رواية عشق مابعد الطلاق الفصل الثلاثون بقلم ساره فاضل
ناي
طلع حسين من يمنه دقايق وجاب دكتور ألاطفال حالت حمودي مطمنت الدكتور كال تباتين بي اليله وباجر ب12الضهر أمرله أذا زين يتخرج من المستشفئ طبعآ اني منهاره وتعبانه ومااعرف شلون اشرح وضعي ام رضا وياي وأبو رضا ووالي طلعت يمهم كلتلهم بالكاله الدكتور وام رضا خطيه مقبلت ترجع توسلت بيه وكلتله اني ابقه ويا وروحي ارتاحي وتعاليلي مقبلت
ابو رضا
صدك جذب بويه شلون نرد لبيتنه ونخليج وحدج شني السالفه مابينه غيره عليج وانتي بنيه شابه تضلين وحدج بالمستشفئ. وشوف عينج هذول الممرضين عيونهم نكسه ومايحترمون حرمة بنات الناس بويه ضلي ويه خالتج ام رضا ولاتشيلين هم يوم يومين عشره ام رضا وياج وتدللين
ناي
والله مااعرف شلون اجازيك عمي وشلون أردلكم جميلكم الغركتوني بيه الله يكدرني وأردلكم ولو شي بسيط من افضالكم عليه
2 ت
ابو رضا
صدك جذب يابويه شني هلحجي انتي بنيتنه حالج من حال البنات ومااضن بين البت واهله جمايل انتي بت اخوي وصاحبي ورفيج دربي وانتي وصية الغالي وأمانته وان شالله نحافض ع ألامانه طول العمر
3
ناي
وماقصرتو الله يبارك بيكم وبعمركم وبصحتكم ويخليكم لولدكم انشالله
ام رضا
ياربي امين يالله يالله يمه تعالي انوم وليدج ونخليهم يعلكوله علاجه ويرتاح وانتي هم رتاحي اليوم مليتي من الصبح لهسه فرد وكفه
( 2 )
ابو رضا
وانه ووالي نروح للبيت ولاتخافين ع والي راح اقفل بيتكم واخذه ابيته يمي وانتن شيصير وياجن بس دكن عليه أجيجن بسااع
ام رضا
مودعين بالله
ناي
راح ابو رضا ووالي ورجعنه للردهه أجت السستر علكت لحمودي مغذي وكالت انشالله منا للصبح اله دورتين علاج علكتله اوكسجين اتنفس وارتاح ونام لان تعب من البجي طول اليوم يبجي ام رضا نامت بلكاع خطيه بهذلته وياي كلش
واني متديت بصف محمد واباوعله حبيبي تعبان وذبلان مااعرف شسويله وشبيدي علي اااخ يايابه لاأنته موجوده ولاأمي شيصير لو الدنيه عايفتلي واحد منكم مليت من دنيتي مليت من عوزة الوالي لاألي ام ولا أب ألانسند عليهم ضاله غريبه بغير والي
الدنيه واليتني وليه وابني الي نولد للدنيه بلا أب والمصيبه اني المنعته من ابو بسبب خوفي من تصرفاته وبسبب جرحي من حبه الغيري الي اعترفلي بي بدون ميرحم بحالي اااااه ه ه
شبصير لوشايف حبي اله شيصير لوشايف شكد جنت شايفته فارس احلامي وشايفته حلم عمري ألاتحقق بس للأسف مادام
2 ت
حسين اليوم معقوله ماعرفني معقوله معرف شكلي الحمدلله اذا ماعرفني بعد احسن وبعدين منين يعرفني لابسه اسود وضعفانه ووجهي كله شعر حواجبي مختلفه اكيد ميعرفني
وحتئ اذا ميعرفني فيشبه عليه لااكثر
يااارب مايعرفني يارب
2 ت
