رواية قصة زهراء الفصل الثلاثون بقلم زينب نور
الجد:بويه دخلتي عدنه ودستي بساطنه وانشاءالله ماطلعين مظلومه واحنه مانرضه بالظلم.... .
کولي شنهي سالفتج
سحر:شيخ انه مظلومه ودخلت عليك والناس تحلف براسك وخيرك مغطي الديره اريدك تاخذ حگي
صالح:كولي عمي شسالفتج
وانتي بتمن من ياعشيره
سحر:انه بت زامل بذاك الصوب يصير عنكم بالقريه من عشيرة ال.... .... ابوي يشتغل فلاح بساتين القريه
امي متوفيه عندي اخوان ٢مزوجين
اجيتكم لان ابوي يريد يزوجني
واحد بعمره وانه مارضيت
بيه وباجر مشيتي هل شردت
الجد:بويه السويتيه موشويه وراح اتنزلين راس ابوج بالوحل
سحر:شيخ مااريده الزواج مو جبر هسه لو بعمري هم اوافق بس رجال جبير بعمر ابوي
زهراء:اسمع حجيهم كله بالباب اصنت بس من سئلها جدي
هاويتلج واحد ثاني
ضلت تلوص بالحجي اخر شي بجت كامو يسكتوها ويحجون يصير خير وهل سوالف
شويه طگه على ضهر التفتت واشوف ياسر
ياسر:شكلت انه
زهراء:مامصنته شبيك
ياسر:هااااا وابوي الشفته واگف
زهراء:اهاا ابوك تريده جوه ادخل فتحت الباب وشردت للدرج والتفتت عليه
ياسر:👌احترگ ابوووج
زهراء:ههههه صعدت عزلت الغرفه هي مابيها شي بس شلت الغطه شامره بالكاع نزلت اليت طالع من الستقبال كاعده بالصاله ام ياسر ومنال يمهاا
ومنال اباوع عليها ادگ سوالف وياهاا عبالك تعرفها من سنين الله ياا الله دخلت للمطبخ
ياسر:شنهي سالفة هاي المره
صالح:بويه وو سولفتله سالفتها..
ياسر:بيت زامل الفلاح بذاك الصوب مال القريه
الجد:اريد منك اتروح وتتئكت وادكلهم بتكم تخلت دخيله لبيت الشيخ شهاب
ياسر:انشاءالله جدي
كمت طلعت صعدت بدلت ونزلت زهراء بالمطبخ
زهراء:طالع
ياسر:ايي محتاجه شي
زهراء:بس وين رايح صار الغروب.
ياسر:شغله ساعه وارجع
زهراء:اخذ السياره وطلع
اسمع اصواتهن بغرفت ام ياسر يسولفن صعدت دخلت الملابس من السطح
ياسر:رحت اندليت بيت الرجال ودخلتله وكتله هج السالف اتخبل بس امبين لوتي
اترخصت ورجعت للبيت ساعه سبعه
دخلت جدي بالمظيف يمه عمامي والولد وكرابتنه
سئلني كتله
جدي ابوها اتخبل وكام يصيح والزمها واموتها كتله داخله عد شيخ شهاب وشحده اليوصل دخيله
كال بنت انه اكسر راسها وباجر مشيتها غصبن عليها تزوج
الجد:باجر اودي عليه شيخ من عدنه ونشوف السالفه
زهراء:تعشينه وخلصنه وكفت اغسل الماعين هاي البت يمنه واكفه شويه ودخل ياسر مايدري بيها بالمطبخ
ياسر:هااا العفو خويه طلعت
زهراء زهراء
زهراء:غسلت اديه وطلعت هااا
سحر:الله شهل هيبه منين هاذا بس لا ابن الشيخ
دعاء:لا حبيبتي هذا حفيد الشيخ ومزوج ٢هم مو وحدا..
سحر:هاا😒
ياسر:هااي شعدها واكفه يمجن ماتنخمد
زهراء:شسوي يعني اطردها مرتاحه عبالك بيتهاا شتريد صحت
ياسر:هاا اا صبيلي جااي
زهراء:اكلك موو كافي من الجاي تدري هذا ثالث كوب من خلصنه عشه ليهسه
ياسر:وانتي اتحسبين وراااي.
