رواية القلب وما يريد ( أرض الانتقام ) الفصل الثالث والثلاثون
شهاب : يا عم سيبني والله انا دكتور محترم
صاحب المحل : عليا برضه
شهاب : لا اله الا الله.... انا كنت جاي اشتري لأختي آلصغيره خاتم علشان عيد ميلادها والله
صاحب المحل : قول الكلام ده قدام البوليس
شهاب : بوليس ايه يا عم انت اصلا الشرطه هتحاكمك بتهمه البلاغ الكاذب لانك ممعاكش دليل ضدي... وممكن تخليني اتكلم في الموبايل لاني انا نزلت ومش معايا البطاقه فحضرتك مش هتصدق اني دكتور
صاحب المحل : طلع تليفونك واتكلم... هي مكالمه واحده وهتلاقيني واقفلك بالمرصاد.
شهاب : استغفر الله.
وطلع موبايله طلب رقم : ايوه يا عاصي
بعد شويه هما الاتنين في العربيه
شهاب : يا ساتر علي ده راجل... اقولك انا قفلت من محلات الجواهرجي كلهم. ... هجبلها هديه تانيه
عاصي : انا مش فاهم انت مخلتنيش اشوف البت اللي اتبلت عليك في تسجيلات المحل ليه
شهاب بعصبية : ولما تشوفها يعني هتعملي ايه.... اهي راحت لحالها
عاصي : طب متعرفش هي مين وليه عملت كدا ... اكيد تعرفها علشان وقفت تدافع عنها
شهاب : برضه لما تعرفها هتستفاد ايه ولا هتعملي ايه
عاصي : ما تيجي تأخدلك قلمين احسن .... تصدق انا غلطان اني خلصتك من ايدين الراجل
شهاب : اتكل علي الله وشوف طريقك بعد ما نعمل حادثه تجيب اجلنا
عاصي : ماشي يا ظريف... تعالي اقعد معايا شويه
شهاب : اقعد معاك فين! ؟!
عاصي : هيكون فين يعني في بيتنا
شهاب : لااااااا ابوس ايدك. .. تعالي نروح النادي او اقولك تعالي نتمشي علي الكورنيش
عاصي : حلو انا اصلا عايز اتمشي
بعد شويه وهما ماشيين
عاصي : نااااار جوايااا يا شهاااب نااار...... انا لا قادر اسامحها ولا قادر ابعد عنها
شهاب : بص يا صاحبي... متحسبهاش علي اللي حصل قبل ما تقابلك ولا تعرفك حاسبها على الحاضر اللي انت فيه... واعرف ان مراتك جوهره ومش هتقدر تعوضها
عاصي : عارف انها ست البنات... بس اللي مضايقني انها مقالتليش
شهاب : ولو قالتلك يعني كنت هترتاح
عاصي : لأ
شهاب :شوفت انت جاوبت علي نفسك اهو
شهاب ضحك
عاصي : بتضحك علي ايه يلا
شهاب : اما حالنا كرجاله غريب اوي يا جدع
عاصي : ازاي يعني
شهاب : اصل احنا نحب عادي وننسي ونحب غيرها... انما البنت تحب ونعرف دي جريمه لا تغتفر منتهي التعنت يعني
عاصي : انت تقصد ايه
شهاب : اقصد ان قلبك رغم انه قلبك عضو في جسمك اهو بس متقدرش تتحكم فيه بس مش معني كدا انك تعمل الغلط والحرام بس الحب لا لان ليك دماغ لازم يمنع قلبك وقت التجاوز ......
عاصي: ولا انا مش فاهم منك حاجه هات الخلاصه
شهاب : الخلاصه يا سيدي انها غلصت بس تستاهل انك تسامحها
عاصي : مش قااادر
شهاب : هتقدر علشان انت بتحبها.. فمتضيعهاش من ايدك يا صاحبي
عاصي : انا اصلا مش هبعد عنها ولا هسيبها... بس انا حاسس ان عايز وقت انسي
شهاب : ولا متعصبنيش قولتلك هتسامح والله متقرفناش بقي
عاصي : طب قولي يا نرفوز افندي... لما قولتلك ان نروح البيت اتعترضت كأن تعبان قرصك ليه
شهاب : لا بس خايف لأختك تضايق علشان شكلها مش طايقني خالص
عاصي : حسناء... بص انا عارف انها اتخانقت معاك اول مره بس هي في العاده طيبه ملهاش دعوه بحد
شهاب بتريقه : انت هتقولي
*******************************************
رجع عاصي البيت فلقي حسناء في وشه
حسناء : هتأكل اخليهم يحضرولك الاكل
حسناء : لأ كلت بره مع شهاب
حسناء اتوترت : شهاب !!!
