رواية كريات الدم السوداء الجزء الثاني الفصل الثالث والثلاثون بقلم زحل شريف
--قدر --
-بشتى الطرق حاولنا نعيش مانصفتنا الحياة ولا الناس
بعد مشكلت اريج علاقتي بثابت توترت ودوم مانتحاجه
لان أحسه يريد يذب الصوج بيه ايام وأنه حتى مانام ويا
بنفس الغرفه كل واحد منا بمكان يخلص نهارة بالشغل
وبليل بيت الحجي يخاذ تينه وابقى لوحدي ماشكييت
لسونه وشلت همي لوحدي وهو ماحاول يبرر لو يعتذر
لحد ما صبحت على كارثه هروب سونه اقرأ برساله
واصرخ اجه يركض
ثابت::شكو شكو شبيج منو مات
-اشرتله والنقال بيدي ،،راحت راحت شردت كله منكم
تقرب راد يأخذه مانطيته اله
كعدت بالكاع ابجي بصوت عالي وهو واكف محتار
ثابت::هسه غير اعرف شكو
-دكيت على صدري ليششش عفتيني ليش هيج
سونننننننه حرام عليج ،، جرني يريد يكومني دفعته
ورجعت اقرأ وكل كلمة اصرخ
ثابت::يأبه احجي بس خل افهم وين راحت شو اطيني النقال.
-باوعتله وصحت أنه اقرالك مسحت ادموعي الي
مايخلني اشوف وقريت بصوت عالي
سونه::مااكول اختي اهلي انتي والدنيا الي تمنيت ابقى بيها
اعرف راح تزعلين بس مالي خيار ثاني ياقدر تعبت لو شما
احجي مراح تحسين بيه بس اوصحلج شي بسيط گل شي
تحملته وتقبلته الا الاستحقار من بيت الحجي واخر فترة
تعاملهم كان واضح حتى الثواب الجانت ادزه خاله هم كطعو
مو جوعانه بس حسيت بااهانه والخلاني ابعد هو اصرارج
اذا طلكني انتي هم تطلكين موهين عليه البعد عنچ بس الضاهر مكتب نتفارگ لأن كل ماارجع تبعدني الضروف
ضلموني هواي وحتى ثابت هم تخلى عني والحجي كم مرة طلب أشيل يااختي ماتقبليها عليه ابقى وهمه مايردوني
واول وتالي الباشا يرضخ لطلب اريج خو مايضيع أطفاله
ولا ابو يقبل ،،ابريني الذمه أنه اخذت الفلوس مالاتج
كولي لثابت يبيع البيت وينطيج فلوسه ديري بالج
على نفسج وعلى تينه بوسيها الي قدر لادورين عليه
ثقي أنه اعرف اعيش ،، حاولي تنتبهين لبيتج وزوجج
ثابت يحبچ .
-التفتت باوعتله ودموعي تصب دنگ صحت طلكني
رفع رأسه متفاجئ كمت وأنه احجي لهنا وخلصت العبه
البينا ولخاطر العشرة ماراح طلكني بدون مشاكل
ثابت::صار بس اهدي هسه وكليلي شكاتبه
بلكي نعرف وين راحت ؟
-حتى لو عرفنا أنه ماخليها ترجع بعد .
ثابت::مو لعب هو افهمي لازم نعرف وين كلشي يصير
الدنيا تخوف وعبالج تكدر تعيش لوحدها .
-تعيش وأنه اروح اعيش وياها .
ثابت::خوش اول خلي نعرف هيه وين وسهله
-غثني برودة يحجي وياي وكاأنو أنه طفل ،،ركضت الغرفه
لبست صايتي وشالي وطلعت لزمني على صوت صريخي فزت تينه تبجي شالها يسكت بيها
ثابت::ادري أنه شعليه قابل طاردها
-انته الي قنعتها بالعقد
ثابت::لأجل لاتسوي شي حرام
-ياحرررررام وحلال التحجون بي كلكم ماتعرفون الحلال
جذابين ماتعرفون الله حرمتوها منه وحرمتو منها وتدرون
يحبها
ثابت::صوتج صوتج شنو حرمانا وكفنا بطريقه
ولج هو طفل
-چا ماحجيت ويا الحجي ماكتله مو طفل
ثابت::مااحجي مهما كان هذاابنه مالي حق افرض
عليه انو يخلي ابنه يعلن وبعدين هل عرفو شنو الصار أحد
راح عاركها لو هدو عليها مارادو الأمور توصل لهذا الحد
هاي شوفت عينچ اريج شمرت الجهال شيسوون يرحون
لسونه يگلولها هلا بيج تعاي واريج طبها مرض.
-خلص بعد الكلام ماله فايدة .
ثابت::وهاي كم مرة تعيديها طلكني اقل مشكله تصير
وكلتي ماابقى عندگ وكأنو زواجي بيج مبني على سونه والباشا يعني لو هيه عد غير رجال شلون
-جان اطمنت عليها مستقرة اروحلها وتجيني
مو باقيه لوحدها مثل السجين تنتضر جيتي الخميس
أنته ماتدريييييي من اشوفها شلون تشيل تينه تبوس بيها
لو من تفرح بجيتنا وحيدة منبوذة
ثابت::هسه دخابري بلكي ترد عليج
-ماخابر وحتى لو ردت هم ماخليها ترجع خل الحجي يفرح
روحو رجعو اريچ بشروها سونه طلعت من حياتكم
ثابت::الها رجال يعرف شلون بجيبها
-رجال هسه گلت رجلها جا ماتحجي يم اهلك وتگول رجلها
شو اريج غطتنا بالخيس ذاك اليوم ماحجيت ماكلت
رجلها من سمعتها تكول عن سونه كحبه وفاتحه بيتها الباشا
ثابت::واحنى نمشي بكلام اريج مرة والمرة سلاحها لسانها
شتردينها تگول خليج مكانها لو أنه متزوج عليج
-ماصير مكان أحد والباشا قبل ماياخذ سونه
هو عده الف وحده ويشرب ويدور ويسهر مازعلت اريج
من جان يبات عند ام طيبه ولاتگلي ماتدري
ثابت::لا اكول ولا ادخل هو وزوجته واختج غلطانه
لو حاسبه نفسها متزوجه جان ماطلعت بدون علمنا وهاي
مو اول مرة تسويها خو جان طلبت الطلاگ وبقت بيتها
-شكد باطل أنته
ثابت::قدرررررر اياج تتجاوزين عاذرج لحالتج بس
مو معناها ادوسين بالكلام انتبهي لاتختبرين صبري
خلص راحت الله وياها هيه اختارت وزوجها يعرف شلون يتصرف ولو متأكد هل شي راح يخلي الحجي يصر على طلاكها اذا سمع بيها ياريت تحجين وياها قبل لايعرفون
-ضحكت بقهر لا والله صدك تحجي عمي شبيكم
شو عبالكم الحياة بيدكم ترى ما تموت إذا أطلكت
ثابت::خلص جا عليمن خبصتيني
-لان مستحيل ابقى عد ناس ماتقبلو اختي وأنه
تقبلتهم وعاملتهم بطيب
ثابت::ماتجبريهم ولا جابرينج ماتردينهم لاتدخلين
عليهم ولا همه يجونج
-ولا بنتي ما توصلهم
ثابت::مو كيفج بنتي مثل ماهيه بنتج واهلي اهلها
-اذن مالي بقاء عندك
ثابت::هل شي راجعلج وماراح اجبرج أنه هم المايريدني
ماريده ولان كررتيها الج اليرضيج سهله ياقدر بس خليني اشوف مصيبة اختج وين تصفى واطلكج
-لحد ماتصفى مالي ضله هنا اروح اكعد بيت سونه
ثابت::مو كيفج مادامج بعدج على ذمتي تبقين هنا
-جا استعجل لأن ماابقى الك بس اليوم
ثابت::بس بنتي تبقى عندي
-القانون بينا
ثابت::هينه ياقدر
-حجاها وطلع كمت شلت تينه سويتلها ممه بس احس روحي تايهه ابجي وادعي كون مايصيبها مكروه،، خابرت مديحه الي مافهمت منها شي بس تبجي نصبناها مناحه
ليش هيج معقولة هنت عليها
مديحه::والله توقعتها تشرد جنت حاسه اخخخ شلون غافلتنا ولج گلبي نار عليها نوب جهازها مغلق
قدر::اكيد ماراح تفتحه هسه بلگي تأخذلها يوم ترتاح وترد علينا نوب إذا عرف الباشا شيسوي
مديحه::غلطت غلط جبير لو شيصير مالكوم الباشا
-::كولي الحجي إذا عرف شراح يحچي
مديحه::لاتردين لو شمايحجي جنج ماتسمعين أو لا ترحيلهم
هاي الايام لحد ما نشوف شيصير ،، اووو هاي تصيح خل انزل اشوفها شتريد
-خلص نهاري مكابله النقال لا كمت ولا طبخت بتي مالي خلكها احس راسي يريد ينفجر ،، كمزت من طبكت سيارة الباشا بابنا فتحتله الباب دخل بدون سلام صاح
الباشا::خابريها بسرعه
-جهازها مغلق ،،التفت عليه باوعلي ارتديت بخطواتي
للخلف دنگ على تينه الي خبصت روحها من شافته
شالها يبوس بيها كعد ركضت جبتله ماي ونفاضه
الباشا::وين راحت قدر حاولي تحجين وياها ماريد احد يعرف بطلعتها كوليلها ترجع
-هزيت راسي اي ماكدرت احجي لأن كوى لازم أعصابه
بقى كاعد شويه وطلع لليل اجه ثابت وگأنو ماصاير شي
يتصرف اعتيادي سبح وگال سويلي صبيلي عشى
باوعتله متفاجئه هز رأسه شكو ،، سلامتك بس ماطابخه
ثابت::ليش ؟
-مالي خلك اسم الله عليك لأن اختي طالعه من بيتها ولحد الان ماعرف وين وضال بالي عليها ،،هز رأسه تمام وكام
أخذ تينه وطلع مديحه كل شويه تتصل بيه نخاذلنا مشوار بجي ولوم
مديحه::ولچ احس أحد شمرني من القاط الفوك من قريت رسالتها متت قهر كله من عدنا حملناها فوگ طاقتها .
