رواية قصة زهراء الفصل الرابع والثلاثون بقلم زينب نور
زهراء:دفعني وطلع كعدت بالكاع كمت ابجي واندب حضي ليش ياربي ليش مو نفس هاي البنات
عمري ماسويت شي حرام
مااكدر والله امتحانك صعب ياالهي
لا اكدر ابتعد عنه وقربه يئذيني .....
غسلت وجهي وطلعت للغرفه تمددت ودموعي اصب ماادري يمته غفيت بس حسيت على صوت اسماء ادكعدني
اسماء:ياله حبيبه راح انروح ساعه ١٠ التمت العالم اليوم اخر يوم للفاتحه
زهراء:مااروح روحي انتي
اسماء:يااا شنهي اضلين بروحج محد بالبيت الولد راحو من غبشه كومي ياله
زهراء:مااروح راسي يوجعني درت وجهي وسحبت الغطه طلعت اسماء حسيت عليها من طبكت باب البيت وراهااا ضليت بفراشي ماكمت
ياسر:واكفين يم الجوادر انه والولد
خزرت اسماء طلعت وهاي مو وياهي وين ولت بس لا ضلت وحدها بالبيت سحبت روحي من العالم ورحت للبيت دكيت الباب ماكو دفرته برجلي حييل
زهراء:بالغرفه واسمع الباب حنت غافيه بس فزيت على صوته كمت لفيت الشال وطلعت
بعدني ماواصله. واندك حيل فتحته عبالي واحد من ولد اخواني
ولن اشوفه ياسر كدامي
ياسر:شنهي طرمه مااسمعين الباب..
زهراء:مااسمعه جنت نايمه وشعندك جاي
ياسر:_جاي اشوف جهرتج اشتاقيتلها..... امشي جيبي عباتج خل انولي
زهراء:ماااروح حجيتها ومشيت للبيت دخلت للصاله
اجه سحبني ودارني عليه
ياسر: كتلج امشي لا ابتلي بيج هناا
زهراء:نترت ايدي منااا
مااروح موو هم بهااي مدخل روحك ماعليك بيه بعد فاااهم
ياسر:ولج ياهوو الفاهم هاااا امشي ومحمد اذا ماجبتي العبايه وطلعتي الحگج بجدج
زهراء:دخلت للغرفه كعدت على الجربايه بس واحد يسويلي بززز ابجي
صاااح
ياسر:يااااله
زهراء:كمت سحبت العبايه لفيت الشال وطلعت دخلت لبيت عمي الجدوره بالكراج واكفين زلم اثنين ويمهم احمد وسعد
بسرعه دخلت للمطبخ بيه البنات
اسماء:هااا اشوو اجيتي ادري بيج مااضلين وحدج
زهراء:اااي دخلت جوه للصاله شفت خوات ام ياسر كلهن جايات واسمهان هم واختها لا هلا بيهن
صعدت لبستلي دشداشه وغيرت الشال باوعت وجهي يفشل عبالك طالعه من الكبور واكو شعر بحواجبي توه طالع وعيوني حمر ومورمات من البجي
لفيت الشال ودرت اطلع شفت دشداشته ع الجربايه شلتها علكتها وطلعت قفلت الغرفه وضميت المفتاح بصدري نزلت وكل مجموعه سوه منال وخواتها وبنات خالاتها ملتمات كلهن سوه باوعتلي منال وضحكت حاجت اسمهان بس مافهمت عليمن دخلت للمطبخ كعدت لازمه راسي موتني
من الوجع جابت طيبه بتها خلتها بحضني لان جاي تشتغل
كملو وره اذان الظهر صبو الغده انه ماطلعت من المطبخ لان مااريد اكل بس كالت دعاء حضري للنسوان الجاي على ما يخلصن حضرت ٣ صواني بيهن فوك ١٠ استكاين
كملتهن كلت من اصب اخلي الشكر احس معتي تتكطع من الجوع صعدت لغرفتنه اخذتلي كيكه من الثلاجه باوعت عصير ماكوو
نزلت
مخلصات غده كالت دعاء صبي الجاي صبيتلهن انه شلت صينيه وفاطمه صينيه وسهى دخلت انه للستقبال بيه نسوان عجايز من العماره ومن الناصريه يعودن الجدي الله يرحمه
انطيتهن وطلعت كعدت بالصاله على صفحه اشويه وطلعت ام ياسر اصيح
