رواية قصة زهراء الفصل الخامس والثلاثون بقلم زينب نور
زهراء:اخذني بحضنه وهو يهمس كلام غزل وكل واحد يحاول يثبت هو اكثر مشتاق نسينه الزعل وللساعه ٤ كمت سبحت وهو هم سبح جوه وصعد طلعت خليت مرهم على رجلي ولبست اتراك وتمددت شويه وصعد تعطر بس بالشورت وفانيله تمدد وسحبني على ايده ونمنه للصبح
ماحسينه على الوكت لمن سمعت الاذان فتحت اعيوني احس ثكل عليه باوعت ياسر بالكوه مديت ايدي على الميز سحبت تلفونه باوعت الساعه ١٢ هااااا.
يععع كل هذا الوكت نايمين وشعجب محد صعد كعدت ياسر
ياسر:صباح الخير
زهراء:ظهر الخير ياصباح تدري بيش الساعه
ياسر:وين التلفون انطيني باله
زهراء:ساعه ١٢ كله من وراك والله فشله شنو معاريس نايمين للظهر
ياسر:دخيل ربج شكد تحجين لا تخليني احبسج اليوم هناا مااخليج اتنزلين
زهراء:طفرت منه ودخلت للحمام لبست ثوب اسود وطلعت وكفت الف بشعري اباوع ركبتي عبالك طاكني مرض لفيت الشال
ونزلت هو بعده
بعدني على البايه الاخيره واشوف ام ياسر طگتني خزره من فوگ ليجوه ماهتميت الها دخلت للمطبخ
البنات بيه واخذني بالسوالف
فاطمه:انتم نايمين فوك ومرتاحين واكو ناس طاكهم الجفاف جوه لو بيدهم جا صعدولكم
دعاء:زهراء والله لو شايفتها كالساعه اتريد تصعدلكم وعمتي سعاد اتردها وضلت تحجي
بس والله انتم لازم للصبح موو😉
زهراء:ههههه
شويه ونزل ياسر اباوع باس راس امه وكعد بس هي وجها مايكصه السيف عبالك كاتلتلها واحد ماادري اشحاجت ياسر اشوفه ضاج وكام طلع للبره
كملنه الغده صبينه بالصاله وكعدنه كلنه ياسر ماشال عينه عني
وامه ومنال عوزهن اشويه ويطكن
ومن القهر
مااهتميتلهن مادام هو وياي بس كل اشويه وامه اذبلها بسمار....
لمن خلصنه وكفت اعزل بالماعين
على السنك دخل ياسر
ياسر:گلبي الجاي صعديلياه فوگ
زهراء:حاضر راح شويه واخذتله الجاي وجلب بيه كتله اغسل الماعين واجيك صدك نزلت غسلتهن وصعدت دخلت فارش فراش بالكاع وماد رجليه واللابتوب بحضنه
كعدت بصفه اباوع يشتغل كال
ياسر:اكو جنطه هنا جيبيها
زهراء:كمت فتحت الكنتور ماله طلعتها جنطه صغيره كعدت يمه كال افتحيها فتحتها بيها علبه حمره
طلعتها فتحتها بيها طقم كامل تراجي وكلاده ومحبس وحلقه واساور
ياسر:هااي هديتج عبالج انساج بلاهديه
زهراء:هههه بس ابريني الذمه حجيت عليك
طبگ اللابتوب وباوع عليه
ياسر:ليش شحجيتي بله
زهراء:والله تريد الصدك ضجت منك لان انطيتهم كلهم وانه كاعده ولا جنك شفتني عبالك ماموجوده
ياسر:هاا يعني مايصير انطيج كدامهم
لازم هنا واشكريني
زهراء:رفعتله حاجبي ليش اشكرك بله
ياسر:هسه مو جبتلج وعلى اقل كولي شكرا حبيبي راضين
زهراء:شكرا حبيبي بسته بخده ههههه
ياسر:ايبااا لو هيج الشكر لو لا بس تعاي اكلج
زهراء:هههه لا لا اكعد عفيه
فتحت الجنطه شفت بيها بعد عطر
طلعته هااي المن
ياسر:لتغريد
زهراء:وشنو المناسبه باه جايبلها عطر
