رواية المتمرد والصغيرة الفصل الثاني والثلاثون بقلم رسل
____
من الجامع لحد هلي
و مو ما أحب السفر عن لا تضل وحدك
ما عابر الديرة
و لمن عفتني و رحت لا جامع و لا هلي
من السحر للخيرة 👌🏻
_____
زيد : لك شنو هاي ادري بزونة منين طبيتي
اديان: ههههههه من يمك
ابو فهد : يعني اني عتوي ؟
زيد : ياخوية لا تفر السالفة علية جاي اشاقة و شرفة لمُحمد
اديان : هسة ليش راح تبچي
زيد: ههههههههه دنچبي قابل اني اديان
ابو فهد :گصرو حسكم منا الوادم
... رحت يم الثلاجة اشرب مي هو چان يحچي وي هيفاء گاللها الطبخ عليچن الله يذكرچ بالخير يا ام علي چانت تكف اكل العزايم
هيفاء: صدك وين صفة بيها الدهر
ابو فهد : شالت بالناصرية
زيد : و شراح تطبخن مو تفشلنة
هيفاء: نسوي تمن برياني و لحم و دجاج و مرگة بانية و تبسي كافي لو بعد
ابو فهد : عاشت ايدچ خوية هسة بساع كتبي التريدنة بورقة و خل زيد يروح يجيبة هم يالله الساعة بالتسعة الاكل ب 12 و نص كون كامل
سليمة : لا اطمن ابو فهد ان شاء الله نبيض وجهك و مايصير خلل
... باوعلهة و ما جاوبهة و كل بنات عمهم جانن بالمطبخ والله هاي اكثر فرحة فرحتهة بحياتي نصهن كامن يبتسمن و هي وجهة صار احمر من الفشلة
اني جنت واكفة يمة يم الثلاجة هو نزل راسة و شاورني
ابو فهد : خو ما عفتي الغرفة مفتوحة
اديان : لا
رجع شاورني ... صعدي تلگين بالقاصة بعلاكة بيضة فلوس جيبيهن و قفلي الغرفة زين
اديان: ماشي
ابو فهد : يلا بنيتي
.. شفتهن كلهن يباوعن علينة حتى زيد و ابو سراب صعدت اخذت الفلوس و قفلت الغرفة و نزلت لكيتهم جاي يسولفون انطيتة الفلوس اني واكفة گبالة سحب قسم منهن و گال حسبيلي ذني و هو يحسب قسم و هم يحچون
كل شوي اغلط و اعيد من البداية اجة زيد اخذهن مني
زيد : دجيبيهن يالفاهية
افراح : هههههههه اي والله فاهية انا اكول لو ماخذهة انتة احسن لان شكلهة ابد مو مال تصير مرت الشيخ
زيد : دحترمي نفسچ بت عمي و اوزني كلامچ
افراح : هههه يا شجاك جاي احجي الصدك الشيخ يرادلة وحدة گوية و تعزب بخطارة مو وحدة بگد بناتة
ابو فهد : و انتي شلچ غرض على الاقل ما عدها دغش
افراح: چا هي حچاية الحگ صايرة تضوج
زيد : والله انتن الصايرات مدري شلونچن امشي خوية لا
يصير شي مو خوش
... طلعو بس كلهن ضلن يلومنها .. انتي شعليج و شلج غرض و هسة شيخلصج و لا يكولون لابوج و اخوتج
... طلعو بس كلهن ضلن يلومنها .. انتي شعليج و شلج غرض و هسة شيخلصج و لا يكولون لابوج و اخوتج
بدن يطبخن و زيد خابرتة هيفاء وكالتلة على المسواك و صارت ب 12 كملن الغدا وصارت هوسة الصحون مال العزايم زيد و علي هم رتبو الصحون وجيبو جاي و جيبو مي
الظهر اجتي الملة و الزلم راحو بقن بس النسوان و بناتها دزن فلوس من ابو فهد يردن يوزعن ثواب و صاحلي كلي نزليلهن 400 و انا هنا واگف منتضرچ خاف يشوفنها فرصة حتى يطبن للغرفة
و هن واكفات صعدت جبت الفلوس و نزلت هو اتطمن و راح انطيتهن لبنت ام محمد الچبيرة اخذتها و تإفأف فوگاها معاجبهة
صدك ناس مو مال رحمة
العصر راحت الملة و راحن النسوان هم عدهم اذا ماتت مرة فاتحتها يومين بقن بس اقاربهم ذني الحيايا افراح و سليمة و بعد من بنات عمهم و بنات ام محمد
هم ماعدهم عمام بس ولد عم ابوهم يسموهم عمام لذلك يحاچون كل النسوان بت عمي سليمة عمرها 34 بس لسة ممتزوجة و افراح تصير هم بت عمة ارملة و ماعدها اطفال عمرها 33