زهراء:يعني منو الصابلك غير انه
مو زين عليك تره جكاير وجاي
شايب عبالك.
ياسر:الله اكبر عليج اكلاص جاي طلعتيه سم مااريد
زهراء:خله وراح ولايتحاجه هففف
رجعت للمطبخ محد بيه كملت وصعدت
سبحت لبست تراك اصفر برموده وكعد اسشور بشعري دخل ياسر باوع ودار وجها تمدد ع الجربايه
خلصت طفيت الضوه ورحت ردت اتمدد كال
ياسر:كوومي سوي جاي
زهراء:ههه هسه تشرب
ياسر:ايي اتحركي ياله راسي ثايل
زهراء:هففف كمت لبست ثوب على ملابسي شمرت الشال ونزلت
حميت الجاي صبيته واخذته اله
انطيته خليته على الميز يمه
نزعت وتمددت اباوع للتلفزيون اشو هذا ماشرب الجاي خاف نايم رفعت راسي لاوالله كاعد
ماتشرب جايك برد
ياسر:مااريده لا اشربه ويصير بيه شي
زهراء:هسه نزلتني وماتشرب
😒
ياسر:ذبيت التلفون. وتقربت عليها
اريد اتوبج من العناد والمداهر مالتج
زهراء:لااا ماحزت ابن عمي
انه زهراء العنوديه اسئل عني المنطقه
ياسر:ههههع بت عمي انتي صكارت المنطقه وانه ماادري
زهراء:سحبت الغطه لان بردت مشغل التكيف عباله صيفنه كتله
ابن عمي بس طفي التكييف موو صكيت
ياسر:يووول ابن عمي وابن عمي وين سويتيها باب الحارة
واذا بردانه تعاي انه ادفيج سحبتها لحظني
زهراء:وين رحت مساعه
ياسر:ليش اسئلين
زهراء:غير مرتك ولازم اعرف وين رحت
ياسر:رحت لبو البت العدنه كتله
زهراء:وشراح اسوون
ياسر:ماادري السالفه يم جدي
زهراء:والله هااي انه مامرتاحتلها تدري
ياسر:ماعليج بيها ولا تتگربين منهاا
وهسه عوفيها وداريني انه لا انعل عشيرتج
زهراء:تره عشيرتي هم عشيرتك
ياسر:فدوه الج😉
زهراء:خل اروح باجر لهلي
ياسر:شعندج رايحه ماشايفتهم
زهراء. هسه هم هذولي اياهم وبطلاع الروح اتخليني اروح الهم
عفيه يسوري انه وياك انروح شبيك
ياسر:هسه صرت يسوري موو لان من مصلحتج
زهراء:خليت راسي بركبته انته يسوري وحبيبي بس خليني اروح
ياسر:لااا
زهراء:عضيته بذانه
ياسر:ااااخ نعلعله اهلج مجلوبه شبيج
زهراء:نفسك من عضيتني بذاني
لا عبالك نسيتها ليش مااروح
ياسر:ادبسززز شنو نفسك انه مجلوب
زهراء:اصخام جفصت لااا حشاك
وكمت ابوس بيه لا يزهك بيه اشوفه ابتسم حضنته ونمنه للصبح
كعدني ساعه
٧:٣٠بدلت ونزلت خلينه الريوگ
وهاي كعدت هم بس الولد بالستقبال تريكوو
خلصن شلت الماعين انه ودعاء ضلن سحر ومنال كاعدات وحده براس الثانيه يسولفن ماادري عليمن
منال:اليوم مشيتج شلون
سحر:ماازوجه لويموتون
منال:تردين غيره موو
سحر:سكتت
منال:هاا مادامج صفنتي السالفه بيها أن لازم هاويتلج واحد