-شنو كاتبتلج
مديحه::كاتبتلي ،، بعدي عنچن لمصلحتچن انتي فاطمة
بگل جيه الي راح تعارگج وقدر أهل ثابت راح تتغير معاملتهم وياها اذا الباشا ماطلگني ويجوز اريج ترجع وهنا راح تكون هيه صاحبت الفضل وكل أوامرها مجابه وشما تسوي محد يحاسبها لأن يفكرون انو انضلمت وأنه راح
ابقى زوجه بلظل حتى لو صار عندي طفل .
-وأنه شكد تحملت لأجل لاتنقهر ماحجيتلها معاناتي
بسبب اريج الحجي تعاملة صار جاف حتى ويا ثابت
مديحه::لو من البداية ماعاقد عليها لو باقيه هيج افضل
-ماعافها وهيه تحبة
مديحه::وين الله وتفتح نقالها .
-وهيج خلص اليوم والبعدة ومر اسبوع والباشا مل
يوميه يجي وكل ضنة اعرف بيها وين
الباشا::اترجاج ياقدر دليني وين مكانها ولج إذا الحجي عرف
تصير كارثه تدرين الكلام الي راح ينحجي عليها
-وروح امي مااعرف ولا اتصلت بيه بيش احلفلك
هز رأسه تمام وطلع ،، تعبت كلش ثابت ملتزم الصمت بس مبين عليه الحيرة والقلق اجت خاله تشوفني
وفيه::ليش صار كم يوم مالج حس قيادة لاتزعلين
من عمچ ترى مايكره اختج ياماما بس انحط بموقف صعب
شوفت عيونج اريج عافت جهالها .
-ضليت ساكته بقت هيه تلعب بتينه شويه واجه الحجي
رغم شايله عليه بگلبي بس استقبلته عفتهم وكمت سويت
جاي اسمعهم يحجون بس بالي مو يمهم صافنه شلون لو عرفوا بموضوع سونه قدمتلم الچاي وكعدت رفعت راسي للحجي من وجهه كلامه الي
ابو اسعد::شوفي يابنتي اعرف زعلانه عليه أنه ماحرمت اختج على ابني ولا گتله طلكها بس الي متعرفي هل ناس تحكمها العادات يعني بين اهلي وعمامي راح اگون ملام اذا اعترفت بأختج زوجه لابني هنا اختي وكل خواتي راح يزعلن مني وراح اضلم اطفال لأن اريج مستحيل تتقبل زواج زوجها عليها وبنفس الوقت اختج ماراح تكون سعيدة بهذا الارتباط أولها وبدون زعل هذا واقع واتحداج غير ينگرة
الرسول صلى الله عليه وسلم قال اختارو نطفكم
-هزيت راسي اي وهو مسترسل بكلامه.
ابو اسعد::من قديم الأزل وأصحاب البشرة السمراء
هم يتناسبون في ما بينهم لأن مالاقو قبول وهل شي افضل
رغم هواي ناس تزوجوا من هل فئه بس الاولاد بقوا يعانون
وهذا الي اختج وابني ماحسبولة حساب الاطفال راح تواجه
انتقاد تذمر من اختلافهم ونادرا مااتقلمو مع هل شيء
وكل ماتمر سنوات والناس توعت وفهمت ف أصحاب البشرة السمراء هم گامو مايناسبون غير من نفس نسبهم تجنبا للمشاكل الي واجهوها أسلافهم بقوا بينا كجيران صدقان
بس احتفظوا باانسابهم ما بينهم .
-قاطعته ،، چا ليش وافقت بزواجي من ثابت اذا هيج
بس ياعمو على هذا كلامك انه هم راح اعاني بينكم وانته متأكد لابد مايجيني طفل يحمل جينات اهلي.
ابو اسعد::زواجج جان مختلف اولا كنتي وحيدة مالج أحد وقتها ماكدرنا نتخلى عنچ اكون صريح وياج يابابا
اول بدايه كان زواجكم بالاتفاق وعلى أساس فترة وتنفصلون وبعد ماتأزمت الأمور خفنا عليج ف مو من الصح نتركچ وهم مريم ماجن عدها اعتراض هيه وافقت ثابت يتزوجج ورغم عدها علم بس بعدين انتفضت وزعلت
ـكل هذا اعرفه واعرف ماجن اكو حل ثاني غير زواجي بي
بس هم ماجاوبتني عمو إذا صار عندي طفل يشبه راضي
اذبه لو شنو
ابو اسعد::لا استغفر الله بس خل اكولج سلبيات الأمر
واتمنى تفهمين كلامي مو استنقاص منج
-تمام اسمعك.
ابو اسعد::أنه بالنسبه الي اتقبله والولد بس لا العشيرة
ولا العام وحتى خواتي هل طفل ان كان ولد ولا بنت
محد راح يناسب ثابت بي.
-صح إذن أنه مراح أخلف بعد ،، سكت ثواني ونوب رد
ابو اسعد::مو هيج بس لهذا السبب أنه من مريم
رادت ترجع.
-قاطعة ثابت .
ثابت::يأبه سد الموضوع هذا انتهى .
-باوعتله متفاجئه شنو يعني مافهمت عمو ممكن تحجيلي؟
ثابت::شيحجي هو هذا موضوعنا لو سالفه الباشا ؟
ـاي بس شنو مريم شوكت رادت ترجع؟
ابو اسعد::شوفي يأبه حتى تعرفين انو أنه وثابت مامنطين بيج وشكد تحملت ملامه ،، قبل فترة جبار اجاني وطلب من ثابت يرجع مريم ولو تعرفين شكبرها عليه من رديته ورفضت مو هين ابن عمي واخونا وبنته بالسانها طلبت ترجع
-باوعت لثابت دار وجهه مني والحجي مستمر يحجي
ابو اسعد::خو هيه زوجته قبل ماتكونين انتي وعادي يصير مشاكل بين الازواج ويتطلكون ويرجعون
-هزيت راسي اي
ابو اسعد::هسه هذا مو موضوعنا بس ردت ابينلج
-شتبين عمو ،،مااعترضت على زواج اختي بس رافضها
يعني تردونها تبقى زوجه بالسر وماتخلف .
ابو اسعد::لا تقولينا شي ماگلنا أنه ماكلت الها لاتخلفين
-عمو لنفرض صار عدها طفل ؟
ابو اسعد::بعد هيه وأسعد يتحملون نتيجه الي يصير.
-جا انفصالهم افضل ليش اختي تنضلم ،خزرني ثابت محذرني مااطرق لموضوع سونه سكتت لأن النقاش وياهم
بقو كاعدين شويه وراحو،ابد ماحجيت ويا ثابت وهذا الي خلاه مستغرب
ثابت::شوفي مو ضوضوع مريم منتهي.
-انه ماسألتك ولا يهمني حاليا غير اختي .
ثابت::شبيدي عليها طفلها وادورها مخطوفه وأبلغ الشرطه
اول وتالي ترجع .
-هزيت راسي تمام عفته كاعد ودخلت نمت ،، كعدت الصبح
لكيته طالع خابرت مديحه وسولفتلها الصار .
مديحه::لا تعوفين بيتج ولاتنطيهم مجال يغلطونج
ترى مريم موسهله وهيج تستغل الفرصه وحتى الحجي فصيري اذكى منهم واسكتي
2
-واذا رجعها ؟
مديحه::ساعتها النا تصرف ثاني،، ومتأكدة سونه مراح تعوفنا اول وتالي ترجع.
-بقينا نصبر أنفسنا ،، سمعت صوت فاطمه تصيح عليها
مديحه::والله ولا اكوم صبحي
-يمعودة خاف بنتج تبجي
مديحه::ولج بنتي بنتي مالي حق اجيبها يمي مليت تعبت
وهو مخليصها عليه خطيه وتعلقت بيها وهيه وين رايحه
تدرين بنفسي انومها يمي بنفسي افز من نومي وأبوسها
-كسرت خاطري بس ماردتها تنقهر ،، رديت بضحك
شلج بيها بوسي طارق ،، وترى افضل عودتها عليها ولا تخافين اكيد ماتأذيها ،، دروحي شوفيها خطيه
مديحه::خوش وشيصير خابريني
-وهيج يوم بعد يوم ماحجة بعد وأنه اخذت كلام مديحه وسكتت بس سونه كسرتني احس مثل الي وكع الحايط الجان مستند عليه هيج عدم وجودها تركت فراغ جبير بحياتي،نغم وبنين يتصلن ومرات يجن الباشا بدى البحث
عن سونه بس مالكالها اثر وثابت شاك انو هيه تتواصل وياي
حسيت بي يراقبني يتسمع على مكالماتي ويا مديحه
راح يصير شهر وشكد حاولنا نخفي الأمر بس انكشف
لأن الحجي مو غشيم ابد بيوم ثابت ماموجود اجه الحجي وگانو متأكد من عدم وجودها وهل شي بين من صيغه سؤاله.
ابو اسعد::اختج وين ؟
-ضليت محتارة رجع كرر السؤال ،، رديت بتلعثم
مسافرة عمو
ابو اسعد::شگد صارلها؟وين مسافرة .
-كم يوم راحت تزور .
ابو اسعد::والزيارة شهر ؟
-رديت وأنه اجنب النضر اله ، لا مو شهر بس
ابو اسعد::بس شنو قدر السكوت عن الخطئ يسبب كارثه
-ماگو خطئ عمو هيه رادت تبعد لأن عرفت ارتباطهم
بي اذيه وسلبيات تضر اريج والأطفال واكيد الباشا ماراح
يفرط بااولادة .
ابو اسعد::اكيد وحتى وإن هم مو كيفه
-خلص هيه اختصرت عليكم الأمور
ابو اسعد::يعني انفصلت عن اسعد ؟
-بعدني مارادة اجه ثابت سلم وعيونه عليه وكأنو يسألني
غمضت بقهر واهو فهم من وجهي ورد الحجي للسلام جان ثكيل،،وبس كعد وجه كلامه اله
ابو اسعد::فد يوم جنت گاعد يم شيخ مزهر ونسولف
هو يحجي عن اولادة شلون من اتزوجو بعدو عنه
وانشغلو لبيوتهم ومو مثل قبل يشورونه بالصغيرة والكبيرة
صارو مستقلين برأيهم ومرات يسمع عن أمور تخصهم بالصدفه يعني حاله حال الغريب .
