رواية قصة زهراء الفصل الثاني والثلاثون بقلم زينب نور
زهراء:دخلت جوه اتلكتني امي حضنتها وكمت ابجي حييل
والبنات واكفات يحاجن بيه كعدتني امي وانطتني ماي
شويه هدئت اجه ابوي يسئل اشصاير
سولفتلهم كلشي
محمد:بويه ماتوصل اطلبين الطلاگ عدنه عيبه البنيه تطلگ
زهراء:سكتت ماحاجيته شگله اكله
وتندمت ماعبالي راح يصير هيج
ماجنت حاسبه احساب لهذه
كامن البنات يحضرن العشه
كمت دخلت بغرفه امي وابوي
شويه وصاحو لحو اتعشه مارضيت
كعدت بالغرفه وبس ادموعي اصب ساعه الووم بروحي
وساعه اكول كافي مليت اتحملت كلشي نبي انه واصبر واسكت
خليت راسي على المخده غفيت والدمعه بعيني
ياسر:بس دخلت اتلگاني جدي
الجد:شنهي بويه هذا السويته وين وديت مرتك
ياسر: جدي وانتم اسمعو كلكم
الي يدخل راح يشوف شي مايعجبه مفهوم خليت وصعدت دفرت الباب ودخلت للغرفه
ذبيت روحي على الجربايه بعدني مااجيت اتلگتني بلمشاكل
وتريد تطلگ بس ماشي والله الي اعلمج درس ماتنسينه طول حياتج انه مو رجال يصير خير اله اخليج هيج لا انتي مطلكه ولا انتي راجعه
بسيطه يبت گلبي
زهراء:ضليت نايمه للصبح كعدت ساعه ٩ كمت طلعت بس رجلي المحتركه احس طالع منها شي
رفعت دشداشتي اشوف ماي طالع منها لان مطككه
طلعت من الغرفه واهفي عليها بثوبي محد لا ابوي ولا الولد بس امي والبنات وجهالهم صايين
كعدت بالصاله اجت اسماء خلت الصينيه كدامي
مااشتهي والله
اسماء:يبعد اختج اكلي شنهي ماتشتهين شوفي وجهج اصفر صاير لخاطري اكليلج لگمه
زهراء:اخذتلي جم لكمه وبطلت ذكرت العلاج مالتي ضل بالغرفه على الميز التواليت
صحت ملاك بت اخوي كلتلها ادكل الفاطمه وتنطيها الها اخذت اخوها وياه وراحت شويه ورجعت جايبه العلاج
كلتلها من انطاج اياه
ملاك:عمي ياسر
زهراء:احس فز كلبي من كالت اسمه شربت العلاج وخليت عليها مرهم ولفيتها
للعصر اجو جدي وعمي حاتم وعمي صالح واحمد
حجو اعرفهم جايين من وحدهم ياسر مايدري
صار حجي بينهم وبين ابوي اخر شي خلو وراحو
مرن يومين عند اهلي
كعدت العصر امي رايحه لفاتحه والولد وابوي كلمن ابشغله
بس انه والبنات بالبيت اخذت تلفون سميه ودگيت على فاطمه كلتلها حضريلي ملابسي ابجنطه
والتلفون تلكينه هم بالغرفه
صدك اشويه وجابتهن رحاب وراحت
رحت غيرت دشداشتي الحد الان من احتركت ليهسه الماي ملايح جسمي بس راسي اغسله بالمغسله
بدلت واخذت التلفون
شغلته دخلت على الواتساب
شفت ياسر اخر ضهور اله من امس العصر
شفت الفيس بوك مامسحته
دخلت عليه هم يريد حساب ماادري شنو اخذت التلفون ورحت
كلت للبنات كالن مااعرفه خليت شالي على راسي
وطلعت للطارمه مالتنه بينه وبين بيت عمي حاتم سياج مو كلش عالي دنيت البلوكه وصعدت محد بالطارمه شويه وشفت عبوسي ابن قاسم يلعب بالحديقه صحت عليه مره مرتين ماسمع شلت حصوه اصغيره وشمرتها عليه التفت شافني اجه يركض
عباس:هاا عمه شتردين
زهراء:حمزه اهناا
عباس:ايي جوه
زهراء:عفيه بالشاطر روح صيحه كله عمه زهراء اصيحك
راح يركض شويه وطلع حمزه باوعلي لان من السياج صايحته وضحك وصل وسلم
كتله تعرف اسوي حساب للفيس
حمزه:هلا هلا انو اتريد اتفيس
زهراء:ايي هسه تعرف اسوي لوو اشوف غيرك
حمزه:جيبي باله
زهراء:اخذه سواه بسرعه
كال سميه اي اسم ترديه اخذته منه سميته دمعة حزن ماادري اجه هاذا الاسم ابالي بسرعه
:يصير اذا اريد اطلع شخص بس اكتب اسمه
حمزه:ايي اكتبي اسمه ويطلع وذا تردين اسويله وديله طلب صداقه بس موو اصادقين زلم تره اكل لعمي ياسر
زهراء:تروح عني انته وعمك ياسر
خليته ودخلت للبيت كتبت اسم ياسر اعرفه على الفيس اسمه
ياسر المالكي
دكيت اسمه طلعو هواي من هذا الاسم بس انه اعرفه مخلي صورته المغرور دخلت على صفحته
دزيتله طلب صداقه
ضليت اكلب بصفحته كله ينشر صوره بالمكتب وبال المضيف وبال الصيد ووو وهواي اله صور
كمت ادخل على التعليقات
واقره كله منور .ومنو. وغالي واكو بنات يتغزلن بيه
وهو يرد عليهن بضحكه الله ياخذك خاااين
اتحاجي بنات ضليت ادور
شفته ماقابل الطلب خليت وطلعت مر اليوم عادي بس ينذكر اسمه اشتاقله
ويجي الليل ابوو الهموم
مشتاقه لحضنه وصوته وانفسه
باوعت الساعه ١ بليل سحبت التلفون دخلت على الواتساب
دخلت على اسمه متصل الان
ويامن يحجي بهاذا الوكت ضليت احووص لازم ويه وحده
ياسر:رجعت ساعه ٩للبيت كبل صعدت للغرفه
ذبيت روحي كل ماادخل هي بالغرفه هسه ماكوو
حتى البيت ماله طعم فاهي صليت ونزلت صعدت ساعه ١٢
تمددت واجتي رساله على الواتساب فتحتها من الولد بالكروب ضلينه انسولف للساعه ٢ كلتلهم نعست راح انام طلعت منهم دخلت على اسم زهراء متصل باله هاااي شدها ويامن متصله بهل وكت اياا بنت ال.....