سحر:راح احسبج مثل اختي الماجابتها امي واسولفلج
منال:وانه اسمعج سولفي
سحر:شوفي علاقتنه انه وياه صالها سنه يحبني واحبه ودائما من نطلع انطيه خبر حتى اشوفه اشترالي تلفون وانه وياه على تواصل
منال:وليش ماخطبج
سحر:بعده يلم بروحه يشتغل عماله
حالته مو كلش زينه عيشتهم على كدهم
منال:اذا ماتردينه حگج الزواج موغصب هسه يدري بيج هناا لو لاا
سحر:البارحه بعثتله مسج
وكتله شيخ فلان كال امر واشوفج بس خايفه لا يشوفه احد
منال:ماعليج حبيبيه بليل الناس كلها ملتهيه وكليله يجيج من صفحت البستان على جهت الترك مال البيت
سحر:والله ماانسالج هل معروف
منال:الناس للناس وانتي اول مادخلتي حسبتج مثل اختي
سحر:بس اكلج خيه شعجب ازوج عليج زلمتج وانتي حامل هل اشوف
منال:ههههه لا ماازوج انه اجيت عليها
سحر:يااايااا والله عبالي انتي الجبيره لان شفتها صغيره وناعمه
بس ليش ازوج عليها
منال:ماتخلف هل ازوج وهسه انه حامل بولد عليه ٦
سحر:يااا الله يتمملج بس شعجبه بيها واخذهااا حتى مابيها روح
بس انتي ماشاءالله حلوه هم وراهيه مناسبته
منال:خيه ماسامعه المثل اليگول
حظ الگح..... كاعدد
زهراء:كملت الماعين وصعدت ياسر طلع رتبت الغرفه ونزلت رجع ياسر
بلبل صبيتله العشه بغرفه امه شلت الصينيه منا رحت اصبله جاي محد كاعد بس هوه وامه ..
ام ياسر:يممه اريدك بجم كلمه
اسمعني ولاتكاطع
ياسر:كولي يمممه
ام ياسر:منه وجاي تحسب منال نفس زهراء
ياسر:مافهمت
ام ياسر:تحسبها مره الك حالها حاله الخم مالتك
يوم عد هاي ويوم عد هااي
ماكافي ساكتتلك صالكم ٧اشهر ومن تهد ليله العرس الله يرضاهاا
ياسر:يمممه اذكر كايلج هذا الموضوع مايصرف عندي والبت مااريده لا عبالج مخليها احبها او معزتن بيها لا ولخلقج خاطر الي ابطنها جااان من باجر اطردهاااا وورقتهااا بيدهااا
ام ياسر:اااانه كتلك واكسر كلمتي
والله اتبره منك وماارضه عليك منا ليوم الدين يبن بطني لاحسه عقلج العاجر خلتك ماشوووف دربك
عمتك
صالح:شنهي شجاكم صوتك واصل لذاك الصوووب
ام ياسر:تعاااي شوف ابنك
لوين بله ساكت عنه وهاجر مررته
هاااااا العندي كلته
ياسر:انه موو جاهل كدامك واتئمروني لاا اعرف كلش زين شريد وشماريد واذا كاتلتج المحنه على بنت اختج
ماتحاجينها اتكف مشاكلها اشو مطبگه ويااها وراضيه على السوته ومسيتي لووو وحده غيره جان فضحتيهاااا بالبيوت بس هااااي لان من صفحتج سترتيهاااا
ام ياسر:ولك كمت ماتحترم نسيت انه امك وحگ الله يياسر اذا ماسويت الكلته لااااا انه امك ولاااا اعرفك...
