رواية القلب وما يريد ( أرض الانتقام ) الفصل الرابع والثلاثون
خرج اسلام وجسور من بلكونه المكتب
جسور : نزل المسدس
حيدر :،عيب عليك يا جسور وانت راجل فاهم وواعي... هي تذكره خروجي ما بينكوا وطول منا هنا مسدسي هيبقي علي رأسها
ولف مره واحده وحطت دراعه حوالين رقبتها ومسدسه لسه علي دماغها : انا زي ما قتلت منذر هقتلها هي كمان
جسور : حيدر انت اتسجلك كل حاجه والشرطه تحت زمانهم طالعين يعني انت كده كده خسران... . فاللي هتعمله هيأذيك اكتر مش هيفيدك
حيدر : مش كده كده خسران لأ. . قصدك كده كده ميت ومدام انا كده كده ميت يبقي احرق قلبك ولا ايه.
جسور بعصبيه : اقسم بالله لو اذيتها لموتك يبقي علي ايديا
حيدر ببرود : مش مهم منا كده كده ميت... وبعدبن انت متعصب ليه مش فاهم...
وبص لإسلام وكمل : اذا كان صاحب التار مش مترفز زيك كده وهادي جدا
اسلام بص لبروج وكأنه بيقولها جه الوقت فبروج شاورت برأسها ان هي فاهمه.... وخرجت من كم عبايتها سكينه وضربت بيها لرجل حيدر .... حيدر صرخ وسابها فانتهزت الفرصه دي واخدت المسدس ووجهته ضده
حيدر بابتسامه : شايفكوا كلكوا اتفقتوا اخيرا... حاجه كده تنكتب في التاريخ ان ولاد علام وولاد فارس اتجمعوا لهزيمه الشر... بجد عنوان يثير الدهشه كده او الاشمئزاز مش عارف
الظابط جه ووقف بره
الظابط : افتحوا الباب
جسور : اسلام افتح الباب.
اسلام فضل ماسك مسدسه وموجهه ناحيه حيدر فجسور عرف اسلام ناوي علي ايه
جسور بصوت هادي : اسلام اهدي... كده ومتضيعيش مستقبلك علشان خاطر واحد زي ده
اسلام : تار اخويا.. وانا اللي هأخده
بروج : لا يا اسلام لأ... احنا متفقناش علي كده
اسلام : بس انا ناويها من اول ما قولتيلي
جسور رجع بضهره لغايه ما وصل للباب وفتحه .... الضابط كان معاه اتنين عساكر
فوجهوا مسدساتهم ناحيه حيدر
الظابط : نزل مسدسك يا اسلام.
اسلام بصوت عالي : تاري وهأخده يا حضره الظابط وبعد كده ابقي اسجني انا معدش يهمني
حيدر : قبل ما تقتلني ... فاكر لما بروج انضربت بالنار في قصركوا... كان انت اللي مقصود وجسور هو اللي ضرب الطلقه... يعني مهواش حبيب يعني
بروج بصت لجسور بصدمه : اسمعوني كويس علشان اهدي الموضوع قولت ان اسلام هيضرب نفس الطلقه اللي ضربها لفواز... وهو كان مصمم انه هو اللي ينفذ وكنت متأكد انه لو راح كان هيقتله فعلشان كده انا اللي روحت وانتي ظهرتي قدامي
الظابط : الكلام اللي انت قولته ده هيتأخد عليك علي فكره
بروج : اسلام نزل المسدس
اسلام بزهق : لااااااا
بروج : طب بلاش علشان خاطري علشان خاطر بوسي
اسلام اتوتر لما جه اسمها
الظابط : يابني صدقني اللي انت بتعمله ده مفيهوش فايده هو اعترف علي نفسه فهيأخد اعدام يعني كده كده ميت
جسور لما لقي اسلام ارتبك فشاور لبروج تكمل
بروج : فكر في بوسي .... فكر في جدك لما يعرف هيجراله ايه. ... فكر في أختك اللي ملهاش غيرك. . فكر في فجر اللي بيعتبرك زي ابوه... فكر فيهم بالله عليك فكر.
اسلام فضل مسهم شويه. وبعد كده نزل مسدسه.... في اللحظه دي استغل حيدر انشغال بروج وخد المسدس من ايد بروج وضرب اسلام طلقه ولسه هيضرب جسور الظابط والعساكر اللي معاه صفوه
وقع حيدر وهو غرقان في دمه
بروج وجسور راحوا عند اسلام
بروج بعياط : اسلااام
جسور : لازم نأخده علي المستشفي
جسور اخده علي المستشفي... واسلام حاسس وشايف كل اللي حواليه بس كأنه حلم
جسور قعد جنب بروج : قومي انتي علشان ترتاحي
بروج : لا هيهنالي راحه ولا هيناملي جفن الا لما يقوم بالسلامه
جسور : طب متعيطيش... ده مش كويس علشان اللي في بطنك
بروج : طبعا ما انت ميهمكش غير اللي في بطني
جسور : لأ طبعا والا مكنتش رجعتك.
