رواية دعني احطم غرورك الفصل الثاني والثلاثون
انقضى معظم النهار بين العائلتين في تناول الطعام ، وقضاء وقت ممتع على الشاطيء ،،،،
-جانا: أنكل حسين ، بليز ممكن أروح أركب خيل؟
-حسين: اوك يا جانا ، خدي عز معاكي
-جانا بتأفف: No way .. خلاص مش عاوزة
-حسين: ليه بس يا جانا ، ده جوزك ومن حقك تخرجي معاه وتاخدي رأيه برضوه!
-جانا: سوري أنكل خلاص صرفت نظر
وهنا لمح حسين عز الدين وهو يتجول على الشاطيء فنادى عليه ،،،
-حسين: ياااااا عز ، ياااا عز ، صباح الخير يا بني ... تعالى
-عز: صباح الخير عليك يا عمي ، صباحك فل يا جانا
-جانا بتأفف : اهلا ، انا قايمة أرتاح ، باي
-عز: مالها دي ؟
-حسين: كانت عاوزة تركب خيل بس أنا قولتلها تقولك وتروحوا سوا ، فقالتلي مش عاوزة
-عز: أها ، طب عن اذنك يا عمي
-حسين بخبث: اتفضل يا حبيبي ، خد راحتك
......
-عز: يا جااااااااااااااااانا ، يا جااااااااااانا .. استني يا حاجة
-جانا: عاوز ايه؟
-عز: ايه يا بنتي مركبة ماتور في رجلك ، قطعتي نفسي
-جانا: ما انت راحت عليك
-عز: استغفر الله العظيم ، ايه كل كلمة عندك ليها رد ، اييييه قاموس ردح متنقل !!
-جانا: عاوز ايه الوقتي؟
-عز: يالا
-جانا: يالا ايه؟
-عز: تعالي بس وهتعرفي
-جانا: أنا تعبانة وعاوزة ارتاح
-عز: يا بنتي هديتي حيلي ، مش كل شوية هشيلك
-جانا بقلق: اوووف
-عز: صلي ع النبي كده ، وتعالي ، والله حاجة هتبسطك
-جانا: عليه الصلاة والسلام. اتفضل خلصني
-عز: نفسي اشوفك مرة بتتعاملي معايا زي البنات الطبيعية
-جانا: قصدك اني مجنونة؟
-عز ضاحكاً: لأ مقصدش ، لأحسن انتي بتقلبي ف ثانية
وبالفعل ذهب عز الدين مع جانا حيث تتواجد الخيول ليركبوها سوياً
-عز: ايه رأيك بقى؟
-جانا: مش بطال ، اكيد انكل حسين هو اللي قالك
-عز بتريقة: مش بطال !! مقبولة منك يا ستي ... قوليلي بس بتعرفي تركبي خيل
-جانا: طبعاااااااااااااا لأ
-عز: افندم؟؟ اومال كنتي عاوزة تروحي تركبيه لوحدك ازاي يا هانم؟؟؟
-جانا: أجرب !!
-عز: طب استني هنا ، هاروح أجيبلك حاجة مناسبة
-جانا: أوك
غاب عز الدين لبضع دقائق ، ثم عاد ومعه السائس وبرفقته حصان و..
-عز: ها يا جانا ؟ ايه رأيك في ده ؟؟
-جانا: ايه ده ؟؟؟ جايبلي حمـــــــــــار !!!
-عز ضاحكاً: يدوووووب اللي هتعرفي تركبيه
-جانا: انت بتستهبل !!
-عز: يا بت أنا خايف عليكي ، افرضي وقعتي من على الحمار اخرك خربوش ، لكن الحصان مضمنش الصراحة
-جانا: عزززززززز
-عز: طب انا عندي حل تاني؟
-جانا: ايه هو؟
-عز بلؤم : اخدك اودامي يا ورايا ع الحصان ، وفي كلا الحالتين هنقفش في بعض.
-جانا: انت مش محترم !!
-عز: يا بت انا جوزك ، وبعملك قيمة وجو رومانسي
-جانا: الله الغني يا عم
-عز: يا عم ، في واحدة تقول لجوزها يا عم ، بدل ما تدلعيني كده ، يا بت هطفش والله
-جانا بضحكة عالية : انت تطفش هههههههههههههه ، ده يوم المنى
-عز: طب لمي نفسك بدل ما ارزعك كف اكتم بيه نفسك
-جانا: اوووف
-عز للسائس: يا حااااااااج ، ياااااااااااا حاج ، غيرلنا الحمار بحصان كده يكون مكسح أو مشلول ، حاجة يدوب بتعرج كده
-جانا: ليه يعني؟
-عز: اسكتي بس
-السايس: عندي طلبك يا باشا
وبالفعل استبدل السائس الحمار بحصان أخر ، استندت جانا على عز أثناء صعودها على ظهر الحصان ، وركب عز الدين حصانه ، وانطلق الاثنان سويا ،،،
-عز مغنياً: بحبك يا حمار ، ولعلمك يا حمار ، انا بزعل أوي لما حد يقولك يا حمار ♪
-جانا: صوتك وحش
-عز: ما انا عارف ، بس بصدعك
-جانا في نفسها: خروجة فقر
-عز: بتقولي حاجة ؟
-جانا: لأ
-عز: بس ايه يا بت الشطارة دي ، لأ طلعتي أروبة وبتعرفي تركبي احصنة !!