زهراء:اباب المطبخ بس احس النار شتغلت بيه سمعت حجيهم وصياحهم كله وياسر يزهگ
ويصيح وابووو طبگ ويه امه مرتك وحررام
من يوم يومه عمي صالح يطبك ويه مرته على سوالفها واكفه ومااسمع بس الباب انفتح وانطبك حييييل حتى هزز الشبابيج هزززز
خف لا اصعد ويصيح بيه طلعت فتحت باب الكراج وكعدت الهوه حلووو كمت ابجي ياااربي والله مليت ليش مايريدون يشوفونه سوووه شنو ذنبي ربي ما عطاني جاهل مااعترض على حكمه
بس حجيهم سم يدخل بذاني مااتحمل معايرهم الي لان يشوفون النسوان كلهن يفرخن وهنا بالنفاس
بس انه شذنبي ياالهي
مااكدر اتحمل بعد طگ حد الصبر عندي مسحت دموعي وضليت كاعده واسمع حركه عبالي بزونه
التفتت ماكو شي بس رجعت سمعت صوت خطوات خف كمت لان متئكده كلهم جوه محد بره مشيت على كيف خايفه عبرت لصفحت الترك اشعل الضوه توني واصلت واسمع صوت ركزت بالنبره صوت منال وسحر
منال:راح ادخل بالمطبخ من يجي حاجيه واذا صار شي انه اكلج
سحر:خووش بس وين صار تئخر
زهراء:ضليت فاكه حلگي مامصدكه الي اسمعه منو هذا الي يجي ركضت بسرعه كبل لا يشوفني دخلت من باب المطبخ صعدت اركض الياسر دخلت الهث
ياااسر....
زهراء:صعدت اركض دخلت للباب كاعد ع الجربايه لازم تلفون
ياسر:شبيج داخله اتركضين
زهراء:بالكوه اريد احجي ماكو خاف مايصدكني رحت يمه توني فتحت حلكي كتله هيج وهيج
مااسمع بس الباب انطبك طلع يركض نزلت وراه وهو يفتح بالباب مال الترك على كيف
بس شمالني خايفه واكل بظافر ماادري طلع خليت وصعدت
ياسر:من كلتلي ماضل دين براسي نزلت اركض ..
فتحت الباب ومال الترك ماكو احد
كمت امش الترك داير مداير البيت
بس اكو صفحه منه على البستان تطلع
مشيت صحت ياااااهووو هناااا
مااسمع بس الطفره والصوت بين طک بالشجر ركضت واشوفه هاااي البت دخلت تركض ولج مكعدينج عدنه واجيبين گوا.... لبيتي شفتها دخلت للمطبخ دخلت
وراها هي ومناال صحت بيهن صوووت هززز البيت هززز
منال:كاعده متانيتها تجي شويه ودخلت تلطم على وجهاااا
شايفهم احد ردت اكوم ادخل ومااسمع بس الصوت ياسر هزز البيت هززز
سحر:ركضت نزلت على رجله خويه اعذرني ابوس ايدك سامحني استر عليه
ياسر:نفضتها من رجلي
والجن اجيبن كوا..... للبيت انه الج اليووووم
زهراء:نزلت اسمع يصيح كالها التمت على صوتهم اجت ام ياسر طلعت من الغرفه اتلف بشيلتها انه ضليت واكفه على الدرج
طلع ساحل منال من المطبخ وهااااي اصيح مالها دخل عووفهاا
وهوه تولاهاا غلط ورزايل وضرب بيهااا بس والله صوت الطكه مبين كلهم يدفعون بيه بس هو انهد بعد شكضه وجدي يصيح خل نفتهم السالفه شصاااير
ياسر:شتفتهمون هااااا اكلكم مرتي مسويه بيتي مگ..... اجيب كو.....
وانه مااادري وهاااااي الدخلت لا نعرف اصله ولا فصله جاااايه تتمعشك ابيتي اذا ماذبيتوها على اهلها قسما بذات الله اخذه سحل واشمرها كدام ابوووها ويطم عااارهاا وانتي يا ام ياسر هاااي بت الختج الخابصتني بيهااا هاااا
ترديني احسبها الي مره لا والخلقج
ماصيرلي مره بعد غير زهراء
والتعيريني بيها هااا الكلبه ماتكعد هنا بعد
انه ماادري الله وحطني بيا ساس حقاره ونذاله وشايع صيتهم بل الستهتار
مليت منكم ومن حقارتكم كوا..... مالهاا هناا بعد كعده تاخذ عبايتها وتطلع مالها شي عندي واجيب واخذ ابني لا عبالها اخليها عدهااا تحلم حتى اتعلمه لحقارتهن وسحورتهن
سحر:الله يخليكم استرووو عليه ابوس ايدك شيخ فدوه اروحلك
والله راح يخطبني
صالح:اذكر الله بويه كلشي ينحل بالتفاهم لا تاخذ الناس بصياحك
ياسر:انه مااتفاهم انه حيوااان
شتردون بعد كافي مليت منهااا جزعت روحي الله ينعل الساعه الخذتهاا شني يوميا طالعتلي كح....