ام ياسر:منوو سوت الجااي ياااخايسه فشلتنه
دعاء:شصاير عمه زهراء سوته شبيه
ام ياسر:هل اكول مصخم فشلتنه ويه النسوان حتى بهاي مافلحتي تره هاي موو حباله
مااتعرفين الملح من الشكر الله يطيح حضج
زهراء:صرت بموقف لا يحسد عليه صرت بنص هدومي وكلهن بالصاله
عيونهن علينه انه متئكده شكر حطيت والله كمت للمطبخ طالعه روحي اجن وراي فاطمه ودعاء وسميه
دعاء:شمالج اول تالي مااتعرفين الشكر من الملح
زهراء:والله العظيم هذا قندول الشكر حطيت منه شووفي
سميه:اااي والله شكر بس اوكفي وين القوري
زهراء:صبت اشويه بكلاص سميه من القوري شربته وضلت اتفلل
سميه:اصخااام الصخمجن والجن الجاي كله ملح
زهراء:ضكته لعبت نفسي مناا
طخت ابالي منال ماكو غيرهاا هي السوت هيج
ااانه الج يااالساقطه ردت اطلع كضتني سميه والبنات
سميه:بروح العزاز اسكتي هسه
زهراء:ولج شسكت احلف هي السوت هيج والله فشلتني كدام الي يسوه والمايسوه
دعاء:اسكتي هسه لو حجيتي انتي الي اطلعين ابوجه السود كدامهن كلهن لا شايفتها ولا شي
بس كلنه ندري بيها هاااي سوالفها
موو هسه خليها رديلها الصاع صاعين بس ابعقل فكري
هسه لو رحتي وحاجيتيها تحلف واجذبج كدامهن فه اسكتي وخذي حگج منها ابعقل
زهراء:ضليت كاعده بالمطبخ بس افووور منها كومني البنات للصاله دخلت وعبالك داخله الغابه العيون اذب سم عليه كعدت وهذن يهمس بينهن ويضحكن شويه .وكامت دعاء للمطبخ اشرتلي مافهمت عليمن ضلينه كاعدين انه واسماء وفاطمه واخت دعاء وعلى صفحه. كاعدات منال واختها واسمهان الباقيات بالستقبال شويه. و. مدت. راسها دعاء من المطبخ
دعاء:مناال وين وديتي دبت الملح
منال:هااا مااادري ماشفتهاا
دعاء:لا عبالج ماادري انتي الي حطيتي الملح بالجاي
زهراء:ضالت اتباوع ل اسمهان بس عرفتها من وجها هي ودعاء تحجي دخلت عمتي سعاد كالت شصاير كلتلها دعاء هيج وهيج ونزلت عليها رزايل وحجي احنه بيا حال ولمن خلتها تنكلع لغرفتها بس كل هذا وكلبي مابرد منها على الفشله الفشلتني اياها كدام النسوان اجت دعاء كعدت وجها يضحك
ضلينه كاعدين
للمغرب سمعنه صوت حديد مال الجادر كالو طاحت الفاتحه هم عشه وهوسه واماعين وام ياسر ماكفت مني ياهي الي اشوفه اسولفلها واذا كاعده وسئلني صار عندج شي قبل لا اجاوب هيه اترد عليهن
لااا منين ماكو شي واسويهاا بضحكه بس لا تطلع عاجر
احس نص قهري ووجع كلبي منها
سممتني بكلامها كدام خواتها وكدام النسوان كلهن ردتها امي وعمتي سعاد اخر شي كمت باوعت الساعه ١٠ كلتلها سميه امشيني والله بعد لو ضليت دقيقه اله احرك البيت واحرك روحي
سميه:على كيفج لا اتقهرين روحج بس اشوف هاي وين ولت
ولج مليكه مللليكه
ملاك:اجيت يمممه
زهراء:طلعنه انه وسميه واسماء دخلنه للبيت صعدت لغرفتنه انه وفاطمه فوك بيت اهلي بس دخلت احس شلال وانفتح بعيوني بجييت بجيت مافاد البجي
ساعه ادعي على روحي الله ياخذ عمري وافتك
وساعه احن لياسر الي مايدري عني واشتاكله بكل نفس اريد احضنه وانسه كلشي كاافي ياالهي الصبر اله حدود وانه موو نبي واتحمل...
