رواية الضابط واليتيمة الفصل الرابع والثلاثون 34 بقلم بقلم مجهول

(حبل الخوف)

ايد وليد جبيرة وباطنها ناعم دافية دائما من الزمها احس بامان بدفو براحة انتبهت انو وليد واكف رفعت راسي علي جان يباوعلي 

- شبيك 

-شوكت اتهدين ايدي 

-ها 

انتبهت وخرت ايدي ورحت اصعد كلش استحيت باوعت على وليد مبتسم 

-شبيك مبتسم 

- لا ما بية (وزادت ابتسامتة ) 

-وليييد 

- هههههه شبيج 

شغل اغنية ومشت السيارة 

- وين رايحين  

- هسة اتشوفين 

مشينا الى ان وكف يم نفس محل الورد الي وكفت يمة اول مرة جنت وية وليد التفت على وليد ابتسملي ونزل اجة وابيدة شي ضامة ورة ظهرة صعد بالسيارة والتفت علية 

- اتفضلي 

باوعت على البوكي بي وردة وحدة حمرة اباوعت علي 

حسيت بدموعي على خدي 

- ليش يعمري 

مسح ادموعي بايدة 

- ليش 

- نظرتج جانت ابالي طول هلفترة من شوفتها الج الى ان وانطيتها لامي الابتسامة الي ابتسمتيها من عرفتي انو ما ممرتبط 

- ها 

- عيونج فاضحتج 

- بس مجنت افكر هيج انو انت الي اقصد انو اريدك بس جنت حاسدتها بدون ما اعرفها حسدتها عليك 

- الوردة الج حبيبتي تعرفين هلمرة هاي الوردة ادلل على شنو 

- الحب الشي الحلو بالحياة المشاعر الي متجذب الي متكدر تتحكم بيها 

حرك وليد السيارة ووصلني للمعهد نزلت عفت الوردة يمة هو كال راح احطها بالمي من يرجع للبيت نزلت طبيت للمعهد طبيت للصف اغلبهم موجودين 

- هلللو مينا 

- هلو حبيبتي 

- الله هاي شنو ازوجتي من ورانا لج 

- ههههه اي البارحة جان عقدي 

- حبيبتي الف الف مبروك 

اجوي البنات يسلمون ويباركون وزعت عليهم كلهم 

اجة لؤي التفت سويت روحي مشفتة وكعدت على الرحلة اجة كعد يمي سويت روحي ممنتبهة 

- شلونج مينا 

- هللو الحمدلله وانت اتفضل 

- شنو هاي 

- هاي توزيعة بمناسبة عقدي البارحة جان 

- اها الف مبروك الزواج الصالح ان شاء الله 

- الله يبارك بيك 

متحرك ولا شعراية كمية البرود الي ابوجهة مو طبيعية التفت بدة الاستاذ يشرح اجة وكت الاستراحة طلعت اريد مي ملكيت الحانوت امفتح كلت اطلع للفرع اكو كشك اصغير طلعت دا امشي الدنيا فارغة جمعة والساعة ٢:٤٠ حسيت اكو احد وراية مشيت بسرعة 

- وين وين مستعجلة 

اعرف هذا الصوت بس لا لا اكيد مو هو التفت 

- شتريد 

- هههههه شريد 

- شتريد بسرعة احجي 

- حقي 

- يا حق

- انتي تعرسين وتفرحين واني طاح حضي بالسجون ٦اشهر ومن اطلع كلها اتصيحلي حرامي 

- شلي علاقة انت الي بكت🌺- ايي مو لو معترفة جان مطبيت سجن واتعذبت جوة وشفت الويل ( اخر كلميتن بصيحة جانت) 

فزيت من صوتة رجعت ليورة وهو بدة يتقدم بديت اصيح وهو ركض سد حلكي ويجر بية ليور 

- لا يا حلوة اليوم نلعب وبعدين ادزج لرجلج 

جان خانكني غمضت وشوية وبعد محسيت بايدة فتحت عيني شفت 

لؤي يضرب بي بقوة دمى عافة بالكاع مشمور واجة يمي 

- مينا مينا بيج شي جاوبيني سوة شي 

-جنت اتنفس بصوت عالي وكلش خايفة 

- وليد وليد اريد وليد 

- هذا تلفونج 

لزمت تلفوني ما اعرف شلون ايدي ترجف دكيت علي 

- وليدد اااه

جان كل جسمي يرجف ومصدومة كلش مدا اعرف شحجي جر التلفون مني لؤي وراح بعيد مسمعت شحجة وبعدين راح كعد فوك امجد 