-بقيت كاعدة وعيني لثابت الي يستمع للحجي بگل حواسه
وهذا طبعه من يحجي ويا يتعدل بگعدته بحيث يصير بمواجهته ويستمع بس وجهه ضل ينطي الوان راد يحجي
اشرلة الحجي وكمل كلامه.
ابو اسعد::راد يوصلي فكرة انو رسالتنا بالحياة نربي
ونكبر ونعلم وبعدين نبقى نترجى من اولادنا يمرون علينا
نشوفهم ،،وقتها گتله اذا اولادي وصلو لهذا الحد عندي ثابت
الي لا يمكن يستغنى عني ولا استغني عنه فگالي كلمه
انو ماكو شيء يبقى ثابت اذا تزوج وطلع من يمك يصير
حاله حال ولدي بعد يستغني عنك
ثابت::ابد لا تگول هيج يابة
-قاطعة الحجي
ابو اسعد::گتله الزوجه وياي ومااخذله غريبه،، گال اتذكر
كلامي بيوم وترحملي ،، الله يرحمك مزهر جان فاهم الحياة
-كام ثابت حظنه
ثابت::ليش تگول هيج حجي بشنو قصرت أن خطئت
اكيد بدون قصد نبهني يأبه لاتضن اطلع عن شورك
ابو اسعد::خابر اسعد خل يجي
-هز رأسه ثابت وطلع نقاله بلغ الباشا دنكت شلت تينه
متحججة بيها دخلت الغرفه وأنه محتارة شسوي اسمعه
يحجي وثابت اريد افهم كلامهم بس تينه خبصتني خرب يومج هاي تخبلت تبجي ،،راسلت كتبتلها وينج شويه ودكت
حجيتلها الصار
مديحه::يمعودة بس سكتي هل صفارة
-ولج موتتني تريد تطلع يمهم شافت الحجي تريده
مديحه::دشمريها عليه هنه بناتنا متبريات منه گانو احنى مو أمهاتهن هاي بنتي ماتغفى اذا مو بغرفة فطوم وهيه الغرفه
لأن مسدودة دوم حتى ما بيها اوكسجين
-دخل اطلعها وأشوف شراح يحچي
مديحه::عود خابريني
-طلعت خليت تينه بالكاع اجه الباشا دنك بأس ابو ونضراته
على ثابت بأاستفسار ،، كعد كباله
ابو اسعد::زوجتك وين ؟
-رفع راسة باوعلنا مصدوم
ابو اسعد::أضن سؤالي واضح بس يمكن لأن هيه ماحاسبتك
زوجها والدليل طلعت بدون علمك
الباشا::لا يابة عندي علم
ابو اسعد::تمام وينها صار شهر ؟
الباشا::أنه بعدتها لأجل المشاكل حتى اريج مالها عذر
تعرف وجودها بنفس المنطقه لابد مااحد يلمحني ادخل عليها،، گلت أبعدها افضل
-باوعلة الحجي بشك گام بس مامقتنع وصل باب الصاله
والتفت علينا
ابو اسعد::وهذا حل برايك تعرف طلب اريج هو طلاك
الباشا::اول وتالي يتقبلون الأمر
ابواسعد::وتعرف ماراح يتقبلون
الباشا::ساعتها ربك يحلها .
-دنگ على تينه الي خبصت روحها حتى يشيلها اخذها
وطلع ضلو ثابت والباشا واحد يباوع للثاني
ثابت::لشوكت تبقى ضامها ترى مو عبالك اقتنع
الباشا::شسوي گليييي غير كون الكفها يأبه شراح اسوي بيج
ياسونه اذا مابجيتها دم .
-باوعتله تجاهل نضراتي وطلع ،،بعدها اضطريت اروح
لبيت الحجي لأن اخوات ثابت الاكبار يجن وهيج اخلص
ليلي بجي تعبت وتمرضت كلش وبين عليه بحيث حتى الاكل صرت مااشتهي ومديحه مثل حالي وازيد لأن فوك قهرها
فاطمه الي مگرهتها بعيشتها وسونه فص ملح وذاب
صبحت مابيه اتحرك حرارتي مرتفعه كلش تينه تبجي
دخل ثابت شالها باوعلي مستغرب
ثابت::بيج شي
-نزلت دموعي ،،حجيت بعبرة ،، كلشي بيه قهر خوف
الم كلهن شكو شي يوجع بيه ،، طلع تينه للصالة ورجع
عليه تقرب لزم وجهي
ثابت::حرارتچ مرتفعه كلش شو گومي سبحي بين ماسويلج
ريوك واخابر مولي يجيبلج علاج
-مابيه مالي حيل ولا خلك ،، دنك كومني يمشي بيه للحمام
دخلني وفتح الماي اشرتله روح طلع كعدت دموعي تنزل ويا الماي ابچي واعتب وينج لو بس اطمن عليج ،، معقولة
گدرتي تفاركيني ،،دخل جايبلي ملابس
ثابت::كومي يأبه .
-اتحرك بدون انتباه لكيته محضرلي حليب
ثابت::ترى مو عبالج هين عليه الله شاهد اليل مانامه
من قلقي عليها وماساكت ماخليت مكان ممكن تروحله
والباشا حتى لكربلاء راح بس مالها اثر
-هل مرة ماراح ترجع گلبي يكلي ماشوفها بعد
ثابت:'لا اسم الله بس يمكن تريد تتخذ القرار الصح
او تريد تنطي مجال الباشا يصلح أمورة بزوجته
-انه ماسألتك عن مريم ولا اريدك تحجيلي بس
اذا الك نيه
ثابت::اششش لانيه ولا مستويه ابد لاتفكرين قدر أنه
احبچ ومستحيل بيوم اكسرج ولا اخرب بيتي بزواج ثاني
مريم كانت زوجتي ومارهمنا وهيه الي طلبت الطلاق
-على كولت الحجي ماكو شيء ثابت وبعد كلامه
مستحيل أخلف وهذا سبب كافي حتى يزوجونك
ثابت::أنه مو طفل حتى أحد يمشيني قدر افهمي
اطفالي مااستجدي من شخص يتقبلهم مهما كان
-والناس
ثابت::إرضاء الناس غاية لا تدرك .
-دنك بوسني ،، ادنك الجرس كام جابلي شال لبسته وراح فتح الباب لمولي الي دخل وهو متقمص شخصيه الممرض
مولي::سلامات سلامات
-خله علاگة العلاج ودنك شال تينه
ثابت::شنو جبت كبسول شراب
مولي ::ابر
-غصب عني ابتسمت وثابت هز ايدة ماراضي
انطوني حبوب واخذله ساعه يلعب بتينه راد يروح صاح عليه.
ثابت::تعال أخذ تينه وياك انطيها لنغم
مولي::حضرو العدة مالتها
-كام ثابت انطاه حليب والممه وكم لبسه
مولي::امشي عمو هو احنى بعد ماعوزنا بس انتي
-رغم قهري على سونه بس انقهر على جهال الباشا
سألته شلون صار،، رضا
ثابت::يكسر الخاطر رغم ام اسعد ماعايفته دوم بحظنها
-شلون هان على اريج تعوفه
ثابت::وسيلة ضغط
- واكيد راح ينفذ طلبها
ثابت::ماانطى بسونه بس هيه غلطت بطلعتها اتمنى
نلكاها قبل لا يفوت الأوان لأن الحجي إذا عرف مايسكت
-شيريد يسوي هيه ماراح ترجع ،،بقى يومه كله يمي
ابجي وادعي كون ما بيها شي ،اريج مااتنازلت وهاي احنى تخلص يومنا عرك،، وسونه ماكو بدة الشك من الكل وبسبب سؤالهم عنها كمت ماروح يجن البنات كل كم يوم وماعدهن
غير موضوع اريج والجهال ،القهر بين بصحتي بحيث
ضعفت ثابت مل مني اخلص نهاري احجي ويا مديحه
وباليل هو يحاول يسليني يجي الخميس وانهار اعتب
عليها ليش هيج ولچ مو جنت من اجيج كأنو رايحه لبيت امي حرمتيني من هذا الشعور اخخخخ ياسونه
ثابت::اخذج للزيارة نرتاح كم يوم.
-لا مالي خلك،،بس معقولة الحجي وخاله اقتنعوا انو سونه
شالت لغير مكان يعني ماسألوك ليش قدر ماتروح
ثابت::كلتلهم متزاعلات سونه مقاطعه الكل
-وانكشف الأمر من الحجي خلانه أمام الأمر الواقع اجه الضهر وقبل مايكعد گال
ابو اسعد::خابري اختج اريد احجي وياها .
-التفتت اباوع لثابت دنك يفرك بااديه،، رديت عليه خير عمو اكو شي
ابو اسعد::لا يأبه بس على مود بيتها
-شبي؟
ابو اسعد::ردت احجي وياها حتى اتبيعه خو مايبقى
فارغ وليش كاعدة اجار خو تأخذها بي مكان على كدها
-بس هيه ماتريد تبيعه.
ابو اسعد::بابا افهمني احنى قنعنا اريج بأن
علاقة اسعد بااختج انتهت وحتى البنيه شالت فلازم
نبعدها افضل ،، وبعدين هيه المن مبقيته انتي دخابريها
عود إذا رفضت تبيعه انأجرة
-يعني علمود تقنعون اريج لازم اختي تشيل
وان مارادت تبيعه شنو اريج ماترجع
ابو اسعد::بابا انتي شفتي بعينج هل اطفال شلون تبهذلو
اكيد نسوي اي شي في سبيل نصلح الأمر يعني مااعتقد
هل شي راح يضر اختج .
-رد ثابت
ثابت::تمام يأبه انطيني مجال أنه أخبرها واحجي وياها
وسهله .
-راح الحجي وأنه انفجرت بي شووو تحجي وكانو موافق
على كلامه
ثابت::اختج الي خلتنا بهذا الموقف شنسوي برايج
-مانسوي نگول ماقبلت لاتبيع ولا تأجر
ثابت::هذا مو حل .
