رواية قصة زهراء الفصل الواحد والثلاثون بقلم زينب نور
زهراء: گام ياسر طلع يشوف شنو الصياح
عفيه بيت كله مشاكل
ياسر:هااا هااا شنهي صوتكم يلعلع والعالم منا
ام ياسر:خليك انته نايم يم المسعده
والمره مناك راح اتموت
ياسر:ياااااخررره
صالح:مادكولين شنهي السالفه مووو فضحتونه كدام العالم..
ام ياسر:هسه دكت عليه خالتك ابتهال ومنال طايحه ابوها توه راجع من بغداد ومسولفيله
وكاضها امجنزها اجنز.
ياسر:وشنو المطلوب مني
ام ياسر:شنهي شمطلوب انروحلهم واجيب مرتك وتجي
ياسر:اتحلمن والله
زهراء:اسمع حجيهم دخل ياسر معصب طفه الضوه وتمدد بالكاع وامه ماسكتت صوتها اعله من صوت عمي
شويه وغفيت
كعدت على صوت الباب وهو. يندگ باوعت ياسر نايم
فتحت الباب زينب دخلت
زينب:هاا صباحج خير حبيبه
زهراء:صباح النور
زينب:يله زهبنه الريوگ كعدي ياسر
زهراء:بس طلعت كعد ياسر كام غسل ورجع بيده صينيه مال ريوگ كعد يوكلني باب الغرفه مفتوح وكدامنه امه بس كل نضره منها
اتنگط سم وتنافخ
كافي مااريد.
ياسر:انه طالع شغلت ساعه وارجع مااريد مشاكل مفهوم
زهراء:سكتت بله هذا شگله هو انه السوي المشاكل والحيه وامك كام طلع شويه ونزل كاشخ على اخر حبايه
كال تردين شي كتله لاا طلع اجت دعاء وفاطمه گعدن يمي
وخرت الغطه اشوف رجلي لعبت نفسي شوفت الخبيثه مصلوخه صلخ
والالم ماراح اشرب مسكنات لازم اغير ع الجرح بس ايدي ترجف مااكدر اسيطر
للساعه ٣ دخل ياسر عود كال ساعه وارجع ذب روحه على الكرسي حييل
ياسر:هااا شلون صرتي
زهراء:توجعني..
ياسر:اشوف بله...
زهراء:وخر الغطه عنها تحرگني فدوه لا اجيسها
ياسر:شنو لا اجيسها شوفي شصاير بيهاا غير حتى اخذج للدكتور
زهراء:ماااروح هااي حالتي مابيه امشي كمت ابجي
ياسر:هسه عليمن البجي بس فهميني هااا استغفرالله
زهراء:طلعت وعافني دخلت فاطمه بيدها ملابس لبست الحرگ مشدود بشاش وقطن
بس لمسه الثوب شاغت روحي وبس ادموعي اصب
لبستني فستان عريض حتى ما يطخ بالجرح
شويه ودخل
ياسر:اصير ب٤ ونروح هسه بعدهم مامفتحين حجزت بسرعه ندخل
زهراء:كعد يمي يمسح على ظهري ويصبر بيه لمن صارت ٤ ورحنه انه وياه الطرق مسافه ساعه تقريبا
وصلنه بس نزلنه دخلنه للدكتور سلم عليه وسوالف هو وياه يمكن يعرفه
كعدت على الكرسي ويه الدكتور ممرضه هي الي تنضف الجرح بس هو ينطيها التعليمات
مجلبه بيد ياسر كل قوتي طبعت اظافري بيده اخر شي من حركت كلبي والالم اكلني من جوه عضيته عضه
ياسر:بهمس احترگ ابوج ذاكه الخير يوول شنهي انجلبتي مووو نعلتي والدين ايدي
زهراء:خلصنه كتب الدكتور علاج وابر مال التهابات ومرهم
اخذنه العلاج وطلعنه والوجع ذبحني وكف جاب عصير
انه بحال العصير هسه اخذته شربت شويه وانطيته رجعنه للبيت الاذان صاير
دخلني ساندني ويمشي بيه كعدني على الجربايه وطلع اجت فاطمه ودعاء
