رواية المتمرد والصغيرة الفصل الرابع والثلاثون بقلم رسل
______
گلولهه إيبشرچ جرح هجرچ طاب
والذكريات إتلاشت من ألشجره
وگلولهه إنشگن إصورچ والآااخ
نشفت و وجهچ بعد ما يتذكره
وخلص خريفچ والجذر هسه بخير
وسير ربيع ألعافيه بنص عمره
العفتي غصن لاعايش ولا بالنار
رد ردة ألطير أليرد للحضره
يضحك ومامهتم وعايش مرتاح
مثل الورد كاشخ بشكله وعطره
وگلولهه مقدح مبين غصنه
ومفرغ ألغيرچ گليبه وحضنه
ذاك أليبس حيله وإتفطر جفنه
مو روحه حتى عيونه للحب خضرة
__________________
ابو فهد : براااا
.. نزلت جوة لگيت زيد واكف گبال زهراء و حوراء
زيد : اوديج هسة لابو فهد يكسررر راسچ لو اكسرة اني ؟؟؟
اختجن الصغيررررة هي ؟؟؟
ادبسزيااااات
.. هن مدنكات محد رفعت راسها
زيد : يلا اعتذرن منها بساع
... اعتذرن منها و صعدن اني جنت واكفة بنص الدرج دفعتني حوراء و صعد
زيد : لججج سا*** مو اصعدلجججج
.. نزلت جوة هم كلمن راح الغرفتة بس زيد باقي بالصالة
يسولف وي فدعة لان ضايجة
زيد : ها بوية شو هنا
اديان : لا ماكو شي
زيد : رايح للاسواق تردين شي
اديان : لا سلامتك
.. مستحية منهم خاف احد ينزل و يسئلني ليش مو بغرفتچ چانت غرفة الخطار ساترة علية
فدعة : شبيج حبيبة ليش عايفة رجلج وحدة
اديان : هسة راح اصعد
صعدت شفت ضوة الغرفة مسدود يعني نايم كلت خلي اروح انام يم فهد دكيت الباب مقفول فتحتة زهراء و التليفون بيدهة مبينة دتخابر
زهراء : تفضلي
... احتاريت شگللهة گتلهة وين فهد
زهراء : نايم ليش ؟
اديان: لا هيچ
اجيت دا اريد انزل من الدرج صار بوجهي زيد
زيد : ها بوية مدگليلي شجاچ
اديان : بس اريد اشرب مي
.. باوعلي بنضرة عود ممصدگ
نزلت جوة ضليت كاعدة على ميز الطعام غيرر مذلة يربي زين اني شنو ذنبي اذا ابن عمة يحبني والله حتى ما اطيقة اني بعدين سمعت صوت باب انفتح اكيد غرفة الحجي
كلت خلي اصعد بلكي الكا نايم ماكدر اضل بهذا الموقف صعدت فتحت باب الغرفة لكيت باب غرفة زيد مفتوح يربي ان شاء الله ميفشلني و يطردني
باوعتلة ديلعب بالتليفون من شافني سدة و باوعلي
ابو فهد : هاا شو اجيتي
.. ضليت بس اباوعلة
ابو فهد : طلعي يلاا
اديان : وين اروح
ابو فهد : مااا ادري بس لتجين يمي
اديان ... اوففف ياربي ليش مكتوبلي بس اني هيج اعيش والله لو غيري جان انتحرت درت وجهي اريد اطلع
ابو فهد : صبري
.. شفتة لبس دشداشتة
- نامي يلا
..طلع و سد الباب ضليت مستغربة من تصرفاتة وياي و مهضومة نمت كعدت الصبح على صوت الكنتور ينسد شفتة جاي يبدل كمت غسلت وجهي و فرشت و نزلت
ساعدت بشرى ورتبت الميز هم كاعدين چانو
الحجي : والله انا هذا الوضع بعد ميصرفلي
زيد : بس لا تريدلك مرة
الحجي : اي شنو حرام
ابو فهد : ههههههههه لا بشرفك
الحجي: ما جاي اشاقة بوية
فدعة: اي ليش لا يمة جا منو يگوم بواجب ابوكم شو لا بت و لا اخت بس انا وما اكدر امشي
ابو سراب : انا اكول من حقة
فهد : جدو صدك تزوج و تلبس قاط
زيد : هههههههههه اي و فيونكة
ابو فهد : و ياهي تاخذ مامش بسلفنة وحدة فوك الاربعين
فدعة: خل اخذلة سليمة تكيف هي فاتهة القطار
زيد : فلا اطيقها هاي الحرمة
ابو فهد : اسبوع و نحاچي عمي اسماعيل و نشوف بس متاكد ما ترضة
فدعة: ناخذلة غريبة اذا ما رضتت
زيد : زين بوية بيك حيل
الحجي : لا يا ابن السگط
كلهم طگوها ضحكة