و الباقيات متزوجات كلهن و زينات وياي و هم اكو مجموعة يكعدن سوة يكرهني و يضلن يذبن سم من يجن بدن ينضفن بالبيت و الحديقة اني تعبت هيفاء كالتلي روحي ارتاحي
صعدت فوك دخلت و قفلت باب الغرفة سبحت و ومشطت و نمت كعدت الساعة ب 10 بالليل ابو فهد ماكو عزا هاي اني شكد نايمة شكد عيب غسلت وجهي و نزلت لكيت البيت بعدة بي هوسة
هيفاء: صح النوم ولج شنو تنبل مال نوم انتي
.. سحر اخت ابو فهد كالت .. بلة بشرفجن هاي اخليها شيخة السلف والله امدا السلف چا
هيفاء : عيب عليج حفظي ماي وجهج امج بعدها ترابها اخضر
سحر : ها مبارك من صفيتي وياها حبيبة
.. دخلو عمامهم و الحجي و ابو فهد وولد عمهم و گامو يصيحون چاي چاي ضلينة اني و سراب واكفين على الچايات اجة ابو فهد دخل للمطبخ عدل شالي
ابو فهد : راح اصيحلچ بالصالة الحجاب ثم الحجاب
اديان : اي
... ورا شوية راحت سراب تقدم الجاي و سمعت صوتة
ابو فهد : بوية وينچ تعااي
.. اديان رحت يمة لكيت زلم كبار و شباب و النسوان كذلك
كلتلهم السلام عليكم كلهم ردو السلام
ابو فهد : الله بالخير عمي
الكل .. الله بالخير و العافية
ابو فهد : عمي اسماعيل هاي بحضورك و بحضور ولدك و بناتك و عمامي الحجي موجه الك و لعمي يعقوب
اسماعيل : تفضل بوية
يعقوب : عسى ما شر ابو فهد
ابو فهد : لا عمي ما اكو الا الخير بس يا عمي نسوانكم ما هادات ياخة من حرمتي انا ما احمدلك بيها لان هي حرمتي بس ذول اهلي كدامك و اسئلهم هي لا من الوادم التحب المشاكل و لا تحب النفاق و الفتنة
مرات تصير مشاكل بينهة وبين بناتي بس هن بنات و اكيد تصير بينهن سوالف غيرة و انتة اعرف بعد
اسماعيل : و النعم من حرمتك بوية
ابو فهد: الله يسلمك عمي و انة ما اريد ادخلكم و ادخل نفسي بسوالف الحريم بس اذا الموضوع تطلب تنفرك حلوگهن ف يا عمي بتك سليمة و افراح بت عمي يعقوب البارحة شفت منهن شغلة مو حلوة
انا اكلك الشغلة بعدين راح الزم اعصابي و ما اكولها كدام الكل بس حتى تكون على علم هاي المرة انا عديتها بمزاجي المرة الثانية اذا شفت شي غلط ادزهن مفصخات الكم
هاي سالفة و السالفة الثانيةه انا مرتي عاقد عليها محكمة يعني ماهي فصلية و هاي حاضركم يعلم غايبكم الزلمة احترام مرتة من احترامة يعني اذا انهانت تنحسب الاهانة عليه
اديان ... شكد ما اعبر عن فرحتي ما اكدر يعني هو يحچي و اني حتى جسمي كزبر ما توقعت هيج يحجي ابد اباوع لسليمة و افراح وجوهن صفرررررر سجاد اخو سليمة گال ...
سجاد : ما عاش اليهين حرمتك ابو فهد و گلي شني الگاصرة المسويتهة سليمة حتى اطگلك ضلوعها
ابو فهد : متقصر ابو علي بس هن هم بنات عمي و محسوبات على عرضي و هذا خل يعتبرنة عقاب سوايتهن المرة الثانية ايدي تتصرف مو عقلي
يعقوب : بوية اثنينهن اذبحهن جوة رجلك بس لا تتگدر
ابو فهد : ما عليك زود ابوي انتَ
اسماعيل : امشن بساع بوسن راس حرمة الشيخ و بعدين احاسبچن فلا تكبرن
اديان... اني ليش ارجف ما ادري اجني باسني واني واكفة ما نطقت حرررف واحد اجة هذا الرجال ابو سليمة باسني و كال بوية مسحيهة بشاربي و لو مادري شني مصيبتهن
راحو كلهم حتى بنات ام محمد لان ازواجهن ما قبلو هم هَم يصيرون ولد عمهم ابدددد ماعدهم وحدة متزوجة غريب عدهم عادي هم يتزوجون غريبة بس نسوانهم لا محد تاخذ غريب
بس من طلعو نص النسوان يخزرن بية هسة خلي يضوجن و يغلطن منا لسنة الفرحة الي بداخلي متتعوض بس الحجي خطية يقهر لان هو ام محمد ماخذها على حب و اكيد عشرة بيناتهم
سمعت ابو فهد يصيحلي فوك صعدت لكيتة واكف بباب الغرفة
