رواية الضابط واليتيمة الفصل الواحد والثلاثون 31 بقلم بقلم مجهول

- اي هاي حلقاتنا واذا رحتي لغرفتج راح تلكين فستانج الي راح اتلبسي بالحفلة 

رحت اركض للغرفة طبيت لكيت الفستان معلك ورة الباب يجنن يجنن يجنن وردي ونازك من الفرحة لبستة راسا طويل علية طلعت 

- الله ما شاء الله شهل جمال الله يحفظ جنتي 

- ولج مومو اتجننين فدددوة 

رفعت راسي على وليد اريد اشوف راية جان يباوعلي بنظرة غريبة اتقرب باسني من راسي 

- الله يحفظج الي 

سمعت هلاهل خالة كمت ابجي من الفرحة اهل وزوج يا رب حسيت بي يحضني 

- موكتلج طفلة على كلشي تبجين ‏

رفعت راسي علي - اني مو طفلة 

اتوقعت تطلع حلوة بي بس مو لهل درجة كلش حلوة طلعت ردت اكلها بعيوني رحت بستها من راسها الله بخليها الي شفت الفرحة بعيونها يا رب اكون دائما اكدر على اسعادها هم بجت طفلتي الحلوة 

رحت نزعتة وعلكتة طبتلي رهومة 

- اكلج لازم نطلع 

- ليش 

- شنو ليش وراج نشتري حذاء واكسسوارات للحفلة وباعي ورانا الكوشة انسويها لازم نشتري تول وغراض لميزج 

- هاي شنو ذني 

- (طلعت تلفونها ) باعي ذني الصور شكد حلوات هسة كل العرايس هيج انتي فستانج وردي فنسوي كلشي هيج شنو رايج 

- بس خاف اتكلف 

- انجبي عيب عليج اصلا ماما وصتني لان متعرف العرايس هسة شيسون 

- هههههههه اوك براحتج هسة اروح اكول لوليد 

رحت لوليد دكيت الباب وطبيت جان متمدد على الجرباية 

- شبسرعة اشتاقيتيلي 

- اي ميصير اشتاق 

- لا يصير اذا هيج تعاي بحضني بسرعة 

رحت اركض عبالك جنت محتاجة اذنة حاوطني بايدة ورجع ليورة اتمددنا سوة ضل يلعب بشعري 

غمضت عيوني اريد انام هنا اريد اضل اشتم ريحتة 

- اظاهر الطفلة نست على شنو جاية 

فتحت عيني 

- ها هههههههه لا بس اريد اطلع اليوم وية رهومة للسوك 

- اي تدللين 

- راح اروح اكللها 

لزمني حيل وثبتني 

- متروحين منا ست مينا اذا متقرين المحاضرة مالتج 

- ها 

- ها بدينا بتهرب 

- لا بس نسيت 

- يلى ركض لغرفتج جيبي الملزمة وتعاي هسة ب٣ بال٥او٦ نطلع 

برطمت صدك حسيت باحباط اريد استوي ذني الغراض محسيت الة وليد فوكاية 

- اذا مرة لخ برطمتي اكل شفتج 

ضليت صافنة علي كام من فوكاية 

- كومي جيبي الملزمة وتعاي ركض

رحت اركض جبتها وجبت قلم ودفتر وكلت لريهام الوقت ورحت للغرفة طبيت دا اكعد على الكاع 

- تعاي هنا على الجرباية 

صعدت يمة فتحت الملزمة واخذت ودفتر والقلم ودرسني وليد ينطيني سوال واحلة الة الى ان خلصت محاضرة اليوم باوعت على الساعة طولنا بس ساعة 

- خلصنا (دا اروح)

- وين اكعدي طلعيلي الفصول الاولى 

- اوو وليد

- اشششش بسرعة يلى 

طلعتها ودرسني موضوع فدوة هو يدرس حلو مثل الاستاذ افتهمت علي كلشي 

- شلوني 

- فدوة للشاطرة (كرص خشمي) اريدج اتضلين هيج حبيبي 

- اوكي 

طلعت بدلت ولكيت ريهام هم بدلت طلعنا انتضرنا وليد بالهول نزل وليد لابس قميص سمائي فاتح فاتح اول دكمتين وبنطرون رصاصي طوخ بدون حزام وحذاء جلد ضليت اباوعلة هذا ليش هلكد حلو شلون ويا صعدنا بالسيارة وصلنا للسوك ريهام تندلة نزلت ريهام واني التفت على وليد 

- سد الدكمة 

- شنو 

- شبيك سد الدكمة ليش تضحك 

- ههههههههه سديتها سديتها 

نزلنا ومشيت وية رهومة افترينا ووصلنا للمحل الي اتريدة ريهام واشترت تول وردي وشغلات هي تفتهم بيها وختاريت كلاصات ومواعين مال الحفلة جاهزة وبعدين ركبنا السيارة ورحنا للمول اني اتنرفز من المول اول مطبينا لزمت ايد وليد التفتلي وليد اني لفت راسي طبينا لمحل الاحذية جنت ادور على حذاء فضي واشوف الابنية تحجي وية وليد 

- شنو عرسان 

- اي الحمدلله 

- شعجب بعدك صغير 

- ممكن اتساعديني اطلعيلي قياس ٣٦ 

-معقولة ٣٦ 

- ليش مثلا مو معقولة 

- لا هيج هيج 

رحت يم وليد 

- هاي شبيها وجه البومة وانت شكو تحجي وياها 

- مينا عدلي اسلوبج الابنية مكالت شي 

- انت متعرف البنات 

- شنو طفلتي اتغار علية وراح اتموت من طبينا المول ليهسة 

- اي اغار اغار اتخبل اذا باوعت على اي بنية وليد اذبحك ترة 

- ههههههه روحي روحي قيسي ام اللسان 

قست الحذاء وجان حلو كلش وارتفاعة زين مو عالي كلش ولا ناصي كلش وكفت يم وليد 

- بعدني كصيرة 

- لو اتلبسين ٣ احذية هم متصيرين بطولي 

- اوف 

اشترينا الحذاء ورهومة اشترت حذاء كلش حلو وبعدين رحنا امحل الاكسسوارات 

- مومو ولج تعاي باعي هذا يجنن 

رحت شفت تاج ورد كلش حلو كلش عجبني اشترينا واشترينا كلادة نازكة كلش وحلوة 

وبعدين طلعنا صعدنا اخر طابق نتعشى بي 

ياريت لو جنت افتر وية امي وهي اتجهزني الله يرحمج انت وبابا 

حسيت بايد وليد تضغط على ايدي 

- شبيج ضجتي 

- ما بية بس جنت افكر بامي واترحم عليهم 

- الله يرحمهم 

اجة الاكل وكعدنا نضحك وناكل ونشاقة جانت كعدة كلش حلوة....

الفصل الثاني والثلاثون من هنا