دزيتلها رساله
ويااامن تحجين ادبسزززز
زهراء:بالكوه فاتحه عيوني من النعاس بس مانمت اريد اعرف شوكت يطلع
شويه واجتلي رساله عيوني مغوشات بالكوه اشوف باوعت منه
طفررت قريت الكاتبه ومركز على حرف الزاي ادبسززززز عود معصب
الصدك خفت منه وهو مو يمي بس ردت احرك كلبه وديتله
شي مايخصك الي بينه انتها وراح يصير رسمي يوم الاحد
وديتها وكلبي دكاته تنسمع
طلعت شافهاا
ياسر:قريتها حركت اعصابي
كونج صدك كومي افتحي الباب
زهراء:عزززه اكيد هذا اتخبل طلعت من الواتساب شويه ودك طفيت التلفون كلش ونمت
ياسر:ادري بيهاا جبانه على العناد كلتلها هيج هههه
طفيت التلفون ونمت
كعدت ساعه ٦ الصبح بدلت واخذت الجنطه وكبل لبغداد
وصلت ساعه ١ الظهر هلكان كبل خليت راسي وغفيت
زهراء:مرر يومين عرفت هو مو هنا رايح البغداد اليوم خميس اكيد راح يجي
ماابدي هذا الاسبوع يخلص تحس راح ينتهي كلشي
ام ياسر:اسمعي يممه اريدج اتكسبينه الصالحج بعد ماعنده غيرج هاا شوفت عينج ذيج ذابها عد اهلها ولا يدري عن اخبارها
كومي طلعي شكو ملابس اله من غرفتها دويه لغرفتج
منال:خاله مايرضه خاف يضل يحجي
ام ياسر:ماعليج مايحجي بس سوي الكلته هسه هو على جيه
واتلكي بالملكه الحلو
وحضريله حمامه وملابسه كومي يبعد خالتج
ياسر:وصلت ساعه١٢ الظهر
دخلت للبيت اتلكتني منال مانطيتها وجه سلمت عليهم وصعدت كلتلهم لحد يكعدني على الغده دخلت الغرفه مشتاقلها كلبي يرف عليها
اشم ريحتها بالغرفه نزعت ملابسي فتحت الكنتور استغربت ولا شي الي ببه لبست القميص وفتحت الباب صحت
يمممه يمممممه
ام ياسر:هااا يمممه شجاك
ياسر:شنو وين ملابسي الكنتور مهجور وين الصخام
ام باسر:اشيبك يمه ملابسك بغرفتك الثانيه
ياسر:فرت الباب ودخلت منال مو بالغرفه فتحت الكنتور اسحب بالملابس دخل التفتت الهاا
اياني واياج اجيسين شي يخصني سااامعه
منال:اااانه مرتك ومن حگي
ياسر:لا مو من حكج لا عبالج مكعدج هناا معزتن بيج لا والخلقج ماتسوين عندي انعال فاهمه حذرتج وعوديهااا
اخذت الملابس وطلعت شمرتهن على الجربايه لبست وتمددت غفيت
زهراء:راسلت فاطمه كالت اجه وكام يصيح لان ماخذه ملابسه منال لغرفتها
يضبهاا مرررض مرره ماتحس
سديته منها
دخلت على اسمه اخر ضهور قبل ساعتين طلفيت الجهاز وطلعت بره صبن الغده كعدت اكلتلي شويه
وكمت للغرفه
تمددت باوعت الساعه صارت ٣ سحبت التلفون شغلت الفيس دخلت على صفحته ماقابل الطلب شفته توه ناشر يعني متصل هسه
ناشر صورته يم الحصان وكاتب شعر عليها
مدري شلون اجتلي الجرئه وعلقت عليه
كتبتله مغررررور
وطلعت بسرعه منه شويه واجني اشعار باوعت منه راد
ياسر:اجالي تعليق قريته ابنيه نفس الي دازه طلب صداقه
منو هااي رديت عليهااا
لازم عجبتج ههههه
زهراء: رديت عليه الله ياخذك
حرك دمي
شويه وقبل الطلب ودز رساله
احجي انتي منوو
رديتله ماعليك
ياسر:والله هااي السوالف مره عليه هوواي ف احجي احجي احسلج
زهراء:كلت اله الكله على اعناده هو مايرضه اسوي فيس كتله انه زهراء
ياسر:قايق الج اطلعين واتمسحين البرنامج انه شكلت مو كلت مااريد اي برنامج بالتلفون انتي شنو عقلج تنكه
زهراء:رديته والله ماامسحه حبيت اعانده مو كلشي يريده يصير خليت وطلعت ضل يودي رزايل ويتحلف لو اكضبج اموتج طفيت التلفون .
وطلعتٌ.....
شكرا لزيارتكم عالم روايات سكيرهوم