بروج بعصبيه : ما انت رجعتني علشان اللي في بطني..
جسور : تبقي غبيه دي حجه بس انما انا لسه بتنيل علي عين اهلي بحبك.... وبعدين انتي في ايه ولا في ايه
بروج : مش عيزاه يجراله حاجه يا جسور مش هستحمل خساره اخ تاني يا جسور
وعيطت جسور رفع ايده بتردد علي كتفها وطبطب عليها فبروج نامت علي كتفه وفضلت تعيط .... جسور كان فرحان ومبسوط وفي نفس الوقت ضميره بيأنبه علشان فرحان واسلام اللي راقد جوه ده .... بس لولا رقده اسلام مكنتش بروج نامت علي كتفه
جسور في نفسه : والله انت ما عندك دم علشان فرحان واسلام بين الحيا والموت
وكمل : بس والله كانت وحشاني موت
بعد شويه فاقت بروج لنفسها وانها في حضن جسور فبعدت
بروج :ايه ده انت ازاي تقربلي
جسور : انا برضه
خرج الدكتور فقاموا الاتنين
بروج : اخباره ايه يا دكتور
الدكتور : الحمد لله الاصابه جت سطحيه بس انا بلغت الشرطه لان ده شروع في قتل
جسور بتريقه : اصلا الشرطه عارفه
جه الظابط اللي كان معاهم
الظابط : جسور.
جسور شاور عليه وهو جاي : مش قولتلك
الظابط : انا جايلك بالنسبه للي قولته في الشركه
بروج : انا شايفه ان ملوش لازمه اللي حضرتك بتعمله ده
الظابط : ازاي وهو اعترف قدامي
بروج : بس مفيش بلاغ
الظابط : تقصدي ايه
بروج : يعني المفروض ان انا اللي اضربت بالنار يعني انا اللي متضرره وانا اهو بقولك مضررتش
الظابط : تمام... وبالنسبه لحيدر مات وهيتم تبليغ أهله وهنحتاجكوا في القسم علشان نقفل الحكايه
جسور : تمام
بعد ما الظابط مشي
جسور : شكرا علي عملتيه.. افهم من كده اني سامحتيني
بروج : لحد ما هموت مش هسامحك.... واللي عملته عملته علشان خاطر بنتي
جسور بفرحه : هي بنت!! عرفتي ازاي
بروج : احساسي
*****************************************
تاني يوم الصبح صحيت علي صوت خبطت جامد علي الباب.... قامت وفتحت لاقته فجر
تلا: ايه يا فجر في حد يخبط علي باب حد كده
فجر : معلش يا عمتي.. بس خطيبك جه واداني دي وقالي اديها لعمتك
تلا بفرحه : عاصي طب هو فين.
فجر : روح
تلا مسكت العلبه : طب متعرفش فيها ايه العلبه دي
فجر : معرفش افتحيها
وفعلا تلا فتحتها لاقته موبايل احدث من موبايلها ومعاه كارت.. بصت علي الكارت لاقت مكتوب فيه : انا اسف
فضحكت بس ضحكتها ماتت علي شفايفها لما كملت اللي في الكارت : انا اسف علي كسر الموبايل
معني كده انه مسامحهاش لسه
*******************************************
راح لعاصي علشان يسأله علي عريس متقدم لأخته يمكن عاصي يعرفه وهو بيدعي جواه :
يارب ما تبقي موجوده يارب
واول ما دخل من البوابه شافها وهي عماله تقص الورد اللي في الجنينه بطريقه غبيه وبغل.... اترسمت علي وشه علمات الرفض الواضح
شهاب : شرييييبييره
بعد يمشي وكأنه بيتسحب علشان متشوفهوش
عداها بشويه وفجأه نادت اسمه.. اتسمر مكانه ورفض انه يلتفت
ولما حس انها واقفه قريب ونادت اسمه تاني التفت
حسناء : عايزه اقولك حاجه
كانت بتتكلم وبتحرك المقص اللي كانت بتقص بيه الورد من شويه فشهاب بلع ريقه بصعوبه وحط ايده علي رقبته
شهاب بخوف : اتفضلي
حسناء : انا عرفت من عاصي
شهاب بسرعه : والله ما قولتله حاجه
حسناء : عارفه علشان كدا حابه اقولك
شهاب : لا متقوليش كفايه اللي قولتيه في المحل
حسناء : عايزه اقولك اني اسفه
شهاب بص حواليه : حضرتك بتقوليلي انا
حسناء : اه طبعا