-مايهمني حلولكم بيت سونه محد يدناه،،هز أيده وطلع
ركضت خابرت مديحه وحجيتلها
مديحه::ابد لا تنطيهم مجال لاتبيعين ولا تاجرينه
قفلو ويولي لحد ما نشوف شيصير
-لازم تجيني اريدج ضروري
مديحه:'يمعودة مالي خلك قال وقلت .
-انتضرج باجر يله روحي سديته وكمت الغرفه فتحت كنتور ثابت دورت الفلوس مالاتي لكيتهن بجنطه سودة شلتهن حطيتهن بالغرفه الثانيه ثاني يوم اجتني مديحه بس شافتني صبن دموعها
مديحه::احس نفسي ضايعه مشتاقتلها حيل ،،ولج راح اتخبل ماتبقى كل هل فترة ماتخابر أنوب خاف صار بيها شي
لو الباشا لكاها وعاقبها
-لا هو محتار شلون يسد السالفه المهم أنه اريدج
تأخذين افلوسي تضميهن يمج هاي دنيا عاد عدنا شي ننتچي عليه .
مديحه::لا تفكرين تطلگين قدر ترى تضيعين
-مادام عندي فلوس اگدر اعيش واكيد سونه ترجع
مديحه::وليش تهجمين بيتچ
-يابيت الحجي يريد يرجع مريم وإذا ما رجعت يتزوج
ثابت ولج مو حجيتلج كلامه كان واضح
مديحه::عود إذا سواها الج حق بس هسه لاتغلطين
ترى الكلام يامكثرة لازم نتحمل شتكولين على حالي
والله محمله الضيم من فطوم بس اگول اهون من العشره
اهون من الشارع قدر ما عشتي الي أنه عشته
-المهم اخذيهن ضميهن يمچ احسن
مديحه::ليش مانخليهن بيت سونه خاف فطوم الكاهن
لأن هيه نهارها كله تنبش ومتأكدة من اطلع تصعد لغرفتي
-شلون نضمهن ومنو يروح لهناك
مديحه::طلعيلج عذر بحجة اريد انضف البيت
او اكو شغلات تخصني
-ها هيج تشوفين
مديحه::اي احسن
-بقت يمي لليل وراحت كلت لثابت رفض اروح لبيت سونه
وهم تعاركنا بسبب هل موضوع حجيت لمديحه عن الصار
كالت اسكتي اريج مارجعت والحجي متحاجي ويا ثابت
لأن گايله اتصلت بيها وماقبلت تبيع البيت ولا تأجرة
الباشاضل يفتر عليها ماطاح بيها يجي ويحلفني
وكل ضنه تخابرني
الباشا::وين تتوقعين تروح
-مااعرف وروح امي لو اندل لو متواصله وياي جان ماضميت عنك بس لحد الان ماكو ،،وكل مرة يجي احلفله الحجي سكوته يدل على معرفته بالأمر احس بي منتضرن اخرتنا
وصرت أول ماافتح عيني اجر النقال بلكي واصلني رساله
منها وتخيب امالي واكوم لخاطر مكسور مجبورة امارس
حياتي بشكل يومي،، واكثر شيء يتعبني من يجوني
ويسألوني عنها
نغم::شلونها سونه ؟
-زينه احجيها وأنه مامتأكدة اذا هيه فعلا زينه .
نغم::لاتنقهرين ترى حتى لو شالت مايبعد الطريق
ترحيلها وإذا هسه رافضه تحجي لو تشوف أحد حقها
بس اكيد ماتهونين عليها .
-هزيت راسي اي وبگلبي اكول هنت عليها وعافتني وهيه
بكل مرة يجن بس بنين ابد ماحجت شي لاحضت تعبها
بسبب دانبي سألتها على دوامها ؟
بنين::مااضن راح اعبر هل سنه لأن كلش مامركزة
-لا أن شاءالله تعبرين اذا عندج دراسه دزي دانبي يمي
لو كولي أنه اجيكم ،،بعد سوالف وخذلهن مشوار ويا تينه
راحن ،،بس مديحه ماعايفتني .
مديحه::ها شخبارج ؟
-ماكو شي جديد انتي شنو. وضعج
مديحه::مثلا البزون ،،مگابله باب الغرفه مال فطوم اريدها
تكعد حتى ادخل أخذ عسل
-دفوتي شنو خايفه منها نايمه اكيد اخذي بنتج وبدليلها
وشبعي منها وعود من تكعد انطيهيا
مديحه::مشتاقه لتينه شو فتحي گامرة
-هاي هل تگمز ،، درت الكامرة عليها و مديحه تهوسلها
مديحه::يأتينا منيلچ هل زين امج سودة وانتي تخبلين
-درت الكامرة عليه باوعتلها ضحكت ،، وهاي گوله
اغنيه ؟
مديحه::هوسه من تأليف فطوم تهوس لعسل بيها
يله روحي احتمال باجر اجيج .
-گولي والله صدك تجين شوفي راح اسويلج برياني
مديحه::خوش وياچ ابن مدخن ،، يله باي انفتح باب فطوم
-سديته وأنه اضحك بس وضعها يقهرني كلت لثابت راح تجيني مديحه باجر
ثابت::هلا بيها .
-ثاني يوم كعدت من وقت نضفت وطبخت وماخليت شي
ماسويته خابرت نغم كلت الها تعالن
نغم::لا نجي بعد الغدة لان تعرفين خاله ملتهيه برضاوي.
-خوش خوش ،،افتر بالبيت وتينه مدري شدردم عليه
اجت مديحه تلكيتها وبعد الغدة اجن البنات خلصت وقت
وبأنه رغم فرحتي ناقصه ومكان سونه فارغ ،، لليل راحت
ماينختم يومي اذا ماابجي طولت وبدة عليه الشوگ مااكدر
اتقبل عدم وجودها
ثابت::أن شاءالله ترجع ثقي ماساكت بس الگارثه
نسأل منو .
-وكل ضني هاي اقوى الكسرات مااعرف الدنيا ضامتلي بعد ومثل كل يوم اكمل شغلي واتصل بمديحه دكيت
ردت فحطانه ها شبيج؟
مديحه:: جاي اطبخ وانضف
-وشنو موازيج اطبخ ونوب انضف.
مديحه::خاب يريد يجي خطار لطارق وهاي اول مرة
يزورهم المهم بس اكمل شغلي اخابرج بلكي يرحون من وكت واجيج لأن مشتاقتلج.
-ياريت تجين
مديحه::دروحي خل اكمل
-وانشغلت بين تينه والغدة اجه ثابت وتغدينا وللعصر مديحه
ماكو كلت يجوز خطارهم بعده ورا صلاة المغرب كلت خل أخبرها انقبض گلبي من دكيت وطلع مغلق گلت يجوز طافيدزيت الها رسالة كلت من تفتحه تشوفها ،،بس من صاراليل وهيه ماكو قلقت أجه ثابت وگلتله.
ثابت::يجوز طافي عاطل
-لا مامعقوله خاف بيها شي ؟
ثابت::صل على محمد شسالفه
-اللهم صل على محمد وال محمد بس هم مستحيل
طافي زيين خابر طارق
ثابت::لا عيب يجوز عدهم ضرف بينهم زعل وبعدين
قابل صار اسبوع مامتصله غير الصبح جانت تحجي وياج
عود إذا لبعد شوي اذا مااتصلت اخابرة.
- صبيت عشى حتى ماانتبهت اكلت لو لا
ثابت::يله رايح لبيت الحجي شويه وارجع
-احس من القلق اعصابي تلفت تأخر الوقت وأنه مگابله النقال حتى صوت تينه صار ينرفزني زمخت عليها ضلت تبجي كابلتها وبجيت بقهر خابرت كتله تعال اجه لكاني حاظنتها
وكاعدة بالكاع دنك شالها وهيه تناشغ
ثابت::ها شبيها طاحت من التخم؟
-لا بس زمخت عليها
ثابت::شبيج يمعودة هيه شفتهم
-خابر طارق عفيه لأن مديحه لهسه ماگو
ثابت::قدر هل طبع بطلي هذا التعلق يتعبج
-شبيك ياتعلق أكلك من الصبح لهسه ماكو
ثابت::احتمال زوجها مانعها لأن الباشا رايحله گايله
اكيد سونه تتواصل ويا مديحه وطارق حالف ماعدها تواصل
-هم مو سبب يمنعها وحتى لو كلام صح ومنعها
بس هيه مستحيل تكطع مني مديحه مو هيج ولو مانعها
جان عافته واجت
ثابت::شنو يعني اذا كالها لاتخابرين تكله طلكني شبيج
يأبه ترى زوجها واكيد ماتكسر كلامه لنفرض أنه
-لا تفرض لأن هم ماامتنع
ثابت::هاااا هيج هين عندج سهل يعني لو خيرتج
-اوووو يمعودة هسه وقت تخبرني أكلك خابر.
ثابت::بله ماريد اخابر واريد اشوف لشوكت تفضلين
حايتج عن حياتهن شوكت تنتبهين لنفسج والي ولبنتج
-شوف مال اگطع تواصلي بيها مستحيل لأن لا هيه
مسببتلي مشاكل ولا موزينه لوطالعه عن الطريق شو
حامله الضيم وكاعده ويا فاطمه الي محد يتحملها ونوب لأن
ماعدها أهل ونوب احنى نعوفها لا والله وهسه اتصل بطارق
ثابت::تمام بس تعاي سوي ممه لرقاوي
-كوى متمالگه نفسي خذت الممه غسلتها واسمعه يسولف وياها ويراضيها جبت الممه ومديت اريد اخذها لحظني
درات وجها مني باوعتلها متفاجئه وهاي هم شالعه على كولت مديحه تتبكبك
ثابت::جيبي أنه اشربها متريدج مزاعلتج.
-شسويتلها الحقيرة لو طاكتها جا شسوت ،، اخذ المانع مني
شربها غفت وهيه تناشغ خذتها لفراشها نوب متت قهر عليها
بوستها وطلعت لكيت النقال بيدة سألته ها
ثابت::مغلق
-جذب مادكيت،، رفع رأسه باوعلي متفاجئ
ثابت::لا الضاهر انتي كلش مامنتبه لنفسج
-مو قصدي لا تضل تتحجج،، كمزت من صاح بيه
ثابت::لچججج اتحجج شنو طفل أنه قدررر كافي عاد.
