رواية القلب وما يريد ( أرض الانتقام ) الفصل الثاني والثلاثون
اسلام: جسور اهدي حتي علشان ابنك ولا بنتك
جسور بصله باستغراب : ابن ولا بنت مين ... ده وقت هزار دلوقتي...... متخلنيش اضربك طلقه ......
اسلام : ده مش هزار... بروج حامل
صدمه ما بعدها صدمه... جسور بص لبروج كأنه مستني اجابه من عيونها بأه او لا... بروج اول ما بصلها حطت ايديها علي بطنها كأن بتحمي بنتها منه
جسور بأعلي صوته : الكلام ده حقيقي
بروج سكتت ومردتش خالص وهي هتموت من الخوف
جسور : انطقي
بروج من خوفها مقدرتش تنطق وكل اللي عملته انها شاورت بأه
عدي بصدمه : حامل!!!!
جسور نزل ايده بالمسدس فاسلام جري وخده منه
جسور وقع علي ركبته
جسور : مقولتليش ليه
اسلام بص لحاتم : الكلام ده مش وقته.. خدها وروحوا علي الشركه واتكلموا زي ما انتوا عايزين
وبص لحاتم بغيظ : انما انا وعدي قدامنا مصلحه كده
بروج بخوف : لأ مش هروح معاه
اسلام : لازما تتكلموا مينفعش كده روحي معاه ومتخافيش هنلحقك علي طول
عدي: وخدوا داليدا معاكوا
داليدا كانت خايفه لعدي يتهور
داليدا : عدي
عدي : شششش.... معاهم
بعد ما مشيوا عدي واسلام بصوا لبعض وبعدها بصوا لحاتم
حاتم : هتعملوا ايه متتهوروش انا هطلبلكوا البوليس
عدي : الحق يا اسلام ده بيسأل هنعمل ايه.... احنا هنفسحك بس يا حبيبي هنشلك بس هنكسرلك اىديك ورجليك بس هنخليك تأخد ميت غرزه في وشك بس
اسلام : هنخلي كل حته فيك تطلب استغاثه يا عنيا
عدي : ما كفايه كلام بقي يا واد يا اسلام وندخل في المفيد علي طول اصل انا ايدي بتأكلني
وعينك ما تشوف الا النور
*******************************************
وصلوا الشركه فمسك في ايديها كأن خايف لتهرب
بروج : سيب ايدي
جسور : ده علي جثتي
وصلوا للمكتب
جت داليدا تدخل معاهم
جسور : خليكي بره
داليدا : انا خايفه بس لتعصب
جسور بعصبيه : براااااا
ودخل وقفل الباب.... فضلت شيفاه بيدور في الاوضه زي المجنون
جسور بنرفزه : بصي انا لا هتعصب ولا هقول.... بس ليه خبيتي عليا
بروج : كنت اقولك ايه بعد ما اتهمنتي اني مدبره كل حاجه حصلت لأختك... كنت اقولك ايه بعد ما اتذللتلك علشان متطلقنيش وفي الاخر طلقتني... كنت اقولك ايه بعد اما رفضت تسمعني ها .... والله ده انا حتي خوفت لتقولي ايه اللي يضمني ان اللي في بطنك ابني
جسور بعد ما كان بيحاول يسطير علي اعصايه سمح لعصبيته ان هي تخرج وراح رمي كل حاجه علي المكتب
جسور : انتي مجنووونه ازاي تفكري كدااااا
بروج : انت اللي سمحتلي بده سمحتلي ان احط اسوأ الاحتمالات في دماغي.... عدم ثقتك فيا دمرتني. .... خلتني مثقش فيك واصدق عنك اللي اتقال عليك
جسور :وايه اللي اتقال عليا وصدقتيه يا بروج
بروج : انك قتلت منذر
جسور : اناا... قتلت منذر.. اقتل صاحب عمري... ده انا محبتكيش الا من كلامه عليكي... ده احنا كنا وكأننا انسان واحد.. . ده كان عندي اغلي من اخواتي.. ده انا لما كانت عيلتي عايزين يقتلوا فجر انا اللي وقفتلهم..... والاخر انا اللي ااقتله بتهزري والله
بروج : مبهزرش انا سمعت التسجيل اللي فيه اعترافك
جسور : اعتراف ايه وتسجيل ايه مين اللي قالك الكلام الاهبل ده
بروج : مش مهم مين اللي قالي المهم آني مصدقاه وهأخد بتار منذر
جسور : بصي سيبك من الكلام الفاضي ده كله... انتي دلوقتي في بطنك ابني فهرجعك
بروج : ترجع مين انا مش موافقه
جسور : مش بمزاجك هترجعي وغصب عنك
بروج : لو عملتها هتضطرني ان اعمل حاجات انا مش عايزه اعملها
جسور: هتنتقمي مني يعني ما تنتقمي عادي احنا في ارض الانتقام
بروج : مترجعنيش انا مش عايزه ارجع
جسور : قولتلك مش بمزاجك
برا المكتب قاعده وسامعه كل الزعيق بس هي بالها في مكان تاني بالها مع عدي.... فضلت باصه في الارض لغايه ما حست ان في حد جه ووقف قدامها... رفعت عنيها لاقته عدي فقامت واترمت في حضنه وعيطت
داليدا : انت كويس.. عملك حاجه.. يا ريتني ما قولتلك
عدي باسها من رأسها : اهدي اهدي
اسلام جه وشافهم فاتنحنح.