لبست ثوب خفيف كلش وتمددت بسرعه اخذت العلاج وغفيت مادريت بشي بعد اله على صوت فاطمه وهي ادكعدني
فاطمه:يله اكعدي هااي امي جابتلج عشه كومي نفس حضي مدلله
زهراء:كعدت دخلت امي سلمت عليها واكلت شويه بس على مود العلاج ياسر ماشفته سئلت فاطمه كالت طالع
للساعه ١٠ راحت امي
شويه ودخل ياسر تمدد يمي ع الجربايه حتى ماحاجاني بسرعه غفه
\مرر اسبوع على حالتي الحرگ بده ينشف شويه ياسر راح لبغداد كل يوم تجي امي اشوفني واتروح
وام ياسر ماوصلت للغرفه ولا شفت وجهاا بس اصياحه وصوته عالي اسمعها اصيح واتئامر على البنات
كمت اطلع من الغرفه شويه
صعدت للغرفه انام فوگ
من راح ياسر ضلت يوميا دعاء اتنظف المكان مال الحرك
ماعندي جرئه اشوفه اديه يضلن يرجفن وحدهن
كعدت الصبح اليوم ياسر يجي بس كعدت دگيت عليه اشوفه وين وصل
كال مااجيت ماقبلو جايهم وفد ومعطلينهم كلهم
ضجت بدلت ونزلت بس مجلبه بالمحجر كوه انزل غسلت وجهي وكعدت بالصاله رجلي مادتها مااطبگها
لان بعدها اتئذيني اجه جدي كعد وعمي والولد جابو الريوك اكلت شويه ورجعت للحايط
سئلو لان يدرون ياسر يجي اليوم كلتلهم مايجي
مامنطينه اجازه
مر اليوم محد اجه حتى امي خابرتها تعبانه شويه
لليل صعدت خابرت ياسر وسئلني على رجلي ضلينه نسولف للساعه ٢ لمن سمعته غفه سديت الخط ونمت
مرر ٣ايام ام ياسر ماادخلت بيه ولا حجت ياسر يوميا يدك ويسئلت شلون صرت
العصر كاعده بغرفه بيبي وسمعت صوت سلام يمكن اجه احد ماكمت ضليت على گعدتي.
اباوع للتلفزيون
شويه ودخلت دعاء
دعاء:يااا كاعده وماتدرين منو اجه
زهراء:منوو
دعاء:منال وابوهاا
زهراء:طفرت حتى نسيت رجلي كلتلها المن جايبهاا
دعاء:علمي علمج هسه دخلو اروح انطيهم جاي
زهراء:طلعت دعاء وانه ضليت افور افتر بالغرفه لا والله لوو شمايصير بعد مااكعد اذا رجعت لهاذا البيت لفيت الشال وطلعت محد بالصاله اصواتهم بالستقبال وصلت يم الباب اسمعهم شيگولون
ابومنال:شيخ انه اجيتكم برجلي وجبت بتي
اردها لبيتها ادري زلمتها هوه الي طرده
الجد:طردهاا من افعالها وعملتها
ابومنال:والله العظيم ادري كلش زين بسوالفها
وادري بتي موادميه وانه اكلك
صالها اسبوع عدنه ماخلت مشكله ماخلقتها بين اخوانها ونسوانهم
انه مليت منها موو اصغيره واعلمها وكلتلها بعد اي مشكله بيتي يتغذرها
ولا هي بتي ولا انه ابوها
وعسى ما اصلخوها انه مالي دخل بيها منكم الهااا وهااي هي كدامكم لا الها دخل بضرتها ولا بشي
صالح:خويه جيتك على عينه وعلى راسنه بس ماسمعت
ياسر هو الي وداها ومايريدهاا
ابومنال:ايي ادري وحگه على عيني وشيريد انه حاضر
زهراء:اسمع حجيهم اتخبلت شنوو راح ترجع وتكعد هناا لا والله بعد مااسكت خليت وصعدت للغرفه وانه افور طلعت رقم ياسر ادك مايرد
فوگ ٥ مرات رجعت دگيت عليه
ياسر:هااااا هاااا نعلعله اهلج
حركتيني حرگ شعندج هااا
زهراء: اتعوف كلشي وتجي دقيقه وحده مااضل عندك بعد ياااانه ياهاي الگح....
