رواية المتمرد والصغيرة الفصل الواحد والثلاثون بقلم رسل
______
غردنة و سوالف غيرنة التطرب
خاب احنة النموت إعليك كل مغرب
_______
.. ام محمد سائت حالتهة كلشش ضلت بالمستشفى
و بشرى زعلانة عند اهلها اني شكيت بنفسي حامل بس ما حچيت
گلت خلي تهدأ الاوضاع و اگلة حتى ياخذني للدكتورة
حوراء و زهراء هنَ يطبخن لان اني ما اعرف اسوي اكل
و كامت تجي هيفاء هواي بهالفترة تطبخ و تروح
دنسوي غدا و اجة ابو فهد
ابو فهد : گواهم الله
زهراء: هلا بوية
حوراء : شعجب يابة اليوم جاي من وكت
ابو فهد : مو اريد الولد يشيلون الباب الچبير
حوراء : يا ليش يابة
ابو فهد : احسن بوية لان اذا يجي دخيل و يگرب صوب سلفنة و يشوف الباب مسدود بالليل هذا عيب علينة كدام الشيوخ
ف بلغت الولد يشيلو
اديان : شنو يعني دخيل
ابو فهد: ههههههههه بوية هذا يعني شخص وادم تطلبة ثار و لاحگتة ف هو يطب لدار الشيخ حتى يصير بحمايتة و انا اذا يدخل علية دخيل لازم غصباً ادافع عنة و ما اخليهم يكتلو لان هو صار بمضيفي بعد
اديان: و انتة شعليك
ابو فهد : چا غير انا الشيخ
اديان: ادري بس يعني هم ليش يركضون ورا غير مسوي مشكلة
ابو فهد : اي و انا احاول احل السالفة بدون ما يكتلوه خلاص
بعدين انتي شلچ بسوالف الشيوخ
اديان : اي والله هم زايدة مني
حوراء :عود مرت الشيخ تريد تسوي روحها
ابو فهد : دسدي حلگچ لا امردة
زيد: السلام عليكم ... هاي شنو بوية اديان صايرة طباخة
اديان: هههههه لا جاي اتعلم
زيد : ابو فهد خوية شلنا الباب
ابو فهد : كفو بوية
مرن اسبوعين ... على نفس الموال بشرى جابها ابوها بس ميتحاچون هي و محمد
جنت نايمة الظهر و ابو فهد حاضني و نايم فزيت على صوت عالي جوة هو هم طفر بسرعة لبس دشداشتة و نزل ركض اني نزلت ورا
شفت اخواتهم بنات ام محمد يدكن و يلطمن
عرفت ام محمد توفت شفت ابو فهد يخابر
ابو فهد... لكككك گو** غير تخابر شنو زمال انتة
... هو شنو ما لحگت سا**
..يلا منتظركم
ابو فهد : اديااان بسرعة هدوم
ركضت فوك و هو صعد
اديان : شطلعلك
ابو فهد : طلعيلي تنورة شطلعييين يعني غير اسووووود
اديان: دشداشة لو بنطرون
ابو فهد : الله واكبرررررر فاتحة فاااااتحة مينلبس بيها بنطرون
اديان.. ما حاچيتة طلعتلة دشداشة و الغترة
ابو فهد : من القاصة طلعي مليونين
اديان..فتحت القاصة و هو يلبس بالساعة و المحابس ضليت دايخة الفلوس مخلي كل قسم بعلاگة سودة سحبني من ايدي
ابو فهد : لخاطررر محمد شكد تشلعين الگلب شووو دوخري
اديان.. استهضمت يعني اذا هذا طبعة اني مكتوبلي بس اتحملل و محد يتحملني لبست دشداشة سودة و شال اسود و نزلت جوة
لكيت الامة العربية كلها بالصالة وصوت العياط يسوي حالة نفسية خطية و الله كمت ابجي عليهن فراگ الام صعب الله يرحمها ان شاء الله ورا ساعة دخلو التابوت للگراج
اجة زيد و ابو سراب
زيد : باعن تطلعن تشوفن التابوت بس وحق الكفل زينب التعيط افلش وجهة الشيوخ و الامة العربية كلها واكفة يلا بساع خمس دقايق و يطلعو
اديان : ركضن بناتها يبجن خطية و بعد بنات ماعرفهن اكو شابات و اكو كبار ورا خمس دقايق دخل ابو فهد اشرلهن و السبحة بيدة على باب الصالة يعني دخلن هن هم بدون نقاش
كللهن دخلن صارت هوسة و بتها الجبيرة و اختها راحو الحجي و ابو سراب و زيد و بقة علي و ابو فهد بالمضيف و فتحو باب الشارع و طباخ يطبخ بالحديقة و وواحد يسوي كهوة و چاي و احنة
مخبوصين بالنسوان جيب الجاي وودي المي و الناس تزيد متنقص صار المغرب و بدو يصبون عشة اول شي للزلم و بعدين للنسوان
