رواية المتمرد والصغيرة الفصل الثلاثون بقلم رسل
______
و إذا صار العشگ للبيع
لا تعتب على الشراي
كثر اللوم ع الباعة
_______
سليمة : هلا ابو فهد هلا خوية شونك شون صحتك
ابو فهد : بخير الحمدلله و نتو
سليمة : بخير دامك بخير
سليمة : بخير دامك بخير
ابو فهد : الله يسلمج
سليمة : چا يگولون مرتك فقيرة شو لسانها طويل
ابو فهد : هي بس اليعيل بيها يشتغل عدها لسان البرنو
سليمة : هههههههه ادبها
افراح : مبينة شالعة كلبك حتى ضعفان
ابو فهد : لا نسمة حتى ما احس بيها
افراح: چا هي شو حتى ما تحچي ويانة شجاها
اديان : لا حبيبتي بس راسي يوجعني
افراح : ها چا خوش مابيج غير العافية
اديان : تسلمين
زيد : لك هلا بالربع شونك ابو الدنادن
اديان : زينة
سليمة : چا شنو ما شايفها
زيد : لا بس الصبح جانت نايمة و اني طلعت و بعد ما رجعت للبيت
صدك بعدين انتي شلج غرض غير حشرية
سليمة : ههههههه لا من باب الفضول
هيفاء: خوية شوكت نصب العشة
ابو فهد : حضرن خوية ربع ساعة و صبي
... صبو عشة و عقدلهم الشيخ من ورا الباب نوب دخلو الشباب اني ضليت كاعدة بالمطبخ مالي خلك المشاكل گطع صفنتي واحد دخل للمطبخ انصدمت وگفت على حيلي
كمال : مبروك على عقد المحكمة
اديان: الله يبارك بيك
كمال: هم ضربچ بيوم الشاف الرسالة
اديان: لا بس عفية اطلع ليجي احد
كمال :رايح بس خلي بالج انا منتضرج لحد ما يعتقج ابو فهد
اديان: شنو يعني يعتقج
كمال : لو يموت لو يطلگچ
اديان: صدك متستحي انتة مو ابن عمة الا يكتلك خلاص يلا ترتاح
كمال : فدوا الج
اديان.. عفتة وطلعت من المطبخ صعدت ع الدرج انضار الي بالصالة كلها صارت علية ذولة غير بيهم حالة بس يباوعون نسوان و زلم صعدت فوك للغرفة
يربي هسة اني عايزة حتى يطلعلي هذا والله مابية حيل مشاكل بعد شلون اگول لابو فهد بس خاف تنگلل السالفة ضدي لو اضل ساكتة و بعدين تطلع سالفة علية ضليت حايرة ...
بدو الناس يرحون اني نزعت الفستان و لبست دشداشة و نزلت نضفنة البيت اني و سراب و بشرى كملت صعدت فوگ سحبت و لبست تراك شغلت السبلت و تغطين طلعت بس راسي
من اللحاف و كاعدة العب بالتليفون تقريباً ورا ساعة هو دخل قفل الباب و دخل يسبح و طلع اجة تمدد يمي اني ما حركت ساكن سويت
نفسي مشايفتة
ابو فهد : ما كافي هذا الصد
اديان '........
ابو فهد : جاي احجي وياج
اديان'.........
اجة حضني من ورا اني طفيت التليفون و اخذت المخدةة ورحت نمت على القنفة
ابو فهد : استغفررررر الله
اديان .. نمت بس كتلني البرد و ما اكدر اكوم اجيب لحاف احس كرامتي الزعلانية تطيررر ورا ساعة تقريباً اجة شالني من القنفة بس سويت روحي نايمة غطاني و نام و اني هم نمت
ثاني يوم البنات ابتسامتهن تارسة وجهن و هن سون ريوك
اديان : زيد عادي اگلك شي
شفت ابو فهد گبل رفع راسة يباوعلي و سد تليفونة
زيد : أمري
اديان : اريد اروح لأمي ازورها
زيد : صار بوية
... اباوعلة عقد الحواجب ساعة يخوط بالچاي حتى الصوت كلها ضاجت من عندا
فدعة : لو تشربة لو تذبة لا تضل توجع روسنة
شال الاستكان و شمرة بالگاع
الحجي : شجااك بوية بهيدة
فدعة : اسم الله القرآن
.. اخذ سويچة و محفضتة و طلع اجة على الغدة ونام بالصالة ما نام فوك العصر صعد ونزل كاشخ كلة اسود و طلع
مرت خمس ايام هو صار عصبي كلششش وكلها ضلت تسئلة صاير وياك شي و يصيح بوجهم و گام ميروح بالليل لشغلة بس بالنهار يروح للشركة
ومن يجي كلها تضل ساكتة تخاف من عندا و ام محمد تمرضت فد مرة و حايرين بيها بالمستشفيات بس محد يعرف شبيها
... جنت كاعدة بالليل اباوع بالتليفون دخل هو و بعدين دخل للحمام و اجة نام
ابو فهد : لا انتي و الزمن علية
اديان'...........