تعبت من البجي ونمت بالكاع ولامه رجليه لحضني وايدي جوه راسي
ياسر:طاحت الفاتحه ونص الناس راحت والي من غير محافظه ضلوو لليل رحنه انه وولد عمي حاتم لبيتهم بسرعه تمددت لان هلكان من الصبح على فرد وكفه غمضت عيوني واجت صورتها ابالي شلون اعيونها حمر ومورمات
احس كلبي يدكطع عليها من جووه
بس ارجع واذكر كلمتها بذني .
طلكنننني احس امووت الف موته من اشوف هذا حالها
شويه وغفيت
زهراء:مررن ٣ايام لا رحت ولا وصلت لبيت جدي بس امي اتروح لان نسوان تجي تتخلف بس كاعده على نار مامرتاح كلبي اسمهان هناك اكيد اسولف ويااه وتضحك احتركت من الغيره....
للعصر اجت سميه.
سميه:خايبه لوو تدرين منهي اجت
زهراء:منهي
..
سميه:سحرر
زهراء:وشعرفها وشدخلهاااا بالفاتحه
سميه:اجت ودك سوالف ويه منال واتخلفت العمتج ام ياسر
زهراء:ايي نفس ال.......
استغفرالله ربي واحصان وامها راحن
سميه:يااهي
زهراء:اسمهااان احصان
سميه:لا مااضن يرحن
زهراء:ااااخ كلبي كمت دخلت جوه سحبت التلفون دخلت على الواتساب شفته اخر ضهور قبل ٤ ساعات
دخلت على الفيس ناشر صورت جدي وحداد والتعليقات كومه يعزونه خليت وطلعت طفيت الجهاز
مر اسبوع على الفاتحه لا اجه ولا شفته ولا سمعت منه خبر
صالح:بويه تعال اريدك بجم كلمه
ياسر:كول بويه شعندك
صالح:اسمعني ابني لوين ضاله بت عمك عد اهلها تره عيب من عمك وعيب عليك شنهي يعني معناها لا انته مرجعها ولا انته امسويلك حييل شنوو اتريد اطلك ماعدنه تنزوج واطلك موو لعب هوه باليل اخذ عمك حاتم ونروح امشي ويانه ورجع امريتك
ياسر:خلصت بويه.....
اسمعني انه ماوديتها وحدي هي طلبت الطلاك مااجبرها واكعدها وياي وهي مارايدتني لو تنصاغ بذهب بس هي الرادت هذا الدرب
وتتحمل الي يجيها منه ولاترحون ولا اتعبون ارواحكم باجر انه طالع
لتركيا عدنه شغل هنااك
اسبوع وارجع ياله تصبح على خير
زهراء:كعدت الصبح باوعت الساعه ٩ سحبت التلفون وانه بالفراش شغلته دخلت على صفحته بالفيس
اكلب بيها ولان اشوف ناشر
ساعه وننطلق لتركيا
ضليت اقره فوك الخمس مرات عبالي ماشفته عدل دخلت للتعليقات كالها توصلون بالسلامه ومااعرف شنوو احس نار اشتعلت بيه ليش ياانذل لا انته مرجعني وراحمني ولا انته امطلكني يضحك عليه بسرعه طلعت منا الفيس دخلت على الواتساب
وديتله اتروووح وماترجع انشاءالله على حركت كلبي هاااي نذال وديتها اله وبيه قهر ماادري وينه اطلعه
ضليت افتر بالغرفه بكل عصبيه
ياسر:كاعد انه والولد بالمطار ساعه على الطياره بعد اجت رساله فتحتها من زهراء اتفاجئت قريت الكاتبته رديتلهااا
مشكوره على هاي الدعوه انشاءالله تتحقق وتفتكين
زهراء:قريتها بس اعصابي نار وبعد يحجي بكل برود
رووح اخذلك وحده من التركيات يعجبنك نفس الجهره انته وياهن
ياسر:هههه قريتها والله خبله توج تدعين كلتلها
واخذ ليش لا مامنتظر منج امر
وشوفي وارجع وانه وياها وهسه ياله ولي لان راح اروح اشوف الغزلان الي هنااك
زهراء:ايااا نذاال حقير اكرهك طفيت الجهاز وطلعت كاعدين يتريكون ابوي واخواني يسولفون بس انه طالعه روحي
الفهمته من حجيهم عمي صالح ماخذ الشيخه بمكان جدي...