و الراحو قليلين الاكثرية باتو ب 11 بالليل اجوي من النجف ظهري كام يوجعني و المواعين اني و بشرى و زهراء نغسل بيهن و ميخلصن راحت بشرى للصالة تحجي وي بنات عمهم
بشرى : يلا بنات همة سباع كومن ويانة خل نكف البيت
سليمة : هاي مو الفصلية و بتج يمج بعد شكو
بشرى : هسة شلج غرض انتي ما حاجية وياج
سليمة: دمشي لج العاجر
بشرى: عاجر و لا عانس
اديان: بشرى عوفيها احنة نكمل البيت
سليمة : حچت الفصلية و اخيراً سمعت صوتها
اديان: والله يا حبيبتي هاي الفصلية التحچين عليها هسة انتي گاعدة ببيت رجلها خوش لو لا
هيفاء : ها خيرچن
بشرى: سلامتج خية بس اكو ناس ممخلية احترام لنفسهة
... مشت سليمة غمتنة وراحت والله اني حصرتني الضحكة بس ماكدرت لان عيب ب 12 بالليل تقريباً صعدت نص الدرج و صاحلي ابو فهد هو بالمطبخ رحتلة
ابو فهد : تعاي صعدي وراي استحي من النسوان
اديان: اي ماشي
ابو فهد : شبيج ضايجة
اديان: لا عليمن
ابو فهد : اذا على صياحي العصر انا خسارچ بوية گولي شيرضيچ
بس چنت عصبي
اديان: معذور حبيبي
ابو فهد : چا شنو تعلميني بيچ احچي شنو المضايگچ
اديان: هاي المرية الهذاك اليوم تحجي وياك بالمطبخ تمشي و تصيح فصلية فصلية
ابو فهد : مالچ غرض بيها وين اكو فصلية يسوولها عقد محكمة بس هاي ضايجة لان صرتي مرت الشيخ مو فصلية
اديان: يلا امشي اصعد لان اني تعبانة
ابو فهد : اصحيچ ؟
اديان: هههه لا عوفني تعبانة
ابو فهد : يلا تعاي
... صعد هو و صعدت ويا شفت النسوان كلهن يباوعن بس حسيت بروحي شخصية و كذا فتحت باب الغرفة هو دخل وياي هاي شنو ...
شفت نسووان اثنين كاعدات على الجرباية و افراح و سليمة
واكفات على ميز المكياج و يتعطرن هن كبل حطن الشالات
سليمة: هلا هلا خوية اسفين بس والله ماكو مكان جوة كلنة نجي هنا شوية
ابو فهد : الله بالخير خوية بس المكان الة حرمتة و هاي غرفة حرمتي المفروض تاخذين شورها و تصعدين و بعدين هذا البيت متروس غرف ما عجبتجن غير غرفتي
افراح : والله نعتذر خوية بس الغرف هم متروسات نسوان و عيني انتي يبنية و الله نعتذر ما اخذنة شورچ هسة نازلين حبيبة
ابو فهد : الله وياچن بس خوية سليمة من رخصتچ هذا مو عطري
سليمة: ها اي خوية بس عجبني عادي اخذة
ابو فهد : ميغلة عليج بس ماعرف اطلع بدونة انا اجيبلج واحد جديد و ادزة الج للبيت
... رجعتة على الميز بس وجهة اصفر و هن هم
اديان .. والله ضليت مصدومة يعني شنو هاي القابلية العدهن كبر حتى كبر
ابو فهد : سا**ات و علي شغلتچن مو هينة امهات الزلم
فتشي المخاد الفراش خاف مخليات شي
اديان : يعني شنو
ابو فهد : يعني شنو سحورة قابل يحطلچ چكليت
... طلع برة صاح لهيفاء من جوة اجتي گاللها لطمت على خدها
كامت تدور ما خلت مكان ما لكت شي كالت اقرو سورة الفلق و ان شاء الله الله يعثرهن اذا حاطات شي مو زين
ابو فهد : گ**اب الله وكيلج و العباس كفيلج
... دخل يسبح بس ضايج حضرتلة ملابس و اني دخلت ورا مشطت لكيتة يلعب بالتليفون اجيت اريد انام سدة و فتحلي ايدة نمت بحضنة
ابو فهد : اوففففففف و علي بس بعطرچ ترد روحي
اديان : و اني اموت عليك
ابو فهد : ترى ما ناسيچ من كلتي اريد اروح لامي بس وداعت عيونچ ما صارتلي فرصة
اديان : براحتك
ابو فهد :انتي راحتي
.. بستة و غمضت عيوني
ابو فهد : لججج هي بوسة و اني رجلج تستحين ليش
اديان: هههههه
ابو فهد : مدام انتي بديتي السالفة لازم اني انهيهة
اديان : شنو
ابو فهد : هسة اني اكلج وو .......