ابو فهد: مشتاگلچ و روح امي
اديان: مو گلت راح اخليج تبوسين ايد الرايح و الجاي علمود احجي وياك
ابو فهد : و علي من يوم الضربتچ لسة ما مرتاح حياتي انگلبت احس رب العالمين جاي ياخذ حقچ مني
اديان: گتلك الله ينتقم منك
ابو فهد : هايهية ابشرچ أنتهمت بقضية فساد و قدمت استقالة و
بعد چم يوم اسلم نفسي
اديان : شنوووو
ابو فهد : ابريني الذمة خليتچ تتحملين عذاب مو بگد عمرچ
اديان... حضنتة
لا حباب لدگول هيچ يعني راح يسجنوك
ابو فهد : اخخخخخخ بوية شكثر مشتاگلچ
شسوي الله كاتبلي هاي البهذلة تالي العمر چانو عندي اثنين ضباط ميردون ابقى و دائماً يسوون مشاكل ف مرة قبل لا تجين انتي اخذت
ابو سراب لان زيد جان مسافر
ولزمتهم نهيتهم هم اسبوعين مقدمين اجازة و نايمين بالمستشفى بعد ما ندگو وياي
و هسة انتهمت بتزوير و لازم ادخل السجن
... دموعي ضلن ينزلن
اديان: بس انتة ممزور ميصير يدخلوك للسجن وانتة ممسوي شي
ابو فهد : دتعاي دتعاي لو ادري مچذب هاي الچذبة من زمان حتى تجين تشبگيني
اديان: شنو يعني جذب
ابو فهد : اي جذب وداعتج بس اريدچ مشتاقلچ
اديان : دوخرر مو صوچك صوچ التصدگ بسرعة
ابو فهد : دتعاي ما عولت الزمچ
شونچ
اديان: زينة
ابو فهد: مادري هلگد گلبچ شايل حقد
اديان : ما احقد بس كرهتك
ابو فهد : والله لو ضالة حاقدة علية هواي احسن ههههههه
اديان: و اذا بعد ما صار عندي جهال 🥺
ابو فهد : افااا عليچ اني موجود و ضايجة تردين طفل
اديان: ليش هيج تسوي بية و بعدين تجي تقنعني ترى اني مو زوج بس لان انقهر عليك ارضى بسرعة
ابو فهد : ليشش كل مرة تذبين الصوج بية لو حاچية بأحترام و گايلتلي السبب بهدوء ليش اضربچ قابل عندي عداوة وياج
شحااال ما عاشگچ و بس اريد اشوف ضحكتچ ؟
هذا شي انتهينة منة شي ثاني مو عيب عليچ كدام اهلي تدعين علية يعني شتردين اني اجي ابوسچ من حلكچ كدامهم غير انتي فورتي اعصابي و ابوية من تحچين ويا دگليلة لا عرامة و لا بطيخ مو عيب بوية هو بگدچ ؟
و هاي الجملة الحاطتهة جوة لسانچ مال كدرتك بس على اديان لا بوية انا گادر عليچ و على الاكبر منچ ف هاي الحچاية عيب بعد لتحچيها
و انا لمن اضربچ والله مو بيدي بس ايدي متعلمة على الضرب
بس انتي تراددين لو تضلين ساكتة وروح امي اهدچ بس لترادديني
انتي حتى السالفة متفهمينياها لمن صحتلچ اني غير تحچين
و تفهميني شو ضليتي بس
ترعدين اريد الزم منج حچاية ماكو ف يا بوية انتي صرتي چبيرة يعني انتي هسة شيخة السلف و شيخة گلبي بس اخذي الامور بهداوة لتصيحين على الاكبر منج لان اني ما اريد ياخذون عليج غير نضرة
هسة انتي بعينهم بعدج صغيرة و سامحها و مشي السالفة
بس باجر عگبة اذا صارو عندج جهال محد يكول خطية صغيرة هايهية صرتي ام بعد
هاا و نسيت اگلچ بوية عيب تطلبين شي من اخوي و انا گاعد خاف متعرفين هاي انا هسة نبهتچ المرة تحافظ على هيبة رجلها حتى اذا جانت زعلانة عليه مو من زين وياها ترفع بصيتة و من تصير بينهم مشكلة تنسة كلشي زين بيناتهم
و انا ادري بيج متعيلين و ادري حوراء مضوجتچ بس حوراء ما دايمة اتحمليها هل چم شهر و تتزوج بس انا بتي هم ما اكدر انطي بيها و عيب على الزلمة اليفرق
اديان: بس انتة فرقت بيني و بينهة
ابو فهد : من ايدج بوية من ايدچ لسانچ عام عليچ
اديان: بس والله ضربك يوجع عبالك جاي تعارك رجال مو بنية
ابو فهد : و حق ربچ ندمان چا انا شتسوالي كتلت ابني بأيدي والله من يومها ضميري ما مرتاح
اديان: اريد اروح لقبر امي
ابو فهد : تندلي
اديان : لا
ابو فهد : صار باچر اخابر واحد من عمامچ حتى يدليني و اخذچ
اديان: صدكك
ابو فهد : وداعت عيونچ
اديان: صدك هذني البلخطوبة اليحجن وياك بالمطبخ شيردن
ابو فهد : بطرانات ههههههههه
اديان : شيصيرن منك
ابو فهد : بنات عمي لازم غرتي
اديان : لا عليمن بس مبينات مشايفات رجال
ابو فهد : هههههههه بوية انا شلون بلسانچ
لججججج شايفة و احد بيدة گمر و يگلب النجمات ؟
اديان : يا نجمات ذني صخلات
ابو فهد : هههههههههههههههه احبچ و علي
اديان : ما احبك
ابو فهد : اي ادري متحبيني بس تعاي اكلج ......