شهاب :طيب سؤال بس عملتي معايا كده ليه
حسناء :بص يا دكتور انا كنت هتجوز ويوم كتب كتابي اكتشفت ان خطيبي له علاقات غراميه من يومها وانا بكره الرجاله كلهم
شهاب : طب وانا ذنبي ايه فاللي عمله خطيبك
حسناء : لتاني مره اسفه
شهاب : انتي متعرفيش الراجل هزقني ازاي
حسناء بزهق : الله ما قولت اسفه مره واتنين هي شغلانه
وسابته ومشيت
شهاب : ايه البت المجنونه دي
******************************************
رجع اسلام وبروج للقصر
اسلام : فين بوسي
حسنيه : راحت الدرس وزمانها جايه... الا يا ضنايا انت شكلك. تعبان كده ليه .... مالك يا حبيبي
وبطبطب علي كتفه فإسلام اتوجع
حسنيه : مالك يا حبيبي
بروج : هقولك يا خالتي بس متقلقيش اوعديني
حسنيه : ماشي يأختي وعد اهو مش هقلق ولا هفتح بوقي بس قولي
بروج : اصل حيدر الله يجحمه مطرح ما راح ضربه طلقه بس الحمد لله الاصابه جت سطحيه
حسنيه : يا لهوووووووي ابنااااااي
بروج : لا ونعم الوعد ياخالتي وبعدين ابنك قدامك كويس اهو .... هتندميني اني قولتلك
حسنيه بعياط : منه لله خطف واحد مني كان عايز يخطف التاني
بروج : اهو اخد جزاءه الحمد لله
اسلام : هي بوسي عارفه ان احنا جايين
حسنيه : لأ مظنش
بوسي رجعت فحسنيه مشيت وراها... كانت عايزه تقولها ان اسلام جه.
حسنيه : بت يا بوسي
بوسي : خالتي انا عارفه انتي هتكلميني في ايه... ... واحب اقولك انا مش هتجوز ابنك الرخم
فجر جه جري : بوسي بوسي ... عمي اسلام....
بوسي قاطعته : قصدك عمك الرخم ماله بقي
فجر : جه
بوسي اتصدمت وبتبص قدامها لاقته واقف
بوسي : لسه بقولهم اسلام مفيش منه اتنين
اسلام : لا والله يعني مقولتيش رخم
بوسي : مين اللي قال رخم انا قولت رخم
فجر شاور برأسه اه فضربته علي راسه فشاور برأسه لا .
اسلام قرب منهم : لا والله والتسجيل اللي متفبرك.... ها.
ورفع ايده في الهوا فبوسي خبت وشها بايديها : خلاااص والله موافقه
اسلام : علي ايه
بوسي بعياط : علي الخطوبه علي الخطوبه
اسلام حط ايده علي شعره قال يعني بيسرحه
اسلام : اصلا مكنتش هضربك
ومشي خطوتين
بوسي زعقت : اصلا انت رخم وانا كدبت عليك انا مش موافقه
اسلام التفت وبصلها بشر : قولتي ايه ؟!
بوسي : لا انا مقولتش حاجه تقريبا فجر اللي قال
فجر : انا والله ما قولت حاجه
بوسي ابتسمت ابتسامه متخلفه : تقريبا في عيل جه من بره وقال كده وهرب
******************************************
عدت الايام وبدأت الامتحانات
واهو قاعد بره مستنيها تخرج من الامتحان بفارغ الصبر عمال يقرأ في قرآن ويدعي ان تعرف تحل وتعدي منه علي خير علشان كل اللي خارج من الامتحان بيقولوا الامتحان في منتهي الصعوبه.... واخيرا خرجت من الامتحان... راح جري ناحيتها
عاصي بقلق : ها عملتي ايه ؟!
تلا فضلت ساكته بس عنيها اتملت بالدموع..
عاصي : بقولك عملتي ايه
تلا عيطت
عاصي : اهدي اهدي بس تعالي لما نعقد
راحوا قعدوا في الكافتريا وطبعا كل العيون عليهم وتلا مش مبطله عياط
عاصي اخدها من ايدها وركبوا العربيه ووقف في مكان هادي : دلوقتي قوليلي ايه اللي حصل محلتيش
تلا مقدرتش تتكلم من كتر العياط وشاورت برأسها لأ
عاصي : كله!!!!!
تلا : الامتحان كان صعب
عاصي طب اهدي..
تلا :خايفه ﻻسقط وازعل جدي
عاصي : وبالنسبه لجوزك ينحرق عادي
تلا مستوعبتش حاجه ودماغها راحت من الامتحان : جوز مين!!