عاصي : تصدقي انه خايف يجي بسببك
حسناء بخوف : انا ليه وانا عملتله ايه يعني
عاصي : لا ولا حاجه لما جه هنا اتخانقتي معاه وشرشحتيله بس
حسناء :اه الخناقه
عاصي : تصوري ان كان رايح المحل يجيب لأخته خاتم علشان عيد ميلادها واحده لبسته في تهمه رغم انه كان بيدافع عنها
حسناء : هاااا ومقلكش الواحده دي مين.
عاصي : اتحايلت عليه يقولي مرضيش ابدا
حسناء : لا والله.. طب حصل ايه مع صاحب المحل
عاصي : كان حالف ليجيبله البوليس بس انا طلعته منها بالعافيه.
حسناء : بس علي فكره هو رخم يعني هتلاقي البنت اللي اتبلت عليه حسته انه رخم
عاصي : شهاب حرام عليكي يا شيخه ... ده والله جدع كدا... تعرفي اني بحسب انه انا... اخويا اللي مجابتوش امي
حسناء بدأت تحس بتأنيب ضمير ناحيه شهاب
******************************************
وفي قصر ولاد علام
جه فجر وقعد جنب بوسي
فجر : عمتي هاتي كرتون القط. الفار
بوسي : لا هنتفرج علي جامبول
فجر : لا قط وفار
بوسي زقته من علي الكنبه : قوم ياض منها هنا
فجر باصرار : هاتي الريموت يا عمتي
بوسي : تعالي يا حبيبي
فجر قعد جنبها تاني فشدته من شعره فجر كان شعره طويل وناعم
بوسي : عمتي مين يلاااا مين اللي عمتك دي ده انت قربت تبقي طولي... مسمعش عمتي دي تاني
فجر : سيبي شعري سبييه
بوسي : هتقولي يا عمتي تاني
فجر : لا سبيه بقي يا بت
بوسي شدت شعره اكتر : بت مين انبت حيلك يا بعيد
فجر : الله لا انتي عايزاني اقولك يا عمتي ولا يا بت اقولك ايه زهقتيني وقرفتيني في عيشتي
بوسي : قولي يا بوسي
فجر : خلاص سيبي شعري بقي هندهلك جدتي والله
بوسي سابت شعره : عندك شعر مش عندي... روح جتك. القرف في شكلك وانت زي العسل كده
جات رقيه ومعاها كيس شيبسي وشيكولاتات
رقيه : خد يا واد يا فجر كل.. اصل من اول ما بروج ما مشيت وانا مش عاجبني اكلتك دي
فجر أخد الحاجات منها وهو فرحان وفتحها وبدأ يأكل
بوسي : بالنسبه للهوا اللي جنب فجر ملهوش حاجه
رقيه ضربتها علي رأسها : لا ملهاش اما تبقي تذاكر يبقي ليها
وسابتها ومشيت
بوسي : والله بذاكر بس في السر..... واد يا فجر هات حته
فجر شاورلها برأسه لا
بوسي : طب هات حته وانا اجبلك القط والفأر
*******************************************
اخر محاضره لان بعد كده امتحانات
قعدت تلا في المدرج وهي عماله تركز علي كل نقطه بيقولها... خلص وزي العاده بنات كتير لفوا حواليه... طبعا هي غيرانه بس بتحاول متبينش علشان هي وعدته ان تبعد عنه وتديه الوقت اللي هو عايزه علشان يسامحها خرجت من المدرج بس فيه ولد من نفس الدفعه نده عليها فوقفت
الولد : بقولك ايه يا مدام تلا
تلا : افندم
الولد : انا شايل الماده دي بقالي سنتين وكان الدكتور مستقصدني
تلا : والمطلوب مني ايه ؟!
الولد : بما ان المعيد اللي بيدي الماده جوزك متحنني قلبه عليا
تلا : ازاي يعني
الولد : اكيد يعني مديكي الامتحان فادهولي وانا هديكي اللي انتي عيزاه
تلا : دكتور عاصي مبيديش امتحاناته لحد فاسفه مش هقدر افيدك
وجت تسيبه وتمشي الولد مسك ايديها وهو بيقولها : جرا ايه يا عروسه الكلام اخد وعطا
لسه هتلتفت تشتمه لاقته علي الارض وعاصي فوقه ونازل فيه ضرب
عاصي : ايدك متلمسهاش تاني
ومع كل كلمه لكمه.... تلا لقت الواد هيموت في ايده وهي كانت تعبانه اصلا كل ده ضغط علي اعصابها فوقعت
عاصي اول ما شافها وقعت ساب الولد وراحلها وحاول يفوقها
بعد شويه
في المستشفي
عاصي : مالها يا دكتوره
الدكتوره : عندها هبوط الظاهر مبتاكولش ... احنا علقنالها محاليل
عاصي : تمام هدخلها ممكن
الدكتوره : اتفضل
عاصي دخل لاقاها بتشيل ابره المحلول من ايديها
عاصي : ايه ده في ايه
تلا شالتها : مش عايزه اقعد هنا
عاصي : هتعقدي غصب عنك لان حضرتك مبتأكليش ومهمله في نفسك
تلا : مش مهم
عاصي قعدها مكانها تاني : هو ايه اللي مش مهم دي صحتك
تلا حطت ايديها علي رأسها : عايزه اخرج من هنا.
