رواية دعني احطم غرورك الفصل الواحد والثلاثون
اشرقت شمس يوم جديد ، كانت جانا نائمة وتضع احد قدميها فوق عز الدين وذراعها الأخر على وجهه ، كانت تعتقد أنها نائمة بجوار جانا في الشاليه الخاص بعمها .. بينما عز الدين كان يعتقد أن من ينام بجواره هو ياسين
-جانا وهي ناعسة : move شوية يا دينا ، خليني اعرف...انام...
-عز مبعداً يد جانا: ابعد يا زفت شوية ، ايييه....اخد السرير..كله ،مش مكفيك إنك...حاطط رجلك فوقي !
-جانا وهي تتحسس وجه عز: دينا!! مال وشك خشن كده ليه؟
-عز ممسكاً يد جانا: انت مال ايدك ياض بقت طرية كده؟
-جانا وقد وضعت يدها على شعر عز: هو شعرك بقى so short كده ليه؟؟؟
-عز لنفسه : استحالة يكون ده ياسين
فتح عز الدين عينيه ليجد أن جانا هي من نامت بجواره ، فتذكر ما حدث بالأمس ، فابتسم لها...
بينما شعرت جانا أن من بجوارها ليست دينا ، ففتحت عينيها لتجد أن عز يحدق بها ،،،
-جانا وهي تصرخ: عااااااااااااااااااااااااااااااااااااااا ..
-عز: اييييييييييييييييه ! اسكتي شوية شوفتي عفريت
-جانا بتوتر: انا ايه ؟ انا جيت هنا ازاي ؟ انا بعمل ايه ؟ الفار ، انت ، اوضة ، سرير !!!
-عز: اهدي يا ستي الله يكرمك ، مافيش حاجة .. هو انتي هربت منك ولا ايه؟
-جانا وهي تضرب كتف عز : ما تحترم نفسك شوية !
-عز: ما انتي اللي عاملة افلام ع الصبح !!
-جانا: انا بعمل ايه في السرير هنا فهمني بسرعة؟
-عز بخبث وهو يضع ذراعه خلف رأسه: ايه نسيتي ؟ لأ ده انتي كنتي قادرة امبارح
-جانا بتوتر : قصدك ايه؟
-عز بخبث أكتر: ياااااااااااااااااااه ياااااااااااه على ليلة امبارح ، واللي حصل امبارح!
-جانا: اه يا واطي ، يا زبالة ، يــ........
- عز : بسسسسسسسسس ، صمت الحملان بقى !!! مافيش حاجة حصلت
-جانا: اومال بتقول كده ليه؟
-عز: بهزر معاكي ، ايه غلطت ؟
-جانا بحدة: مافيش هزار في الحاجات دي لو سمحت ، فاهم ؟
-عز: اعملك ايه ، ما انتي ناشفة زي المستشفى !!
-جانا: أفندم
-عز: ولا حاجة ، خلينا نشوف الناس اللي عايشين هنا هاجروا ولا اترحلوا ولا نظامهم ايه بالظبط !!!
-جانا: أوك ، وانا هاروح الـ toilet .
توجه عز الدين ناحية باب الغرفة ، وأخذ يطرق عليه محاولاً أن يسمعه أحد من الخارج فيفتحه لهم ... لم يجد عز الدين أي رد فتوجه ناحية النافذة فوجد ياسين يقف ممسكاً خرطوماً للمياه ويسقي الزرع ....
-عز: انت ياااااااااااااا زفت
-ياسين ناظراً لأعلى: حبيب هارتي عز بااااااشا ، صباحك فل
-عز: صباحك زي وشك ، انت فين؟
-ياسين: أنا هو ، وأنت هو والزمــ.......
-عز مقاطعاً: اطلعلي يا حلو ، عاوزك
-ياسين: طب ما تنزلي انت أسهل
-عز بحدة : ياااااااااااااااااااااسين ، اطلعلي حالاً
-ياسين : طيب طيب ، بس خليك فاكر انا مبجيش بالعنف !!!!