... يمكن الوحيدة اني ضايجة و خايفة كمت ادعي كون متوافق هي بدون شي تكرهني مو نوب تصير مرت الحجي
اديان : زين هي مو تعتبر بت عمكم
زيد : لا يابة بت ابن عم ابوي يعني عادي تحل عليه مو حرام
اديان : هااا
.. اليوم العلاج خلص و لازم ما اكطع الابر و هم ما اكدر اكلة بُشرى خطية مبتلية بية هي الي تضربني الابر كلت بلكي بالليل يرضى و يحچي وياي حتى اكلة
اكدر اخابر هيفاء و دگلة بس كمت استحي اضل احجي بمشاكلنة و اطلب من هذا و هذاك لحد الليل هم ما حچة وياي و اني هم كرامتي ما سمحتلي اروح اطلب من عندة
ورا العشة هم يطلعون اني صعدت كلت خلي انام حتى ما اعيد مأساة البارحة .... حسيت احد يگعدني فتحت عيوني شفتة ابو فهد
ابو فهد : ليش مضاربة ابرة اليوم
اديان : خلصن
ابو فهد : و ليش ما گلتي
اديان : انتة مو متحجي وياي
ابو فهد : طالع اشوفلي صيدلية مفتوحة
اديان : محد مفتح
ابو فهد : مالج غرض يفتحون علمودي
اديان... كلت بگلبي و لا يكعد راحة كعدت ميتة من الجوع و شفت الغرفة ممرتبة رتبتهة و شغلت المبخرة و دخلت سبحت شعري نشفتة و رفعتة ورا نص ساعة اجة
جايب الابر و الكبسول و فوار و جايب حلويات
جنت لابسة تراك اجيت اخذ دشداشة علمود اروح لبشرى
ابو فهد : لتنزعين انا راح اصيحلهة
اديان : لا عيب
ابو فهد : مابيها شي
.. ورا دقايق اجتي بشرى ضربتني ابرة
بشرى : جا ليش اليوم متأخرة
اديان : جانن مخلصات وهسة ابو فهد راح جاب
بشرى : خطية فرحان بأبنة
ديري بالج على ابو فهد ترى يحبج هواي
اديان : قابل شمسويتلة
بشرى : والله انتي هم حبابة ما ينسمعلچ صوت
اديان : شكرا حبيبتي تعبتج
بشرى : تدللين
.. طلعت بشرى و دخل ابو فهد نزع ملابسة اني اخذت الفوار و الكبسول و نمت جوة اللحاف هو دخل سبح و اجة تمدد اني اخذت
الفون و ضليت اباوع فجأة هو سحبة من ايدي ضليت اباوعلة سحبني لحضنة و يبوس بشعري دفعتة من صدرة و كعدت
اديان : زعلانة منك لان صالحتني مو لسواد عيوني بس لان ماخذت الابرة صالحتني علمود الطفل ف لتسوي روحك تحبني تذكر شسويت بية البارحة
ابو فهد : كملي كملي احبج من تشغلين البرنو بعدين كولي لصفار عيوني مو لسوادها
.. رفعتلة حاجبي
ابو فهد : اموت من الجذب
اديان : ترى من وراك جذبت اني
ابو فهد : ترى لو ممجذبة جان ما عاقبتچ بس سويتلج جرة اذن و هم كلبي ما انطاني عفتج نايمة هنا و نزلت بالمضيف
اديان : اي عود ليش
ابو فهد : ما ردت اضعف كدامج لان البارحة من كتيلي وين اروح مادري شصار بية
اديان : هاا خطية
ابو فهد : انتي الوحيدة تلوگلچ العرامة
اديان : هي شنو العرامة
ابو فهد : يعني الوكاحة
اديان : هو خوب كولو بس وكاحة
ابو فهد : هسة انتي شلج غرض بينة
اديان : اي والله صدك شعلية عدي عم خال يمكم
ابو فهد : عندج اني
اديان : ما اريدك اني
ابو فهد : وانا اريدج
.. ضلينة هو يكول اني اريدج و اني اكول ماريدك طفر علية كام يدغدغني بلحيتة وبعدين حول على البوس
و صار الي صار ...
اديان : هاي احنة نضل كلساع سابحين
ابو فهد : وانا بالوجود اخليج تخاوين الحمام ههههههه
اديان ... سبحت و ضفرت شعري اخذت عصير و كيكة اكلتهن و هو يباوعلي كتلة تريد كال لا نمت على ايدة و غفيت ....
_________
هم اكو واحد مدللكم مثلي ؟ 😒♥️
و هاا على طاري الدغش سئلتوني بهذاك البارت يعني شنو ؟
- المكر و الحيلة و النفاق و ذني السوالف