اديان.... كعدت الصبح سبحت و ظفرت شعري
يبقى بالنهاية زايد و اني ما عفت شعري ينشف
اجيت يمة وگعن قطرات على عيونة هو بسرعة كعد مسح وجهة
شافني خربانة ضحك
ابو فهد : اشتعلووووو عمامچ
اديان: طبهم مرض
ابو فهد: هههههه تعاي ابوسچ
... باسني و نزلت جوة ساعدت بشرى هم گعدو و هو نزل كاشخ
و همزين وجهة مبتسم
ابو سراب : انا خوك اليوم ابو فهد يضحك هاي لازم يسجلها التاريخ
ابو فهد : ههههههه دنچب
فدعة: ليش ما يضحك عندة هاي ام عيون الصفر و طايحلها دگ
الكل ... كامو يضحكون
ابو فهد : ليش احسج تحبيها اكثر مني
فدعة: لا تحس اصلاً تأكد
زيد : فدعة تدور حلوين ههههههه
فدعة : هم حچة اللوكي خايب ما تسد حلگك ي الاغم
ابو سراب : تكافشو تكافشو
فدعة: وعلي ارفس ببطونكم
ابو فهد : دسكتي يمعودة لا يسمعچ ملك الموت و يتذكر ما ماخذچ لسة
فدعة: يا و الغسل و الكرف ان شاء الله بيش طالبني انا صغيرة بس غير الضيم كبرني
الحجي : انتو شجاكم وي امي يومية مفرفحين گلبها
فدعة: انتة انچب مالك غرض لا تصير حنين
كلهم طگوها ضحكة
الحجي : مو صوچچ چا خليهم ناصبين عليچ
فدعة: چا غير اذا اكوم چبيرهم اسحلة من شواربة
ابو فهد : وانا منين اسحلچ ههههههه
فدعة: ولكم انطوني طابوگة خل اطير راسة
زيد : غير تگعد الوحشي عود هي تجيبها بالمكان
ابو فهد : ههههههههههه يلا كافي سكتو بوية اديان صبي الچاي
... اخذو ام محمد لبغداد ابو سراب و الحجي و علي ابنها
ورا يومين اجوي بس شكلهم ميطمن
ابو فهد : ها محمد بشر
محمد: والله ياخوية شگلك
ابو فهد : شنو شبيكم
علي : امي بيها سرطان
ابو فهد : لااااااا
اديان... شفتها حيل ضعفانة خطية تقهر طلع عدهم هذا المرض وراثة خطية هاي صار سابع وحدة بعائلتهم يصير بيها و بس بالنسوان يصير مرت الايام ...
گامت تاخذ جرعة كيمياوي و كلنة مقهورين عليها حتى ابو فهد گال اسفرها بالخارج بس هي ما قبلت لان صاير بيها بالدم والدكتور گال اذا الله يحبكم تموت بدون مينشلع گلبكم لان
شگد ما خسرتو فلوس مستحيل تطيب من عندة و بشرى و ابو سراب گامت تصير بينهم عركات و مرتين كتلها بس ذولة عدهم القساوة وراثة لان يريد يتزوج و هي تچفص بالحچي
و هو يريد طفل و زيد دائماً يفاككهم و ابو فهد هم
بس علاقتنة اني و ابو فهد لا زينة بس ما اخذني لامي و اني هم ما فتحت الموضوع ويا لان الوضع ميسمح
______________
