا الغرفه جوا ينامن بيها سجى وندى وعمتي
تمددت وجابلها البنات اكل
فهد....يمه تعاي احجي وياج
امي طلعت من الغرفه واجتني هاااا يمه شكو
فهد...يمه اسئليها وين بيتهم بيت منو وشنو اسمها
حتى نروح انمشي على اهلها
مادام طلعت زينه وما متاذيه حيل
امي...اي هسه بس تكمل اكل احجي وياها
رجعت امي للغرفه
الحمد لله على سلامتج حبيبتي
امي...يمه انت بت منو وين بيتكم بلشوملي
حتى ندز خبر الاهلج يجون ياخذونج هسه لازم خابصين الدنيا عليج
....سكتت وما جاوبت
امي...حبيبتي ليش ساكته اهلج بيت منو
انريد ناخذ مشيه ونروح عليهم ونعتذر منهم
جمانه السعيدي
...سكتت وماجاوبت بس تفتح عيونها شويه وترجع تغمض
امي...حبيبتي ليش ساكته انتي ناسيه اهلج
عمتي خاف الضربه اثرت على راسها ونست
امي...لا اسم الله شني اكو واحد ينسى اهله مستحيل
عمتي...زين اسمج شنو حتى انصيح باسمج
...سكتت
امي...احنا سميناج نرجس حلو نرجس بس انتي لازم عندج اسم حلو مثلج لان انتي حلوه ماشاء الله
.
...سكتت
امي...زين احجي اي شي خل نسمع صوتج
.نرجس ....كلشي ما اذكر
عمتي...شلون ماتذكرين
...ما اذكر اي شي
امي...زين ارتاحي يمه وبعدين نرجع نحجي مره ثانيه
طلعت امي من الغرفه واجتني
امي...يمه فهد تكول كلشي ما اذكر
فهد...شلون ماتذكر الضربه مو ذيج القوه معقوله ماتذكر اي شي
امي...اي اسئل عمتك البنيه تكول كلشي ما اذكر حتى اسمها ناسيته
فهد...خل تتحسن شويه ونرجع نسئلها واذا ماتذكر ناخذها للدكتور نتأكد من حالتها
حتلو اجو عليها اهلها لازم اخذها دكتور لان اني السبب بلي صار وياها
اني ابد ماشفتها بلشارع مدري منيين طلعتلي
امي...قدر يمه وصار والحمد لله ماصار عليها شي
جمانه السعيدي
بليل البنات تعشن يمها حتى تاكل وياهن
ندى...اكلي ويانا على الواهس
نرجس...ما اشتهي ابد
سجى...لازم تاكلين لان تاخذين علاج
نرجس...هسه اكل وياكم
ندى...معقوله كلشي ماتذكرين حتى اسمج
نرجس...اي ما اذكر اي شي
سجى...هسه يطلعون اهلها واكيد يتعرفون عليها
خالي كال بس يجي بلاغ اخبركم
ندى...يعني لاتذكرين اهلج اخوانج عمامج من كلت كلمة عمامج البنيه شركت
سجى...اسم الله هاج اشربي مي ندى بعد لاتسئلينها اي شي البنيه تعبانه وانتي استلمتيها اسئله اذا تعرف اهلها اكيد راح تكول وترجع عليهم
كملنا عشى وشلنا الصينيه وجبنالها جاي
وكعدنا نسولف ونضحك ونتفرج تلفزيون ونرجس مدده وساكته ولاحجت اي حجايه
مهند واخوانه اجو بليل على بيت حجي سعد
مهند....هااا فهد شلون صارت هاي البنيه
فهد الحمد لله تمام
مهند...يكولون تخبل وعيونها خضر
فهد...يمعود شعلينا بيها هسه يجون اهلها وتروح وياهم واخلص من هذا الكابوس البارحه ابد مانمت من الخوف
لو ميته شلون
مهند...الحمد لله قدر ولطف بينا
فهد...يستاهل الحمد كلما اذكر الي صار اتخربط
نمنا بليل ونامت نرجس بغرفة البنات بعد ما اخذت علاجها