عاصي : مفيش خروج غير لما اطمن عليكي... مبتأكليش ليه بقي
تلا سكتت فعاصي اخد نفس عميق : مش قولنا انا محتاج وقت
تلا : وانا قررت اديلك الوقت فين المشكله بقي
عاصي : المشكله انك مبتأخديش بالك من نفسك
تلا : مش مهم
عاصي : متقوليش الكلمه دي بتعصبني
تلا سكتت شويه وبعدين اتكلمت : مش عايز تعرف الواد اللي كان في الجامعه كان عايز ايه
عاصي حب يبين انه مش مهتم : لا مش عايز
تلا لان عرفاه : متأكد
عاصي : طبعا
تلا : طيب
سكتوا لفتره
عاصي : مش هتقوليلي بقي الواد ده كان عايزك في ايه!!
فتلا ضحكت
********************************************
راحت هي وجدها يزروه في المستشفي ... كانت امه هناك فجدها اطمن ان فيه محرم فقعد بره
منه : طبعا محفظتش حاجه الفتره اللي فاتت حاول بقي تعوض لما ترجع البيت بالسلامه.
بلال : مين قالك اني محفظتش!!
منه : انت كنت تعبان فازاي هتحفظ
بلال : لا حفظت طبعا... كنت بسمع السور اللي عايزها من علي الموبايل وكنت مستنيكي تسمعيلي
منه : بتتكلم بجد
بلال : اه والله وعلي العموم احنا هنسمع وهتشوفي.. جاهزه تسمعي.
منه بابتسامه : جاهزه.
بلال : استني قبل اما نسمع كنت عايز اسألك سؤال
منه : اتفضل
بلال : استغفرتي علشان ربنا يشفيني
منه : كتير
بلال ابتسم فمنه انكسفت : كنت هستغفر لأي حد مكانك علي فكره... يلا علشان نسمع
بلال : حاضر
وسمع تلت اجزاء
******************************************
خرجت من الكليه وهي هلكانه من التعب... افتكرت انها نسيت المذكره اللي كتبت فيها انها بتحب عدي علي طرابيزه في الصاله وعدي احتمال يجي بدري فراحت بسرعه علي البيت
دخلت الشقه واتصدمت لما لقت عدي قاعد علي الطرابيزه وفي ايده المذكره
عدي ناولها المذكره علي الصفحه اللي هي كاتبه فيها فحسته انه زعلان
داليدا : بص انا عارفه ان مش من حقي احبك وطبعا انت واخد عني فكره وحشه بس انا اتغيرت... وعارفه انك بتحب خطيبتك... وممكن متقبلنيش بس انت لو عايزنا نطلق انا هوافق.. انا مهمنيش غير سعادتك
عدي : خلصتي
داليدا الدموع اتجمعت في عنيها بس منعتها : اه
عدي : اقلبي الورقه
داليدا قلبت الورقه لاقت مكتوب : وانا كمان بحبك
حطت ايديها علي بوقها وسمحت لدمعها تنزل وفضلت تعيط.. مش مصدقه نفسها
داليدا : بجد
عدي شاورلها وهو بيضحك : اه
داليدا بفرحه : من امتي
عدي : من اول ما شوفتك يعني من الخناقه اللي اتخانقتيها معايا.
داليدا : لسه فاكرها
عدي: ودي تتنسي برضه
عدي قام : بالمناسبه ايه العلبه اللي علي الطرابيزه دي
داليدا : علبه ايه انا مجبتش علب
عدي : طب افتحيها كده نشوف فيها إيه
داليدا أخدت العلبه وفتحتها لقت فيها خاتم فبصتله باستغراب
عدي : شوفي بسم الله ما شاء الله.. يوم ما اقرر اني اعترف بحبي الاقي المذكره دي قدامي... انا محظوظ من يومي
داليدا : ده ليا انا
عدي : لا ليا اصل انا حبيت اجرب الخواتم فقولت اجبلي واحد
داليدا عيطت اكتر : بطل رخامه
فتح ايديه علي اخرهم : تعالى
داليدا اترمت في حضنه وكأنه بتضم سعادتها
********************************************
في الشركه
حيدر : انا جيتلك في ميعادك اهو يا ست الكل
بروج : قبل ما امضي يا حيدر حابه احكيلك حكايه ... في واحد لقي ابن عمه هيعمل مشروع هيكسب دهب حب يشاركه بس مرضيش وقاله يشارك واحد تاني يقوم يعمل ايه بقي يقتل الواحد التاني ده ويفرك تسجيل لابن عمه ان هو اللي قتل تفتكر دي حكايه مين
حيدر خرج مسدسه ووجهه ناحيه دماغها : حكايتي