ضليت كاعدة مكاني دقايق واجة وليد يركض 

- مينا حبيبتي بيج شي سوالج شي اصحي وياية 

جان يهز بجتفي حضنتة حيل وبكل قوتي حسيت اذا فكيت هذا الحضن راح يختفي ويضل امجد سمعت دورية الشرطة اجتي ووليد بعدة حاضني ويطبطب على ظهري 

- كافي اني يمج يعمري كافي كلشي مراح يصير 

- وليد امجد امجد 

- اششششش كافي اني هنا كافي امجد اخذو كلشي ميسوي بعد كافي اخذني للسيارة كعدني هناك شفتة راح يم لؤي حجوا ورجع صعد هاج اشربي هذا انطلني عصير ومي ايدي بعدها ترجف 

شربت المي 

- اشربي العصير السكر هبط عدج 

شربت  

لزم ايدي وضغط عليها حسسني انو هو هنا بصفي رجعنا للبيت 

جنت ابيت عمي معزومين على الغدة كلت من تخلص محاضرة مينا اجيبها لهنا 

جنت دا اتغدة سمعت التلفون اخذتة شفت مينا شعدها المفروض بالمحاضرة فتحت التلفون 

- الو ها حبيبتي 

صوتها يرجف ومدا افتهم شتحجي 

بعدين حجة وياية ولد 

- منو انت 

كمت من الميز 

- شنو شنو شصار 

- اني طالب وية مينا واكو واحد حاول يخطفها هسة احنا بالفرع الي بصف المعهد ومينا حالتها مدهورة وهو مشمور بالكاع 

- جاي جاي اني جاي 

- وليد شكو يمة احجي 

- شبيها مينا كول 

عفتهم ورحت اركض اثناء مصعدت السيارة دكيت على الدورية تتوجه قبلي لهناك بيت عمي كلش قريب على المعهد وصلت اقل من ٥ دقايق من كثر السرعة الشوارع فارغة 

-ربي سترك 

نزلت من السيارة اركض اريد اشوفها وين شفت ولد كاعد على واحد امدد ومينا كاعدة بالكاع راحت ركضت شبكتها جانت ترجف بين ايدية وجهة اصفر وشفايفها بيض طمنتها اجتي الدورية اخذت الحيوان واني اخذت مينا للسيارة كعدتها ورجعت 

- انت منو 

- اني لؤي الي اتصلت عليك هذا تلفون مينا وجنطتها  

- شنو الي صار 

- مينا جانت كاعدة بصفي شفتها كامت ونست تلفونها رحت وراها شفت الكلب خانك وجهة ويكللها " لا يا حلوة اليوم نلعب وادزج لرجلج" بس الحمدلله كلتلتة وهو ضعيف اتخربط 

- تسلم ما اعرف شلون اردلك هلجميل بس احنا هسة نحتاجك بالتحقيق راح نستدعيك كشاهد 

- ان شاء الله

رحت اشتريت عصير ومي لمينا اكيد سكرها هبط 

صعدت السيارة انطيتهيا وجهةراصفر وايدها ترجف ردت اطمنها لزمت ايدها حركا السيارة رجعت للبيت مالتنا فتحت الباب شلتها بايدي ودخلت للبيت صعدتها لغرفتي حطيتها بالفراش غطيتها زين حضنتها وضليت العب بشعرها 

اريد احسسها بالامان وانو الموضوع خلص وكلشي بخير شفتها نامت طلعت من الغرفة فتحت تلفوني مية مكالمة اتجاهلت الكل ودكيت علو صديقي حسن 

- الو اجاك واحد اريدك اتنعنشة 

- تدلل 

دكيت على اهلي طمنتهم

رجعت يم مينا شوية وفزت مخروعة 

- وليد امجد امجد 

- اعرف ميحتاج اتكليلي وهو بالسجن هسة كافي اتخافين 

- هذا يطلع 

- لا ميطلع كافي مينا انتي مرة وليد ميصير اتخافين 

حضنتني وضلت بحضني 

- بعد ما اروح للمعهد 

- حجة الكسلان 

رفعت راسي 

- يعني تقبل اروح 

- طبعا بس مطلعين من بابة اكسرها لرجلج

- عوف رجلي بحالها

حبل الخوف شي يقيدنا يقيد حركتنا وفكرنا ومشاعرنا كلشي يتقيد بي لا يخليك اتفكر ولا يخليك تتحرك واحيانا يخليك ترضخ لظروف 

نصيحتي لتخلي حبل الخوف يقيدك اكطعة واتقدم بحياتك صارع للاخير واجه وقاوم ولتتخذ الهروب حل الك 

خليك قوي....

شكرا لزيارتكم عالم روايات سكيرهوم