سجى..نايمه بليل واسمع صوت واحد مختنك ويون كعدت هاي نرجس مختنكه بعدين كامت اتصيح عوفوني عوفوني
قربت عليها وكعدتها من النوم
سجى...نرجس نرجس اكعدي تتحلمين
فتحت عيونها وهي تتنفس بصوت عالي وبعدين كالت ماي اريد ماي
راحت سجى اجيب ماي شربتها وهدئة شويه
سجى....اذكرتي اهلج
نرجس...ليش
سجى...اتصيحين عوفوني
نرجس...لا ما اذكرت اي شي
سجى...يله ارجعي نامي
جمانه السعيدي
ثاني يوم الصبح كعدنا نتريك كلنا
فهد...يمه شوفي البنيه كعدت خل اشوفها واسولف وياها
امي اي هسه صار
ام فهد يمه فهد يريد يحجي وياج
نرجس...اي خاله
فهد...صباح الخير
نرجس...كعدت وعدلت شالها صباح النور
فهد...صرتي احسن
نرجس...وهي مدنكه....اي احسن
فهد...بس اتصير رجلج زينه اخذج دكتور اختصاص
واذا اذكرتي اهلج بعد احسن
لان شغلت النسيان هاي قالقتني حيل
نرجس...رفعت راسي واجت عيني بعينه بعدين دنكت وكلت
انشاء الله
فهد...احجي وياها وهي مدنكه رفعت راسها واجت عيوني بعيونها
موعيون يذبحن بس دنكت بسرعه
فهد...خلاص اذا تحتاجين شي كولي لاتستحين
نرجس...شكرا ماقصرتو ابد
جمانه السعيدي
طلع فهد وبقينا اني والبنات بلغرفه
نرجس...ندى ولو ازعجج اريد اسبح تعرفين وكعت بلكاع والبارحه بس غيرو ملابسي وهسه اريد اسبح حتلو ارجع هذا الثوب عليه ميخالف
ندى...شنو ترجعينه عليج قحط ملابس هسه انطيج ملابس واسبحي
سجى...يله كومي نساعدج
نرجس...لا اكدر وحدي بس دلوني على الحمام
فهد...يمه هاي فلوس واشتريلها ملابس خطيه
امي...صار اليوم اروح للسوك واجيبلها
لليل فهد خابر خاله
فهد....هلو خالو
...هلو فهودي شلونك
....تمام الحمد لله
...محد سئل عليها
...لاولله ماكو اي بلاغ
...شلون خالو البنيه ماجاي تذكر اي شي ومحد سئل عليها
شغله تحير حيل
....ولا تذكر اي شي
...ابد حتى اسمها ماتعرفه
....ايجوز من غير محافظه
....ما اعرف
...خاف مسويه مصيبه وشارده منها وصارت بطريقك
...مامبين عليها صاحبت مشاكل
..زين خل نننتضر ونشوف
...ننتضر ولله كريم
نرجس...اسبح واكول لازم اكول ما اعرف اي شي ونسيت كلشي ما اريدهم يعرفوني ويرجعوني العمامي
اذا رجعت العمامي اكيد راح يذبحوني ويخلصون مني
بس شلون الى متى راح اكول فقدت الذاكره
واذا فهد اخذني دكتور وكتشف اني مابيه شي شلون
اذا عرفو اجذب عليهم اكيد راح يطردوني من بيتهم ليش يتحملوني
خل ااسوي نفسي كلشي ما اذكر الحد ما عمامي يبطلون يدورون عليه
وساعته اشوفلي مكان ثاني
طلعت ورجعت الغرفة البنات وبديت امشط شعري
اسمعهن يسولفن برا
اتحسرت
ياربي شكد حلوه العائله ليش حرمتني من عائلتي
حسيت ارتاحيت بعد السبح وصرت احسن
بس رجلي توجعني شويه
راح استمر اكول رجلي توجعني بلكت فهد ينسى شغلة الدكتور واخلص
بس كلشي واله نهايه
وما اعرف نهايتي وين
بس اكيد رب العالمين الي نقذني من ادين عمامي
راح يساعدني ومراح ينساني لان يعرف اني بريئه ومضلومه