-ضليت ساكته وهو يحجي
ثابت::لهنا وكافي هذا اخر انذار ياقدر تنتبهين لنفسج
مديحه مو طفله وعلى كولتج طارق مايكدر يمنعها
فماكو داعي تقلقين.
-كام دخل الغرفه الثانيه وطبگ الباب رحت يم تينه
ماعرف شلون غفيت فزيت على صوتها تبجي كمت
بوجهي للنقال الرساله الدزيتها بعدها خط واحد دكيت على الرصيد مغلق كوى سكتت بنتي مديت راسي للغرفه ثابت ماموجود نوب أنه رقم طارق حاذفته من زمان ضليت الوب
ادك على ثابت يرفضني من حرگة كلبي طكيت النقال بالكاع
ياربييييي دخيلك ساعدني يعني معقولة ثنينهن عافني لا لا
افتر بالبيت واحجي ويا روحي دنكت على النقال شلته شاشته مفطرة،، نوب الضيم بتي شبيها تنحست بس تبجي نصبناها مناحه أنه وياها لحد ماغفت للضهر اجه بس حتى ماسلم باوع لتينه ورد باوعلي.
ثابت::شبيها تناشغ وهيه نايمه ؟
-مادري يمكن تريد تروح لأهلك ،، هز رأسه مامقتنع
دخل سبح وطلع باوع للمطبخ بس ماحجى صلى وبدل شال تينه أنتبه لنقالي على الطبله باوعله وهز رأسه بأسف وطلع صحت ورا خابر بلكي يرد بداعت الحجي عليك
ثابت::بدون ماتكليلي اتصلت وهم ماكو .
- وماانطاني مجال احجي طلع وعافني بحيرتي وخوفي
وقلقي حيل شلت بگلبي منه حتى لو أنه مگبرة الموضوع
بس هو يعرف مالي غيرها المغرب اجه كتله بعد ماكدر اصبر
اترجاك اخذني لبيتهم
ثابت::لا أنه اروح لأن حتى أنه هم ضل بالي .
-اروح وياك اضل بالسيارة وروح امي وانته انزل بس تطمن
واذا ما بيها شي وعد عليه بعد حتى مااتصل بيها خوش ولاتجيبلي نقال أنه بعد ماريد احد بس اطمن عليها اترجاك
ثابت::روحي لبسي بين ماطلع السيارة
-ركضت مامصدكه على السريع جريت شالي وصايتي
وطلعت لكيته بالسيارة صعدت طول الطريق أنه ادعي
كون مريضه مديحه حتى الها عذر وهيج ماله حق يكلي وعدتيني من كثر مابالي مشغول مادري بنفسي افكر بصوت عالي لحد ما نبهني هو
ثابت::لزمي بنتچ لايضرب راسها بالجامه
-حظنتها اريدها تركد يمعودة عليمن تكمزين هو دعاء
ثابت::كلت لج دووم سمعيها قران
-وانه مشغلة اغاني ترى الباشا علمها
ثابت::هو احنى شعم علينا غير الباشا
-باوعتله دار وجهه للشارع لحد ما دخلنا منطقه بيت فاروق
بدت دگات كلبي ترتفع اباوع لكل ركن نزلت دموعي وبدون ما يسألني حجيت منا جنا نجي ركض أنه وطارق من جنه بالابتدائيه وهذاك البيت جانت اكو بي حجيه كل مانحل
نلكلها ترش بلباب ومن نوصل يمها طارق اله يوگف يغسل وجهه وهيا تسالنا :: ها نجحتو ونرد عليها بعدهم مانطونه
النتائج ومن نريد نمشي تصيح ورانا سلميلي على امچ
والتفت اباوعلها مستغربه لأن امي ماتعرف أحد ولا احد من الجيران يعرفها فنتجادل أنه وطارق هو يگول تقصد امي
وأنه اكله لا جا ليش ماكلتلك سلملي على امك ولان نخاف من عمي فاروق فمانحجي لا فاطمه ولا امي ولحد ماشالت
هل حجيه واحنى كبرنا وهو بطل وبقيت أنه اروح وارجع لوحدي ومنا جنت اتمشى لاعداديه وأخذ الطريق اباوع للبيوت اگول شلون عايشين هم مثلنا هنا چنت احلم ومنا
فزيت على كابوس
ثابت::قل لن يصيبنا الا ما كتب الله لنا .
-احجي ودموعي تصب بغزارة وگانو تيهئني لفد حدث
يمكن عيوني رادت تخفف عليه الم الصدمه وهو الإنسان
يحس اذا راد يصير فد أمر بحياتة ،، كل حواسي اشتغلت
شيء من الخوف استوطن گلبي دقائق أو ثواني ودخلنا بالفرع ومجرد مااقتربنا للباب انصعقت التفتت لثابت
الي كان هو هم مصدوم اريد انطق ماكدرت اريد الزم اليدة
مال الباب حتى افتحها وانزل تخردلت لزمني
ثابت::بس خل اطبگ السيارة لاطيحين يمعودة شو انطيني رقاوي
-اباوع للبيت واباوعله لا لا مستحيل شنو شصاير
الضاهر الجوارين شافونا من الكاميرات طلعو نزل ثابت
وأنه ورا سلم عليهم وعينه للبيت الي حيطانه ادل على حريق لأن الدخان ملعوس الحيطان بحيث صاير بيها سواد حتى الريحه هم بعدها اتقربت واسمع الرجال يحجي
!!!امس صار الحادث .
------سلاسل ------
من اين تبدأ النهايات كنت أضن قد نجيت ولكن
ليس كل مانضن هو آخر متاعبنا
-خوف حزن قهر ضياع حيرة تعب كلهن تجمعن. بيه
حتى ضليت محتارة من اي صفحه الوجع سيارة تمشي بسرعه وأنه عيني للشارع اباوع للشريط الاصفر الي بالرصيف وكل مانعبر محافظه وأشوف قطعه لمحافظه جديده ترحب بكم اگول شو محد رحب بيه محد تقبلني
وصلنا لبغداد نزلت اخذت تكسي وقبل ماأجر فندق
خليت جنطتي بالامانات ودخلت زرت أكثر من ساعه
وأنه ادور فندق أكثرهم ماقبلو يسكنوني لأن وحدي
طاحت رجليه لحد ما لكيت مكان دخلت اجر بجنطتي
واحجي شو ذيج المرة بسرعه انطوني غرفه شنو صاير قانون جديد يله هيه بقت على هاي قفلت الباب
رغم الغرفه زغيرةبس زين نضيفه طعتلي ملابس وسبحت وشمرت روحي اتوسل النوم هلبت يحن عليه واغفى بالي
يم البنات هسه قدر شتكول ويمكن البشر يتعب من التفكير وينام فزيت اباوع همزين الضوى باقي مشتغل احتاريت شلون اعرف الوقت لا اكدر افتح النقال ولا اكو شباك
التفتت اباوع الحايط ماكو ساعه بس مخلين هاي العلامه
مال القبله زين هسه أنه شصلي مغرب فجر كمت فتحت الباب مديت راسي اسمع صوت اي خوش لبست ونزلت والله الناس الطب وتطلع للفندق باوعت اكو ساعه خوش بعد وكت بالعشرة ارد اطلع صاح عليه موضف الاستعلامات
-زايرة ترى بالوحده نسد الباب قبل صلاة الفجر نفتحه.
هزيت راسي تمشيت للامام زرت وصليت وطلعت ادورلي شي اكله خذتلي لفه وقوطيه ببسي وكعدت على صفحه اكلت واباوع للناس كمت محتارة اروح للفندق لو ارجع للامام اي أنه شبعانه نوم ونوب لا عندي نقال واخلص وقتي بي خل اروح للامام كمت امشي واباوع للبساطي لكيت يبيعون احرامات خذتلي واحد ودخلت بقيت لبعد صلاة
الفجر طلعت همزين اكو جاي يبيعون تريكت ورجعت للفندق
وهيج مر اسبوع كأنو جنت تعبانه بحيث انام وتكعد ماشبعانه نوم صفنت شنو الحل خو ماابقى هنا لازم تشوفي
مكان وكل ضني الدنيا سهله ومدام عندي فلوس اگدر اجر بيت واعيش براحتي نزلت خذتلي فرة بالسوك يربي وين اروح اسأل منو شو هنا لا مكاتب عقارات للايجار سألت صاحب محل مال ملابس خويه ماحصل بيت اجار هنا باوعلي وضحك
-هنا وين خويه هاي كلها محلات ، احتمال تحصلين
شقق بس اسعارها نار
-ميخالف يعني اشكد اسعارها.
!!انتي من وين ؟
-ليش يعني ،،باوعلي والتفت جر كرسي موجود باب المحل قربه الي اشرلي اكعدي كعدت
!!شوفي اختي لهجتج واضحه مو منا زين انتي وحدج
زوجج وياج عندج اطفال
-سكتت أفرها بدماغي رديت ،، لا مامتزوجه بس امي مرة جبيرة وياي نريدلنا مكان حتى لو غرفه وهول
!!اذا وحدكم انصحج ادورين بهذيج الصفحه
يعني اذا حالتج الماديه تسمح لأن غاليه الشقق بس اذا لا
فأفضل ترحين للمناطق الي ارخص اشويه مثل المدينه
غيرها .
-حاولت اختصر الحديث ويا تشكرت منه وطلعت اصفن
لا عندي أحد اسأله فكرت اروح للمركز الي دخلت بي من جيت قبل بس اكيد هسه الباشا وصله ايي اذكرت جانت اكو بنيه هناك كالت مطلقه وعدها جهال ثنين وكاعده وحدها
بس شلون اندلها هيه انطتني عنوان صالونها واسمه خل اروح بلكي الكاها هميت بمشيتي رجعت للفندق بدلت واخذتلي فلوس نوب حايرة بجنطتي خاف أهل الفندق يفتحون الباب ويبوكوهن دحستهن بين الملابس وطلعت
أنه مااسلم المفتاح من اطلع ،، امشي واسال وصلت لمكان
السيارات اجرتلي تكسي وصفتله العنوان وصعدت مسافه بعيدة عن الامام التفتت عليه ابو التكسي
السائق::خويه وين بالضبط هاي المنطقه وين تنزلين؟
-اي بلكي نسأل باوعلي كتله اسم الصالون .