بالفعل صعد ياسين إلى الطابق الأعلى وفتح باب الغرفة بالمفتاح ، فمسكه عز الدين من رقبته ، ووضعه تحت كتفه...
-عز بغل: بقى انت اللي عامل الفصل البايخ ده
-ياسين مختنقاً : والنعمة ما أنا ، ده ابوك الحاج
-عز مندهشاً : ابويا ؟؟
-ياسين وهو مازال تحت قبضة عز: اه والله ، هو اللي مدبر ومخطط لكل حاجة ، سيبني بقى يا عم ، ولا انت استحليتها
-عز بعد ان ترك ياسين: طب وهو عمل كده ليه؟
-ياسين: ما تسأله ، هوابوك انت ، مش ابويا
-عز: طب اتفضل من غير مطرود
-ياسين: نعم ؟
-عز: بقولك اطلع بره ، اييييه في حريم هنا !!
-ياسين: ايه ده انت جايب مزز هنا؟
-عز: انت مش هترتاح إلا لما ... ثانية كده
-ياسين: بتدور على ايه
-عز: استنى بس ، انا كنت حاططها هنا
-ياسين: هي ايه دي ؟ قولي وانا أساعدك ندور عليها
-عز: السكينة
-ياسين: طب شوفها تكون سندتها هنا ولا هنا ، انت عايزها ليه بقى؟
-عز: ما انا بشوف أهوو ، ايدوب بس عشان ادبحك بيها!!
-ياسين: اها، قولتي ... اييييييييييه ؟؟؟ تدبحني ، ياماااااه
وهنا جرى ياسين خارج الغرفة وعز الدين يضحك من تصرفه ....
.........
-حسين: صباح الخير يا سهير
-سهير: صباح الخير يا حاج ، ايه الأخبار؟ حد م الجماعة كلمك ؟
-حسين: أطمني يا سهير ، الوضع مستتب وعال العال
-سهير: الحمدلله ، ربنا يهدي سرهم
-حسين: اللهم امين.
....................
-عايدة : يالا يا يوسف ، عاوزين نلحق نروح الشاليه قبل ما يصحوا
-يوسف: حاضر يا ديلة ، بلبس أهو
-عايدة: اوك ، هستناك بره ، بليز hurry !!
-يوسف: خلاص أنا جاهز ، يالا بينا.
.............
وفي النادي ،،،،
-دارين: بتقولي ايه ؟ سافروا ؟ وده امتى حصل وازاي؟
-لوجي: امبارح ، وكانت فضيحة ع باص النادي
-دارين: أنا مش عاوزة أي كلام كده مختصر ، قوليلي كل الـ details بالظبط
حكت دلوجي لدراين عما حدث بالأمس من سفر عز وجانا معاً ... شعرت دارين بالحقد الشديد تجاه جانا
-دارين: انا مش هسيبك ياجانا بعد اللي عملتيه ، فعلا تعبانة عرفتي ازاي تشدي عز وأنا اللي كنت نايمة في العسل ، حسابك بقى اوفر ، ولازم يخلص !! انتي خدتي مني عز ، وانا هاخد منك روحك
-لوجي: هتعملي ايه يا دونا؟
-دارين: هه ، آآآآ.... بعدين اقولك.
.......................
عودة مرة أخرى إلى عز الدين وجانا ،،،
-عز: يا خارجة من باب الحمام وكل خد عليه خوخة ♪
-جانا: نعم ؟
-عز: ايه بغني فيها حاجة ؟
-جانا: لأ ... الله ؟ ايه اللي فتح باب الأوضة ؟؟؟ انت معاك المفتاح؟
-عز: مش بالظبط ، بصي هفهمك ، هو الحكاية ومافيها إن....
-جانا مقاطعة: يعني انت كنت بتشتغلني ؟؟
-عز: استني بس
-جانا:لأ مش هستنى ، اوعى من وشي !!!!!!