بهل أثناء فز حمودي جوعان حبيبي صار فتره طويله مراضع رضعته بس مااعرف ليش من رضعته حسيت بضيق بصدري ونفسيتي تعبت ابني قهرني شكله وقهرني وكعته وهوه مثل اليتيم بقيت ابجي طول اليل مااعرف ليش لان ابني مريض لولأن الدنيه وضغطه عليه خنكني طلع الصبح تقريبآ بال6واني ابجي كعدت ام رضا خطيه. اول ماكعدت كالت
1 ت
ام رضا
يمه ناي رضعي وليدج. واطينيا ونامي ارتاحي تره طول اليل وانه اسمع بجيج ونحيبج والصدك يايمه حكج الدنيه تعبتج حيل حيل نامي وذبي حمولج ع الله وانشالله مايقصر وياج
1 ت
ناي
حاشالله
انشالله. خاله والله كريم
رضعت حمودي وبدلتله وانطيته لم رضا ونمت بس ذبيت نفسي نمت مثل الميت من التعب والسهر والبجي نمت وبعز نومتي فزيت بهدوء
المستشفئ كله اضلم بس ضلام خفيف وضباب مالي المستشفئ فزيت ادور ع ابني مثل المخبله وصلت لنهاية الممر شفت امي وابوي واكفين ابوي بدشداشته وعكاله وامي بعباته ولبسه الحلو واكفين وشايلين حمودي يلعبون بي اتجهت الهم سلمت عليهم واني ابجي بحركه وعاتبتهم
شبكت امي وكلتله
يمه ليش عفتوني لييش رحتو وخليتوني للهم ماكلتو ناي محد اله
وانته بويه موكتلي توكف وياي طول العمر وماتعوف ايدي ليش عفتني بويه ليش ليش عفتني لاسند ولاضهر الأنتجي علي عفتوني لوحدي ومحد الي
ام ناي
لاماما لاحبيبتي المن هلبجي وليش تكولين انتي لوحدج
استغفري ربج بنتي محد لوحده كلنه النه الله الميت والعدل تحت ضل رب العالمين وتره متضيج اله تفرج يابنتي ياحبيبتي
ابو سجاد
بويه ناي انه ماعفتج بس انه جان هاذا حدي بالدنيه وكلمن ياخذ نصيبه منهه انه الحمدلله ارتاحيت من الدنيه وهسه بمكان حلو احلاا من الدنيه بهووواي وانتي ووالي وحمودي الكم الله ماينساكم ونشالله يفرحكم ويسعدكم
نلي
امي انطتني حمودي اخذته منه وخليته ع صدري جان امي تنزع شال من ع جتفه مألوف الي شايفه كلتلي عرفتي
كتله لايمه ناسيته شنو هاذا الشال
كلتي تذكرين الشال الجبته الج قبل سنه الطلع ضيك ومفتوك
كتله اي
كالت هاذا نفس الشال أخذنه حوريات الجنه
صلحوو الج ودزو الج ويكولون لاتفرطين بي طول عمرج هاذا نصيبج وهاذا فرحت كلبج وهاذ الشال الستر والعزه لاتنزعينه ناي لبسي ولاتخافين ماما لبسي
ناي
فزيت واني مدهوشه من الحلم كلش جان متعب رغم حلاوته صارلي فتره مشايفه أهلي بالحلم فزيت رتبت شالي وعباتي ورحت للحمامات غسلت وجهي اجه الدكتور وجيك حمودي وشاف تحاليله
وكال
باجر يلا يطلع من المستشفئ لان يرادله دورة علاج جديده لان الطفل كلش تعبان اللتهابات مئذيته
1 ت
ناي
بكيفك دكتور يوم يومين اهم شيء حمودي يصير زين
الدكتور
لاانشالله يصير زين بس انتبهي لرضاعته وانتبهي للأجواء والبروده لاتنسين هوه طفل وجسمه ميتحمل البرد مثلنه ع العموم عنده العافيه
ناي
رغم التعب بس يلا يوم بالمستشفئ زياده ميضر
درت ع ام رضا شفته أطلع أكل من العلاليك
خاله منين هاذا الاكل و منو جابه
ام رضا