عاصي بصلها وهو مبلم وسكت
تلا مسحت دموعها : اه انت.. ليه هو انت هتزعل لما اسقط
عاصي بنفاذ صبر : لأ هفرح واجيب مزيكه حسب الله... انتي هتجننيني..
تلا بزهق : متزعقليش انا اعصابي متدمره اصلا.
عاصي أخد نفسه بيحاول يهدا : طيب خلينا نتكلم بهدوء : محلتيش حاجه خالص
تلا : لا طبعا حليت وكله بس مش متأكده من حلي
عاصي : والله العظيم حرام عليكي انا اعصابي تلفت خالص
تلا موبايلها رن فردت.
تلا بابتسامه : ايوه يا حبيبي
اترفع حاجب عاصي تلقائيا مع الكلمه
تلا : والله انا حليت بس معرفش صح ولا غلط ادعيلي يا قلب عمتك..
عاصي عرف انها بتكلم فجر فارتاح.
عاصي : يا الله شكلها نويالي علي جلطه باين
تلا قفلت وبصتله : ده فجر كان بيطمن عليا.
عاصي : عرفت
تلا : بالمناسبه شكرا علي الموبايل
عاصي ساق العربيه علشان يروحها : بالمناسبه مبحبش حد بحبه يشكرني بحسها شتيمه
تلا بفرحه : بتحبه !!
عاصي بص قدامه يتابع الطريق بس ابتسم : ليه عندك شك
********************************************
اتصل بيها
بلال : ها بتذاكري ولا لأ
منه : بذاكر والله
بلال :عملتي ايه في امتحان امبارح والله كنت هتصل بيكي بس الادويه اللي بأخدها بتنيمني زي القتيل
منه : الحمد لله كان سهل
بلال : طب ركزي اوي في الامتحان اللي جاي ومتنيسيش قبل الامتحان استغفري كتير.
منه : حاضر
بلال : ناويه تسهري
منه : باذن الله
بلال : طب بما انك ناويه تسهري متنسيش قيام الليل ماشي
منه : حاضر ومتنساش انت كمان
بلال : لا مش ناسي .... امتحانك الجاي امته علشان ابقي اتصل اطمن
منه : علي اول الاسبوع الجاي باذن الله.
بلال : بالتوفيق يارب
منه : يارب.. ادعيلي بالله عليك.
بلال : والله من غير ما تقولي انا بدعيلك ليل نهار .... يلا السلام عليكم علشان انا ورايا حفظ
منه : وعليكم السلام ورحمة الله وبركاته
********************************************
دخل عدي الشقه لاقاها قاعده بتذاكر
عدي : لسه قاعده بتذاكري
داليدا : اه الامتحان بعد بكره ..... هقوم احضرلك العشا
عدي : خليكي انا جايب اصلا اكل من بره
لاقاها عماله تقلب في الاكل وهي سرحانه
عدي : مالك
داليدا : اصل عايزه اسهر اذاكر
عدي: وده يخليكي مضايقه كدا
داليدا : انا بخاف اسهر لوحدي
عدي : هسهر معاكي
داليدا : لأ انت بتيجي من الشغل تعبان بتبقي محتاج ترتاح
عدي : لا عادي ولا يهمك خلصي اكلك علشان اعملك. قهوه
داليدا : فريره
فضلت قاعده تذاكر وهو يا عيني هيموت وهينام بس بيقاوح علشانها.. عنيه غفلت غصب عنه
داليدا بخوف : عدي انت نمت
عدي فاق بسرعه : لأ فايق متخافيش
داليدا : طيب
وركزت في مذاكرتها ولا خلصت لاقته نايم علي الكرسي ورايح في النوم
داليدا : عدي قوم روح علي اوضتك.
عدي قام مخضوض ونعسان : انا صاحي انا صاحي كملي مذاكره
داليدا بضحك : صاحي ايه ده انت روحت في غيبوبه... قوم يلا روح نام شكلك تعبان
عدي قام وهو دايخ ونعسان : تصبحي علي خير
وراح صادد في الحيطه اللي قدامه غصب عنها ضحكت : انت كويس.
عدي : اه اه.. محتاج انام بس لألف سنه .... يلا تصبحي علي خير
داليدا لمت كتبها وحطتهم في الدرج وراحت طفت النور اللي في اوضه عدي
داليدا : وانت من اهلي يا حبيبي
فضحك وهو نايم
********************************************
والصبح
لاقت حركه في البلد فسألت الغفير
بروج : في ايه
الغفير : بيقولوا ان جسور بيه عمل حادثه ونقلوه علي البيت