ياسر:حبي فشله ماراحت للسفره وجبتلها
زهراء:وشنو يعني اله اجيبلها
ياسر:مايصير يا عمري البنيه كل مااسافر تذكرنه كلنه هسه انتي غرتي لان جايبلها عطر
زهراء:لااا بس لا تنطيها تولي مااحبها احجي وسحبني عليه
ياسر:وانه هم مااحبها احب بس وحده اتربعت بكلبي وكعدت ام عيون
زهراء:ايي لا اسكتني بهذا حجيك
لا وتاخذه ولا تنطيهاا
ياسر:اووو شلون سالفه لج بابا شبيج شمطيها هسه انه
بعدني لا مولي البغداد ولا شي شلزكتي رحمه لهلج
زهراء:سكتت تمدد وخلاني على ايده حتى لو مايحبها بس مااريد يكلمها مااريد وحده اشاركني بيه منال لو باوعتله نضره انه تطلع روحي منها مااريد احد يشاركني بيه هو مالتي بس انه
ضل ايد جوه راسي وايد لازم تلفونه داخل على الفيس ويسولف ويه جماعته كتله
اكلك عود ليش تنشر صورك
ياسر:شنوو ليش
زهراء:ايي شنو يعني مغررور بروحك
ياسر:ايي على ابوو مغرور يامدام منو كلج اسوين فيس انه مو ناهيج
زهراء:والله محد كلي خلني سويت حتى اعرفك على حقيقتك
طايحاتلي بيك بالتعليقات المايستحن عبالك ماكو زلم بالدنيا غيرك وانته مامقصر كل صوره تنشرها احلى من الثانيه
ياسر:هههههه منو سوالج ايااه
زهراء:حمزه
ياسر:امسحيه
زهراء:لا والله ليش امسحه شبيه هو مامسويه بيه شي
ياسر:خل اشوفج مسويه بيه شي حتى اموتج
زهراء:لا لاتخاف بس اراقبك خاف تلعب بذيلك من وراي
سحب ايده وصار فوگي
ياسر:منو اليلعب بذيله ولج
زهراء:بس وخر جعصتني ابووي موانته
ياسر:هههه احترك ابوج ذاك.....
خزرتني.....هههههه الخير عمي الخير
زهراء:ايي لا تحرك ابوي لااروح واكله
ياسر:ههههه عفينه من ابوج هسه وتعاي خل اضوك العسل الشويه
زهراء:نزل عليه بوس لمن دفن راسه بركبتي وحسيت عليه ثكل باوعت غفه سحبت تلفونه دخلت على الواتساب
ماكو شي
طلعت ضليت اكلب. دخلت على يوتيوب طلعت مسلسل كبالي دخلت عليها ضليت اباوع
مسلسل تركي اسمهاا
سنوات الضياع اباوع ومندمج طلعت لقطه البطل يتقرب وباس البطله من يمي استحيت
ياسر:ليش اتباوعين كليلي انه اسويلج نفسهم
زهراء:جفلت من الفشله طاح التلفون من ايدي
انته ماتبطل سوالفك هاي وكفت كلبي
ياسر:هههه انتي جبانه شسويلج
وبعدين ليش اتباوعين هيج مسلسلات
زهراء:انته مو نايم شگعدك بعدين طلعت كدامي ودخلت عليها ضوجه
ياسر:كومي ام ضوجه اكويلي دشداشتي السوده اريد اطلع
زهراء:وين رايح
ياسر:كومي اكوي
زهراء:انطيته التلفون وكمت
سحبت الميز وخليته اكوي كام هو طلع شويه ورجع غاسل راسه
كملت الدشداشه بدل وطلع باوعت ساعه ٤ نزلت جوه
توني كعدت وانفجرت ام ياسر بالغلط والصياح اريد افتهم عليمن ماادري ضلت ادعي عاد هنا كلش زودتها كلتلها
حرام عليج بشنو مئذيتج وادعين خافي ربج
ام ياسر:عساج لا فرحتي ولا ادوملج گح...... ماتستحين نايمه للظهاري وين كاعده بيت الخلفج
زهراء:والله دعاويج ترجع عليج وشوفي اجت عمتي سعاد ضلت تحجي عليها وكالت امشي اصعدي انتي عفيه بيت ماتخلص بيه المشاكل