خاله هاذا جابه عمج ابو رضا مساعه اجه يشوف حمودي وماكعدتج كلت اكيد تعبانه مااكعده جاب الاكل وراح وكال خابروني شيصير وياكم يلاا يمه اكليلج لكمه تلزم كلبج انتي ترضعين مومال تجوعين تضرين وليدج
ناي
كعدت يم ام رضا البنات دازات دجاج وخبز بالكوه كلتلي شويه مااعرف اكل بالمستشفئ واصلآ مالي نفس وتعبانه
خلصنه اكل وشربنه الجاي بس راسي احسه يريد ينفجر صارت الساعه بالوحده
وفز حمودي يبجي بجي موطبيعي
نخبصت بي خبص ساعه كامله افتر بي
يلا سكت بس بعد ماهسترني اجئ الدكتور فحصه كال ماعنده شيء يجوز تعبان من الاجواء والهوسه
لان صحته افضل من البارحه بس يرادله راحه كعدت بي بغرفة لوحدنه جانت الغرفه تابعه للقسم الخاص ودخلني بيه الدكتور كال نومي ابنج خل يرتاح شويه وطلعي
1 ت
تشكرت من يمه وبقيت افتر والعب بي حتئ يهدء وبعدين نومته ونمت بصفه كلت بين ميرتاح ونطلع بس من التعب نمت واني تعبانه وهلكانه بس نايمه ومنايمه يعني اسمع واحس واشم كلش نفتحت الباب ودخل عطر حسيته تخلل لروحي العطر موغريب عليه وموبس شبهت علي لااا اعرف صاحبه ماردت التفت وانصدم غمضت عيوني بشده حسيت رجلين تتقدم عليه بخطواته الضعيفه دنگ عليه وهمس بأذني
نايي ناي كعدي
2 ت
قيصر
طول الطريق واني حاس سالفة حسين موطبيعيه معقوله حسين ورفل عدهم مشكله زين اذا اكو مشكله جان اعرفت زين رفل عده شيء يعرقل عليه الحمل
لالالالا ماكو شيء نشالله زين حسين لاسامح الله عنده مرض قوي ويضحك ع رفل ويكله زائده أني دكتور واعرف مريض الزائده عمليته فورآ وحتئ اذا تتاخريوم بالكثير ماتطول ايام وحسب حجي حسين مشخصينه من قبل يومين
يارب دخليك صديقي مبي شيء لاهوه ولاعائلته يارب
وصلت بال2واني هلكان وتعبان لان طول اليل خفر وتعب والصبح سفر وصلت هلكان فتحلي الباب حسين ويضحك وينكت. جان كتله مااعرف شكلك جايبني لهنا وانته مبين ماعندك شيء ولابيك شيء لاسامح الله لك خوفتني حسبالي عدكم شيء لان مومن عوايدك تخابرني فجئه وتطلب جيتي للعماره فجئه
وبعدين موعندك الزائده وعممليتك بعد ساعه شعندك بالبيت. جان يكلي خبر مجنت متوقعه ولاحاسب احسابه بعدين شلون الطفل اجه بمجرد علاقه عابره مجان مخطط اله اااخ ياحسين شنو هلخبر الجبته مااعرف افرح لان عندي طفل وراح يملي حياتي سعاده لواأحزن ع حالته وحالت ناي وشلون دبرت هاي الفتره الصعبه الوحده طلبت من حسين ياخذني للمستشفئ بسيارته الطريق كله متوتر مااعرف ليش كلبي احسه راح يشك صدري من الحماس أني دكتور وماره عليه اصعب لحضات ارواح عالم بايدي ومسؤليات جبيره بس بعمري ماتوترت الطريق كله واني اباوع للشارع واني اريد الشارع ينطوي واوصل للمستشفئ،وصلنه لنفس المستشفئ الي توفه بي خالي دخله للبوابه حسين يمشي قبلي والكل يسلم علي لان دوامه جان بنفس المستشفئ مشه مسافه جبيره والتفت عليه لكاني بمكاني رجع عليه واني حته حجي مااكدر احجي
حسين
قيصر
قيصرر
قييصرر