السائق::الف صالون بهل منطقه اختي هيه صارت بين بيت وبيت محل امهات الصالونات صارن أكثر من أهل الفلافل .
-يمعود هيه انطتني عنوان هسه خل نسأل كالت يمنا اسواق
جبيرة وفرن صمون ها وحتى حسينيه ،، باوعلي ماقابل
ضل يطب من شارع ويطلع من الثاني
السائق::اختي صار ساعه نفتر واني على باب الله .
-مو مشكله عود أزيد اجرتك بس خل اندل .
السائق::ماعندج رقمهم ؟
-لا ضاع مني دخل نسأل هذا الولد ،، وكف نزلت الجامه
حجيت ويا الولد ضلو يسألون عن اسم الشارع الحسينيه
تالي كالو على وصفج تصير بهذيج الصفحه تشكرت منهم
حرك السائق مزعوج وأنه ادعي بگلبي كون اندل اخر شي
كلت هل شارع اذا ماكو ارجع
السائق::على وصفج هنا هاي اسواق وفرن .
-دخل نشوف،، نزل الجامه وسأل كالو ليكدام رغم مامتأكده
بس نزلت لأن السائق نرفزني حاسبته وتمشيت كل شويه
اسال واحد اخر شي وصلت لصالون طالع من بيت نفس الاسم دكيت الباب ودخلت اكو جم وحده بس التشتغل بنيه بعمري مو هيه كعدت اريد المكان يفرغ حتى اسالها التفتت باوعتلي
!!تفضلي عمري
-ابتسمت مجامله ،هو ماادري اذا نفس هل صالون مال
ام كرار؟
!!اي بس اني الي اشتغل كولي شنو تردين اسويلج ؟
-احس ماي بارد ونزل على گلبي ،،كلتلها لا كملي البنات أنه مامستعجله هزت راسها تمام ودارت تشتغل وتسولف لحد ماكملت راحت غسلت وجهها وجت وكفت كبالي
!!هسه امريني شنو حابه اسويلچ؟
-بلعت ريگي وحجيت أنه صديقتها وجايه اشوفها
باوعتلي مصغرة عيونها ،، هويت راسي ها
!!لعد اذا صديقتها لويش مااتصلتي بيها؟
-مو نقالي ضاع .
!اوك حبي هسه اتصل بيها .
-حجتها ودارت سحبت نقالها تحجي وتباوعلي .
!!اي معرف تگول صديقتج اي هياتها يمي
-اشرتلها انطينياها احاجيها مدت أيدها اخذت النقال
وبدون سلام گلتلها أنه سلاسل ذكرتيني أنه الي من البصرة
سكتت ثواني ونوب ردت
ام كرار::ها ياعيني اهلا بيج دقائق واجيج
-زفرت النفس مثل غركان ،، انطيت النقال للبنيه
وكعدت شويه واجت ام كرار كمت بواسطتها
ام كرار::لج عيني شلون اندليني تدرين دوم اتذكرج
حتى حجيت لاختي عنج .
-ابتسمت حبيبتي اشكرج،، هيه گلتني بالكلام وأنه ماعرف شحجي تالي كالت
ام كرار::اي شخبارج وشعجب جيتي انتي فتحتي صالون؟
-اي فتحت بس صارتلي ضروف وسديته باوعتلي.
ام كرار::بس لا اطلقتي ؟
-هزيت راسي اي وهيه صاحت.
ام كرار::يااااا لج لويش يمعودة لو يولي هم إلزلم ماوراهم
بس الهم اكيد اتزوج عليج لو خانج ؟
-واحتاريت شجاوبها هزيت راسي اي اريد انفرد بيها
العامله تباوعلنا .
ام كرار::اي وشعجب جيتي يعني اقصد زيارة لو تكملين
الدورة مال صار شكد من جيتي؟
-اجيت ازور وكلت اشوفج صارلي كم يوم بالفندق .
ام كرار::اهلا وسهلا بيج دكومي كومي ندخل للبيت.
-كمت وياها وعيني للمكان دخلتني مشتمل زغير بس مرتب.
ام كرار::هذا بيتي التواضع كوى اهلي انطوني هل مساحه
-جا جهالج وين ؟
ام كرار::بالمدرسه خليني خلصانه هسه يجون يخبصوني
اي سولفيلي شلونج شخبارج شكد صار اطلقتي من مشعول الصفحه
-ماصار هواي .
ام كرار::لويش يعني اني من عرفتج ماحجينا تفاصيل
يعني اقصد اهلج عندج خوات اخوان امج ابوج؟
-تحسرت اي عندي خوات ثنين متزوجات بس امي وأبوي
ميتين وحتى اخوي هم مات،،باوعتلي وردت .
ام كرار::يا عيني سودة عليه ،، يله هاي الدنيا
-فدوى اكعدي اريد احجي وياج باوعتلي
مستغربه مسحت اديها وجت كعدت كبالي
ام كرار::كولي عمري .
-تدرين اخواتي عد زلمهن وأنه ماعندي أحد فجيت لهنا
بلكي احصل مكان اكعد بي وافتحلي صالون ،، صفنت
ام كرار::يعني مافهمت سلاسل الإجار مو هين
واني والله لو اگدر جان سكنتج ويايه بس اخوتي صعبين
لو ما البيت من ضمن بيتهم جان ماخلوني اسكن وحدي
تدرين كلام الناس على المطلقه والله كل يوم مسويلي هوسه على الصالون لأن طليقي يصير ابن عمي ويريدله حجه عليه
-لا أنه ماريد اكعد وياج اريدلي مكان استقر بي
يعني بلكي احصل اجار بيع .
ام كرار::يعني عندج تشترين
-باوعتلها اي يعني مكان صغير شلون هذا مشتملج.
ام كرار::شكولج يا سلاسل الاسعار نار هنا وهم مو اكيد
تلكين شي يعجبج والاجار بهيج مناطق صعب بنيه وحدها
حتى لو صاحب العقار استأجرلج .
-منو يعرف مااكول وحدي اكول امي لو زوجي
وأنه مااحب اختلط
ام كرار::يوو هيه الناس يخفى عنها شي ،،زين لويش
ما بقيتي بمحافظتچ افضل اقصد اقلها تعرفين الاماكن
والناس يالسلاسل ترى مو هين ولا راح تكدرين شلون
افهمج يعني بمحافظتج التعامل ويا الناس يصير سهل
ومهما كان اامن ثقي احسن الج لأن الدنيا تخوف ماكو
امان بعد لو تدرين المصائب الي دتصير يعني جارك بعد
ماتثق بي لأن ياما صارت الجار يخطف ابن جارة لو يقتله اذا عرف عندة افلوس مو نوب بنيه وحدها وهذا الحقير الطلقج
انطاج حقوقج عاد ؟
-اي إنطاني .
ام كرار::تدرين اني ندمت لطلاقي يعني ما حصلت بس
التعب وتقيدت ونوب مسؤلية الجهال وهو مرتاح وعايش
واني انضلمت وانحرمت من شبابي
-ليش اطلكتي ؟
ام كرار::اووو سالفه طويله دخل اسويلج جاي لو تتغدين
لو ننتضر الجهال ؟
-لا كلشي ماريد والله .
ام كرار::شوفي هو ابن عمي وأخذت عن حب
وعانيت بالعيش ويا أهله رغم همه بيت عمي بس كانو
عائلة كبيرة كلش واحنى أكثر من جنه بالبيت فماارتاحيت
بس صبرت لأن أحبة هو كان بعده مامتعين يشتغل بالسوك
صار عندي كرار بعد معانات تعين هو وصار عندة راتب
بس النذل من الله رزقه كسرني حسيت بي عنده علاقه
بقيت يوميه مشكله وتعرفين الأهل اتحملي اسكتي
وتحملت وسكتت على امل ينتبه لبيته بس مافاد
واني غبيه وخذت كلام امي
-شلون يعني ؟
ام كرار::كالت خلفي بعد سوي جهال حتى تربطينا والرجال
اذا صارتله عائلة ينتبه لبيته ،،لاتكليلي ولا اكولج صار عندي
حمودي وهو يوم زين وشهر لا بس من عرفت بالصدفة
متزوج وحده مطلقه تصير من اقاربنا من بعيد تخبلت
بعد ماكدرت اسكت حجو اهلي وبيت عمي توسلو
كلت لهم يطلقها يله ارجع بس هو ماقبل عاد من فضلها عليه بعد طلع من گلبي أطلقت بعد معانات
-هيه تسولف وأنه اصفن وگانو جاي تقصدين أو توصف
حال زواجنا أنه والباشا وبقيت اسمعها بفضول واسألها على أدق التفاصيل
ام كرار::ماكدرت اتقبل الأمر تأذيت كلش من غير كلام
النساء وشماته ها هذا الي قتلت نفسها عليه وحبته
حتى اهلي هم كالو انتي الي اختاريتي شبعت قهر
ايام وليالي اني معتزله الناس وابجي كرهت نفسي
بس ربج ماقصر يعني بعد مدة حاولت اجاوز ازمتي
وهم ردت شيء اتسلى بي بديت احف شويه شويه
صرت اصبغ رغم اهلي رافضين الموضوع بس اصريت
كلت لهم اريد شيء يدخلي مصرف الي ولجهالي النفقه
متكفي
-شعجب ماتزوجتي بعده؟
ام كرار::صعب اول شي ماكدرت اعوف جهالي هو كال اذا تزوج أخذهم لأن مستحيل زوجة ابوهم تعاملهم بطيب
يعني بين قوسين حطمني وعاش حياته بس يوميه ادعي عليه هو وياها ،، وانتي لويش اطلقتي؟
-نفس سالفتج وعكسيها ،، لأن أنه الضروف خلتني ازوجه
تعرفين ماعندي أهل وهم ازواج خواتي شنو كاعده لوحدها
وهو ماعافني
ام كرار::شلون يعني ؟
-حجيتلها مختصر وتحفظت على بعض الأمور :
ام كرار::شوفي مو لأن اني نفس حالة شريجتج
بس ياسلاسل افضل شي انفصلتي لأن الي تأخذ مزوج
ما ترتاح ثقي يعني رجل مقسوم نصفين بمساعدة وكل شيء
غير انو اذا الزوجه الاولى أطلقت يعني بسبب هل ارتباط
تتحطم عائلة واولاد تشتت من غير الضلم الي يوكع على الزوجه الاولى تدرين من افتح عيني لحد ما انام اني ادعي عليها،،سلاسل لاتضلمين نفسج انتي جميلة وبعده العمر گدامج والله احسن واحد يتمناج .