الصبح حسيت بي يگعد بية فتحت عيوني لكيتة سابح
ابو فهد: كومي بوية وي ام سراب خطية وحدها هو بس اليوم و بعد ارتاحي
اديان: بعد وكت نعسانة والله
ابو فهد : بس لتتأخرين
اديان: اي
ابو فهد : اديان هذاا شبي العطر
اديان : امممم يا عطرر
ابو فهد : دگعدي يابوية مو جاي احجي وياج
.. رحت يمة شفت عطر بأيدة هو هذا عطرة المفضل
اديان: شبي
ابو فهد : اشتمي
... اشتميتة عزا لعبت نفسي گبل ركضت للحمام اتقيئت
استغفر الله شنو هاي يعني عطر مادري غريب
طلعت لگيتة واكف يم الباب حاير
ابو فهد : شجاج بوية
اديان: مادري لعبت نفسي بس هذا شنو
ابو فهد: چا تسئليني حضريلي غير هدوم لان رشيت من هذا
... حضرتلة ملابس و اندك الباب دخلت هيفاء كتلها على العطر كالت خاف منتهي لو مو الاصلي جايبين طلع هو من الحمام و جاي يلف بالغترة مالتة
ابو فهد : لاااا يا امهات *****
هيفاء: شكو خوية
ابو فهد : خوية هو اكو سحر ينحط بالعطر
هيفاء : اكو اشكال خوية
ابو فهد: اي جا ماكو غيرهن اكول البارحة ليش رادت العطر
هيفاء: منية
ابو فهد : البارحة من ذني السا**** جانن بالغرفة هاي سليمة الگ*** شفتها لازمة هذا العطر كتلها ردي كالت عجبني الظاهر من دخلنة غفل خربنة مخططاتهن
هيفاء: لا خوية لو يردن جان حطنة جوة فراش لو شي حتى ما ينكشفن خو ما يحطنة بعطر اكيد محد يحط من عندة بس يشتمونة
ابو فهد : لا غشيمة بوية هن حطنة حتى اتهم اديان بي و اكول ثولة حتى السحر حاطتة على المكشوف انا هاي النماذج مارات علية گبل
هيفاء: يا دهر فرهن اذا صدگ
ابو فهد : بس هو العتب مو عليهن العتب على الثولة التنزل و متقفل باب غرفتها
اديان.... اني ضليت مصدومة هيفاء اخذت العطر و ملابس ابو فهد الجان لابسهن كالت راح اخلي فهد يخربهن اني نضفت الغرفة و مسحتها و بخرتها و سبحت و نزلت
البيت صاير ازدحام جنت شاكة بكلام ابو فهد ممصدگتة كلش
بس من شفت نظرة الخوف البيهن احس روحي صدگت
سليمة : خية عادي مفتاح غرفتچ اريد اصلي لان هنا هوسة
اديان : چان المطبخ متروس نسوان گتلها .. و شمدريچ غرفتي مقفولة
سليمة: مادري والله هيچ على نيتي گلت
اديان: والله عذريني ابو فهد حذرني ما افتحها
سليمة: هسة احنة شطالبين منچ
ردت عليها مرة مبينة بالاربعين هيچ
- حبيبة جاي دگلج رجلها ما يقبل شنو هالملحة
سليمة : ام عزوان انتي منو حامي حمامچ
- محد خية بس جاي اكلج الشغلة مو جبر و البنية ما تكسر كلمة رجلها
حوراء : خالة ام غزوان لتغرچ هاي المظاهر وعود متكسر كلمة ابوي ترى يگومهةً ويگعدهة بكتلة
... گامن يضحكن
اديان: راح اعتبرچ جاهلة و اعديهة الچ
حوراء: هم بيهة بلة السا***
اديان: عود من يجي ابو فهد يصير خير
