رواية المتمرد والصغيرة الفصل الخامس والثلاثون بقلم رسل
______
چم دوب أحن ل لچمتك و اتنطر
هو انا لو ما غيبتك ما اكبر
______
مشت الايام وراحت فدعة و بشرى و هيفاء و ابو فهد و زيد يخطبون سليمة للحجي والله اني شلون ما اصفنلها تحصرني الضحكة
مشت الايام وراحت فدعة و بشرى و هيفاء و ابو فهد و زيد يخطبون سليمة للحجي والله اني شلون ما اصفنلها تحصرني الضحكة
اجوي كالو وافقو
و بعد اسبوع نجي للبيت بدون لا هوسة و لا شي بس يعقد عليها جنت خايفة منها صارلي 3 اشهر و نص حامل بطني صغيرونة و تضحك
ابو فهد: ها بوية شو ضايجة
اديان : خايفة من هاي بت عمكم
ابو فهد : والله حتى انا ما مرتاحلها بس اذا لاحظت عليها شي اطردها وخل ابوي يحير بيها
اديان : ضايجة ضوجة محد ضايجها
ابو فهد : ههههههه افا عليج كومي بدلي
اديان : والله
ابو فهد: مچذب عليچ انا
اديان : والله
ابو فهد: مچذب عليچ انا
.. رحت بدلت بسرعة و هو هم لابس دشداشة و الغترة لافها سوري
و واگفت يسد بالساعة باوعلي ..
- ليش متلبسين عباية ترى وعلي متحمل على اعصابي
اديان: لا حباب عليك الله والله ماحبها
ابو فهد : بس تجيبين بعد ماكو جبة
اديان: الله كريم
.. حطيت عطر و شوية حمرة هو ما شافني نزل اخذت تليفوني و نزلت جوة جانت دنيا العصر هم بعدهم محد نازل لگيتة مشغل السيارة صعدت
ابو فهد: هاي شنو على وجهج ليش هيج
اديان:شنو
اخذ كنينس من يمة و لزم وجهي مسح الحمرة
- ترى ميصير هيج و الله
ابو فهد : اغار و علي مو بيدي
.. درت وجهي على الجامة اجة واحد من ولد عمة فتح الباب و طلعنة
ابو فهد : ترى ماخذج اونسج مو حتى تطنگرين
اديان: ماريد رجعني
هو ضل مستمر بالسياقة نزلنة لمكان حديقة و گبالها نهر و اكو مسطبات جانو اكو جهال يلعبون طوبة صاح لواحد من عدهم
انطا خمسة گلة روح جيب گلاصين موطة
ورا شوية اجة الولد جايبهن و رجعلة الفين ابو فهد گلة اخذهن حبيبي بس الولد ماقبل ياخذ گلة لا عمي مو عيب اخذ فلوس
ابو فهد دگ على چتفة گلة كفووو بوية
ضلينة ناكل موطة محد يحچي
ابو فهد : اي بوية و انتي شنو المضوجچ
اديان: محد بس هيج من ورا الكعدة بالبيت
ابو فهد : هسة شكد صارلج حامل
اديان: 3 اشهرر و نص
ابو فهد : شني بوية شو يدلل علينة واني عبالي راح تجيبين
اديان : هههههه
ابو فهد : وعلي احبج من تضحكين
اديان: هو اني ما ابجي بس من وراك
ابو فهد : و احب دموعج هم والله هسة راح تكولين متحبني لا وعلي اعشكج بس احب شكلج من تنهضمين و ابچيچ هيچ بدي اكلچ
بس بنفس الوكت انا ماضربج بدون سبب ف من تغلطيلچ
غلطة اني تصيرلي فرصة اقسي وياج حتى تبچين
اديان: بس هذا مو حب هذا يسمو تملك انتة تحب تمشيني على مزاجك من متريدني تطردني من الغرفة و من تريدني تصالحني و تقنعني و انتة تعرف شلون بسرعة تحول السالفة الك
ولازم اطلع اني الغلطانة و الصوج بية و لو ما غلطانة جان ما ضربتني و لو نرجع للغلط السالفة متستاهل هلگد تصير قاسي وياي
ابسط شي هذاك اليوم من دفعت بي حوراء بنتك اجيت ضربتني بوكس
اني مو ولد و لا واحد من المجرمين العندك و لا جسمي ضخم و عندي طاقة حتى اتحمل ضربتك لو تگص شعري لو تحرگ ايدي يعني سوالفك داعش ما سووها و الكل تسمع منهم و يتصرف عقلك