ابو فهد : المفتاح بوية
.. انطيتة الة و اني ابتسم
اديان: صدمتني ترى
ضابو فهد : چا اذا اسكتلهن من اول سالفة بعد ميخافن من الثانية
اديان: تدري حسيت بروحي شخصية و كذا
ابو فهد : هههههههه اي يم الشخصيات دفوتي جوة
... دخل يسبح حضرتلة ملابس و طلع و اني هم سبحت و لبست تراك بس الوان اجيت نمت على ايدة و هو يتصفح بالفون
اديان: هذا شنو
ابو فهد : فيس هذا
اديان: هم بي بنات
ابو فهد : اي شي اكيد
.. دخل على برنامج بي مثل الهمزة لون ازرك گتلة و هذا شنو
ابو فهد : هذا ماسنجر
.. دخل على المحادثات شفت كوووومة بنات مراسلاتة بس ممجاوب و لا وحدة
اديان: شعجب ممجاوب هذني البنات
ابو فهد : استحقر شكو بنية رخيصة و تراسل بهاي المواقع زايحات الكرامة فدد مرة و وداعتج ذني نصهن من بنات عمي بس الواحد شيسوي قابل يفضح عرضة
اديان: هسة انتة متكيف يحبنك هواي
ابو فهد : والله انتي المكيفة جاي اشوف
اديان : ههههههه لا والله بس فرحانة لان اليوم دافعتلي و هسة ممجاوب و لا وحدة
ابو فهد : بلة بربج اكو مثلي بعد
اديان : لا و الله بس واحد بالهند و حرگوه هههههه
ابو فهد : ههههههههه اشتعلت عشيرتج
اديان : زين عادي انزل هذا البرنامج اني بس هم ما اجاوب احد
ابو فهد : شنوووووووووووووو ؟؟؟؟ اكسر راسچ و علي
اديان : بس دا اگلك شبيك تصيح
ابو فهد : انطمرررررررري
.. هذا شبي غير طبعة عجيب انهضمت منة ستوني عود كتلة اليوم فرحانة بس لازم يخربها درت وجهي و غطيت راسي باللحاف و نزلت دموعي حسيت بي رفع اللحاف بعدين حضني
ابو فهد : شبيج بوية ما دگليلي شرخص دموعج
اديان '.......
دارني عليه صار وجهي بصدرة حضني حيل و ضل يمسد على شعري
ابو فهد : مو بقصدي وداعتج بس فكرت يراسلج واحد و تنزلي عصبتني
.. رفع راسي مسح دموعي و باسني و فتح رمز الفون مالتة
ابو فهد :هاج گلبي بي
اديان : لا ماريد
ابو فهد : دخذي هو انا كاعد اباوع وياج
... اخذتة وضليت اصعد بالمنشورات نصهن صور ولد عمة و اني اسئلة هذا منو و هو يگلي ابن منو و منو اخواتة شفت صورة يخبلن كلهن ياخذهن بالكاميرا
وحدة منهن هو و اخوتة زيد و محمد و علي لابسين دشاديش و لافين الغترة كلهم نفس الشي و لازمين اسلحة بس كولششش حلوة الصورة
ووحدة لابس زي اسود مال الشغل هو من يروح للمركز ملابسة لون اسود جانت الصورة بسيارتة الباب مفتوح و هو منزل رجل وحدة للكاع ولازم مسدس بيدة
يعني الصور مالاتة يجذبن نظر اكبر واحد
ابو فهد : هيج عاجبج و مادري بروحي صارلج ربع ساعة صافنة بهاي الصور
اديان : هههههههه تكدر تكول اي
.. نعست سديت الفون و انطيتة الة باسني بشفتي ما عافني لحد ما گمت ادفع بصدرة
ابو فهد : بوية حتى بالبوسة شالعة كلبي الله و اكبررر
اديان : هسة مو زين مخليتك
ابو فهد: نعم الله عليچ بوية ما تقصرين انتي
اديان : هههههه
.. كعدت الصبح لكيتة نايم مبين تعبان سبحت و لبست دشداشة سودة و نزلت جوة لكيت بشرى دتحضر ريوگ اجيت ساعدتها و هم كعدو كالو روحي كعدي ابو فهد
صعدت لكيتة بالحمام و محضرر ملابس لنفسة ضليت منتضرتة و گتلة يلا يردوك
ابو فهد : انا سامع من واحد يشوف الثاني يگولون صباح الخير
اديان: رفعت حواجبي اثنيهن وگتلة صباح الخير
ابو فهد: بعد شالفايدة اجيتي متأخرة
اديان : مو صوچك
ابو فهد : تعاي سدي دگم القميص
.. اجيت اسدهن كملتهن لزمني من وجهي و باسني
ابو فهد : اي هسة الواحد صار نشيط
نزلنة جوة ....
_________
شكرا لزيارتكم عالم روايات سكيرهوم