خلصو وطلعو ضليت افتر اريد اسولف الي بكلبي وين صعدت دخلت سميه بغرفتها كعدت وسولفتلها
سميه:من كومج اتحبينه يالخايبه ليش سويتي هيج وهديتيه لم حثل
زهراء:لان مليت والله امه ومعايرها الي من صفحه ومرته وكل مصيبه اسويها بيه بصفحها
وكل بشر مو معصوم اله حد الصبر حتى لو احبه بهذاك مادام الحيايه
بهذاك البيت انه ماارتاح
سميه:وكلي امرج للخلقج وحاشه ماينسه عبده وربج يمهل ولا يهمل
ومنال وخالتها الهن يوم وشوفي
زهراء:دوختج بسوالفي انه بس والله لو ما سولفت انفجر
سميه:لا خيه والله احسبج مثل اختي واكثر
زهراء:شويه ونزلت جوه
مر على روحته ٥ ايام يوميا ادخل على صفحته بس ماكو جديد الصبح نتريك وكال ابوي عمكم صالح مسوي عزيمه على روح المرحوم اليوم بيني وبين روحي كلت مااروح
اشوه للعصر صاح ابوي رحتله كال امشي ويانه كتله مااروح تعبان
وطلعت بس صعدت وراي امي وهم كالت بس ابوي كام يحجي لو شمايصير مايكطع ويه اخوانه ماعبالك انه بنته كمت لبست
فستان اسود طويل جابته امي لفيت الشال ورحنه باوست عمتي سعاد ودعاء ونسوان قاسم وطيبه وزينب بس ماسلمت على ام ياسر وام حثل طلعت يم دعاء وطيبه للمطبخ
كملو كلشي ماكو احد غريب بس احنه تعشو انه اكلت وكمت بسرعه
خلصن الماعين وكاعده بالصاله يم امي اجه سعد سلم وكالي ابوي يصيحلج كمت بالستقبال محد بس هو وعمي حاتم وابوي الولد بره كعدت وفتح الموضوع ويه ابوي
صالح:خويه احنه انحل مشاكل الناس ومشاكلنه مستعصيه
اذا الي خاطر عندك خلي زهرة ترجع لبيتها ورجلها
محمد:والله انه ما الي اي اشكال بس اريد الراحه البنتي مال كل يوم وصاير بيها شي من وره ضرتها هنا عندي حجي ثاني وياكم
صالح:لا انشاءالله مايصير شي وانتي بويه شنو التردينه
زهراء:سكته مارديت عليه عيوني بالكاع ضلو هم يحجون ويصفطون
حتى من اكول لا ابوي يهيني كدامهم صرت مثل بلاع الموس لا اكدر احجي ولا اكدر اسكت
طلعت وسولفت لمي وللبنات طلع عمي من الاستقبال وحجه مااريد مشاكل بعد بهل بيت والي عاجبه يسوي مشاكل يطلع ويحلم يدوس عتبته بعد ومن هذا الحجي بس ام ياسر ماعجبها الحجي ضلت اتفر بحلكها للساعه ١٠ راحو اهلي طلعت وراهم للباب سحب راسي ابوي
محمد:عفيه بنيتي زهرتي صيري سباعيه لا تقرين روحج والحجي المايعجبج اسمعي منا وطلعي منا
زهراء:راحو رجعت سئلت دعاء على مفتاح الغرفه كالت عد سعد انطاه ياسر قبل لا يروح صعدت اخذته من فاطمه ودخلت
لبست اتراك وتمددت ع الجربايه وغفيت ثاني يوم نزلت صبحت رد بس عمي والولد وفاطمه ودعاء وهن ساكتات
كعدت اكلت وكمت دگيت على امي اتوديلي العلاج مالي شويه وجابه مصطفى ابن اخوي اخذته وصعدت
خليت مرهم لرجلي ووكفت اباوع بيها بالمرايه من الفخذ للجف كلها حمره واثل الحرك بعده
ورجلي الثانيه بس سويه من الجف
دهنتها ونزلت مر اليوم عادي خلصته كله بالغرفه لثاني يوم واكفه اغسل اماعين الريوك وسىلت دعاء كلتلها هم كال يمته يجي كالت ماادري
ياسر:طلعت اشتريت الهم هدايه
رجعت ساعه ١١_ الصبح الطياره
طرنه وصلنه لمطار بغداد اخذت سيارتي وطلعت للبصره ساعه ٢ الظهر..