-هزيت راسي قاطع حديثنا دخول اولادها شحلاتهم
باوعولي مستغربين صاحت بيهم
ام كرار::تعالو سلمو هاي صديقتي
-بوستهم أعمارهم بين ٨ و٩ سنوات مو صغار
كمت باوعتلي بتسأول
ام كرار::ها وين ؟
-اروح خاف اتاخر وأنه ماندل .
ام كرار::دكعدي كعدي ماطلعلين نتغدى والعصر روحي.
-ماخلتني اطلع بقيت يمها للعصر
ام كرار:'دنطيني رقمج؟
-ماعندي باوعتلي،، ضحكت شوفي مو قفلته حتى مااتصل
بيه كلت اشتري خط ونقال .
ام كرار::هاي سهله دوكفي خل اخابر صديقتي ابنها
عندة محل موبايلات .
-اي بس الشريحه شلون؟
ام كرار::اووو ضالات .
-جرت نقالها خابرت وبعد ساعه اجت صديقتها جايبه
النقال ومركبه بي سيم كارت على كولتهن همزين عندي مبلغ يكفي انطيتها حسابها وراحت كمت هم يله اروح
ام كرار::شوفي لاتختلطين بشر ولا تحجين ويا أحد
-شبيج هو أنه وين اعرف الناس اصلا مخلصتها نوم
وزيارة انزل من الفندق بالليل ابقى الفجر
ام كرار::الفنادق مو كلها امان ديري بالج بالاخص اذا طولت
كعدتج يمهم راح يبقون يسألون ،،واني راح احاول اكلف النسوان الي يجني للصالون بلكي نحصلج مكان بس انتي لو عندج عقد جان خوش.
-ماجبته .
ام كرار::نكول امها وياها وبعد انتي وشطارتج،، اكلج
اخوي صاحب تكسي بله راح اوصي بس لاتحجين شي
كدامه يعني من تصير الشغله لاتكولين وحدي
-اي والله ياريت الله يخلي جهالج
ام كرار::عود خابريني.
-طلعت منها بعد وصايا وتحذيرات اخذت تكسي ورجعت
للفندق سويت مثل ماكالتلي طلعت الشريحه من النقال القديم وفتحته اخذت رقم مديحه ترددت اتصل كلت خليني
استقر وهيج يوم يجر يوم اضطربت اغير الفندق لأن حسيته
انتبه لمدة بقائي من حاسبته سألني شكد باقيه وطلعت
لغير فندق وبقيت متواصله ويا ام كرار وهيه ادورلي بيت
وتعد على جيتي لبغداد أكثر من عشرين يوم الشوگ لقدر
ومديحه ينزل دموعي واشكي همي وغربتي لربي من اروح
للامام بس ماكدرت اصبر گلبي عليهن بالاخص قدر ادخل اباوع لصفحات الواتساب وأشوف عدهن ضهور اشبع بجي
لزمت النقال اخابر خاف طارق يمها بقيت للصبح حسبه تجيبني وحسبه توديني لحد ماغفيت كعدت باوعت للساعه اي هسه مديحه كاعده دكيت وكأنو تعرف أنه المتصلة أو رنه جاوبت وقبل مأكول الو استلمتني .
مديحه::يابت الصخل يابت المطي ام عطوب ولج كون اكظج هسه يايمه اخخخخ ولكم شلون الوحج وروح امي احط بيج
نيشان ليششش بت الجحش ليش سويتي هيج؟
-هيه تصيح وأنه دموعي تصب سكتت مختنكه بعبرتها
بجت بصوت عالي
مديحه::فوگ ضياعنا تضيعين روحج جا ماخفتي علينا
اولي أنه ولج قدر تكسر الخاطر .
-شلونها ؟
مديحه::مالها لون متخبله ولج والباشا حتى عليه هد
كال لطارق مديحه عدها تواصل بيها وشكد حلفت اله ماصدك وين انتي ؟
-لاتخافين عليه بس بروح امج بداعت بنتج لاتحجين
ولا تنطيهم رقمي مديحه مانصير ولا راح نصير
زوجته وجهاله كفتهم اثكل وإذا اليوم ماانطى بيه اول وتالي
اريج تضغط عليه وأنه تعبت شنو حياتي ويا ولج منبوذة
حالي حال المالت يجيني الليل ويطلع بالنهار
مديحه::يولي اشتعلت صفحته بس مو تعوفينا وتمشين
-مايعوفني ولا يبطل وأهله ماراح يتقبلوني ولا يسكتون
ولج متأكدة النسوان الهدن عليه اريج دافعتهن
مديحه:'اي أطلك وأشرط على ابو يلزم ابنه
-مايلزمونه وهو يريد يلزمني بطفل
مديحه::ذكرتيني ولج تعاي هو انتي غير.
-انزله لو اعرف اموت .
مديحه::لا لا ولج خلي .
-المن حتى يتشرد لو يبقى ابن العبدة .
مديحه::رجعي تعاي عندي وإذا اجاج نشتكي عليه
شني خو مابكيفه كليله ماريدك
-مو هسه خلي يرجع مرته واخلص من حملي
وقدر تستقر حتى ارجع كون مالهم شي يمي ولج الحطمني
هيه رابطه حياتها بيه تعبتني تدرين من تجيني أحسها تريدني اعاملها شلون امها تشكي وحتى لو هيه غلطانه
كون ماانطي بيها تحجي وكون اسمعها
مديحه::تكسر الگلب ولج تبجي ليل نهار.
-احس كلبي ضل يوجعني بجيت بقهر شبيدي عليها
لو مامخلفه جان خذتها وشردت ولج كل عقلها تطلك
وثابت ينطيها بنتها .
مديحه::اي أنه هم كلتلها .
-اي رحمه لامج احجي وياها قنعيها .
مديحه::وأنه منو يقنعني ؟
-كافي اترجاج ولج تعبتتتتتتت ماتدرين من اجاني
الحجي وحجى وياي شصار بيه ولج منبوذة منبوذة
مديحه::مالومج بس مجبورين نتحمل وين أنروح وانتي
تعرفين الشارع والعيشه مو سهله للبت وحدها لا عدنا
شهادات ولا احنى كبار وعادي
-تدبر .
مديحه::وين انتي هسه وين كاعدة؟
-لحد الان مامستقرة ماكدرت الكى مكان بلكي هل ايام
مديحه::لاتنزلين الطفل .
-سمعيني رقمي ماتنطينه لقدر لأن ثابت يكشفها ويجوز
هيه تنطي للباشا بس اذا تكدرين ترحيلها وتخابريني من يمها مو تحجيلها ترى ماتفكج تبقى تلح وتفضحنى ابد لحد ماتوصلين يمها وكون ثابت طالع يله تخابرني
مديحه::لا اعرف شبيه نوب اورط روحي ويا ام السوادين
-نزلت دموعي مشتاقتلها .
مديحه::بس الها ؟
-لا وروح امي انتي وياها نفس الشي ،،شلونها عسوله؟
مديحه::ماشايفتها عود من تكعد فطوم اسالها واطمنج.
-خرب ابوج
مديحه::والله شبيج ماتخليها يمي ،، تدرين ندمانه خلفت
بس شبيدي هو أنه ادري ابن فاروق من يومه.
-ميخالف تحملي ومادامها وياج نفس البيت مو بعيده
اي بعد شنو الاخبار .
مديحه::اووو الباشا ضال مثل البزون المحترك ذيله
يفتر والحجي شاك بطلعتج بس هو كايله أنه شيلتها لغير مكان
-اول وتالي يعرفون وهو يطلكني مجبور اريج ماترجع
اله تتأكد طلعت من حياته،، المهم انتي ديري بالج
وحتى لطارق لاتحجين ورقمي لايكشفه
مديحه::خوش خوش بس يجي طارق اكله بلكي اليوم ياخذني ،، خرب مثل البزون من ذكرنا نط ،، بس خل ارد عليه طارق يتصل بيه
-سديته وبقيت انتظرها شويه ودكت
مديحه::خاب غير جايه صاحب ابو من غير محافظه
ويكول اول مرة يجينا وعيب يأخذة للمطعم راح اسويلهم
غدة وعود بليل اروح لقدر
-ماوصيج يله روحي هم ياله تكملين طبخ ،، انتضرج
مديحه::بس بروح جويسم مو تجيج الطنكورة وتغلقين
النقال
-لا بس اذا حسيت بيج حاجيه وروح امي حتى من العراق
اطلع
مديحه::يلوك لبت راضي الصخل نوب تطلع من العراق
همبيت اعطوبج ام رجلين الزرك خاب غير كون عندي صورة لرجليج من جنتي تلبسين الصدريه
-ضحكت رغم القهر ،، سديته منها وبقيت انتضر
للعصر وهيه ماكو دخلت اباوع لصفحتها اخر ضهور
من حجت وياي كلت خاف طارق يمها مادكيت
لليل نزلت زرت ورجعت هم ماكو نوب قلقت ضلت الأفكار
تلطم براسي اي يجوز كشفوا أمرها مو بعيدة تعارك وياها ثابت يجوز طارق كالها بعد مالج شغل وغلق نقالها
فتحت التلفون القديم طلعت رقم قدر قبل ساعه ضهور ،،
جا شبيها مديحه معقولة تعاركت ويا فاطمه
ضليت الوب خابرت ام كرار
ام كرار::ها شخبارج؟
-على حطت ايدج بشري اخوج ماحصل بيت
ام كرار::اي هو اني اتصلت بيج حتى اگولج
-اي فدوى ترى تبهذلت
ام كرار::اي صح البيت تعبان وصغير بس مناسب
هو غرفه استقبال يعني خريطة بالطول
-يمعودة طول عرض اريد اعرس بي هو سكف يحميني
لحد ماشوفلي مكان مرتب .