حوراء: لتخوفيني بأبوي ترى ذاك اليوم بحچاية مني خلاچ نايمة بالمستشفى
اديان : يي مو الجاهل من يغلط ينذب الصوچ بالچبير مو صح
.. عفتهن و طلعت من المطبخ الساعة ب 8 جنت واكفة يم هيفاء نسولف بالصالة شفت ابو فهد و زيد و ابو سراب دخلو للمطبخ
رحت للمطبخ و هيفاء هم اجتي جان ابو سراب و زيد
يم الباب مال المطبخ واكفين و ابو فهد دخل طبيت من بينهم
زيد : لك هاي شنو ادري شنو بزونة هاي منين طبيتي
اديان : هههههه من يمك
زيد :
البارت 33 🖤
المتمرد و الصغيرة
للكاتبة رسُل ❤︎
____
من الجامع لحد هلي
و مو ما أحب السفر عن لا تضل وحدك
ما عابر الديرة
و لمن عفتني و رحت لا جامع و لا هلي
من السحر للخيرة 👌🏻
_____
زيد : لك شنو هاي ادري بزونة منين طبيتي
اديان: ههههههه من يمك
ابو فهد : يعني اني عتوي ؟
زيد : ياخوية لا تفر السالفة علية جاي اشاقة و شرفة لمُحمد
اديان : هسة ليش راح تبچي
زيد: ههههههههه دنچبي قابل اني اديان
ابو فهد :گصرو حسكم منا الوادم
... رحت يم الثلاجة اشرب مي هو چان يحچي وي هيفاء گاللها الطبخ عليچن الله يذكرچ بالخير يا ام علي چانت تكف اكل العزايم
هيفاء: صدك وين صفة بيها الدهر
ابو فهد : شالت بالناصرية
زيد : و شراح تطبخن مو تفشلنة
هيفاء: نسوي تمن برياني و لحم و دجاج و مرگة بانية و تبسي كافي لو بعد
ابو فهد : عاشت ايدچ خوية هسة بساع كتبي التريدنة بورقة و خل زيد يروح يجيبة هم يالله الساعة بالتسعة الاكل ب 12 و نص كون كامل
سليمة : لا اطمن ابو فهد ان شاء الله نبيض وجهك و مايصير خلل
... باوعلهة و ما جاوبهة و كل بنات عمهم جانن بالمطبخ والله هاي اكثر فرحة فرحتهة بحياتي نصهن كامن يبتسمن و هي وجهة صار احمر من الفشلة
اني جنت واكفة يمة يم الثلاجة هو نزل راسة و شاورني
ابو فهد : خو ما عفتي الغرفة مفتوحة
اديان : لا
رجع شاورني ... صعدي تلگين بالقاصة بعلاكة بيضة فلوس جيبيهن و قفلي الغرفة زين
اديان: ماشي
ابو فهد : يلا بنيتي
.. شفتهن كلهن يباوعن علينة حتى زيد و ابو سراب صعدت اخذت الفلوس و قفلت الغرفة و نزلت لكيتهم جاي يسولفون انطيتة الفلوس اني واكفة گبالة سحب قسم منهن و گال حسبيلي ذني و هو يحسب قسم و هم يحچون
كل شوي اغلط و اعيد من البداية اجة زيد اخذهن مني
زيد : دجيبيهن يالفاهية
افراح : هههههههه اي والله فاهية انا اكول لو ماخذهة انتة احسن لان شكلهة ابد مو مال تصير مرت الشيخ
زيد : دحترمي نفسچ بت عمي و اوزني كلامچ
افراح : هههه يا شجاك جاي احجي الصدك الشيخ يرادلة وحدة گوية و تعزب بخطارة مو وحدة بگد بناتة
ابو فهد : و انتي شلچ غرض على الاقل ما عدها دغش
افراح: چا هي حچاية الحگ صايرة تضوج