اسلام : احم احم
داليدا اتكسفت وخرجت من حضن عدي
اسلام : هما لسه جوا ؟!
داليدا : اه
عدي : مش سامعلهم صوت يعني... تفتكروا قتلها ؟!
داليدا : لأ هما كانوا لسه بيزعقوا دلوقتي
خرجت بروج ووراها جسور
اسلام : ها اتفاهمتوا
جسور : اه اتفاهمنا
اسلام : واتفاهمتوا علي ايه بقي
بروج : ان احنا منتفاهمش
عدي : يا ربنا.
********************************************
بعد يومين
في اليومين الي فاتوا جسور رجع بروج وده خلي بروج تأخد قرار ان هي تدمره فاتصلت بحيدر يقابلها في الشركه علشان تمضي معاه علي صفقه من خلالها هيدمروا جسور
كانت لسه هتمضي فسمعت اسلام بيزعق جامد بره مكتبها فحطت القلم علي جنب
بروج : معلش ثواني هشوف بره ايه وهرجعلك
حيدر : لا عادي ولا يهمك
خرجت لإسلام
فلاقته بيزعق ويقول : يا متخلفه والله اما ارجع لأربيكي علي تهزيق جدي فيا ده ولما ارجع هعمل الخطوبه ورجل فوق رقبتك
وقفل معاها
بروج : ايه يابني فيه ايه
اسلام : جدي اتصل بيا وهزقني
بروج : ليه
اسلام : قال ايه سمع تسجيل صوت ليا بقول فيه ان مش عايز اتجوز بوسي وشتمتها في التسجيل وانا والله والله ما قولت حاجه
بروج : طب ازاي التسجيل ده اتعمل وبصوتك
اسلام : اختك يا ستي نزلت برنامج بيغير الاصوات ولو انتي مثلا عايزه تتكلمي بصوت حد معين بتسجلي صوته علي البرنامج وتتكلمي بيه.
بروج : تقصد ان ممكن حد يتكلم بصوت حد تاني
اسلام : ايوه وده اللي اختك عملته اتكلمت علي البرنامج ده بصوتي وسجلت التسجيل وسمعته لجدي بس علي مين هتجوزها يعني هتجوزها
بروج فكرت ان حيدر ممكن يكون عمل زي ما بوسي عملت في اسلام وكان هو اللي بيتكلم بصوت جسور
بروج رجعت وقعدت
حيدر : يلا امضي يا ست الكل
بروج : الا قولي يا حيدر هو انت تعرف منذر
حيدر اتلخفن : اه طبعا ومين ميعرفش منذر
بروج : مش قصدي... اقصد كنتوا اصحاب
حيدر : علشان مكدبش عليكي لأ
بروج : ولا وانت صادق بصراحه
حيدر : امضي بقي يا ست الكل علشان امشي
بروج : طب انا تعبانه النهارده ومش قادره اقرأ حاجه من البنود. وانا بصراحه محتاجه اراجعهم... ممكن تيجي بكره لان اسلام هيوديني للدكتور دلوقتي
حيدر : لا سلامتك يا ست الكل... حاضر عيوني