-جانا بفخر: طول عمرى اوووستاذة ، بس اللي يقدر ، والبعيد مابيشوفش
-عز: يا واد يا ثقة
وأثناء سيرهما بالأحصنة مروا على مجموعة من الأطفال الذين يلعبون بالألعاب النارية ، فرمى أحدهم صاروخا بالقرب من حصان جانا الذي أفزعه الصوت فقفز عالياً في الهواء
- بوووووووووووووووووم بوووووووووووووم
-جانا برعب : ياااااااااااااااااه ، يااااااااني ، اييييه ده ، الحقوووووووووووني
-عز بخوف: امسكي كويس يا جانا !
-جانا: هقع ، الحصان اتهبل ، الحقووووووووووووني
-عز: حاسبي يا جانا ، حااااااااااااااسبي
لم تستطع جانا أن تتمسك جيداً بلجام الحصان فسقطت من عليه ، فنزل عز الدين من على حصانه ليطمئن عليها،،
-جانا: آاااااااااااااااه
-عز: انتي كويسة؟
-جانا: آااااااااااه ، رجلي رجلي
-عز: بتوجعك؟
-جانا متألمة: لأ بتهزر معايا ، اوعى شوية
-عز: استنى بس أما أشوفها
-جانا: أوعى متلمسنيش ، انت السبب أريت عليا ، أصفتني !!!
-عز: نعم ، أصفتك؟؟ يعني ايه؟
-جانا: يعني رشقتني عين ، يا ساتر عليك ، آااااااه ، عينك مدورة ومأورة ، آااااه
-عز: كمان مأورة ، تصدقي يا شيخة حلال فيكي اللي حصلك
-جانا: آااااااااااااه .. منك لله يا شيخ ، انا قولت م الأول مش عاوزة أروح في حتة معاك
-عز: انتي اللي فقر هعملك ايه ! بس عملالي فيها عنتر ابن شداد ، حاولي تقومي ، اسندي عليا
-جانا وهي تستند على عز: آاااااه يا رجلي ، مش قادرة أدوس عليها ، آااااااه
-عز بخبث: مش قادرة برضوه ؟
-جانا وهي تضرب كتف عز: ابعد عني ياااض ، انا مش فايقالك
-عز: برضوه يااااض ، بيئة !!
قام عز الدين بحمل جانا بين ذراعيه واتجه بها نحو أقرب عيادة
-عز: الظاهر انك خدتي ع كده !!
-جانا: شيل وانت ساكت!
-عز: شيال ابوكي اصل.
-جانا: انت السبب ، فصلح غلطتك..
-عز: ليه محسساني اني ماشي معاكي في الحرام؟؟ وإني مش جوزك؟؟
-جانا: يووووه ، كل يوم نعيد ونزيد في الموضوع ده ، احنا جوازنا ع ورق بس ، افهم بقى ، اتفاق وهيتفض !!
-عز وقد شعر بالضيق: طب اسكتي بقى وصلنا العيادة
-عز للممرض: الدكتور موجود ، المدام وقعت من الحصان ورجلها بتوجعها ، فعاوزين نكشف
-الممرض: طب اتفضل حضرتك في أوضة الكشف وهبلغ الدكتور ياسر
-عز: ماشي
وضع عز الدين جانا على سرير الكشف ، وانتظروا دخول الطبيب ،،،
-ياسر: لأ ، لالالالا لأ ، مش ممكن ، اكيد انا بحلم
-عز بعدم فهم : هه ؟
-ياسر: جاجووووو القمر عندي ..
-جانا وهي تبتسم برقة: هااااي ، دكتور ياسر ، شور أنا اللي محظوظة اني شوفتك
-عز : يا شيخة؟ هو انتي مافيش حد في الساحل هنا إلا لما يعرفك !!!
-ياسر: لأ انتي متقوليليش دكتور ، انتي تقوليلي يا ياسوو زي زمان ، بس بجد انتي احلوووتي اوي يا جاجوو
-عز: ياسوو !!! لأ بقى ، ده كده كتير .. وكمان بتعاكسها اودامي ، هو انا مش مالي عينك
-جانا برقة: ميرسي يا دكتور
-ياسر: قولنا ايه ، ياسووو
-عز: ماخلاص يا عم ياسوو ، ماتشوف ايه اللي في المدام وتخلصنا!!