الجبتها عليه
ياسر:ولج خل افتهم اشصايررر راح ادخل بسياره
زهراء:سديت الخط شمرت التلفون ونزلت واشوف خالتها طلعن من الاستقبال ادگلها
ام ياسر:امشي خاله امشي جا هو المن البيت بيتج
ضل لمهات الجيف
زهراء:ماكووو وحده جايفه وطايح حضها وماعدها كرامه بهلبيت غير بنت اختج
ام ياسر:ولج احشمي روحج والسانج لا اكصه
زهراء:ماااسكت بعد على عمايلجن
ودسايسجن لوو عدهاا كرامه مارجعت بس لا هي الگح......
ماتعرف العيب
وانتي خافي ربج رجليج بالكبر ومطابكه هااي على عمايلها وراج حساب
ام ياسر:والج انتي ماتستحين هااا اتعلمين العيب تالي كبري يجي هو لو مايجي واخليه يربيج من جديد
منال:احترمي نفسج ماكاعده ابيت ابوج بيت رجلي الحمدالله
وابو ابني موو نفسج لوو بيج خير جان جبتيله ضنه يشيل اسمه
زهراء:حركت كلبي اجيت اهد عليها دخلتها خالتها الغرفها ودفعتني عمتي سعاد لغرفه بيبي وسدت الباب
سعاد:ليش اتراددينهن ماتعرفين سوالفهن ومكرهن يجي زلمتج ويزتن السالفه براسج يالغمه
زهراء:خل يكولن اي شي انه بعد مااسكت لو شيسون
ولا اكعد وياها نفس البيت يجي ويسويلي حل
مااتحمل مصايبها بعد شنو الماسوتها بيه بعد شوهت جسمي ماسويتولها اي شي والله شنو طردها لبيت ابوها
من انعل ابوهااا لا ابوو ابوهااا
اشووو جابهاا وذبهاااا هنااا...
ياسر:قفلت الباب ورجعت للبصره الطريق كله ادگ التلفون مالها مغلق
دكيت على سعد مايعرف شي مو بالببت وصلت ساعه ٩__ونص باليل
دخلت السياره بالكراج ونزلت محد بالمظيف دخلت جوه سلمت عليهم بالستقبال
زهراءضليت كاعده على نار لمن سمعت صوته يسلم عليهم
طلعت وانه شياطين الدنيا كلها تطافر كدامي لزمتني عمتي سعاد ادكلي اسكتي مو وكتها لا تحجين
عفتها ومشيات مااسكت والله بعد شحصلت من السكته
توه طلع من الاستقبال واتلكته امه اسلم عليه. وسوت روحها تبجي شكد جنت اعزهاا هااي المره هسه كرهتها
ام ياسر:هلا يبعد امك شلونك
ياسر:هلا بيج يممه
باوعت لزهراء وجها مايگصه السيف عرفت صاير شي وامي اتلكتني تبجي كعدت على التخم
شصايرر
ام ياسر:يمممه انه تالي كبرتي والشيب ترس راسي تجي هااي تغلط عليه وتعلمني العيب
زهراء:لاماغلطت موو هاااي لان من صفحتج حجيتيها
ياسرزهرااااء
زهراء:شتريدني اسكت والله مااسكت كااافي مليت من يوم الدخلت الهلبيت ماكله تبن وساكته بس هسه لاا والله مااسكت
رحت وجبتها وازوجتها وسكتت سوت مصايب وزتت براسي وهم سكتت
بس هسه ماال ترجع مره ثانيه وتگعد وياي لا والله مااارضه
ام ياسر:وانتي شنووو وماترضين
هااا مرته حالها حالج وبعد احسن منج عاد جابتله ضنه
ياسر:ياهوو الرجعاهااا
ام ياسر:يمه بس على كيفك ابوهاا ردها ويكول توبتها بعد مالها دخل بمرتك بس تكعد عندك وضل ساتر عليهاا