وخرجت جانا من الحجرة دون أن تستمع إلى عز الدين وتشعر بالغضب لأنه كان يخدعها ، حتى أنها قابلت عايدة هانم في طريقها ، ولكنها تركتها وخرجت ....
-عايدة: صباح الخير جانا
-جانا: صباح الخير أنطي
-عايدة : جانا ... جانا ، انتي رايحة فين
-يوسف: ايه مالها ؟
-عايدة: مش عارفة .. بكلمها ، ردت عليا ومشيت على طول
-عز: صباح الخير
-يوسف: صباح الخير يا بني ، مال جانا؟
-عز: مضايقة م اللي حصل امبارح
-يوسف: هو انت عملت ايه معاها؟
-عز بخبث: لأ مش انا اللي عملت ، انتو اللي عملتوا
-يوسف: احم...احم.. تقصد ايه
-عز: يا حاااج مش عليا انا ؟
-يوسف: طب يالا نفطر
-عز: وماله ، اهوو الواحد يرم عضمه شوية
.....
ذهبت جانا إلى الشاليه الخاص بعمها حسين وهي تزفر من الضيق
-جانا: انا يتلعب بيا الكورة الشراب .. ماشي ، اصبروا عليا ، بتشتغلوني وتعملوا عليا رباطية ... برضوه مش هيحصل اللي في دماغكو
-سهير: جانا ، الله ، انتي جيتي يا بنتي ؟
-جانا: هاي أنطي سهير ، اه ، اول ما صحيت قولت اجي اعد معاكو ، ماهو مش معقول هقضي اليوم كله هنا ..
-سهير: قوليلي ، في حاجة حصلت امبارح؟
-جانا: هه .. لأ مافيش ، اومال فين دينا وانطي هالة وعيالها؟
-سهير: دينا وكريم وآسر ع البحر ، وخالتك هالة لسه نايمة
-جانا: طيب انا هخش اقعد معاها ..
-سهير: خشيلها يا بنتي
................
لمح ياسين دينا تجلس مع طفلين على البحر ، فقرر أن يذهب ليتحدث معها ،،،
-ياسين: يا حلو صبح يا حلو طل ، يا حلو صبح نهارنا فل ♪♫
-كريم: مين ده
-آسر: واحد
-دينا: مالناش دعوة ، focus with me
-ياسين: يا صباح اللي بتغني
-كريم: مين صباح دي يا عمو
-ياسين وقد جلس بجوارهم : صباح ، ايه مش عارفها ؟؟ دي بتغني الدنيا ربيع والجو بديع
-دينا: لأ دي سعاد هي اللي بتغنيها
-كريم: سعاد مين؟
-ياسين: سعاد مكاوي؟
-كريم: مين سعاد مكاوي؟
-ياسين: اخت أحمد مكاوي
-كريم: ومين أحمد مكاوي
-ياسين: ابن الحاج مكاوي ... يووووووه ، انت نسيتني انا جاي هنا ليه
-كريم: ليه
-ياسين وهو يحدق في دينا: هه
-كريم: عمووووووو
-ياسين: عيون عمو، وقلب عمو ، وروح عمو
-آسر : دودو ، المياه حووة أوي ، ازلي مأيا
-دينا: شور بيبي
-ياسين: يا بختووووووه
-دينا: لو سمحت
-ياسين: آؤمر يا قمرررر
-دينا: دادي
-ياسين: يييييييه ، هو مافيش الا سيرة الراجل ده
-دينا: No دادي جاي وراك
-حسين: مين الأخ ؟؟
-ياسين: آاااااهلا.. ياااا.. يا بشمهندس حسين
-حسين: انت مين؟
-ياسين: لالالالا مش معقول كل مرة كده ،حضرتك بتنسى بسرعة ، انا رأفت .. قصدي ياسين رأفت
-حسين: اه ، اه افتكرت .. عن اذنك .. يالا يا ولاد هنروح نفطر ......
........................