أسمعني قيصر
لاتتيبس بمكانك أقوئ ياأخوي جمع قوتك وادخل جوئ واجه ناي شوف شنو السبب الخلاهه تتحمل مسؤليت نفسه ومسؤلية طفل وحرمتك من ابنك قيصر شوف شنو السبب الخله البنيه توصل لهاذا القرار بس بدون عصبيه ادخل قيصر اكو ملاك زغير جوه مريض ومحتاج ابو فوت قيصر فوت
1 ت
قيصر
حسين
صوجي اني لوصلته لهاي الحاله اني التركته هاي الفتره لوحده خليته تعيش مرحله صعبه بسبب تفكري الاسود والضلام الجان مالي كلبي من وره سمر وسحورته عمري كله ماجنت إأمن بهيج شيء لحد مامريت بي وشفت حالتي جنت حيوان بدون عقل ولااحساس جنت احجيله واعبر اله عن حبي لوحده ثانيه وسكتت وتحملت رغم قوته الضعيفه الخانته باول جوله ولمن اجت وياي للبيت من اول يوم سويت بيه الميتسوه رغم اني اعرف حالته الصحيه متسمح مااعرف شكله حسين مااعرف شلون ابرء نفسي كدامه
2
حسين
كله البكلبك قيصر
كله بالي تحس بي احتضنه هيه وابنك قنعه بحبك اله حسسه بندمك ع غلطتك وياه تره ناي بنيه سباعيه وتستاهل واحد يفتح كلبه اله
اخذني حسين من ايدي وفوتني للمستشفئ دخل للستعلامات وسال عن محمد قيصر محمد جنت سعيد بسماع اسم ابني صح ماشايفه لحد الان بس كلبي فرحان بمجرد اسمه ينذكر
1
كلوله بالردهه الاولئ رحنه لهناك لكينه صديق حسين دكتور اطفال سئله ع حالة محمد كلاله راح يبقئ بعد يوم لان عنده اللتهاب قوي وفلاونزه موسميه يعني دورة علاج وعلاج ينكتبله من يطلع للبيت يصير كلش زين سئلنه وين هسه هوه موجود
كال قبل شوي بجه بجي كلش قوي واختنك عاد دزيته ويه امه للجناح الخاص لان اكو هواي غرف شاغره ووصيت الممرضات عليهم بين متنيمه ولشوي وتطلع
حسين
مشكور دكتور تعبناك
لاتعب ولاشيء هاذا واجبنه
وبعدين انته كلت بنت عمي واكيد بنت عم دكتور شاطر مثلك تتخله ع الراس
دخلت جوه الغرفه شفت طفل مثل العابه يشبهني شبه. كلش جبير حبيبي نايم والكانيولا بئيده وشكله تعبان اباوع لناي بصفه نايمه ومتغطيه بعبايته ومطيه ضهره للباب وكالعاده شعره الكيري الماتعرف يسحر الكلوب مخليته متناثر ونازل من ع السرير دنكت عليه وشميته نفس عطره ماتبدل حسيت بيه كاعده منايمه عاد مااعرف شنو صارلي
حسيت الكلمه طلعت من كلبي وكلتله
،،،أحبج،،،،
ناي
وهيه مغمضه عيونه وخايفه يكون حلم موحقيقه
منوو؟
قيصر
اني
الغبي الفرط بوحده مثلج حلوه ورقيقه وكلشي مثالي عندج بس جانت عيوني عميانه بوهم وضلام وصلني للتهلوكه لولا ستر الله
ناي
وشجابك بهد هاذا الوكت شذكرك بيه
قيصر
ليش منو كال اني ناسي حته اذكر بس ماجان الي عين حته اجيج واسولفلج وأبررلج
ناي
ماكو داعي تبرر ولاتحجي البينه انتهه قيصر رووح وعيش حياتك تزوج التحبه وعيشو سوه هيه من مستواك وتشبهك بكلشي اني وانته شنو البيناتنه يتشابه حتئ نرتبط شوف انتئ وين واني وين هواي اكو شغلات تمنع هاذا الارتباط وأولهم حبك لحبيبتك الدكتوره