-ياسر مستفهماً من جانا : مين الكابتن؟
-جانا: ده عز
-عز لجانا بضيق : بس كده ، مافيش اي اضافة تانية؟
-جانا: ده my husband
-عز بضيق: كتر خيرك انك لسه فاكرة
-ياسر: أها ، قولتيلي .. بس كده انتي broke many hearts
-جانا مبدية تأسفها : اوووه ياسوو ، اعمل ايه بس ، يالا النصيب !!
-عز بضيق: اه على يدي يا هندسة ، ومش تعرفيني يا هانم مين ده كمان؟؟؟
-جانا: ده الدكتور ياسر الخطاب one of my favorite doctors ، انا من الـ big fans بتوعه
-عز: ليه ان شاء الله ؟؟ كان بيعمل ايه ده ؟؟ ماهو دكتور زي أي دكتور
-جانا برقة وي تنظر لياسر: لأ مش زي أي حد ، ده ليه استايل كده يخليك...... ، مش عارفة افهمالك ازاي أصله بيتحس مش بيتقال
-عز: جااااااااانا اتلمي !! وانت يا عم الحساس انجززز !!
-ياسر مشاوراً لجانا: طب ارفعي !!
-عز: ما تحترم نفسك يا جدع انت بدل ما اغلط فيك ، ايه ارفعي دي ؟
-ياسر: قصدي ترفع رجلها عشان اكشف عليها
-جانا بدلع: آااااه ، مش قادرة
-عز: ما تحترمي نفسك انتي التانية
-ياسر بسهتنة: بالرااااااحة ، بشوووويش ارفعيها ، ايوووه كده
-عز: اللهم طولك يا روووووح ..
-ياسر: مممم ، الظاهر ان رجلك بتوجعك اوي
-عز: لأ هي جاية تتمسخر هنا ! انت بتهزر ، اومال ايه اللي خلانا تنيل في يومنا الأسود ده ونجي عندك ماهو اكيد بتوجعها
-ياسر: طب يا كابتن ، سيبني أشوف شغلي
-عز: يا مصبر الوحش ع الجحش !!
-ياسر: هو التواء بسيط ، هحططلك المرهم المناسب مع رباط ضاغط ، ويومين تلاتة بالكتير هتبقى تمام يا جاجووو
-جانا: ميرسي يا ياسوو ، بجد انت hero ، ايدك فيها الشفا
-ياسر: بس بقى متحرجنيش برقتك
-عز: خلّص في يومك اللي مش ناوي يعدي !!!
-ياسر: اوووف ، انا مش عارف يا جاجووو ، انتي مستحملة البني آدم الـ tough ده ازاي ، اللي زيك عاوز اللي يدلعها و....
-عز ممسكاً ياسر من ياقته : الظاهر انك ناوي تروح القرافة قريب
-جانا: بليز عز كفاية بقى ، احرجتني مع ياسووو ، سيبوه يشوف شغله
-ياسر: لو سمحت ، سيب الياقة ، خليني اكمل لف..
-عز محذراً: عدي يومك ع خير معايا
-ياسر: يالا يا جانا . وطي !!
-عز ممسكاً برقبة ياسر: اما انك واحد سافل ومينفعش معاك إلا ده .. طرااااخ ، بووووم ، طراااااخ
قام عز الدين بضرب ياسر باللكمات وطرحه أرضا وسط اندهاش جانا
-جانا: خلاص يا عز سيبوه ، هو معملش حاجة غلط ، بليز عز !!
-ياسر: آااااه يا عيني ، حرام عليك ، آاااي ، اوووه ، انا بقولها تنزل رجلها ، آااااه مقصدش ياكابتن حاجة م اللي في دماغك
-عز: هو انت لسه شوفت حاجة ، خد .. طرااااااااخ ، وانتي يا هانم حسابك معايا مش هنا !! لينا بيت نتحاسب فيه ..
-جانا: انت قاصد تحرجني مع أصحابي ، سيبوووه
-عز لياسر : تاني مرة يا طووووووووور ، لما يجيلك مريض مهما كنت تعرفه وواخد عليه تتعامل باحترام معاه ، فاااااااااااااهم ، اسلوب السفالة والايحاءات دي ميكولش معايا ، ولولا اني مسكت اعصابي للأخر كنت خلصت عليك وقتي .. فاااااااااهم ولا أعييييييييييييد
-ياسر برعب: فاااااهم ، فاااااااهم
ثم سحب جانا من يدها وهي تعرج بقدمها إلى خارج العيادة
-جانا: انت انسان همجي ومتخلف و..... آآآآآآه
صفعها عز الدين على وجهها بشدة
-عز: انتي طـ.....................