قبل ايدك
الا اني تضربني و تخلص يلا تجي تفتهم مني السالفة و اني اكدر ما احجي وياك و اعوفك بس والله گلبي مينطيني لو تطردني من الغرفة و انتة تدري ماعندي مكان غيرها هيج بس تحب تذلني
بس اني لو بيدي من موتت هذاك الطفل ارجع لاهلي و بعد ماخليك تشوفني بس شسوي اذا ماعندي اهل و حتلو موجودين بس ميردوني وهو ابوية بنفسة باعني هسة راح تكول لعد ليش تدافعيلة هذاك اليوم
حتى لو هو ميريدني بس يبقى ابوية
انتة من هنتة و سويت هيج بي اني الي نذليت اكثر منة بس شسوي حكم القوي على الضعيف بس هم كل صبر الى نهاية اني مو للابد اخليك تضربني و اسكت
اني هم انحركت من هواي شغلات لا صارتلي حفلة مثل البنات و لا لبست بدلة ولا صور و لا اي شي من اتذكرة ابتسم
ابو فهد: هاي هلكد حاقدة علية وانا مادري
اديان : لا مو حاقدة بس كتلي شنو المضوجج هذا المضوجني
ابو فهد : بس و حقچ انا ماحبيت حرمة و لاطبت راسي وحدة غيرچ انا هذا طبعي الاحبة اقسي ويا و هاي حبيتچ بعد والله مو بيدي هسة انا حتى من اصفن اكول شجاني رجال شكبرني راسي متروس شيب
الزملي طفلة اخليها تنشغ يلا اعوفها
و كل مرة اكول هاي اخر مرة لازم الزم اعصابي وياها و ماكدر و لدكولين ماعندي اهل انا اصيرلج كلهم والله بس تحمليني لتسوين شغلات انتي تدرين انا اضوج منها
يعني سالفة كمال انا ثاق بيج و ادري شنو مربي بس انتي شنو تغشمين روحچ و متدرين بسالفتة من شفتي ادير وجهي و اصعد لغرفتي و اقفل الباب و سويها سالفة موقف مو تضلين كاعدة يمة
والله كل ما اتذكر السالفة بدي اكلچ بسنوني بس بختچ بالطفل
اديان : ترى نفسك متتغير
ابو فهد : انا كتلج ماكدر يابت الناس اعصابي وياج ما اكدر الزمها بس والقران احبج
اديان : لعد قابل اني اكرهك
.. صعدنة بالسيارة ضلينة نفتر و هو مطلع اغنية يا نبعة الريحان
ويغني وياها اني اخذت التليفون صورتة هو ماحچة صارت الدنيا مغرب نزلنة كبال مطعم كال تعالي خل نتعشة
اني طلبت صاج هو هم طلب وياي هو مالتة بقة منها شوية اني لحد النص وشبعت رجعنة للبيت سلمنة عليهم هو طلع يم جماعتة اني سبحت و نزلت جوة
حوراء: ها بدت السحورة تشتغل
اديان : والله اذا انتن تشتغلن بالسحر مو معناها كلها تسوي
حوراء: راح تجي عمة سليمة صگارتچ
اديان: ههههههه اوك
... عفتها و صعدت للغرفة لعبت شوية بالفون ونمت ورا 3 ايام كالو اليوم تجي مرت الحجي و العصر صدك اجتي ووياها نص العشيرة
اجة الشيخ و هي وكفت يم باب المضيف
ورا شوية كامن يهلهن وهي لابسة الوان حاطة كيلو مكياج لابسة من هاي الدشداشة ام الشذر عبالك طالعة خفاش الليل بس احمر قدمنة عصير و كيك للخطار لحد الليل تعشو يلا راحو واني رجلي كامت توجعني من الوكفة
ورا العشة دخلو الزلم صار البيت هوسة بعد ما بية حيل طلعت من المطبخ و شافني ابو سليمة
اسماعيل : ها بوية شو متسلمين
اديان : هلو عمو شونك
سجاد : باع بنات بغداد صدگ فاهيات احنة جماعتنة محد تگول عمو شونك عمي وينك عمي الواحد حتى مالة واهس يصير عم
ابو فهد : ههههههههه ام علي ما تگومين تعلسي