ناي
تحجي بداخله
ماتدري ليش احاجيك واني منتطيتك ضهري اخاف أخاف من اعيونك لااصد بيهن وابيع كلشي واروح وياك اخاف لااضعف كدام حجيك واول دمهه توكع من عيني اركض وأختل بحضنك من هموم الدنيه واخاف واخاف واخاف هوواي خوف بداخلي لمجرد عيني تصد بعينك
انداريت واني اتحاشه اباوع لعينه
قيصر
دارت وجه عليه اااااخ ياكلبي من شفته حسيت الدنيه ضحكتلي مثل ماهيه حلوه ورقيقه وبريئه
مثل ماشفته اول مره رغم ضعفانه وألاسود خانكه خنك بس حبيبتي مثل الملاك نزلت من السرير وكعدت ع القنفه واني جبت كرسي وكعدت كدامه
ناي
احجي قيصر لان ماعندي وقت لازم اروح
قيصر
ماشي
شوفي ناي اني من اول ماشفتج أنعجبت بيج وشفتج احلا بنيه واكثر بنيه عاقله ومحترمه ومؤدبه ومرحه شافته عيني كلشي بيج حلو ومتكامل بس جنت اضن اني احب سمر
بس لمن تزوجنه اول يوم بالفندق ماجانت وكعتي هيج من فراغ جنت اضن من ضغط العرس لو التعب والارهاق بس بعدين اتضح شيء ثاني وحته انتي وكعتج وكلشي صار بفعل فاعل وحصل هاذا الشخص اليريده وخلال 3ايام طلعتي من حياتي دخلت بأزمه نفسيه قويه ع اثره طلعت من بيت اهلي والله سبحانه ماطول الطريق عليه ثاني يوم اكتشفت حقيقه سمر وهيه منو وشنو رحت وجبته وواجهته بحقيقته طلع كلشي جنت اضنه صدك سمر بنيه سحاره ونصابه وحقيره استغلت مهنة الطب المقدسه حته توصل للباله والي هوه تستولي ع املاكنه وثروت ابويه لمن واجهته ماترددت ولالحضه عن مضرتي وطعنتني بخاصرتي بسجين ورادت تخلص عليه بس حسين انقذني منه واخذته الشرطه وانفصلت من مهنة الطب مدا الحياة
بقيت بالمستشفئ أيام ع ماتحسنت واول ماتحسنت واستعديت اجي اني واهلي واعتذر لخالي وابوس ايده ورجله صار الحادث وتوفه خالي
لمن ردت ارجعج وره الفاتحه مجنت ناوي اخذج لنفس الوضع لاا بس جنت ناوي ارجعج عروس كلشي نعيده من جديده كلشي يتغير بس انتي مانطيتيني فرصه احجي
ناي
بسس
قيصر
رجائآ ناي خل اكمل وبعدين احجي
أنتي سديتي الباب بوجهي وحكمتي عليه اعيش حزين
وفوك كلشي طلبتي الطلاگ
طلكتج بس امني برب العالمين ياناي دعيت الله الف مره هاذا الطلاك ميتم والحد ألان شغله المحكمه متوقفه وهاذا جان المصبرني ع فراكج اكول يجي يوم تطلب الطلاك من المحكمه واشوفه وابررله موقفي عدت مرات اجيت للعماره حته اشوفج واحجيلج البالي بس ماجان عندي جرئه اوكف كدامج بعد المواقف الحطيتج بيهن بس اليوم اتصال حسين غير كلشي بالنسبه الي دز عليه واجيته وكالي الماجنت متوقعه منج ناايي
تضمين ابني عليه تضمين ضناي الي اني وانتي نعرف شنو مكانة هاذا الطفل بكلبي وبگلب اهلي مااجه يوم وحسيت نفسج تضلميني بهاذا تصرفج ماحسيتي بخطية الطفل وهوه عايش يتيم وابو موجود اني كلش زعلان من هاذا تصرف لمن اجيت للمستشفه بس من شفتج وشفته زعلت اكثر بس مومنج لااا زعلت من نفسي زعلت من نفسي ع ذيج ألايام الكضيتوه بحدكم أسف ناي سامحيني أسف ع التعب السببته الج اسف