زهراء:عزلت الغرفه وعندي ملابس هم غسلتهن ونزلت ساعه ٦ اذن وصليت بعرفه بيبي وطلعت كعدت يم عمتي سعاد بالصاله
ياسر:وصلت ساعه ٦:٣٠ لباب اهلي باب الكراج مفتوح دخلت السياره ونزلت للمضيف .سلمت عليهم ودخلت للبيت
زهراء:، كاعده واجه ابن احمد يصيح اجه عمو ياسر انخمش كلبي مااعرف ليش ضليت كاعده ماكمت يمي فاطمه وعمتي سعاد وام ياسر ومنال
شويه ودخل
ياسر؛ دخلت للصاله السلام عليكم
باوعت اتفاجئت بزهراء بس درت وجهي سويت روحي مااهتميتلها بس ابدي اخذها لحضني سلمت على امي وعمتي
زهراء:باوع ودار وجها سلم على امه وعمته والبنات بس انه ماكمت ضليت على كعدتي صعد كالت عمتي سعاد كومي وراه ماكمت ربع ساعه ونزل لابس اتراك وسابح كعد بالصاله واجو الولد وجدي وعمي كعدو يمه كمنه خلينه العسه
وتعشينه كلنه بس ماباوعت بيه ولا رفعت راسي عليه
شلنه الماعين وانطيناهم الجاي وكفت غسلتهن وكملت واسمع سوالفه يسولف على تركيا
خلصت ودخلت كعدت يم غرفت بيبي ضهري على الباب
صاح هو على ابن احمد الجبير كله روح جيب الجنط بالسياره شويه واجه جنط ٢ اكبار سحب خلاهن كدامه وكام يفتح انطاهم هدايه حتى لخواته جايب
جايب لامه شال وعطر ومنال هم ودعاء وفاطمه هم كلهن شال وعطر
والجهار العاب وعمي والولد كلمن
محبس وسبحه فضاهم كلهم احس طلعت روحي وازع الكاعدين كالهم بس انه لا هسه ماميته على هداياه بس نزل من قيمتي كدامهم
ياسر:انطيتهم كلهم اباوع زهراء اتباوع سكته
زهراء:كمت صعدت لبست اتراك بجامه فتحت شعري وتمددت على الجربايه ولفيت روحي بالغطه
كمت ابجي
شويه حسيت الباب انفتح سحبت الغطه الوجهي وسويت روحي نايمه اجه تمدد سكته
ياسر:_اشعندج هناا
زهراء:سكته ماحاجيته لمن سحب الغطه من راسي وخرت ايده
كتله وانه عيوني مدمعات
ماااانه الرجعت ابووك رجعني
ياسر:وانه شكو باابوي احنه شتفقنه
تعمدت احاجيها هيج
مو طلبتي الطلاك اشو هسه نايمه يممي
زهراء:ايي طلبت طلكني خل ارتاح عليمن هاي الذله ودرت وجهي للجها الثانيه
ياسر؛ تقربت عليها اعصابج ياحلووه
زهراء:وووخر لا تتقرب
ياسر:حلالي وانه حرر
زهراء:لا موو حلالك اتريد تاخذ رغبتك واذبني نفس الجلبه
ياسر:احجي عدل احسلج
زهراء:سكتت مارديت عليه حضني حيل ثبت راسه على راسي بس ضليت ادفر بيه برجلي ووخرر مااريدك
ياسر:هههه ياهي الماتريدني اشو صالج ساعه تبجين
زهراء:مااباجيه عليك
ياسر:هااا تبجين لان ماانطيتج هديه
زهراء:واخر عني احسلك
ياسر:واذا مااوخر
زهراء:دفعني على ضهري وصار فوكي وانه ادفع بيه اخذ شفايفي بسنونه عضاهن وباسهن
ورحنه بغير عالم انه وياه وهو يهمس كلام غزل وضلينه للساعه ٤ كاعدين انه وياه عبالك معاريس.....
شكرا لزيارتكم عالم روايات سكيرهوم