ام علي : هههههههه خوية حقة چا مچذب
زيد : انا اخوك هاي النسوان الزينة هههههههه
... جنت واكفة اشرلي بعيوني عود تعالي يمي رحت يمة
ابو فهد : شنو شبيچ شو مالچ خلگ
اديان: تعبانة و رجلي توجعني
ابو فهد: امشي صعدي نامي انا هسة جاي اشوفچ
... احس عيوني غوشت لزمت راسي مشيت شوية گلت خاف لان نعسانة بعد ماحسيت بشي ... كعدت و اني بالمستشفى زيد و ابو فهد و هيفاء يمي
ابو فهد : ها بوية سلامات
اديان : الطفل
ابو فهد : مابي شي مابي شي
اديان: شجابني هنا
زيد : بوية انتي من تشوفين البيت متروس قنادر نسوان ليش تشتغلين هو انتي هلگدوتچ
ابو فهد : چم مرة گايلچ من تشوفين هوسة و انتي مالج خلگ لتشتغلين و ليش مماخذة الفوار و مماكلة يعني يابوية انا ليوين اضل اعلم
اديان : ماشتهي
ابو فهد: شنو ما اشتهي و صحتج
...اجة الدكتور كال مدام كعدت تكدرون تطلعوها طلعت و زيد جان هو اليسوق وكف السيارة كبال مطعم نزل ابو فهد جاب علاگة و انطانياها گال اذا ما اكلتي و خلصتي لتراويني وجهج
باوعتلة صفح هو حصرتة الضحكة بس ما ضحك وصلنة للبيت جانو الخطار رايحين و بشرى كالت الحمدلله ع السلامة
صعدت فوك و اجتي هيفاء وياي سبحت و طلعت لكيتهة مرتبة الغرفة شكد احب ترتيبها فتحت العلاكة لكيتة كباب و معلاگ اني من شفت شكلة جعت هيفاء كامت تسويلي لفات يبو هالانسانة
شكد احسها حنينة
هيفاء: كمال حماي بعدة حاط عينة عليج
اديان : مادري
هيفاء : شو خابرني كال شوكت اجيج كتلة فد شوية لان اديان تخربطت شفت كلامة صار مخربطا
اديان: بس خلي يعوفني مرايدة منة شي
هيفاء: ابو فهد كسرلة ايدة و رجلي و هم ماتاب انا خايفة لابو فهد يكتلة خلاص و تصير الطلايب
اديان : لا اسم الله
هيفاء: بس لو شايفة ابو فهد شلون طفر و شالج كلها ضلت صافنة
اديان : لان حامل هيج مداريني ترى
هيفاء: دنجبي قابل هو ابنة منين راح يجي غير منج
... شبعت و هيفاء سلمت و راحت اني نمت ..
حسيت على واحد يبوس بوجهي من كل جهة فتحت عيوني
شفتة هوَ
ابو فهد : شون صرتي يبعد ابوچ
اديان : زينة
ابو فهد : غير فرفحت روحي من شفتچ وگعتي گبالي نوب ذولة يباوعون شاطت روحي
اديان : هو اني ردت اصعد و هذا الرجال صاحلي
ابو فهد : يلا لتعبين روحچ نامي
.. درت وجهي و غمضت عيوني
ابو فهد : هو هيج الينام
اديان : لعد شون
.. فتحلي ايدة اثنينهم و اشر على صدرة ابتسمت ونمت بحضنة ضل يمسد على راسي و يقرالي ايات صدك حسيت روحي بوقتهة محظوظة و مرتاحة نمت بسرعة كعدت الصبح اباوع هو ماكو
والساعة ب 11 يومية بالتسعة اني كاعدة و نازلة غسلت وجهي و فرشت و نزلت لكيت بشرى دتطبخ غدا و سليمة وياها نافخة روحها و تفتر بالمطبخ
اديان : صباح الخير
... اثنينهن ردن
بشرى : شون صرتي حبيبة
اديان : لا الحمدلله
... مشت الايام ماكو شي بس سليمة تمشي و نافخة روحها عود هي ام البيت و كلها ملاحظة عليها بس كلت هاي و لاغيرها احسن من ما تسويلي مشاكل اني دخلت بالشهر الرابع و اجوي اهل
الي خطبو زهراء و حوراء كالو شهر و يبدون يحضرون للعرس ابو فهد ما عارض لان هنَ مستعجلات اصلاً و سليمة كامت تاخذهن للسوگ حتى يحضرن