ام كرار::خوش باجر الصبح تعاي حتى ياخذج اخوي تشوفينه وتتفقون ويا الرجال بس مثل ماوصيتج لاتكولين
وحدي
-لا لا مأكول .
ام كرار::خوش جيبي وياج فلوس لأن يريد مقدمه مال ٣اشهر .
-اي سهله ،، سيدته منها بس بالي يم مديحه ضليت كل اشويه على صفحاتهن هيه وقدر خلصت إليل تفكير
طلعت الصبح لام كرار لكيت اخوها عدها رغم ماارتاحيت
لشكله محفحف وشعرة تكول نافشته البزازين خذني للبيت
يخوف قديم واضلم وتعبان قبلت مجبورة لأن مليت من الفنادق اتفقنا ويا صاحب البيت وانطيته مقدمه ابو شعفه
يبصبص كال.
علوش::يحتاجلج خزان مي ولازم تخلين كهربائيات
-اي عود من نكعد بي ارتبه
علوش::خوش لعد شوكت تكعدون بي ؟
-باجر
علوش::خوش اخذي رقمي اني اجيبلكم سيارة
تحملون اغراضكم
-لا اشوف امي واخابر ام كرار،، سكت رجعت لبيت ام كرار
ردت اكولها اشوفلي غراض بس هذا بقى لازك وهيه حيل متحذرة منه وخلصتها مغامز كمت وأنه احجي يله بعد اروح
لأن امي لوحدها،، شو هذا كام
علوش:: اني اوصلج.
-لا مشكور .
علوش::ترى بأجرتي لويش تأخذين تكسي.
-حرجنا وام كرار انخطف لونها ،، كتله خوش اذا هيج
وصلني للامام لأن امي راحت تزور وكالت هناك نلتقي
طلع كدامي التفتت اباوعلها ادنت عليه تحجي بصوت ناصي
ام كرار::سلاسل عفيه هذا اخوي عوينجي وترى
اني ماكلت الهم انتي من وين كلت تعرفت عليج بالمركز مال التجميل وابوج متوفي وبس انتي وامج وكاعدات ويا أهل امج بالمدينه وصارت مشاكل ويا بيت جدج وهسه تردين تاجرين فدوى ابد لاتنطي مجال
-لا يمعودة شبيج هو أنه الي خلك ،، طلعت لكيته بالسيارة
نوب مشغل اغاني وبس طك وطك ماينفهم شي مسافه
وبدة يفتح مواضيع
علوش::انتي شعجب ممتزوجه؟
-مااريد اتزوج امي منو الها ،،سكت وأنه مثل الجذب الجذبه
وصدكها ضل يسأل واجاوبة باختصار لحد ما وصلت طلعت
روحي هذا شلون اخلص منه نزلت حتى ما سمعته شكال
بوجهي للفندق بالي يم البنات احس الدنيا ضاقت عليه
خابرت ام كرار وهم حجيتلها عن اخوها
ام كرار::زين تسوين مانطيتي وجه هاي الزلم أنفسهم
يحللون لو تدرين شلون محاربيني وشكوكيه وحصرة عليه
أمد راسي
-المهم أنه احتاج غراض للبيت
ام كرار::لازم كون الجيران تشوفج من تنزلين اغراض
باعي اكو مستعمل روحي لسوك امريدي تلكين كلشي
اخذي الي تحتاجي
-وهذا مريدي وين صاير
ام كرار::يووو فد تكولين لابو التكسي يوصلج لج سوك
يخبل كلشي بي
-رغم قلقي على البنات بس مجبورة اكمل طلعت
وفعلا مثل ماوصفتلي ام كرار سوك ضخم اشتريت
كنتور بابين وجربايه وطباخ بس الكهربائيات اخذت جدد
حملتهن بسيارة وصعدت ويا وكوى يله اندليت بعد ماخابرت
ام كرار وهيه وصفت للسائق نزلو الغراض عاد كلت للسائق
خويه ماتعرفلك كهربائي
السائق:'يعني يأسس لو شنو ؟
-لا بس يشدلي كلوبات وبنكات ويخلي نقطه للثلاجه
باوعلي .
السائق::انتي من البصرة ؟
-اي بس صار هواي من جينا هنا .
السائق::سهله اذا على الاضويه اني أشدهم الج بس حاسبي
العمال خل يرحون .
-جا أنه ماجايبه نقاط ولا اكلوبات .
السائق::چا غير تشترين .
-باوعتله ضحك عود يقلد عليه ؟
السائق::دخل اروح اجيبلج من الانشائيه.
-انطيته افلوس راح ورجع والله رتبلي كلشي
كلت خل استغل الفرصه كلت اله خويه ماتعرف بعدني ماحجيت رد
السائق::اعرف .
-باوعتله متفاجئه
السائق:'شتردين ؟
-عود ردت كاميرات للبيت.
السائق::هاي لازم باجر اجيبلج واحد صديقي بس انتي
ماعندج أحد اقصد اخ اب؟
-رديت بحديه،، لا بس امي واخواتي
السائق::الله يستر عليكم يله ،، باجر اجيبلج ابو الكاميرات
-حاسبته وراح احس حمل وانزاح مني كلت اروح اجيب
جنطتي من الفندق حتى استقر زرت وطلعت اخذت جنطتي
وحاسبت الفندق وطلعت وصلت للبيت نزعت صايتي وتحزمت الماي هنا يخبل جلفت البيت كله ورتبت الغراض
تمددت وعيني للنقال ماكو غيرة هاي سوالفه هو يجوز
طارق حس بمديحه وگاله لا تردون عليها عود يضغط عليه حتى ارجع لا والله وهيج اخلصها بس الخوف بدة يسيطر مديحه مو خاليه شغلتها اذا كشفوها جا اجوني اي اكيد اسال واجاوب نفسي كمت فتحت النقال طلعت الشريحه احسن حتى لا يحدد مكاني ولشوكت ابقى هيج لا احسنلي صفنت بالأمر الي ناسيته اي هسه اول شي لازم أنزله بس شلون عود كلت اقنع مديحه بلكي تنطيني خلطه من خلطاتها السحريه فركت وجهي بحيرة رديت شكلت الشريحه كلت ادزلها الو دزيت ماوصلت دكيت مغلق خرب يومج مديحه اكيد جفصت لا هاي سوالف قدر اكيد من راحتلها حجت لثابت اي ماكو غيرها هسه شسوي وخلص اليوم كعدت على صوت الباب فزيت مخترعه ثواني يله استوعبت اووو أنه وين كمت لبست شالي ومن ورا الباب صحت منو .
السائق::اني خويه جبتلكم الولد يشد
-قاطعته اي اي فتحت الباب سلم ودخل هو والولد
شدوهن وكملو حاسبتهم وقفلت الباب روحي معصورة
وگلبي يلوب أنوب أنه حتى ماتسوكت خابرت ام كرار
كلت الها اريدج بشغله
ام كرار::تعاي محد يمي
-تمشيت الها خطيه سوتلي ريوك
ام كرار::شو اليوم وجهج مابي لون
-ماعرف شكولج بس حايرة .
ام كرار::گولي اعتبريني اختج والي اكدر عليه ماقصر
-انه حامل ،، كمزت من لطمت صدرها.
ام كرار:: لااااا .
-سمعيني اريد أنزله اترجاج لأن يحطمني ويتحطم
وانتي جربتي الضيم .
ام كرار::اي بس ماكدر اخاف يمعودة ترى غير الخطورة
حرام كلش
-حرام اخلي وهل تشوفين حالي معناها ارجع اله
لان ماراح يعوفني اذا ولدت
ام كرار::لعد شلون طلقج لج طلاقكم باطل
-مايدري بحملي واكون صريحه وياج بعده مامطلكني
فكت حلكها حجيتلها طبيعة زواجنا .
ام كرار::لاتزعلين مني يعني حالج حال.
-اي هيج أنه .
ام كرار::بس تردين شوري رغم اكره التاخذ متزوج
بس لمثل حالتج مجبورة افضلج ترى الدنيا صعبه
-لا أنه اكدر اعيش عندي فلوس اخذلي مكان .
ام كرار::اذا هيج وعندج استعجلي تشترين حتى لو ٥٠ متر
-اي بس خليني اخلص من حملي .
ام كرار::وداعت كرار مااعرف بس اكو وحده يحجون بيها
-اشكد ماتريد.
ام كرار::زين اشكد عليج؟
-ماحاسبه بس مو هواي .
ام كرار::خل اسال ورجعلج خبر
-رجعت منها واستغربت من شفت اخوها بابي
باوعتله.
علوش::مرحبا على الخير.
-على. شنو ؟
علوش::على كعدتكم
-ها شكرا ،، حجيتها ودرت وجهي فتحت الباب شو هذا
تقدم للباب باوعتله خير؟
علوش::شسالفه متضيفيني
-اوووو أنته من ذول خليت ايدي بالباب مانعته من الدخول
اسمع حباب روح العب يم غيري ترى الدنيا مكفختني
لا مال حوب ولا عشق ولا اعجاب يله توكل .
علوش::لعد ماليش ؟
-جر لا اسحلك،، هز رأسه بس نضراته ماطمن دخلت
خابرت ام كرار حجيتلها .
ام كرار::ياحقير حيل طيحي حظه شوفي كوليله
حشتكي عليك يخاف .
-والقلق تعبني وصحتي تعبت والأكل مااشتهي ايام
نوب المصيبه حتى قدر مالها ضهور بقيت الح على ام كرار
لحد مااتصلت بيه
ام كرار::شوفي سلاسل هاي وحده بس اني مالي دخل
عفيه تدرين بوضعي إذا صار شي ياخذون جهالي مني
-ابد مااذكر اسمج بس شلون اوصلها ؟
ام كرار::حدزلج رقمها وانتي اتفقي وياها ترحيلها
تجيج
-لا إذا تجي احسن بعد .
ام كرار::اي كوليلها .
-وهاي اول خطوة خطر اخطيها
وهل الدنيا لم تكتفي من اوجاعنا أم أن نصيبنا منها
الحزن فقط .
اعرف راح تشبعوني مي ورد على هل قفله
شكرا لزيارتكم عالم روايات سكيرهوم