صعدت وانه كارهتها وكارها هذا البيت طلعت منال ومن الغرفه باوعتلي ابتسمت من كبر لهل وجه ايي والله ام حثل ام الزلم
دخلت للغرفه مانزلت منا للساعه ٩ بليل كاعده اباوع للتلفزيون ودخل ياسر باوعتله كتله بكلبي
تطلع وتتونس وانه هناا مامحصله بس الرزايل وطياح الحض
ياسر:هاا الله يساعدهم
زهراء:هلااا
ينزع وحجه
ياسر:شبيج كالبه وجهج
زهراء:مابيه شي عاد... مااقتنع كعد كبالي وكال احجي اهنا صدك نفجرت بوجها وهو بس يهز راسه اخر شي كتله طلعني ابيت وحدي
خله وكام مارد لبس دشداشته ونزل
شويه وسمعت الصيحه كبت مانزلت عساكم بالحرك
شويه ودخل نزع الدشداشه بعصبيه ودخل للحمام ماحاجيته تمددت ودرت وجهي اجه تمدد وانطاني ظهره
نمت للصبح كعدت نزلت هو نايم حضرت الريوك
وخليته بالصاله كلهم التمو تريكنه شلت الماعين نزل هو
كعد بالستقبال اخذتله ريوكه سكته كاعد بس وجها معصب خليت وطلعت طبخنه الغده
ومر اليوم عادي اذا ياسر هناا اضل امه بس اتبسمر بس اذا طلع اتقوم القيامه لليل كلمن انسحب الغرفته انه هم خلصت شغلي وصعدت بدلت واجيت للجربايه فتحلي ايده وذبيت روحي بحضنه نمنه للصبح هو كعد طلع وره الريوك
شويه ودخلت ام منال ماسلمت عليها بالباب كلتلها شلونج خاله ردت هلا ماكعدت يمهن
بس اسمعها ادكلها لازم ترحين للدكتوره اتفحصين
متعجبات عبالك اول وحده تحبل واكفه اغسل اماعين الريوك دخل سيف
سيف:منو هناا
زهراء:ااام انعاال
سيف:هههه ياهي
زهراء:ام منال
سيف:هههه انوب ام انعال والله عليج سوالف .....
بس اذا ماعليج امر اكلاص جاي بروح جدج
زهراء:غسلت اديه وحميتله الجاي صبيتله وانطيته كعد على الميز يشرب
شويه ودخل ياسر شعجب رجع من وكت باوع لسيف عقد حاجبه كن ماعاجبه الوضع سيف شرب جايه وطلع لغرفته
ياسر:شعنده بالمطبخ انه شگلت
زهراء:ماعنده شي شرب جايه وطلع شوفت عينك
ياسر:منو جوه
زهراء:اام انعال
ياسر:احجي عدل
زهراء:خالتك ام منال بعد ياهو خلاني احجي ودخل خلصت البيدي ودخلت باوعت كاعد يمهن رحت كعدت ماكمت ضليت على كعدتي لمن اذن الظهر وطلع هو يتوضه انه هم كمت توضيت ودخلت بغرفه بيبي صليت
وانه اصلي كفخت خشمي ريحت سمج شوي خلصت صلاه وطلعت اصلا ماكو عدنه سمج بس والله اشتهيته
اول تالي اشتهي السمج
خلينه الغده ماتغديت لعبانه نفسي هل ايام
خلصو دعاء غسلت الماعين وانه انطيتهم الجاي ام منال بعدهي ماراحت خليت وصعدت احس نعسانه بس خليت راسي غيت حسيت بياسر فتح الغطه ولزك روحه بيه حاول وياي راد ماكو قفلت فرد قفله زعل ودار وجها انه جريتها نومه منااا للساعه ٥
كعدت ماهو نزلت جوه
جوعانه انطيت ابن احمد الف كتله اشتريلي شي
راح واجه جايب كيكه وجبس وعصير والربع انطيته اله كعدت بالصاله وكمت اكل طلعت ام ياسر من غرفتها كن ماعاجبها الوضع هزت ايدها وراحت احلف هااي المره مشور بيها بس ام منال ماهي رايحه