ماعرف اصلها جايه تتمعشگ ابيتي
والثنيه مرتي ادخلي كوا.......
يمه السالم الله ومحمد وعلي وياج تاخذينها من صباح الله باجر مااريد اشوف خلقتها الزفره بعدد يمي
زهراء:انه متبسمره بمكانه اجه صعد لزكت روحي بالحايط لا اصحلي طگه منه
صعد بلا كلام ام ياسر دخلت منال لغرفتها بس حجي ياسر كله هي ماردت على كلامه دخلتها وطلعت باوعتلي وتتحسب كالهم جدي الشيخ باجر يوح لبوهااا وكلها هل ولد ابنمن كلتلهم ابن فلان
والله وكحه وصلفه تعترف كدامها اتحبه
هدا الجو خليت وصعدت دخلت الدشداشه بنص الغرفه والفانيله على الميز شلتهن
وجعت طفيت الضوه وتمددت يمه بس هو ايده على عيونه خليت راسي على صدره مابين اي ردت فعل غفيت للصبح كعدت ماهو كمت بدلت ونزلت يتريكن ام ياسر وعمه سعاد وهاي البت دخلت للمطبخ عبالي منال رايحه
اشوفها كبالي واكفه اصب جاي والله وكاحه يالله كعدت على الميز هي طلعت شويه واجت دعاء شايله الصينيه . فاطمه هم
كالت فاطمه شلون دريتي بيهن
كلتلها هيج وهيج سمعتهن طلعن البنات
مااحس بس السحبه من شعري واشوف منال اتعت بيه اتخبلت كمت ادفع بيها لزمتها من راسها هم اجن يفكن بينه بس هاااي جنها حولي شقواتها
دفعتني طگ ظهري بالطبخ اهنااا
انتهيت شاغت روحي احس رجليه تصلخن باوعت القوري مال الجاي
من فخذي لجف رجلي طحت بالكاع وصوت بالسما وصوت بالكاع
اجن شالني وعمتي سعاد تغلط واصيح على منال خلت وصعد لغرفتها بس انه منتهيا احس روحي تطلع شويه شويه دخلني للغرفه مال بيبي نزعني الدشداشه واشوف من فخذي لجف رجلي قطعه حمره اسودنت مااصرخت بعد بس الوسيله الوحيده العبر بيها عن وجعي ادموعي مانشفن
اسمع الصوت على بره والمداهر مالهم اريد الكلمه تطلع مني ماكو شويه ودخلت زينب بعدها بعبايتها
نشغت ودكت على صدرهااا.
لفتني بالجرجف وشالني للسياره بس انه روح مابيه
وصلنه ويانه احمد وعمتي سعاد وزينب وعمي ورانه بسيارته
دخلت للردهاااا اجت المنرضه كامت اشوف الحرگ.
جابت العده واجت وانه مجلبه بيد زينب وبس ادموعي اصب من الالم وهي ازيح بالجلد المحترك وعقمته
كمت حتى النفس بالكوه اسحبه
لمن خلصت خلصت روحي وياهاا
شويه ورجعنه دخلني بغرفه بيبي ياسر ماشفته محد كايله والتلفون موو يمي فوگ خليت راسي ع المخده
وغمضت اعيوني بس الوجع اكل كلبي اكل
ياسر:رجعت للبيت المضيف محد بيه دخلت للستقبال وجوهم مكلبه حسيت اكو شي
كعدت الجو مو طبيعي سئلتهم كالو اتخبلت ركضت للجوه زينب عدنه دخلت لغرفه بيبي
زهراء:انفتح الباب حيل باوعت ياسر نزلن ادموعي هززز راسه وطلع يركض كامت وراه زينب وعمتي سعاد
وكب الصياح اختصرلكم الاحداث لان هواي صياح وغلط
خف الحجي والمكاون دخلت فاطمه كالت نزلها سحل وعبايتها بيده واخذهاا لهلهااا
بعده ماراجع
كل هذا ومايبرد كلبي لمن يطلگها نص ساعه يمكن دخل الوجه ينفط غضب طلعت فاطمه كعد على طرف الجربايه
ياسر:اخرر الناس ادري هاااا موعندج اصخام وادك
ولا اهلي الكواويد كالو
بس وحق ربج اله اخذلج حكج من عيونهاا
زهراء:ساكته بس ادموعي اصب سحب الغطه ماخليته جلبت ببه
وخره باوع عقد حواجبه
.