*******************************************
كل يوم بيشوفها وهي بتدبل قدامه بتحاول تكلمه كل مره بس هو بيرفض... خلص محاضرته وكان ناوي يخرج بسرعه علشان متكلمهوش بس بنت جت وسألته سؤال واضطر يقعد يجاوبها علي سؤالها ومن وقت للتاني كانت عنيه بتيجي عليها بس كان بيبعدهم بسرعه ويسأل نفسه هي ليه لسه قاعده اكيد مستنياه وهو زي كل مره هيسيبها ويمشي بس اتفاجئ انها قامت لما شافت ولد معاها من الدفعه جه ناحيتها فابتسمت وهو صدره ولع نار وهو بيشوفها بتتبتسمله الولد اداها ملازم كتير
الولد : مدام تلا اتفضلي... صاحب المكتبه مقدرش يدخل الجامعه فعلشان كده بعتهم معايا
تلا : تمام شكرا... كام الحساب
الولد : صاحب المكتبه بيقولك الحساب عند الاستاذ عدي هو مشدد عليه ميأخدش منك فلوس
تلا : تمام تمام
الولد : محتاجه اي خدمه
تلا : لا شكرا كتر خيرك
الولد سابها وهي قعدت مكانها تاني وفضلت تبص في الملازم... عاصي قام ومشي من جنبها كان متأكد انها هتروح وراه زي كل مره بس المرادي اتلهت في الملازم حتي محستش انه مشي.... الوقت خدها في مراجعه الملازم وخرجت بعد شويه لاقته واقف قدام عربيته... محبتش تحرج نفسها قدام زمايلها وتروحله لانه زي كل مره هيسيبها ويمشي فقررت تأخدها من قصيرها وتمشي فاتصدمت لما لاقته بينادي عليها وراحتله
عاصي : اركبي
تلا ركبت وقف في مكان هادي ونزل من غير ما يتكلم ولا كلمه
تلا نزلت هي كمان
تلا : واخره اللي احنا فيه ده ايه
عاصي : مين الواد اللي كنتي واقفه معاه
تلا : واد مين
عاصي : اللي اداكي الملازم
تلا : معرفش هو مين بس هو صاحب المكتبه معرفش يدخل الكليه فعتهوملي معاه
عاصي : مشوفتكيش ادتيه فلوس يعني
تلا : لأ مهو عدي حاسب
عاصي : عدي!!!
تلا : اه عدي... كان قالي قبل كده ان ليه صاحبه صاحب مكتبه فلو حسيت نفسي تايهه ممكن يجبلي ملازم اذاكر منها
عاصي : ومقولتليش ليه بدل ما تكلمي عدي اللي مش هنخلص منه ده
تلا : شوف مين اللي بيتكلم انت كنت بترد علي تليفوناتي اصلا
عاصي : فقررتي تعاقبيني بقي انك تكلمي عدي
تلا : انت اتجننت ده جوز اختك
عاصي : اللي خلاكي تكلمي اخويا ميخلكيش تكلمني جوز اختي
تلا عند الحته دي واتصدمت حتي معرفتش ترد تقول ايه... عاصي حس انه اتسرع وانه اسي عليها
عاصي : تلا مقصدش
تلا بانهيار : عارفه اني جرحتك. ... بس انا اتعاقبت والله ومش قادره استحمل تاني والله والله انا عقلي خلاص قرب يجراله حاجه من كتر ما بفكر انت هتسيبني ولا لأ.... علشان كده انا قدامك اهو بقولك عايز تطلق انا جاهزه مش هقولك لأ لاني والله تعبت ومش عايزه اتعلق بأحبال دايبه اكتر من كده
عاصي : اطلق!!!!!