2 ت
ناي
ع شنوو تتأسف قيصر أني ماأعرف شكلك رغم ضلمتني وتعبتني بالفتره القصيره الفاتت وسببتلي جرح جبير ومهمتك تشفي لان تعبني قيصر وهاي الضروف ماأدري انته مريت بيه جان عدرتك تعرف انقطاعي ع العالم هوه الخلاني مادري بشيء
أني ألأسفه لان ماسمعتك هاي الفتره كله واسفه لان منعتك من ابنك بس ماجان بيدي قيصر جنت تعبانه والضروف توالت عليه بفتره وحده ماأعرف شنو الصار وياي بذيج الفتره وبعدين جان عندي حلم وردت احققه والحمد لله وصلتله بصعوبه رغم الحلم ماتحقق بشيء يشرف لو جبير بس بعيني وسام شرف اني اخذت الأعداديه قيصر ودخلت كلية تربيه تعرف ليش قيصر
لأن جنت ناويه اذا بيوم نلتقي لازم اني شيئ جبير واناسبك ومتستعر مني ومن وضعي
1 ت
قيصر
وبعصبيه
وليش منو كال اني مستعر منج لوشايفج اقل مني أنتي تاج ع الراس يابنت خالي كافي هاي الكلمه بعد مااريد اسمعه منج
انتي احلا حب بحياتي انتي حبيبتي وبنتي وزوجتي وكلشي حلو بحياتي
13 ت
ناي
قيصر
ممكن اطلب طلب
قيصر
ادللي
ناي
اكمل دراستي يلا نرجع
قيصر
ليش مترجعين وايدي بايدج وتاخذين الشهاده وتتخرجين
وبعدين لاتفكرين بأي شي هسه خل نطلع من المستشفئ واني ادير بالي ع محمد وبعدين نتفاهم بالبيت
قيصر
برائيج اعرف
ناي
جرب
قيصر
شلت ابني لاول مره احساس غريب ماأعرف شنو الشعور المختلط البكلبي وبعقلي شبگت ابني وگمت ابجي واني مخلي ع صدري وابوسه واشمه بكل مكان فز حمودي من نومته شال وجه من ع جتفي بااوع بجهي ابتسم ورجع لمكانه اااااخ مااعرف شلون اوصف شعوري شكرآ ياربي ع هاذي الهديه ألي انعمت عليه بيه
ناي
يشبهك
قيصر
كلش
يكولون شبه الطفل ع محبت امه لبوو
ناي
دنكت واني خجلانه
قيصر
ههههههه اروح فدوه لليخجل وحضنته ااااخ ياريحت حبيبتي احسه تنعش روحي ناااي بعد لاتعوفيني
ناي
وانته لاتأذيني
قيصر
وعد ماتدمع عينج ولاينجرح كلبج لحد ميفرقنه الموت
لشوي
واخذت ناي ومحمد وطلعنه من باب الغرفه لگيت حسين اباب القسم
2
حسين
بشروو
قيصر
باركلنه
حسين
الف الف مبروك ولكم والله مامصدك رفل لوتسمع راح تخرب من الفرحه خلي اتصل بيه
قيصر
استعجل حته توصلنه لبيت خالي ابو سجاد
ناي خل محمد يمك اروح ابلغ خاله ام رضا واجي
رحت الخاله ام رضه وبلغته خطيه طارت من الفرح مامصدكه كالت هسه نجهز ونروح لهلنه واليله والي اخلي يمنه وتفاهمي انتي ورجلج
قيصر
شووف حسين شوف حمودي شكد يشبهني
حسين
أني شنو العرفني بي غير خشته نفس خشت ابوو هههههه
لالاحبيبي يخبل اروحله فده جنه لعابه
قيصر
حسين
بشنوو اجازيك
حسين
مابين الخوان مجازاة انته اخ وصديق ونسيب ههههه يعني بنص گلبي
حسين
كافي خويه كافي كتلك مابيناتنه هلرسميات
دك تلفون قيصر
الوو منووو
أهلآ ماما
مافهمتج شنووو
شكرا لزيارتكم عالم روايات سكيرهوم