زهراء:لاااا ردهاا ماتحمل مصايبها ومشاكلها وجابها براسنه
لو انه وهي بهلبيت انشاءالله ينهجم على روسكم
ياسر:_ااااطلعيييي فووك
زهراء:ماااطلع واسويلي حل
ياسر:كتلج اطلعيييي لاااا اطلع روحج
زهراء:_دفعتني عمتي سعاد للدرج صعدت بس ماخليت غلطه ماغلطتها على منال
احس نار تطلع من جسمي كامت دخلت وطبكت الباب حييييل
من حرگت گلبي واسمع اصياحهم گب جوه واحد اعله من الثاني اصواتهم
ياسر:كلتلكم قووندررره مالهااا رجعه عندي
صالح:بوويه الرجال اجه برجله وجابهاا رجال شيبه تارس راسه اطرده شلووون
ياسر:وانه شكوو ماعرف يربيها لوو زلمه وبيه خيير من صدك جااا رباهاا عدل بس هو خيخي
مرته متمرجله عليه
الجد:كااااافي سدوو السالفه والله ثم والله اذا شفت احد حجه وعله صوته بهلبيت لحرگه هو ولي بيه
كاافي احترموو محد يطلع من هلبيت بعد والماعاجبه يطگ راسه بالحيطان وخل اشوفلي مره اتفگ حلكها بوجه الرجال
لانعل شيب اهلهاا
زهراء:هدا الصوت جوه ماسمعت بعد ضليت افتر بالغرفه ادري بعد ماراح يوديهاا لهلها ولو يطلگها
شويه ودخل
وطبگ الباب حيييل والتفت عليه
كتله طلگنننني
مشه سكته للكنتور يفتح بقميصه نرفزني بتصرفه
كتله كونك رجال صدددددك طلگنننني
مااحس بس راشدي فررر وجهي فرر وسحبني من شعري صار وجهي بوجهاا
ياسر:السانج قسما بذات الله
اذا ماكفيتي السانج وسديتي حلگج اله ابتلبيج وحق هااااي اليله انه ماعدي مرره تتمرجل عليه
زهراء:دفعني طحت ع الجربايه
مااتحمل عيشتكم هاااي كافي مليت من معاير امك الي ومن مصايب بت اختها كل هذا وساكته ماحجيت بس هسه كافي لا انه مرتاحه ولا انه ميته
على شنو ضاله عندك وفوك هاي كله ورجعت وكعدتهاا
ياتخليلي بيت وحدي ياا اطلگني
ياسر:اااسكتتتي
زهراء:مااااسكت موو عندك مره وام ابنك بعد وفضلتها عليه على شنو مخليني هاااا طلگني
ياسر:تردين اطلكج موو مااشي تدللين عمي اطلع كلب ابن كل اذا ماطلگتج كومي يله كومي
زهراء:سحلني من ايدي للكنتور اخذ العبايه وفتح الباب والعبايه بيده ويسحل بيه نزلني يصيحون عليه مايرد بس يسحل بيه احس ايدي انخلعت ذب العبايه عليه بالكراج خزرني وكال البسي خفت منه خليتها على راسي سحبني وطلع لبيت اهلي
دگ الباب اباوع بوجهاا الغضب يطافر منه فتح الباب حسين
حسين:هلا بالنسيب اتفضلو
زهراء:دفعني دخلني ودخل بالكراج
وكال
ياسر:هاااي بتكم واطلع انه مو زلمه اذا ماسويت الي اتريده
والاحد انشاءالله نشاوف
زهراء:خله وطلع وحسين يصيح وراه يريد يعرف اشصاير دخلت جوه وادموعي يصبن وحدهن ليش ابجي هاا مووانه اردت اطلك
شنوو عبالي من اكله يضل متمسك بيه لان يحبني لا طلعت غلطانه
احس هدمت حياتي بيدي وبتصرفي......