ياسر:هسه ادزلج على مرهم
لاتبجين بعد ياسر واهله ادموعج غاليه.. لمن غفت طلعت اجو
اهل البت واهل الولد مودي عليهم جدي
الجد:بنت مااحترمت حرمة بيتي
ودخلت زلمه غريب عليه
زامل:شيخ حگك تاخذه من هل رگبه بس صيحها خل نتوكل وانه بيدي اطم عارها
الجد:وانتم ا اذا ابنكم رايد البنت باجر اعقدوو هنااا كونه زلمه وكد كلمته يجي ويخطبها
زامل:شيخ بنتي ماانطيهاا الهم
ياسر:ضلو واحد يرفع والثاني يكبس بس جدي ذيب عرف شلون يطيح حضهم و رضو اهل الولد يخطبون
وابو البنت اقتنع هم
طلعو ساعه ٥ كمت اشوف زهراء
زهراء:ضل كاعد يمسح على راسي لمن غفيت شويه
فزيت باوعت الساعه ٥ ماهو
شويه ودخلت فاطمه سىلتها كالت بالمضيف كالهم اجو الشيخ على مود سالفت البت
محتاجه حمام بس مابيه شلون اكوه
حسيت روحي عجزت رجعت غمضت حسيت على عطره قريب عليه باس كصتي وفتحت عيوني
ياسر:شلون صرتي
زهراء:هزيت راسي
ياسر:ماكله شي لو لا
زهراء:بحجايته دخلت زينب
زينب:لا والله خويه ماضاكت الضوگ من الصبح لي هسه
ياسر:ليش يااعمري شوفي وجهج شلون اصفر
راح اطلع اجيبلج معلاگ واجي
زهراء:طلع شويه ودخلت امي وسميه واسماء سمعانات من ابن احمد يلعب ويه ولد اخواني وحاجي وياهم وجايات يركضن
بس شفتها كمت ابجي احس هسه
زاد الوجع
شويه ورجع ياسر انطه العلاكه لزينب وسلم على امي والبنات وكعد ع طرف الجربايه
جابت زينب الصينيه رفعت نفسي شويه مالي نفس اكل بس هو كام يسولي لفه وينطيني
شويه كتله كافي بعد مااريد
ام ياسر مادخلت ولا شفت وجها حتى من اجت امي للمغرب راحن
رجعت نمت كعدت ساعه ٨ شويه ودخل ياسر بيده علاكه مال علاج
ياسر:هاا كلبي كعتي
هذا علاج مسكن ومرهم يله اكعد اشربي حتى ترتاحين
زهراء:شربني العلاج دخلو جدي وابوي وعمي حاتم وعمي صالح واخواني اثنينهم سلمو عليه وكعدو
اباوع حسين اخوي بحلكه حجي
وشكله معصب عرفتها عليمن باوعلي اشرتله فهم قصدي
ساعه وراحو
ياسر:اضلين هنا نايمه ونصعد فوگ
زهراء:مابيه شلون اصعد
ياسر:وهذا الحيل كله المن اريده
انه اشيلج
زهراء:لا خليني هناا
اجه تمدد بصفي ع الحافه لان الجربايه نفر
شويه ومانسمع بس اصياح ام ياسر .......
شكرا لزيارتكم عالم روايات سكيرهوم