وانه اكل دخل ياسر كعد يمي
مد ايده ضل ياكل وياي بالجيس جبس ويشرب عصير وعينه بالتلفون
مرر اليوم لليل وره العشه كاعدينه واجونه بيت عمي قاسم
الولد كعدو بالستقبال على الطوبه يباوعون وبس اصريخهم انسمعه احنه بالصاله
كمت رادو جاي صبيته الهم وانطيته طلعت من المطبخ ورجعت كعدت بمكاني
اشويه وطلعت منال من المطبخ احتركنه احترركنه واصيح
كلنه كمه والولد طلعو على صوتها اباوع من يم الباب مال المطبخ
النار ماليه الطباخ واكو وصله مشتعله
طفو الولد وكام ياسر يصيح منو مخليه الطباخ مشتغل
اشو من مكانها وطفرت منال
منال:زهراء اخر شي انطتكم الجاي هي
زهراء:لا طفيته الطباخ بيدي لا اذبينها براسي
عاط عمي
صالح:ولج بويه غير تنتبهين شنهي لو مفجو الغاز بينه
زهراء:ضلو كلمن يحجي بصفحه خليت وصعدت احس حروره بمعدتي استفرغت بالحمام غسلت وطلعت
بس تمددت ع الجربايه دخل ياسر
ياسر:موو كايلج تنتبهين على شغلج
زهراء:وخرت الغطه عني بنتر وانه طالعه روحي منهم.
اكلك موو ااانه افهمو يابشر تريد اصدك صدك ماتريد بكيفك كافي مليت درت وجهي وتغطيت فتح الباب وطلع سمعت اصياحه بغرفه منال شويه ورجع فتح الغطه وتمدد سحبني ليده وغفينه ثنينه
اجت اربعين جدي سوينه ثواب ورحنه ضلت بالبيت منال وفاطمه وسعد
رحنه ورجعنه تعبانين وانه الدوخه ولعبان نفس مافاركني بس وصلنه خليت راسي ونمت
للمغرب كعدت سبحت ونزلت
تعشينه وخلصنه كاعدين كلنه بالصاله دگ تلفون ياسر رد مااعرف منوو بس من نبرة صوته بين اكو شي سد الخط وسئله ابوه
بيته الي ابغداد احترك
ضل يتصل على جماعته يفتهم السالفه طلع محترك وطافي كله
كام صعد للغرفه عصب كلش وضاج ثاني يوم الصبح طلع لبغداد من غبشه
كعدت نزلت جوه ساعه ٩ تريكنه وخلصنه غسلت لمطبخ نكعن ملابسي صعدت سبحت ونزلت
مر اليوم عادي لليل كلت الفاطمه فايتتني الشهريه صالها شهر وفوگ
كالت خاف حامل
بس مايعني عبالي حامل لان انه دائما تتئخر عندي خربطه
للصبح وصيت سميه جابت الختبار و راحت وتوصي اذا اكو شي كولي
رحت سويته طلع خطين بس حسيت شعور ماينوصف كلت بس الفاطمه ونبهتها لا ادكول لحد
للعصر ام ياسر كامت علينه شيلن زوالي البيت لان حرت الدنيا
لميناهن كلهن خليتهت بصفحت الدرج اول ماغسلنه الاستقبال انه ودعاء
كملناه طلعنه للصاله هم شلنه غراضها شفت الماي راح للزوالي كمت اصعد بيهن للمخزن فوك
صعدت اول اثنين كوه اسحل بيهن سحل طلعت منال من غرفتها باوعت ورجعت دخلت من كبر لم حثل ماتحرك روحه
احس ظهري انكسر بالنص كملت اخر وحده وجاي انزل وانه فرحه الحباله احس مااكدر وصفها اكيد راح ادكولون شدعوه كاعد اتبالغ
بس لا مامبالغه
لان المجتمع العشت بيه انه عدهم الماتحبل مايقدروها.....
وانه انزل رافعه الدشداشه بيد والثانيه على المحجر وانعالي حشاكم يلزك بالدرج مااحس بس زلكت رجلي وانه بنص الدرج وطحت
ويااا فرحه ماااتمت........