تلا : ده الحل الوحيد. علشان ترتاح مني وده العقاب الاسوأ ليا
عاصي : وانتي فاكره لما اطلقك ده يبقي عقاب ليكي... ده عقاب ليا انا .... وحرام اتعاقب مرتين علي حاجات انا مليش ذنب فيها
تلا : منا عايزاك مرتاح
عاصي : وغباءك وصلك ان راحتي هتبقي في بعدك عني!! ..... بصي انا متعصب منك جدا وجوايا نار لو خرجت هتحرق الكل بس اني اطلقك واسيبك تروحي لحد غيري ومتبقيش علي اسمي ده مستحيل.. لو اخر يوم في حياتي مش هطلقك.... سبيني انا جرحي هيداوي بس محتاج وقت. .... صدقيني انتي مش حاسه اللي فيا
تلا : هستناك لو 100سنه ... هستناك لغايه ما تسامحني وقلبك يصفالي بس متسبنيش اوعدني متسبنيش
عاصي : يوم ما هسيبك هبقي ميت لان مفيش حد بيبقي عايش لما بيبعد عن روحه
تلا موبايلها رن فردت : ايوه يا عدي ايوه جاتلي الملازم
عاصي مسك الموبايل منها ورماه علي الارض اتكسر حتت
عاصي : ولحد لما اسامحك متكلميش عدي
رفع كتفه وقال ببساطه : بغير
*************************************************
راحت المكتب ودخلت قعدت قصاد مكتبها... سحر بصتلها بعنيها المورمه من اثار الشبشب
سحر : جايه تضربيني هنا كمان ولا ايه
داليدا : والله انتي تستاهلي مفيش واحده تقول لواحده تانيه عايزه اتجوز جوزك
سحر :مش ده لو كنتوا متجوزين زي اي اتنين تانيين لكن انتوا جوازكوا صوري
داليدا : بصي انا جيت قبل عدي ما يجي علشان اقولك كلمتين... انا بحب عدي لا مش بحبه انا بعشقه... وشرعا وقانونا انا مراته... وحياتنا الخاصه لينا احنا بس.... مش من حق اي كلبه بلدي تتدخل فيها ماشي. .... فياريت تبعدي عنه لاني اقسم بالله ما هسكتلك ماشي يا حبيبتي يلا تيكير بقي
وسابتها ومشيت وسحر هطق منها
******************************************
بوسي : يا جدي هفهمك
جدها جري وراها في المكتب : بقي تلبسيني العمه يا بنت بدر ويطلع التسجيل متفبرك خلتيني اهزق الولا
بوسي : هو مهزق اصلا من غير حاجه
فوزي : والله ما هسيبك
بوسي طلعت علي المكتب علشان تهرب من جدها : يا جدي انت عجزت مينفعش جريك ده
فوزي : انا عجزت ده انا شاب اكتر منك
واترمي علي كرسي المكتب وهو بينهج
بوسي قعدت علي المكتب ومالت عليه : مش قولتلك عجزت
جدها مسكها : مسكتك يا شقيه... قوليلي بقي مش موافقه علي اسلام ليه
بوسي : اصلي بحب جامبول
فوزي : مين جامبول ده
بوسي : كرتون زي سبونج كده.
فوزي : يقربله ايه يعني.
بوسي : هو ايه ده
فوزي : جامبول يقرب ايه لسبونج بوب بتاعك ده
بوسي : اخوه في الرضاعه
********************************************
راحت لجواهرجي
كان في واحده حراميه في المحل لما لاقت انهم هيكتشوفوها حطت الخاتم اللي سرقته في شنطه حسناء وخرجت جري
جه صاحب المحل بعد ما شاف ده في الكاميرات وفتش شنطه حسناء وخرج منها الخاتم ولسه هيقولها علي الحقيقه مدتهوش فرصه
حسناء : ايه جاب ده هنا والله منا اللي خدته معرفش جه هنا ازاي
وفجأه شافت شهاب صاحب عاصي قدامها الواد الغتت من وجهه نظرها... او بصراحه هي بعد اياد واللي عمله كرهت صنف الرجاله كلهم
شهاب راحلها : في حاجه يا انسه حسناء
صاحب المحل : شوف الحكايه يا سيدي البنت دي فتشنا شنطتها ولاقينا فيه الخاتم
شهاب : لا طبعا اكيد في حاجه غلط ..... انت مش عارف دي بنت مين ولا ايه
صاحب المحل : يابني خليني اكمل ... في واحده حطتهولها في الشنطه ومشيت
حسناء بما انها مبتقبلش شهاب فحبت تجيبله مصيبه : طب يا حاج مبدأيا كده انا معرفش الشخص ده ولا اسمي حسناء اصلا... وشكله كده مع البت اللي كانت عايزه تسرق الخاتم
شهاب بصدمه : ايه
حسناء : متسبهوش يا حج غير لما تتأكد... السلام عليكوا
حسناء خرجت ... جه شهاب يخرج وراها يعرف منها هي ليه عملت كده ليه
صاحب المحل مسكه من هدومه زي المجرمين : علي فين يا حبيبي انت هتشرفنا شويه
شهاب : والله حرام
